التجمع الثاني لحوامل فبراير 2012

شخباركم بناااااات ..

وشو مسوين ؟؟ بنات شو ع التوزيعات .. بعدني ما سويت شي ؟؟ اذا وحده سوت خل تقولنا يمكن اتيلنا فكره ...

تعبت أكابر
رحمتك على هالتوزيعات ماأقدر أفيدك
أحنا ماعندنا هالشغله كلها

أتمنى البنات يفيدونك

أنا بغيب هاليومين لأني رايحه الشرقيه
وجمعات وطلعات ماراح يكون عندي وقت أدخل
أشوفك بخير ان شاء الله

شلونكم كراريش...
شخبار البيبيات

مساء الخير

تعبت اكابر : يالغالية نحن ما نسوي توزيعات


ام حور : بنشتاق لج يالغلا ديري بالج ع نفسج والبيبي

ان شاء الله بتستانسين وبتردين بخير وسلامه


قلب انثى : هلا وغلا نحن بخير يالغالية انتي شخبارج

نصائح ذهبيه في الاشهر الاخيره من الحمل

--------------------------------------------------------------------------------


1- زيدي من طعامك المعتاد بحوالي ربع الكمية وأكثري من تناول السوائل.

2- إرتدي ملابس فضفاضة.

3- إرتدي حمالات صدر قطنية مريحة.

4- يفضل نومك على أحد الجنبيبن : لأن النوم على الظهر يؤثر على تنفس الحامل وكذلك يجعل الرحم يضغط على مجرى الدم في جسمها مما يؤدي إلى قلة الدم الذي يصل إلى المشيمة ويؤثر بذلك على صحة الجنين.

5- إستمري بممارسة الرياضة : - للمحافظة على اللياقة البدنية ولتسهيل الولادة تحتاج الحامل لممارسة بعض التمارين الرياضية كالمشي ولا ينصح بممارسة أي تمارين أخرى إلا بعد إستشارة الطبيبة.

6- هناك حالات يفضل فيها الإمتناع عن الجماع :- تحدث في الأشهر الأخيرة من الحمل تقلصات في الرحم وهي طبيبعية لا تضر بالجنين ويمكن حدوثها بعد المعاشرة الزوجية وعلى الزوجين أن يقررا ما يناسبهما وإستشارة الطبيبة حول هذا الموضوع في حالة إصابة المرأة سابقاً بولادة مبكرة.

7- راقبي حركة الجنين : راجعي الطبيبة إذا شعرتي بأن حركة الجنين أقل من 10 حركات خلال 12 ساعة ولا تنسي أن هناك فترات ينام فيها الجنين فلا تحسي بحركته وهذا أمر طبيعي.

8- تعرفي على العوارض الطبيعية في هذه الفترة من الحمل وإستشيري الطبيبة عند الحاجة ومن هذه العوارض :-

- ضيق التنفس : كثيراً ما يحدث خلال الشهرين الأخيرين من الحمل ضيق بسيط في التنفس نتيجة ضغط الرحم على القفص الصدري فإذا كان هذا الضيق يسبب لك قلة النوم ضعي وسادات مريحة تحت رأسك وظهرك خلال انوف أما إذا كان ضيق التنفس شديداً فيجب مراجعة الطبيبة.

- الحكة وخاصة في البطن : في المرحلة الأخيرة من الحمل عندما يصبح الجلد مشدوداً قد تصاب الحامل بالحكة وللتقليل من ذلك عليك بالإستحمام ولبس ملابس ناعمة وغير ضيقة وكذل مسح الجلد بالكريم الذي تصفه لك الطبيبة.

- ظهور خطوط غامقة في البطن :- تظهر على بشرة البطن الأمامية لدى بعض الحوامل شقوق تدعى بالفرز الحملية يكون لونها في البدء أحمر مائل إلى الزرقة تم تصبح بعد الولادة بيضاء بلون الصدف وتحدث نتيجة تشقق الألياف المرنة في بشرة البطن بسبب تمددها الشديد ويمكن التقليل منها عن طريق تفادي السمنة وإستعمال بعض الزيوت والمراهم الخاصة.

- تورم القدمين :- لأن الجسم يحتوي على ماء أكثر من المعتاد ويزداد في نهاية اليوم وللتخفيف من هذه الحالة يجب أن تنالي قسطاً من الراحة مع رفع القدمين إلى أعلى عن الجلوس والإستلقاء بوضع وسادة تحتهما وإرتداء أحذية مريحة.

9- ناقشي طبيبتك حول المكان المناسب لولادتك.

10- حددي من سيرافقك إلى المستشفى.

11- حضري ما تأخذينه لك ولطفلك.

12- تعرفي على أعراض وعلامات الولادة :-

- الشعور بثقل في البطن وبألم يشبه آلام العادة الشهرية في البطن والظهر.

- ظهور إفرازات لزجة وردية اللون من المهبل نتيجة إنفصال الغشاء المخاطي عن عنق الرحم.

- نزول سائل من المهبل نتيجة لتسرب السائل المحيط بالجنين عند إنفتاح الكيس.

13- تعرفي على العلامات المنذرة بالخطر ولا تترددي بمراجعة الطبيبة فوراً :-

- ألم قوي أو مستمر بالبطن : يمكن يكون ناتجاً عن حدوث ولادة مبكرة أو إنفصال مبكر للمشيمة وأحياناً يكون علامة من علامات تسمم الحمل إذا كان في الجزء العلوي من البطن.

- نزيف من المهبل : قد يكون إشارة إلى حدوث ولادة مبكرة أو إنفصال مبكر للمشيمة.

- نزول السائل المحيط بالجنين :- أحيانا يحدث ذلك بدون وجود علامات أخرى لبدء الولادة فيجب مراجعة الطبيبة.

- صعوبة شديدة في التنفس : قد تكون بسبب أمراض الجهاز التنفسي أو الجهاز الدوري.

- تورم الوجه وخاصة جفون العينين والقدمين أو الكاحلين أو الأصابع وقد يكون من علامات تسمم الحمل بسبب إرتفاع ضغط الدم الشديد.

- إختلاجات عصبية ( تشنجات ) أو صداع مستمر قد يكون بسبب تسمم الحمل.

- ألم عميق أو ورم خلف إحدى أو كلا الساقين : بسبب تكون جلطة دموية نتيجة لتخثر الدم في ذلك المكان.

وأسأل الله العلي القدير أن يسهل ولادة كل حامل آمين

--------------------------------------------------------------------------------

منقوووووووول

المشي

المشي مفيد بس مايساعد في الولاده نفسها ( يساعد على نزول الجنين بالحوض استعدادا للولاده )

يعني عليك فيه من شهرك الحالي الثامن الى التاسع ....لأن فيه نساء يتأخر نزول الجنين عندهم للحوض وبكذا حتى لو كان فيه طلق تكون الولاده صعبه لازم البيبي ينزل الحوض الأول بعدين تبدأ المراحل الثانيه .....


وبالنسبه لفترة المشي خليكي على نصف ساعه او ساعه يوميا مو شرط يكون المشي متواصل .....اذا تعبتي اجلسي ارتاحي وبعد ربع ساعه ارجعي امشي ......... يعني في النهايه المشي ينفعك مايضرك ...... والله يوفق لنا ولك يارب ......

ثآنكس ع الترحيب والاضافة للقآئمة
والله يسسسهل ع الجمييع يارب

مساء الخيــــــــــــــــــــــــــــــــــر .....
كيفكم ياكروشات عساكم على القوى ؟؟؟؟؟؟ صار لي زمان ما دخلت المنتدى بسبب الانشغالات والدوامات :058:
المهم شخباركم والله اشتقت الكن مووووت وشخبار البيبيات كيف استعدادكن للولادة ؟؟؟ بقيت اسئلكن شو اهم الاغراض اللي تحتاجها الام ؟؟؟

صباح الخير كروشات

اختي mam to be

يسلموووووو معلومات مهمه لكل ام


ملكتك الابدية : العفووووووووووو تستاهلين الترحيب يالغلا


ثمنه : ولكم يالغلا نحن كلنا بخير وسهاله انتي شخبارج وشخبار البيبي

التجهيزات حد جهز وحد بعده

تجهيزات الام للمستشفي والله احس كل وحده والي تحتاجه بس الاشياء الاساسيه

انا جهزت شنطتي وحطيت فيها :

* ملابسي الي بلبسهن يوم الضيوف واهلنا بيوني مع شيلهن

*بجامات للنوم ومريحه للرضاعه

*ملابس داخليه

* جرابات ع لون ملابسي ودافيات عن البرد

* نعال السيراميك عشان لو مشيت او يوم اروح الحمام برد

* فوطه للاستحمام

* ادوات الحمام ( شامبو صغير +بلسم ، صابونه ، معجون + فرشاه ، غسول المنطقة الحساسه )

* كريم للجسم فازلين الي بالكاكو ريحته حلوه و كريم الباط

* مشط للشعر ، ربطه خفيفه ، شباصه وشباصات صغيره لرفع الشعر

* استشوار قلت برد يمكن احتاج ادفي نفسي او انشف الجرح وانشف شعري

* مكياج خفيف حطيته بحقيبه صغيره ( بودرة ، بلشر ، فرشاه ، كحل داخلي ، مسكره ، مرطب شفايف )

* فوط للنفاس ( مع ان بالمستشفي يعطوني يحطون لي بالحمام اكياس حتى الملابس الداخليه تكون للاستخدام مرة وحده بس )

* حفاضات للصدر لو مثلا نزل حليب مع ان اول فترة ماينزل حليب انا حطيت بس شي بسيط


هذا حطيته بالشنطه

اما هذا بروحه

* فراش لسرير المستشفي عن البرد

* فراش للبيبي واقمطه

* فراش لولدي محمد
* اغراض الضيافه من (دلال وجلاصات واستكانات وصحون ومعالق وسكين وشوك فراش وحمالة الدلال ....الخ )

* غوري لتسخين الماي ( لان ولدي بيكون وياي فيبا حليب عشان اسخن له ماي حار


شنطة البيبي :
*حطيت كذا بدله كامله مع قبعاتهن وقفازاتهن ولفتهن

*وملابس داخليه نص كوم وبلا كوم

*لفات غليضه عن البرد

* كريمات الاستحمام وكريمات الجسم

* بامبرز احتياط مع ان المستشفي يعطيني ويوم اطلع بعد يعطيني

* كنينكس مبلول لتغيير البيبي

* فوط لتنشيف البيبي لو رجع وبعد الرضاعه الصغيرة

* فوطه للاستحمام للبيبي

* فراش لتغيير للبيبي

والله ما اذكر اذا نسيت شي لان من فترة مجهزه


وحاطه بجامات وملابس لولدي محمد لانه بيي عندي وملابس داخليه وجرابات وجواتي

وبامبرز وادواته كامله مع اكله
(شربه جاهزة + كورن فليكس وحليبه وسيريلاك وشاهيه وبسكويت وبطاطس وعصاير وسمون ...الخ ) ماحطيتهن بس

كتبتهن في ورقه عشان لو ربيت اخلي ريلي ايب له من المول الي جنب المستشفي

ادواته مراضع وصحون ومعالق .....

وبس الي اذكره واذا شي مهم ناقص ذكرني

ششخبآركم ؟َ
للحين أجههز ف أغراض البيبي وما كمليت ,ِ

انا تقريبا خلصت اغراض البيبي ..

بس اغراضي بعدها !!!! والله ما اعرف شو اشتريلي شو العدد ؟؟

يعني ما اعرف كم جلابية اشتري او افصل ..

انا سويت لين لين الحين 5 حق الرضاعه ان يكونون مفتوحين من جدام ولين الحين ما يبتهم من الخياط ..

يبالي اشتري بعد ولا ؟ والي البسهم ف المستشفى ؟ افصل ولا اخذ جاهز ؟

سوري وايد اسال بس ها اول بيبي و اول حفيد ف بيت ابوي بتكون بنوتي ..

سلام
شخباركم. ؟
مأشاءالله. شيوخه منشطه التجمع بالمعلومات يعطيج العافيه ماتقصرين
بنات عندي ألم صار لي أسبوع يجيني مرتين أو ثلاث في اليوم شنو هائ طلق كاذب يعني ؟

لأن في ولدي حطولي طلق صناعي في الأسبوع 36. ما أعرف الأم الطلقات

هلاااا امهاااااااااات


شخباركم

بنات البحرين بغيت اسالكم فيه تخفيضات الحين

واذا فيه وين

السلام عليكم

صباح الخير ع الجميع ..

ماشاءالله شيوخية .. مسوية جو على التجمـّـع .. الله يقويك .. ويزيدك خير ..

رحت امس السوق اتمشى شوي واغير جو .. وفيه شغلات كثيرة انهبلت عليها .. بروح بكرى ان شاءالله اخذهم وابدأ التجهيز الله يسهل ويعين ..

انا هاليومين ملاحظة ألم في الركبة اليسرى فضيع .. اول مرة يصير لي كذا .. :-#

بغيت اسألكم كل وحده وش ناوية تسمـّي البيبي ان شاءالله ؟؟ :) يالله خلـّونا نستانس شوي ونفرفش ..

صباح الخيرات ياحلوااااااااااااات وجمعة مباركه ع الجميع يارب

ملڪَٺڪَ آلآبدية;15852487:
ششخبآركم ؟َ
للحين أجههز ف أغراض البيبي وما كمليت ,ِ

بخير وسهاله يالغلا

الله يساعدج بالتوفيق وان شاء الله بتخلصينهن :thumbs_up:

تعبت اكابر;15853249:
انا تقريبا خلصت اغراض البيبي ..

بس اغراضي بعدها !!!! والله ما اعرف شو اشتريلي شو العدد ؟؟

يعني ما اعرف كم جلابية اشتري او افصل ..

انا سويت لين لين الحين 5 حق الرضاعه ان يكونون مفتوحين من جدام ولين الحين ما يبتهم من الخياط ..

يبالي اشتري بعد ولا ؟ والي البسهم ف المستشفى ؟ افصل ولا اخذ جاهز ؟

سوري وايد اسال بس ها اول بيبي و اول حفيد ف بيت ابوي بتكون بنوتي ..

هلا اختي تعبت اكابر

الحمدلله عقبال ما تخلصين اغراضج عدد الجلابيات ع حسب المده الي بتمين ابها بالمستشفي

حلو عددهن 5 بعدين يوم اتربين ما ايون اهلكم ايزورونج بالبيت فردي لبسيهن يوم حد

اييج ويوم بروحج لبسي اي شي عادي
ما احس يحتاج تشترين يكفيج بس اذا تبين شي مريح للنوم

اذا الخمس الي مفصلتنهن وايد خفاف يعني جلابيات عادي خذي لج شي يوم

اهلج بيون ايزورونج واذا ينفعن فخلاص

الله يحفضها لكم يارب وتي بخير وسهاله يارب ويفرح اهلج ابها