التجمع الثالث لأمهات شهر (6)يونيو 2012 لشهر شوال

هموسه
ربي يبلغنا فيهم يارب
الايام تمشي بسرعه
عقبال مانشوفهم رجال يااارب

هلا ام راشد
مايشوف شر علاوي تغير الجو يتعب الكبير كيف الصغير
انا ملاحظه سوسو يحك خشمه بس مدري ليش

مشكله هالعيال مع الفطور شكلي له واسأليه وش يبي هو قبل تسوينه

اي والله صار يطالعنا احسن له من السدحه
بخصوص الاخوان احاول في دوري يتأقلم ع الوضع معه لانه يغفلني واما يعضه او يصرخ بوجهه

قشرة سوسو مافيها ريحه الحمدلله بس مزعجته ويحكها باخذ له شامبو للقشره من الصيدليه وافكر احلق شعره شوي

الحبوب معاناه جربتها وتعبت وفعلا النشره تخوووووف الاعراض الجانبيه كآبه وبكاء ومدري وشووووو
جربي موانع خارجيه اريح لجسمك
وربي يعينا

��


كتبت: د. عبير بشر

تحرص كل أم على جمال ونظافة طفلها وبخاصة عندما يكون حديث الولادة. وفى بعض الأحيان يبدأ قشر الرأس فى الظهور، وتشعر الأم بالإنزعاج والتقصير بسبب تلك البقع التى تنتشر فى رأس المولود فى الوقت الذى لا يشعر الطفل بها ولا تسبب له ضيقا، ولا يشعربالرغبة فى هرشها بيديه. وربما تظن الأم أن كل من يرى طفلها سيظن أنه نتيجة خطأ تقوم به وأنها أم مهملة. وهنا يجب على الأم أن تقاوم هذا الإحساس بالتقصير.

بعض الأمهات يستجبن لإغراء الإعلانات ويجربن كل أنواع الشامبو الموجود فى الصيدليات بدون جدوى. وفى النهاية تستسلم الأم وتوقن أنه أحد الأعراض التى تختفى من تلقاء نفسها، وأن أفضل حل هو تركها ونسيانها، لأن إحساس الضيق من شكله لن يجدى.

إن قشر الرأس عند حديثى الولادة هو حالة غير ضارة وغير معدية، وهو عبارة عن بقع قشرية تظهر على فروة الرأس بعد فترة بسيطة من الولادة وتستمر لعدة أسابيع أو شهور، وفى بعض الحالات تستمر حتى يبلغ الطفل عامين.

وترجع أسبابه إلى نشاط زائد فى إفراز الغدد الدهنية والأهم هنا معرفة أسباب هذا النشاط، فهو ليس عدوى أو حساسية أو علامة إفتقاد الطفل للرعاية الصحية السليمة وتتلخص أعراضه فى قشور أو شرائح صفراء تغطى فروة الرأس، وقد يبدو جلد رأس الطفل مائلا للإحمرار . . . وقشر الرأس عند الرضيع، بعكس البالغين، لا يسبب له الهرش أو الشعور بعدم الراحة، ويمكن تشخيصه ببساطة بالنظر فى فروة رأس الطفل حيث تبدو الأعراض واضحة، وتنتهى تلك الحالة غالبا من تلقاء نفسها، إلا أن الأم يمكنها أن تساعد فى إزالة القشور عن طريق دهن فروة رأس الطفل بقليل من زيت الزيتون أو زيت الأطفال مع التدليك برقة أثناء فترة الليل، بفرشاة شعر ناعمة أو قطعة ملابس فى الصباح لإزالة القشور، ثم غسل رأس الطفل و شعره بشامبو مخصص للأطفال.

يجب أن تحذر الأم من محاولة نزع تلك القشور من رأس الطفل لأنها يمكن أن تسبب إلتهابا لفروة الرأس أو إصابتها بأى عدوى، وفى بعض الحالات النادرة تمتد قشور الرأس وتظهر على شكل بقع فى الأنف وخلف الأذنين وأعلى الفخذين وأسفل الإبطين وخلف الركبة وعندها تعرف بأنها الإكزيما الدهنية.

شخباركم امهات عساكم بخير يارب

بنتي ريما ما شاء الله بدت تقلب من ثاني يوم من دخولها الرابع

وزنها لما نوزنها يكون زين لكن مو مبين عليها اللي يشوفها يقول ضعيفه يمكن لانها طويله

شورو علي شو اعطيها عشان تسمن شوية

~أحلام~;16255623:
شخباركم امهات عساكم بخير يارب

بنتي ريما ما شاء الله بدت تقلب من ثاني يوم من دخولها الرابع

وزنها لما نوزنها يكون زين لكن مو مبين عليها اللي يشوفها يقول ضعيفه يمكن لانها طويله

شورو علي شو اعطيها عشان تسمن شوية

هلا احلام
نووورتي
اخبارك وكيف ريما
ماشاء الله تبارك الله كبرت وصارت عروسه
بخصوص الوزن اهم شي يكون طبيعي بالنسبه لعمرها وبما أنها دخلت الرابع ابدي طعميها شوي زبادي قليل الدسم وعصير برتقال مخفف وكذا
ويارب يبلغك فيهاا :adore:

الشر ما يجييج حبيبتي أم عبد العزيز...
أبشرج اليوم أحسن الحمد لله...

تصدقين حركة دوري إنه يصرخ نفس حركة رشود، يكون يلعب لحاله فجأة يركض عند أخوه و يصرخ أو يتعمد ينادي بصوت عالي أو يكح عنده! يعني حركات نحاسة هذا و هو الكبير ما هقيتها منه الله يهديهم و يصلحهم...

و مشكورة عالمعلومات بخصوص القشرة... يعني المفروض ما نشيلها و أنا طايحة تقشر فيها خخخ يا عمري علوي لو بيده اشتكى عليّ ههههههه

~أحلام~;16255623:
شخباركم امهات عساكم بخير يارب

بنتي ريما ما شاء الله بدت تقلب من ثاني يوم من دخولها الرابع

وزنها لما نوزنها يكون زين لكن مو مبين عليها اللي يشوفها يقول ضعيفه يمكن لانها طويله

شورو علي شو اعطيها عشان تسمن شوية

يا هلااا و الله أحلام نورتي الموضوع F:

يااا زيين البنات ما شاء الله... ربي يحفظها لج...

مثل ما قالت أم عبد العزيز، ابدي أكليها بس شي بسيط، يعني وجبة باليوم قد ملعقة الأكل الكبيرة...

سلقي تفاح أو كمثرى و طحنيهم و حطيهم بقوالب الثلج و بعد ما يثلجون فكيهم في كيس و فرزنيهم، و بتصير عندج الوجبات مقسمة و جاهزة، سخنيها شوي و عطيها بنتج...

عندج بعد في رز للأطفال مكتوب عليه من الشهر الرابع حلو و تقدرين تخلطينه مع التفاح...

و بالعافية عليها إن شاء الله F:

Daisy Ash;16256022:
الشر ما يجييج حبيبتي أم عبد العزيز...
أبشرج اليوم أحسن الحمد لله...

تصدقين حركة دوري إنه يصرخ نفس حركة رشود، يكون يلعب لحاله فجأة يركض عند أخوه و يصرخ أو يتعمد ينادي بصوت عالي أو يكح عنده! يعني حركات نحاسة هذا و هو الكبير ما هقيتها منه الله يهديهم و يصلحهم...

و مشكورة عالمعلومات بخصوص القشرة... يعني المفروض ما نشيلها و أنا طايحة تقشر فيها خخخ يا عمري علوي لو بيده اشتكى عليّ ههههههه

صباااح الخير

الحمدلله على عافية علاوي

ام راشد الغيره ماتعرف صغير ولا كبير يغاااارون بشكل فظيع الله يهديهم ورشود جد نفس حركات دوري واذا شافه نايم صار حلو يصفق بإيديه :confused:

القشره يقول دلكيها بمشط ناعم مع تزييت الشعر
الله يعينهم هالصغار يارب

انا اشوف شعر سوسو الحمدلله كأنه خف بعد ماروشته بس خايفه يرجع بعد

الله يعافيج و يسلمج F:

هههههههه يا حليلك يا دوري! يتفننون بحركاتهم...

اليوم زوجي جا من الدوام و جاب صابون اللي يسوي فقاقيع للعيال، و الحمد لله لهوا فيه و قعدوا ينفخون و يتكركرون، و مهددينهم اللي يقرب من أخوه بناخذ الصابون منه خخخ

بسألج حسيتي تغيير بأطباع عبد العزيز مع الدوام؟ يختي راشد على قولتهم صايرة أخخلاقة تجارية... على طول معصّب و يصرخ و يمد يده عليّ بعد! أنا أقول يمكن عشان صدمته بالمدرسة إنها كبيرة و ما تأقلم للحين فيحط حرته فينا! مدري شسوي معاه...

و الحمد لله غدا الشر عن سوسو، إن شاء الله ما ترجع له... إلا شلون الإلتهاب اللي بفمه عسى راح خلاص!

عندي علوي على طول عينه ملتهبة و تطلع وصخ، يعطونه قطرة يقعد أسبوع و ترجع مرة ثانية، قالت الدكتورة عشان القناة الدمعية مسدودة فالعين تصير تدمع كثير و هذا يخلي البكتيريا تتكاثر فيها... و قالت لازم أسوي له مساج لزاوية العين عشان تفتح القناة...

و ربي يعين F:

هلا بك ام رشود

والله لاينفع تهديد ولاشي اللي براسهم يسونه خخخخخ
دوري غيران من اخوه ليش نشتري له جلاسه وقبلها بيوم شارين له لعبه بس عليه حركات الله يهديه

ايوا تغييير كثير جد بسرعه يعصب ومزاجه متعكر يوم مايبي يروح يوم مايبي يذاكر

سوسو اليوم حلقنا شعره رحنا مارينا مول وحلقو اخوانه قلت مره وحده نخفف شعره شويه وبعد ماخلصنا جا رجال عنده ولد صغيرووون بيحلق له وانا كنت خايفه ع سوسو جا اللي اصغر منه خخخخخ
يارب ماترجع هالقشره باقي بس خفيفه واما التهاب فمه الحمدلله راح بس امس واليوم اشوفه يطلع لسانه وفيه بياض شويه حتى ابوه لاحظ قلت بمسح لسانه بشاش واشوف اذا حليب او التهاب وربي يستر

مايشوف شر علاوي يارب
ع طول مسحيها بقطن وماي بارد
والله يعين يارب

مرحبااا
اخباااركم
نسيتوني :(

ام راشد وام عزوز ماشالله نشيطات

وين الباقي احلام نقاء أقلام الزمن هوبس ومحبه الرسول وهاجر وام سلمان وايمي<< ولا في قروب ثاني نسيت هههه

هلا والله جوفان
اخبااارك
زمااان عنك والله

معنا هنا احلام ونقاء واقلام وايمي
بس تواجدهم بسيييط
الله يحفظهم وين ماكانو

السلام عليكم يا حلوااات

جوفااان وين الغيبة... شخبارج عساج بخير إن شاء الله...

أنا كنت في المستشفى مع علوي حبيبي من يوم السبت و طلعنا أمس... يوم الجمعة بالليل حسيت صدره مكتوم و يتنفس بصعوبة و ما كان يرضع زين و بس يصيح... و على طول السبت رحنا فيه ركض عالمستشفى، طلع معاه إلتهاب فيروسي لكن اللي مطنمهم إن ما فيه حرارة، و قالوا لازم تنويم نراقب التنفس و الأكسجين بالدم و بدوا معاه جلسات بخار مكثفة كل 3 ساعات مع المغذي لأنه ما كان يرضع لحد ما استقر وضعه الحمد لله و رخصونا...
الله لا يوركم مكروه و يحمي عيالنا و عيالكم و يشفي مرضى المسلمين F:

أم عزوز001;16257443:
هلا بك ام رشود

والله لاينفع تهديد ولاشي اللي براسهم يسونه خخخخخ
دوري غيران من اخوه ليش نشتري له جلاسه وقبلها بيوم شارين له لعبه بس عليه حركات الله يهديه

ايوا تغييير كثير جد بسرعه يعصب ومزاجه متعكر يوم مايبي يروح يوم مايبي يذاكر

سوسو اليوم حلقنا شعره رحنا مارينا مول وحلقو اخوانه قلت مره وحده نخفف شعره شويه وبعد ماخلصنا جا رجال عنده ولد صغيرووون بيحلق له وانا كنت خايفه ع سوسو جا اللي اصغر منه خخخخخ
يارب ماترجع هالقشره باقي بس خفيفه واما التهاب فمه الحمدلله راح بس امس واليوم اشوفه يطلع لسانه وفيه بياض شويه حتى ابوه لاحظ قلت بمسح لسانه بشاش واشوف اذا حليب او التهاب وربي يستر

مايشوف شر علاوي يارب
ع طول مسحيها بقطن وماي بارد
والله يعين يارب

يا زييين سوسو حصل أول تحليقة ههههههه ذكرتيني براشد حلقناه بالبيت أنا و أبوه بالماكينة لما كان عمره 4 شهور و أجرمنا في راسه شوارع و لفات خخخ

و سلامته إن شاء الله ما يكون اللي فيه إلتهاب... أذكر دكتور علي يقول لازم بعد كل رضعة تمسحين فمه بقطنة مبلولة عشان ما تتكون فطريات و يصير معاه إلتهاب و بصراحة مو دايماً أسوي له فأحياناً أشوف طرف لسانه أحمر بس يروح و يجي...

الله يعين F:

الف سلامه ع الغالي علاوي
مايشوف شر وخاتمة الشر يااارب
وربي انشغل بالي عليك ادخل ولا اشوف لك رد استغربت
الحمدلله ع السلامه

والحمدلله اللي بسوسو مو التهاب بلسانه

ربي يبلغنا فيهم ويهديهم


اتمنى لك إجازة سعيده خميس وجمعه وسبت واحد

مايشوف شر علااوي

الحمدلله انكم مانسيتوني
انا مافي جديد
دعواتكم

الله يرزقك الذريه الصالح عاجلا غير اجل

أم عزوز001;16266321:
الف سلامه ع الغالي علاوي
مايشوف شر وخاتمة الشر يااارب
وربي انشغل بالي عليك ادخل ولا اشوف لك رد استغربت
الحمدلله ع السلامه

والحمدلله اللي بسوسو مو التهاب بلسانه

ربي يبلغنا فيهم ويهديهم


اتمنى لك إجازة سعيده خميس وجمعه وسبت واحد

الله يسلمج من كل شر حبيبتي... و لا يورينا مكروه وياكم ياا رب...

و انتي بعد إجازة سعيدة، محد مبسوط فيها كثر عيالنا هههههههه

F:

آمين ان شاااء الله


الله يهديهم ويسعدهم ويحفظهم
لاتنسين يوم الاثنين تكشخينهم بالااخضررررر
وربي يدوم علينا الامن والامان ويطول بعمر ملكنا

ام راشد
وش هالغيبه؟ عسى المانع خير

طمنيني عليك لا يكون رجع لعلاوي التعب