التجمع الثالث لأمهات شهر (6)يونيو 2012 لشهر شوال

الدمشقية;16282468:
حبيبة قلبي والله ربي يسعدك كلك ذووووق ....
شايفة بدأ العد التنازلي هههههه الله يسهل وييسر امرنا ربي يسمع منك ياقمر .... الحمد لله مااحس بثقل وتعب كثييير يعني لولا وجع الرجلين العفو كنت بقووولك كل شي اوووكي
بس الحمد لله احس حالي افضل من غيري يارب لك الحمد

اللهم امين الله يحفظ اولادكم من كل شر واذى يارب تشوفوهم معاريس ... الايام تركض بسرعة لسى مبارح كنتو عم تحكو متى تولدوا وتفتكوا هههههه ... سبحان الله

حبتج العافية :L:

الحمد لله... الله لا يضرج و يتمم لج على خير و عقبال ما نبارك لج بسلامتج انتي و العروسة F:

بنوتااات... بكرة إن شاء الله معزومين عند بيت حماي ساكنين بيت جديد... و أنا و زوجي محتارين بالهدية...

رحت اليوم سنتر بوينت بما إنه قريب من بيتي، و طلعت منه و لا خذت شي :-#

بصراحة أغراضهم حلوة و احترنا، هو يقول طقم مواعين أو و انتوا بكرامة طقم حمام، و أنا أقول فشلة يعني أخوه لازم هدية أكبر خصوصاً إنه أخوه الكبير... عجبتني المرايات الكبيرة و مجموعة التحف اللي تجي مجموعة طقم... لكن ما اتفقنا و طلعنا...

هم بيتهم تقريباً فاضي يعني بيأثثون عالراحة و اللي عندهم حالياً أثاثهم القديم و الأساسي بس! يعني أي شي بيكون مفيد لهم...

سلفتي بتاخذ لهم ساعة جدار كبيرة، و بنت عمي خذت طقم سفرة... شوروا عليّ الله يعافيكم في وقت لين بكرة العصر قبل ما أروح!

حبيبة قلبي ام عزززوز تحلى ايامك ولياليكي ياااااارب ....... الله يحفظلكم المعاريس اسم الله عنهم ولنا الشرف هو احنا نطوووول ^_^

انا الحمد لله بالف نعمة من الله ومحمود وشام يبوسوا خدوودك ... عم يستنوا البيبي حتى تجي حتى يساعدوني فيها خخخخخخ
واحد بدو ينيمها ويحكيلها قصص وشامو بدها تأكلها وتنظفها ههههه ^_^ الله يحنن قلوبهم على بعض يارب

انا راح ادور على الصدريات بكارفور ماعاد في بجدة غير فرعين بس لكارفور ههه علّ وعسى نلاقيها
واذا مالقيناها عاد الله يعينها الغالية ام راشد تبعثلنا درزن خخخخخ

تسلمي ام رشود وعلي ياااااحبي لاسم علي ^_^ الله يحفظهم يارب

وانا رايي من رايك طقم حمام لحاله مو حلو وخاصة انه اخوه مثل ماذكرتي

وطقم المراية احلى وافخم ... وممكن طقم التحف بالاضافة لطقم الحمام تطلع هدية معتبرة ولايقة ... ومنزل مبارك لهم

Daisy Ash;16284882:
بنوتااات... بكرة إن شاء الله معزومين عند بيت حماي ساكنين بيت جديد... و أنا و زوجي محتارين بالهدية...

رحت اليوم سنتر بوينت بما إنه قريب من بيتي، و طلعت منه و لا خذت شي :-#

بصراحة أغراضهم حلوة و احترنا، هو يقول طقم مواعين أو و انتوا بكرامة طقم حمام، و أنا أقول فشلة يعني أخوه لازم هدية أكبر خصوصاً إنه أخوه الكبير... عجبتني المرايات الكبيرة و مجموعة التحف اللي تجي مجموعة طقم... لكن ما اتفقنا و طلعنا...

هم بيتهم تقريباً فاضي يعني بيأثثون عالراحة و اللي عندهم حالياً أثاثهم القديم و الأساسي بس! يعني أي شي بيكون مفيد لهم...

سلفتي بتاخذ لهم ساعة جدار كبيرة، و بنت عمي خذت طقم سفرة... شوروا عليّ الله يعافيكم في وقت لين بكرة العصر قبل ما أروح!

الهدايا دااايم تحير والله

طقم المرايه اللي للمداخل فكره حلوه:thumbs_up:
اعتمديها

الدمشقية;16285050:
حبيبة قلبي ام عزززوز تحلى ايامك ولياليكي ياااااارب ....... الله يحفظلكم المعاريس اسم الله عنهم ولنا الشرف هو احنا نطوووول ^_^

انا الحمد لله بالف نعمة من الله ومحمود وشام يبوسوا خدوودك ... عم يستنوا البيبي حتى تجي حتى يساعدوني فيها خخخخخخ
واحد بدو ينيمها ويحكيلها قصص وشامو بدها تأكلها وتنظفها ههههه ^_^ الله يحنن قلوبهم على بعض يارب

انا راح ادور على الصدريات بكارفور ماعاد في بجدة غير فرعين بس لكارفور ههه علّ وعسى نلاقيها
واذا مالقيناها عاد الله يعينها الغالية ام راشد تبعثلنا درزن خخخخخ

ويحلي ايام ياارب
واحنا نتشرررف والله الدم الشامي منا وفينا ;)

اقول الحين بس حكي والواقع يختلف اسأليني انا :'(
اول ماولدت ماكان في غيره بس اظن دوري شاف الوضع مطول وبدت الغيره هو عض او قرص او صراخ بالوجه او البوسه المفتعله خخخخخخ
انا بدورها بسنتر بوينت يارب الاقيها اما كارفور ماقد رحت له :lol:

الله يهدي عيالنا يارب ويحميهم

الدمشقية;16285054:
تسلمي ام رشود وعلي ياااااحبي لاسم علي ^_^ الله يحفظهم يارب

وانا رايي من رايك طقم حمام لحاله مو حلو وخاصة انه اخوه مثل ماذكرتي

وطقم المراية احلى وافخم ... وممكن طقم التحف بالاضافة لطقم الحمام تطلع هدية معتبرة ولايقة ... ومنزل مبارك لهم

أم عزوز001;16285584:
الهدايا دااايم تحير والله

طقم المرايه اللي للمداخل فكره حلوه:thumbs_up:
اعتمديها

ربي يعطيكم العافية حبايبي...

فعلاً المراية خاشة مزاجي بقوة... بس اللي صار إن زوجي قال نروح لهم الحين و نثبت الأشياء مثل لون صبغ الجدران و لون سيراميك البيت و الحمام و انتوا بكرامة و المساحات عشان نشوف الأنسب لهم و نشتريه، و هو بعدين بيرسل لهم الهدية بيوم ثاني...

الله يرزقنا وياكم ببيت الحلال اللي تسرح و تمرح فيه الخيل :D

F:

الله يعافيك ام راشد
وربي يهنيهم ويرزقك البيت الحلال ويردون لك الهديه

اللهم امين يرزقنا واياكم


كيف علاوي واخبار اخوانه؟

بديت اطعم سوسو اشياء خفيفه مثل عصير البرتقال وتفاح مبشور واخذت له من الصيدليه بلفيت بلس مناسب من الشهر الرابع
بس كل يوم شغله وحده وبكميات بسيطه عشان يتعود
وملاحظته زادت عنده حركات الدلع والصياح مايبي الجلاسه يصيح بس اتركه لما يسكت

اما الحركات الجسديه للحين كالمعتاد واحيانا يرفع راسه شويه تقول سلفتي ولدها صار ينقلب وهو اصغر من سوسو ب٢٢يوم ماشاء الله
بس هي من النوع اللي ع قولتنا ماتداري عليه خخخخ يقولون هم اللي عيالهم يصيرون اقويا

وش جديدكم

يا هلاا أم عبد العزيز...

علاوي و اخوانه كلهم و لله الحمد بخير عساكم بخير إن شاء الله...

زيين ما شاء الله بديتي بالأكل... توني أمس أشاور أعطيه و لا أنتظر عليه! بس شجعتيني شكلي ببتدي أطعمه إن شاء الله...

ما عرفت بلفيت بلس، أكل أطفال هذا أو حليب؟

و حركات الدلع اخذي و خلي... علوي يبينا بس نقابله و نلعبه لو أحد ما عطاه وجه على طول يصيح و لما نلتفت له يقلبها ضحك...

أما الحركات الجسدية على قولتج، ترى فعلاً الأطفال يختلفون... بنت أخوي أصغر من علوي ب 3 أسابيع و يقول أخوي إنها ترفع راسها و رقبتها شادة أكثر من علي، طلع أخوي يومياً يسدحها على بطنها و أنا بصراحة ما عندي وقت أسدح علوي على طول بالجلاسة أو نايم... بس من علّق أخوي عليه صرت كل يوم أخليه شوي على بطنه، بالبداية يصيح و يعصب و راسه يرفعه بصعوبة، و الحين صار يرفع راسه و يدفع بيده شوي و يرفع كتوفه عن الأرض... بس ما أخليه يطول من أحسه تعب أشيله... لكن للحين ما يقلب...
بس اسم الله عليه من بدري لاحظنا لما نلعبه بحضونا كان يشد و يوقف على رجوله ما يحب يجلس و صار أبوه يمشيه عالأرض خخخ تحمس بزيادة هههههههه
و الحين أحاول أعطيه عضاضات و ألعاب بس توه ما يمسك عدل، يمسكهم شوي و يتركهم و لعبته المفضلة تمصمص يده تشوفين أكمامه كلها تقطر سعابيل خخخ

و اللي ما يدارون يصيرون عيالهم أقويا في هذي صدقتي ههههههه
أشوف عيال جيرانا ما شاء الله عليهم 4 أولاد أكبرهم عمره 8 سنين و أصغرهم ما بعد كمل سنة و كل يوم بالشارع الله يحفظهم حتى الصغير... و يروحون لحالهم للمسجد و الحديقة و يمشون بوسط الشارع! و أنا لما أطلع مع عيالي أمسك أياديهم و أحذر فيهم... و لما علّقت عليهم عند زوجي قال شفيج هذولا هم اللي يصيرون دكاترة :lol:
الله لا يضرهم و يخليهم لأهلهم... يبيلنا نقط عيالنا عالأرض و نخليهم يرعون و يدربسون بروحهم جود يقوون شوي و يشدّون :D

F:

أم عزوز001;16285587:
ويحلي ايام ياارب
واحنا نتشرررف والله الدم الشامي منا وفينا ;)

اقول الحين بس حكي والواقع يختلف اسأليني انا :'(
اول ماولدت ماكان في غيره بس اظن دوري شاف الوضع مطول وبدت الغيره هو عض او قرص او صراخ بالوجه او البوسه المفتعله خخخخخخ
انا بدورها بسنتر بوينت يارب الاقيها اما كارفور ماقد رحت له :lol:

الله يهدي عيالنا يارب ويحميهم

حبيبة قلبي ام عزوز ربي يسعدك ويشرف مقدارك ياربF:

عارفة اولادك ام عزوز صغار وخاصة الثاني والثالث اسم ربي يحميهم فاحتمال الغيرة المؤذية كبيييرة بينهم ... اما انا فبين شام والبيبي اذا جت ان شالله سبع سنين ونصف تقريبا
وبين محمود والبيبي تسع سنين ونص ... فيعني اشوى شوي هههه الله يعينا

تصدقي رحت سنتر بوينت واقول ياربي شو بدي جيب شو بدي جيب ونسيت خخخخ وطلعت ولا اتذكرت المراييل ههههه

Daisy Ash;16287812:
ربي يعطيكم العافية حبايبي...

فعلاً المراية خاشة مزاجي بقوة... بس اللي صار إن زوجي قال نروح لهم الحين و نثبت الأشياء مثل لون صبغ الجدران و لون سيراميك البيت و الحمام و انتوا بكرامة و المساحات عشان نشوف الأنسب لهم و نشتريه، و هو بعدين بيرسل لهم الهدية بيوم ثاني...

الله يرزقنا وياكم ببيت الحلال اللي تسرح و تمرح فيه الخيل :D

F:

امييييييييييين يارب يرزقنا جميييع بالدنيا والاخرة
وانتي ام الذوووق ام راشد فمارح تعجزي عن اختيار الهدية ,,,,

الدمشقية;16290670:
حبيبة قلبي ام عزوز ربي يسعدك ويشرف مقدارك ياربF:

عارفة اولادك ام عزوز صغار وخاصة الثاني والثالث اسم ربي يحميهم فاحتمال الغيرة المؤذية كبيييرة بينهم ... اما انا فبين شام والبيبي اذا جت ان شالله سبع سنين ونصف تقريبا
وبين محمود والبيبي تسع سنين ونص ... فيعني اشوى شوي هههه الله يعينا

تصدقي رحت سنتر بوينت واقول ياربي شو بدي جيب شو بدي جيب ونسيت خخخخ وطلعت ولا اتذكرت المراييل ههههه




,,,,

ويسعدك حبيبتي :o
فرق بين دوري والنونو ع قولتك اربع سنين ونص بالبدايه ماكان يغير بس اظن شاف الوضع تغير والاهتمام قل قال لازم من حركات الغيره :lol:
وبالبدايه كان عزوز هو الغيرااان والفرق سبع سنين تقريبا وكانت غيرته ع اهتمام وليش اشيل اخوه وليش اسوي كذا وليش وليش

عسى ربي يهدي عيالنا ويحفظهم

ماحصلت المراييل بسنتر بوينت علما باني اذكر شايفه كرتون وفيه من قبل بدورها بالهايبر ماركت لعل وعسى خخخخ

Daisy Ash;16289823:
يا هلاا أم عبد العزيز...

علاوي و اخوانه كلهم و لله الحمد بخير عساكم بخير إن شاء الله...

زيين ما شاء الله بديتي بالأكل... توني أمس أشاور أعطيه و لا أنتظر عليه! بس شجعتيني شكلي ببتدي أطعمه إن شاء الله...

ما عرفت بلفيت بلس، أكل أطفال هذا أو حليب؟

و حركات الدلع اخذي و خلي... علوي يبينا بس نقابله و نلعبه لو أحد ما عطاه وجه على طول يصيح و لما نلتفت له يقلبها ضحك...

أما الحركات الجسدية على قولتج، ترى فعلاً الأطفال يختلفون... بنت أخوي أصغر من علوي ب 3 أسابيع و يقول أخوي إنها ترفع راسها و رقبتها شادة أكثر من علي، طلع أخوي يومياً يسدحها على بطنها و أنا بصراحة ما عندي وقت أسدح علوي على طول بالجلاسة أو نايم... بس من علّق أخوي عليه صرت كل يوم أخليه شوي على بطنه، بالبداية يصيح و يعصب و راسه يرفعه بصعوبة، و الحين صار يرفع راسه و يدفع بيده شوي و يرفع كتوفه عن الأرض... بس ما أخليه يطول من أحسه تعب أشيله... لكن للحين ما يقلب...
بس اسم الله عليه من بدري لاحظنا لما نلعبه بحضونا كان يشد و يوقف على رجوله ما يحب يجلس و صار أبوه يمشيه عالأرض خخخ تحمس بزيادة هههههههه
و الحين أحاول أعطيه عضاضات و ألعاب بس توه ما يمسك عدل، يمسكهم شوي و يتركهم و لعبته المفضلة تمصمص يده تشوفين أكمامه كلها تقطر سعابيل خخخ

و اللي ما يدارون يصيرون عيالهم أقويا في هذي صدقتي ههههههه
أشوف عيال جيرانا ما شاء الله عليهم 4 أولاد أكبرهم عمره 8 سنين و أصغرهم ما بعد كمل سنة و كل يوم بالشارع الله يحفظهم حتى الصغير... و يروحون لحالهم للمسجد و الحديقة و يمشون بوسط الشارع! و أنا لما أطلع مع عيالي أمسك أياديهم و أحذر فيهم... و لما علّقت عليهم عند زوجي قال شفيج هذولا هم اللي يصيرون دكاترة :lol:
الله لا يضرهم و يخليهم لأهلهم... يبيلنا نقط عيالنا عالأرض و نخليهم يرعون و يدربسون بروحهم جود يقوون شوي و يشدّون :D

F:

ياهلا ام رشود
احنا الحمدلله بخير ونعمه
اي والله بديت معه ع الخفيف وخذي انواع القذائف :cool: واخاف عليه مع العصير من الشرغه بس وراه وراه :lol::lol:

بلفيت بلس نفس السريلاك بس يجي بكرتون داخله كيس مضغوط وقريت عنه بالنت كثير يمدحونه والصيدلي قال ممتاز وتوكلت على الله
شرايك بالعصيرات اللي بالصيدليه للاطفال؟ قد استخدمتيهم؟

انا صراحه اخليه بالجلاسه حتى امي تقول كل ماكلمتك قلتي بالجلاسه :-# واحيانا اسدحه ع الكنب جنبي بس يبغالهم مفرش يكون ع الارض وياخذون راحتهم عشان الحركات
اشوف سوسو احيانا احطه بنص السرير ارجع له الا مغير مكانه لانه يرافس ويناقز صرت اخاف اخليه ع السرير
بفتح له مفرش الالعاب يمكن تشده ويتقلب عليه :worn_out:اما الامساك بدري عليهم مايتحكمون بايديهم للحين
والسعابيل حدث ولا حرج انواع الصدريات ومو ملحقه الكل يقول من التبوس بفمه واخوانه مو مقصرين

ام راشد من اليوم بنقططهم ههههه نبيهم دكاتره
لان سبحان الله يتعود الجسم ع الحركه ويشد بسرعه
وبيني وبينك لاحقين وربي يخليهم وبيبدعون لنا

ربي يحميهم
كيف رشود مع المدرسه :study:

عساكم دووم بخير ياا رب...

يا حلوه ههههههه إي توهم للحين ما تعودوا على بلع الأكل... علي عطيته اليوم تفاح بعد كل لقمه يقشعر جسمه و يقعد ينتفض اللي يشوفه يقول معطته مرة مو تفاح ههههههههه و ضحكني يحسب الملعقة رضعة و يقعد يمصمصها و إذا شلتها هدها صيحة :lol:

ما قد سمعت فيه بلفيت بلس، بس ما يمنع نجربه... أما العصيرات الجاهزة و لا مرة جربتها... تصدقين إني ما أعطي عيالي عصيرات! جربت في راشد يمكن مرة أو مرتين عصير برتقال بعدين هونت... و حتى الماي في هالسن ما أعطيهم و أمي دايماُ تهاوشني على سالفة الماي :worn_out:

الله يحفظه سوسو... انتبهي له ترى بغمضة عين يسوون شي ما تتوقعينه... حياتي رشود لأنه أول واحد صارت فيه التجارب و ياما كل من الطيحات :(
فكرة مفرش الألعاب حلوة، أنا عندي مفرش كبير للغيار أفرش علأرض بطانية خفيفة و فوقها هذا المفرش... أخذته من سنتر بوينت و حجمه كبير يكفي يغطي مرتبة السرير و عندي واحد صغير من أيام رشود هذا آخذه معاي بالشنطة عشان إذا جيت أغير لهم برا البيت أحطهم عليه... خذي واحد حق سوسو و حطيه عليه، علوي صار يدفع بيد وحدة يحاول ينقلب بس بعد يبيله تمارين بعد للحين عضلاته رخوة خخخ

رشودي طيب ما عليه... و أخيراً الحمد لله صار يجي يقول ماما أنا أحب المدرسة المدرس عطاني حلاوة خخخ الله يعطيه العافية ذا المدرس اللي خلاك تحب المدرسة :lol:
بس مسكين أحس تعب عليه الواجبات و الحفظ، تشوفينه في البداية يتحمس معاي بس بعدين يتنح و يقعد يصيح... هذا و هو توه في الحمد ما شاف شي الله يكون في العون...

و عبد العزيز شخباره؟ هو بصف أول ولا ثاني؟

اليوم رحت الظهران قلت بشتري للعيد، و من دخلنا و يشتغل مستر علي صياح! حاولت أرضعه ما في فايدة غيرت له نفس الشي، ما سكت إلا لما أبوه شاله و خلاه يتفرج عالعالم :!!: تخيلي نتفه و مرتز على كتف أبوه و يتفرج! و الله انزعجت و لا خذت راحتي آخر شي قلت ياللا مشينا! شكلي المرة الجاية إن شاء الله بحطه عند أهل زوجي، حرام الأطفال ناخذهم السوق بهالعمر لا هم يرتاحون و لا حتى أمهاتهم...

F:

عساكم دووم بخير ياا رب...

يا حلوه ههههههه إي توهم للحين ما تعودوا على بلع الأكل... علي عطيته اليوم تفاح بعد كل لقمه يقشعر جسمه و يقعد ينتفض اللي يشوفه يقول معطته مرة مو تفاح ههههههههه و ضحكني يحسب الملعقة رضعة و يقعد يمصمصها و إذا شلتها هدها صيحة :lol:
هههه اي والله نفس سوسو تجيه رعشه ويبووز بشفايفه
ما قد سمعت فيه بلفيت بلس، بس ما يمنع نجربه... أما العصيرات الجاهزة و لا مرة جربتها... تصدقين إني ما أعطي عيالي عصيرات! جربت في راشد يمكن مرة أو مرتين عصير برتقال بعدين هونت... و حتى الماي في هالسن ما أعطيهم و أمي دايماُ تهاوشني على سالفة الماي :worn_out:
انا شفته هو الوحيد من عمر اربع اشهر لان سريلاك وميلوبا من 6شهور ،اما العصيرات متردده بعصيرات المعلبه عادة بهالسن اعطيهم بس عصير برتقال مخفف بدون سكر ،وبعدها بعمر ست شهور وفوق اخلط الفواكه بالخلاط واعطيهم بالرضاعه وتكون الحلمه واسعه لانه ثقيل شوي ،والماي اعطي سوسو اذا كنت اكله بلفيت بلس بين كل ملعقتين ملعقة مويه ،وحتى امي تهاوشني تقول لاتشربين ماي يوم وشوفي اذا تقدرين:(
الله يحفظه سوسو... انتبهي له ترى بغمضة عين يسوون شي ما تتوقعينه... حياتي رشود لأنه أول واحد صارت فيه التجارب و ياما كل من الطيحات :(
فكرة مفرش الألعاب حلوة، أنا عندي مفرش كبير للغيار أفرش علأرض بطانية خفيفة و فوقها هذا المفرش... أخذته من سنتر بوينت و حجمه كبير يكفي يغطي مرتبة السرير و عندي واحد صغير من أيام رشود هذا آخذه معاي بالشنطة عشان إذا جيت أغير لهم برا البيت أحطهم عليه... خذي واحد حق سوسو و حطيه عليه، علوي صار يدفع بيد وحدة يحاول ينقلب بس بعد يبيله تمارين بعد للحين عضلاته رخوة خخخ
اما الطيحات الحمدلله لازم اصابات بس تهون عن غيرهم ذكرتيني دوري بعمر سنتين طاح من الدرج وربي ستر الحمدلله
حاليا صرت افرش له ع الارض واخليه يلعب لان مفرش الالعاب بالاحساء ماجبته معي :-# وانا لازم اذا بطلع اشيله بمفرش للحين ع قولتك رخو ومفرش التغيير جاي طقم مع الشنطه :thumbs_up:
رشودي طيب ما عليه... و أخيراً الحمد لله صار يجي يقول ماما أنا أحب المدرسة المدرس عطاني حلاوة خخخ الله يعطيه العافية ذا المدرس اللي خلاك تحب المدرسة :lol:
بس مسكين أحس تعب عليه الواجبات و الحفظ، تشوفينه في البداية يتحمس معاي بس بعدين يتنح و يقعد يصيح... هذا و هو توه في الحمد ما شاف شي الله يكون في العون...

و عبد العزيز شخباره؟ هو بصف أول ولا ثاني؟
الحمدلله ربي يهديه ويصلحه وادعي له دايم ينور بصيرته ويكون من الحافظين للقران يارب
والله ماينلامون دروسهم تغث وصعبه الله يرحم ايام قرأ وكتب
عزوز بصف ثاني بس مزاااااجي جدا يوم بيذاكر ويوم ماعندهم شي والواجبات مليانه ربي يهديهم
اليوم رحت الظهران قلت بشتري للعيد، و من دخلنا و يشتغل مستر علي صياح! حاولت أرضعه ما في فايدة غيرت له نفس الشي، ما سكت إلا لما أبوه شاله و خلاه يتفرج عالعالم :!!: تخيلي نتفه و مرتز على كتف أبوه و يتفرج! و الله انزعجت و لا خذت راحتي آخر شي قلت ياللا مشينا! شكلي المرة الجاية إن شاء الله بحطه عند أهل زوجي، حرام الأطفال ناخذهم السوق بهالعمر لا هم يرتاحون و لا حتى أمهاتهم...
ههههههه تخيلت شكله وهو مرتز :lol:
انا احط سوسو بالعربيه ودايم اسدحه فيها بس هاليومين صرت اعدل الكرسي لوضيعة الجلوس واربط الحزام واخذت له لعبه من سنتر بوينت معلقتها فيها ومره يلعب ومره يصارخ واضطر اجلس ارضعه واحيانا يدوخ من الفراره وينام :confused:
اذا عندك احد يمسكه اريح لك اجل خليه عندهم وعيد الاضحى دايم مانكثر له ملابس جاي بعده الشتاء وتحتارين وش تاخذين شتوي ولا صيفي ،انا اخذت لسوسو جاكيت خفيف قلت تحسبا لاي طارئ

دليل الالعاب للرضع والاطفال

بساط اللعب

حديثو الولادة لا يفعلون شيئا غالبا سوى الأكل والنوم والإخراج ثم الأكل والنوم والإخراج مرة أخرى. ولكن مع الشهر الثالث، ستبدأين في الشعور أن هذا المخلوق الصغير في حاجة للتسلية والإنشغال باللعب.. وستسألين نفسك، ماذا يمكن أن أشترى له من ألعاب في هذه المرحلة؟

بينما يستمتع كل طفل بأن تلعب الأم معه تلك الألعاب البسيطة ذات الرتم الواحد مثل أن تخفي وجهها ثم تكشفه فيضحك هو، فإننا كأمهات نفضل أن نجد ألعابا تسليهم وكذلك تعلمهم وتطور من مهاراتهم الوليدة.


بداية من سن 4 شهور، يجب أن تبدأي في تشجيع ابنك على اللعب - وهو لم يعرف الجلوس بعد - لتقوية عضلات الرقبة وتشجيعه قدر الإمكان. وهنا يأتي "بساط اللعب" مناسبا حتى لمن هم في عمر يوم واحد. فبساط اللعب هو بساط معلقة به بعد الأشكال والعرائس الملونة وناعمة الملمس. بعض هذه الأبسطة يناسب الطفل في مرحلة النوم على الظهر، أو الجلوس أو الحبو. هذا النوع من الألعاب مناسب جدا لتطوير الحركة لدى الطفل وكذلك تطوير التنسيق بين الرؤية واستخدام اليدين.

الخشخيشه او العضاضه



يبدأ الأطفال في الاهتمام بالشخشيخة في المرحلة السنية من 3 إلى 6 شهور. هذه اللعبة تدخل الكثير من المرح على قلب الطفل لأنها سهلة في المسك وتصدر صوتا كلما حركها. هناك أيضا شخشيخة يمكن وضعها في القدم، فيميل ابنك لتحريك قدميه حتى يسمع الصوت. يتعلم الطفل من خلال الشخشيخة فكرة "السبب والأثر".. فكلما حرك الشخشيخة أصدرت صوتا.. كالسحر!

أما العضاضة فهي وسيلة الطفل للتخلص من التوتر والألم الذي يشعر به في اللثة. يميل الطفل لوضع أغلب الألعاب في فمه في السنة الأولى، فلما لا تعطيه لعبة مخصصة لذلك..

أجمعين ياا رب...

رحت أمس و أخذت بيلفت بلس بالفواكه، كان ودي بالرز بس ما لقيت... بجرب معاه اليوم إن شاء الله...

سلامته دوري، رجال إن شاء الله... الله يحفظهم هالعيال...

علوي صار يحب جلسة الأرض، صاير يتلفت براحته و يرفس برجوله و يدف نفسه لين يطلع برا المفرش... صج الجلاسة يا حرام متعبة لهم علوي من أنزله بحطه فيها يقعد يصيح حبيبي، شكله في خاطره يقول بتحطني بالسجن خخخ

و آمييين ياا رب يشرح صدر راشد للدراسة... على حفظ القرآن، قلت لزوجي يسجله بحلقة تحفيظ بالمسجد، الحمد لله هو مرتاح من المدرس حقهم و صار يحب يحفظ و يسمّع عكس أيام الروضة، الله ييسر له...

و الواجبات و ما أدراك ما الواجبات... لازم يومياً تحضير و مراجعة و أنا ضاغطه عليه بعد زيادة في مادة لغتي، أشوف بنت سلفتي كبر راشد و ما شاء الله مدرستهم مهتمين بمنهج لغتي و يعطونهم إملاء و قراءة و مسابقات تشجيعية، أما مدرسة راشد مو متعبين نفسهم غير الكتاب في ملزمة للحروف و فيها كلمات إملاء لكن الكلمات مركبة غير مفهومة يعني يركبونها بس عشان يوضحون الحركات و المدود بدون ما يكون لها معنى...

قدامهم مشوار الله يكون في عونهم و يوفقهم...

يعجبج علوي ما عليج يحب الترزز ههههههههه
للحين و الله ما رحت السوق، و غير كذا بعد الويك اند الجاي عشا تمايم بنت أخوي و لازم أدور لي شي ألبسه بعد... الله يعين عالفرفرة...
و السوق الحين أغلبه تخفيضات على ملابس الشتا للسنة اللي فاتت يعني اللي بيشتري فرصته...

يسعد صباحك ام رشوود

اخباركم

بلفيت بلس بالفواكه من الشهر الرابع؟او السادس؟ كان انتبهتي

هههه نفس سوسو يطلع من المفرش ولا كأنه تحته ،ولاحظت من احطه بالجلاسه يصارخ بس صرت اتعب اذا بس مجلسته بحضني ارتبط معه
حتى المطبخ احيانا ادخل وهو ع يدي

خشخيشة المعصم والكاحل: اربطي الخشخيشة في معصم طفلك أو كاحله لتصدر صوتا كلما حرك يديه مما يدفعه لحركه اكثر حتى يكتشف مصدر الصوت
مررره مبسوط سوسو عليها كل ماحرك ايده طلعت صوت ،اللي عندي من عمر عزوز وادور ع زيها مو محصله مدري وين الاقيهم

انا لاحظت لما كان عزوز العام بمدرسة بنات مثل ماقلتي حريصين وكل شوي طلبات وكل مره جيبو صور وسوو اوراق فيها حروف وكذا
اما هالسنه عند المدرس يعطيهم الدرس وبس مافي مجال لاي نشاط

والله يعينهم جد المشوار طويل والدراسه صعبه وذهنهم مو صافي للمذاكره ع قولة عزوز وهو يلعب كره انه يتدرب لانهم بالمدرسه مسوين دوري والمواد الثانيه ناسيهم خخخخخ

وانا عندي زواج ع يوم الخميس جات الاجازه وبدت العزايم الله يديم الافراح
خلينا نخلص من العيد وننزل السوق ناخذ شتوي الله يعين

اخبار ايامك اللي فطرتيها برمضان خخخخ كم جمعتيها وصمتي ولا للحين
انا بديت فيهم ابي اخلصهم قبل يوم عرفه عشان اصومه

العاب الطفل من ٣شهور الى ٦ شهور



حين يدخل الطفل هذه المرحلة، يكتشف كم يمكنه أن يتمتع بيده بعدما انتهت مرحلة إغلاقهما مثل القبضة. ربما تجدينه يمصّ أصابعه ويستخدمها للإمساك بلعبة وضعت بين يديه. وقد بدأ يصل بيديه إلى الألعاب، وسرعان ما سيتعلّم تحريكها إلى الأمام والخلف بيديه وكيفية لفّ معصمه لينظر إلى اللعبة من جميع الجهات، وهذه الخطوة تسبق وضعها في فمه!

تأكدي من أن جميع الألعاب آمنة لو مضغها الطفل. حاذري تثبيت لعبة في مهده (سريره الصغير) أو في الملعب النقّال الصغير باستخدام خيط أو شيء مطاطي، فقد يؤدي إلى اختناق الطفل أو حبسه في المكان. مع بلوغ طفلك شهره السادس، ربما يستطيع الجلوس فيتمكّن من النظر إلى الحياة بطريقة جديدة بحيث يصبح هو مركز عالمه المتغير والمليء بالأصوات والألوان الزاهية.

حصيرة الألعاب الرياضية:
وهي عبارة عن حامل أو مشجب (علاقة) تتدلى منها الألعاب و/أو يمكنك تعليق ما تشائين من إضافات عليها. وهي مصممة فقط للطفل الذي ما زال يستلقي ولا يستطيع الجلوس، ولكنه قد يجعل الحياة أكثر إثارة بالنسبة لطفلك في هذا السنّ. يستطيع طفلك أن يحرّك الألعاب ويضربها أو يجذبها أو يلّفها ويهزها لتصدر أصواتاً. وقد تلاحظين أنه بدأ يفقد الاهتمام بهذه الحصيرة الصغيرة مع بلوغه الخمسة أشهر من العمر تقريباً حين يشرع في التدحرج والتقلّب.

الخشخيخة (الشخشيخة) خفيفة الوزن:
يحب الأطفال الصغار إصدار الضوضاء والجلبة. لذا، أعطي طفلك خشخيشة وراقبيه وهو يهزّها. شغلي لطفلك أغاني أو أناشيد الأطفال ذات الإيقاع القوي حتى يتناغم معها – فالأطفال في هذا السنّ يطربون لمثل هذه النغمات. تكون بعض الخشخيشات شفافة تتيح للطفل أن يرى ما بداخلها ويعرف ما الذي يصدر هذا الصوت المحبّب.

قضبان الأنشطة:
هي قضبان تعلّق بها ألعاب بلاستيكية تصدر أصواتاً قوية ويمكن سحبها وشدها، وهي توضع فوق مهد الطفل أو مقعد الأطفال الخاص بالسيارة أو عربة الطفل. هكذا، يستطيع طفلك الترفيه عن نفسه خلال الرحلات الطويلة في السيارة أو حين يركب عربته عبر استكشاف ما حوله من ألعاب مثيرة للاهتمام تصدر أصواتاً ويمكن شدّها وجذبها.

الألعاب الطرية:
في هذه المرحلة العمرية، يكوّن الكثير من الأطفال علاقة مع لعبة طرية معينة يمكن احتضانها. ابتعدي عن الألعاب التي صنعت أطرافها (مثل الأذنين أو الذيل) من الأسلاك نظراً لخطورة احتمال بروز السلك من قماش اللعبة وأذية الطفل. في هذه الحال، أنت تحتاجين إلى الدمى والحيوانات ذات الأجزاء التي تمّت خياطتها، فالألعاب الطرّية ذات العيون والأفواه المصنوعة من البلاستيك قد تتسبّب باختناق الطفل إن ابتلعها. وتجنّبي أيضاً الألعاب ذات الأجراس والأزرار والشرائط والخيوط التي يمكن أن يسحبها الطفل ويضعها في فمه.

الألعاب المطاطية التي تصدر أصواتاً:
يكتسب أي شيء يمكن أن يسحبه الطفل فيصدر صوت صرير شعبية لدى هذه الفئة العمرية. وتعتبر هذه الألعاب مثالية للاستخدام عند استحمام الطفل. توقعي سماع الكثير من أصوات هذه الألعاب وصوت طفلك.

الكتب الكرتونية المصوّرة:
تفيد القراءة الطفل في أي عمر، وتتحمّل الكتب المصنوعة من الكرتون المقوّى أن يضعها الطفل في فمه كما تتحمل اللُعاب ومعظم أشكال "الحب" الأخرى التي يظهرها الطفل. ويساعد إصغاء طفلك إلى صوتك على سماع اللغة وتعلّمها. إن تنويع نبرات صوتك واستخدام لهجات مختلفة والغناء وإحداث أصوات هزلية تجعل قراءتك مع طفلك أكثر إثارة لاهتمامه.

حلقات التسنين (العضاضات) الملونة:
لا يوجد أفضل من حلقة بلاستيكية ليّنة يعضّ عليها طفلك عندما تؤلمه اللثّة. وتحتوي بعض هذه العضاضات على سائل يبرد عند تخزينها في الثلاجة فتريح صغيرك حين يحتاج إليها.

بساط اللعب:
قومي بفرش هذا البساط على الأرض، فيحصل طفلك على مكان نظيف ومألوف للّعب يجده أينما ذهبتم. وستجدين على طول جوانب هذا البساط مشابك (علاّقة أو خطّاف) صغيرة لتعليق ألعاب طفلك المفضلة.

.

يا هلاا و الله...

أخبارنا تسرّج و لله الحمد...

أنتوا شلونكم عساكم بخير إن شاء الله...

بلفيت بلس خذته من الشهر الرابع... شككتيني رحت أشوفه خخخخ
أذكر لعيالي قبل كنت أشتري لهم رز من الشهر الرابع بس ناسية اسم المنتج حقه!

اليوم عطيت علوي قرع و الحمد لله عجبه... حتى الآن عطيته تفاح و جزر و كمثرى و القرع، باقي باللستة بطاطس حلو و عادي و بروكلي...

يا حلووه سوسو... اسم الله عليهم صاروا يعرفون الشيل... كنت شارية لراشد و هو صغير شيّال مدري شيسمونه خخخ المهم هذا اللي ينربط عالكتف و الخصر و تحطين البزر فيه... فكرت أحط عليّ فيه، بس بعدين هونت لأنه بيتعود عالشيل طوول الوقت و انا مو فاضية له!

و على القراقيش، مثلج اللي عندي على أيام راشد! في عليا أخت زوجي جابت لها هدية قراقيش أشكال و ألوان و طبعاً عيالي ما قصروا فيهم اللي كسروه و اللي ضيعوه!

بالنسبة للدرسة صادقة الحريم بالهم طويل و اهتماماتهم أكثر... عاد المرشد الطلابي قايل لزوجي أيام التسجيل إنهم يطلعون الطلاب الترم الأول يقرون جريدة!! عاد ننتظر و نشوف الله يستر هههههههه

ما شاء الله عليج، زين بديتي بالصيام عشان ترتاحين... أنا يختي من ولدت و الدورة حايستني حوس! ما يمديني أطهر كم يوم إلا هي نازلة مرة ثانية! رحت للدكتورة و قالت هذي لخبطة هرمونات من بعد الولادة و لا رضت تعطيني أي شي ينظمها تقول تنتظم بروحها أو خذي حبوب منع الحمل! خذتها شهر الحين و تركتها و كأنك يا بو زيد ما غزيت... قرفت من عمري لا صلاة و ديانة :(

توني اليوم خلصت دورتي، و بعد بكرة بروح بيت أهلي إن شاء الله و بصوم مع أمي و خواتي مرة وحدة... باقي لي 15 يوم... الله يعيني عليهم و أقضيهم على خير...

اهلييين

احنا الحمدلله بخير

انا شفت البلس بالفواكه من السادس عشان كذا قلت لك يمكن اجل خضار خخخخخ

اللي عندي رز وذره انا كنت اخذ ميلوبا

مدرري احس الخضار بدري عليهم من السادس افضل
اي والله انا تاركته احطه واذا صار يصيح كلمته لما يسكت واخليه ،، القراقيش عندي من حقات بندر بس مايعرف يمسك للحين
ولا يقرون جريده ولا شي يادوب يتهجى متعبني

خذي حبوب خفيفه عشان تتعدل دورتك وش تسوين كذا تعب عليك
الله يعين يارب ونقضيهم