الله على كل شي قدير (قصتي مع العلاج)

السلام عليكم F:
كيف الحال :thumbs_up:
مسامحه على الأطاله:o في كتابة القصة بس إهي طويله ويش أسوي(الله كريم)
وشكرا لكل المهتمين والمتابعين لموضوعي والداعين لي وللمؤمنات في السر والعلن
اليوم يا بنات كليش تعبانه:sick: لكن لجل خاطركم قلت لازم أكتب لأن البنات ينتظرون
(الجزء الخامس)
بعد مرور 6شهور على تجربتي الأولى في أطفال الأنابيب
أتصلت إحدى ممرضات المركز الذي عملنا فيه أطفال الأنابيب تعلمنا أن دكتورة جديدة أنضمت للمركز وهي متخصصه في علاج العقم وأطفال الأنابيب
ولكن في ذلك الحين لم يتوفر المبلغ الكافي للأعادة العمليه :badly:
بعد مرور 3 شهور أخرى أكتمل المبلغ و بدأنا النقاش بأعادتة التجربه مره أخرى :study:
وبالفعل أخذنا موعد عند الدكتورة للبدأ بالتجربه الثانيه
ذهبنا للدكتورة بعد أطلاعها على الفايل الطبي الذي في المركز وبدأت معانا مباشره
زوجي عطته أبر وأدويه نفس التجربه الأولى بالضبط والمده نفسها
وأني بعد كل شي نفس الشي
بس المختلف في هذي التجربه
أنه أخذت عينه مهبليه عشان تتأكد من خلو الرحم من أي جراثيم أو فيروسات تمنع الحمل وطلعت النتيجة أن الرحم خالي من الفيروسات والجراثيم (الحمد لله)
يوم سحب البويضات أخذنا عينه لزوجي ورحنا عشان العمليه وبعد ما صحصحت من البنج
سألت زوجي عن التفاصيل قالي: أن العينه الأولى ما كانت ممتازه :-oوأطريت أخد عينه ثانية في المستشفى
كان الألم كلش فظيع :badly:بعد العملية مو مثل أول مره وظل يومين ألم متواصل على الرغم من تناول المسكنات
وبعد 3أيام أتصلو لإرجاء الأجنه
شربت ماي واجد بس هل مره حاسبت عشان ما يصير اللي صار المره اللي قبل
رحت المستشفى وكان الترجيع جدا مؤلم:'( ما أدري ليش كانت ذيك التجربة كلها ألام في ألام (الحمد لله على كل شيء)
ورجعوا لي جنينين بس:-oوعطوني أبر التثبيت والحقن المهبليه وقالوا لي يو 14 تعالي سوي تحليل ورحت البيت بس هل مره ما عتنيت بنفسي بصراحة :|كنت أطلع وروح مع زوجي بعض المشاوير الخفيفة وبعد مرور 10 أيام نزل دم:'( أتصلت للعيادة وقالوا لي لازم تجين
رحت وسوت لي الدكتوره أتراساوند وقالت : أعطوها مثبتات وسوي تحليل دم رقمي وكانت النيجه ............................ في حمل يا بنات:biggrin: (الحمد لله)بس تخوفت أكثر أني أفقد هذا الحمل بعد وسألت الدكتوره هل هذا النزيف من عدم الراحه
فسألتني :إذا ما حملتي ثقيل ولا أجهدتي نفسك فهذا الشي بأذن الله
أطمأنيت لأني ما سويت هل أشياء
رجعت البيت ولا حركة دائما مرتاحه وكنت أحس بلوحام وكنت أخذ أبر التثبيت بنتظام
وبعد ستة أيام توقف للوحام وزاد النزيف ورحت العيادة وسويت تحليل دم
توقف النمو مره ثانيه:'( (الحمد لله ) ونزل طبيعي هل مرة زاد النزيف وأجهظت وجتني حالة إكتئاب الله لا يوريكم:badly:
وبعدها ضليت ما أحب أسمع أخبار الحوامل اللي طرحت واللي توقف النمو عند البيبي
لكن الحمد لله صيطرت على حالة الأكتئاب قبل ما تسيطر علي :thumbs_up:
زوجي مسكين تعب وياي واجد في هذي التجربه بسبب الألام اللي كنت أعاني منها وبعدها حالة الأكتئاب
فقررت أني وزوجي بعد هذي التجربة الراحة لمدة لاتقل عن سنه
يا ترى كم بتكون مدة الراحه ويش الشي اللي بصير بعدها
إلى اللقاء في الجزء السادس ما قبل الأخير
(أتفائلتون يوم شفتون ما قبل الأخير)
مسامحه من التعب :sick:ما عطيت الجزء حقه
مع السلامه بنات ولا تنسونه من الدعاء (للمحرومات طبعا واللي يبغون عيال)
تصبحون على خيرF:

شكرا عزيزتي رونق الحياة 2008 للمتابعة المستمرة

متابعة معاج اختي
بانتظار جديدج

بسم الله الرحمن الرحيمF:
كيف حال العروسات الحبوبات :thumbs_up:
تراني كلش تعبانه:sick: لكن معزتكم خلتني أكتب البقية من القصة
بنات أبغي دعمكم رجاءاً :o
بنات إذا ما شفت تفاعل ما بكمل:p
وشكرا لكل العروسات المهتمات على هذا الدعاء والمتابعة:thumbs_up:
أبغي كل وحده تدعي لي وللمحرومات دعوه حلوه في السر أو العلن:(
المهم
نبدأ الحين
(الجزء السادس)
مرت الأيام بنات ومرت الشهور ومرت السنوات (لين مرت سنتين )وأني مريحة وكلما أذكرت حلمي بالأمومه أتذكر الألم اللي سببته لي أخر تجربه :'(والمسكين زوجي كان يعذرني على الرغم من رغبته بإعادة التجربه
خايفة أرد أفكر أني بمر بلي مريت فيه مره ثانيه
لكن عشان حبيبي:L: وقرت عيني :adore:بحاول
أخذت موعد عند دكتوره (سمعت عنها من عدد كبير من البنات اللي في النت أنها زينه وحتى من خارج النت)
رحت ليها أول موعد أخذو تفاصيل الحالة وقالت لي:بعض التحاليل قديمه وتحتاجين أعادتها ولازم تسوين تحليل جينات ممكن جيناتك ما تتوافق مع جينات زوجك عشان جدي أصير توقف نمو الطفل والإجهاض(هذي المشكله ماليها حل إلا أن يتزوج زوجي وحده ثانيه:badly:) و لازم تسوي أشعة الصبغة و منظار عشان نعرف في سبب في الرحم يسبب توقف نمو الطفل والإجهاض
سويت التحاليل أما أشعة الصبغة كان الموعد بعيد أما المنظار قالتلي لازم يكون بعد نتيجة أشعة الصبغة
والموعد الثاني قالت لي :كل النتائج سليمه:thumbs_up: وعطتني تحاليل لزوجي عشان تتأكد في تقدم في الحاله ولا
سو التحاليل مباشرة
وقرب موعد أشعة الصبغة وبديت أخاف من كلام البنات:-o وحده تقول يألم موت:badly: وحده صار ليها نزيف :worn_out:لكن توكلت على الله وسويت الأشعة بصراحه ما توقعتها سهلة الألم كلش بسيط ونزل دم كلش بسيط
ورحت الموعد اللي بعده وكانت نتائج التحاليل مالت زوجي طلعت ونيجة الأشعة بعد طلعت
دخلت على الدكتورة بعد ما أطلعت على النتائج خبرتني أن حالة زوجي على ما هي عليه ونيجة الأشعة تمام الأنابيب المبايض سليمه الحمد لله (أحس ماليها داعي أشعة الصبغة ما أدري ليش مسوتنها لي:woo:)
وقررت لي عملية منظار وقالت لي يوم اللي تجيش الدورة أتصلي عشان أنحدد يوم العملية وبعد الدورة لا يصير جماع
يوم جتني الدورة أتصلت وأخذت موعد
مرت الأيام وجى موعد عملية المنظار (كنت متخوفه من العملية لكن الله يسرها:thumbs_up:)
تألمت بعد العمليه لكن الألم خفيف ونزل شويت دم
رحت للدكتورة وقالت لي:كنت أعاني من ألتصاقات في جدار الرحم وهي عالجت المشكلة في عملية المنظار ونيجة الجينات طلعت تمام(الحمد لله):074:
والحين خلاص بنبدأ بإجرائات عملية أطفال الأنابيب
بصراحة أنصدمت ما توقعت بهل سرعة:confused: (يعني بس مرت 4شهور ) وأحس أني مو مستعده :hysterical:
ترددت قبل ما أقول لزوجي هل كلام لكن في الأخير قلت له
المسكين كان متفهم جدا:L:
وقال لي :بنأجله بعد ويش رايش
قلت ليه: أوكيه:thumbs_up:
وقررت أشتغل عشان أنسى و بالفعل حصلت شغل ومرت سنه ونص وبعدها
قلت لزوجي: خلاص أني مستعده للعمليه
وقررت أتوقف عن العمل لأن العمل جدا مرهق:057:
وبديت في العلاج تخيلوا طلبت مني عملية منظار مره ثانيه :-oبحجت أن صار وقت طويل على الأولى ورديت سويته والحمد لله كانت النتيجة:thumbs_up: أتصدقون كانت مركزه علي في العلاج ولهيه مهتمه في زوجي لا عطته دوه ولا أبر وسيده قالت :الخزعة أضمن على قولها
ما بطول عليكم كانت نفس الخطوات اللي مريت فيها في العمليتين السابقتين من حبوب وأبر
ليوم العمليه رحت أول شي أخذو خزعة من زوجي وتأكدوا أنه عنده حيوانات في الخزعة وبعده جهزوني لعملية سحب البويضات وسويت العمليه ووعيت من البنج حسيت أني ضايعة ومحد وياي
سألت الممرضه ممكن أطلع بعد مرور نصف ساعة على أستيقاضي وقالت لي وقفي إذا ما حسيتيتن بدوخه عادي تطلعين
وقفت والحمد لله كنت تمام
لبست ملابسي وتوني بطلع وألا زوجي توه طالع و رحنا البيت أني أتألم وهو معاي تصدقون أخذوا منه عينه من كل خصيه يعني جرحين منفصلين وكان عندي بس 3 بويضات ما أدري ليش :-o
مرت ثلاثة أيام وأتصلوا لي عشان الأرجاع وشربت ماي لين ما أمتلأت ودخلت للأرجاع ورجعت لي 3 أجنه وقالت لي أحتمال كبير ما يصير حمل:-o لأن الأجنه مو من الدرجه الممتازه
وبعد مرور 14 يوم من الراحة رحت سويت تحليل وطلعت حامل (الحمد لله):)
فرح زوجي :)وقال إن شاء الله ما بنحتاج لعمليه ثانية وقال لأمي أني أحتاج راحه لأني حامل:019:
وعطوني موعد بعد 14 يوم عشان يتأكدون من وضع الجنين
وبعد ما رجعت لازمت الفراش ولا حركه :019:وبعد عشرة أيام نزل دم :woo:
رحت مستشفى ثاني لأن كان يوم جمعة وهم في إجازة وطلبت مني الدكتورة أستلقي على السرير وعطوني أبر تثبيت على أمل أني حامل و قالت لازم نسوي تحليل حمل وكانت النتيجه0.8 :woo:تخيلوا وأكدت لي الدكتورة عدم وجود حمل من أصله :mad:لأن لو كان موجود حمل ينخفض الهرمون شوي شوي مو مره وحده (يعني جذبوا علينه:mad:)
عصب زوجي لأن لعبوا بأعصابنه:mad: وبصراحه أني هسترت :hysterical:يعني كنت أتخيل شي في بطني وهو ما في شي
يوم السبت أتخيلوا كلما أتصل بالعياده ما يردون علي :mad:
قلت لزوجي بالموضوع وقرر أنروح العياده
رحنا العياده وطلبنا مقابلة الدكتورة أتصلت السكرتيرة بالدكتورة قالت ليها بأسمي فقالت ليها ما في وقت:clock: حتى أتكلم معاها
عصب زوجي :mad:ذاك الوقت وكان ناوي على الشر لكن هدأته 8o|وأقنعته نترك العيادة ونحتسب عليهم عند الله
وكل معتاد نحتاج لراحة بعد العملية والعلاج المكلف:$:
ترقبوا الجزء الأخير غدا ياترى ويش بصير
أدعوا لي بنات وكل المحرومات رجاءاً
مع السلامه
وتصبحون على خيرF:

بسم الله الرحمن الرحيمF:

السلام عليكم:083:

كيف الحال:thumbs_up:

أما حالي علا ما هو عليه:sick:

المهم

لاتنسونا من الدعاء:(

(الجزء الأخير)

بعدمرور 8شهور تقريبا

بدأت النقاش:086: في موضوع الأنجاب مرة ثانيه وقررنها أن نعيد أطفال الأنابيب للمره الرابعة بس هل مره عند دكتور معروف بأنه نسبة النجاح عنده كبيره جدا:thumbs_up:

أتصلنا العيادة وكان أقرب موعد بعد شهر

رحنها بعد شهر الموعد أتطلع الدكتور على التحاليل السابقة ولم يطلب منا أعادة أي منها :-o

أعطى زوجي كورس لمدة ثلاث شهور وهو عبارة عن أدويه وأبر وقال لي : أبدأ بشرب الجلوكوفاج والفولك أسيد وأخذ موعد بعد شهرين

مرت الشهرين وزوجي مواظب على العلاج :thumbs_up:

رحنا الموعد أخذو علي ألتراسوند وطمأن الدكتور على الرحم وعطاني حبوب لتنظيم الدورة قبل العمليه و

معاهم أسبرين وفيتامين ب6 وأبرة أخذها قبل لاأشرب أخر حبة من منظم الدورة

وعطانها موعد بعد العيد لأن هذا الموعد كان في شهر الخير شهر رمضان:biggrin:

رحنا الموعد وكانت الدورة يوم رابع تقريبا وبدأت أخذ الأبر من يومها لمدة 7أيام وبعدها موعد ثاني

رحنا الموعد وطمأن الدكتور على البويضات وقال عنها كثيرة وحجمها تمام :074:وعطاني أبرتين بعد زيادة على اللي أخذتهم والأبرة التفجيرية

خلصت الأبر وتجهزت للعملية يوم ثاني

قعدنه من النوم :010:ورحنا للمركز وهناك أخذنا عينه لكن العينه كانت لا تحتوي على حيوانات :thumbs_down:(الحمد لله)

فقررو لزوجي عملية الخزعة

جهزوه للعملية وبقيت أنتظره وبعد 25 دقيقة:clock: نادوني للعمليه

قمت بلبس الملابس الخاصه وذهبت للحمام ووضعوا علي المغذي وبعد أنقضاء ما يقارب النصف:clock: ساعه أتى الدكتور وقال لي :أن الخزعة التي أخذناها من زوجك لاتحتوي على أي حيوان منوي أنصدمت من الخبر:-o (الحمد لله على كل شيء)

وخيرني بين أن أقوم بعملية سحب البويضات وتخيزنها لحين تواجد حيوانات منويه أو أنزال الدورة

سألت الدكتور:في أمل ترجع الحيوانات بالظهور

قال هذا كله بأمر الله

في البداية من شدة الصدمه :hysterical:وعدم أستيعابي لكلام الدكتور قلت للدكتور أني بسوي العملية

لكن قعدت افكر:I: ليش بسحب البويضات وبجمدها وحنا ما عدنا تكاليف :$:التجميد فغير رأيي

يوم جت الممرضة عشان خلاص بدخل العمليه طلبت رؤية الدكتور وقلت ليه: ما بكمل خلاص

شالوا المغذي ولبست ملابسي ورحت لزوجي اللي من شفته ما قدرت أتمالك نفسي :'(

لأن كان يسألني خلصتين وأنا للحين أتألم :badly:

شافني أصيح :'(سألني ليش أتصيحين وقلت ليه اللي صار المسكين أتضايق:hysterical: واجد وقال بيطلقني:'( عشان ما يعذبني معاه لكن أني قلت ليه: لعيال اللي مو منك أني ما أبغيهم:(

وبعد 20 دقيقة :clock:رخصو زوجي ورحنا للدكتور مكتبه وعطاني ادويه لأنزال الدوره ومسكن للألم

وعطى زوجي مضاد ومسكن للألم

وتأسف منه وكان محرج من اللي صار:o

وللحين يابنات الدورة ما نزلت وأني كلش تعبانه صدري متورم وكل جسمي يألمني :badly:ولا أدري ويش أسوي مع العلم أني خلصت الدواء من سته أيام وللحين مانزلت

الحين بعد ما عرفتون القصة

ترى سبب تأخري في كتابة القصه:082: سببه حالتي النفسيه اللي مريت فيها مع زوجي:(:( بعد هل التجربة

في البداية كنت ماني عارفه أهون على نفسي ولاعلى زوجي :(

كنت متمنية أختم القصة بنهاية سعيدة :Dلأن عندي أمل كبير أنها بتنجح العمليه :thumbs_up:

لكن قدر الله وما شاء فعل

أنتظرو بعض النصائح والمعلومات اللي بتفيدكم إن شاء الله

مع السلامه بنات

وإلى اللقاء مع جزء جديد فيه أحلى خبر إن شاء الله تعالى (عادي الأمنيات مو بفلوس صح:lol:)

تصبحون على خير:L: