التجمع الثاني لحوامل فبراير 2012

مساء الخير

هلا اختي ام علي انا اراجع بخاص بس واااايد زين وكبير مش عياده هذا مستشفي اول مستشفي عندنا

بس نفس ما قلتي ولا مرة تينهم ما يطلعون شي

انا قالت واااااااااايد صغير بس ما ادري اكيد بيبين بعد اسبوعين يوم بدخل عند الدكتورة بخليها تقراء

شو كاتبه


قبل شوي تميت امشي ع الخفيف بالبيت قلت اهي نفسي للمشي لان فجأه مب زين وبتعب بس امشي شوي وايلس


ومحمد فديته ما يخليني كله يربع وانا اربع وراه

صباح الخير كراريش

وينكن محد من امس دخل شو هالكسل

ولا عشان اجازه .....؟

على العموم ان شاء الله تكونن بخير وسهاله ونونواتكن بخير

انا صااااااااااااير لي من كم اسبووووع مستحيل ارقد ما احلم ولا اخلي حد ما احلمه شو السالفه ما ادري

الله يستر اذا هذا بعده الثامن ما ادري كيف بيكون التاسع لاني بولدي اول واحد ما دخلت التاسع

افتكيت الحين خاطري افتك تعبت خلاص اقول من اوصل الاسبوع 35 بمشي ان شاء الله من ادخل التاسع اربي

حتى بطني احسه كبر الله يستر بعد ما نربي نقدر انرد مثل قبل ولا لا



خاطري اروح اشتري جلابيات للمستشفي وللبيت لان ملابسي صارت ضيقه

شريت بيجامات بس شكلي ما بلبسهن لان يمكن ام ريلي تي اتبات عندي بالمستشفي لان امي محد

شكلي بربي بروحي لان ريلي ما بيدخل وياي وامي محد وخالتي بخليها بالبيت ويا البشكاره عند ولدي

ويوم اربي بيون البشكاره وخالتي وولدي عندي لحد ما اطلع يمكن امي تي عقب


الله يستر اقول مرات مب حلو بروحي بس يوم افكر في ولدي اقول احسن انا بروحي ولا ولدي

بتم احاتيه وقلبي بيتم عنده

بس ان شاء الله خير






انتن فكرتن من بيروح وياكن يوم اتربن ان شاء الله ؟؟؟؟؟؟؟

صباح الخير ...
شخباركم ؟
جمعة مباركة عليكم ...

سكر ... اني من زمان خلصت ثياب النونو واغراضه ما انتظرت التخفيضات ولا شي ... بس اذا صارت تخفيضات عدلة بروح باخذ له ثياب حق اذا كبر ...

شيووخة ... مثل الحركة الي سوتها لي الدكتورة ... اول شي قالت لي شفيه بطنش متيبس ... بطنش يعورش الحين .... قلت لها لا ... بعدين تقولي ما حولوش على السلمانية ... قلت لها لا ليش؟ تقول لا بس البكريات لازم يحولونهم ...

بعدين تقول لي لا تاكلين واجد بعدين تتعبين في الولادة .. اني استغربت مع انه اكلي عادي مو اكل وحدة حامل والبيبي وزنه طبيعي ... بعدين تقولي ليش راسه واجد نازل ... قلت خلها تولي ما بسمع كلامها ولا تلعب بي وساوس الشيطان .... كل شي بايد الله ....

طنشي لا تسمعين لهم ....

مساء الخير ع الجميع ..

كيف حالكم ؟؟

لا تنسون سورة الكهف .. والصلاة على أكرم الخلق محمد صلى الله عليه و سلم ..


شيوخية ..

ان شاءالله ناويه اروح لحالي .. لأن اتذكر بولدي جت معي أمي لأنها تجربة جديدة علي ومادري وين اروح ووش اسوي .. وبصراحه تعبت مررره .. تمت سهرانه طووووول الليل واخواني لحالهم بالبيت .. فهالمره ان شاءالله ماتدري الا اذا اتصلنا عليها وقلنا لها الخبر بإذن الله ..


قلب أنثى ..

والله اللي يسمع كلام بعض الاطباء يتعب نفسياً .. الحمدلله اهم شي انتي ما تحسين بأعراض غريبة ومتعبة والباقي يتسهـّل من رب العالمين ..


:)


الاسبوع اللي فات قريت موضوع عن افضل تغذية للحامل بالشهر الثامن .. يقولك ركزي على الفواكه والخضروات لأنها فيها فوائد عجيبـــة جداً ويكون الطفل بأشد الحاجه للفيتامينات بهالفترة .. أيضاً مع شرب الحليب .. لأن زين لعظام البيبي يعطيه قوه .. و زين لك انتي ما تجيك هشاشة بعد الولادة ..

:)

قلب انثى;15834407:
صباح الخير ...
شخباركم ؟
جمعة مباركة عليكم ...

سكر ... اني من زمان خلصت ثياب النونو واغراضه ما انتظرت التخفيضات ولا شي ... بس اذا صارت تخفيضات عدلة بروح باخذ له ثياب حق اذا كبر ...

شيووخة ... مثل الحركة الي سوتها لي الدكتورة ... اول شي قالت لي شفيه بطنش متيبس ... بطنش يعورش الحين .... قلت لها لا ... بعدين تقولي ما حولوش على السلمانية ... قلت لها لا ليش؟ تقول لا بس البكريات لازم يحولونهم ...

بعدين تقول لي لا تاكلين واجد بعدين تتعبين في الولادة .. اني استغربت مع انه اكلي عادي مو اكل وحدة حامل والبيبي وزنه طبيعي ... بعدين تقولي ليش راسه واجد نازل ... قلت خلها تولي ما بسمع كلامها ولا تلعب بي وساوس الشيطان .... كل شي بايد الله ....

طنشي لا تسمعين لهم ....

انتي نفسي انا يوم خلصت بدت التخفيضات عندنا توها اليوم اخت ريلي تقول

لي روحي تنزيلات قلت لها خلصت

بس بروح اشوف بعدني يمكن اخذ بجامات لمحمد وتلطيشات اذا شي حلو يوم تنزيلات ما يخلون شي الا الي مب اوكي


الله يعينج ياج الي ياني :confused:

انا ما افكر في كلامها كله بيدين الله مثل ما قلتي

الله كريم ويسهل علينا يارب

ام علي :

الله يسهل علينا يارب

انا توها خالتي تقول انا ما بروح وياج خلي امج تروح قلت لها امي ما بتي قريب وما بخبرها الا يوم اربي

وانتي برايج يلسي عند البشكارة ومحمد

قالت لا انا بروح وياج ما اعرفت لها اول مره راحت بس تمت يالسه ع الكرسي وما سوت شي

اصلا الي بيروح وياج ما بيساعدج بشي كله بيدين الله وانتي والدكتورات بس

انا قلت لريلي انا يوم اروح ما بخبر حد برايها اتم عند امحمد وانا بروحي ما علي قال عادي قلت له هيه

اول مره رحت بروحي بس يتني امي وخالتي وانا بالمستشفي وما سون لي شي خلهن وين يقدرن اين

امه كبيره ما احس تعرف يمكن عمرها قرب 70 او في ال70

بدبر نفسي والله كريم وان شاء الله بيسهل علي

شيوخه
وشو البشكاره ؟؟

أنا بولادتي الاولى راحت امي معاي
بس الحمد لله ماطولت في المستشفى وولدت
وأنا أول وحده من بناتها راحت معاها الولاده أحس وجودها كان مهم
لاني جاتني الولاده ومافيه ممرضه ولادكتوره جنبي
قلت لها أحس في شي بيطلع من تحت ونادتهم وطلعت بولد واهم مو مهتمين يفكروني بطول
طبعا طلعوها من الغرفه بس قبل لاتطلع ذكرتني أني أدعي ولا أنا ناسيه مع الألم والولاده
وبعد ماولدت دخلوها لي على طول تطمنت علي وبعدين مشت مع زوجي

هالمره ان شاء الله بولد بعيد عن أهلي وماعندي أحد حتى يمسك بنتي
بس ان شاء الله الجيران ماراح يقصرون اكيد بخليها عندهم
وزوجي ان شاء الله اذا المستشفى يرضون يدخلونه بخليه يدخل
لأن بولد في مستشفى خاص
بكره بسأل الدكتوره عن نظام الولاده عندهم

مساء الخير جميعا ...

شخباركم ؟ وشلونكم ؟

مشكورين ام علي وشيوخة على النصايح ... والله احس كم يوم بالم في اسناني .... قاعدة احاول اشرب حليب كثر ما اقدر لان ما عطوني حبوب واني نسيت ما سالتهم بعد ... الموعد الجاي ان شاء الله ...

بالنسبة للولادة .... ان شاء الله بتكون معاي امي وزوجي ... بس اني خايفة اولد وامي مسافرة ... بضيع احس ...
احنا ما اعتقد يخلون احد يدخل لان صارت مشاكل ... بس وجودهم معاي بطمني شوي ...

الله يسهل علينا وعليكم يارب ....

ايه نسيت اسالكم ... من دخلت الثامن واني احس بوجع في جنبي اليمين مثل الشد يروح ويرجع .. طبيعي هالشي ؟
قولكم مال توسع الرحم او الحوض ؟ والا تقلصات قبل الولادة

جوفان....بشكاره يعني الخادمة :)

قلب انثى
اذا انتي بكر ماراح تجيك التقلصات الا قريب الولاده
اتوقع بس الرحم والحوض يتوسعون

مساء الخير

كيف حال الجميع ؟؟

ان شاءالله الكل بخير

اذا انتي دخلتي الثامن بيكون شي طبيعي التقلصات اللي تجيك هذي زي التمارين علشان جسمك يتهيأ للولادة

انا تجيني تقريباً يومياً بس اهم شي تحسبين الوقت بين كل وحده و الثانية اذا كان وقتها متقارب لازم تروحين المستشفى اما اذا كان على فترات متباعده ريحي جسمك وتخف التقلصات ..


:)

whitetooth;15836931:
جوفان....بشكاره يعني الخادمة :)

شكرا على التوضيح:D

مساء الخير ياحلوات

جوفان البشكاره يعني الخدامه او المربيه فلبينيه



ام حور الله يسهل علينا يارب

بس ليش امج طلعوها نحن ما تطلع اول ماربيت بولدي الاول كان ريلي عندي وامي وام ريلي

وماطلعو لحد مارحت غرفتي وياي



العفوووووووو قلب انثى

فديتج هذا شي عادي انا يستوي لي مرات شد في بطني وووووووووايد يستوي لي شد في ريلي

وانا راقده

والتقلصات شي روتيني بس ما يكون ورى بعض يعني نغزات وتروح

اليوم رحت المول وندمت اني جهزت لان بيبي شوب مسوي تنزلات اول مره يكون سعره كذا

قلت لريلي ياليتني ماتسرعت وجهزت الي شاريتنه 50 حصلته على 20 و 19 وشي 5 وشي 3

بس للاسف نفس الي شاريتنهن يعني لو بغيت اخذ عندي نفسهن

ما عرفت شو اشتري بس خذيت بجامات لولدي وفوانيل داخليه لولدي وطلعت

شيوخيه...ممكن تشترين اشياء لعمر ال6 شهور اذا التخفيض حلو...بس احسبي الجو بيكون دافي
اشياء مثل الملابس الداخليه و ملابس البيت و البيجامات مالها موديل يتغير..اشتري
انا في بنتي لما كملت الاربعين نزلت اكمل نواقص و شريت اشيا لعمر الستة شهور و بعضهاسنع و ما شاالله كله ينلبس

مشكورين على الافادة حبايبي ...
لا مو متقاربة ... على فترات ... يعني اول امس جاني ... مرة وحدة بس ..
وامس الليل جاني ... واليوم الظهر ...
شكله مال توسع الحووض

شيووخة .. اذا التخفيض يسوى خذي حق عمر ال 6 شهور او حتى لسنة .. ما بتخسرينهم .... اني قلت بسوي جذي ... اذا بدات التخفيضات وحسيت اسعارهم وايد زينة باخذ للمستقبل خخخ لاني مثلش كملت تجهيزاتي كامل ...

قلب انثى ما شاء الله شطووورة
حاليا باقي لي اشياء خفيفة ناوية نهاية هذا الشهر او بداية الشهر الجاي اكملهم

شنو بتسووون توزيعات؟