الامير عبد العزيز ابن سعود ((السامر))

عوايد المسلم

بعض العرب يمشي على بحر الأوهام
يرقد نهاره وآخر الليل غاير

والى تنبه من منامه والى قام
يفرق الأوراق في كل عاير

والمشكلة ماهي تحت رؤوس الأقلام
المشكلة مما تكن الضماير

لا والذي عن كل الأسرار علام
لو جازت الرحمة على أم الكباير

يا مفطرٍ بالصوم والناس صيام
راحت حياتك بين نقص وخساير

إنهض ترى ما طاب للعبد مادام
تعمى العيون ولا تتيه البصاير

احذر تلد خلاف والدرب قدام
واعبر طريق مثورين الذخاير

عوايد المسلم غيورٍ للإسلام
وجميع دينٍ غير الإسلام باير

وبالك تدور بنت قطاع الأرحام
يصبح ولدها لك قريب حضاير

هماز بين الناس واشي ونمام
ودمه لو إنه داخل الثلج فاير

وإن كان في رأسك مطاريد وعرام
عظمٍ سليم ولا لفايز جباير

يا جاهلٍ بالوقت والوقت حوام
لا بد للجاهل تدور الدواير

دنياك ما دامت لعباس ودهام
ولا جت لبوزيد الهلالي براير

والجاهل اللي غرته حمر الأنعام
ما يدري بما قدر الله صاير

من حج بيت الله ملزوم بحرام
وطيب الحزام ولا خيوط المراير

ترى الجهل لبيوت الأجواد هدام
والعلم نور وفيه خير البشاير

خلك على البتعه عزومٍ وجزام
أووط الحنوش و لا تطب الخباير

كم واحدٍ يمشي على مخ وعظام
واليوم مجدوعٍ بوسط الحفاير

عزك بواحد يوم يسوى مية عام
وكم فرصةٍ راحت علينا خساير

خذلك بمقدار الشرف درع ووسام
ولو لا جناح الطير ماشيف طاير

تبي العلا ففتق لها ادروب وأكمام
واعبر على الدنيا بحور وجزاير

جرب جنوب وجرب الشرق والشام
ما فارس إلا فوقه العج ثاير

إما ركز بالعز لك سبعة أعلام
وإلا سمحت من النكد والعزاير