الامير عبد العزيز ابن سعود ((السامر))

F:أهل الخليجF:

راحت حياتي بين ميس وراجيF: مع مهرةٍ ما شد كفي رسنها

أقضب لها يا أهل الخليج المحاجيF: وتروح ما حصلت أنا شيء منها

واليوم أدور من هواها خراجيF: ومنها السلامة بالهوى من ضمنها

الجيد والعاتق وطلق الحجاجيF: أموت فيها موت وأصد عنها

نورٍ خذا به مايس القد تاجيF: أجهر عيوني لو جماله فتنها

يلعج بشوفي مثل نور السراجيF: نور الجبين ونور صافي وجنها

من جارحٍ قلبي رجيت العلاجيF: محبةٍ روحي وحالي ثمنها

ابشارة النو الصدوق العجاجي F:ومزنة حبيبي روض قلبي وطنها

الوفا

خوينا واللي ضعيفٍ ومحتاج
معي خشرا في غالي المال والجاه

من دونهم نثني ونرضا بالإحراج
هذا الذي من رأس تركي وثناه

مادامنا نقدر لهم مثل هداج
عادة قديمة طبع أهلنا مشيناه

لو إن حمله كبر أبانات وسواج
اللي شكا من حمله الضيم شلناه

نبي الوفا واللا الردا ماله علاج
راع الردا يمشي وقلبه بعمياه

من الوفا نلبس على روسنا التاج
من يبذل المعروف بالناس يلقاه

ولا نقول الوقت به ميل وإزعاج
بيت الوفا كل الأجاويد تنصاه

والصبر مفتاح السعادة والأفراج
ذا سلم أهلنا بأول العمر وأتلاه

الى حصل للهرج مدخل ومخراج
كلٍ تطلع سمعته فعل يمناه

للناس عادات وللسيل مدراج
واللي يعرف العلم ما هوب يخفاه

الغيبة

كل أكثر الناس ما تسلم من الغيبه
وكلٍ يسولف بما يطري على باله

سوالفٍ تجمع الشكة مع الريبه
ما خلقت إلا لبو وجهين وأشكاله

قلبي طواريه تقبل به وتقفي به
وإلى عذلته كثر همه وغرباله

آمنت بالله ما أدري ويش اسوي به
يا كثر شيءٍ يشوفه ما يوراله

أدري بنوه وبعض الناس يدري به
وكلٍ يغني على طاريه مواله

من خف عقله هبوب الريح تومي به
يضيع ما بين رجليه وخياله

يصير ما عاد له قيمة ولا هيبه
في بر وإلا بحر يمشي على فاله

فالمجتمع وش يفاخر وش يما ريبه
يا بين نقصه بميزانه ومكياله

الطيّب اللي يكمل في مواجيبه
لو جار حمل الدهر عن صاحبه شاله

لا توريني القمر وإنت القمر
نور خدك مثل نوره في الظلام

يوم شافك زاد غيظه وانقهر
ومن عرف قدره فلا والله يلام

إنت نور الكون كله والسفر
يا فرح عمري ونوره في العتام

منك حالي يا بعد حالي فخطر
هد روعي يا مسلم يا سلام

غبتك غطت على غبة بحر
وضعت بين الوصف وحروف الكلام

كلني لك سموع


أجمل أيام عمري بين يومٍ وليله
يوم شفتك مشاعر فرحتي بك دموع

بين عدل الزمان وبين جوره وميله
ليت شمس المحبة بكرت بالطلوع

يوم تغضي بسود عيونك اللي ظليله
ما شبع شوف عينٍ من عيونك يجوع

المسامر على ما قيل قلبه دليله
ناجني بالعيون وكلني لك سموع

النظرة الظميا

من نحوك إحساس يبعدني ويدنيني
هذي معك يا عيوني غلطة الشاطر

مشاعرٍ هدها قمة وتبنيني
قمة غرامٍ دخونه عودك العاطر

حبك نجومٍ تلالا في سما عيني
والوجنتين يغسلها طاهر الماطر

الحب مهضوم حقه بينك وبيني
ظمأالرجا في عيون الصابر الناظر

حكمتني بالغلا حكم السلاطين
أحلف لك بربٍ أنزل غافر وفاطر

تزعلني النظرة الظميا وترضيني
ما ودي إنك تعلم كسرة الخاطر

جروح الحب

ما يدواي جروح الحب طب الطبيب
من ظما الحب نفسي بين يأس ورجا

المودة خطيرة تذبح اللي تصيب
المولع من أسباب الهوى ما نجا

نوب تقبل هواجسي ونوبٍ تغيب
من هوى اللي غرامه بالضماير لجا

ابعدو به عقب ما هوب عندي قريب
دونها ظلم والعرفا ووادي سجا

يا لله إنه تقود إلى الرجا والنصيب
حبها في ضميري كبر سلما وأجا

إمنعتها الظروف وشوفها أصبح صعيب
والطريق الوعر ما ينسري بالدجا

من زمان العجايب خاطري مستريب
بعض الأزوال ما يعرف حروف الهجا

خمري الشعر


الهوى ياهل الهوى همه كبير
من تولع به مثل غوص البحر

فيه موت وفيه شر وفيه خير
دايم العاشق مهدد بالخطر

جربه قلبي من العالم كثير
الشقا به والعنا به والسهر

راضيٍ به لو يصير اللي يصير
كم محبٍ مات من زود القهر

من هوى المحبوب ملهوف الضمير
وردي الخدين خمري الشعر

عندي أغلا فالحياة من النظير
ساعةٍ ما نجتمع مثل الشهر

إن سكن بالقلب ماله به خشير
لا قريب ولا بعيد من البشر

وإن سكن بالعين مسكنه الصغير
بالعيون اللي نشوف ابها السفر

الغرامه قادني سلك الحرير
ما اقدر أنسى عشرته طول الدهر

وابعدوه اللي يعزون القصير
من يطول اللي على سطح القمر

أغلى مقام -


يوم أجمع شيوخ المفردات العظيمة
ودي أكتب رسالة حب لأغلى مقام

نغمة الخاطر اللي بالقصايد كريمه
من يقول إنها لا هنت مثل الكلام

هاجسي له من الرغبات رغبة قديمه
كنت أحسبه نساها عام من بعد عام

وآثرها مع مظاليم المشاعر مقيمه
لو تطول الليالي ما يموت الغرام

ما شكى الروض ورياضه مطاريد ريمه
لو تاطا على روس النفل والخزام

وكل زهرٍ يغسل الطل بدموع غيمه
ينتشي ريحه اللي مثل ريح اللثام

فوق خدٍ تشعشع نور صافي جحيمه
والصحيح أن نار الحسن برد وسلام

الهوى قبل أعشقه واتعفر نعيمه
عن ضحايا المحبة ما رفعت الملام

سولف معي



سولف معي معك الحكي ليته أبد ما ينتهي
تبي الحقيقة سالفتك أحلى كلامٍ أسمعه

أمر وأنفذ بس عني لا تسج وتلتهي
إلا بشعر الغرة اللي لا تنثر تجمعه

والعاتق اللي كلما تسهى وشالك به سهي
أرعى البروق اللي تكاشف في مشارق مطلعه

وعيونك اللي شقوتي تقول والله منها هي
فيها السحر منها الغلا عيت عيوني تشبعه

فيك البها فيك الجمال اللي خذا عقلي بهي
يتبعك قلبي بالغلا لك قد ما أقدر واتبعه

خذني غلا خذني وفاء خذني على ما تشتهي
القلب حبك ما أستطعت أعيش دونك وأمنعه

بين الأمر يا صاحبي تترك حبيبك والنهي
وعنه المواصل والوصل من دون ذنبٍ تقطعه

وهو محبٍ صادقٍ ما يقبل العذر الوهي
يرفع غلاك وما غلا بالحب واجب ترفعه

مساجله

السامر& سـمو الشيخ سلطان بن زايد آل نهيان



احتفاءً بديوان الأمير الشاعر عبد العزيز بن سعود كتب الشيخ F:سلطان بن زايد آل نهيان F:هذه الأبيات التي يشيد فيها بما حواه ديوان\"مشاعر السامر\" و يشكر سموه على إهدائه:


يامرحبا من شاعر السامر و ديوانه
و يا بو سعود اطربني و صرت نشواني

هلا به عد ما هل من مزن وهتانه
و ما غرد الطير فوق الغصن طرباني

قصيدك جواهر و لا باترخص اثمانه
كما الدر منظوم و محكوم الأوزاني

جزيل و فيه إبداع و الفن عنوانه
و في عالم التصوير ماله بعد ثاني

سلامي عليك و من حيا عز برهانه
و الفرق بين الضحى و الليل شتاني

قد أجابه الأميرF: عبد العزيز بن سعودF: بن محمد آل سعود( السامر) بهذه الأبيات


اهلا بقاف القصيد.. و خط سلطانه
اهلا عدد ما همت به غر الامزاني

من وسم نجم ٍ سقى وديان عطشانه
تنبت و تورق بها فندات الاغصاني

شيخ حوى المجد و الناموس عنوانه
ابوه زايد و سمي زايد الثاني

المجد للشيخ فتح كل بيبانه
يستاهلون الثنى ذربين الايماني

احد الي غاص يلقى في البحر دانه
واحد يعود من الغبات خسراني

كي

عند اللقا صبرك على المشفي أشوي
أمهل عيوني بالنظر فيك ساعه

أناظر ورودٍ عليها كسر في
ورمشٍ بغمضه عين يطوي إشراعه

سلهم ترى جرح الغلا بالحشا حي
محبٍ غلاه يورطه باندفاعه

لولا عيونك ما تسوي بنا شيء
ما قلت أنا للحب سمعٍ وطاعه

كنك على وجه الثرى تنثر الضي
ما بين وصلة شوفنا وانقطاعه

أنا وش أقضب منك وش تقضب ايدي
وبيني وبينك ما تضيع الوداعه

يا صاحبي بالنار ما يوجع الكي
تنساه بس الموت كي القطاعه

طهــور يا اخــــو الفهد




طهور يا اخو الفهد يابو الفعول الجسام
ما بالعرب والعجم مثلك بعصره عظيم

طهور يا سيد الجود وملاذ الكرام
يا جامع ٍ سطوةٍ تخشى وكفٍ كريم

طهور يا نورنا في مدلهم الظلام
يكفيك شر المرض والسِو ربٍ رحيم

طهور يا محقق ٍ بالطيب كل المرام
يمناً تمد الجزيل00وراي راس ٍ حكيم

طهور ياللي شمل خيرك جميع الأنام
أغنيت معسر00وعالجت المريض السقيم

طهور يا مظلل ٍ بالعطف والاهتمام
من لاذ بك شاكي ٍ من ميل الايام ظيم

ياللي لكل الفضايل في يمينك زمام
ما بين راسك ويمناك الفخر مستديم

طيبك الى ضاق ميدان الفخر بالزحام
يصير للطيب كله يابو خالد زعيم

يفخر بك الشعر وانت أعز واعلى مقام
وتخفر بك الدار واللي في ثراها مقيم

يا كثر من يرفع يدينه لمنشي الغمام
في تالي الليل يدعي من بخلقه عليم

يدعي بخفقات قلبه قبل نطق الكلام
ويلح بدعاه للرب الكريم الحليم

يجزاك طول العمر ويزيل عنك السقام
يا ماسح بعطفك الفيّاض دمع اليتيم

الله يزيل الألم ويصير برد وسلام
ويحفظ للامجاد راع المنهج المستقيم

عيد الوطن والمواطن مثل عيد الصيام
شوفتك عقب الغياب بقدرة الله سليم

إعجاب

يمكن يكون اعجاب واعجاب واعجاب
ويمكن .. ويمكن .. ما عرفت النهايه

بيني وبينك بالمحبة مية باب
تسعين قدامي وتسعة ورايه

والعاشر اللي عن خفا القلب ماغاب
ايردده ترديد بالذكر آيه

يقين حبي من هوى النفس مرتاب
ولا تعلمت انهزم في هوايه

عيني نظرها ف الهوى كل ما ذاب
أتبع هواي شوي وأقضب عصايه

سحر العيون اللي على عِكش الأهداب
وسيلةٍ حقق بها الشوق غايه

كن الرموش أرقام وعيونك كتاب
شفت النهايه فيه قبل البدايه

مقـدام جــيل

إهداء إلى أخي حضرة صاحب السمو الملكي الأمير عبدالعزيز بن فهد بن عبدالعزيز جعله الله موفقاً أينما كان بمناسبة العملية التي أجريت لسموه وتكللت ولله الحمد بالنجاح أسأل الله العلي القدير له السلامة وطول العمر


مجار من جور الليالي والايام
يا عزنا يا فخرنا يا سندنا

عسى لحسادك تخطّاك الاسقام
يا مجددٍ بالطيب سيرة فهدنا

فهد 00فهد حاكم وطن شيخ حكام
في حكمه العادل على الغير سدنا

فهد00فهد ضرغام من راس ضرغام
حمى بلاد المسلمين وبلدنا

فهد عن أوصافه يجفّن الاقلام
والشعر ما يوفي بعض ما شهدنا

عساه يحشر يوم تصدير الاحكام
في صحبة اللي باتّّباعه سعدنا

وعمرك يطول بعز وتحقق احلام
جيل ٍ يرى بك صورة اللي فقدنا

رايه وتقديره00وحزمه والإقدام
وجودٍ سحابه عم الاقصا والادنا

مقدام جيل00ووارثٍ طيب مقدام
وحنا شهود الحق00شفنا واشدنا

ياما تقول الناس بالشرق والشام
من جود ابو تركي وجَدنا00وجِدنا

لو فيك صاغ الشعر شعّار ٍ اعلام
وقالوا00 صدقنا بالثنا واجتهدنا

صحيح طيبك فيه للشاعر الهام
من كوكب الإبداع مادحك يدنا

لكن مداك ابعد من إدراك الأفهام
ما حاط فيه00الا الذي له سجدنا

يا متعبٍ للطايله فكر وأقدام
وكفٍ عمر فيضه صحاري ومُدنا

الله يمد بعمرك أعوام00 واعوام
ربٍ عليه بكل حال اعتمدنا