هام للبنات المصريات

السلام عليكم ورحمة الله وبركاته
مساء الخير يابنات معلش امبارح الكهربا قطعت وماعرفتش اكمل:D2

1-عودة
ربنا يسهلك حبيبتي وتلاقي اللي يعجب اختك ويعجبك وعلى فكرة مصر فيها كل اللي تتخيليه وفوق كل تصوراتك وهي اساس كل الفنانين وكل اللي انت عايزاه هتلاقيه بس كل حاجة ليها تمنها.
انا امبارح شوفت كليب لماكيير اسمه جيف وكان مكياجه شيك وهادي زي مانت عايزة.ربنا معاكي

2-ايمان
حبيبتي والله بدعيلك من كل قلبي وان شاء الله عمتك تقوم بالسلامة وتحضر فرحك كمان الف سلامة عليها وماتشوف شر وانا متاكدة انك هتبقي احلى عروسة ربنا بس بيعمل كدة عشان عريسك يعرف غلاوتك ويتجنن عليكي اكتر واكتر.

3-بنوتة شقية
انت عسل قوي على فكرة انا بابامن بورسعيد يعني احنا طلعنا ولاد عم:D2وعموما فرصة سعيدة جدا ان احنا اتعرفنا على بعض واي حاجة انت عايزاها انا عيني ليكي:smile:

4-مصراوية
حبيبتي عاملة ايه على فكرة انا خطوبتي كانت في دار الدفاع الجوي وبرضه في قاعة كاميليا وكانت لذيذة شوفي اللي يناسبك ويناسب امكانياتك وترتاحيله نفسيا واعمليه.:smile:

5-مراهقة مصرية
اهلا بيكي ياقمر انت نورتي الموضوع وانا مع راي البنات مادام الفرح اسلامي مافيهاش حاجة تقلعي الحجاب واللي تشوفيه برضه ياحبيبتي ويريحك نفسيا وربنا معاكي ويتمملك بخير يارب:cool2:

6-bridetobe
ازيك ياجميل وحشتيني بجد وفعلا انا مشغولة جدا خلاص ايام وبابا وماما ييجوا من الكويت وهتبدأ المشاكل والمشاوير وربنا يستر المهم انت خدي بالك من نفيك وطمنينا عنك دايما.

بنات انا كنت عايزة اخد رايكم في حاجة انا شوفت كليب ساموزين الجديد كان لابس بدلة بيضة تحفة وكمان لقاء وائل كفوري في روتانا في برنامج مع حبي كان لابس نفس البدلة وميزة البدلة ان الجاكيت كان طويا والقميص كان ستان وانا بفكر اخلي خطيبي يلبسها في الفرح ايه رايكم؟وياريت تقولولي علي اماكن محلات شيك تبيع بدل الرجالة.
رايكم يهمني :up:يلا باي دلوقتي

السلام عليكم ورحمة الله وبركاته

ريهام

ازيك انت يا قمر، انت كمان وحشتيني يا عسل

بصي انا خبرتي في الملابس الرجالي محدودة (يوم ما حبيت أشتري قمصان هدية لخطيبي ما خليتش حد الا وسألته في شغلي عن المحلات الرجالي وتقريبا الكل عرف أنا جبت ايه ومن فين:D2)

بس أنا عارفة ان البدل الرجالي الأبيض موضة (بس خلي بالك وانت هتكوني لابسة أبيض يعني لازم يكون فيه كونتراست والا ايه رأيك؟ عموما أنا عن نفسي أفضل الأسود للعريس على القميص الأبيض) انا بأحب الحاجات الكلاسيك قوي :cool2:

شوفي بالنسبة للرجالي عندك تيد لابيدوس في البطل أحمد عبد العزيز

وعندك محلات كونكريت وموباكو للقمصان ، وعندك طبعا بي تي ام

ده كل اللي أعرفه :pain: سامحيني

عموما هأسأللك خطيبي أكيد هو يعرف أكثر مني:o

يلا سلام دلوقت :smile:

ازيكم يا بنات عاملين ايه

معلش انا باشكلكم همي من تعبي مش لاقيه حد افضفض معاه

مرسي قوي على دعواتكم ربنا يخليكم ليا


تخيلوا انهارضه كمان اخويا الكبير عمل حادثه كبيره بالعربيه بس هو الحمد لله كويس ربنا ستر وكويس انها جت في العربيه على فكره دي العربيه اللي كنت هتزف فيها يلا ماليش نصيب

بس طبعا الخضه والقلق طول اليوم والاعصاب تعبانه وهو كمان كان مخضوض جدا وطبعا دلوقتي متضايق جدا

مش عارفه ايه اللي بيحصلي ده

يلا ربنا يستر

معلش يا بنات ضايقتكم بكلامي بس اعمل ايه احكي مع مين انتوا اصحابي


على فكره انا كنت رحت معرض تجهيزات العروسه اللي في الماريوت فيه حاجات حلوه بس اعتقد انه هيخلص بكره يعني يوم الاثنين

برايد ازيك يا حبيبتي والف مبروك على الفستان والحمد لله انه عجبك لحد دلوقتي وان شاء الله يخلص على خير وطبعا انتي هتبقي عروسه قمر من غير كلام

بالنسبه للشمع طبعا هو لسه موجود بس كل ما يكون عدد الوصيفات اكبر يبقى احلي يعني طبعا 6 احلى من 2 بس لو ما عندكيش غيرهم هتعملي ايه انا عن نفسي اللي هيشيلوا الشمع بنات الباليه هما 8 هجيب 6 شمعات وسبتين ورد ان شاء الله


ريهام ازيك يا حبيبتي عامله ايه

بالنسبه للبدلة العريس انا برضه بافضل الاسود علشان الصور والكونتراست بتاع الالوان يبان الالو كنتي عايزه العريس مايبنش وانتي تغطي عليه خالص

طبعا ما العروسه عروسه من غير كلام

اما محلات الملابس الرجالي ما اعرفش غير اللي برايد قالتلك عليهم وممكن تشوفي في الفرست مول اللي في الجيزه

يلا سلام واشوفكم على خير

لو سمحت ساعدونى بسررررررررررررررررررعة انا خطوبتى بعد 40 يوم و عايزة اعرف محلات لشراء الفساتن من الاسكندرية وعلى فكرة انا روحت لمنال القاضى و نادية الشيخ بس عايزة اروح اكتر من مكان ارررررررررررررررررجو الرد سريع merci

بصي يا ريهام
بجد مفيش احلى من البدلة السودا للراجل
انا كمان كنت بتكلم مع خطيبي في الموضوع دة ولقيته بيقولي ان البدلة السودا للعريس ذي الفستان الابيض للعروسة:D2:D2

يعني كان متمسك اوي بالموضوع دة
يمكن خطيبك هو كمان مايوفقش على حكاية الابيض دي



ماكي
بصي ياماكي ممكن تشوفي عند ايمنوش عنده حاجات حلوة بس غالية
وكمان عندك ليلى موسى بتعمل حاجات حلوة بس مواعيدها بايظة شويه يعني فهميها ان خطوبتك بعد شهر مش 40 يوم عشان تهم شوية

واضح ان احنا كل يوم بنكسب اعضاء جديده

ده تقدم ممتاز ان شاء الله دايما

المهم فين راحوا باقي عرايسنا مش معقول يا جماعه فرحي فاضل عليه اسبوعين وانا اللي بادور وبسال عليكم وانتوا كلكلم اختفيتوا

:eek2::eek2::eek2::eek2::eek2:


maky1609

اهلا بيكي يا عروسه معانا
اولا مش تسلمي علينا وتعرفينا بنفسك في الاول

ثانيا الف الف مبروك على الخطوبه وماتقلقيش لسه قدامك وقت معقول

ثالثا انا طبعا من القاهره ومش هاقدر افيدك قوي بالنسبه لسؤالك بس ان شاء الله اقدر افيدك لو احتجت اي حاجه تانيه


micobico اهلا بيكي برضه معانا ونورتي الموضوع

بس برضه مشتعرفينا بنفسك وتسلمي علينا الاول اللي فهمته انك من اسكندريه
مش صح برضه

باقي البنوتات انتوا فين

عبرووووووووني

:confused::confused::confused::confused::confused::confused::confused::confused::confused::confused::confused::confused::confused::confused::confused:

هاى اهلا بكل اعضاء المنتدى و ياريت تساعدونى لوجود محلات لشراء الفساتن من الاسكندرية وممكن توضحى لية اكتر فين ايمنوش و ليلى موسى و حولى تقولى لية الاسعار فى حدود كام ارررررررررررررررررجو الرد سريع merci

صباح الخير يا بنات

عاملين ايه

maky1609 وميكو بيكو

أهلا بكم منورين :smile: وربنا يتمم لكم بخير ، انا ما أقدرش أساعدكم لأني من القاهرة سامحوني :o

إيمي

ازيك يا قمر عاملة ايه يا عروسة

اوصفي لي شعورك دلوقت وانت فاضل عليك اسبوعين فقط، علشان أنا كمان بعدك بعشرين يوم تقريبا ان شاء الله

على فكرة انا رحت امبارح معرض العروسة في الماريوت

فعلا كان عنده حاجات جميلة زى ما قلت ، تعرفي انا باروحه كل سنة تقريبا والسنة دي أحلى سنة فعلا. واشتريت من هناك باندانا مشغولة علشان ألبسها تحت الطرحة التل، انما ايه :up:

امبارح جبت كمان نجفة غرفة النوم لأني كنت لسة ما جبتهاش وجبت أباجورات والشمع :cool2: يعني كانت لفة انما ايه :pain: :confused::confused::confused::confused:أ أنا دلوقت تقريبا مش حاسة برجلي :pain:

يلا ربنا يجعله بفايدة ان شاء الله

ريهام ومصراوية وهالة وعودة انتم رحتم فين:rolleyes: وحشتونا

سلام دلوقت

حبيبتنا ايمان....ازيك ياقمر...

اولا انا مش عاوزاكي تكوني زعلانة من اللي حصل واهم حاجة تقولي الحمد لله ان اخوكي بخير...

وصدقيني ربنا بيعمل حاجات كتير للواحد بيزعل وقتها بس ربنا بيكون بيحميه من حاجة اكبر....فانت قولي الحمد لله علي كل شئ...

وانشاءالله تلاقي عربية جميلة تزفكم وانتم زي القمر انشاءالله

بس انا عاوزة اقولكم حاجة مش عارفة انتوا واخدين بالكم منها ولا لاء..

الحسد

انا علي يقين ان اي عروسة لازم بتصادف حاجات زي كدة...ودة من تجربة اصحابي....وحتي تجربتي..مسافة ماقريت فتحتي وهما يومين وجات مشاكل من حيث لا ندري....بس الحمد لله طبعا علي كل شئ..

فياريت تاخدوا بالكم شوية ومش كل حاجة تجيبوها تقولوها..انا مش بقول ان فيه حد قاعد منشن عينيه عليكم...ابدا...بس الواحد ساعات حتي بيحسد نفسه او حد بيحسد التاني من غير ماياخد باله....

والحسد حقيقة مذكورة في قرآن ربنا...ابقوا دايما اقروا المعوذتين..وسورة يس عشان ربنا يحميكم مالعين انشالله..
وربنا يتمم لكم جميعا علي خير:up:

برايد ازيك يا حبيبتي

مبروك على كل الحاجات اللي جبتيها

اما بالنسبه لشعوري اللي بتسالي عليه

غرقانه في الشغل واللف والتجهيزات ومش حاسه باي حاجه غير اني تعبانه ونفسي ارتاح

المشكله اني باعمل كل حاجه تقريبا بنفسي من الابره للصاروخ زي ما بيقولوا لدرجة اني حاسه اني هاتجوز من هنا واقضي شهر العسل نوووووووووووم من كتر التعب وطبعا خطيبي بالمثل


اصل الصراحه الضغط علينا احنا الاتنين مش من التجهيزات بس لا ده الشغل كمان قتلنا

يلا ربنا يسهل نفسي اغمض عين وافتحها والالقي نفسي خلصت نفسي الحق اريح يوم واحد بس قبل الفرح


قلب العصفوره

ربنا ما يحرمني منك كلامك ريح قلبي شويه وشجعني لان نفسيتي كانت تعبانه شويه بس الحمد لله على كل شيئ

وفعلا عندك حق في موضوع الحسد ده وانا باحاول اقرا قران كتير وكمان ما احكيش بالتفصيل عن كل حاجه زي ما بتقولي لاي حد علشان ما حدش يحسد من غير ما يقصد
يلا ربنا يسترها اليومين اللي فاضلين دول

ويسترها مع كل العرايس

على فكره انتي عملتي ايه في الشقه لاقيتي حاجه مناسبه ولا لسه

ربنا يتمملك بخير يا رب


باقي البنات فينكم؟؟؟؟؟؟؟؟؟؟؟؟؟؟

حبيبتي ايمان المنتدى منور بيكي ... نورك مغطي
انا ياستي مش عضوة جديدة ولا حاجة
انا بقالي سنتين تقريبا بس مش بشارك وكمان بدخل على فترات

انا ياستي غادة من الاسكندرية عندي 22 سنة ومقريه فاتحتي من قريب
وخطوبتي مش عارفة امتى ؟؟؟:confused::confused:
ذي ماقالت قلب العصفورة ان اول ما اتقرت فاتحتي الدنيا ادربكت...

المهم مبسوطة اني شاركت معاكم
والف الف مبروك ليكي ولبرايد توب و قلب العصفورة ... ان شاء الله كل حاجة تعدي على خير ... وتتبسطوا وتبقى افراحكم احلى افراح في مصر كلها

اما بالنسبة ليكي ياماكي....
ايمينوش في شارع سوريا .... بالظبط في نص شارع سوريا على ايدك الشمال وانتي داخلة من ابوقير
واسعاره تبدأ من الفين

وفي في شارع سوريا برضه اتيليه ليلى جميعي فوق محل سواريه بتاع القماش
اما ليلى موسى فالاتيليه بتاعها في الابراهيمية شارع ابوقير على ايديك اليمين وانتي رايحة على محطة الرمل
وكمان في محل ماي ليدي في سبورتنج ابوقير وليه فرع في اخر شارع سوريا

اتمنى اني اكون افدتك ياجميل والف مبروك مقدما

انا اسمى مها و عندى 20 سنة شكرا ليكى يا غادة<micobico> والف الف مبروك مقدما ويارت لو تقدرى تساعدينى اكتر و تقوليلى على محلات شراء اكتر علشان انا دايما مترددة فى شراء الاشياء بااااااااااى(u)

صباح الخير يا بنات

عاملين ايه

مها وغادة

أهلا بكم والف مبروك

ايمي

عاملة ايه انت يا جميلة

قلبي عندك، انا رديت على موضوع أخوك بس مش عارفة اختفى الرد :pain:، يا حبيبتي قضا أخف من قضا والحمد لله انها بتيجي في الحاجات دي، زى ما قالت لك قلب العصفورة الحسد مذكور في القرآن وانا عن نفسي بأخاف منه موت، دايما أقرأ المعوذتين وأقول ما شاء الله حتى على حاجاتي انا نفسي.

ربنا يتمم لك بخير يا حبيبتي

قلب العصفورة

ازيك يا قمر عاملة ايه، عملت ايه في موضوع الشقة؟

المشاكل موجودة في كل حاجة صدقيني وكلنا مرينا وبنمر بها، تعرفي في واحدة دايما تقولي كل ما ميعاد الزواج يقرب والشيطان يحس انكم رايحين على سكة الحلال يعمل مشاكل كثير فانت تفاديها وحاولي تتعاملي معها بهدوء.

سلام دلوقت يا بنوتات