الله على كل شي قدير (قصتي مع العلاج)

بسم الله الرحمن الرحيم
أول شي أقدم أعتذاري لكل العروسات :o(لأني مريت بظروف لا يعلمها إلا الله ولم أستطيع تكملة القصة بسرعة)
المهم بنطلع من جو النكد :'(عشان نقدر أنكمل القصة
(الجزء الثاني)
قررت أني وزوجي أنروح لدكتور متخصص في علاج العقم هو ما صدق تحليل ورى تحليل وأشعة وأدويه وأبر وكان زوجي يتذمر من كمية الأبر إلي إستمرت لمدة سنه :badly:وكنت أصبره على طول وقول له كون قوي :thumbs_up:
خلص كورس الأبر والدواء وأخيرا:hysterical:(اللي قبل لا ياخذه أكد ليه الدكتور بتكون نتيجة التحاليل كليش مختلفه عن قبل)
قال لينا لازم ننتظر ثلاثة شهور عشان نسوي تحليل عشان الأدويه تعطي مفعولها:!!:
وصبرنا كنا أنعد الساعات والأيام:clock:عشان يجي هذا اليوم اللي فيه التحليل لأني أحاتي التحليل من صوب والأسئله اللي ما يملون منها الناس من صوب ثاني:confused:
مرت الأيام و جاء اليوم إلي ننتظره وكنت متفائله أني وزوجي أخذنا التحليل ونتظرنه النتيجه وكانت:thumbs_down:تخيلو ما تغير شي للحين صفر عصب زوجي :mad:وراح للدكتور:011:وكان ناوي الشر لكن الدكتور ألسانه معسول وهدأه وقال ليه بيحتاج لأشعة ليتأكد أن الخصيتين سليمتين :woo:توه متذكر حضرة الدكتور
أني في هل وقت قلت لزوجي نروح لدكتور غيره
لكنه أصر على مواصله معاه لأنه أحسن دكتور في هذا المجال
سوينا الأشعة وكانت صدمه ثانيه:-oلأن كانت النتيجه أن الخصيتين فيهم دوالي وقرر إليه عمليه وسوى العمليه وظل زوجي بروحه في المستشفى (عشان لحد يحس بالموضوع) وأني أحاتي:'(في البيت
رخصوا ثاني يوم من العمليه وكنت على أعصابي والحمد لله كان يقدر يسوق بس كان ما يقدر يمشي عدل
راح للدكتور بعد شهر عطاه كورس ثاني يحسن من أداء الخصيتين وهو عبارة عن أبر وأدويه لمدة 6شهور وبعد العلاج ياخد عينه
مسكين كان يعور قلبي :L:لأن كانت العمليه للحين ما خفت وكان يداوم ويخذ الأبر وكانت الأبر مؤلمه مرت 6شهور والحمد لله كان صبور مسكين:-#
ويوم التحليل راح وسوى تحليل وكانت النتيجه:thumbs_down:وراح للدكتور عشان يناقش معاه النيجه إلهو يقول الدكتور يمكن ويمكن تخيلو دكتور يقول يمكن
من بعد هذا التحليل قرر عدم الذهاب لهذا الدكتور
ظلين سنه كامله بدون علاج خبركم النفسيه كانت:thumbs_down:والحاله الماديه:thumbs_down: فقررنا أنريح
وبعدها سأل زوجي عن دكتور أقل كفائه من السابق وأخذ عنده موعد وكانت مواعيده بعيده لكن كان صادق :)مع زوجي وقال ليه لازم يخذ خزعه من الخصيه عشان يتأكد ويش المشكله في الخصيه وعشان يتأكد يوجد في الخصيه حيوانات منويه ولا لا وسأله زوجي عن العلاج اللي أخذه أعني الأبر والأدويه فقال ليه هذا العلاج مو لحالتك طلع الدكتور الأولي:$:مادي وجذاب8o|
المهم سوى العمليه وكانت النتيجه أن الخصيتين يوجد بهم تلف كبير في الخلايابنسبه أكبر من 90% :(لكن يوجد خبر مفرح لكن لم نكترث به وهو أنه يوجد حيوانات قليله جدا في داخل الخصيه يمكن نسوي أطفال الأنابيب:worn_out:وكنا ننظر لأطفال الأنابيب بنظره (أن الطفل اللي بجي مادري شلون تفكير مال لول:D)
فقررنا أنه ما نبغي عيال خلاص
إلى اللقاء في الجزء الثالث ياترى بنعمل أطفال أنابيب ولا لأ:)يا زعم تشويق ههههههههههه
إن شاء الله بكتبه بأسرع وقت ممكن
مع السلامه
أدعو لي ولكل محروم بالذريه الصالحه

مرحبا اختي

ارجو من الله اي يهب لكي الذرية الصالحة ولي ولكل محروم ومحرومه يا رب العالمين

اللهم آمين

وانا بانتظار موضوعك بفارغ الصبر لأن حالة زوجي بالضبط نفس حالة زوجك وأجرينا عملية الحقن المجهري ولكن لم يحدث حمل والحمدلله على كل حال


بالانتظار.............

بسم الله الرحمن الرحيم
سلام عليكم عروسات:025:
كيف الحال إن شاء الله بخير:thumbs_up:
الحمد الله اليوم النفسيه ممتازه:074:ونسينا النكد :'( الحمد الله
في البداية ببدأ بدعاء للعروسات المحرومات
اللهم أرزق كل محروم بالذريه الصالحة أجلا غير أجل
إن شاء الله ما تمر هل سنه ألا وكلناحوامل:063:وسنه الجاية في حضنه البيبي نايم:019:
إن الله قادر على كل شي
وشكرا لكل العروسات المهتمين بموضوعيF:
تدرون هاذي ثاني مره أكتب هل كلام لأن الكمبيوتر ما أدري ويش فيه:020:
(عاد بسش هذي كلها مقدمه ;) حضرتي مهستره شوي كل هذا وتقول شوي:lol:)
(الجزء الثالث)
مرت سنتين وأحنا مصرين ورافضين فكرة أطفال أنابيب
وكنت أعاني أني وزوجي من كل اللي حاولينه :(
تخيلوا أصدقائه دائما يقولون له روح تزوج عليها (لأن يعتقدون أن مني المشكله) قدامي:|عيني عينك
فكرنا أنروح لمركز أعشاب معروف
وبالفعل رحنا ووصف لينه (أني وزوجي) الدكتور اللي هناك حبوب وشاي (أعشاب)وقال لينه أن هذا الدواء يخلص الجسم من السموم وينشطه:013:وناس واجد صار عندهم عيال بعد ما كان ميؤس من حالتهم
وبعد 6 شهور نسوي تحليل إذا ما فاد نواصل لمده سنه
مرت 6شهور وسوينه تحليل بس كانت النتيجه:thumbs_down:(الحمد لله على كل شي)
لكن كنت أني وزوجي نحس بتحسن يعني نحس بنشاط وصارت مناعتنه أقوى
مرت السنه وسوينه تحليل لكن النتيجه:thumbs_down:
زوجي وأني ملينه وقررنه نوقف العلاج
لأن كان العلاج مكلف فتخلخلت الميزانيه وتعبت نفسيتنه وقالنا نرتاح شوي ونرد ندور عن حل
ياترا بلاقي حل ولا لا
إلا اللقاء في الجزء الرابع
أبغي تفاعل عروسات يعني ألا تدخل على الأقل
دعوه حلوه مثلها F:
مع تمنياتي للجميع بالتوفيق
أسألكم الدعاء

الله يهديج يا اختي


كتبي الموضوع مره وحده وخلصينه

كلش الموضوع مو مال تشويق

انتي حابه تفيدينا بتجربتج ولا أيش

حرام تلعبين بأعصابنا

على العموم هذا رايي

ومشكوره واااااااااايد

بسم الله الرحمن الرحيم
السلام عليكم
كيف حال العرايس الليله إن شاء الله بخير :thumbs_up:
اليوم الجزء كلش حلو (لا ماصخ:lol:) وأني متشوقة لكتابته من الصبح بس ما كان عندي وقت:clock:كافي لكتابته بالكامل
المهم ما بطول عليكم :o
(الجزء الرابع)
بعد راحة تقريبا 6شهور كنت أدور في النت :044:والجرايد :097:والتلفزيون شي يفيدنا وفي يوم من الأيام شفت أعلان لبرفسور في عقم الرجال وأمراض الذكورة وأطفال الأنابيب:03:
من شفت الأعلان أتصلت لزوجي وخبرته أن البرفسور أجي يومين في الشهر بس البحرين ولازم أنروح أو نتصل نسوي موعد بسرعة
وبالفعل لقينا موعد بعد شهر
رحنا الموعد لكن دخل زوجي بروحة فقال ليه: ما يصير أعالجك وزوجتك ما تدري:|
قال ليه زوجي: تدري زوجتي
فقال ليه الدكتور :ليش ما جت معاك
فقال زوجي: أهي بره
نادني زوجي بناءا على طلبه
أول ما دخلت قال أهم شي أن الزوجين متفهمين المشكله اللي هم فيها
تالي سألنه تعالجنه من قبل ولا لاوخبرناه
فطلب منه أن نعيد كل التحاليل لي ولزوجي لأن صارت قديمه (سوينا التحاليل على طول عشان تطلع قبل الموعد الجاي)

ولموعد ثاني شاف النتائج وطلعت المشاكل طلع عند زوجي هرمون fsh مرتفع جدا جدا (الحمد لله على كل شيء)
وقال لينه لازم نسوي تحليل جينات لزوجي عشان نتأكد أنه ما يعاني من متلازمة كلاينفلتر يعني بدل ما يكون الرجال جيناته xy يكونxxy يعني تميل مواصفاته للنسوان (بعضهم عنده أثداء وأعضائه الذكريه كلش ضامره يعني صغيره)لأن أرتفاع الهرمون من دلائل المتلازمه في بعض الحالات
ولأن ما في هل تحليل في البحرين إلا في مستشفى السلمانيه وما تطلع إلا بعد سنه تقريبا:woo:
فسويناه في خاص ونتظرنا النتيجة تقريبا شهر لأن يرسلونها للخارج طوال هل فترة كنت على أعصابي:( لأن اللي يعانون من المتلازمه ما ليهم علاج لحد الحين
والحمد الله كانت النيجة xy
على غرار النتائج قال لينه:أن ما في علاج لينه إلا بأطفال الأنابيب وطلب من زوجي تحليل عينه عشان يتأكد لأخر مره قبل الأقدام على العمليه
وقال لينه بسوي خزعه قبل ما يباشر في الخطوات العمليه معاي (لأنه في حاله من قبل عالجها بعد ما سحبو البويضات أكتشفو أن زوجها ما عنده حيوانات حتى في الخزعه)
رجعت ذاك اليوم مفتر راسي:confused: ويش أسوي
سألني زوجي :ويش فيش من رجعنه ونتين منتين عارفة اليمين من اليسار قلتله :أحنا رفضنا الفكره لمدة سنتين و6شهور والحين ويش اللي تغير
سألني قالي: تبين عيال مني ولالا
قلتله :أكيد أبغي
قال :خلاص توكل على الله
قلتله: ونعم بالله لكن شلون أكشف روحي على رجال
قالي :بسأل شيخ دين وبشوف
سأل الشيخ وقال :جائز
توكلت على الله
وسوى زوجي تحليل العينه وطلعت وطلعت وطلعت فيها حيوانات بنسبه قليله جدا يعني زوجي ما بيحتاج لخزعة:0100: (فرحنا واجد بالنتيجه شكله هذا مفعول الأعشاب)
الحمد الله رب العالمين
ويوم رحنا الموعد الدكتور أستغرب:023: من النيجه وقال هذي أول مره يطلع حيوانات
وقال بعد على غرار النتيجه بنعطيك كورس علاجي يقوي الحيوانات ويزيد من أنتاجه وكان عباره عن أدوية و فيتامينات وأبر لمدة 6شهور
مرت خمسة شهور وفي بداية السادس بديت بالعلاج الفعلي (لأن كنت أشرب فوليك أسد مع حبوب السكر بصراحة قاعده أبغي أتذكر الأسم بس كلش ناستنه)
أخذت مانع الحمل ياسمين عشان أضبط موعد الدوره للعمليه وبعد ما جت الدورة بديت من اليوم الثالث للدوره في الأبر لمدة 15يوم أخريوم أخذت الأبرة التفجيريه وكنت بلكاد كنت أقدر أمشي لأن كان عندي ألم فضيع
يوم السحاب أخذنا عينه لزوجي ورحنا المستشفى و محد يدري أن بنسوي أطفال الأنابيب
وكنت خايفه جدا:hysterical: لأن أول مره بتخدر وبسوي عمليه
عطوني الملابس وقالوا لي لازم تكون المثانه فاضيه وبعدها جت الممرضه ودتني غرفت العمليات وخلوا علي تخطيط القلب والأكسجين وخلو المغذي أخر كلمه سمعته لاتخافين
أول ما صحصحت عدل سألت زوجي:ويش الأخبار؟(أخبار الخليج ولا الأيام:lol:)
قال :كلشي تمام
وبديت تالي أتألم عطوني دواء عشان الألم ورخصوني المغرب رحت البيت ومرت ثلاثة أيام ويوم رابع أتصلوا لينه عشان الترجيع وقالوا لي لازم المثانه ممتليه رحنا العياده صرت رايحه جايه أشرب ماي :056:لين ما صرت فل نادوني للترجيع قالي الدكتور :بنرجع أربعه وبعد الترجيع لازم أنام على ضهري على الأقل نصف ساعه لكن اللي صار أني أحتجت للحمام ضروري وسويت المناحة:'( وزوجي عصب :mad:المهم قالوا لي روحي وتالي ردي أنبطحي
رحت البيت وظليت كل منبطحه بس أقوم للصلاة والحمام كرمك الله وعطوني أبر تثبيت وحقن مهبليه لأن تجربتي الأولى ما أعرف متى لازم أسوي تحليل ولا قالو لي ولا لزوجي :woo:أنتظرنه موعد الدوره وطاف الموعد بخمسة أيام ولا نزلت رحت المستشفى وسويت تحليل حمل رقمي وطلع وطلع وطلع 89 حححححححححححححححامل:022: أول مره أسمع هذي الكلمه روعه بنات إن شاء الله الكل يسمعها ويفرح بها وزوجي طار من الفرح وما ظل أحد وما قال ليه
ورديت لأحلام اليقظه اتخيل شلون بشيلها وشلون بلاعبها
بس الفرحه ماتمت بس يومين وجاني نزيف حاد جدا وطرحت :'(بس الدكتورة اللي كانت بدل الدكتور أصرت تسوي تحليل حمل رقمي عشان تتأكد وسوت تحليل وطلع وطلع وطلع 220 يعني زاد في بيبي ثاني يعني كانو توم :)بس يفرحه ماتمت بعد سبوعين توقفت أعراض الوحام ورحت المستشفى وقالوا لي توقف النمو :'(
الحمد الله على كل شي
بس كان الشعور مروع أني أفقد اللي في بطني:badly: الله لايوريه لأحد
وقالوا لي إذا مانزل بعد أسبوع تعالي
لكن الوالده ما قصرت عطتني حب الجزر ونزل (حب الجزر يبوعونه العطارين ويغلونه في البيت ويشربونه)
وبعدها أستراحة تعرفون ليش أكيد (من التجربه)
ياترى الحين ويش بنسوي
أتمنى أنكم أستمتعتون بالجزء الرابع و ستفدتون
إلى اللقاء في الجزء الخامس
حبيباتي لاتنسون المحرومات من الدعاء
مع السلامه عروساتF:

حبيبتي عروس في بيتي إذا تمعنتي في قرائة الأجزاء ستعرفين إجابة سؤالكي قبل أن أكمل الأجزاء المتبقية من القصة والله يهدينا أجمعين أمين
وشكر لكاتو على الدعوه الحلوه
وتصبحون على ألف خير