هام للبنات المصريات

على فكره بالنسبه لافون انا عملت اشتراك فيها وجبت كل حاجاتى من هناك ارخص . يعنى اسالونى انا خبيره فيها
بالنسبه للعطور برسيف مش حلو هوه عندى بس مش لذيذ ولو بتحبى الريحه الهاديه قوى فيه زيه بس احلى بكتير واهدى اسمه اندفيديوال بلو
وفيه برضه برفان رائع رائع اسمه نساء العالم
ولو بتحبى البرفان التقيل العربى فيه سواروج برضه جميل جدا انا عندى تقريبا معظم برفاناتهم اسالينى على اى حاجه تانيه لو عايزه
وربنا يسامحنى لو هيه فعلا شركه امريكيه الله اعلم
بس هيه جنب شغلى خالص لانى بشتغل طبيبه فى معهد ناصر وهيه جنبه خالص ولقيت الاشتراك رخيص جدا وقدامه باخد تخفيض جامد خاصه وانا حشترى كتير
بس لو مش حتشترى كتير مش حتاخدى خصم خالص خدى بالك
واتمنى اكون افدتك

وحشتوني يا بنات

ازيكم كلكم


مسلمه مصريه اهلا بيكي معانا ومرسي على مشاركتك ويا رب دايما نزيد وما نقلش ابدا

roca مرسي على مشاركتك يا جميل وزوقك وكلامك الحلو ويارب دايما اقدر افيدكم بمعلوماتي المتواضعه لان ده واجب عليا



حبوبتي الجميله مصراويه
ازيك وحشتيني موووووووووت

ويارب مشاكلك تكون اتحلت مع اخوكي


وانا كمان يا حبيبتي بحبك جدااااااااااااا والقلوب عند بعضها لانك حبوبه وظريفه ورقيقه وكلك زوق مع الكل ويا رب تدوم المحبه بينا وتكبر صدقتنا

بالنسبه للفستان انا ما عرفتش اشوفه لان في صور ما ظهرتش في الرابط يا ريت لو ممكن تنزلي الصوره تاني يمكن اقدر افيدك

معلش انا مشغوله شويه اليومين دول علشان كده مشركاتي قليله

ازيكوا يا بنات

وحشتووووووووونى موووووووووووووت


مصراوية
ربنا معاكى يا حبيبتى الحمد للة معنديش اخوات ولاد :yes: اصل انا الكبيرة:cool2: واخواتى بيسمعوا كلامى
بس انا عايزة اعرف منك الفساتين القصيرة بتاعة البيت ممكن اجيبها من فين وكمان فية قمصان النةم اللى فةق الركبة القطن اللى عاملة زى التى شيرت بس طويل شوية زى اللى موجود فى فيكتوريا سيكرت

وازى خطيبك خلص الجيش ولا لسة ربنا معاكى(r) اصل انا حاسة بيكى :sad: لانى زيك بالضبط بس خطيبى سهران طول الليل فى المستشفى لانة دكتور وطول النهار نايم:cry: :cry: :cry: وانا صاحية طول النهار وبالليل نايمة :confused::confused::confused: مبعرفش اشوفة ولما اسهر علشان اكلمة يقولى كلمينى بعدين اصل انا مشغول:sad: :sad: :cry: :cry: :cry: :cry:

انا زيك بموت فية وهو برضة بيموت فية قصة حب 5 سنين :gum: :gum:



مسلمة مصرية
انا مبسوطة انك انضميتى لينا احنا عايزين نبق ايد واحدة ونساعد بعض كلنا ومستنين مشاركتك لينا



الحب كدة
عندك حق حاجة افون كلها حلوة وكمان رخيصة وياريت لو جربتى اى كريم تقولى على اسمة علشان الكل يجربة
على فكرة انا اشتريت المجموعة كلها بتاعة سليببر بصراحة برفان تحفة ويجنن وهادى اوى
وكمان غسول المنطفة الحساسة مش عارفة اسمة بس لون العلبة اخضر بصراحة انا مجربتهوش لكن اخت خطيبى جربتة وقالتلى حلو اوى



ايمى

ازيك يا حبيبى وحشتينا اوى

مستنين اخبارك فى الجولة حول القاعات
بس كنت عايزة اسالك
اية احسن قاعة الاوركيد فى دار الدفاع ولا القاعة الكبيرة فى دار القوات الجوية ؟؟؟؟؟؟؟؟؟ ويا ترى اية مميزاتها ؟؟؟؟؟؟؟؟؟؟؟:shy::shy::shy:

انا عارفة تقلت عليكى بالاسئلة الكثيرة :yes: :shy::shy::shy:
بس اعمل اية ماليش غيرك استفيد منة ربنا يخليكى لينا يا رب

اصلى لسة محددتش ميعاد الفرح ومعملتش حاجة فى الشقة :sad: :sad: :sad:


اة صحيح:think: :think: :think:
كنت عايزة اسال

المفارش والملايات والفوط يعنى مفروشات الشقة بمعنى اصح
كنا عايزين نتكلم فيها بالتفصيل شوية

علشان مش عارفة اجيب اية ؟؟؟؟ والعدد كام؟؟؟؟

يعنى ياريت اللى اشترت تقول هى جابت اية بالتفصيل وكمان من فين؟؟؟؟؟؟؟؟؟:shy::shy::shy:

اصل انا لبخة فى الشراء ومبعرفش اية المهم الاول واية اللى ممكن يستنى:cool2::cool2::D2:D2
لانة طبعا مفيش واحدة بتجيب كل الحاجة كاملة واكيد بتجيب الاهم فالمهم

اة






فية موقع خاص بفساتين الفرح

تحفة


تحفة



وهو

www.bonny.com

اصل انا مش عارفة انزل منة فساتين هحاول وارجعلكم تانى
:z_bye: :z_bye: :z_bye: :z_bye:

هاي هالة..مصراوية..ايمي..الحب كدة..إيمان، و كل البنات المصريات القمر اللي مشاركين في الموضوع الرائع ده

بصي يا هالة أنا عندي فكرة عن موضوع المفروشات ده و عن الحاجات المفروض تيجيبيها بس للأسف موضوع الأماكن ده مش حاعرف أفيدك فيه قوي لأن الحاجات كانت بتجيلي لحد عندي عن طريق خالتي و هي بتجيبها من واحد بيعرض بضاعته في المدرسة اللي بتدرس فيها، حاجة زي تاجر شنطة كده، بس حاجاته كلها رائعة لأنها يا إما مستوردة و متهربة فأسعارها تحفة يا إما مصري من اللي بيطلع للتصدير و برضه تحفة لأن يا بنات صناعتنا و أقطاننا لا يعلى عليها و الله بس للأسف مابنشفهاش في بلدنا و بنرجع نستوردها تاني في بعض الأحيان!!! المهم أنا عندي قائمة بالحاجات دي كلها بأسعارها بس هي مش معايا دلوقت أصلي في الشغل بس ممكن في أقرب فرصة أكتبها لكم و يا رب يا هالة القائمة دي تفيدك و البنات يفيدوكي بأماكن شراء الحاجات دي هنا و أسماء محلات لها.

حاجيلكم قريب انتظروني

سلام مؤقت:cool2:

ميرسى ليكى يا amaladel وربنا ما يحرمناش منك:shy::shy: ياحبيبتى و يارب اشوفك فى الكوشة مع :cool2:عريسك يا رب
وهستنى القائمة بتاعتك

مفيش ميرسي على واجب يا هللولة، و يا رب تشوفيني عروسة قريب يا رب!!!!:shy::cool2:

السلام عليكم
مرحبا بكم جميعا خليتونى احس انى فى مصر ربنا يجمعنا دايما على الخير
لو سمحتى يا مصراوية ممكن تبعتى لى بيانات الخياطة بتاعتك على الخاص و ارجو من جميع الاخوات الا يكون تفاعلهم خاص بالقاهرة و الاسكندرية فقط

السلام عليكم ورحمة الله وبركاته
معلش مشاركة سريعة بس كنت عايزة أقول نصيحة لهالة :s2
بلاش موصوع الغسول ده لأنه مش كويس يكفى الماء الدافئ فقط
وده بناء عن كلام الدكاترة ومتخافيش دى مش فتوة أنا أختى دكتورة أمراض نسا وولادة:clap:
:confused::confused::confused::confused::confused:


فين المشاركات الموضوع بقى سلامات فين الجديد(u)

شوفوا الرابط دة فية برفانات من افون بعضها نزل و بعضها لا
و كمان مكتوب فية اسم الشركة اليهودية و هى ايفون و لكن افون ليست يهودية
http://www.3roos.com/forums/showthread.php?s=&threadid=78282

كنت عايزه اضيف رد سريع بالنسبه للغسول اسمه سيمبلى ديلكت عندى وهوه فعلا رائع ومش غلط لانه غسول خارجى فقط وليس مهبلى بدليل انه ينفع للبنات وللاطفال كمان هوه زى الصابون وبيعمل رغوه لطيفه وريحته حلوه وخفيفه وجميله جدا بس معلومه صح ان الغسول المهبلى غلط استعماله كتير وغلط جدا جدا فى وقت الدوره وعلى فكره انا دكتوره برضه
بالنسبه للملايات ياهاله حبيبتى فيه سوق غزه اسعاره حلوه جدا واشكال هناك خطيره دورى وحتلاقى ومش حتندمى انك رحتى ابدا بس خدى بالك من المقاس لان الملايه بتبقى فى الكيس مطبقه ممكن تطلع صغيره خدى بالك من مقاسها اللى مكتوب لان السراير كلها بتبقى 180*200 او 160*200
لان اختى وهيه بتفرش شقتها اكتشفت ان كتير من الملايات اللى جايباها صغيره
وبالنسبه للفوط اعتقد فيه هناك كمان
وفيه هناك مفارش سرير وسفره بس لو مش مستعجله استنى المعرض اللى بيبقى فى مدينه نصر بيبقى فيه جزء سورى لمنتجات سوريا يعنى بيبقى فيه مفروشات روعه روعه انا جايبه مفرش السرير من هناك بصراحه اكتر من خطير لونه عسلى مشغول فى دهبى واسعاره مش غاليه يعنى ممكن ب 500 او 600 بس انا جايباه من زمان بس ممكن تفاصلى معاهم انا مش فاكره السعر بس انا فاكره انى فاصلت فى 50 جنيه وبيبقى عندهم مفارش سفره برضه بس انا جايبه مفرش السفره بتاعى من بور سعيد بس لقيته هوه نفسه هنا بس فرق تقريبا 150 انا جايباه من هناك ب300 وهنا لقيته 450 فرق كبير طبعا
والملايات هاتى واحده تليق على مفرش السرير وشيك دى اهم حاجه
وباقى الملايات ممكن مثلا 6 على الاقل ولو حتكترى مافيش مشاكل وهاتيهم الوان مختلفه على قد ماتقدرى والفوط بيتهيالى ممكن 4 كبار و4 متوسطين كفايه ليكى وليه
وكفايه مفرش سرير واحد وبالنسبه للسفره انا جايبه 3 واحد غالى اللى ب300 جنيه ده للضيوف ال vipوواحد تانى ارخص ده للضيوف اللى نص نص من العيله يعنى وجايبه واحد تانى بلاستيك بس على شكل مفرش زى مايكون كروشيه شكله لذيذ ويادى الغرض ومايتوسخش ده يبقى على السفره على طول
بس اعتقد كفايه اتنين واحد غالى تخافى عليه وواحد رخيص متخافيش عليه
وبالنسبه للكريم كنتى عايزه تسالى على كريم لايه وانا اقولك لو كنت جربت
هوه فيه كريم للجسم بريحه برفان يعنى تجيبى شاور جل وكريم وبرفان نفس الريحه علشان تثبت فى الجسم
ولو تقصدى كريم تانى اسالينى
وادعولى علشان فرحى بعد اسبوعين

السلام عليكم يا قوم


:x_hello:



وحشتوني موووووووووووووووووووووووووووووووووووووووت
والله بجد وحشتوني جدا جدا جدا


واخيرا رجعت لكم بعد كام يوم من العذاب بسبببب عدم دخولي النت

يالا محنة وتعدي
:D2:D2




ازيكم واحشني جدا جدا والله كلكم

وانا شايفا الموضوع ما اتقدمشي كتير اوي

فعلا علي راي roca

كله سلامات
المفروض لما ندخل نضيف جديد

مش بس نرد ع القديم

عشان يكون عدد الصفحات بفايدة

:gum:


roca
متشكرة يا ستي عشان عبرتيني ورداتي عليااااااااااااا


وفعلا هو ممكن يتفصل
لانه مش صعب اوي


بس يا تري ما تعرفيش حد معين بيكون بيفصل فساتين افراح
وتقريبا ياخد عليه كام ويتكلف كام كله

بس طبعا يكون:up:

لانها ليلة العمر مش لعبة

ودي الليلة اللي همووووووووووووووت عليها من زمان


صحيح هي مش راضية تيجي
:D2




بس يالا الجعان بيحلم بسوق العيش
(r)


ودي صورة الفستان
عشان اي واحدة مننا ما شافتهوش تشوفه

:eek2: :eek2:


بذمتكم بقا

مش هو حلو بسيط ورقيق

بس هو الكم لو اسباني

ومقفول من تحت وضيق من فوق وواسع من تحت بس مش واسع اوي كده

يكون افضل واحلي بدل ما هو مفتوح من تحت وواسع اوي كده
هيكون :up:

والا انتم ايه رايكم؟؟




لازم لازم كلكم تقولوا لي رايكم فيه



اللي مش هتقول لي رايها فيه هزعل منها
:sad:




بس بجد بقا اللي شافته قبل كده في اي مكان
او تعرف خياطة ممكن تعملوه لي


بس تكون مضمونة مية في المية
ياريت تدلني عليها وتقول لي هيتكلف كام


الله يخليكم

دي خدمة العمر ومش هنساها لكم


ده حلم عمري يا ناس
:D2



وانا مبسوطة اوي انه عجب روكا
منتظرة رايكم انتم كمان


رايكم كلكم

وياريت يا

فـــــــــــــــوانــــــــــيـــــــــــــس


:flower:

لو بتدخلي الموضوع
تردي عليا وتقولي لي رايك

بجد وحشاني كتير
ومعلش مش بدخل ع الماسنجر

اكيد انتي عارفا معاناتي
:cry:



منتــــــــــــــــــــــظراكم كلكم تقولوا رايكم




الحب كده

ياريت لو تفيدينا اكتر عن افون

بالنسبة لي بحب اوي انكادنيس نيس
بمووووووووووووووووووووووت فيها

وما جربت حاجة تانية

بس عجبتني ليتل بلاك دريس


وانتي ايه رايك
:think:

في تاشا ودولتشي وسوا روج وفاراوي واندفيديوال بلو


يا ريت لو ترتيبيهم لينا من حيث الافضل




لاني قرات كتير عن فاراوي بيقولوا حلوة



وليه ما ردتيش علينا بخصوص الفساتين القصيرة للبيت اللي اشترتيها من جراند مول
واسعارها
يا ريت لو تفيدينا في المو ضوع ده
:shy:




eman_s25

:handup: :flower: :handup: :flower:



شكرا ع الكلام الحلو

اللي مش بيطلع غير من الناس الحلوة
وفعلا والله من القلب للقلب


ويارب تفضي لنا قريب
وترجعي بقا

لان والله الموضوع من غيرك بحس انه فيه حاجة ناقصة

ناقصة عضو مهم اوي اوي
:sad:


واانا ياستي نزلت لك صورة الفستان
بس يا ريت يا ايمي تقولي لي رايك بامانة

عايزا فعلا اعرف رايكم كلكم





هالة

فينك يا بنتي
ليه بتدخلي كل فترة طويلة

يعني صاحبة القعدة واللمة مش موجودة

ده معقول

:no:


انتي جمعتينا وبتغيبي علينا
يارب ماتطولي كده تاني


وبالنسبةللفساتين القصيرة بتاعة البيت و قمصان النوم اللى فةق الركبة القطن اللى عاملة زى التى شيرت بس طويل شوية زى اللى موجود فى فيكتوريا سيكرت



دي والله ياهالة

مش عارفا لاني مش هشتريها من مصر
هشتريها من بورسعيد ان شاءا لله

باذن الله يمكن الاسبوع الجاي ده

بس انا هنزل اشتري البيجامات الشتووي
ان شاءا لله من يوم السبت

هبص لك معايا
عيونا ليك يا جميل


وعلي فكرة في محل فيه بيجامات حلوة اوي
في شارع شهاب اسمه ماسيز

اصل بحب البيجامات اللي بنطلونها كاجوال
مش بنطلون بيجاما عادي

هما عندهم كل البيجامات كده
ب 130 البيجاما

وانا في وسط البلد بالصدفة
شفت محل فيه

بيجا ما او سيوت للبيت زي اللي نزلت صورتها قبل كده

بس طبعا مش بشياكتها
بس لذيذة
ب 130



ان شاءا لله برضوا هنزل اشوفها



وعلي فكرة محل ساكسون اللي في شهاب في شوية قمصان نوم حلوة موت


اكيد طبعا لما انزل هاجي اوصف لكم كل الللي شفته بالتفصيل الاكتر من ممل

:smile: :smile:



وخطيبي يا ستي

لو بعرف ازغرط كنت زغرطت
:D2

هيخلص ان شاءا لله كمان اسبوع
وارتاح من الجيش وأرفه


والله كأن انا اللي دخلته مش هو لواحده
:D2


ويارب ياستي تفضلوا تحبوا بعض كده انتي وخطيبك طول العمر ويوفقكم اللهم امين ويوفق الجميع ان شاءا لله


انا لسا مصليا الفجر وان شاءا لله الدعوة هتستجاب
:smile:


وبالنسبة للمفروشات والملايات


انا ان شاءا لله
يمكن اسافر بعد الزواج مباشرة برا مصر لو ربنا اراد

وبالتالي

مش هحتاج كل الحاجات اللي بتجيبيها للبيت

يعني هجيب ملايات وفوط ومفرش سرير
ومصممة جدا جدا علي مفرش السرير ده



ماما تقول لي يا مجنونة تسافري وتاخدي معاكي مفرش سرير

اقول لها اه مش مشكلة

او اشتريه من هناك
لازم احس اني عروسة ومش هحس اني عروسة غير لما يكون في مفرش ع السرير

مش السرير زي ما هو وانا متجوزة هو زي ماانا بنت

مش هسافر من غير مفرش سرير
:D2





تقول لي ومش هتاخدي معاكي الصيني

اقول لها المرة الجايا
عشان الوزن


تقول لي ربنا يشفيكي يا بنتي

:D2:D2


وانا سمعت عن الغورية وهنزل اشتري الحاجات
دي قريب ان شاء الله

ياريت اللي اشترت تدلنا علي افضل الاماكن من حيث الشكل والاسعار

وانا هشتري ان شاءا لله

8 ملايات و8 فوط و2 برنس حمام وكاش مايوه و2 بشكير كبير

ماما بتقول لي كده كتير ع السفر

ايه رايكم

:think:

هي بتقول لي كفاية 6 ملايات و6 فوط و2برنس

وعلي فكرة المفروشات في بورسعيد مش حلوة خالص واغلي من مصر
انا بتكلم علي اللي شفته




amaladel
كنتي فين من زمان

نورتي الموضوع من تاني ويارب من تغيبي كده كتير تاني


omsalma
انتي بس تامري


عيوني ليكي

ونورتي الموضوع
ويارب نفضل كده محسسينك انك في مصر عشان نقلل شوية من احساس الغربة




الحب كده

ياريت تقولي لينا المعرض ده بيكون امتاااااااا

وكمان فين سوق غرة نروحه ازاي يعني؟؟؟؟؟؟؟؟

وشكرا انك لفتي نظرنا للمقاسات
بس ياتري المقاسات اللي مكتوبة فعلا صحيحة؟؟؟؟؟؟؟؟


:think:




والف الف الف مبروك ع الفرح
ربنا يبارك لك يارب

ويوعدك بالسعادة وراحة البال

وادعي لنا معاكي انتي كمان
ادعي لنا كلناااااااااااااااااااااااااااااااااا


عشان بدل ما نكتب في ركن العروس نكتب في ركن فوانيس
بتاع الحمل والولادة

:D2:D2:D2

يارب كلنا اجمعين





وعلي فكرة ياتري في اي واحدة منكم سمعت عن كرداسة اللي
بيبيعوا فيها الهدوم للبيت والعبابات

ياريت اللي تعرفها تقول لنا

لاني معت عنها كتيررررررر
بس عايزا حد يشجعني عشان اروح

بيقولوا اسعارها رخيصة جدا وهدومها حلوة


وكمان ياريت تقولوا لنا عن اماكن الملايات والمفروشات
ويارب نلاقي كلنا كل واحدة تلاقي رد لا ستفساراتها عند الباقيين


وعايزين تردعلي بعض
مش كل واحدة تكتفي بالرد والتعليق علي اللي تعرفه وبس

وعايزين يكون في معلومات جديدة وتجديد
والموضوع يكون شامل

مش بس ندخل نقرا ونسلم علي بعض ونخرج

اصلي
بصراحة

:shy:


حاسة ان الموضوع
ما بقاش ملفت ومثير ل الاهتمام زي الاول


لازم نشتغل فرصة ان عددنا كبررررررررر
وماشاءالله فينا عرايس كتير فرحهم الصيف الجاي:yes:


احنا الاول كنا عددنا اقل بكتيررررر
بس معلوماتنا كنت اكتر من كده


يارب يارب
نقدر نساعد بعض اكتر من كده


وبالنسبة لموضوع سنتر البخار انااااااااا عرفته


بس مش هقوله

:yes:

غير لما احس ان فعلا التفاعل بينا زاد


والحب كده عشان انتي فرحك قرب لو تحبي تعرفيه عيوني ليكي
وعلي فكرة هو مش غالي
ده ب 150 جنيه بس




اللي عايزاااااااا تعرفه
تهتم وتركز معانا


وساعتها افكر بقااااااااااا
:think: :think:











يا اقوله
















يااااااااااا


















اقوله برضوواااااااااااااااااا
:D2:D2


يالا بقا هسيبكم دلوقتي
بس يارب فترة الافراج الجايا عن الجهاز


الاقي ردود احلي من كده وتفاعل اكتر
وردود لا سئلة الكل



ووووووو

تقولوا لي رايكم في الفستان
:z_bye:

السلام عليكم و رحمة الله و بركاته

ازيكم يا بنات؟؟؟ عاملين ايه؟؟ اتأخرت عليكم؟؟؟؟ معلش بس الشغل جامد اليومين دول

المهم:

مصراوية،

يا اهلا بيكي يا قمر و أوعدك يا ستي اني ماغبش عنكم كتير تاني

هالة،

جهزي نفسك عشان قايمة المفروشات جاية أهي:cool2:

كل البنات يجهزوا ورقة و قلم و يكتبوا ورايا!!!! و طبعا لو في واحدة فيكم عندها اضافات أخرى بنرحب بكل الاضافات

هاااااا؟؟؟ معاكم حاجة تاخدوا فيها؟؟؟ أنا عاوزاكم تقعدوا في صفين و مش عاوزة دوشة!!! البنت اللي في الصف الوراني بتتكلم مع اللي جنبها ليه؟؟؟!! عاوزة هدوء!!! مصراوية!!! اوعي دماغك شوية عشان هالة تشوف السبورة!!!!:D2

كفاية استظراف كده و نبدأ التهريج!! أقصد و نبدأ القايمة:

أولا، المفارش:

1- السرير:

عدد 1 مفرش غالي يعني مفرش عروسة----> 450 جنيه

عدد 2 مفرش عادي (بس و الله برضه مفارش تحفة) ----> 380و 335 (أبو 350 ده غالي عشان معاه ملاية

2- السفرة:

عدد 1 مفرش غالي للعروسة ------> 320

عدد 2 سفرة عادي ----> 300 و 250

3- النيش:

2 أو 3 أطقم مفارش صغيرة للنيش، الطقم بيكون 6 مفارش و في حدود 10 جنيه أو أكتر شوية

4- الموائد الصغيرة:

برضه في أطقم فضي و ذهبي بس مش عارفة أسعارها

ثانيا، الملايات:

في أطقم ملايات مشغولة للعرايس سعرها بيكون 150 أو 160 و دي طبعا تنقوا ألوانها حاجة عرايسي و فرايحي و ممكن تجيبوا منها 5 أو 6

أما الملايات العادية بقى برضه جيبوا 6 و دي سعرها 60 أو 70

ثالثا، البشاكير و الفوط:

عدد 4 بشكير الواحد ب 50

عدد 12 فوطة و دي أسعارها متنوعة

في طقم برنس حمام بيبقى فيه اتنين الحريمي و الرجالي و للعريس بيكون فيه فوطة و للعروسة شبب و بكير بيتلف على الجسم، شكله و ألوانه بتبقى تحفة يا بنات و ده ب 250

رابعا، الكوفرتات و البطاطين و الألحفة:

عدد 4 كوفرتة و بصراحة أنا جايبة كوفرتات تحفة، طبقتين يعني كأنها كوفرتتين على بعض و الواحدة ب 140

عدد 4 بطانية و دي برضه مزدوجة و سعرها 450

عدد 4 ألحفة و دي في منها أطقم بملايات كمان و الواحد ب 350


بس يا حبايبي انتهت القايمة!!!!! طبعا مش لازم تتقيدوا بيها أنا بأقول لكم على اللي أعرفه و زي ما قلتلكم للأسف مش حاقدر افيدكم بخصوص الاماكن لأن اللي جايب الحاجات منعرفش ليه محل لأن هو اللي بيعدي ببضاعته و يعرضها ده بالاضافي إلى إني من طنطا يعني الراجل ده مش متاح في القاهرة و معرفش أسعار الحاجات دي في الأماكن التانية ايه. اللي أعرفه انها يا إما مستوردة و متهربة أو حاجات مصرية بتاعة التصدير اللي مش بنشوفها في المحلات.

يا رب يا بنات أكون أفدتكم و طبعا في انتظار أي تساؤلات.

دلوقت تقدروا تنزلوا فسحة بس مش عاوزة دوشة في الحوش!!!!!

باي باي:z_bye:

أختكم، أمل عادل

آه يا بنات لو بتسألوا عن كرداسة هي بيركبولها أتوبيس 116 من ميدان الجيزة و أعرف ان العبايات فيه جميلة قوي بس ماعرفش أسعارها ايه، انا فاكرة رحت مع ماما الله يرحمها و مع مرات عمي من حوالي 10 سنين و اشترينا عبايات بيت جنان من هناك بس معرفش الاحوال ايه دلوقت

يا رب اكون افدتكم

باي مؤقتا

السلام عليكم و رحمة الله وبركاته كيف حالكم جميعا :smile:
مرحبا يا امل عادل احنا طلعنا ساكنين قريب من بعض يا ريت تقوليلى الاجل ده فين فى طنطا ولو له عنوان او او رقم ارسليه لى لو سمحتى

السلام عليكم ورحمة الله وبركاته
بسم الله الرحمن الرحيم
وحشتونى أسمحوا لى أرد برقوءان
وأرد عليكم واحدة واحدة

الحب كده
أولا ألف ألف مبروك وربنا يتتملك على خير يا رب وأيوه كده رحعنا للمواضيع الحلوة من تانى :clap::clap:بعد ماكنا نمنا كتتتتتيرررر
صباح الخير للجميع:eek2:
أنا بصراحة لم أجرب من أيفون غير رير جولد أنا وخطيبى بنحبه أوى أنا جبت المجموعة كلها وهحاول أجرب وأشوف اللى أنتوا بتشكروا فيهم
ومتشكرة على توضيحك بالنسبة للغسول وكويس أنى ما بينا دكتورة علشان الزنقات:D2:D2



مصراويةeman_s25
:clap::clap:وحشتينا أوى كفارة زى مابيقولوا مش كان كأنوا حبس برضوه:D2
أنا قولت قبل كده لما أبدأالف إن شاء الله أفيدك بالمعلومات أول بأول والفستان فعلا حلو وإقترحاتك ظريفة بس أنا عن نفسى مش بحب غير اللى بيكون قطعتين
وعلى فكرة أنا حاسة بيكى أوى فى حلم العمر لأنى أنا كمان حلم عمرى أنى أتجوز من أغلى إنسان عندى فى الدنيا كلها ودايما الظروف بتلطش معنا يالا الكل يدعيلى ويدعى لمصراوية



:shy:سمعاكوا أدعوا بزمة أكتر
وطلعتى مشتركة معى فى موضوع السفر كمان علشان كده أنا مش هشترى حاجة للبيت خالص وهركز عليا وبس وأنا مع مامتك حد يكون هيسافر ويشترى المفرش من هنا بس يلا مش خسارة فيكى
:up::up:مبروك عليكى معرفة مكان السنتر بس متعذبيش الناس أكتر من كده خلينا ندعيلك فى شدتك ويا ترى عرفتى توصلى للمحل ولا أيه


أما بالنسبة للجديد عندى مش أوى لكن أمبارح لمحت محل قمصان النوم اللى حكتيلكم عليه منزل حاجات كتير أوى هروح أشوف وأحكلكم

hala717
omsalma
amaladel
سلامى لكم جميعا ومتشكرة أوى على كل معلوماتكم وكان نفسى أنا كمان أقدر أفيد بس بصراحة أنا زى ما قولت مش هتجوز فى مصر وبالتالى
حاجات كتير أوى مش هجبها وفى نفس الوقت ماما كانت أشترت لى حاجات كتير من زمان أيام ماكانت بتجهز أخواتى أصلى أنا أخر العنقود وعلى رأى ماما أخر العنقود عفاريت و قرود


كفاية عليكم كده بقى
ببببببببببببببببببببببببببببباااااااااااااااااااااااااىىىىىىىىىىىىى

ازيكوا يا بنات

معلش غبت عليكم شوية :yes: كنت عايزة اعرف غلاوتى عندكوا اد اية:D2:D2:D2

ميرسى ليك يا امل على ردك عليا وربنا ميحرمناش منك

وانت يا الحب كدة بجد بجد انا واللة بحبكوا كلكم


اما انت يا مصراوية انا مفتقداكى جدا ووحشتينى اوى
وامتى اخوك هيحن عليكى شوية ؟؟؟؟؟؟؟؟ :mad2: متجبيلة عروسة تشغلية بيها :up::yes: علشان يسيبك بقى لصحابك فى المنتدى

والف مبروك على خروج خطيبك بالسلامة اخيرا ياشيخة
دا انتى اكيد كنت بتعانى :yes: :sad: :sad:


يلا الحمد لله عقبال الفرح ان شاء اللة ويارب يكون فى الصيف

ويارب اكون انا كمان فى الصيف معاكى
ادعولى ياجماعة



لحسن انا زهقت :sad: :angry: :angry:

المهم





انا عايزة دلوقتى نبدا فى برنامج العناية بالعروسة خصوصا اخر 6 شهور قبل الزواج

علشان كل اللى فرحهم فى الصيف يبداوا من دلوقتى برنامج العناية بالشعر والبشرة والجسم كلة


وكمان علشان نقدر نعالج المشاكل الموجودة فى البشرة والشعر علشان ليلة العمر:up:

وكمان علشان:shy::shy: سى السيد :yes: :yes: يلاقيكى زى القمر ويحس بالفرق بعد الفرح فى كل حاجة


ها اية رايكوا نبدا انا بس عايزة الاول نقول البرنامج وبعدين نبدا نقول على الماسكات والكريمات وكل حاجة طبيعية ممكن تفيد العروسة المقبلة على الزواج خلال الفترة دية
:clap::clap::clap::clap::clap:


اولا :

قبل الفرح ب 6 شهور

1[B]-[SIZE=4][COLOR=blue]البحث عن الكوافير المناسب والماكيير المناسب والذى تثقى بة
2- ابدائى الان فى تحديد لون الصبغة ولو كنتى اول مرة تصبغى شعرك ابدائى من دلوقتى علشان تشوفى اللون هيليق عليكى ولا لأ علشان يبقى فية فرصة لتغيرة
3- تحديد قصة الشعر المطلوبة وانا رأى بالنسبة للبنات اللى شعرهم طويل سبية يطول براحتة من غير قص طبعا مع العناية بية وقبل الفرح قصى اطرافة وساوية علشان تفاجئى جوزك بطول شعرك الطبيعى وبعد الجواز ممكن تغيرى القصة مثلا ديجرادية بس على نفس طولة
اما بالنسبة للى شعرهم قصير ممكن تغيرى القصة دلوقتى علشان تعرفة اذا كانت هتليق عليكى ولا لأ
4-ابدائى الان فى برنامج العناية بالشعر والذى يتضمن العناية الاسبوعية الذى يعالج الشعر من المشاكل الموجودة بة
5- استشيرى طبيب الجلدية اذا كان فية مشاكل فى البشرة
6- استمرى فى نظام العناية بالجلد والبشرة
7- ابدائى فة تحسين مستوى الطاقة والثقة لديك ودة لو كنتى تعانى مثلا من الانيميا او الضعف العام والهبوط الدائم يعنى حاولى تاكلى كل المفيد وخصوصا الخضراوات والفاكهة وكمان عسل النحل
8- اذا كان شعرك فية هاى لايت او صبغة الان تجنبى الاتصال بماء الكلور يعنى بلاش تنزلى حمام السباحة دة فى الصيف طبعا وكمان علشان تحافظى على بشرتك من السمار
9- ابدائى الان فى البحث عن الفستان ومتابعة المحلات والمجلات والموضة اللى نازلة الصيف دة علشان تحددى استايل الفستان ازاى وكما تحديد اذا كنتى هتشترية او تفصليةيتبع ..................


على فكرة الموضوع دة مترجم من احد المواقع الاجنبية بالاضافة لبعض الزيادات

هاى حبايبى
هاى مصراويه بالنسبه لسؤالك عن البرفانات انا بيتهيالى كل واحد وليه زوقه بس انا رايى ترتيبهم سواروج ده تقيل بس جميل وبعده اندفيديوال بلو ده خفيف جدا وبعده فاراواى ده برضه تقيل شويه وبعده تاشا وبصراحه مجربتش دولتشى اورا وفيه كمان رير بيرلز ونساء العالم جمال جدا جدا
وبالنسبه للمعرض انا مش عارفه وقته بس لما بيبقى فيه معرض كل الناس بتعرف بيعلنوا عنه فى التليفزيون كمان بيسموه تقريبا السياحه والتسوق او المعرض الدولى بمدينه نصر والمقاسات اللى بتبقى مكتوبه عليه بتبقى صحيحه بس ده لو مكتوب عليه لانه ممكن ميكونش مكتوب عليها حاجه
وبالنسبه للبس البيت فى جراند مول انا جايباه من زمان بس تقريبا من 35 ل50

وشكرا على حمام البخار ياريت تبعتيلى اسمه على فكره انا لقيت واحد فى فيصل ب60 جنيه بخار وحمام مغربى الاتنين ان شاء الله حعمله مره الاسبوع الجاى ومره اللى بعده قبل الفرح :cool2:
وياريت ربنا يكرمكم اللى تعرف واحده كويسه ممكن تعمل مكياج حلو وشعر بس تبقى متجربه وتبقى قريبه من الجيزه او ممكن تجيلى الفندق تقولى لانى محتاجه جدا جدا جدا الفرح كمان اسبوعين :eek2:
وبالنسبه لكرداسه خدوا بالكم من الفصال لانى فاكره مره رحت زمان انا
واختى واتخمينا خمه معتبره لاننا اشترينا من بازار اسعاره سياحيه
وبالنسبه لسوق غزه ممكن بالمترو انزلى محطه غمره وبعدها تاكسى وحتاكدلك تانى واقولك
وشكرا للاخت امل عادل على القايمه بس انا شايفه ان العروسه لو فى بيتها سرير واحد حيبقى كتير عليها 4 كوفرتات واربع لحفه واربع بطاطين
الا لو عندها اوضه تانيه بسريرين ده رايى وكمان فى الشتا حتحتاس تحطهم فين ومش حتستخدمهم كلهم ومصاريف على الفاضى الا لو حتسكن فى الاسكيمو:shy:

:sad: :sad:

:sad:


انااااااااااا

مش هكلمكم تاني


عشان ولا واحدة فيكم قالت رأيها في الفستان
ولا بتردوا علي اسئلتي

غير هي بس الحب كده و روكاااااا:handup:

ولا بنفيد بعض باي حاجة

كله سلامات وبس وحاجات مش مفيدة

وحتي لما بتتكلموا مش بتردوا علي اسءلة الباقين
وردكم قليل

وبصراحة بصراحة

حاسا ان الموضوع ما بقاش مفيد اوي زي الاول

0


:angry:

ده راي وما تزعلوش مني

:z_bye:

ويارب كل واحدة فينا ترد علي اسئلة الباقيين
ونفيد بعض اكتر من كده


ده انا بتكلم معاكم وبحكي لكم عن حاجاتي اكتر من ما اصحابي الانتيم يعرفواااااااااا


لازم نرد علي بعض ونساند بعض

كنت عايزا اسالك يا روكا

عن المحل اللي في المنيل

فيه قمصان نوم طويلة حلوة حلوة؟؟؟؟؟؟
وياريت لو تقولي لي اسعارها في حدود كام

وفين عنوانه بالضبط في المنيل
او ياريت تليفونه