هام للبنات المصريات

:y_hi: :y_hi: :y_hi: :y_hi:
ازيكوا يا بنات وحشتوني موووووووووووووت

عاملين ايه كلكم

مصراويه وحشتيني وحشتيني بجد
وحمدلله على السلامه

ويارب ما تغيبي علينا تاني

هاله كمان نورتي وياريت ما تطوليش الغيبه

صحيح يا بنات انا زعلت كنت فاكره اني هارجع بعد اليومين دول الاقي معلومات ومشاركات كتيره جدا رجعت لقيت الموضوع فاضي وعندك حق بصراحه يا مصراويه تزعلي

على العموم لسه قدمنا فرصه نرجع نشطنا من تاني

:sad: :sad: :sad:

بس شيدوا حيلكم شويه


نرد بقى على الكل

omsalma
اهلا بيكي معانا ونورتينا ويا رب نفيدك


amaladel
نورتينا من تاني وافدتينا بمعلوماتك الحلوه

ويا رب ما تنشغلي عنا قوي تاني

ومتشكرين يا قمر على تعبك معانا القائمه فعلا مفيده جدا يا ميس انا هازكرها كويس واسمعلك ماشي:D2:D2:D2:D2:D2

بس معلش اسمحيلي اقول ان الحب كده عندها حق بالنسبه لاماكن تخزين البطاطين والالحفه في الصيف فالواحده لازم تاخد بالها علشان ما تلاقيش الدنيا مكركبه بعد كده خصوصا ان الموضوع هيكون مقتصر عليها هي وعريسها بس وغالبا مش هيجلهم ضيوف يباتوا كتير عندهم ولما عدد العيله يزيد في المستقبل ان شاء الله تبقى تشتري زياده ولا انتم ايه رايكم

بس برضه انا احب اشكرك تاني على مجهودك وفي انتظارك دايما
:clap::clap::clap::clap::clap:

roca
ربنا يوفقك يا جميل ويفرحنا كلنا بيكي انت وكل البنات ان شاء الله قريب جدااااااااااا


الحب كده
مبروك على الفرح وربنا يتمملك بخير وزي ما بيقولوا بالرفاء والبنين

بس ابقي اسالي علينا بعد الجواز يا عروسه

اوعي العريس ياخدك منا ده احنا برضه صحابك ولا ايه
:D2:D2:D2:D2:D2:D2

هاله حبيبتي

ازيك يا لولو عامله ايه وحشاني يا جميل

وازي خطيبك ربنا يقلل من نبطشياته علشان يفضالك شويه

ده حتى عروسته حكايه زي العسل واكيد اكيد انها كمان زي القمر

:D2:D2:D2:D2:D2:D2

طول عمرك يا لوله غاليا علينا بالنسبه لمهرجان السياحه والتسوق بيكون في الصيف اخر شهر 6

اما بالنسبه للمفروشات وغيره فالقايمه بتاعت امل كويسه وتقدري انتي تتحكمي في العدد

انا في راي ما تجبيش اعددا كتيره لان الواحد دايما بيحب يغير ويشتري جديد وساعات في ازواق حلوه بتنزل جديده

غير ان لاحظت مع زوجات اخواتي انهم بيشتكوا ان عندهم حاجات من جهازهم لسه ما استعملوهاش لحد دلوقتي مع انهم متجوزين من سنين طبعا علشان الاعداد كانت كتيره اكتر من احتياجاتهم

انا عن نفسي هاجيب المفيد ومش هاكتر لاني باحب اغير كتير

اما بالنسبه لاماكن الشراء بصي يا سيتي

عندك شارع الازهر ده اهم منطقه شرائيه بالنسبه للعروسه لو بدانا من اوله من ناحيه العتبه
ملحوظه كل الاماكن اللي انا هاقول عليها في شوارع جانبيه مش على الشارع الرئيسي انتي بس ممكن تلاقي اول محلين على الشارع يوضحولك نوع المنتج اللي بيتباع في المكان

نبدا اولا بحمام الثلاثاء وده تلاقيه على ايدك اليمين وانتي داخله شارع الازهر من ناحية العتبه وده يا سيتي فيه كل الادوات المنزليه اللي تتخيليها واسعارها كويسه جداااااا بس انا عن نفسي جبت طقم الصيني بس من جاتينيو اللي في وسط البلد لان بصراحه كان عنده ازواق حلوه قوي

بعد كده على نفس الناحيه هتقابلي التربيعه وده يا سيتي احسن مكان تيجيبي منه مفروشات حلوه واسعارها كويسه انا جبت من هناك زي ما قلت لمصراويه قبل كده مفرش السرير وكان تمنه حوالي 350 بس تحفه احلى من الحاجات السوري اللي شفتها في المعرض كمان
بس اهم حاجه تخلي بالك من الفصال

بعد كده هتقابلي العطارين ودي بقى يا سيتي احسن مكان تشتري منه عطاره بس طبعا قرب الجواز وانتي بتفرشي يعني المطبخ بتاعك

طبعا بعد كده هتوصلي الحسين وخان الخليلي ودول فيهم تحف وهدايا وفضيات تجنن

الناحيه التانيه عند الغوريه تلاقي بتوع القماش عنده انواع كويسه بس مش ظاهره محتاجه لف كتيـــــــــــــــــر قوي اكتر من الوكاله كمان وفي كمان كام محل عبايات للبيت كويسين ومش غاليين

اما سوق غزه اتنقل حاليا شارع بورسعيد مكان سوق السمك القديم واحسن طريق توصلي بيه لو انتي مش عارفه المكان تاكسي من العتبه او من غمره عند محطة المترو من فوق الكوبري خلي بالك اوعي تنزلي من تحت


وللعلم كمان في العتبه هتلاقي الموسيكي وده في مستلزمات العروسه زى الطرح والتيجان وغيره كتير طبعا مش اكيد هتعجبك الازواق بس ممكن تلاقي حاجات كويسه يعني انا مثلا جبت لبنت خالتي طرحه تل جاهزه من هناك ب12 جنيه بس بدون شغل او تطريز وانا اشتغلتها لها بالالماظ واللولي على زوقها طبعا

وفي كمان اخر الموسيكي بينه وبين درب البرابره تلاقي بتوع الورد الصناعي والمجفف وعندهم حاجات حلوه قوي


بعد كده جنب الموسكي تلاقي درب البرابره فيه يا سيتي اولا النجف وكل الازواق موجوده والاسعار كويسه

ثانيا شمع العروسه وسبتت الورد للبنات الصغيره والبدره وعلب الملبس للفرح والسبوع والزينات وكل ما يلزم الافراح واعياد الميلاد والسبوع حتى شرايط الاغاني القديمه


اما الناحيه التانيه تلاقي الرويعي او زي ما بيسموه سوق الورق وهناك تلاقي كروت الافراح حتى خطاب له فرع كبير هناك


اي اسئله تانيه يا جميل بخصوص المنطقه دي انا تحت امرك لو اي حاجه مش واضحه قولي وانا اجاوب

ملحوظه لكل البنات يا ريت نقرا الموضوع من الاول كويس لاني ملاحظه ان في اسئله كتير بتكرر احنا جاوبنا عليها قبل كده وياريت كل واحده تسجل عندها المعلومه اللي بتلاقيها علشان ما تنساش وتسال عليه تاني علشان نقدر نركز ونفيد بعض اكتر بالجديد وما نعيدش كلامنا تاني

مصراويه

حبوبتي وصحبتي وحشتيني موووووووووووت

انا سيبتك للاخر يا جميل علشان يبقى ختامه مسك

تصدقي انا عرفت دلوقتي ان خطيبك ده طيب وابن حلال وامه دعايله

:cool2::cool2::cool2:

طبعا عارفه ليه

:shy:


علشا ربنا رزقه بعروسه الاحلام عرفاها ولا اقلك



:D2:D2:D2:D2:D2:D2:D2:D2


انا بعاكس بصراحه ممكن ولا بلاش

:smile::smile:

بالنسبه للفستان هو فعلا حلو جدا ورقيق اوي وانا كمان زيك بحب الموديلات البسيطه دي وباحس انها بتخلي العروسه شكلها رقيـــــــــــق موت
بصي يا سيتي انا شفت واحد قريب منه بنسبه 70 % عند جيني لاروش كايرو وكمان عند نورهان عباس العقاد كان في حدود 2500 جنيه بس كانوا مغيرين شكل التطريز على الصدر اما الجيبونه كانت هي بالظبط
انا ما اعرفش خياطين انا لسه بادور زيك بس اعرف ان نورهان ده عنده اتيليه خلف الحديق الدوليه ممكت تاخدي صورة الفستان وتروحي المحل وتساليهم ممكن يفصلوه ليك ولا لا

اما بالنسبه لليلة العمر ربنا يوعدك بيها قريب قوي وتكون زي ما انتي بتحلمي ومبروك ان خطيبك هيخلص الجيش يا رب بقى يفقلك شويه

(r) (r)


مرسي يا قمر على كلامك الحلو اللي دايما بيشجعني ان اشارك اكتر معاكواوان كانت الناس قصرت شويه اليومين دول بس معلش تتعوض

اما بالنسبه لمفرش السرير اشتريه يا سيتي عندك حق لازم تحسي انك عروسه وكمان مامتك عندها حق الحاجات دي كتير قوي على السفر قليلها شويه وبعدين يا بنتي بره في حاجات حلوه قوي ده الناس بتجيب من بره لهنا تقومي انتي تعملي العكس نصيحه استني علشان تشتري اللي هيعجبك من هناك


اما بالنسبه لسوق غزه ياريت تشوفي الوصف في ردي على هاله وتقدري توصلي له


اما كرداسه فانا برضه سمعت عنها بس ما عنديش معلومه اضيفها بفكر اروح مره اتفرج واشوف لو رحت هاحكيلك طبعا اكيــــــــد




بالنسبه للقاعات معلش استنوني شويه واكيد هارتب لكم الموضوع واكتبه ان شاء الله

معلش يا هاله انا اتاخرت في الردعليكي بخصوص الموضوع ده بس الظروف

بس للعلم اللي فرحها في الصيف لازم تحجز من دلوقتي لحسن الاماكن قربت تخلص انا فوجئت بده وانا بلف ربنا معانا جميعا واشوفكم على خير
:z_bye: :z_bye: :z_bye: :z_bye: :z_bye:

وياريت يا

فـــــــــــــــوانــــــــــيـــــــــــــس


لو بتدخلي الموضوع
تردي عليا وتقولي لي رايك

بجد وحشاني كتير
ومعلش مش بدخل ع الماسنجر

اكيد انتي عارفا معاناتي

هلا يا مصراوية(u)

و يا بالبنات جميعا(u)

أحس نفسي في القاهرة لما أخل موضوعكم:cool2:

طبعا يا مصراويه انا أدخل الموضوع:smile:

و الفستان رووووعة :smile:

و على قولتكم ( بيهووووس ) :up:

و أتمنى انك تلبسي زيه يوم (a)فرحك(a)

:up:

(u)(u)(u)(u)

لو سمحت يا هاله ممكن عنوان وتليفون داليا مرجان على الخاص


مصراويه ممكن تليفون الخياطه على الخاص لو سمحتي

:clap: :clap: :clap: :clap:


ما شاءا لله عليكي يا ايمان

والله لو رشحنا افضل واحدةفي الموضوع هتكوني انتي
:up:

ما شاء الله عليكي مش بتقصري خالص خالص مع اي عضوة
يعني انتي فعلا فعلا افضلنا

ربنا يزيد ويبارك فيكي

:up:




والله وانتي كمان وحشتيني


ووعلي فكرة الحصار خلاص اتفك
:smile:


والله انا كمان زعلانة زيك
المفروض نكون مفيدين ومنظمين اكتر من كده



يعني
اانا فلت مش هنتكلم في الزفات ودخلة العروسة
غير بعد انتي ما تفيدينا بالتفصيل عن القاعات والدور والفنادق


وعلي ما تخلصي انتي نكون اتكلمنا في كل اللي يخص جهاز العروسة وكل حاجة ليها وللبيت


وبعد كده نتكلم عن العناية النهايئة اخر 6 شهور بالعروسة زي ما اقترحت هالة



ونتكلم عن الفستان والاماكن واللي بيفصلوا بالتفصيل المفيد



انما احنا كل واحدة فينا بتدخل تتكلم في حاجة كل جماعة مننا في وادي
:pain:


بس يارب ان شاء الله الايام الجاية يكون نشاطنا زاد
:up:




ووصفتي منطقة العتبة والمناطق الشعبية وصف :up:
ما شاء الله عليكي


واكيد كلنا استفدنا منه

وان شاءا لله انا هنزل الاسبوع الجاي
اشتري الملايات والفوط باذن الله


بس ما فيش مكان تاني معروف لبيع الملايات والفوط غير ده؟؟؟؟؟؟



وفعلا الاعداد اللي امل قالتها كانت كتير جدا
لان التجديد حلووووووووو




بس يا ايمي

سوق غزة ده فيه ايه
يعني حاجات تستاهل والا اي كلام


يعني من الاخر ايه اللي يميزه
؟؟؟؟



وعلي فكرة


وشكرا يا ستي علي ذوقك
الحلو مش بيقول غير الكلام الحلو


وعلي فكرة والله انا مش بجاملك ابدا والله:eek2:



ومبسوطة اوي ان الفستان عجبكم

لاني بصراحة هموووووووووووووووووووت عليه

نفسي اوي اوي اوي البسسه يوم فرحي ان شاءا لله

ورأيك:up:



:clap::clap:

فعلا البساطة بتخلي شكل العروسة احلي



:eek2::eek2::eek2:


ياريت يا ايمي
تقولي لي جيني لاروش

فرع عباس العقاد والا صلاح سالم؟؟؟

ونورهان فين بالضبط في عباس العقاد؟؟؟


وياتري حد مجربها والابس سمع ؟؟؟؟




بس والله يا ايمان
انا بقول لها اشتريه من هنا او هناك مش مشكلة

عادي خالص
اي مكان

بس يكون موجود وخلاص ع السرير:D2


هي بتقول لي لا ما لهوش لزمة

انما لو جبته ان شاءا لله اكيد طبعا هيكون من هناك
:smile:

وبالنسبة لكرداسة وسوق غزة
انا كمان ان شاءا لله هحاول اروحهم الاسبوع الجاي



عارفا خطيبي

يا ايمان بيقول لي ان شاءا لله لو اتجوزنا في الصيف
نحجز في 6

تخيلي


:s2

وكلنا منتظرين تلخيص القاعات علي احر من الجمر



وشكرااااااااااااا جزيلا ليكي علي ذوقك
ومعلوماتك يا ايمان


ويارب كلنا كده نكون زيك
:up:





فوانيس


شكرا علي دخولك وعلي ردك
وبكون مبسوطة اوي

لما بشوف الردود

وبحس فعلا ان رايكم زي و ان الفستان رقيق وبسيط
زي ما انا شيفاه

وشكرا ع الدعوة

ويارب تتحقق ان شاء الله

اللهم امين
لاني نفسي اوي اوي اوي البسه في فرحي ان شاءا لله





وعلي فكرة انا يا بنات
سمعت عن سنتر او مول في الهرم اسمه الجمل
واللي قالت لي عليه مش متاكدة اوي من اسمه

بس بتقول في جواه محلات كتير للبيع فساتين الزفاف
والتاجير

وممكن يعمل لك الموديل اللي انتي عايزاه وتلبسيه
انتي اول لبسة وبعدين المحل ياخده تاني

وتدفعي نص التمن


ياتري حد فيكم يعرفه اوي سمع عنه؟؟؟



وسمعت كمان عن سنتر في العتبة اسمه الاهرام لبيع
الهدوم القطنية

وبيقولوا حلو اوي اوي


ياتري حد فيكم شافه او راحه


انا هحاول اروحه قريب ان شاءا لله وارجع احكي لكم

باااااااااااااااي

مصراويه

ربنا يخليكي ليا انتي اللي بترفعي من روحي المعنويه وبتحسيسيني اني باعمل حاجه مفيده مش كلام وبس :shy::shy::shy:

وده طبعا واجب عليا اني ارد على كل عضوه ما دامت عندي المعلومه وربنا يبارك فيكي يا قمر

:up::up::up::up::up:


الحمد لله ان الحصار اتفك ويارب يبعده عنك لانه كان حصار لينا كلنا مش انتي بس
:pain::pain::pain:

اما بالنسبه للقاعات هانت يمكن انزله بكره او بعده علشان خاطرك مخصوص والله


ممكن تشتري الملايات والفوط من المحله او فروع شركات غزل المحله هنا او محلات القطاع العام بس انا مش باحبها او تستني المعارض السوريه بتاعت جهاز العروسه


اما عن سوق غزه يا سيتي فيه ملابس ومفروشات وكلها مستورده بس ارخص من المحلات انا نفسي مارحتوش بس ماما راحته وان شاء الله انزل معاها قريب

وان شاء الله تلبسي الفستان يوم فرحك وان شفته يا سيتي في جني لاروش فرع عباس العقاد بس ده بصراحه كان من اكتر من سنه وبصراحه بيبقوا عندهم حاجات حلوه بس تلقطيها


بنت خالتي الكبيره جابت فستانها منه ب2400 جنيه اما اختها جابته من نورهان فرع عباس العقاد وعلشان لبسوا الحجاب هما الاثنين فاختاروا الموديل من المحل وفصلوه لهم بكم ومقفول وزياده شويه في السعر يعني حوالي 300 او 400 جنيه وطلعوا حلوين قوي ومظبوطين وانا شخصيا باحب موديلات نورهان لانها رقيقه ومكانه جنب جويا اللي في عباس العقاد


اما المفرش عندك حق لازم تشتريه من اي مكان بس لازم يكون عندك هو انتي هتبقي عروسه كل يوم؟؟؟؟؟؟؟؟؟؟؟
:D2:D2:D2:D2:D2

اما ميعاد الفرح اللي في 6 يعتمد على اول الشهر ولا اخره علشان موسم الامتحانات لو كان بعدها يبقى لازم تحجزي من دلوقتي علشان كده هانزلك التلخيص بسرعه ان شاء الله

انا مشتركة جديدة معاكم من مصر فرحت جدا بالموضوع ده

وشكرا ليكي يا hala71

في قاعة الأسلحة والزخيرة جميلة جدا

لكن فعلا انا عندي مشكلة انا بدور علي فستان فرح ومش شايفة اي حاجة حلوة وبالعكس كلهم غالين جدا
ومعرفش حد ممكن يفصل :confused:

وبشكرك جدا علي موضوعك الذيذ :up::up::up::up:

صباح الخير يا بنات

أخباركم ايه جميعا؟؟؟ كل سنة و انتم كلكم طيبين بمناسبة السنة الهجرية الجديدة.

om salma

و الله كان بودي أفيدك بأي حاجة عن الراجل ده لكن زي ما قلت قبل كده هو بيلف على المدارس و على الأماكن اللي فيها تجمعات بعينات من بضاعته يعرضها على الناس و انا معرفلوش تليفون و لا هو كمان سايب لنا مكان محل نعرف نوصل له فيه. انا شخصيا ماقبلتوش و لا مرة و الحاجات كانت بتيجي لحد عندي بس الاسعار عنده بترتفع بمرور الوقت طبعا بما ان الاسعار بتتنطط في البلد كل يوم

مصراوية

متزعليش يا حبيبتي لو مردتش بالنسبة للفستان لأني نسيت و الله، كنت ناوية أقولك رأيي عنه بعد مكتبت القايمة اياها بس نسيت خالص. الفستان أكتر من رائع!!!! عارفة ليه؟؟ لأنه سيمبل قوي و في نفس الوقت رقيق و شيك، مش زحمة!! أصلي مش باحب الفساتين اللي فيها شغل كتير. اوعي تكوني لسة زعلانة بقى!!!

هالة و إيمان و الحب كده و كل البنات

اتمنى تكون القايمة على الأقل فادتكم في الاساسيات اللي لازم تيجي، أما بخصوص العدد فكل واحدة تشوف هي محتاجة ايه و تجيب اللي يكفيها، المهم في الكيف مش في الكم:cool2:

معلش يا بنات مش حاقدر أقعد معاكم كتير النهاردة، أشوفكم بعدين على خير

باي باي

أمل

هاى عليكم ياحلوين
يابختيكم عندكم لسه الوقت طويل انا فرحى الخميس اللى بعد الجاى على طول :oومافيش وقت خاااااااااالص ومحتاسه اخر حوسه :eek2:خاصه ان العفش لسه حاييجى الاسبوع الجاى يعنى قبل الفرح ب4 ايام ويمكن ماروحش افرش الشقه بنفسى كمان لانى مش حلحق لان الشقه فى اسكندريه وانا فى مصر ربنا يستر ادعولى يابنات
مصراويه بالنسبه لمحل الجمل ده محل فى سنتر اسمه ناجيه سنتر
يعنى السنتر اسمه ناجيه سنتر وجواه محل كبير اسمه الجمل وفيه محلات تانيه كتير معاه كلها لايجار مستلزمات الفرح ده فى شارع الهرم ناحيه اليمين وانت رايحاه من الجيزه تقريبا عند الطلبيه كل الناس تعرفه يعنى روحى واسالى على ناجيه سنتر ممكن يعجبك حاجه هناك انا اجرت من هناك الكاب اللى حلبسه على فستان الفرح ان شاء الله لان فرحى حيكون اسلامى يعنى حلبس الكاب ده فى الزفه لغايه مادخل القاعه وبعدها اقلعه لان القاعه حتكون بنات بس وانا فستانى مفتوح على البحرى خالص
ادعولى يابنات ربنا يكرمكم

صباح الخير يا بنات

أخباركم ايه جميعا؟؟؟ كل سنة و انتم كلكم طيبين بمناسبة السنة الهجرية الجديدة.

:smile:

Dubai2 وانت بالف صحه وسلامه

الحب كده ربنا معاكي ويتملك على خير


مصراويه فينك هو الحصار رجع تاني
:sad: :sad: :sad: :sad:


هاله اختفت تاني يا ترى راحت فين


وبقيت البنات كمان اختفوا كلهم فجأه هو ده النشاط اللي قلنا عليه

:no: :no: :no: :no: :no: :no: :no:


على العموم قايمة القاعات خلصت بس انا هاعمل زي مصراويه ومش هانزلها الا لما اعرف الناس دي راحت فيييييييييييين

بصراحه انا زعلانه

:angry: :angry: :angry:

:shy:مرحبا يا صبايا والله اشتقتلكن كتير
معلش بتعذروني من اسبوع الكمبيوتر خرب وانا من اول امبارح كتير مريضة:pain:
يعني صراحة مو قادرة اقعد حتى عالنت :eek2:
هيك ما بتسالو عني يا صبايا :confused:انا زعلالالانةةةةةةةةةةة:confused:
بس حبيت قلكن اني معكن واشتقتلكن كتير وتابعوا :smile:وانا معكن
بس صح وصير منيحة راح تلاقوني بيناتكن:s2

عودة


سلامتك ألف سلامة يا قمر و الحمد لله لرجوعك للموضوع بالسلامة و تقومي بالسلامة من مرضك ان شاءالله


إيمان و مصراوية

مانقدرش على زعلكم يا بنات، متزعلوش لو البنات اتأخروا بس أكيد عندهم ظروف. مصراوية، مبروك "فك أسر" خطيبك و ياللا بقى عشان "تأسريه" انتي في قفص الزوجية:cool2:

الحب كده

معلوماتك دايما حلوة و مفيدة و ربنا يخليكي لينا، و ألف مبروك الجواز قريبا و يا ريتني كنت أقدر اجي أفرش معاكي يا ستي، بس متقلقيش ان شاءالله ربنا حيسهلها و كل حاجة حتمشي عال العال بس انتي متقلقيش عشان تبقي قمر في الفرح


هالة

انتي صاحبة الموضوع يا قمر يعني المفروض انتي اللي تشدينا من وداننا و تتابعي وجودنا و تتممي علينا كمان!!! بس ليكي عذرك برضه


أنا حامشي دلوقت يا بنات و ارجع لكم تاني قريب

باي

:eek2:وين مصراوية و امووش وهالة وينكم يا صبايا كتير اشتقتلكن:smile:

ازيكوا يا بنات
اية كل الزعل دة منى انا
واللة مش بايدى اصل بدخل على النت لما اكون فى الشغل بس ومش باعرف ادخل من البيت:pain: عندى حصار :D2 زى مصراوية بالضبط

وبعدين يا جماعة حقكوا عليا انا مقدرش على زعلكوا كلكم:sad: سامحونى بقى :cry: :cry:

وعلشان محش يزعل منى انا هرد على واحدة واحدة

ماشى:shy:

عودة

الف سلامة عليكى يا حبيبتى واللة وحشتينا موت واشتقنالك اوى ولكلامك اللى زى العسل وهستنى مشاركتك لما تقومى بالسلامة



amaladel

ميرسى اوى اوى اوى على القائمة بتاعتك وفعلا هى فاديتنى وعايزينك معانا علطول




الحب كدة

الف مبروك يا حبيبى وربنا يتمم بخير اهم حاجة انك تاخدى بالك من نفسك الفترة دية وتكترى من شرب السوائل وخصوصا الماء وكمان اكل الخضراوات والفاكهة علشان نضارة البشرة وحاولى انك تكونى ريلاكس جدا وبلاش توتر وربنا معاكى يا قمر