هام للبنات المصريات

السلام عليكم ورحمة الله وبركاته
إزيكم يابنات وحشتوني قوي وبعتذر عن غيابي عنكم بس ظروفي صعبة خصوصا بعد وصول بابا وماما من الكويت وكمان عندي تدريب صيفي في الكلية غير طبعا حيرة الشقة والجواز اللي قرب وما فضلوش غير شهر ولسة مافرشتش:eek2:
عموما احب ارحب بكل البنات الجدد وكل البنات وللاسف هضطر اسيبكم دلوقتي ويارب ادخل تاني قريب.:shy:

السلام عليكم ورحمة الله وبركاته

اولا انا فرحانه بوجودكم هنا معانا:clap:...
انا للاسف مش مصريه بس بفتخر اني عربيه ومن الخليج...
والموضوع عن الافراح عموما جميل....ومابيتملش منه ابدا....

وياريت كمان لو توضحولنا تفاصيل اكثر عن الافراح عندكم... زي مثلا:

العروسه بتجهز ايه...أأصد ايه الي على العروسه واهلها ...وايه الي على العريس....

الطقوس كلها....:up:

وشكرا ليكم....

اس









اس









السلام عليكم:cool2:

السلام عليكم ورحمة الله وبركاته

أهلا بكل البنات الجديدة معانا منورين

ريهام

وحشتينا

ربنا معك، أنا كمان فاضل شهر ان شاء الله، قلبي عندك.


أسيرة السراب

ان شاء الله هتكوني عروسة زى القمر بحجابك لأنك هترضي ربنا لازم يرضيك

ما تخلعيش طرحتك يا قمر أنا كمان محجبة، شوفي روحي النمرسي في وسط البلد او المهندسين بلاش اللي في الموسكي

واسألي عن ايشاربات المحجبات هتلاقي جالونات اورجانزا مشغولة حلوة قوي للمحجبات ومعاها ايشارب ستان وتربطيه من ورا زى الموضة الجديدة وبعدين تلبسي عليها الطرحة التل وان شاء الله هتكوني زى القمر وأحلى عروسة.

مذهلة البحرين

وعليكم السلام :D2

منورة

naanaa

أهلا بك

شوفي يا ستي (هاقول بسرعة علشان الدنيا زحمة اليومين دول عندي سامحيني)

شوفي مبدئيا العروسة في جميع الأحوال بتجيب الرفايع يعني حاجة المطبخ والملابس والبرفانات والحاجات دي يعني

وبعدين العريس يدفع مهر وهى تجيب به الموبيليا وهو يجيب الأجهزة خارج المهر ويجيب لها شبكة حسب وضعها الاجتماعي طبعا

أو

يجهزوا سوا وده منتشر كثير يعني هى تجيب موبيليا لغرفة واحدة وهو يجيب الباقي والمطبخ والنجف والستاير والحاجات دي يعني وكمان الأجهزة في كل الأحوال العريس لازم يجيبها

وفي الحالتين سواء بمهر أو من غير الجهاز كله بيتكتب باسم العروسة في القائمة وطبعا في عائلات مش بتحب الحكاية دي وفي ناس بتقول المهم انه كويس ومش مهم القائمة وناس تانية تقول لأ مهم علشان يحفظ حقها

وطبعا في جميع الأحوال لازم يكتب لها المؤخر

طبعا الحكاية دي بتختلف من منطقة للتانية ومن مستوى اجتماعي للتاني

يعني في الريف مثلا العروسة بتجيب الرفايع والعريس يجيب الباقي على قد ما يقدر وبعد الجواز يكملوا

وطبعا البنت مش بتاخد المهر في ايدها وتيجب به الرفايع بتاعتها تيسيرا على الزوج علشان الظروف الاقتصادية وكده

نسيت أقولك حاجة

العريس في مصر هو اللي بيجيب الفستان ويدفع تكاليف الفرح والكوافير والماكيير (وطبعا ما يمنعش لو العروسة جابت هى) بس الأصول ان العريس هو اللي بيعمل كده.

أتمنى أكون أفدتك. طبعا الموضوع فيه تعقيدات كتير وتفاصيل كثير مسيري أقولهالك بس مرة تانية ان شاء الله علشان مستعجلة

وانتم في الامارات بتعملوا ايه

السلام عليكم ورحمة الله وبركاته

اولا انا بشكرك جدا على التوضيح ده يا bridetobe ....

اما عندنا في الامارات فتكاليف التجهيز للفرح كلها على العريس...العروسه مابتدفعش ولا مليم ااصد ولا درهم...

العريس بيدفع المهر وهو الي بيجهز... لو كانوا حيسكنوا في شقه...او حتى لو كانوا هيسكنوا عند اهله برضوا بيجيب عفش جديد...

بس فستان الفرح والمكياج مع التسريحه +حنه العروسه الجميله جدا.. ده يا اما من المهر او منه هو حسب الاتفاق...

طبعا العروسه بتجهز كل حاجه من المهر...زي ملابس الخروج+ملابس النوم+الشنط+الجزم+العطور+الدهب(المجوهرات)...بس فيه بنات عرايس بيجهزوا نفسهم ابل ما يستلموا المهر ....وفيه لا.

بس اليومين دول والي ماشي عندنا في البلد....العروسه بتساعد العريس في حاجات هم بيتفؤ عليها حسب كل عيله وحسب الوسط الاجتماعي طبعا...

ده كله بشكل مختصر...ولابد اني حشرح عن افراح زمان وافراح النهرضه بالتفصيل الممل...:D2

مع تمنيات لكل بنت وعروسه زواج سعيد...:up:

السلام عليكم ورحمة الله وبركاته

انتم فين يا بنات:eek2:

إيمي

قلبي عندك يا عروسة فرحك بعد كم يوم:cool2: ربنا يتمم بخير يا جميل (لوووووووووووووووووووووووووووووووووووولي - زغروطة) :o

هالة ومصراوية وريهام وعودة وباقي البنات

انتم فييييييييييييييييييييين :confused: :confused: :confused:

naanaa

ازيك يا جميلة

لا شكر على واجب أتمنى اكون أفدتك فعلا

بيني وبينك حلوة حكاية انه يدفع مهر ويجهز دى هايلة :up: طبعا هيشيل عن العروسة حمل كبير، بس الظروف الاقتصادية بتخلي الواحد يترك المهر ويساعد في الجهاز، يعني علشان الدنيا تمشي :shy: لأن تكاليف الزواج دلوقت بقت غالية جدا ومكلفة:pain:

على فكرة كلامك مصري خالص :smile:

قولي لي بتعملوا ايه في ليلة الحنة؟

ازيكم كلكمك يا بنات وحشتوني جدا

شفتوا انا بسال عليكم مع انتوا ما سالتوش عليا خالص ومش فاكرني يا وحشين


غير طبعا برايد حبيبتي اللي سالت عليا وكمان اموله كلمتني في التليفون

عموما انا فرحي الجمعه الجايه لو كنتوا نسيتوا يعني فضلي 3 ايام وحالتي حاله


اخيرا انهارضه استملت الفستان والحمد لله طلع حلو ومظبوط بس انا زودت التطريز شويه عن الموديل اللي في الصوره

لسه ما حجزتش الجيرب مش لاقيه حاجه عجباني خالص

ولسه رايحه بكره الشقه ان شاء الله اكمل الفرش

ولما اوضب شنطتي هابقى اكتبلكم القايمه اللي عملتها يمكن تنفعكم لما تسافروا بعد الفرح على طول ان شاء الله

اسيبكم بقى دلوقتي

ألف ألف مبروك يا إيمي

ربنا يتمم لك بألف خير (أنتم السابقون :D2:D2)

بالرفاء والبنين، ربنا يجمع بينكم في خير

شوفي يا عروسة بعد الفرح ان شاء الله لازم تحكي لنا عن تفاصيل الفرح والفرش واحساسك ايه وكل الحاجات دي

اتفقتي خلاص على الماكياج؟ والتصوير؟ أنا رحت امبارح آفو اللي قلت لكم عليه والله كويس وأسعاره حلوة

طمنيني عليك

احب اقول لكل البنات الف مبرووووووووووووووووووووووك ويارب تبقي كل لياليكوا فرح انشاءالله

عاوزة بس اوصي"اسيرة السراب" اوعييييييييييييي تشيلي حجابك
صدقيني فيه مية طريقة وطريقة تبقي قمر من غير ماشعرك يبان ولا اي حاجة......

انا هديكي رقم ريهام" مشهورة جدا في ربط الطرح"....وانا شفت كتالوجات لبنات كانت رابطة لهم وعجبوني جدا.....فانت اتصلي بيها علي طول واحجزي لانها بتبقي مشغولة علي الاخر.....هي في مدينة نصر وممكن تجيلك...


ريهام حسن: 16 جعفر الصادق من الطيران...الحي السابع


اهم حاجة ترضي ربنا عشان يرضيكي...وصدقيني الحجاب بينزل نور علي الوش....لانه من ارضي الناس وغضب الله...سخط عنه الله و اسخط عليه الناس..

وربنا معاكم جميعا

السلام عليكم ورحمة الله وبركاته

اولا
بحب اهني وبارك لعرايسنا eman_s25 و ريهام نعمان على الجوااااااااز مقدما..:shy: وأنا متاكده انكوا حتكونو اجمل العرايس ..ودي حاجه اكيده....:up:

وثانيا
بضم صوتي لصوت اخواتي bridetobe و قلب العصفوره... في انكوا حتحكو لينا عن تفاصيل الفرح والفرش واحساسيسكم ايه وكل الحاجات دي.. واهم حاجه يا حبيبي الحجاب ..الحجاب... وليلتكم فل:up:

ايمان

الف الف الف مبروك

ووحشاني مووووووووووووووووووت والله
ربنا معاكي ويتمم عليكي بخير ان شاء الله


وماقلتيش ايه رايك في الفستان وعجبك والا لا ووايه مستواه وكده اشرحي لناا

ياريت يا ايمان ترسلي لي ع الخاص رقم تليفونها وعنوانهاا الخياطة اللي عملته لك



برايد توبي

ربنا معاكي وحشاني والله


ازيك يا ريهام عاملة ايه ربنا يعينك بس طمنينا عليكي


فين هالة وامل والباقييننننننننن

ازيكم يا بنات عاملين ايه

الله يبارك فيكم كلكم وعقبالكم كلكم عن قريب ان شاء الله

اما العرايس اللي عليهم الدور هاوصيهم يشدوا حيلهم مايزنقوش نفسهم زي


كل اللي انتوا عايزينه هابقى احكلكم عليه ان شاء الله

مصراويه الفستان طلع هايل الحمد لله وهابقى ابعتلك تليفونها بس معلش مش دلوقتي


انا تقريبا اتفقت على كل حاجه بس التصوير تبع الدار علشان الوقت ما يضعش


اما احساسي انا كل اللي حاسه بيه ان نفسي اخلص من الحاجات اللي عليه علشان انام لاني من القلق مش عارفه انام خالص يعني انا بكتبلكم دلوقتي والفجر بيدن تخيلوا

يلا ربنا يسهل في الباقي عندي مشواير ليوم الخميس ربنا يستر

سلام بقى دلوقتي

السلام عليكم ورحمة الله وبركاته

يا بنات انتم وحشتوني قوي انتم فيييييييييييييييييييييييييين

كده أهون عليكم تسيبوني كل ده :confused: طب ايمي عندها عذرها وربنا معاها فرحها يومالجمعة :up: طب وانتم:confused:

مصراوية

وانت كمان والله وحشاني

عاملة ايه يا جميلة، ايه الغيبة دي طمنينا عليك

إيمي

الف مبروك يا حبيبتي (لووووووووووووووووووووووولي) يا رب يتمم بخير ونشوفك في أسعد حال، ما قلتليش على الماكياج لأني محتارة أعمل فين

قلب العصفورة

حمد الله على السلامة يا جميل

فينك ده كله ، منورة

naanaa

ازيك يا عروسة، ما قلتيليش بتعملوا ايه في الامارات في ليلة الحنة؟

أسيرة السراب

قلب العصفورة قالت لك اللي نفس أقوله ، يا جميلة والله ربنا قادر انه يخليك أجمل من عرايس الدنيا بحجابك لأنك طلبت رضاه (طبعا يقدر) ربنا يتمم لك بألف خير، واوعي تسمعي كلام الناس اللي هتقعد تقوللك الشعر وانت عروسة واعملي وهى ليلة وتعدي ، اوعي انت اللي هتاخدي الذنب ، احنا بندعي ربنا يتمم بخير تقومي انت تعصيه.

ريهام

قلبي عندك والله ربنا معك ولو احتجت حاجة أنا في الخدمة

سلام دلوقت يا بنات

ايه يابنااااااااااااااااااااااااااااااااااااات
قمرنا المنور ايمان.........ياتري عامله ايه دلوقتي...
مش عاوزين خيانة بقي.....وعدتينا انك هنحكيلنا كل حاجة بالتفصيييييل

مش كل حاجة كل حاجة يعني:o

يعني مشاعرك وانت في الفرح.....وانت داخلة بيتك.....اما صحيتوا الصبح ولقتيتي نفسك لاول مرة في حياتك بعيدة عن اوضتك وسريرك واهلك واخواتك..

حسيتي بايه؟؟؟؟؟؟

كل تفاصيل احساساتك

واي واحدة من البنوتات حصلت ايمي يالا احكولنا ومتبخلوش علينا

ربنا يجعل حياتكم كلها عسل انشالله:shy:

هاى لكل العضوات فينك يا micobico معلش اتاخرت عليكى فى الرد بس انا انشغلت بالفستان وروحت شارع سوريا بس معجبنيش حاجة و خلاص الخطوبة قربت اوى ياريت تقوليلى اعمل اية و اروح فين تانى ياريت تردى علية بسرعة علشان ماما قالت لازم نجيبوا يوم السبت واى وحدة من العضوات تعرف حاجة فى الاسكندرية تساعدنى باىىىىى

انا مش عارفة اقولك تروحي فين تاني يابنتي
كل المحلات اللي في بالي خلصوا
:s2:s2:s2

انتم فين يا بنات

كده وقت الزنقة مش لاقياكم

انتم فييييييييييييييييييييييييييييين:confused::confused::confused::confused::confused::confused:

didooooo2004

يا بنتي اخطفى رجلك لحد القاهرة في يوم من الصبح وروحي باليل واضمنك مش هترجعي الا ومعاك فستان:up:

سلام عليكم
ازيكم يا بنات
بداية الف مليون مليار بلياااااااااااااااار مبروووك لاحلى عروسة ايمان..
وربنا يبارك لكم في حياتكم ويسعدكم يارب..
ياللا بقى يا جميل مستنيينك بعد شهر العسل تقوليلنا التفاصيل كلها...
قبل الفرح وبعد الفرح وشهر العسل وقضيتوه فين...وشكلك كان عامل ازاي
والصور بتاعتك طلعت ازاي؟؟؟
طلعت حلوة؟؟وياترى مين اللي صورك؟؟
بجد بجد لو معايا تلفونك كنت اتصلت بيكي وهنيتك ...وانا بحبك من كل قلبي رغم اني ماعرفكيش شكلا وانتي ماتعرفنيش بس سبحان الله
دي حاجة بتاعة ربنا ....
مبروك يا قمر:smile:

برايد انا معاكي يا قمر معلش انا انقطعت عشان انشغلت شوية
انتي فرحك امتى؟؟؟وعاملة ايه ؟؟؟احكيلنا

مصراوية..
الجيم اللي بروحه حلو ومريح جدا واهم حاجة اني بستفيد منه بدنيا وصحيا ونفسيا ومرتاحة جدا فيه وبصراحة هم البنات اللي فيه
لذاذ ومحترمين ودمهم سكر...
وبرتاح كل مابروح بعمل جاكوزي اوقات و كتير ستيم بس هايل يا بنات
بعمل تكييس وحمام مغربي وبيعملولي ماسك بس تووحفة...
عارفة شعور جميل كدة بتحسي انك خارجة منه زي المرمر
بس المشكلة اني ببقى عايزة سرير انام اول ماخرج من الستيم والجاكوزي يااااه توحفة بججد...بكرة ان شاء الله موعدي مع الستيم:cool2:

اي سؤال انا تحت امركوا:smile:

:clap:

وشكرا خلاص يا micobico وانا احتمال اروح القاهرة زى ماقلتلى bridetobe باااااااااااى