سـلـسـلـة شهور الحمل التسعة: الشهـــر الثـــاني...شاركينا بتجربتك...

الين الحين ما احس بشي ...

بس ...







الم الظهر ذابحني ...



غير غير عن الحمل الاول ....

الحمل الاول ما كان فيه ويع الظهر ....

الصراحه احيانا انسى اني حامل والعب ويا حمودي واناقز واركض وراه

انسى ... اني حامل

[align=right]والله ألف شكر للأخت مرموم على المواضيع المتميزة
بصراحة كنت مفكرة اني وحدي عندي هالأوجاع والآلام
عندي آلام تشبه آلام الدورة باستمرار لكنها خفيفه
وما أميل للأكل أبد
وبعد زوجي ما أحب يقرب ناحيتي
لكن عندي سؤال ، قرأت ان الإمساك من الأعراض المرافقه للحمل
كان عندي امساك والحين إسهال (الله يكرمكم) هل لهذا اي معنى او خطر على البيبي
وتسلمون

مرحبا اخواتي اني انهيت شهري الثاني اليوم بس كثير متألمة وتقيء كل يوم والم كثير بالظهر ومااشتعي اكل بالمرة وخايفة كثير من هل حالة ارجوكم ساعدوني

[frame="1 80"]والله انكم تظحكوووووووووووووووووووووووووووون يالحوامل


وبصراحه رحمت زوجك يا رانياالبحرينيه

والمشكله اني مجربه نفس التجارب لاوبعدهالحين انا بالشهر الثاني
لكن مدري ليش ضحكت ضنيت انه بس انا اللي يجيني كذا





والله يعينكم يالحوامل[/frame]

مشكوره مرموم على ها المجهود و كلها انشاء الله في ميزان حسناتج

انا احينه في نهاية الشهر الثاني و الاعراض اللي امر فيها مثل ما ذكرتيها بس اللي
متعبني الامسااااك و الغازات

و الشي الثاني قبل الحمل كنت احب آكل الفواكه و اشرب الحليب اما احينه ولا شي من ها الاشياء

طبعا الرقااااد عندي ألف يعني طووول الوقت راقده حتى في الدوام الله يعين مسؤولي علي بس

هلا اختي
كنت اتبول كثير وامساك وتعب وارهاق

تسلمين اختي على موضوعج المفيد

والله ايسر على الحوامل


انا اعتقد اني في بدايه الثاني بعد ما حسبت وان شاء الله بعدت ما تأكدت براجع في المستشفى

الاعراض اللي احس بها


1 الم في جسمي خصوصا الظهر والارجل واوقات البطن واحس ان قاعه ريولي منتفخه
2 كسل واحب اكون مستلقيه بدال اليلسه
3 لوعه خصوصا اول ما انش..والحمدلله ماشي قيء وان شاء الله ما يستوي
4 اوقات احس بدوخه
5 ما احب اكل واذا كلت اكل مثلا الظهر وفليل ...واعرف ان هالشي مب زين فقررت اكل فواكه واشرب لبن اكثر شي الاني احس انه اخف
6 ما احب المجامعه وايد بس علاقتي بريلي شرات قبل بالعكس ما يخف تعبي الا بقربه
7 من كمن يوم احس اني ابغي اطلع غازات من فمي :( ما اعرف ليش

واللي احبه عصير الاناناس

بس عندي سؤال اختي

هالاعراض بتم ويايه والا ممكن تتغير



تحياتي

مرحبا خواتي

انا اليوم ف اخر يوم ف الشهر الثاني تقريبا مب متاكده لان التبويض استوى عندي متاخر

واحس اني مزاجيه وايد وراسي يدور خاصه يووم اكوون يالسه واقووم

واحس بارهاق بسرعه وما اقدر امشي وايد وما اقدر ايلس وايد كله احب انسدح

ومره ياني الم فضيع تحت احس اني ما اقدر امشيء عدل ها هذا خطر ولا شو؟.


ووايد اسير الحمام عندي كثرة تبول وفيني امساك
واتييني الام ف بطني وظهري وصدري

واتييني لوعه مرات بس ما ارجع الا بعض الاحيان نفس السائل شويه

وكرهت الحلييب موول ما اشربه يعني اللحيين من كمن يووم ماشربت ولا قطره حليب وانا الدكتوره قالت لي لازم كل يووم نص لتر

هل هذا خطر؟؟

شو اسوي عشان احب الحلييب؟ هل فيه طريقه حلوه اسوي بها حليب؟

دخيلكم بنات طمنوني اذا شيء من الاعراض فيها خطر ع البيبي او عليه


والله يثبت حمل جميع اخواتي المسلمات وحملي يارب العالميين ويرزقنا الذريه الصالحه

[grade="00008B FF6347 008000 4B0082"]انا الحين في نهايه الشهر الثاني اخر اسبوع
احس برقبه في النوم طول اليوم
دوخه مع لوعه بعد الاستيقاظ من النوم مع ترجيع
خمول وكسل
اكل المالح والحامض
اكره روائح العطور
عصبيه ومتقلبه الاحوال
الام في الظهر[/grade]

مرحبا اختي الغاليه .. توني ما صار لي الا شهر واسبوع .. -------->> تدرون شلون عرفت اني حامل ؟؟
مش لأن الدورة تأخرت اسبوع ..
لأني صرت انفعاليه -------->> بدون مجاملة اعطيكم اياها كاش (( عصبيه )) <<< تحملوا منها
صرت اتعب بسرعة .. ما أنام عدل ..
ومنحرجه اقولكم بس ------------->> صرت اروووووووووح الحمام بكثرة ..

احب اشكر اختي الغاليه مرموم على اهتمامها بنا .. احنا شلة الحوامل (( جزاك الله كل خير ))

مرحبا بنات ومبرووووووووووووووووك على الحمل والله يثبت حملكم ويسهل عليكم يا رب ومشكوره إخت مرموم على الموضوع (بصراحه انا عروس يديده شهر سبعه وحملت على طول والحين انا بالشهر الثاني ومتغربه عن بلادي مع ريلي في كندا يدرس
المهم عندي وايد اعراض 1)كله احس بدوخه وابي انام
2)عندي فقر دم وايد متعبني والحين آخذ حبوب حديد
3)كل يوم ارجع سبع لعشر مرات اكرمكم اللله من الشهر الأول وللحين نهاية الشهر الثاني لكن في بداية هذا الشهر من آكل شي رجعته والحين خف الترجيع حبتين
4)وايد اطل على الحمام اكرمكم الله عندي كثرة تبول
5)لوعه اربع وعشرين ساعه و
6)ما احب الجماع بس بس مجبوره ما اقدر اقول لريلي لا وما احب ريحة ريلي لكن هذه صارحته فيها
7)اشتهي أكل البلاد وما اقدر اطبخ تلوع جبدي على طول مشكله ياي رمضان الله يعين ريلي شكله بياكل من بره
8)أحس دايما بشي واقف لي في بلعومي جني نشبانه بشي ما اعرف شنو السالفه .
والله يا بنات انا ما تهنيت في عرسي حتى ريلي متضايج تعرفون الريال ما يحب الحرمه دوم تعبانه
وانا دايما تعبانه وريلي يحليله عنده دوووام لازم يروح ومخه تمام لأنه دكتور انا ما اخليه يرقد باللليل
إذا عندج حل لي يا اخت مرموماو والبنات ارجوكم فيدوني


حالتي يرثى لها وما ادري هل العوارض اتم للشهر الثالث والرابع ولا تروح

انا ما عرفت إني حامل إلا في الشهر الثالث ‘لي أنا فيه الحين

وبصراحة ما حسيت بشيء وحتى الآن

وإن شاء الله ع طوووووووووول

وهذا حملي الأول

بس كانت عندي هذه الأعراض


1- كثرة التبول

2- كثرة النوم

3- مرة بس حسيت بدوار ورجحته لكثرة حركتي حينها

4- فيه ألم بسيط في أسفل البطن يشبه آلام الدورة الشهرية

5- ما كان لي نفس أعمل حاجة بس إحساس بالخمول

6- وسلامتكم

يزااج الله الف خير يامرموم..

الله يوفقج ويرزقج بالولد الصالح..

والله يسهل ع الحوامل.

ويرزق كل محروم..

um_hamdaan:
الحمد لله الحمد لله رب العالمين علي كل حال يالله يا رب يثبتلي حملي ويعطي طفلي الصحه والعافيه يا رب ... انا هلاسبوع آخر أسبوع لي فالشهر الثاني والاعراض مثل ما ذكرو الاخوات..واكثر شئ احس اني طفرانه ومب طايقه حد ابدا واللوعه بتذبحني ولا قادره أكل شئ ابدا غير الفواكه اللي امشي حالي فيها وانشالله يخف علي الوحم بس اتصدقون اول ما حس انه حالتي اتحسنت اشوي استانس وبعدين ارد واقول لا ليش اليوم ما حسيت باللوعه وتبتدي حالت القلق عندي وبعدين لما ارجع استانس احس اني حامل ... يالله الله يسهل علينا يا رب ويثبتلنا حملنا يا رب واتعدي فترة الحمل علي خير يا رب ...

نفس وضعي تماما اصبر نفسي بلفواكه والماء ويس

هل استخدام الفانتولين يسبب ضرر

لاني لم اكن ادري اني حامل

هالأيام بدأت على أعراض الحمل الفعليه


ويارب اتعدي على خييير



عندي دوره راس ودووووخه وكل اشوي ابي أستفرغ



والله لايعه جبدي بشكل كبيييير وحتى الحمل كرهته



وما أرغب بألأكل خييير شر ونفسي مسدوده بس أحس بالجوع ولما اشوف الاكل تلوع جبدي واستفرغ من بطني الخالي



وهذا كله شعوري اللي مركزه عليه


وأما العراض بالترتيب فهي

1 قيئ شديد ولووعه

2 الدوخه ودوار الراس

3 الشعور بالتعب والارهااااق باقل مجهود بالرغم من كثره ساعات النوم

4 أحس بالجوع بس ما أقدر أكل واذا شميت ريحه الاكل والله جابو طاري غذا والا عشا أستفررررغ

5 ألم خفيف أسفل الظهر بس هذا مو متعبني كثير بس أحس به

6 كثره التبول

7 ضيق خفيف في التنفس أحس شي ساد تنفسي أو قاعد على قلبي


8 وأخر شي أكره النوم مع زوجي في ( أحم أحم )


هذا كله في كوووووم وولدي في كوووووم ثااااااااااني

بهالبيت ماعنده الا الله ثم أني اللي قايمين به والحين المسكين صايم وياي والله لين جاع راح بطل الثلاجه وأخذ له فاكهه وأكلها بروحه ( يالله خل يعتمد على نفسه ) ولين عطش يصب جيك المااااي كله بالقلاص ويغرق المكان ماااااي

وصرت ما أهتم به مثل لول لأني بسرعه أتعب وكله على السرير منبطحه

تسلمين اختي يعني ولدي او بنتي جذية وناسة بس يخرع ويهة شوي

انا في هالشهر جاني الغثياااااان واللوعــــــــة وتعب وفي بعض المراااااات احس ان رااااااااسي يدور وتصيدني دوخة خوصوصآ وقت الاستحمام عذاااااااااااااااااااااااااااب وكرهت العطوراااااات ريلي وتنسيت قي ريلي كل ماشوفة تجيني لوعة وارجــــــــــــــــــــــــــــــــــــــــــــــــــــــــــــــــــــــع
انشااااااااااالله الله يتمم على واطلــــــــــــــــــــــــع من هاشهر لانة وااااايد تعبني

مرحبا انا الان بالشهر الثاني من بدايته
1ـ كثره النوم
2ـ اجوع بسرعه
3ـ الغثيان
4ـاحس اني متوحمه على زوجي بقوه
في بدايه الشهر حسيت بالام زي الام الدوره واسفل ظهري وكرهت عطوراتي