سـلـسـلـة شهور الحمل التسعة: الشهـــر الثـــاني...شاركينا بتجربتك...

صج كل هالاعراض احسها بالشهر الثاني انا احين بالشهر الثاني

انا في الاسبوع السابع


وما احس به عجيب بالنسبة لحملي الاول


فانا لاأحس بالام في بطني او في الثدي


ولكني احس بكتلة خفيفة في صدري الايسر من الاسبوع الثاني لحملي

لاأدري هل هي بسبب الحمل ام ماذا؟؟؟؟؟(بدون الام)

ولكني احس بامتلاء وانتفاخ شديد للمعدة

كثرة التبول

احتقان شديد في الجيوب الانفية

الام في المفاصل

كسل شديد

امساك مزمن

واحياناً احس بجوع شديد بين الوجبات وآخر الليل


ولكن الام اسفل البطن احس بها مرة في الاسبوع ولمدة ثواني...





حتى انني اشك انني حامل




واني في الاسبوع الثاني من حملي صبغت شعري بدون ماأدري اني حامل



هل في مضرة على الجنين؟؟؟؟



خبريني اختي لأن موعدي الجاي 25 من هالشهر

ولا احس بدورة ولا لوعة ولا وحام


هل يعني ان جنيني مو سليم

طمنيني اخت مرموم الله يطمنك بالعافية

أختي مرموم مشكورة على الموضوع ..

أنا في الاسبوع الاول من الشهر الثالث ... وأحس أن خفت الدوخة والغثيان واللوعة عني ...

هل هذا طبيعي ؟
شكراً

أنا ألحين في تجربة الحمل الثاني بس بصراحة ماحسيت بالأعراض مثل حملي الأول بس النووووووووووووووووووووووووووووووووووووووووووووووووووم كثييييييييييييييييييير مرررررررررررة والشهية كل يوم طالعة لزوجي بشكل ( يا لله قوم جب لي كذا ) والله مسكين رحمته من كثرة الطلبات بس شسوي غصب علي وإذا ماجاب لي اتنكد وتطقني الغلقة (يعني يضيق خلقي ) بس الحمد الله أحسن من أعراض الحمل الأول .......

ااولا مشكورة احت مرموم على المجهود الكبير وجعله الله في موازين حسناتك

بالنسبة لي هذا اول حمل لي بعد انتظار طويل

وانا الآن في نهاية الشهر الثاني وادعو لي الله يثبته ويتمم لي على خير

خصوصا ان نزل علي دم خفيف وقالت الدكتورة ان هذا اسمه انذار بالاجهاض

اللله لا يجيبه قولوا آميـــــــــــن

والاعراض اللي احس فيها كالتالي

احساس بالغثيان بس بدون ترجيع

الم في حلمات الثدي

لا استطيع اكل اي شيء اطبخه

ياما يكون من مطعم او احد من اهلي طبخه لي

كثرة مرات التبول

النوم الكثير ... يعني عادي اقوم بعد مانمت 8 ساعات ...آكل ... وانام بعد ربع ساعه لمدة 6 ساعات اخرى !!

زهق الزوج المسكين حده

وان شاء الله ياربي ياحبيبي تثبت حملي ويكون طفل سليم معافى لي ولجميع الاخوات الحمل

ومشكورين

انا فالشهر الثاني الحين تقريبا ومحمووووووووووومه وفييني كحه قويه وصوتي رايح ووايد خايفه عالجنين
بس من ناحيه اعراض الحمل احس نفسي اريد اكل واايد

احس بامتلاء بطني وانتفاخه

كثره الذهاب للحمام

السلام عليكم ورحمة الله وبركاته بسم الله الرحمن الرحيم
أنا في الشهرالثاني و أحس بالغثيان و الجوع والصداع و آلام في البطن والأمعا ء كما أن التبول عندي كثير ويقطع نومي كثيرا لكن ماعلش من شان النونو ههههههههههههههههههههههههههههههههه
السلام عليكم ورحمة الله وبركاته

عندي سؤال متى تبدأ اللوعه في بداية الثاني او نهايته ؟
تحديدا في اي اسبوع ؟

هلا خواتي..

انا تقريبا في الاسبوع الثاني من الشهر الثاني..

واحس بتعب وارهاق ,,ومالي بارض اسوي شيء..

ومزاجي متعكر وبسرعه اعصب..

نفسي مفتوحه على الاكل الدسم..وخاصه في الليل.وادري عواقبه كبيره وبطيح على راسي..

الحمد لله مافيه لوعه ولا ترجعيع..بس اتوحم على رمان احمر لونه عنابي..بدون بذور وين ألاقيه

تعب زوجي من كثر مايشتري الرمان واقوله لا..مش هو..

السلام عليكم

ومشكوره ع الموضوع الشيق
المهم انا الحين فالثاني واسبوع والله اللي احسه الرجع بس الصبح بس اللوع ماتفارقني كله اكل لليمون وملح وزوجي كرهته بس اسبوع تقريبا المشكله مااحب ريحت الصابون والمعجون بس يقولون البنت تكون منسده نفسيتها من الاكل بس انا اكل وايد

يارب يثبت الجنين يارب

السلام عليكم ورحمة الله وبركاته......
أختي اغاليه مرموم أدري إنج مليتي من كثر أسئلتي بس والله ما أعرف شو أسوي ... أنتظر موعدي في آخر شهر ديسمبر والباقي على الله ... بس حبيبتي اللي فهمته من مشاركات الأخوات ان الوحدة لما تحس بالوحام إن هالشي زين وهرمون الحمل عندها مرتفع والبيبي بحالة جيدة يعني هالششي صح؟؟؟ طيب أنا ألحين في الأسبوع السابع وما أحس بشي أبدا ولله الحمد... بس مادري هالشي زين ويلا مش زين .. يعني هرمون الحمل عندي ضعيف؟؟؟؟ والبيبي ؟؟؟ ويلا يمكن بعدني راح أحس بالأعراض في الاسبوع الثامن....... يعني الوحدة لما ماا تتوحم هذا الشي ما يأثر على الحمل ؟؟؟ إذا ما يأثر وتكون حالتي طبيعية إن شاء الله ما بحس في الأعراض أبدا .. وبشوف الدكتورة شوو بتقول ؟؟ بس أريد أشوف مشاركات أخواتي إذا في حوامل مايحس بالوحام وحملهم مشى على خير؟ الله يسهل لكل مسلمة يارب:gum:

السلام عليكم ورحمة الله وبركاته
مشكورين خواتي على التعقيبات اللي تذكروها
بصراحة انا اول حمل إلي الحين والشهر الثاني تعبني فيه الوحام بس ما كان عندي قيء ولا غثيان ولا اغماء وهدا بفضل النصائح اللي كنت اقرأها في النت
قرأت اني عشان اتجنب القيء المفروض اكل وجبات خفيفة في اليوم وعلى فترات متباعدة وسويت كدا وبالفعل ما جاني شي
بس كان عندي حموضة وحرقان في المعدة والحمد لله كان زوجي جدا متعاون وياي ويراعيني حتى بنص الليل

مشالله عليج يا مرموم....معلوماتج أكثر من رائعة....

أنا أحين في آخر الثاني تقريباً...

اللوعة والحمدالله خفيفة وايد...بس تمسكني الصبح قبل لا اطلع للدوام....

الحمدالله النوم عندي اوكي بعدني ما اتعودت عالكسل....

بما انه دوامي لين العصر مااحصل وقت أطبخ و الاكل كان كله من برع....بس واااايد تعبت من الامساك بسبب هالشي...فأحين قررت اني ماآكل شي من برع....والحمدالله أحس واااايد في تحسن....

والله يعطيكم العافية جميعا ويقوم كل حامل بالسلامة....

مشكورة اختي مرموم على الموضوع الشيق
انا احينه في الاسبوع السابع و4 ايام ما ادري اذا في بداية الثاني و لا نهايتة ، المهم حالتي حالة ، غثيان طول ا ليوم وقيئ واخس شي اللعاب الزايد عن حده طووووووووووووول اليوم تعبانة منه حدي ، ولا احب اكل بالمرة ولا اشتهي شي ، خاطري اكل واتوحم على اكلة معينة بس ماشي ، يالله الله كريم وان شاءالله ربي يثبت حملي وحمل كل حامل ، ترى هذا ثالث حمل لي عقب حملين فاشلين .

السلام عليكم
انا ما اعرف احسب انا في أي شهر بس شكلي في نهاية الثاني
الاعراض:
1- شهية مسدودة مع ان كانت شهيتي مفتوحة على الآخر في بداية الحمل
2-لوعة شديدة بدون قيء احاول اتقيء ما في فايدة
3- امساك
4-عدم الرغبة في الاقتراب من الناس خصوصاً زوجي
5- الرغبة في النوم
6- الدوخة
7-كثرة التبول بعض الاحيان احصر نفسي ادري انه خطير بس ملل صراحة

انا احينه ف الاسبوع السابع وكل االاعراض الي ذكرتوها عندي كل يوم شي يديد .. لدرجة اني مرات ماقدر احدد شو فيني بالضبط .. لا وبعد حاسدة عمري!! .. لو مرت ساعة اكون فيها ابخير .. اخاف واتضايج واتم متوترة .. صح متعب .. بس كله يهون عشان اشوف اللي ف بطني سليم معافى .. عسى الله يتمم لي حملي على خير .. ويتمم حمل كل حامل ويرزق الي تتمنى .. آمين يارب العالمين

مشكوره اخت مرموم على الموضوع

بالنسبة لي باقيلي 10 ايام وادخل الثالث
احس بالم اسفل البطن في الجنب
الغثيان الحمدلله قليل مره وسببه انه اقوم الصبح واوقف على طول لازم اقوم بهدوء او اكل اي شي قبل لااقوم من فراشي عشان مايجيني الغثيان
وبالنسبه للاكل ما اشتهي شي ابدا غير شيبس اغرقه بشطه وليمون متعبني يسببلي حرقان بس ما اقدر اكل غيره

مشكوووره اختي مرموم على الموضوع الحلو

انا صار لي شهرين و 11 يوم و احس بهالاعراض

الم في الظهر والبطن و قيئ شديد ولوعه دايم أبغي أرجع و الترجيع يتعبني يطلع الروح

ماحب اكل شي لا أفطر و لا أتغذى بس العشاء أكل على خفيف و بسرعة أشبع ونفسي دايماا مسدوده الا على البرتقال
ضيق في التنفس والتعب الشديد

النوم كثيييييييييير

و مشكووووره على الصوور الروعه يالغاليه تسلم يدينك

السلام عليكم ورحمة الله وبركاته

انا والله من اسبوع واانا الوحام ذابحني

الله يكرمكم اي شي احطه بحلجي ارجعه على طول واحس بدووخه وتعب فضييع

وسرت المستشفى وعطوني مغذي ودوا لونه برتقال اسمه 3v

بس اليوم احسن بوااايد

بس قالت لي الدكتوره اني ممنوعه من المجامعه مع ريلي باول ال 3 شهور

ادعوووولي ان الله يثبت لي حملي

هيه صج انا مااكل مووول عسب ماارجع ووالله ضميري يانبني على البيبي
بس والله مقدر اكل لني صج اتعب

واحس اني خلاص اتعقدت من الاكل

الله يعينج اختي ، هاي اخس مرحلة في الحمل والله اعلم ، انا كنت نفسج بالضبط مووووووووووووول لاني كنت على طول ارجع وتلوع جبدي من اي شي
بس الحمدلله احينه وايد احسن لين احينه في لوعة وتعب بس الترجيع وااااااااااااااايد خف عن اول
اتحملي بس عشان البيبي ولازم ترى تاكلين ، لاني انا الدكتورة قالت لي اذا تميتي جيه بييج فقر دم وانيميا
الله يثبت حملج وحملي وجميع الحوامل يا رب