الرئيسية الواحة الأدبية خيمة القصص والروايات روايتي ((مهما جرى فأنت قدري وأنت الهوى))

روايتي ((مهما جرى فأنت قدري وأنت الهوى))

دلوعــة سعود 06-04-2011 163 رد 24,241 مشاهدة
س
سيده نفسي
عروس فضية
11-05-2011 | 11:15 PM
:Dتسلمييين حبيبتي وبانتظار اجزاء ثانية


اخيرا فاتن قام يكون لها موقف وتكون حازمة وتعرف تزعل
هذا سيفوو ما اطيقه حتى لو تصالحوا:celebrate:

:D نبيل ومناهل حليلهم الله يتمم لهم على خير :lol:
:-# بس الظاهر مناهل راح تتعقد من صاحبتها مها الله يستر


غزل وعامر,, حليلهم الثنائي الرومانسي,. بس حاسة راح يصير لهم شي!:study:



بانتظار التكملة حبيبتي ;)
د
دلوعــة سعود
عروس مبدعة
12-05-2011 | 02:22 PM
**الجزء الثاني والعشرون **


#####اليوم الثالــــــــث####


بعد الغداء تسابقو الشباب على الخيل..والبنات تمشو حول المزرعة


وبعد العشاء ..وعلى الساعه 10 نزلت نهال تحس بضيقة اخيرآ خرجت من قوقعتها


مرت من الصالة شافتهم يشربون شاهي مرت وطلعت من باب المطبخ.. وجلست تدور بالحوش أعصابها تعبانه وروحها ضايعه واحاسيسها ومشاعرها مجروحه,,تحس بالم في قلبها تحس بجرح كبير ماهي عارفه كيف تداويه ...جلست تدور وكل تفكيرها بحالها وكيف انها تعيسة وتتمنى الموت ..


وقفت وهي لامه نفسها وتناظر مع سور المزرعه للشارع ...وفكرها مشغول والهم الي شاغله..التفت يدين حول خصرها وحست بالجسم الي لاصق بظهرها.. حاولت تفك نفسها


حاولت تلتفت ماقدرت وهالشخص حاظنها باقوى ماعنده .. لفت بقوة وهو لازال ماسك خصرها صار وجهها بوجهه ويوم شافته... حـــــــــــــازم ..عصبت تنرفزت هي ماهي ناقصته ضربتة بيدينها على صدرة حوالي ست مرات وهي ساكه عيونه وتضرب وتسب وتقولة اتركني اتركني..تركها ومسك يدها وجلس يلعب باصابعها وكانت الدموع ماليه عينه وهو يقول : أنا أحبك يانهال لية ماتفهميني.....


نهال سحبت يدها : أنت ماتفهم أنا اكرهك أكرهك وجلست تصارخ لااعاد اشوفك قدامي انت ماعندك احساس....انا مابي أشوفك انت أحقر انسان بحياتي...وتصارخ أنقلع أنقلع


جاء حسين وهو يركض ووراه ناصر: ايش فية ايش فية


جاء ووقف عند بنته: ايش الي صار؟


نهال: هذا الحيوان ......يلاحقني


حسين جلس يناظر في حازم بقهر: انت ليش تلاحقها ؟


حازم ناظر في الارض وهو منحرج:ــــــــــــ


حسين: قلة ادب انت ماتربيت .؟!!!


حازم وهو يتلعثم انا ..كنت.... بس............. بقول..


حسين مستغرب: أنت ....؟؟؟


نهال: اية يبى هو شارب..


حسين رفع يده وعطى حازم ذاك الكف: ان قربت صوب بنتي مرة ثانية بتشوف شيء مايسرك انت تسمع ولا لا


حازم مشيء وهو منكسر..........
حسين يكلم نهال الي كانت تركض وبتدخل جوة: وانت لاعاداشوفك تطلعين برة لحالك




وبهالهحظة جاء حسن يركض: وش فية خير ليش الصراخ


حسين متنرفز:من وين يجي الخير وولدك معانا


حسن متفاجاء : ايش


حسين معصب :ولدك السكير جالس يلاحق بنتي


حسن حس بحرارة في وجهه ماصدق الكلام: انت وش تقول...حسن الفاظك واحترم وجودي


حسين: اقلك ولدك المحترم...كان يلاحق بنتي


حسن :لاتقول عن ولدي كذا ولدي انا مربية ومايسويها


حسين معصب: يعني افتري علية انا منت مصدقني اسأل ناصر


حسن وجهه كلامة لناصر: صدق ياناصر الي يقولة ابوك


ناصر ماحب يتدخل خصوصآ ان حسن ابو حبيبته : ــــــــــــ


حسين يكلم ناصر:تكلم انت شفت الموقف بعينك


ناصر خاف من ابوة:اية صدق ياعمي حازم كان وكان واقف مع اختي نهال


حسن عصب:انتو أصلآ ماعندكم لاحشيمه ولا حية تتبلون على ولدي لكن الله عليم وشاهد بفعايلكم


راح وتركهم .........


$$ اليوم الرابــــــــــــــــــــــــــــع$$


بعد العشاء على الساعه10


عند الرجال حاول حسين انه يتجاهل حسن مثل ماحسن كان يسوي ..وحسن كان طول الوقت مشغول في اللي صار امس صدق ولا لا...خصوصآ انه يشوف ولده طبيعي..


اليوم اخر يوم حتى الحريم بدو في ترتيب البيت عشان يتركونه وهو مرتب .. وبعد مارتبو الحريم جلسو على الكنب ويشربون شاهي ويسولفون..


البنات كلهم جلسو يلعبون ورق قدام التلفزون اللا فاتن الي كانت مهمومه ...قامت وطلعت من جهة باب المطبخ لفت شال طويل عليها ..جلست تدور بالحوش وهي مهمومه ماهي عارفة وش تسوي لسيف لاردت لبيتهم تنسى الموضوع موضوع الشنطة وموضوع الخصام..ولاتزعل وتتضايق عشان يراضيها ويعملها حساب...خلاص هي اصلآ من بعد موضوع الشنطة عرفت ايش هي بالنسبة لسيف....ولا شيء... تنهدت تحس الهم مالي صدرها ماهي عارف تنقذ نفسها..


كانت تمشي جنب سور المزرعه...حست بشخص ناظر من وراء السور.... خافت وتراجعت لوراء ....وغطت راسها بالشال...وهالشخص ينادي: لو سمحت..


فاتن ماعرفت وش تسوي الا انها صنمت مكانها....


طلع الشخص راسه من فوق السور: لو سمحتي مزرعة فلان الفلاني من وين


÷÷÷÷


دخلت حلا من الحوش تركض وجلست جنب امها وهي حاطة يدها على فمها وفاتحه عينها على الاخر كانها منفجعه...


منيرة: وش فيك.....؟؟


حلا: ها لاولاشيء


منيرة: داخلة من الحوش تركضين ومنفجعه وتقولين ولا شيء


حلا بخبث: الواحد لازم يستر على عيوب الناس


منيرة: وش فية


حلا: انت اطلعو برة وانتو تشوفون؟؟


الكل قام من حريم وبنات......ويوم طلعو لقيو فاتن واقفة قدام سور المزرعة وتاشر على الجهة الثانية ,,,ورجال واقف قدامها الكل تفاجاء الكل اصدار اصوات.. الي سب والي ماتوقع


اما الرجال يوم شاف الحريم اخذ بعضة وشرد...فاتن التفتت وهي تناظر فيهم.....


الكل يتكلم باصوات منخفضة ووشوشة ...."مو معقولة ..."


الا مريم طلعت من بينهم مشيت الين وصلت عند فاتن....


مريم بعصبية: انت وش كنتي تسيون بالحوش لحالك مع رجال غريب؟.....


فاتن: ماكنت اسوي شيء ..الرجال كان يسال عن مزرعه قريبة من هنا...........


مريم بلا شعور عطتها ذاك الكف: وتكذبين بعد......


فاتن والدموع تجمعت في عينها: انا ماكذبت انا قلت الصراحة


مريم: فضحتيني الله لايبارك في ابليسك انت مرة متزوجة...خسارة تربيتي لك ...


فاتن تحس الدنيا تلف فيها ....الكل يكذبها الاخالتها الكل يفتري عليها الا خالتها..


حلا سحبت نفسها من الجمع وراحت جهة بيت الشعر واول ماوقفت طلع سيف وهو يناظر مستغرب الصراخ...


قال لحلا: وش فية.؟؟؟


حلا بخباثة: يقولون زوجتك كانت واقفة مع رجال غريب..
سيف مشي وهو مسرع بتجاه امه وفاتن وحلا تلاحقه: قليلة الادب ماحشمت احد ولاكانها متزوجة ماتربت...




وصل سيف ووقف بوجهة فاتن: صحيح الي صار...


فاتن والدموع مالية خدودها: لا انا كنت امشيء بالحوش ...وبعدين جاء الرجال يسأل عن مزرعه ..,وانا


سيف ماتركها تكمل عطاها ذاك الكف وهو يقول: أصلآ انا ماستغربها عليك


وشد شعرها وهي تصارخ وهو يضرب ويضرب ورماها على الارض ورفسها على بطنها وراح.....


الكل مشيء بعد مامشي سيف ....ناظرت مريم في فاتن وهي متحسرة: تستاهلين الي جاك قليل وتكذبينهم يوم يقولون انك تحبين واحد وماتبن تحملين من سيف ....الحين صدقتهم وكذبتك..انا ندمانه اني ربيتك ندمانه,,,,,لفت ومشت ....


وفاتن تمد يدها وتناديها: خالة خالة آه آه خالة تكفين ارفعيني عن الارض


مريم وقفت وهي معطتها ظهرها: خلي الي كان معاك ينفعك ويجي يشيلك


فاتن تصرخ: آه آه بطنــــــــــــــــــــــــــــــــــــــي


مريم ماقدرت لفت وناظرت ولا البنت حالتها حالة ..جات وقفت عندها وقالت: وش فيك؟


فاتن: احس شيء ينزل مني .......آه بطني تعورني آه تكفين خاله ارفعيني


مريم: لحظة....


راحت تركض جهة بيت الشعر ونادت سيف وابو سيف وجو شالوها وودها للمستشفى ..


وفعلآ كانت فاتن تعبانه على الاخر.....حتى سيف يوم شالها شافها عرف انها تعبانه


ويوم دخلت الطوارى والدكتور كشف على حالتها ...طلعلهم وهو متغير وجه


ابوسيف :وش الي صار وش فيها؟


الدكتور:هي المريضة قبل لاتجي وقعت قرالها حاجة


محمد:لية


الدكتور:الجنين الي بطنها مات!!


سيف انصدم وماتكلم:ــــــــــ


مريم منصدمه:لية هي كانت حامل؟


الدكتور:آها وعندها شهر ونص


مريم:طيب وهي كيف حالتها الحين


الدكتور: بنعملها تنظيف وبعدين لازم لها راحة وان شاءالله بعدها تكون تمام التمام


مريم:طيب متى نشوفها ؟


الدكتور:بعد ساعتين


راح الدكتور وجلس محمد وسيف ومريم في الانتظار...


محمد:هي وش صارلها؟


مريم تناظر في سيف وتناظر في محمد:طاحت


محمد:كيف طاحت اظن انها ماهي بزر عشان تطيح


مريم:تعثرت وطاحت.


محمد:والله مدري عنكم ...بس الي اعرفه انكم لازم تنتبهون لها البنت يبيلها الحين راحه واهتمام اكثر واكثر عاد لااوصيك يام سيف في بنت اختك


مريم وهي متحسرة على نفسة :اية لاتوصي حريص


سيف حس بتأنيب ضمير وحس انه هو السبب لام نفسة ..


بعد ساعتين اذنلهم الدكتور بالدخول دخلو كلهم وتحمدولها بالسلامة ....وجهها كان مصفر والكدمات مأثرة في وجهها حتى الغرز حقت قبل كم اسبوع لازالت باينة في وجهها ومع ذالك اول مادخلو ابتسمتلهم بطيبة وبحب ....من جد هالبنت ملاك ماتشيل بقلبها ولا تحقد ....


مريم بعد ماحظنتها والدموع مالية وجهها: الحمد الله على سلامتك ياقلبي


فاتن:الله يسلمك


محمد:لابأس طهور ان شاءالله ....قالها ودار وجهه بيطلع


فاتن:تسلم ياعم


محمد:الله يسلمك....مريم انا ابي اروح اجيب البنات تجين معي


مريم:طيب يالله عشان ابي البس واجيب اكل لحبيبتي فاتن


قامت وسلمت على فاتن وطلعو.....


سيف كان بأخر الغرفة مشيء الين وصل لسريرها ...جلس على السرير بوجهها ...


ناظر فيها ويشوف الكدمات والاثار "فعايلة" الي مالية وجهها ...حس بالم حس بذنب شال يدها وباسها بقوة ..ونزلت دمعته على يدها ...فاتن تأثرت بس مابينت ظلت ساكتة...


سيف :انا اسف عسى يدينه الكسر الي ـــــــــ ـــ ـ


فاتن وهي تحط يدها على فمه :لاتقولها والله ادعي على نفسي ليل نهار بالموت اذا قلتها مرة ثانية


سيف:يعني سامحتيني؟!!!


فاتن وهي تصد الجهة الثانية:ـــــــــــــــ


سيف:والله غيرتي تذبحني لاتلوميني.


فاتن ودموعها تنزل:جرحتني واهنتني قدام الكل وتبيني اسامحك!!


سيف وهو يمسح دموها:والله انا اسف وعسى يديني الكسر ان مديتها عليك مرة ثانية...والله الشيطان لعب بعقلي وماحسيت بنفسي


فاتن:ــــــــــــــ


سيف:أوعدك ماعاد امد يدي عليك


فاتن وهي تضحك:سمعتها كثير


سيف وهو يحط يده على يدها:وهذي اخر مرة راح تسمعينها


فاتن وهي تضحك :ان شاءالله


سيف :عساها دووم هالضحكة.....يعني نسيتي الي صار وسامحتيني..


فاتن:نسيت الي صار اليوم ...بس اعذرني موضوع الشنطة ماني قادرة انساه


سيف وهو يضحك:انت فاهمه السالفة غلط هاذي الشنطة يوم زواجي منك رفعتها تحت السرير عشان بعدين اتخلص منها وواوديها بأي مكان بس في البداية مامداني وبعدين نسيت وانت شفتيها


فاتن:ايوة


سيف:والحين ابشرك تخلصت منها ورميتها


فاتن:ـــــــــــــــــــ


سيف:منتي مصدقتيني يوم نرجع تشوفين بنفسك


فاتن:أن شاءالله


سيف: انا زعلان منك كذا ماتعلميني انك كنتي حامل


فاتن:انا نفسي ماكنت ادري


سيف وهو يضحك:أجل سامحتك..وعقبال ماتملين البيت اطفال


فاتن وهي تبتسم بهدوء:أن شاءالله


فاتن تاثرت انها اسلبت بس مابينت لهم ...تاثرت وبقوة خصوصآ انها من زمان كانت تتمنى انه يكون عندها ولد تربية وتخاف علية.... وانقهرت انه كل مرة سيف يجرحها ويهنيها كله بسبة الغيرة....


واللي يخليك حاول تفهم اوضاعي
حرام نخسر بعضنا بسبة الغيره
مافيه داعي تصحي غفوة اوجاعي
يكفي وجع قلب غير كل هالسيره


مذبوح جيتك لا غافي ولا واعي
اشيل حمل الزمان بشره وخيره
ما جيت حتى تعلمني وش اطباعي
او تشرح ابعاد حلم طال تفسيره


الحظ ماهو خاتم يلبسه اصباعي
والله لو صحيح اسعى لتغييره
جيتك وكلي امل لو تفهم اوضاعي
ولا انت لا مات قلبك عشت في غيره








بعد نص ساعه دخلت مريم ووراها غرام وغزل وجلسو يسلمون على فاتن بالاحضان وعيونهم ماليها الدموع ...


غرام: سلاامتك الف سلامة ياقلبي


فاتن بابتسامة: الله يسلمك ياقلبي


غزل: بعيد الشر عنك ...عساها اخر اتعابك


فاتن: تسلمين ياقلبي


غزل: الله يسلمك...


فاتن توجهه كلامها لمريم:الا وينهم وائل ولؤي


مريم: ياقلبي عليهم اول ماوصلنا من الاستراحة نامو


فاتن: ياقلبي نوم العوافي


مريم:الله يعافيك....ها بشريني كيفك الحين


فاتن تناظر في سيف الي يناظر فيها من بعيد: لاالحمد الله احسن بكثير


مريم : الحمد الله


سيف ابتسم لفاتن ابتسامة جميلة وترخص وطلع بره الغرفة....


البنات رجعو مع ابوهم للبيت.....مريم جلست مع فاتن مع ان الدكاترة اسمحولها انها تخرج لكن محمد اصر انها تبات عندهم والصبح يصير خير.....


مريم ياحليلها اول ماجلست على المقعد الي جنب فاتن غمضت عيونها وراحت في النومة....


لكن فاتن الي النوم عيى يجيها تقلبت تقلبت.....تحس بالم داخلها تحس بحزن عميق...نزلت دمعه حارة على خدها وهي تتذكر الموقف وتتذكر نظرات حلا ونظرات الكل كلهم كانو مستحقيرنها..وتذكرت كيف سيف كان يضربها بكره وحقد...وتذكرت نظرة خالتها لها وكلامها حزنت من كل قلبها ...تمنت الموت ولا حصل الي حصل ..وتذكرت كيف فقدت اغلى شي كانت تتمناه....استغفرت ربها وقالت بعقلها" خيرة "


طلعت دفتر خواطرها نثرت كلمات حزينة ساعدتها في تخفيف الهموم عن قلبها..قفلت الدفتر وهي تتمنى من كل قلبها انها تكون اخر خاطرة حزينة تكتبها ....


غمضت عيونها ونامت بعدما شالت بعض الهم عن قلبها..


في الصباح وفي بيت فريدة....


نزلت حلا ولقيت غلا في الصالة لحالها


حلا بتسأل: وين الكل؟


غلا: راحو للمستشفى يزورون فاتن


حلاوالابتسامة شاقة حلقها: لية؟
غلا بنتفاجاء: مادريتي




حلا: لاوالله مادريت....


غلا:فاتن كانت حامل وسقطت


حلا ودها ترقص على الخبر الحلو :أها ...والله تستاهل الي جاها,, شفتيها امس كيف كانت واقفة مع الرجال


غلا:حرام عليك


حلا:والله ومو بعيده يكون الي ببطنها من الرجال الي كانت واقفة معاه


غلا متنرفزة من اختها:اسكتي اسكتي ...حرام عليك تفترين على البنت والبنت الي جاها امس يكفيها


حلا:والله تزعلون من الحق....هذة هي الحقيقة والي صار امس وضح حقارتها ودنائتها لكن انتو ماتشوفون عمي.. على بالكم انها حليله وطيبة وانتو ماتدرون انها اخس الناس..


غلا:بالله عليك اسكتي انتي ماتقولين عن الناس غير الشر...يابنت خافي ربك لايبتليك بمصيبة والناس مايرحمونك....


حلا تتفل على نفسها وتمشي بتجاه المطبخ:فال الله ولافالك اروح افطر ابركلي من مقابلة وجهك


غلا وهي تناظر في اختها بستحقار وتقول بعقلها"الله يصلحها"..


دخلت المطبخ واخذت الموبايل ودقت


حلا: ياهلا والله بالغلا


حمد:هلا فيك


حلا وهي مبتسمة:تسلم والله على الي سويته


حمد:الله يسلمك ويخليك كم حلو عندي انا.؟


حلا:وحدة ...واطلب منها الي تبية وهي تعطيك


حمد:انا مابي الا سلامتها...الا قوليلي وش الي صارلها


حلا:الله يسلمك ياقلبي والله ياقلبي صار الي ابية...الله لايحرمني منك والله انك حبي الوحيد


حمد: عيني بعينك ...؛حبك الوحيد


حلا: ايوة الله انت الوحيد الي سكن قلبي


حمد:اجل مابي احد ثاني يسكن معي


حلا:لاتوصي حريص ماحد يوصل مكانك ابد


حمد:من جدك هالكلام ولا بس عشانك مبسوطة


حلا بدلع:حمود يعني ماتدري انك عزيز وغالي على قلبي وانه مستحيل احد ينسيني حبك ..انا من يوم تعرفت عليك نسيت ايامي وصرت انت الوحيد الي مالي علي حياتي صرتلي الاخ والصديق والحبيب..الله لايحرمني منك


حمد:ولا منك


حلا:يالله حياتي لااطول عليك تامرني توصيني على شيء


حمد: ابي سلامتك


حلا: الله يسلمك يالله مع السلامة..

^^^^^^^^^^^^^^^^^^^^^^^^^^^^^
د
دلوعــة سعود
عروس مبدعة
12-05-2011 | 02:26 PM
)))))))))


في المستشفى والجدة وزوجة خالها ,,, وخالتها ,,الكل حولها


والجدة جالسة جنبها وتاكلها: والله يامريم يبيلها احد ياكلها..الله يخزي الشيطان ماتاكل ابد


فاتن وهي تضحك: والله ياجدة اكل بس مايبين


نورة:والله انا ماشوفك تاكلين ولااكلتي كانك عصفور ياكل


الكل ضحك على كلام الجدة:ههههههه


راحت فريدة مع زوجها بعد ماتحمدتلها بالسلامة.....


وشوي دخل سيف ومعه باقت ورد كبيرة حطها على الطاولة وجاء سلم على راس جدته وعلى راس امه وعلى راس زوجته فاتن...,وجلس جنب فاتن من الجهة الثانية من السرير"من يمينها"


سيف وهو يناظر في فاتن: ها كيفك الحين؟


فاتن وهي مبتسمة~:الحمد الله تمام


سيف :دوووم ياقلبي


فاتن:تسلم


سيف:الله يسلمك..ها فطرتي ناقصك شيء تبين شيء؟


فاتن:اية جدتي الله يعطيها العافية فطرتني..لا ابد ماناقصني شيء دام جدتي وخالتي معي ماينقصني شيء


سيف:عاد يمة يالله جهزي اغراض فاتن نبي نرجع للبيت .. جو المستشفى يضيق الخلق


مريم:خلاص نجهز الاغراض؟


سيف وهو يقوم:اية يالله وش تبيني احط بالسيارة


مريم :بس هذي الشنطة الصغيرة


سيف وهو يشيل الشنطة:طيب خلاص ويالله ترى انت ياجدة بتروحين معنا البيت


نورة:اية اكيد


نص ساعه وهم واصلين البيت ...طبعـا سيف الي وصلهم


مريم بسرعه جهزت الغرفة لفاتن "غرفة المقلط"واصرت عليها انها تنام شوي


تمددت لكن ماجاها النوم ..دخل عليها سيف وهي تعدلت بالجلسة


سيف:ارتاحي ارتاحي لاتعبين نفسك


فاتن وهي مبتسمة:لاانا مرتاحة


سيف جلس جنبها وهو يناظر فيها مد يده وشال خصلة من شعرها عن وجهها ولفها وراء اذنها:كيفك الحين؟


فاتن وهي تناظر بالارض:الحمد الله


سيف:كيفك. مانتي زعلانة مني على الي سويتة.


فاتن وهي تناظر فية وهي تقول بعقلها أنت لو ايش سويت فيني قلبي يحبك ومايزعل منك:لا ابدآ


سيف باصرار:آكيد


فاتن:آكيد


سيف مسك يدها وحط بوسة عليها:الله يعطيك العافية ولايحرمني من وجودك


فاتن تناظر فية وتحس وجهها صار احمر من الخجل ماهي متعودة على حركات سيف هذي وقالت من قلبها:ولايحرمني منك


فاتن تغير الجو الي موترها: الا وينهم وائل ولؤي


سيف بصوت مبحوح: مليتي مني ماتبيني؟


فاتن حست قلبها عورهاوقالت بعقلها"انا مابي احد في الدنيا غيرك مجنون انت تقول هالكلام". .. : لاابد بس اشتقتلهم


سيف وبنفس النبرة: وانا ماشتاقتيلي؟


فاتن ودها تحظنه وتقول شوقي لك ذبحني طول عمري وحياتي أنتظرك وطول عمري ماحبيت احدمثلك ولااشتقت لااحد مثلك ناظرت بخجل بالارض:ـــــــــــــــــــ


سيف رفع راسها وهو يناظر بعينها: ماشتقتيلي؟....


فاتن حست ان وجهها ولع خلاص كافي تعذبني الا اشتقتلك مووووووووووت:الا


سيف ابتسم وحظنها :تشتاقلك العافية ياقلبي


فاتن وهي لازالت ماسـكةفية:الله يعافيك


سيف وهو يمسح على شعرها:اوعدك ماعاد ازعلك


فاتن تحس انها بتبكي خلاص انا الي ابية صار انا بس ابي قربك مابي شيء ثاني:ـــــــــــــ


سيف:ولاعاد امد يدي عليك


فاتن بحظنه نست نفسها حست بالامان حست بالراحة حست بالحياة حست انها اسعد انسانه ....


انفتح الباب دخل وائل وورا لؤي ...سيف تحرك بسرعه ووقف...


سيف: اهلن اهلن هو هذا وقتكم


فاتن وهي تناظر في سيف وميته ضحك:ههههههه


وائل جاء بحظن فاتن: انت تعبانه


فاتن: لاياحبيبي


لؤي وهو يمسك ووجهها: طيب لية كذا وجهك ملون


فاتن وهي تضحك وتحظنهم باقوى ماعندها:طحت


وائل: انت بس تتعبين وتطحين أنت صغيرة؟؟


فاتن جلست تضحك:هههههههه مو بس الصغار يطيـحون حتى الكبارشفت كيف لازم الواحد ينتبه


لؤي:صح حتى الكبار يطيحون تتذكر كيف باب طاح من على حصانو


وائل :صح صح


سيف:بس انا قوي على طول طبت حتى فاتن الحين ان شاءالله على طول تطيب


فاتن وهي مبتسمة : هههههههه ان شاءالله


سيف :يالله انا رايح اصلي بالمسجد مين يروح معي


وائل ولؤي:انا


سيف:يالله خلو ميري تلبسكم عشن تروحون معي


طلعو يجرون........


سيف :تبيني اجيبلك شيء ناقصك شيء


فاتن:لاابد "ودها تقول ناقصني حنانك "


سيف:يالله اجل انا طالع فمان الله


فاتن:الله معاك


طلع وسك الباب وفاتن طايرة من الفرح تحس الارض ماهي سايعتها من كثر السعاده الي في قلبها ...


وعلى المغرب فريدة زوجة حسين زارتها هي وبنتها مناهل ومنيرة زوجة حسن زارتها ..والكل تحمدلها بالسلامة ..ونورة جدتها طول الوقت جالسة عندها وتهتم فيها ومريم من جهة ثانية ماقصرت باهتمامها ورعايتها..


على العشاء في بيت فريدة …وهم داخلين


حطت مناهل شنطتها وجلست على الكنبه وهي مهمومة وتتأفأف


فريدة وهي تنزل العباية :وش فيك؟


مناهل وملامح القهر مالية وجهها:والله وحزنت على فاتن…


فريدة~:الله يعينها ويعوضها بالولد الصالح


مناهل:آمين …بس انا الي قاهرني انها انظلمت يايمة وانضربت ذاك اليوم قدام الكل…ومن مين من زوجها …والله انه مايستحي


فريدة: عيب عليك لاتقولين كذا….


مناهل: الا مايستحي كيف يضربها قدام الناس …مسح بكرامتها في الارض لا وعلى ايش هي ماسوت شيء غلط …حرام علية تلاقينها الحين مكسورة …


فريدة:مشاكلهم ويحلونها بنفسهم


مناهل:ولوالمفروض مايضربها قدام الكل …وش فاده ضربه لها الاانه مات الجنين الي ببطنها


فريدة:هذا قضاء الله وقدرة


مناهل:والنعمه بالله…..لاكن هذا ماهو زوج هذا شيطان …وبيني وبينك الرجال كلهم مثلة الرجال مايحسون الا بانفسهم مايهمهم الا ذاتهم...الرجال متخلفين عقلوهم فاضية مافيهم ذرة تفكير ..لاوفوق ذا يشوف نفسة يعني يعني فاهم وهو من جنبها ..ياشيخة الله يحرق الرجال الي كذا..


فريدة معصبة:بنت انت وش تخرفين وش الكلام الي تقولينه؟


مناهل وهي تقوم:اقول الصدق يمة …الرجال مامنهم آمان والي تثق في رجال "هبلة" (يامآمن الرجال يامآمن المية بالغربال)الرجال مايشبعون ولايملي عيونهم غير التراب ..فوق انها عاشت معه حوالي نص سنة ضربها قدام الكل مالت علية عسى يدينه الكسر ……لاوتلاقين الحرمة تعيش مع الرجال حوالي 30 سنة وهي تحبة وتخاف علية لاصارت ماتخلف قام ودار ظهرة واخذله ثنتين مو وحدة قال اية ابي اتزوج ابي عيال الله يلعن شكلك والي عشناه انا وانت والايام الي بينا عادي تنساها ..اية عادي هو قلبة حجر مو مثل البنات الي يحبن بصدق والله حرام حرام…


فريدة: اقول عن الهذرة الفاضية ولاتخلين هالتفاهات تمسك بعقلك ترى ماراح تتزوجين لو امنتي بهالخرفات


مناهل وهي طالعه لدرج: يكون احسن ولا اعيش مع واحد متخلف مجنون يخليني مثلة ..


فريدة: الله يهديك وينور عقلك ….


÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷


وعلى العشاء الكل تجمع ببيت مريم اليوم عشاء عندهم بمناسبة قدوم رمضان ..الاجواء كانت رائعه والكل مبتسم فرحان "ويشرب فيمتو"(هههه)....وجالسين بالحوش ...


و رمضان كريم وكل عام وانت بخير تترد في كل مكان والنفوس طيبة وسعيدة رغم الهموم والاحزان والقهر ...شهر رمضان يغير البشر ..يشيل الحقد والقهر ..ويحل محلة الحب وسعه الصدر...


الرجال مع بعض بالحوش مستمتعين بشوفة الهلال...والحريم داخل بسواليفهم الحلوة جالسين حول فاتن .. والضحك والهرج اخذ وقتهم وعلى الساعه 12 ونص....حسو بالوقت وكلن راح على بيته...


هجد البيت الكل راح ينام الاولاد تعبو من اللعب ونامو ...غزل وغرام ماصدقو الحريم يرحون حطو روسهم ونامو... نورة الجدة وهي ماتدري عن نفسها نامت بالصالة .فرشولها الخدامات ونامت...ومريم ترخصت من فاتن وقالتلها انا طالعه انام ..


تمددت فاتن والغرفة"غرفة المقلط" ظلمة ...غمضت عيونها رغم الحزن الي بقلبها كانت الابتسامة مرتسمة على وجهها ..فردت شعرها ..ناظرت بالجوال الساعه12 ونص ..غاصت بالمخده غمضت عيونها..انفتح الباب دخل سيف..


ماصدق فاتن الي تشوفه معقولة هذا سيف وش يبي ومي من عوايده يجيني قبل لاانام...


سيف بصوت واطي: فاتن فاتن انت صاحية....؟


فاتن وهي ترفع نفسها: اية انا صاحية...


قرب سيف الين جاء عند سريرها ...فتح الابجورة .وشاف الملاك الي منسدحة على السرير وشعرها الناعم مترامي بعشوائية على كتوفها ووجهها. الي كان مثل القمر في تدويرة والابتسامة الحلوة الي كانت راسمتها على وجهها ...


جلس على سريرها : صباح الخير يااميرتي...


فاتن أنحرجت: صباح النور


سيف بصوت هادي وهو يناظر بعيونها: أشتقتلك...


فاتن أستحت وناظرت بالارض وقالت: تشتاقلك العافية


سيف وهو يحط يده على وجهها:تخجلين مني؟؟!!


فاتن وهي تلف راسها بمعنى لا:ــــــــــ


سيف:طيب لية تناظرين بالارض ناظري فيني


فاتن رفعت عيونها الي ماتقاوم نظرات سيف الي تذبحها:ــــــــــــــ


سيف وهو يبتسم:ايوة كذا زين


سيف وهو يمسك يدها:رمضان كريم وكل عام وانت بخير واوعدك انك من هالشهر ماتشوفين بحياتك غير السعاده.. وراح تشوفين سيف الجديد الي مايبي غير سعادتك


فاتن : وانت بخير ...ماتقصر والله


سيف: ابيكي تنسين الي فات..خلاص


فاتن وهي مبتسمة: خلاص


سيف وهو يرفع يدها ويبوسها : عساني مانحرم من هالابتسامه ولاانحرم منك


فاتن حمر وجهها وقالت بصوت واطي حتى هو يمكن ماسمعها:ولامنك


سيف وهو يناظر بالغرفة وطاحت عينه على باقة الورد الي هو جابلها هي


سيف بتسال:فاتن


فاتن~:نعم


سيف :الله ينعم عليك..فاتن ابسالك باقة الورد الي بدون كرت يوم انكسرت رجلي هي منك ؟


فاتن والخجل امتلى بوجهها وناظرت بالارض وسكتت:ــــــــــــ


سيف: جاوبيني


فاتن وهي تناظر بالارض: ايوة


سيف:ولية ماقلتيلي


فاتن:استحيت بنفس الوقت انا ماقدرت انه يصيرلك شيء وانا ماتحمدلك بالسلامة فقلت عشان يرتاح ضميري


سيف وهو يناظر فيها:مشكورة ياقلبي


فاتن:لاشكر على واجب


سيف:يعني كنتي تحبيني من قبل لااتزوجك


فاتن كشرت هو هذا سؤال يسالها هو انا احبك من الطفولة تقلي قبل لااتزوجك يعني انت ماتدري: عشانك ولد خالتي لازم اشيل همك واحس فيك


سيف:آها .. طيب يالله ياحياتي طولت عليك انا طالع انام ..تصبحين على خير ..


طلع وسك الباب ...وفاتن الي شوي وتصيح تحس انها بحلم مو بعلم معقولة سيف يجي بليلها ويوعدها بايام وسنين حلوة ويقلها انسي الماضي وكل سنة وانت طيبة والله لايحرمني من ابتسامتك ولامنك ....معقولة ..ماني مصدقه ومااقدر اتحمل...الحمد الله ....


نامت بهدوء وبراحه ....


صحيت على يد خالتها : يالله يافاتن قومي السحور...
فاتن وهي تفتح عيونها بشويش: ها طيب طيب الحين اقوم




مريم:انا عارفة انك ماراح تصومين اليوم .أصلا مايجوز وانت تعبانه ..بس الاكل لذيذ قلت لاازم اقومك واذوقك


فاتن وهي مبتسمة:تسلمي ياخالة


مريم:الله يسلمك وغير كذا سيف الي اصر علي اصحيك


فاتن الي فتحت عيونها:سيف ..هو سيف صاحي


مريم:ايوة يالله تعالي تسحري معانا ..نبيل حطيناله بصحن لحاله


فاتن: طيب يالله ثواني واجي


طلعت مريم ...قامت فاتن والالم قام معاها ماقدرت تمشي تحس رجلينها وبطنها تعورها ...قاومت الالم وقامت عشان خالتها وعشان سيف ...


دخلت المطبخ وهي لابسة البيجاما الكحلية ..وشعرها الاشقر مفرود بس لامة الخصل"بف صغير" ..سلمت وقعدت على كرسي الطاولة بشويش وباين في وجهها التألم والكل انتبه لمشيتها الي باين فيها التعب..


مريم: حبيبتي فيك شيء تحسين بالم


فاتن وهي تناظر بسيف: لا ولاشيء الم بسيط


محمد:والله حرام تعب عليها خلاص بنتي لاعاد تصحين يجيبونلك سحورك وفطورك على سريرك عاد وش تبين دلع اكثر من كذ


فاتن وهي تبتسم بكل هدوء:تسلم ياعم الله يخليك


محمد:الله يسلمك


سيف وهو يناظر فيها ويبتسم: يالله تقومين بالسلامة وانت الي تسوين لنا السحور ههههه


فاتن وهي تضحك: ان شاءالله


مريم: حرام عليك تبيها تسويلك السحور ...


سيف وهو يضحك: زوجتي وانا حر فيها...هههههه امزح لاوالله ماتعبها ولاتنمد يدها على شيء انا الي اسويلها السحور وهي ترتاح


الكل ناظر فيه مستغرب من اسلوبه الجديد......................


غرام:اية عاد هذي الغالية فاتن ....ترى بعدين اغار ههههه


غزل:فاتن انتبهي ترى غرام غيورة تاكل الاكل عنك بعدين هههه


فاتن وهي تضحك:لاماتسويها هههههه


غرام وهي تقوم :انا زعلانه كذا تتريقون علي..
س
سيده نفسي
عروس فضية
12-05-2011 | 03:33 PM
:adore: حلووو البارت

عاد هذا سيف ايش اللي غيره؟!!

وهذي حلا يا مال الدمار يدمرها ,, يا رب تنكشف,,

وصار عندهم بنات ثنتين يسودون وجه العيلة مساكين :-#

يعطيج العافية حبيبتي,,
نبي بارت بعد :o
د
دلوعــة سعود
عروس مبدعة
13-05-2011 | 02:58 PM
>>الجزء الثالث والعشرون<<



محمد :اقعدي كلي هذا سحور مو دلع



غرام وهي مبتسمة: لايبة تسلم الحمد الله شبعت



مريم: بلا دلع كملي صحنك بعدين قومي



غرام وهي تضحك: والله شبعت مابي



محمد: بكيفك



غزل وهي تقوم: والله حتى انا شبعت



محمد: انت اقعدي كملي صحنك شوفي كيف صايرة مختفية ماتنشافين



غزل:ابوي تكفي مابي ...عرسي بعد رمضان مابي يجي وبطني طالعه



محمد:يادلع اجلسي



مريم:لاتناحل فيها ترى بتاذيك ولابتسمع الكلام



نورة:هم كذا البنات مدلعات حتى بنات حسين مثلهن ماياكلن يحسبن الجسم العود حلو مادرو ان المربربات احلى



مريم: اية والله انت صادقة يمة



غزل شردت وغرام قبلها.........



سيف : يمة صبيلي موية ........



محمد:حتى انا



شرب محمد مويته وطلع ونورة شربت مويتها وراحت بالصالة تقراء قرآن ...



مريم تلم الصحون مع الخدامه وفاتن ماهي قادره تقوم تحس رجولها تعورها ...



مريم:فاتن انت ماشبعتي ولا وش فيك؟..



فاتن:ها لاولاشي بس رجلي تعورني احس اني مااقدر اقوم



سيف وهو يقوم :اجل انا اشيلك



فاتن حمر وجهها:لالاتعب نفسك انا سمينة اتعبك



سيف : انت سمينة انت انحف من خواتي المدلعات ..."عاد هو صادق فاتن انحفهم"



جاء لعندها وشالها من على الكرسي وهي لافه يدينها ..وحده حول خصره والثانية من فوق كتفه ..وصلها لجناحهم الي فوق ..اول مافتح الباب سم بالله ... ودخل الين الغرفة وحطها على السرير..



فاتن: غشاش ماوديتني غرفتي الي تحت



سيف: لا مو هذيك غرفتك ...هذي غرفتك وغرفتي



فاتن حمر وجهها :تعبتك



سيف رمى نفسه جنبها وهو يشاحن :لامو انت الي تعبتيني الدرج الطويل ..



سيف وهو يناظر بعيونها : انا اسف



فاتن:على ايش؟



سيف وهو يمسح بيده على شعرها :عشاني عذبتك



فاتن:لاتقول كذا



سيف وهو يحط بوسة على عينها :وتعبت عينك من كثر البكاء



فاتن :لاتقول كذا انت كذا تزعلني



سيف وهو يناظر في وجهها ويحط يده على خدها: آه والله اني كنت غبي يوم اضربك ...انت ملاك كيف امد يدي عليك سامحيني ياقلبي



فاتن :انا مسامحتك



سيف قرب منها وحط بوسة دافية عى خدها:مشكورة ياقلبي عساني منحرم منك



فاتن حمر وجهها من الحياء :ــــــــــــــــــ



سيف قام: يالله هذا الاذان ابي اروح اتوضى واصلي ...



طلع سيف فاتن حطت راسها ونامت ....................



مر اسبوع من رمضان كان اسبوع كله جمعات ومرة يفطرون في بيت حسين ومرة في بيت حسن ومرة في بيت محمد..والجدة طول هالاسبوع وهي جالسة عند حفيدتها حبيبتها فاتن ..فاتن حست بتحسن صارت تمشي احسن من اول بس ماتنزل وتطلع كثير"عشان صعبه عليها" ..



يوم الخميس وبعد الفطور وقبل صلاة التراويح دق جوال مناهل ردت



ويجيها صوت صديقتها المبوح :الو



مناهل وهي مفجوعه: ايوة الو



مها وهي تبكي: تعاليلــــــــــــي يامناهل.... انا محتاجتك



مناهل وهي مفجوعه: اجيلك وين.... انت وينك؟!!!!



مها وهي تبكي: انا ...في المستشفى



مناهل : طيب في أي مستشفى الحين اجيك



مها عطتها اسم المستشفى ....ودقايق وهي في المستشفى دقت على جوال ام مها الي عطتها رقم الغرفة ويوم وصلت جنب الغرفة لقيت امها عند الغرفة سلمت عليها



مناهل وهي خايفة: وش فيها مها عسى ماشر؟



ام مها وهي تبكي: مافيها الا العافية ...بس زوجها ضربها الين مات الجنين الي ببطنها والحين مها مصدومة وماتبيه



مناهل: الله لايديه العافية.. لية ضربها؟؟



ام مها: كان مو داري عن نفسة



مناهل: والحين كيفها مها؟



ام مها: حالها مايسرك البنت كارهته وماتبيه وماتبي تشوفني اوتشوف احد غيرك ...بالله عليك هديها حاولي تضحكينها البنت من يوم الحادثة وهي بس تصيح ...



مناهل والدمعه في عينها:حسبي الله علية ..طيب ياخالة الحين ادخل واشوفها



دخلت مناهل بالغرفة وكانت مها منسدحة على السرير البنت تفجع لونها شاحب كان البنت خلاص تبي تودع.. الهم سحب روحها ماباقي الا جثتها ...كانت تناظر بالسقف ودموعها مالية خدودها ولونها مصفر ..والهالات السوداء متراكمه تحت عينها ..كانها كبرت 30 سنة عن اخر مرة شفتها..



قربت منها وجلست جنبها ومسكت يدها وقالت بصوت مخنوق: مها كيف حالك..؟



مها رفعت نفسهاوالابتسامة ارتسمت في وجهها والدموع نزلت وحظنت صديقتها وقالت بعدم تصديق:منـــــــاهل!!



مناهل:اية انا مناهل جيت مشتاقتلك



مها وهي تبكي:انا تعبانه يامناهل تعبانه



مناهل:ماعليك ياقلبي تطيبين ان شاءالله



مها: اكرهه واكره الرجال ...ضربني يامناهل ضربني وانا ماسويت شيء مات الجنين الي ببطني بسبته الله يموته ويفكني منه ...مجنون ,,,قلتلك مابية انت تقولين حرام ..شوفي وش سوى فيني ....خرب حياتي



مناهل:ماعليك ياقلبي خلاص انت انسية



مها وهي تبكي:ولدي راح وش بيجيبة؟



مناهل:خيرة يامها ..وعسى ان تحبو شيء وهو شرآلكم



مها وهي تبكي :بس انا مابية قوليلهم لايقولونلي ارجعيلة مابي اكرهه دمرني دمرني يامناهل مابية



مناهل:خلاص انا اقلهم



مها :خليك عندي يامناهل اذا جاء هنا انت اطردية مابي اشوفه مابية



مناهل تهديها البنت حالتها حاله:خلاص طيب ان شاءالله ..يالله انت ارتاحي الحين



مها رجعت نفسها على وراء وغمضت عيونها ونامت .....قامت مناهل ونزلت تحت وشرتلها من الكفتريا عصيرات واشياء تاكلها وحطتها بغرفتها مع باقة الورد على الطاولة....



لقيت امها جالسة بالانتظار جلست تتكلم معها ...وكيف انهم بيطلبون الطلاق وانه زوج مها وكم مرة اعتدى عليها وضربها واخر شيء موت الجنين وجابلها حالة نفسية...قالتلها مناهل انتو اهم شيء جيبو محامي زين وقالتلها اذا تبين انا عندي محامي الي هو زوج خالتي "محمد ابو سيف"قالتلها خلاص انا اشوف واردلك...



راحت مناهل لبيتها ...... وكل تفكيرها في صديقتها مها ....حزنت على صديقتها الي من تزوجت وهي ماذاقت غير الويل...تأثرت مناهل وبقوة تأثرت كيف ان رجال تجيه قوة وقساوة قلب انه يقتل جنين بريء ماله أي ذنب ...يارب وين العطف وين اللين لية يضربها كذا حرام علية....حتى ولد عمتي سيف نفس الشيء ضرب فاتن الين مات الجنين حرام عليهم الرجال مايحسون مافي قلوبهم رحمة ...عادي يضرب مايحس بالي قدامه يتالم....حرام والله حرام ...اكرهكم يالرجال ياكذابين ياقاسين ...ماعمري شفت رجال طيب كل الرجال وسخين ماتهمهم الا مصلحتهم.....ان شاءالله ماتزوج اعنس ولا اخذلي رجال يعذبني .... الله يعينكم ويصبركم يافاتن ويامها....



^^^^^^^^^^^^^^^^^^^^^^^^^^^^^^^^^^



الاسبوع الي بعده عامر اخذ غزل وكملو تأثيث البيت ..طبعآ طلعت سيارته من زمان ...وكل هالاسبوع قضوه في التجهيز مابقالهم الا اشياء بسيطة....



ومن فرحةعامر انه أثث بيته قام وعزمهم في بيته يوم الخميس وفطرهم في بيته مع ان الدور الي فوق باقيله كم شيء....وفرجهم على البيت ..,واستانسو وابدو اعجابهم فية ....



وسهرو فيه الين التراويح ورجعو للبيوتهم .....



يوم الجمعه نبيل جالس بغرفته جالس يرسم .... ترك الفرشة قام وجلس على السرير فتح درج الكوميدينا طلع الصورة صورة مناهل"الي هو رسمها" ..جلس يتأملها,,والله واشتاقلها خلاص صار يشوف الدنيا ولا شيء بدونها هي حبه هي روحه كيف يعيش بدونها تنهد وهو مبسوط حتى هي تحبني الله يافرحتي لاتزوجتك..اية خلاص انت وافقتي كلامك يدل انك تبيني وانا ابيك ياويل قلبي وش بيصبرة على قربه احس اني من الفرحة بموووت ..آه يافرحتي يامناهل فيك ..آخيرآ أبتزوجك ......وبصير اسعد انسان ..ترك الصورة ونزل يركض مع الدرج دور امه مالقها طلع دق باب غرفتها وفتح الباب لقى امه فارشة السجاده وجالسة تصلي..جلس وراها الين ماخلصت الصلاة



نبيل وهو مبتسم: تقبل الله



مريم: منا ومنك صالح الاعمال ..ها يانبيل صليت التراويح



نبيل: اية الحمد الله



مريم: الحمد الله ...ها وش بغيت



نبيل وهو مكسوف: يمة بغيتك في موضوع مهم



مريم: تكلم وش فيك



نبيل: يمة انا ابي اتزوج ...



مريم وهي طايرة فرح: والله ابركها من ساعه الي اشوفك فيها معرس



نبيل: الله يسعدك يمة..,والبنت انا اخترتها



مريم: ماشاءالله عليك ماتركتلي مجال اخترلك ..هههه..طيب من هي عشان اروح من بكرة واخطبها لك



نبيل وهو مبتسم: مناهل بنت عمي حسين



مريم: مناهل آها والله واختيار موفق مناهل عمرها 23 وانت 27 حلو ماشاءالله الف مبروك ياولدي



نبيل: الله يبارك فيك عاد يمه انا قلتلك وانت الباقي عليك كلمي ابوي وكلمي ام مناهل على موعد الخطبة



مريم وهي تضحك: والله وشكلك مستعجل



نبيل انحرج: هههه شوي



مريم: ياقلبي ياوليدي الله يوفقك ويسعدك



نبيل: آمين وياك



طلع نبيل وهو فرحان .....



عاد مريم كلمت الجدة وكلمت محمد وخلاص دقت مريم على فريدة وعزمت نفسها بعد صلاة التراويح بكرة ..

وفعلآ من بكرة ومريم ومحمدونبيل ببيت حسين وفريده......





وهم بالمجلس الكبير وبعد ماطلب محمد يد مناهل من حسين ومحمد استانس ...وطلب منهم ثواني عشان ياخذون راي البنت ....راح وكلم زوجته وقالها روحي خذي راي بنتك ....



طلعت فريدة وهي مبسوطة ....ودخلت غرفة الجلوس الي فوق لقيت مناهل على التلفزون جات جنبها وسكت التلفزون...

فريدة: يمى مناهل ابيك بموضوع





مناهل : امري يمة وش بغيتي؟



فريدة:مايامر عليك عدو...هذا عمتك وزجها جايني طلبو يدك من ابوك لولدهم نبيل



يوم قالت كلامها قامت مناهل من مكانها ووقفت: انا زواج مابي اتزوج



فريدة توقف في وجهها: وش فيك؟ يابنتي انت وش بلاك؟



مناهل وهي معصبة: زواج مابي اتزوج



فريدة: لية وش فيك؟ انت ناقصك شيء ماتتزوجين؟



مناهل: مابي اتزوج كيفي



فريدة تهديها وتعقلها : يايمة ياحبيبتي انت خلصتي دراستك كل الي بسنك تزوجو يالله خليني افرح فيك ووافقي



مناهل وهي تصرخ ودموعها تجري على خدودها: يمة قلتلك زواج مابي اتزوج انا حــــــــــــــــــرة



راحت تركض على غرفتها وسكت الباب باقوى ماعندها....



لحقتها امها وهي مفجوعه وفتحت الباب لقيتها منسدحة على السرير ..جات وجلست جنبها



فريدة: طيب قوليلي السبب وانا اوافق



مناهل وهي لازالت داافنة راسها بالمخده: زواج مابي... كيفي انا حرة



فريدة: طيب هذاولد عمتك نبيل الطيب



مناهل وهي تقوم وتصارخ : وهذا نبيل بالذات مابية خلاص يمة فكيني هو الزواج بالغصب



قالت كلامها ودخلت الحمام وسكت الباب بالقوة ..



فريدة احتارت في بنتها وعيب ترد عمتها .....نزلت وقالت لحسين ان مناهل ماهي مستعده للزواج ...في البداية عصب وقال كيف ماهي مستعده للزواج وبعدين قال خلاص انا اقلهم يأجلونه لبعد زواج عامر...دخل وقال لمحمد الكلام عاد محمد ماشاءالله علية متفاهم ...قال مافي مشاكل لكن الي انصدم وتأثر نبيل ماتوقع هالرد جاء متحمس ورجع لبيته محبط منكسر ماتوقع ان مناهل تكون ماهي جاهزة يعني هي ماهي واثق فية ولا كيف ..ولاماتبيني .طيب كلامها بالمزرعه يدل انها موافقة ليه الحين تفشلني لية والله جرحتيني يامناهل جرحتيني وماهقيتها منك.....اخذ الصورة وبغى يشققها من كثر القهر رجع فردها وباسها ورفعها مكانها..



الاسبوع الثالث من رمضان...تجمعو العيلة ..وكانت مناهل تتكلم مع فاتن عن خطبتها وكيف انها ماتبي نبيل قالتها صريح "مابية" عاد سمعتها الملقوفة حلا ....



عاد ومن بعدها بكم يوم جاء نبيل لبيت عمه ابو حازم يبي حازم دق الباب فكتلة ..حلا ومن وراء الباب تكلمة



نبيل: حازم موجود.؟



حلا: لاوالله ...الا على فكرة ...الله يعوضك ببنت احسن من مناهل...



نبيل وعلامة التعجب براسة: ومن قالك انه انا بخطب غيرها .؟



حلا بلقافة: لية مو هي ردت عليك وقالت انها ماتبيك



نبيل والقهر ملى عقلة:لا هي قالت نأجلة



حلا بخبث:لا والله انا سمعتها بأذني تكلم بنت خالتك فاتن وتقلها "انا نبيل ماأبية" هذاني اقلك الصراحة هذا الي سمعته



نبيل:خليك في حالك طيب وعن الكلام الزايد وعن التخريف



حلا :وي منت مصدق لاتصدق هذي جزات الي يقلك الحقيقة والله ورب المصحف انا ماقلتلك غير الي سمعته



نبيل انقهر ولع: يالله انا ماشيء..لاجاء نبيل قوليلة اني جيته



راح وهو مقهور ... معقولة مناهل تقول عني كذا طيب ليش وانا ايش سويتلها ..ياقهر والله اني احبها وماابيلها غير السعاده ...آخ ياقهر خلاص انا انجرحت منك ..وربي كرامتي فوق كل شيء بكرة بروح واخلي اهلي يسحبون الخطبة ...خلاص يامناهل اذا انت ماتبيني حتى انا مابيك مع اني اموووووت اذا عشت من دونك.....



وفعلآ راح محمد وقال انهم خلاص سحبو الخطبة ...نبيل عنده كورسات وشويت اشغال وحاليآ مايبي يعرس ممكن بعد كم سنة..انبسطو اهل مناهل خصوصآ انهم عارفين ان بنتهم ماتبي تتزوج فجات الامور على كيفهم مادرو ان الامور خربت والي خربها ابليس الملعون ..بس الضحية نبيل الي انجرح ومناهل الي مكبوته ومقهور ومحد داري عنها....



#####################
د
دلوعــة سعود
عروس مبدعة
13-05-2011 | 03:01 PM
>>>>>>


الاسبوع الاخير من رمضان الكل متجمع في بيت محمد


والفرحة جامعتهم...


الرجال بالحوش صح حسين وحسن بعد الخصام الي صار بين نهال وحازم اثر فيهم وصارو مايتكلمون مع بعض بس قدام محمد مايبينونله مع انهم تقريبن تزاعلو...


والحريم داخل ويسولفون ويضحكون البنات جالسين لوحدهم يسولفون عن خطبت مناهل والي صار مااثر في خوات نبيل وعلاقتهم حلوة مع بعض مازالت مثل ماهي ..فاتن رجعت صحتها ورجعت الابتسامه لوجهها مثل اول واحسن بعد..لا الفرق اول كان تتصنع الفرحة الحين هي من قلبها فرحانه بوجود سيف لقربها...


نهال جالسة مع البنات وتحس بتعب فضيع لها يومين ماهي طايقة نفسها ولاهي طايقة شيء ..جالسة تسمع هروجهم وغزل تسولف وتضحكهم وهو يضحكون ...,وشوي فزت من مكانها وجريت على الحمام وطلعت كل الي في بطنها ...لحقتها ...غرام الي شافتها وانتبهت انها استفرغت ناولتها منديل وجلست تمسحلها وجابتلها موية...


غرام باهتمام: انت وش فيك؟


نهال بخوف: شكلي اكلت شيء متسمم


غرام: طيب روحي للمستشفى مايصير كذا


نهال بخوف:لالاعادي انت اهم شيء لاتقولين لااحد اخاف امي تخاف علي وتقلق


غرام وهي تبتسم: لالاتخافين ماراح اقول لااحد بس اهم شيء انت انتبهي لنفسك خلاص


نهال والتعب هادها: خلاص ان شاءالله مشكورة


غرام وهي تروح: لاشكر على واجب


نهال خافت انها تكون حامل واصلآ هي من اول كانت شاكة بس الحين تأكدت سدت النفس والغثيان الي فيها...... تأخر الدورة ..والحين الاستفراغ...جلست تبكي بالحمام...يارب وش تسوي الحين وش تقول لااهلها ..وش هالورطة وش هالمصيبة....


جلست تسب وتلعن في سمير...وفي نوف وفي الساعه الي تعرفت فيها عليها ...


$$$$$$$$$$$$$$$$$$$$$$$$


وعلى الساعه 2 بالليل


فاتن دخلت غرفتها ..وقفت قدام المرايا فردت شعرها مررت الروج الاحمر على شفايفها كحلت عينها العسلية ..,ولبست قميص ناعم طويل أحمر ...وعطرت نفسها بعطر يسحر الانفاس ..جلست تناظر بشكلها الي يفتن بصدق اسم على مسمى فاتن ...


دخل سيف وهي واقفة بنص الغرفة ناظر فيها وجاء وسلم على راسها واخذها وجلس على السرير ...هي جلست تتأملة مررت اصبعها على شعره ورجعت خصلة على وراء وهي تقول:كيفك الحين؟ ...


سيف:الحمد الله تمام.. كيفك انت؟


فاتن وهي مبتسمة :وانت جنبي انا مبسوطة


وحطت وجهها بوجهه وهو قرب يبي يبوسها هي غمضت عيونها ...كانت يدينه حول خصرها فجاءة شال يده وقام ..فتحت عيونها لقيته واقف ..قال وهو داير ظهره ..انا رايح اخذلي شور...


فاتن صابها احباط وحست انها مكروهه ..ليش مايعاملها كانها زوجته لية البعد والصدود ..لية مايبي قربي تحس الدموع كلها تجمدت في عيونها..قامت وقالت لازم انا احسسة بالحب حضنته من وراه وهو واقف على دولابه ويطلع ملابسة..وقالت بعد ماحطت بوسة على خده:انت روح وانا الحين اجيبلك ملابسك


سحب نفسة بقوة وقال باشمأزاز:انا داخل الحمام حطي ملابسي عند الحمام


صفق باب الحمام وراه..وفاتن واقفة مكانها منفجعه من تصرفاته هو وش فية وش صابه لية كذا يعاملني انا وش سويت ..دمعت عيونها والله مايبيني ولا يبي قربي ليش انا وش سويت...طلعت ملابسة وحطتها عند باب الحمام ودموعها مالية وجهها راحت وانسدحت على السرير وهي تبكي ..حاسه انها مخنوقة قامت وتمسح دموعها قالت ماابية يجي ويشوفني ابكي يحسبني ضعيفة ولاميته على قربة ..وهي تناظر شافت مفاتيحة على السرير لفت انتبهها مفتاح صغير رفعت المفاتيح بيدها وجلست تناظر بالمفتاح الصغير ... كانه مفتاح درج اوعلبة ...فكرت وتذكرت الدرج المقفول حق الكوميدينا قالت اكيد هذا مفتاحة..شالت المفاتيح وجات عند الدرج ترددت تفتحة ولا لا...قالت يالله المفاتيح بيدي والدرج قدامي ...دخلت المفتاح بعد تردد وفعلآ المفتاح لدرج ولفت المفتاح وانلف معاها..وشوي سمعت صوت الموية الي داخل الحمام انقفل يعني سيف خلص ترويش ..خافت وطلعت المفتاح وردت مكانه وهي تتذكر تهديده لها اول يوم كيف انه مايبي احد يفتش وراه..حطت المفاتيح وهي مقهورة ودها تعرف وش داخل الدرج......


طلع سيف وهو ينشف شعره ..وقف قدام المرايا ..مشط شعره تعطر ...ناظر بشكله اخذ بعضة واخذ مفاتيحة وطلع... طلع ولاقال ولاكلمة وفاتن كانت تناظر فيه ودموعها متجمعه في عيونها ودها تروح تحظنه تخفف الالم عن قلبه تعلقه فيها اكثر تخليه يقرب لكن هو بعيد عنها وراح يبقى طول العمر بعيد..اية السبب مين السبب ماتدري ...صارت تحس ان غيابه جرحها وانها حيل حزينة..




غاب نورك الا طول في غيابه
عن سما عشقي وعن دنيا خفوقي
الصبر وشلون بتحمل عذابه
وانت بعدك نشف الدم بعروقي


بعدك انت اعلن القلب اقتراضه
ما بقى له شي منك الاشوقك
من يلومه لو فقد بعدك صوابه
وانت نقطه ضعف قلبي وانت روحي


يا سراب صرت انا اعشق سرابه
لو ظهر لي تم ويرد دمعه في موقي
ليه تبعد والهوا تجهل حسابه
وانت وصلك بالهوا ابسط حقوقي









نامت هاليوم وهي مقهورة وتايهة وحيرانه.... نامت بعد ماصلت ودعت ان ربها يردلها سيف..سيف الحنون الي يحبها ومايحب غيرها الي يخاف عليها ويبي قربها وبس..


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


صحيت قريب المغرب ونزلت تساعد خالتها بالمطبخ واعتذرت عن النوم الي نامته وجلست تحظر الاكل على الطاولة ...جو البنات على اذان المغرب ومحمد وسيف ومريم جالسين على الطاولة ونورة رجعت عند بيت ولدها..المهم وهم ياكلون فاتن تناظر في سيف الي كان شكلة متغير وكانه سرحان حتى كلام ماتكلم ولاناظر فيها ولاشيء اكل ....وقام قال :ابي اروح المسجد بعدين بمر على عامر لاتنتظريني يمة...


فاتن جلست تناظر في قفاه وهي مجروحة ومقهورة حتى الاكل انسدت نفسها ماتبي تاكل شاغلها سيف ودها تعرف هي في ايش زعلته ..ولية كذا تغير عليها ..


لاحظت مريم سرحان فاتن:فاتن يمة كلي ..وش فيك؟؟ من يوم جلستي وانت سرحانه


قامت :لاالحمد الله شبعت


مريم مفجوعه:يمة انت مااكلتي شيء


فاتن تركتها وماردت ...طلعت فوق لغرفتها جلست تبكي من القهر قربعت الغرفة تدور على المفاتيح قالت يمكن القى نسخة ثانية ولاشيء مالقيت ولاحاجة....جلست تبكي مقهورة ودها تفهم سيف وتعرف وش يدور براسة ...تذكرت كلام غزل لها ..والله وصادقة سيف غامض ولا احديقدر يفهمه.. ياربي انا وش يفهمني بسوالفكم يالرجال طيب انت زعلان وش اسويلك ياربي طيب كيف اسعدك وانت بعيد عني ...ياربي تعبت من التفكير ...


اذن العشاء صلت العشاء وصلت التراويح وجلست تدعي ان ربي يهدي سيف وهي تبكي من القهر ....خلاص تعبت خصوصآ انها شافت الجانب الحنون من سيف ويوم فرحت وانبسطت حرمها منه وراح...حلفت انها لازم تحاول تعرف وش فيه سيف ولية كذا يتغير عليها ولية يدس عنها بعض الامور لازم تعرف كل شيء عنه.......


نزلت تحت على الساعه 11 تنتظر جيت سيف لازم تلاقي طريقة واليوم ... تفرجت تلفزون مع البنات وهي ماهي مع المسلسلات طول تفكيرها سيف وبس ....على الساعه 12 ونص دخل سيف جات تركض لعنده وقفت قدامه :سيف ابيك بموضوع.؟


سيف وهو مايناظر فيها:وش تبين؟


فاتن:تعال فوق بغرفتنا


سيف وهو معصب:تبين شيء قولي هنا واذا ماتبين انطمي لاني طلعه ماني طالع


فاتن :ابيك وبموضوع وفوق ...انا طالعة بغرفتنا اذا فضيت اطلع تلاقيني انتظرك


طلعت ولاتركتلة مجال يردلها ...........


طلعت انتظرت وانتظرت ماطلع انقهرت من تجاهلة ...طلعت دفتر خواطرها كتبت كم خاطرة حزن وحيرة وقهر ,,,وقفلت الدفتر والاخ لسى ماشرف...انقهرت من برودة ومن عدم اهتمامه ...


انفتح الباب ناظرت بالساعة2 وربع .....


وقف وحط مفاتيحة على التسريحة :ها وش تبين؟ قولي الي عندك بسرعه


فاتن اول ماشافت المفاتيح كل الكلام الي كانت تبي تقولة طار :اسمع انا كنت بقولك انه انا زعلانة منك


سيف وعلامات الاستفهام مالية وجهه:ـــــــــــــــــــ


فاتن تكمل:انت وش فيك علية؟


سيف:مافيني شيء انا طبيعي ...واذا ماهي عاجبتك تصرفاتي طقي راسك بالجدر


قال كلامه ودخل الحمام واخذ ملابسة معه.."يبي يتحمم"


عاد فاتن نست حتى الكلام الجارح الي توة قالة أخذت المفاتيح بسرعه وحطتها بالدرج لفت المفاتيح فتحت الدرج.....انصدمـــــــــــــــــــــت... ماتوقعت ......


أبدآ أبدآ ماتوقعت .....ذكريات لحبيبته زوجتة الاولانية "سماهر" ساعه نسائية فضية .وقميص نوم ابيض حرير.. ومساكة شعر ناعمة "تذكر ان سماهر كانت دايم تلبسها" واخر شيء صورة ببرواز لسماهر وهي مبتسمة ...تجمد الدم بعروقها وهي تشوفها ..مو معقولة ياسيف ماتوقعت منك الخيانه يالله ياكبرها من خيانه انا ارفع ذكريااات الطفولة اسوارة هديتني هي وخاتم صغير وكم رسالة حب كذبية وبعض خواطر صادقة من اعماقي لك وانت تحتفظ بذكريات زوجتك المتوفية وانا كل يوم ادعي بقلبي ان ربي يهديك ويخليك لية ومابي شيء بالدنيا غير وجودك وانت تحتفظ باشياء للحرمة غيري ...


آه ياقلبي كفاك تبكي على ناس ماتدري عن حالك...كفاك تعيش مع احلامك الوردية ...كفاك تلوم ناس تبكي على فراق غيرك..كفاك تبكي واعتبر آمالك احلام منسية ..


تجمع الدموع بعينها تحس ان اطرافها تجمدت خلاص انقطع الشك باليقين سيف مو يحب سماهر الايموت فيها والي بيديني اكبر دليل الشنطة وصرفناها لكن هذي وين نصرفها ...


رجعت كل شيء مكانه مسحت الدموع عن عينها طلعت برة الغرفة نزلت تركض لغرفتها القديمة كان مفتاح الغرفة معلق جنب باب الغرفة فتحت الغرفة فتحت الانوار ..سكت الباب قفلته ...وجلست تبكي وهي تدور بالغرفة خلاص كرهتك ياسيف ..لية تجرحني وتالمني.. تعبت تعبت اداري احزاني تعبت وانت عن دنيتي لاهي ..


رمت نفسها على السرير جلست تبكي وتبكي.....وهي تذكر كل لحظة عاشتها مع سيف كلها احزان ..وتصرفاته كلها قاسية ..مايحس مايفكر غير بنفسة ...


قامت وفتحت الدرج الي رافعه فية ذكرياتها الحلوة ..لقيت الخاتم الي من عند سيف لبسته وهي مبتسمة والدموع مالية خدها لبسته في اخر اصباع ولقيت الاسوارة ...جلست تناظر فيها وتتذكر مواقفها مع سيف مواقف الطفولة فرق بين تصرفاته ومشاعره اول وتصرفاته الحين جلست تبكي من القهر فتحت كم رسالة هو مرسلة لها كلها كلامات حب وغرام.. رمتها وهي تقول كذب كذب..آصلآ لو انت تحبني مااخذت بنت عمك سماهر ..لو أنت تحبني ماحتفظت بصورها وذكرياتها بعد ماتموت...لية ياسيف لية حرام عليك وانا الي اموووت بالتراب الي تمشي علية وامووت لو شفتك زعلانة وانت ماتهتم فيني..تحس بالكل الا انا تخاف على الكل الا انا ...تبتسم مع الكل الا انا ..ومشاعرك الي قبل يومين كانت مشاعر عطف وشفقة لااقل ولا اكثر لية ياسيف.. انت الي علقتني فيك يوم كنت صغيرة وجرحتني مرتين مرة "يوم تزوجت من غيري" وحطمت حلمي...والحين يوم انا تزوجتك واكتشفت" انك منت عايش معي عايش مع غيري"..وكل جرح تراه اقوى من الثاني........


نامت وهي ماتدري......على الارض ....


دقات الباب المتسارعه صحتها من النوم قامت ولمت الاغراض وردتهم مكانهم ...فتحت الباب لقيتها خالتها


مريم: وي بنتي انت وش تسوين هنا؟


فاتن وهي مبتسمة: أشتقت لغرفتي ودخلت وسهيت ونمت


مريم: خوفتيني عليك وانا ادورك مالقيتك في النهاية لقيت الباب مقفل قلت ادق يمكن تكون داخل فعلآ لقيتك ...يالله انزلي السحور


فاتن: مابي مالي نفس


مريم تسحبها مع يدها: يالله عاد كل الي باقي كم يوم تسحري بلا دلع


جرتها الين نزلتها تحت ولقيت الكل جالس على الطاولة ..جلست على كرسيها المخصص الي هو قدام سيف..وأكلت وهي تاكل وكانها كانت جعانه تذكرت انها حتى فطور مافطرت امس... وجلست تاكل ولاادت سيف ولا نظرة.....


وشوي غزل تضحك:هههههههههاي


محمد: بسم الله وش فيك


غزل تضحك وتاشر على فاتن: ههههههههههههه


فاتن تضحك: تضحكين عل شاني اكل بسرعه


غزل تهز راسها بالنفي وتضحك:ههههههههههههه


غرام: ضحكيني معك


غزل: شوفي الخاتم الي بأصبع فاتن


وفاتن بسرعه ناظرت بصباعها وشافت الخاتم الي هو هدية سيف وهم صغار انحرجت وحاولت تنزلة وهو عالق وتسحب فيه..وغزل وغرام ميتين ضحك


غزل: من وين جايبته ههههههههه كنه حق هدية ابو سكريم القديم


فاتن والقهر حارقها ماتبي سيف ينتبهله او يتذكره اصلآ مستحيل يتذكره..عطاها هو وهي كانت اولة ابتدائي.....ماقدرت تنزله تركتة ونزلت يدها عشان محد يشوفه...


حمر وجهها من القهر.....


غزل: احرجتك .....؟؟


فاتن سكتت:ـــــــــــــــــــ


غرام: الا احرجتيها


فاتن: لا ...,"وكملت اكلها وقامت"


محمد: أجلسي يافاتن مااكلتي شيء....


فاتن وهي تاخذ كاسة الموية: لاتسلم ياعم


محمد: الله يسلمك


لحقتها غزل لصاله وهي تتشربط فوقها: زعلتك ياحلوة والله غصب عني ضحكني خاتمك


فاتن: لامازعلت عادي


وسيف يشوفهم من المطبخ


غزل: طيب لية مكشرة؟


فاتن: انا كذا كشرة


غزل :طيب اضحكك ..
"وهي تدغدغ فاتن وفاتن تتلوه على نفسها وتصارخ" :أتركيني أتركيني وتضحك بصوت عالي هههههههه..


غزل وهي تضحك: ضحكتك ياصاحبة الخاتم المضحك


فاتن وهي تكشر: ردينا


غزل : امزح أمزح سوري


وحطت بوسه على خد فاتن: انا طالعه اكلم حبيب قلبي لازم اكلمة قبل اذآن الفجر وقبل آذان المغرب.....هذا غير الاتصالات الي طوال بعد العشاء


فاتن : الله لايحرمكم من بعض


غزل وهي عند الدرج : آمين


طبعآ سيف طول الوقت كان يناظر فيهم....


جلست الين ماآذن وهي قاعده مع غرام ويوم اذن كلن راح على غرفته ...ونام


وبعد المغرب فطرو مع بعض طبعآ فاتن ولاعبرت سيف مقهورة منه ماتبي حتى تناظر فية وهو كالعاده ماناظر فيها ولاعبرها...


دق عامر على غزل قريب صلاة التراويح.. فزت غزل من عند التلفزون ومن عند الصجة والرجة وطلعة غرفتها


عامر:هلا بروحي هلا بقلبي هلا بانفاسي


غزل وهي بتطير منا الفرح:هلا فيك ياعمري


عامر:وينك يابهجة ايامي وسنيني ؟انتظرتك العصر تصحيني ماصحيتني!!


غزل وهي تضحك:ايوة انا قاصدة ..قلت حرام انت مانمت الا الساعه 2 ونص قلت اخليه ينام يرتاح ..وادق عليك بعد المغرب وانت سبقتني


عامر:اها يعني قلتي تبين راحتي ...روحي ياعمري ربي يريحك دنيا واخرة


غزل:راحتي بوجودك بحضني


عامر:وي ياقلبي بس كذا الحين اجيك ....بس اصلي التراويح واجيك بالله عليك اكشخيلي ها.. تراني ميت شووووق لحضنك ...


غزل:عـــــــــــــــــامر !!! لاتحرجني


عامر:وي فديت الخجول ..ياويل قلبي انا وش بيصبرني على هالكم الساعه استغفر الله شكلي بصلي وانا افكر فيك


غزل:لاصلي وادعيلي وانت لاحق علي انا لك ياقلبي ماني لغيرك ..ابي اتجهزلك عشان نسهر اليوم على راحتنا


عامر:يالبى قلبك ياويلي لاانا وش بيصبرني انت عارفة انه ماباقي غير يومين واتزوجك واحظنك براحتي ابيك اقرب من انفاسي ولا ابي احد يقرب منك..ابي اخفيك عن العالم نبي نطير ابي الكل ينساك ابي استفرد فيك اعيش سنتين بغربه مافي غيري وغيرك واعيشك ايام مستحيل تنسينها ..ترجعينلهم وانت جايبة تؤامين وواحد بطنك


غزل:عمى مالت عليك ايوة هذا انتم يالرجال حمل وولاده قاللولك دجاجة


عامر ببراءة:لية ياحياتي؟ ماتبين عيال


غزل:لابدري علية


عامر :ولايهمك ياقلبي ترجعينلهم وانت ودك ترجعين لذيك الايام الي بس انا وانت كناعايشين فيها ...


غزل وهي داخله معاه جو: الله ياعامر ..من جدك هالكلام


عامر: اية والله من جدي انا كم غزل عندي ...اول اسبوع بنروح نحج وبعدين باخذك على باريس ...ومن بريطانيا لافرنسا ومن فرنسا لاامريكا ..ابي ألف فيك العالم كلة وانا صادق بكلامي ابي كل قطعه في الارض تشهد على حبنا


غزل وهي مبسوطة:الله لايحرمني منك


عامر:ولا منك يالله ياقلبي هذاني واقف عند المسجد انزل واصلي العشاء والتراويح وصاروخ اجي ارتمي بحضنك مشتاق والله ياقلبي مشتاق


غزل مستحية:تشتاقلك العافية


عامر:يالله ياقلبي فمان الله


غزل:الله معك


جهزت غزل نفسها لحبيبها وزوجها عامر تشيكت وتضبطت وجهزت القهوة والشاهي ..وضبطت المجلس له ...


طلع عامر من المسجد وهو مبسوط ..ووقف عند محل ورود واخذ اكبر باقة ورد ومن اجمل الالوان ...وراحع عند افخم محلات الشوكلا..واخذلها الذ الانواع غلفها لها ...وحطهم في المقعد الي جنبه في السيارة وصار يمشي وهو مبسوطة ابتسامته مالية وجههه..رفع جوالة يبي يدق عليها يقلها ثواني واجيك طاح الجوال تحت المقعده انحنى يبي يجية وهو يدورة مالقاه ...مادرى الا والسيارة تصدم بعامود الاشاره غمض عيونه واختفت الحياة من حولة.........


الكل تجمع الناس والشباب الي فيهم خير تجمعو ..وطلعو عامر من السيارة دقو على الاسعاف .. وعلى مالاسعاف بالطريق طلع وحد جواله ودق على رقم موجود بجهاز عامر باسم" أخوي الكبير" دق وقاله على المكان...ثواني وماهر جاء والاسعاف جات بنفس الوقت وماهر يناظر وهو يشوف السيارة مكسرة والقزاز متناثر بكل مكان وباقة الورد طايحة والورد ذبلان ومختلط مع كسرات القزاز.. الي يشوف السيارة يقول مافي احد داخلها نجى مستحيل ... دخل ماهر مع اخوة لسيارة الاسعاف... وهم يحطون لعامر المغذيات وعامر فاقد الوعي وراسه ينزل منه الدم ..وماهر يناظر باخو حس بالم في صدرة دمعت عيونه قال بقلبة ياربي الله يقومه بالسلامة..جلس يدعي ربه وقراء اية الكرسي والمعوذات وهو يرتجف من الخوف ..ويشوف الممرضين وهم يحاولون يسعفونه ..دخلوة المستشفى نزلوة بسريرة ودخلوة الغرفة الكل تجمع حولة ...كل طاقم الاطباء تجمعو حول سرير عامر وطلعو ماهر وماهر جلس بالانتظار خايف وحالته حالة دق على سيف سيف بثواني جاء وجلس هو وسيف ينتظرون ماعرفو يدقون على الاهل ولا لا...تردد ماهر يدق ولا لا دق على ابوة بس قاله عامر تعبان شوي بالمستشفى ماخاف حسين ...بثواني جاء وجاء محمد ابو سيف ..


بعد دقايق جاء الدكتور الكل تجمع حولة ماهر سيف حسين ومحمد.
ر
رَذٰاذُ حَـ ـلّـ مـَ
عروس ذهبية
13-05-2011 | 09:55 PM
يس يس يس يسلموووووووووووووووووووووووووو ياحبي
بنتضار البارت الجاي
س
سيده نفسي
عروس فضية
14-05-2011 | 12:54 AM
:woo: آنسة نهال حامل الاخت !!
ولييي وشو بيصير فيها

هذا سيف امره غريب..
فيني فضول اعرف وش سالفته مرة يحب ومرة يكره

مسكين عامر وشو بيصير له اكيد بيموت

:worn_out:بس ان شاء الله ما يموت ويعيش بسعادة وهناء مع غزل


يعطيج العافية حبيبتي وبالانتظار طبعا :adore:
ا
ام لنوني
عروس رائعة
14-05-2011 | 01:18 AM
مشكوورة
د
دلوعــة سعود
عروس مبدعة
14-05-2011 | 01:55 PM
ّّّالجزء الرابع والعشرونّّّ


ماهر:ها وش فية اخوي


الدكتور:المريض عطاكم عمره ماقدرنا نسعفة ...الحادث كان قوي واحنا الي بيدنا سويناه والباقي عليكم


ماهر طاح عند رجلة وهو يبكي:لالاتقول كذا ابي اشوفه


الدكتور:قلتلك مـــــــــــــــــــــــااات!!


ماهر وهو يصرخ:انت كـــــــــــــــــــذاااب اخوي ما مأأأأأأأأأأأت


سيف واقف مكانه وكانه مو مصدق الكلام مشي مشي الين وقف قدام الغرفة وشاف انهم مغطين راسة ومشو سريره.. وطلعوه برة من الباب الثاني ...


جلس سيف وحط يده على راسه ونزلت دموعه مو معقولة رفيق طفولتة يموت ..


محمد يكلم حسين الي كان من الصدمة ساكت:عظم الله اجرك البقاء لله


حسين وهو لازال يناظر في الهواء:اجرنا واجرك


وماهر يصارخ :لالا كذابين اخوي ما مــــــــــــــــــــــــــــــات


جاء الدكتور وعطاهم كيس اخذه ماهر وهو يحظنه "كيس ملابس عامر واغراضة الي معاه"


اخذ حسين ولده وراحو للبيت الكل عرف بموت عامر الكل انصدم الكل تأثر وبكي ماهر حبس نفسة بغرفته وصوت بكاءة وصال اخر الدنيا ...فريدة حالتها حاله ...ونورة الجدة جلست تبكي زي الاطفال ...مناهل كانت تموت باخوها لدرجت انه يعرف كل اسرارها وهي كمان نفس الشيء ..جلست تبكي بالصالة الكل يهدي فيها ماهي راضية ونهال نفس الشيء ..بيتهم صار مناحة


اما سيف طلع غرفته سك الباب وترك لنفسة الراحة في البكاء ...كل شيء فهالدنيا توقع انه يفقده الا عامر رفيقة ونصفة الثاني...بكي سيف من كل قلبة على رحيل الغالي عامر صاحب القلب الطيب الانسان الخدوم ...صاحب الاخلاق الحميدة....


وصل الخبر لغزل الي صرخت وجلست تبكي:تكـــــذبون عامر مامات هو قالي يبي يجيني هو الحين يجي انتو تكذبون غيرانين مني ..


مريم من بين ادموعها:ياقلبي اذكري ربك عامر مات ادعيله بالرحمة


غزل وهي جالسة على الارض ودموعها مالية وجهها:لالالاعامر يحبني مايروح ويتركني لالالاعامر ما مات هو كلمني قالي بيسهر عندي انتو كذابين


مريم ودموعها على خدودها:يابنتي ياحببتي لاتسوين بنفسك كذا


غزل وهي تمسك جوالها:انا اوريكم ان عامر حي مامات...وتدق على رقمه ويقلها" ان الرقم الذي طلبته لايمكن الاتصال به الان فضلآ تأكد من الرقم الصحيح وشكرآ"


رمت الجوال على الجدر تكسر وجلست تبكي وتصيح ....اخذوها الخدمات وطلعوها بغرفتها وهدوها وهي ماهي راضية تسكت : جيبولي عامر لية حرمتوني منه ماتبوني افرح ماتبون سعادتي.....


%%%%%%%%%%%%%%%%%


اما غلا الي يوم وصلها الخبر طلعت غرفتها وصرخت صرخة كل العالم سموعها وجلست تبكي وتبكي الين نشف الدمع من عينها ...


امها واختها الكل عرف بحبها لعامر ...............



وتوفى عامر الروح الطيبة الي طول ماعاش مااذى والا ضايق احد الا انه كان يحاول يسعد الكل ويزرع البسمة في وجيهه الكل ..كان انسان طاهر نور الايمان باين بوجهه راضي باهلة وكاسب قلوب الكل...توفى قبل يومين من زواجة... لكن قدر الله وماشاء فعل...


&&&&&&&&&&&&&&&


جاء العيد كئيب حزين كانه عزاء الكل لابس اسود..والكل حزين ..


سيف كان الحزن ماثر علية حتى الكلام مايتكلمة وقفت معه فاتن نسيت جروحها الي تسببلها هي وتناست الامها ووقفت معه كزوجة مخلصة محبة لزوجها تخاف علية وتسنده في اضعف اوقاته...


غزل اختها غرام كانت واقفة معاها تهديها وتصبرها وتشغل القرآن بغرفتها عشان يهديها وينور قلبها..


اما غلا يامسكينة اختها حلا وش بيدريها عنها لاهية بعمرها ولاعمرها فكرت الابنفسها ..جاتها صديقتها غرام اطيب قلب هي الي تحب تساعد وتمسح الحزن عن الكل لكن ماعمره احد فتش في قلبها او عرف أي سر من اسرارها لانها كاتمة اسرارها ومستحيل احد يحاول يكتشف وش يدور بقلبها...


وقفت مع غلا مثل ماوقفت مع اختها غزل ...وكانت تشغلها القرآن بالغرفة وتقرالها وتذكر بالاوقات الحلوة وتخرجها وتحاول تطلعها من اجواء الحزن.....



ماهر حزن حزن ماحد حس فية ابد ..حتى فهد حاول انه يهديه لكن ماقدر..


كان الكيس الي عطاه هو الدكتور موجود داخلة" ثوب عامر وقلم لعامر ومحفظة عامر الي جابها ماهر من لندن وداخلها كروته..وساعه غزل" لاشعوريآ اخذ الساعه ولبسها وهو يقول ماراح انزلها ..هذي من اعز شخصين على قلبي عامر وغزل..........



مرت ايام العزاء... واحنا الحين بشهر 11 ..الكل حزين ولكن يخفي حزنه ويبتسم رغم فقدان كل القلوب لعامر الطيب الحبوب ..


في يوم من الايام كانت فريدة جالسة بالصالة سمعت صراخ وبكاء ..قامت تركض ووداها الصوت الين غرفة عامر ويوم فتحت الباب لقيت مناهل جالسة على الارض وماسكة صورة عامر بيدها ...وشكلها يحزن ...وهي تردد هالكلمات: لية مت ياعامر لية رحت وخليتنا انا محتاجتك الحين....آه ياعامر


جات فريدة وجلست جنب بنتها ودموعها مالية عينها وبصوت مبحوح: الله يخليك يابنتي لاتسوين بنفسك كذا عامر راح خلاص احنا مابيدنا الا اننا نترحم علية


مناهل وهي تناظر في امها:يمة لية الواحد مايتحمل فراق انسان لية قلوبنا ضعيفة ...ماني قادرة انسى عامر يايمة ...صورته دايم في بالي ..احبه يايمة...ياليتني مت بدالة


فريدة وهي متضايقة من كلام بنتها:لاتقلين كذا استغفري ربك


مناهل وهي تبكي:أستغفر الله .......


قامت فريدة وقومت بنتها معاها وودتها لغرفتها بعد ماقفلت غرفة عامر ورفعت المفتاح عندها.....


اما غزل الحزينة اعتزلت الكل وجلست حابسة نفسها بغرفتها ماهي قادرة تتقبل ان حياتها بتكملها بدون عامر حبيب قلبها ....البنت اختفت الابتسامة من وجهها صارت حزينة كئيبة بلا ملامح.كل مادخلت عليها غرام لقيتها فارده صورها وصوره عامر وسراحنه فيها .....


ماتطلع من غرفتها ابد طول وقتها متلحفه في فراشها وضامة نفسها وبيدها السلسال الاماس الي لبسها هو عامر "ورقة شجر"..تتذكره زين يوم اهداها هو تتذكر كلامه ووعوده ..تتذكر اخر مكالمة وكيف وعدها انه يسعدها ... ..تعبت من التفكير ...امها ملت من كثر ماتناحل فيها اخرجي برة الغرفة تعالي كلي معانا..البنت ماترد ولاتكلم احد .....طول وقتها شارده..مالومها فقدان الحبيب شيء مو سهل ...


سيف حزين وصاير كتوم ..وبس ساكت فقدان صديقة سببلة فراغ بحياته ...صار بعيد عن فاتن حتى نظرة مايعبرها ......مع ذالك فاتن قدرت موقفة وعذرته ...وقالت اكيد مصدوم وفتره وتعدي


********************************


حسن ابو حازم اكتشف ان ولده يشرب ويسكر .....عقلة طار من مكانه عصب ومسك ولده ضرب فية ضرب نساه نفسة ....واخذ ولده وحطه "بالمستشفى الخاصة بالرعاية ومعالجة المدمنيين" ومايفوتكم ماجاء منيرة من الكلام والتهزيء والخصام وانها هي السبب في عدم الالتفات ومراقبة ولدها...


حسن انقهر وتذكر كلام اخوه حسين يوم المزرعه...راح ركض لااخوة واعتذر منه لكن للاسف حسين ماقبل اعتذاره وقاله بكل كبرياء"انت ولدك ماتربى والحمد الله محد شافه وهو مع بنتي انت ماصدقت كلامي يوم قلتلك وقهرتني واهنتني عند ولدي ناصر وبنتي ..خلاص روح وانسى اني اسامحك" حسين طيب لاكن لايزعل...يحقد ومايسامح...


طلع حسن مقهور من اخوة بس قال بعقلة ماينلام ولدي حاول يتقرب من بنته فلازم حسين يغار ويزعل مالومة ....لكن الوم الحيوان حازم الي ماتربى ..الحين اخلية يعفن بهالدار الين يربونه..


^^^^^^^^^^^^^^^^^^^^^


نبيل حالته حالة من بعد مادرى ان حبيبته رفضته ...حس بنقص كبير ..خصوصآ انه متعلق فيها ...


تغير صار يفكر كثير وطول الوقت صورة مناهل ماتروح من بالة تعلق فيها اكثر بعد مارفضته..


وصار حزين انها ماتبية حزين والكل لاحظ حزنة وسكوته وعدم انشكاحة...


ويوم من الايام غرام كانت جالسه بالصاله دخل نبيل وسك الباب بقوة ..,وطلع داره ...


لحقته غرام دخلت غرفته وجلست تضحك معاه وتحاول تضحكه.. شغلها امره الولد صاير عابس وهو زمان كان بس ينقار الكل وينكت..الحين الابتسامه اختفت من وجهه..


صارت تضحكة وتقول نكت ...,وهو عابس ...ناظر فيها : خلصتي كلامك اطلعي برة وسكي الباب


غرام والابتسامه تختفي من وجهها: نبيل خير وش فيك ؟وش صابك؟


نبيل وهو يرد كلامة: اذا خلصتي كلامك اطلعي وسكي الباب وراك..


غرام وهي تجي وتجلس جنبه: نبيل ابسالك سؤال واحد وانت جاوبني؟


نبيل: ــــــــــــــــــــــ


غرام: تجاوبني


نبيل: يالله قولي وخلصيني


غرام وحذفت القنبلة: انت لية سحبت خطبتك من مناهل؟؟؟؟


نبيل تفاجاء من السؤال ورد بكل برود: كذا كيفي مابيها ماحبها....


غرام وهي تغمز وتضحك: متأكد ؟؟!!


نبيل وهو يعصب: اية مابيها عندك كلام ثاني.. يالله ضفي وجهك ..


غرام وهي تقوم متفاجاءة من تصرفات نبيل.. وهي عند باب الغرفة قالت بحسرة والم تبي تحسسه بهالشيء: منت نبيل الي اعرفة..


طلعت وسكت الباب وراها ...


÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷


نهال كبرت بطنها صارت بالشهر الخامس وبطنها بانت جلست تبكي ...فتحت الدولاب طلعت اعرض لبس عندها لبست جلابية عشان تخفي بطنها.....ناظرت بالمرايا واحمدت ربها ان بطنها ماهي باينه..


رفعت جوالها وهي تبكي دقت على الرقم بعد تردد


جاها الصوت : هلا والله


نهال بعد تردد: اهلين


سمير:تو الناس تذكريني بغيتي شيء ياحلوة


نهال وهي تبكي :اية ابيك تصلح الغلطة الي سويتها


سمير بعد ماضحك قال بكل استهتار:أي غلطة حبيبتي.. انا ماغلطت انت بنفسك الي غلطتي


نهال وهي تصارخ: انت السبب بغلطتي..تعال صلح غلطك وتزوجني


سمير وهو يضحك: ههههههه كان غيرك اشطر ..انت ضحية ..وقبلك راحو فيها كثير فالزمي ارضك وانطقي ولاتحلمين كثير


نهال:الله يلعن شكلك انت السبب انا الحين حامل حرام عليك تعال وتزوجني بعدها طلقني


سمير وهو يضحك:لالالا حزنت عليك تصدقين.."هنا تغيرت نبرة صوته للتهديد"حبيبة قلبي انا مالي شغل فية انا خلصت شغلي انا هنا ينتهي دوري ..انا عشقي تدمير البنات الي مثلك قليلات ادب


نهال: روح اللهي ينتقم منك وتسود حياتك بوجهك ..وتمووووت من القهر والعذاب


وقفلت بوجهه ورمت الجوال على الجدر وتكسر ... وجلست تبكي بصوت عالي


جات مناهل الي سمعت الصراخ وانخلعت ...جلست جنبها على الارض


مناهل بخوف:وش فيك يانهال لاتبكين


نهال ودموعها شلال :آه تعبانه خلاص مابي اعيش


مناهل:لاتبكين الحياة بدون عامر صح ماهي حلوة لكن نحاول اننا نعيش انت ادعيلة بالرحمة


نهال ويزيد بكاها وش تقول لااختها الي مبكيني اني حامل وش تقول ماقدرت تقول شيء لان دموعها ترجمت الحزن الي بقلبها ...سحبتها مناهل ومددتها على السرير وجلست عندها الين مانامت ..وبعدين راحت لغرفتها..

^^^^^^^^^^^^^^^^^^^^^^^^^^^^^^^^
د
دلوعــة سعود
عروس مبدعة
14-05-2011 | 01:59 PM
^^^^^^^


ماهر بعد العصر كان جالس بغرفته دق جواله قام ولقاه رقم غريب


رد : الو


الطرف الثاني: الو السلام عليكم


ماهر يحاول يميز الصوت...هو يعرفة بنت وهالبنت صوتها مو يعشقه الايموت فية حبيبته غزل


الطرف الثاني: الو ماهر معي ؟؟


ماهر وقلبة يدق: اية ماهر معك


الطرف الثاني: انا غزل بغيتك في موضوع


ماهر: امري


غزل وهي تبكي: ابيك تجيني الحين


ماهر وقلبة نقز خوف عليها والله لو انك في سابع ارض اجيك ركض : وش فيك وش صاير عسى ماشر؟...


غزل:أبيك محتاجتك والحين


ماهر قلبة رقص فرحه معقولة تكون درت اني احبها وتبيني الحين تبي قربي معقولة قال بفرح:خلاص الحين أجيك.. انت ببيتكم؟؟


غزل:ايوة انا بالحوش انتظرك


ماهر طيران ركب سيارته نسى الناس نسى الكل ...وراح صاروخ لبيتهم


ثواني وغزل طلعتلة وركبت قدام جنبه وهو يناظر فيها ياويل قلبة وش كثر يحبها وش كثر مشتاقلها يالله الحين بيعترفلها ...


سكت مو قادر يتكلم


غزل تكلمت وهم بنص الطريق:ماهر انا دقيت عليك لااني ادري انت الوحيد الي تقدر تساعدني انت الوحيد الي تحس فيني


ماهر اية والله واكثر بعد:ـــــــــــــــــ


غزل:انت الوحيد الي تقدر تخفف عني همومي


ماهر:ــــــــــــــــ


غزل:أبيك توديني لبيتي


ماهر:بيتك الي توني جبتك منه


غزل:لا بيتنا انا وعامر ...الي اول انت وصلتنا له بسيارتك يوم عامر كانت سيارته خربانه


ماهر وكانه احد عطاه كف تجمع الدمع في عينه ...ياقسوة الاقدار وياقسوة بعض المواقف..ياكبر قلبك ياماهر اذا تحملت هذي الصدمه صدق انك صبور تتحمل كله عشان الي تحب .....بس لهنا وبس...
ماهر: انااسف اسمحيلي مااقدر




غزل وهي تبكي وترفع يدة وتبي تسلم عليها وهو يسحبها وهي تقول: الله يخليك ياماهر الله يخليك ....


وهو ماقدر وقف السيارة على جنب وطلع مو قادر يتحمل انها تشوف دموعه دموع القهر وهو مايتحمل يشوف دموعها يحبها بكل معنى الكلمة يحبها اكثر من روحه ومايبي شيء يزعلها ..طلع برة السيارة ووقف كان البحر قريب منهم ...جلس يناظر فية وشوي فكت غزل باب السيارة ووقفت قدامه .. قالت من بين دموعها:الله يسعدك ياماهر ودني طلبتك تكفى


ماهر وهو يصد الجهة الثانية:مااقدر سامحيني


غزل وهي تلف وجهه بيدها وتخلي يناظر فيها :طيب لية قلي ... "وهي تبكي"حرام عليك ودي اروح اشوف بيتنا اشتقتله الله يخليك ودني


ماهر: لا


غزل وهي تحظنه : لية انت والكل ضدي انتو تبون موتي انتو تبوني اعيش حزينه ليه " وهي تبكي بصوت عالي ...انا تعبانه ولا احد حاس فيني


ماهر لااراديآ حضنها بأقوى ماعنده ودموعه تنزل شلال وقال بصوت مبحوح: لا انا حاس فيك ..بس سامحيني مااقدر اوديك


وهو يمسح على شعرها ويكمل:ابيك تنسين كل الذكريات..عشان تقدرين تعيشين ..أدري صعب بس الواحد مايوقف ويقول مااقدر لابد انه يتحمل عشان يعيش ....


رفعت راسها وهي تناظر فية :ماهر انت تحبنـــــــــــــــي؟


ماهر من قلبة:ايوة


غزل:طيب ودني للبيت والله ثواني اناظر من عند الباب واطلع


ماهر والقهر زاد :قلتلك لا


غزل وهي تبكي وترجع تحضنه :ليش انا تعبانه ابي اروح شوي


ماهر قطعت قلبة تمنى انه بلحظة ياخذها ويروح فيها بعيد ينسيها كل الامها وينسى هو معها الالامه..


ماهر سحبها مع يدها :تعالي اريحك ..تبين ترتاحين.؟


غزل وهي تمشي وراه ويدها بيده:ايوة


ماهر اخذها للبحر وكان قدام البحر كرسي للشخصين قعد وقالها اجلسي ..جلست جنبه


ماهر :ابكي وقولي كل الي بقلبك وانا راح اسمعك اعتبري انك قاعده لحالك غمضي عيونك وابكي وقولي كل الي بقلبك


غزل وهي تجلس وتحط راسها على كتفة ..وغمضت عيونها وجلست تتكلم وتتكلم وماهر قلبة يدق يحس انه هو الي وده يتكلم هو الي محتاج من يسمعلة هو الحزين هو التعبان هو المجروح ومو من الحين من زمان لكن هو ساكت ..


جلست تتكلم وقالت كلام جرحة انه هي تحب عامر ومستحيل تحب احد غيرة قالت كل الي بقلبها وبكت من كل قلبها وهو جالس بجنبها تركها ترتاح على كتفه ماتكلم ولا قال ولا شيء تركلها الراحة سمع احزانها وهي ماتدري ان هالقلب الي يسمع احزانها مكبوت وحزين من يوم يومه ..لكن صبور ...غريبه هالدنيا الي معي يشكي فراق شخص بعيد.. وانا ابكي على فراقة هو وهو متسند على اكتافي..


جلسو حوالي ساعه على هالحال ... الين الشمس ودعت وغاصت باعماق البحر ..حست غزل براحة كبيرة قامت وهي مصدعه من البكاء


قالها وهي واقفة:ها ارتحتي


غزل:ايوة مشكور ياعمري


ماهر مو قادر عمري انا عمرك يافرحتي قالها بدون مايحس:والله ياغزل انا احبك


غزل وهي تناظر فيه وتشوف عامر قدامها مو هو يشبهه~:والله وانا اكثر


مشت الين وصلت لسيارة وماهر واقف مكانه مو مصدق تقولة وانا أكثر ياهل ترى لية كذ قالت يعني عشاني وقفت معها ممكن تكون حبتني قال من قلبه"يارب" ....


طار لسيارة شغلها وطيران وصلها للبيت


وهي بتفتح الباب


ماهر بصوت مبحوح يمليه الاهتمام:غزل انتبهي على نفسك


غزل وهي تناظر فية:من عيوني


ماهر:تسلملي عيونك


نزلت وسكت الباب وراها ....ماهر مو قادر خلاص تعب من كثر حبه الا ماجابلة غير العذاب ..حس انه فرحان قد ماكان حزين على انها عايشة بحزن وصدمة .. ماعرف ايش يسوي بس الي يعرفه انه يمووووت فيها وانه مشتاق يضمها لقربه ومشتاق انها تكون اقرب من انفاسة.. ماقدر ينام طول الليل يفكر فيها..................





نامت عيون الناس الا عيوني
هالناس حبو والا بس انا اللي حبيت
مرات اقول شلون عايش بدوني
مرات اقول اني بشوقي تماديت


مجنون حبك يا سبايب جنوني
طيفك عبر قدام عيني وناديت
شافوك بإحساسي و هم يسمعوني
رديت لي اجمل مافيني وغنيت


نورت كل ايام عمري وكوني
ذكراك هي روحي حشى ما تناسيت
طاريك اربكني وحرك سكوني
الله عليك شلون تسحر اذا جيت
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii




دخل نبيل على غرام بغرفتها وطلب منها كاميرتها ...عاد غرام من عشاق التصوير تحب تصور الطبيعه ..وكانت عندها كاميرا خاصة بالتصوير وعندها البومات تحتفظ بالاشياء الي تصورها ..نبيل قالها انه عنده اليوم حفلة بالمعرض الي دايم يعرض فية رسوماته ..واليوم اكبر احتفال يعرض اجمل اللوحات لجميع المشتركين ..فوافقت غرام واعطته الكاميرا ...قلتلة بشرط انها تحتفظ بالصورة عندها مع باقي الصورة الي هي نحتفظ فيها ..فوافق...


غزل كنه حالها اتحسن صارت تحاول تنسى عامر صارت تروح لجامعه عادي وتذاكر عادي .. وتطلع من غرفتها وتكلم مع الكل ...مو مثل اول حابسة نفسها ...


الكل فرح برجوعها الى الحياة ...صح كانت تسرح احيانآ بس الحمد الله صارت احسن من قبل الي يشوف حالها اول وحالها الحين ...يقول الحمد الله .....


جاء عيد الحج كان عادي مو مثل الاعياد الي طافت كان عادي جدآ,,


نهال بانت بطنها وبقوة ..حتى مشيتها تغيرت ..,وذاك اليوم كانت نازلة مع الدرج وهي تتنفس بصعوبة وحالتها تعبانه.الحين هي بنهاية السادس ...وتحس بالم هذا غير الثقل ...


ويوم نزلت امها شافتها وشكت بس سكت ...دخلت نهال الصالة ماكان فيها احد جات ومالت على الريموت وبحركة هادي اخذته "باين الي تداري على بطنها" عاد فريدة كانت تراقبها من وراء جدار الصالة.. جلست نهال على الكنبة وهي تقول" آه يالله الله يعين" سمعتها وبلعت ....لكن انقطع الشك باليقين عند فريدة يوم نهال رفعت يدها ومسكت بطنها ..,وهي تقول" آه" طبعآ نهال ماكانت تدري عن امها الي تراقبها من اول مانزلت من الدرج....


فريدة جن جنونها جات تركض وقفت فوقها ..وهي تقول:وش فيك؟


نهال والخوف بعينها: ها لاولاشيء


فريدة تناظر ببطن بنتها الي صايرة كبيرة وبقوة :انتي حااامل؟؟؟


نهال وهي تقوم وتمشي :لا مين قال


فريدة تمسكها وتحس ان عقلها طار :الا وبطنك هذي الي تمشي قدامك


نهال ودموعها تنزل وتبوس يد امها:يمة تكفين استري علية انا بعرضك


فريدة تعطيها ذاك الكف :الله لايبارك في ابليسك الحين انا وش اقول لاابوك


نهال وهي تجلس على الارض وتبكي :الله يخليك يمة لاتقولين لاابوي


دخل حسين وسط هالاصوات وهالموقف ونهال جالسة على الارض وفريدة واقفة ومعصبة ودموع كل وحدة شلال على وجهها


قال حسين بصوته الجهور: وش هو الي ماتقوله لي؟؟؟


نهال ناظرت في ابوها والخوف ملك قلبها خلاص انكشفت الحين حان موعد اعدامها ..


قرب وقال :ها يافريدة تكلمــــــــــــــــي..


فريدة قومت بنتها :ناظر وشوف بعينك


حسين وهو يناظر ويشوف بنته الي بطنها قدامها وكأنه مو مصدق عينه ..سألها يبي يتأكد:نهال انتي حـــــــامل؟


نهال وهي تطيح عند رجلة :ابوس رجلك يبه لا تعذبني الله يخليك سامحني


حسين وهو يرفسها على بطنها :لابارك الله في ابليسك وفي ابليس الي خلفتك الله يلعن الساعه الي جبتك فيها


نهال وهي تصارخ وتبكي:يبة موتني ولاتزعل علية انا استاهل


حسين وهو يسحبها مع يدها وهي تصارخ وهو يقول:عساك الموت عساك للقبر ولاتعيشين بهالبيت انا متبري منك ليوم الدين انتي جبتيلي العار


فريدة تلحقة وهو يسحب بنته للمطبخ وهو يحمي الملعقة على النار ويحطها على جسمها بقع وجهها وبقع يدينها وهي تصرخ وفريدة تبكي وحسين مو حاس بنفسة والبنت تعذبت


حسين وهو يصارخ:من اليوم ورايح انت الخدامه في البيت انت منت بنتي انت خدامه وبس وانت يافريدة الخدمات يدخلن بغرفتها ويعيشن فيها وهي ماتطلع من المطبخ تسمعين ولا لا


فريدة وهي ترتجف خوف:اسمع


طلع بعد مارفسها ببطنها:الله يحرقك انت والي ببطنك..


طلع برة البيت وسك الباب بقوة...فريدة ماقدرت جات وحضنت بنتها وهي تبكي ...نزلت مناهل


وهي مفجوعه من الصراخ: وش فية وش الي صار؟


سمعت الاجابة من نهال وهي تكلم امها: يمة انا ماخطيت انا حملت بالغلط يمة سامحوني


مناهل انصدمت كانه احد عطاها كف أختها حامل ....اخر ماكانت تتوقعه ..


بعد ماهديت نهال وجلست مع مناهل...وحكتها عن الي صار


مناهل بقهر:الله يحرقهم الرجال مافي قلوبهم غير القسوة وحب ذاتهم


نهال :آه يامناهل انا مجروحة مابي اعيش ابي اموووت


مناهل:لاتقولين كذا


نهال ودموعها تنزل:لاابوي ولا امي راضين فية ..حتى وان رضو علية مين بيرضاء يتزوجني


مناهل:ماعليك ابوي وامي فترة وينسون ....


نهال والقهر ماليها:انا من يبرد النار الي بصدري وكيف انسى


مناهل:اذكري الله وخلية حسابه عند ربي الله ينتقم منه


نهال:اية والله


$$$$$$$$$$$$$$$$$$$$$$$$$$$$$


مر اسبوعين غرام دخلت غرفة نيل بعد مادقت الباب ومحد فتحلها ...دخلت وجلست تقربع وتقربع بدواليب وادراج نبيل تدور كاميرتها ...مالقيتها وهي تقربع وتدور طاحت يدها على درج الكوميدينا وشافت الصورة وهي صورة مناهل تفاجاءت غرام معقولة نبيل يحب مناهل لاهالدرجة لدرجة انه يرسمها ويحتفظ بصورتها ...سحبت الصورة معاها ..وطلعت برة الغرفة


استأذنت من امها وخرجت ....دقت باب الفلة فتحتلها فريدة: هلا بنتي وش بغيتي؟


غرام: مناهل موجودة ياخالة


فريدة : اية اطلعيلها تلاقينها بدارها


طلعت مناهل دقت الباب محد رد فتحت الباب ..لقيت الغرفة فاضية جلست على التسريحة وتناظر بشكلها ..لقيت ورقة كلها شخاميط ومن بين الشخاميط مكتوب ..."نبيل هو حـــــــــبي الاول والاخير" أخذت الورقة طوتها ورفعتها بشنطتها....جلست تفكر معقولة مناهل تحب نبيل ونبيل يحبها.. وانخطبو لبعض وماحصلهم نصيب ...أكيد في أًن بالموضوع..لازم اعرف واحل الموضوع خصوصآ ان حال نبيل مو عاجبني شكلة نبيل يموت في مناهل ..لازم اجمعهم مهما كلفني الامر


جلست ثواني وشوي طلعت مناهل من الحمام كانت تتحمم ..طلعت وسلمت على غرام بحرارة واستغربت جيتها وقالتلها غرام انها اشتاقت وبس ...


جلست تسولف معاها طولت حوالي ساعتين وهم يسولفون ,,,وفتحو مواضيع كثيرة


غرام بدأءت :مناهل ابسالك وابيك تجاوبيني بصراحة ؟


مناهل :طيب


غرام:انت لية رفضتي نبيل ؟


مناهل انحرجت قامت :بالله عليك اقفلي على الموضوع اذا ماتبين تضايقيني


غرام متفاجاءه:لية هالموضوع يضايقك!!!!!!


مناهل:وبقوة


غرام :نبيل يحبك


مناهل :وانا اكره ومأثق بالرجال خصوصآ الي يصرحون بالحب هم كذابين


غرام:الا نبيل ...نبيل حالته حالة بعد مارفضتية


مناهل:لاتكملين انا مااحب الرجال ومستحيل اتزوج


غرام:يعني المشكلة مشكلتك


مناهل:اية مشكلتي ...انا مااحب الرجال ومستحيل اثق برجال صديقتي تدمرت من رجال وقريبتي "فاتن تدمرت من رجال واختي تدمرت من رجال


غرام مانتبهت لكلام ولا علقت: بس مو كل الرجال مثل بعض ..اصابع يدك مو سوى يامناهل


مناهل: ايوة ادري بس الرجال انا مااحبهم ولا اطيقهم ..
غرام: بس اخوي يموت فيك انا ماجيتك الا لانه كسر خاطري لو تشوفينه يحزن تغير حالة




وصارـ ـ ـ


مناهل ماخلتها تكمل: بالله عليك لاتكملين مااحب اسمع سيرت الرجال


غرام : واذا اثبتلك ان نبيل يموت فيك


مناهل ساكته:ــــــــــــــــ


غرام فتحت الشنط وطلعت الرسمة: شوفي بنفسك


مناهل ماصدقت وجلست تناظر في الصورة من رسمتها جلست تناظر وهي متعجبة في الرسمة


غرام:ترى اخوي مايرسم أي شيء يحب يطلع بس احاسيسة باوراقة ...تدرين اني لقيته رافعها بدرج كومدينته تحت كتبة ...


مناهل ودموعها بعينها:هو قالي ابي اطلب يدك توافقين وقبلها كم مرة قالي انه يحبني ومستحيل يعيش بدوني


غرام وهي تقرب منها :وانت ايش قلتيله يوم قالك لو اطلب يدك توافقين؟


مناهل:قلتله طيب اوافق


غرام تستدرجها:وبعدين وش صار؟


مناهل وهي تتذكر ودموعها تنزل:طلب يدي ورفضت ..كنت وقتها متأثرة بحادث صديقتي الي عذبها زوجها ..وحسيت اني كرهت كل الرجال
ا
اللي جاني يكفيني
عروس مبدعة
14-05-2011 | 03:05 PM
سلااااااااااااااااااااااااااام حبيت اعلق واعتذر عن
عدم ردودي على البارتاات السابقه والله والله والله مشغوووله بشكل كبيير
الاسبوعين هذي بس احجز مقعد ولي عوده للقراءه والتعليق على البارتاات اللي فاتتني

ودي واحترامي اختك صفاء
ر
رَذٰاذُ حَـ ـلّـ مـَ
عروس ذهبية
14-05-2011 | 06:40 PM
يسلمووووووووووو ياعسلز ع البارت الجوناااااااان
f
fatema 27
عروس مبدعة
15-05-2011 | 01:10 PM
:'(:'(:'(:'( مسكنة غزل طكوها عين انا ابي اثنين احصلهم و حط فيهم طك حررررررررررررررررررررام هاي حلا و هاي نوف صج صج ابي كل وحدة فيهم ساعة طك باطوا جبدي

يسلموا عيوني
د
دلوعــة سعود
عروس مبدعة
15-05-2011 | 02:43 PM
الجزء الخامس والعشرون....


غرام وهي حزنانه:ياحرام تلاقين نبيل انكسر رجع حزين لانك رفضتية وهو يحبك وهو راسم صورتك ورافعها وانت بنفسك قلتيله اوافق اذا طلبتني ويوم طلبك رديتية


مناهل وهي تقوم :والي يخليك كافي تعذبيني ...وش اسوي كنت وقتها متعقدة من الرجال


غرام :والحين


مناهل تفكر:ـــــــــــــــ


غرام:نبيل غير مو مثل كل الرجال نبيل طيب وحساس هادي وحبوب


مناهل :صح كلامك انا غبية رفضته وضيعته من يديني وانا احبة


غرام:يعني اعترفتي انت تحبينه


مناهل واخيرآ تطلع من قلبها:ايوة احبة "وقالت بحزن"بس ضيعته من يديني


غرام وهي تضحك: وش تعطيني لارجعتلك هو


مناهل من قلبها:الي تبين


غرام وهي تضحك: هههههه نشوف


مناهل وهي تحضن غرام:الله يسعدك ياقلبي والله انك نورتيني وبصرتيني وعقلتيني من جد مو كل الرجال مثل بعض ..


غرام:ولو انا اختك بس اهم شيء لاتغيرين الصورة الجديدة الي في بالك


مناهل وهي تضحك:لا خلاص


غرام:يالله انا رايحة هاتي الرسمة حقت اخوي لانه مايعيش بدونها


مناهل:لا هذي لية ...لو يبيها يجي ياخذ الاصل الي هي انا


غرام: وي وي ماتوقعتك بتذوبين كذا على طول ..اثاريك رومانسية


مناهل وهي تضحك: وماخفي كان اعظم ...هههههه


راحت غرام وهي فرحانه انها انجزت الجزء الاول وباقيلها الاصعب الي هو تغيير فكرة رجال


%%%%%%%%%%%%%%%%%%%%%%%%


بعد وفاة عامر تغير سيف بعد عن فاتن بعد الشرق عن الغرب ..فاتن فقدته حست انه بجد تحبه حاولت تكلمه حاولت تقرب منه لكن كل محاولاتها باءت بالفشل سيف حتى مو طايق يناظر فيها كنها هي الي موتت عامر ..وكنها هي السبب في احزانه.. صارله فترة ماتنام بغرفتهم"بالجناح" صارت تنام بغرفتها الي تحت.....


وهذاك اليوم قررت انها تطلع غرفتها وتنام فيها ويوم طلعت لقيت الغرفة حالتها حالة ماهي مرتبة وكل شيء مرمي بالارض جلست ترتب وترفع..الين وصلت عند السرير ويوم رفعت اللحاف لقين برواز محطوط جنب المخدة يوم رفعته وناظرت ..لقيتها صورة سماهر تجمعت الدموع بعينها حست انها مخنوقة حست بقهر وغيرة مالية قلبها لو ان سماهر حية تمنت الموت لها لكن سماهر ميته وش تتتمنى لها الحين.. حتى وهي بقبرها سارقة عقل وتفكير سيف لدرجة انه رافع صورتها عنده بسريره ..نزلت دموعها على الصورة ..وشوي انفتح الباب انفجعت فاتن وطاحت الصورة من يدها على الارض وانكسر القزاز..


جاء سيف والغضب مالي وجهه وهو متجه ناحية السرير فاتن قامت ومشت وهو مسك يدها وقرب من ناحية القزاز,,,,,


سيف والغضب يتكلم معه: من أمرك تمسكين اغراضي


فاتن وهي تبكي: اترك يدي


سيف وهو يلفها : من أمرك؟؟
فاتن ودموعها تنزل بزياده : أي عورتني اتركني ياسيف اتركني




سيف: لية تمسكين اغراضي؟


فاتن استجمعت قوتها وقالت ودموعها على خدها: سيف انا مابيك طلقنـــــــــــــــي


سيف تفاجاء: وليش ان شاءالله


فاتن وهي تبكي: انا تعبت معاك انا طول عمري عايشة على ذكراك وانت على ذكرى غيـــري عايش..


كلمتها مؤثرة حتى سيف جلس يفكر فيها بعدين قال: اقول انطمي وعن الكلام الفاضي


فاتن وهي تبكي: انا تعبانه ياسيف انا مجروحة وانت سبب جروحي ...ريحني وطلقني من يوم تزوجتك وانت معذبني


سيف جلس يناظر فيها ......ترك يدها وهي ركضت وطلعت فوق للبلكونة الي دايم تطلع وتبكي فيها .. كان بابها سحاب خشبي ردته ومانسك ومسكت السور وجلست تبكي وهي تحس انها مخنوقة خلاص اتحملت سيف كثير الحين ماهي قادرة تتحملة اكثر ...ماهي قادره تصبر أكثر..




آه منك منقهر ومابقى عندي صبر ....لا تبرللي خطاك ماأبي أسمع عذر


روح وأنساني خلاص وقول فرقنا القدر


كم شلتك في العيون بين رمشي والجفون ..ماهقيت أنك تخون وتالي تجزيني غدر


روح وانساني خلاص وقول فرقنا القدر


كيف يهنالك منام وأنت ظالم في الغرام بعت حبي ياحرام من بعد عشرة عمر


روح وأنساني خلاص وقول فرقنا القدر


ياما دللتك دلال وأعتبرت أنك مثال كنت الهام وخيال في مواعيد الشعر


روح وأنساني خلاص وقول فرقنا القدر


ياعسى عمرك مديد وتحيء ايامك سعيد لو أنا عنك بعيد ومن فراقك منقهر


روح وأنساني خلاص وقول فرقنا القدر




وشوي انفتح الباب ودخل سيف وهي صاده ومسكها مع خصرها بلطافه وقرب من أذنها وقالها :أنا اسف


فاتن كرهت ذي الكلمة من كثر ماقالها ...


لفت فاتن تبي تدفه وتروح ويوم جات عينها بعينه ..ماقدرت تمسك نفسها دموعها نزلت ..وهو حساس وتأثر قام وحظنها بأقوى ماعنده ...وهي تذكرت مواقفة حاولت تفك نفسها منه ..ماردها الا صوت صدره وهو يشهق "يبكي"وحظنتة بأقوى ماعندها..


ياويل قلبي ليش يبكي عورت قلبي الله يخليك لاتبكي..


سيف وصوته مبحوح: لاتروحين عني وتتركيني انا محتاجك


فاتن مستغربة: ـــــــــــــــــــــــــــ


سيف: انا تعبان يافاتن تعبان


فاتن وهي تبكيِ:سلامتك ياقلبي


سيف وهو يلمها بأقوى ماعنده:والله احبك


فاتن وقفت انفاسها معقولة يحبني اول مرة تطلع من فمك :وانا اكثر


سيف وهو لازال حاضنها:لاتتركيني وانا محتاجك


فاتن وهي تحظنه خلاص ماتبي شيء غير قربة ..ماتستحمل تشوفه حزين عاد كيف تستحمل وهي تشوفه يبكي ..سيف مكسور بس ماتدري وش الي كاسرة..ممكن موت عامر..وممكن شيء ثاني ..........


فسرت وجود الصورة بغرفته انه كان فاقد كل الي كانو حولينه عامر سماهر وحتى انا كنت بعيده عنه فلذالك مسك صورة سماهر يتذكرها لااكثر ولا اقل..


خلاص ماراح اتركك ياسيف ياروحي وياعمري ..انت قلبي الي مااقدر اعيش بدونه..


&&&&&&&&&&&&&&&&&&&&&&&&&&&


دخلت غرام بغرفة نبيل..ولقيته منسدح وحاط السمعات بأذنه


غرام:نبيل ممكن اتكلم معاك


نبيل:ها قولي وش عندك؟


غرام دخلت بالموضوع بسرعه:انت تحب مناهل مو صح؟


نبيل وهو يتأفأف: أوف ياديني لا مو صح


غرام:بلا كذب


نبيل:وش عندك ؟


غرام:دامك تحبها لية سحبت الخطبة


نبيل:مو هي ماتبيني حتى انا ماأبيها


غرام:من قالك انها هي ماتبيك


نبيل:انا دريت


غرام:امانه عليك تعلمني.. كيف دريت؟


نبيل:حلا اخت حازم علمتني


غرام :وانا اقول في ان في الموضوع ..أثاري ابليس دخلت بينكم


نبيل:وش السالفة؟


غرام:وانت الله يهديك ليش تصدقها؟ هذا خرابة البيوت وماتحب الا نفسها وتغار من الكل ماتبي احد سعيد ...ذاك اليوم سوت مشكلة بيني وبين فاتن وكرهنا بعض بسبتها بس الحمد الله تصالحنا


نبيل: ياويلي والله وانها مصيبة


غرام: حيوانه ماتبي احد يكون مبسوط وهي لا..


نبيل: المهم قوليلي انت وش دراك؟


غرام: انا افهمك السالفة.. انت يوم خطبت مناهل ..صح مناهل كانت تحبك وتبيك والدليل يوم قالتلك طيب موافق لو تجي تخطبني


نبيل متفاجاء من معرفة غرام بالسالفة: طيب


غرام: ويوم انت جيت على سواد حظك صابتها عقدة وكرهت الرجال لانو صديقتها دمرها زوجها وموت الجنين بطنها فمناهل حساسه وتأثرت..فكرهت الرجال كلهم صابتها عقدة خافت....فهمت ولا هي بالعكس تحبك


نبيل: وانت أيش دراك؟


غرام: كنت عندها قبل كم يوم


نبيل: طيب


غرام : وش الدليل انك صادقة وهي تبيني؟


غرام وهي تطلع الورقة من جيبها: خذ اقرا هذي لقيتها بغرفتها


ويوم فتحها وشاف "نبيل حبي الاول والاخير ..أبتسم: والله مادري


غرام: وعلى فكرة رسمتك مرة حلوة وعجبتها ...


نبيل وهو متفاجاء: الله يقطع ابليسك هو انت الي اخذتيها وانا قلبت الدنيا عليها


غرام وهي ميته ضحك:هههههههه


نبيل: هاتيها وينها


غرام: تقول مناهل لو يبغاها يجي ياخذ الاصل الي هي مناهل ماياخذ الصورة


نبيل وهو مبتسم: يعني كذا السالفة ....الحمد الله انقشع الغموض ,,,واخيرآ فهمت السالفة


غرام: واعترفتلي انها تحبك


نبيل وهو مبســـــــوط: والله


غرام: والله ...يالله عاد شد حيلك وروح اخطبها ...


نبيل: لاتوصين حريص.........


÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷


اما نهال الحزينة هلكها ابوها ضرب داخل طالع لازم يفش خلقة فيها ويضربها...خلاها خدامه بالبيت تكوي وتغسل وتمسح..حتى خوانها عرفو بمصيبتها..وابوهم منعهم انهم يكلمونها او انها هي تطلع برة البيت او انها تكلم التلفون منعها من كل شيء صارت تصحى وتنام ودموعها على خدها..حفظت سورة البقرة ودايم بالليل تصحى وتدعي ان ربها يرحمها ويغفر لها ويمسح ذنوبها وهمومها....


#######################


حلا صارت تموت في شيء اسمه حمد ..هي صح كانت تكلمه وتكذب علية ماتحبة ..لانها كانت تحب سيف ...بس الحين تحولت مشاعرها وصارت تكره سيف وتحب حمد وكل يوم تكلمه وهو واعدها انه يبي يجي ويخطبها ...وهي طايره فرح ...


نسيت اقلكم وش سوت حلا...يوم من الايام امها اخذتها وراحو يزورون جدتهم"نورة" عند بيت حسين ابوماهر....ويوم راحو وهم جالسين بالصالة ...حلا شافت نهال وهي بالمطبخ وترتب مثل الخدمات ...وشافت بطنها الكبيرة.. الغريبة بالموضوع انها سكتت ولاقالت شيء..


####################


في يوم من الايام "يوم خميس"بالعصر بيت محمد كان فاضي سيف اخذهم كلهم يبي يمشيهم


الا غرام جلست تقول عندها فرح صديقتها وتبي تروحله ..كانت نايمة صحيت تحممت جهزت نفسها كشخت اخر كشخة ...لبست فستانها الاحمر ..فردت شعرها ..وتعطرت من عطرها الي تموت فية"فلورا"...قريب المغرب حطت الشال على رقبتها ونزلت تركض مع الدرجة والعباية بيدها...


بالصالة كان جالس غازي فتحتلة الخدامه وهو ينتظر نبيل الي كان بالحمام يتحمم.. غازي كان جالس يتفرج على التلفزون ومنسجم ..وشوي يسمع صرخة عالية..انفجع وقام ناحية الصوت ولقى الملاك الي طايح بوسط الصاله.. تلقائيآ رفعها ..والشال حق فستانها طاح ..قام رفعه ولفة وحطة داخل جاكيته ...وشاف عبايتها على الارض اخذها ..وطار وركبهاالسيارة ..وطيران على المستشفى....


دخلها بالطوارى ..ودق على نبيل وقاله اختك طاحت واغمى عليها وانا الحين معها بالمستشفى..


نبيل ثواني وهو جاي ...وجلس ينتظر مع غازي خروج الدكتور عشان يطمنهم..


خرج الدكتور كلهم وقفو عنده ويسالونه :ها كيفها...؟؟


الدكتور: لاالحمد الله هي طيبة بس لساعها فاقده الوعي نتيجة الطيحة..ماتخفوش كلها دقايق ان شاءالله وتكون طيبة


//////////////////////////////////////////////////////


بعد المغرب فتحت غرام عيونها ..والكل حولها ويبستم ويقول" الحمد الله..الحمد الله"


ابتسمت: وش صار؟


غزل وهي تضحك: لاياشيخة مخرعتنا وصارلنا كم ساعه عندك وتقومين وبكل برود وش صار؟


مريم:الحمد الله على سلامتك


غرام:الله يسلمك


فاتن:ماتشوفين شر


غرام:تسلمين لايمة من جد وش صار؟


مريم:طحتي واغمى عليك ...بس


غرام وهي تتذكر:اها اية صح تذكرت اني كنت نازلة من الدرج ابي اروح لعرس غدي وبعدين تعثرت بفستاني وطحت وبعد ين ـ ـ ـماتذكر


مريم:اية غازي زميل نبيل الله يعطيه العافية هو الي انتبهلك وانتي مغمى عليك وجابك المستشفى ولا نبيل الله يصلحه ماكنه موجود مادرى عنك ابد


غرام وهي تسمع وماهي مصدقة غازي انقذني: ــــــــــ


مريم: والله خويه غازي سوالنا معروف الله يجازاه خير ماراح ننساه له طول العمر


غزل: يمة شفي بنتك سراحنه تلاقينها الحين تقول ياربي والعرس راح علي


مريم تضحك: والله يمكن


غرام وهي تضحك: لاياشيخه


الكل: ههههههههههههههه


وشوي دخل محمد وسيف واتحمدو على بنتهمم بالسلامة وطلعو ..


واذن المغرب لكل راح المصلى يصلي...


مااحد جلس معاها الافاتن..وشوي انفتح الباب ودخلت الممرضة ومعاها باقة ورد كبيرة مرة.. وحطتها على الطاولة


غرام فرحانه: جيبيها جيبيها خليني اشوف من مين


جابتها الممرضة وعطتها لغرام..وغرام تناظر بالكرت وهي مبسوطة ويوم شافت الكلام أنصدمت


الف سلامة عليك ....ماتشوفين شر


غازي


ماصدقت عيونها ...معقولة غازي ينقذها ويوديها المستشفى لا ويجيبلها باقة ورد ويتحمدلها بالسلامة..يالله هاذا الشيء ماكانت تتوقعه ابد ..فارس احلامها ينقذها


صدق القدر احيانآ يحطك بمواقف تحس انك ودك تبكي من القهر...واحيانآ يحطك بمواقف تحس انك ودك تبكي من الفرح..


حست انها مبسوطة وبنفس الوقت ماهي مصدقة تبي احد يديها كف عشان تصدق


غرام :فاتن اقرصيني


فانن تضحك:بسم الله عليك وش فيك؟


غرام باصرار:اقرصيني


فاتن قرصت غرام بشويش..وغرام تصرخ :..أي عورتيني خلاص صدقت


فاتن:لابالله وش فيك؟


غرام:لاماراح اقول


فاتن:براحتك


وشوي جاء ابوها وطلعها من المستشفى .....لانها خلاص الحمد الله ماتحتاج شيء ..

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
د
دلوعــة سعود
عروس مبدعة
15-05-2011 | 02:47 PM
÷÷÷÷÷÷÷÷



رجع غازي لبيته وهو مستانس يحس بأحاسيس غريبة داخلة...



كل شوي صورة غرام تطلع بباله ..من يوم شالها من بيتها وهو بس يفكر فيها ..



نزل جاكيته وتذكر الشال ..يارب نسى يرجعه للبنت...طلعه من جيبة وجلس يشمه رحيته تجنن .وهو يتذكر شكلها وهي طايحة ماشاءالله عليها جميلة بشكل..ماقدر يقاوم جمالها حتى وهو شايلها طول وقته وهو يتأمل ملامحها الناعمه وجهها طويل وعيونها وساع وانفها طويل وفمها دقيق..جميلة وجذابة..والله ويانبيل مادريت انه عندك اخت حلوة...ياربي شكلي تعلقت فيها..



ناظر بالشال الاحمر ..يارب وش اسوي فية الحين ...اخذه شمة وضمة وحطة بدولابه وقفل علية..انسدح بسريرة وهو طاير فرح..,غمض عيونه وراح باحلامة مع غرام وبس..



،،،،،،،،،،،،،،،،،،،،،،،،،،،،،،،،،،،،،،،



بعد اسبوعين رجع حازم لبيته وهو متشافي وبأحسن حال ..امة جلست تسلم علية وهي تبكي اشتاقت لوالدها ...وهو جلس يبكي حس بخطئة وحس انه كان ضايع والحمد الله لقى نفسة..



وراح سلم على ابوة الي بالبداية صد عنه بعدين سلم علية وقاله اخر مرة اشوفك تخطي..وعده وقاله خلاص انا الحين حازم الجديد ..صدقني حتعجب فيني...



دخل غرفته ودخلو علية خواته سلمو علية وتحمدوله بالسلامة ....طلعت غلا وجلست حلا ..



حلا :مادريت وش صار في غيابك جلست تسولفله عن كل شيء



والي طير عقل حازم يوم حلا قالت:ونهال بنت عمي حامل تخيل ..احسن تستاهل



حازم:وش الي تقولينه؟



حلا:الي سمعته هذاني اقلك الاخبار الي ماتعرفها ..وخصوصآ هالخبر تراه جديد و ترى محد يعرفة هم مخبين الموضوع عن الكل بنتهم فضحتهم ..اية قليلة ادب



حازم مو مصدق: وانت شفتيها بعينك؟



حلا: ايوة ..كانت ترتب بالمطبخ وبطنها قدامها ....



حازم جلس يفكر وهو مشغول ...حبيبة قلبة حامل ...وش الي صار لازم اعرف كل الحكاية ...



بعد ماطلعت اخته ..مسك جواله ودق على جوال نهال "ان الرقم الذي طلبته لايمكن الاتصال به الان نرجو محاولة لاتصال في وقت لاحق" جن جنونه مو قادر يتحمل وده يقوم الحين ويطير فيها ويعرف الحكاية ....



^^^^^^^^^^^^^^^^^^^^



نبيل كلم امه على شان ترجع وتخطبلة مناهل امه استغربت وبعدين وافقت وفعلآ راحو وخطبو مناهل ومناهل وافقت والاهل فرحو خصوصآ انهم بعد وفات عامر ماشافو غير الهم ...



&&&&&&&&&



بالليل على الساعه 12 دق حازم على جهاز نهال الين كسرة وماحد يرد...راح ودق على البيت ..ردت نهال



نهال: الو



حازم تنهد حس ان قلبة كان واقف وتوه الي دق: الو السلام عليكم



نهال بصوت واطي: وعليكم السلام



حازم: نهال انا حازم دقيت عشان بكلمك



نهال وهي خايفة: حازم بليز ابعد عني مابي مشاكل



حازم وهو مصر وبصوت عالي: اقلك ابيك بموضوع متى تفضين ؟



نهال خافت: يمكن بعد ساعه



حازم:بعد ساعه ادق عليك



وفعلآ كذا بعد ساعه دق ردت علية من اول دقة



حازم: ها فاضية



نهال: ايوة البيت كله نايم



حازم : ابيك تكلميني بصراحة



نهال:ــــــــــــــــ



حازم:وش الي صار بغيابي



نهال:ــــــــــــ



حازم وهو معصب:وش فيك لية ماتردين انت لية حامل ومن مين علميني والحين



نهال:وليش اعلمك؟



حازم:بتعلميني ولا شلون



نهال:ـــــــــــــــــــ



حازم:تكلمي



نهال وهي تبكي ..وحازم ماقدر يمسك نفسة خلاص وده يجي الحين ويحضنها ويبرد النار الي بصدرها ياقلبي عليها شكلها مجروحه .ادري فيهم الرجال وسخين يجرون البنت جر لرذيلة ...



حازم بحنان: عورتي قلبي لاتبكين ..قسم بالله الي نزل الدمعه من عينك لااخلية ينزل دم ويموت ولا يحقق الي يبيه



نهال :خلاص تكفى يا حازم لاتفتح علي جروح



حازم :قوليلي مين ولد الحرام الي خدعك ...قوليلي اسمه وانا ادمره امحيه من الوجود



نهال :لاتدخل بمشاكل انت بغنى عنها



حازم:انت قلبي ولانجرحتي انا انجرح ..دامك انظلمتي والله العظيم اني لااعذب الي ظلمك وادمرة لو ان شاءالله اروح بمليون مشكلة بس اهم شيء اريح قلبك ..



نهال:انت ماتستاهلني انت شريف وانا حرام اكون معك



حازم:لاتقولين كذا . انت حبيبتي وكيف ماتكونين بتظلين حبيبتي ...وانا ادري فيك طيبة وخلوقة وطيبتك ودتك بدهية...وانا اعرف فعايل هذول عيال الحرام مايبون الا يدمرون البنات ..انت بس علميني وش اسمة



نهال بعد تردد:سمير



حازم:انسي اسمه لانه بينمحي من على وجهه الارض ترحمي علية من الحين



نهال وهي تبكي:ــــــــــــــــ



حازم دق قلبة خوف:وش فيك ...ياقلبي لاتبكين؟



نهال بحزن:انت الوحيد الي حنيت علية ..وانت الوحيد الي بتبرد النار الي بصدري



حازم:انا من لي غيرك انتي حبيبتي وانت حبي الوحيد مستحيل اعيش مبسوط وانت حزينه .. اهم شيء انت لاتشيلين هم ..عندي مهمه بسويها ...واسبوع اسبوعين وانا جاي وخاطبك من اهلك



نهال والفرح يملي وجهها:من جد



حازم:اجل حازم عمره قال ومافعل



نهال :الله يسهلك اجل



حازم:آمين يالله انتبهي على نفسك وفمان الله



نهال:الله معاك...



×××××××××××××××××××××××××××××××××××



غازي ماقدر يستحمل انه يعيش بدون غرام .. كلم امه وقالها انه يبي يخطب غرام ..وفعلآ تجهزو العايلة وو وخطبو غرام ...محمد سكت شوي وقام قال نشوف راي البنت



دخل الصاله والكل مجتمع فيها ...قالهم ان غازي خطب غرام ...غرام طارت فرح ماصدقت حست ان الدنيا تلونت لها بالوان السعاده معقولة غازي الي حبيته يجي ويخطبني ياربي لك الحمد والشكر..



وشوي قال محمد:بس انا ماني موافق ..وماني عارف وش اقلة؟



مريم:لية منت موافق؟



محمد:كذا ......برة العيلة مانبي



غرام تقفلت الدنيا بوجهها ..حست بضيقة بصدرها ..لالا يبة تكفى لالا .لا غازي ..لاترده..غازي حبيب قلبي ماصدقت يخطبني والله ماصدقت ...والله يخليك لاتعذبني ...



محمد وهو يقوم:انا بقلهم البنت بتكمل هالسنه انتو براحتكم اذا تبونها انتظروها سنه..



طلع محمد ..وطارت غرام على غرفتها قفلت الباب وجلست تبكي من القهر وهي حاظنه ورقة الضومنة بيدها ...آه ياقهر ماتوقعت ان الي حبيته في يوم من الايام يحبني ويخطبني يقوم ابوي ويوقف بوجهي ..لية يبة انت ماتبي سعادتي لية .....طيب انا مابي غير غازي والله احبه ~انت ماتدري اني انا كنت احبه من زمان والله احبة الله يخليك لاتعذبني مابي اعيش بدونه .......



محمد قال لابوغازي الي تقبل الامر قال خلاص نشوف ممكن ننتظرها وممكن نزوجه غيرها



^^^^^^^^^^^^^^^^^^^^^



حازم عرف مكان سمير ...جمع جيش من معارفة تسلحو وتنكرو وانتظرو عند باب قصره ..



واول ماجاء طاح فيه ضرب الين اغمى علية ..,وبقية الشباب كملو ...,وهو مسك جواله وجلس يصور الموقف عشان يوريه نهال وترتاح..



قامو وشردو يوم شافو الدم يسيل منه ..



$$$$$$$$$$$$$$$$



حازم كلم امه بالموضوع وقاله انها حامل من واحد وانه يبي يستر بنت عمه امه طارت فية ورفضت وانت ايش دخلك ومن هالكلام ..حازم ترجاها وقالها: اذا ماخذت نهال ماني متزوج



قالتله انت شوف ابوك



حازم اختار الوقت المناسب وراح وكلم ابوة بالموضوع ..حسن عصب خصوصآ انه متضارب مع اخوه على شان هالشيء ..وكيف ان حسين ماسامحة ورده وقاله ادب ولدك الي مو محترم شوفو طلعت بنته الي قليلة الادب



حازم:بس يبه انا احبها وانا ابيها وابي استر عليها ابي الاجر من الله



حسن:ـــــــــــــــ



حازم:وبعدين انت يبة ماتبي اخوك يسامحك ويرضى عليك ..انت كذا تسوي ببنته معروف وهو ماراح ينسالك هو وتكبر بعينه وانا اتزوج الي احبها ونرجع سمنه على عسل مثل ماكنا واحسن



حسن بعد سكوت طويل:طيب انا موافق



حازم قام وسلم على راس ابوه وهو يقول:....من بكرة بعد العشاء ابيك تكون جاهز



حسن: لاياشيخ مو كأنك مستعجل



حازم: الا عشان نفرح يبة



****************************



صحيت فاتن وجلست تطقطق رقبتها ..صحي وراها سيف وهو مبتسم



قال سيف وهويبتسم ويناظر في فاتن: هاتي بوسة ؟



فاتن وهي تقوم: لالا ..اصلآ بدخل الحمام قبلك



سيف رجع وحط راسه ووحط المخدة فوقة ونام.........



طلعت فاتن ولقيت سيف نايم جات عنده وقومته ...قام ودخل الحمام ياخذله شور ..



فاتن دقت على الخدامه تجيبلهم فطور... ثواني والفطور عند الباب ..دخلته فاتن وحطته بالصالة جاء سيف واكل معاها وطول وقته وهو رايق ويضحكها..تغير سيف صاير حبوب وحنون..مثل اول واحسن..



قامت فاتن بتلبس .. وقفت قدام المرايا..وفردت شعرها وجلست تمشطة ..كانت لابسة قميص حرير وردي ...جاء سيف من وراها وحط يده على خصرها وحط خشمه عند رقبتها وشمها وقال: آه يازين ريحتك..
فاتن أنحرجت وحمر وجهها ..




باسها سيف على رقبتها وعلى خدها ....لفت قاتن وهي تناظر فية وقالت بدلع : سيف شكلك ماتبيني انزل؟!



سيف وهو يحط يده وراء ظهرها ويبوسها على خدها : لامابيك تنزلين ؟ابيك لية وبس



فاتن حمر وجهها ..



قرب منها يبوسهاهي سحبت نفسها وركضت وهي تقول"والله مو وقته...وهي تركض وهو يجري وراها ...



ويقول: باخذها يعني باخذها" يقصد البوسة"



وهي تفتح باب الجناح وتلاقي نبيل بوجهها رجعت قفلته ووقفت على الباب وسيف في وجهها وهي تقله: مو وقته مو وقته,,,,,
سيف وهو يضحك : الا وقته اجل متى وقته اذا مو الحين ...شالها ودخلها الغرفة وسك الباب...



#########################



على المغرب حسن وحازم متواجدين بمجلس حسين ..كان معه ماهر وناصر



حسن بدأ كلامه: والله ياأخوي جيتك اليوم بطلب يد بنتك نهال لولدي حازم على سنة الله ورسولة



حسين حس بفشلة وانصدم وماتوقع:نهال !!!



حسن:اية نهال



حسين:لانهال مانبي نزوجها



حسن:احنا عارفين انها حامل وعشان كذا نبي نزوجهم والحين



حسين مو عارف يزعل ولا يفرح :ــــــــــــــــ



حسن:حازم تشافى ورجع وهو يبي يتزوج نهال...ونقول ان الي ببطن نهال من حازم وحازم من اول ملك عليها واحنا ماقلنا عشان نبي نخليها تكمل دراسة ها وش قلت



حسين يحس انه فرحان بنفس الوقت مايبي معروف من احد:ـــــــــــــ



حسن:والله انت اخوي وبناتك هم بناتي..وحازم حلف علي وقال والله لو ماأخذت نهال ماني ماخذ غيرها



حسين:والله فيكم الخير ..وولدك هذا نشمي الله يخليه لك..صدق انه فزعه ووصدق انه شبل ولد اسد



حسن: تسلم والله



حسين: الله يسلمك وانا عطيتك البنت قبل لانسالها



حازم: لاتكفى روح وخذ رايها



قام حسين ودخل وقال لزوجتة الي طارت فرح هي كانت تحسب ان بنتها بتعنس عندها ..فماصدقت خبر وطارت فرح ومناهل فرحت ونهال كمان كبر حازم بعينها انه طيب خاطرها وحاول يستر عليها ..صدق انه يحبها وصدق انه مايبي الا سعادتها..



نهال بعد ماسألها ابوها: انا موافقه



حسين بعصبية : غصب عنك موب على كيفك



نهال سكتت وحسين دخل المجلس وقالهم على الموافقة...فرحو والابتسامه حلت في وجيهم كلهم..,وحددو الزواج الاسبواع الجاي......



نهال بالشهر الثامن ..ماسو عرس كبير ولا عزمو احد لانها فضيحة..بس العيلة...وطبعآ قالو للكل انها حامل من حازم الي كان مملك عليها من اول ...هذي تضحية كبيرة من حازم مستحيل نهال تنساها له.....



حازم وهو واقف قدام نهال الي جالسة على السرير ..



حازم: الف مبروك ياعروس



نهال ودموعها على خدودها: الله يبارك فيك



حازم وهو يجلس جنبها: ليه ياقلبي الدموع لية ..



نهال: هذي دموع الفرح



حازم : لاتزعليني منك لااشوف دموعك...وربي مأستحمل ترى أبكي مثلك بعدين



نهال وهي تضحك:من جد



حازم وهو يضحك:ههههه الله لايحرمني من هالضحكة ..اية من جد



نهال : حازم



حازم: عيونه وقلبة وروحة فداك



نهال: تسلم



حازم: الله يسلم قلبك من كل شر



نهال: انا اسفة



حازم : على ايش



نهال: على معاملتي معك قبل لاتخطبني



حازم: لاياقلبي عادي..انت لوتقطعيني بالسكين .مازعل الا افرح عشان يدك جات على يدي



نهال وهي تضحك: من جد



حازم : من جد



نهال: انا اسفه كنت وقحة معك كبيت عليك ببسي ورميت عليك صندل وخليت ابوي يضربك ..سامحني



حازم: لاتقولين كذا انت معاك حق انا الي كنت اتمادى عليك ..وبعدين خلاص انسي الي صار خلينا نعيش الباكر وننسى الامس..خلاص



نهال : اية خلاص...آآآآي



حازم وهو مفجوع: وش فيك حياتي.....في شيء يعورك...



نهال وهي تحط يدها على بطنها الي صايرة مثل الكورة الكبيرة: لا بس رفسني..



حازم وهو يحط يده على بطنها ويضحك: ولدك الدلوع يبي ينغص علي فرحتي



نهال وهي تضحك:هههههههه مايقدر انت اكبر منه



حازم وهو يقرب منها : عاد في هذي صدقتي...



************************************



بزواج حازم من نهال حلت السعاده والافراح على قلوب حسن وحسين..وحسين حس براحة كبيرة وماقدر ينسى هالمعروف ابد... وحازم طار فرح بحصولة عل قلب حبيبته..ونهال فرحانه عشان فارسها وحبيبها انتقم من النذل الي دمرلها حياتي..وجاء وتزوجها وشالها من حياة الحزن الى حياةالافراح...صارت نهال تموت في حازم تحبة من كل قلبها..



حتى ناصر فرح ...هو كان يبي يخطب غلا بس عشان المشكلة الي بينهم تردد وقال صعبه ..والحين الموضوع تيسرلة ....



يوم من الايام كان ناصر جالس بحوش عمه حسن جالس يلعب ضومنه هو ونبيل وغازي وحازم .. والحريم مجتمعات في بيت فريدة..



المهم قام غازي وقال انا عندي مشوار وباخذ نبيل معي .. وطلعو ..قام وراه حازم قال انا ابي اروح اجيبلكم عشاء يهبل من محل اكتشفته قبل كم يوم بس بأخر الشرقية,, اروح اجيبة واجي طلع ..وجلس ناصر يرتب المكان..



وشوي نزل مطر والدنيا صارت موية والسماء تبرق ورعود والمطر ينزل وينزل ...ناصر يناظر وين يروح والدنيا كذا ...حتى الشوارع كلها موية محد يقدر يمشي بالسيارة ...



قرب من البيت ووقف وثوبة تبلل وصار يرتعش من البرد لقى باب البيت مفتوح دخل ووقف ..وشوي الهواء سك الباب بقوى والرعد صوته مالي المكان ...والاجواء تخوف ....وشوي انقفلت الكهرباء ....وقف مكانه مو عارف وش يسوي ...ويسمع اصوات الاشجار برة واصوات الابواب تتحرك ..



وشوي سمع صراخ فوق ..وي بسم الله في احد بالبيت ...



طلع مع الدرج وهو ينور بجواله ... الين وصل مصدر الصوت ولقى باب الغرفة مقفل حاول يفكة ماقدر حاول ماقدر ...بالنهاية كسرة ...



لقى غلا بالغرفة والشباك مكسر والدنيا حولها موية وهي مندسة تحت السرير والباب انطبع وماهو راضي ينفك والغرفة ظلام ...



دق قلبة من الخوف عليها ..... قال بكل حنان: تعالي ياغلا تعالي



جاته غلا ومن خوفها حضنته بقوى وهي تبكي: الباب انسك..... وماقدرت افكة...كنت نايمة ومدري وين امي...صحاني صوت الرعد..... خفت..." وهي تبكي"



حضنها باقوى ماعنده وهو يمسح على شعرها: خلاص لاتبكين حصل خير..



غلا: لاتروح من هنا انا خايفة



ناصر: انا عندك وماراح اروح...



غلا مغمضة عيونها وحاضنته بقوى ماعنده: اكرهه المطر...اخاف منه



ناصر:ـــــــــــــــــ



غلا ترتجف من الخوف.......مشي ناصر وتركها مكانها جات وراه وحضنته وهي تقول: قلتلك لاتتركني


س
سيده نفسي
عروس فضية
21-05-2011 | 01:07 PM
:adore: اخيرا رجع المنتدى..
تسلمين على البارت,, وبانتظار البقية حبيبتي لا تتأخرين علينا :o
د
دلوعــة سعود
عروس مبدعة
21-05-2011 | 10:28 PM
سامحوني تاخرت عليكم عشان >>>المنتدى قطع كم يووووووووووووم<<


وحشتــــــوني مررررررررره
والحين انزلكم البارت ولا يهمكم
د
دلوعــة سعود
عروس مبدعة
21-05-2011 | 10:48 PM
الجزء السادس والعشرون

اتمنـــــى لكم متاااابعه شيقة..

ناصر مسك يدها: قلتلك ماراح اتركك

لقى جاكيت بالدولاب حقها طلعه ولبسها هو واخذها الين تحت وشربها موية كل هذا وهو ماسك يدينها..وجلسها بالصاله والصاله ظلمة والدنيا برة امطار ...وصوت الرعد يخوف...

حضنته فجاءه :ياويلي انا خايفة

ناصر وهو يحضنها:وش فيك لاتخافين انا جنبك

ياويل قلبة كيف بيستحمل وهي جنبه يحبها الا يموت فيها ..يحس اانه وده تطول وهي بقربه وده يصرخ ويقول انا مابي من الدنيا الا وجودك بحضني ...تعب وهو ينتظر هاللحظة ..

ناصر: غلا

غلا بخوف وهي داسه راسها بحظنه: نعم

ناصر: انت تحبيني.؟

غلا: انت انقذتني مرتين مرة من الغرق ومرة من المطر .....كيف ماتبيني احبك

ناصر مو مصدق اذنه:يعني تحبيني؟

غلا:انا لقيت الحنان بحظنك ومالقيته عند أي احد ثاني..

ناصر:وانا ماحبيت في عمري احد غيرك

غلا:وانا ماحسيت بالحنان والامان غيرمعاك ..شكلي بديت احبك

ناصر:الحمد الله ...وانا اوعدك اني بنسيك الدنيا واخليك اسعد انسانه

جاء صوت رعد قوي خلى غلا ترتجف وتحضنه بقوى ..عاد ناصر لمها بحظنه وهو يقول :لاتخافين دامني جنبك

ناصر شال هم اصحابة الي ماجو ...ناظر بجواله لقى مافي ابراج ...والمطر برة لسى ماوقف انشغل عليهم وماهو داري وش يسوي...

جلسو على هالحاله ثلث ساعه تقريبآ ..وغلا متمسكة بناصر ماتبيه يروح عنها ..

وشوي وقف المطر ....وهديت الاجواء..وبعدها بربع ساعه رجعت الكهرباء وانفتحت الانوار ..وجلس ناصر يناظر بغلا ..كانت لابسة بيجاما عودي ولامه شعرها الاسود الناعم على فوق كانت تهبل ..بريئة طفلة ناعمه هادية ..

ناصر:الحمد الله رجعت الكهرباء ..ها كيفك الحين ان شاءالله تمام

غلا:دامك بجنبي انا تمام

ناصر سكت لثواني ...بعدين تجراء وقال:غلا ادري انك تحبين عامر اخوي رحمه الله علية..بس انا كنت احبك من اول وبجي اخطبك ..وان شاءالله راح تكونين سعيدة معي

غلا:عامر حبي له كان حب طفولة ...حب من طرف واحد ..وهالحب مايعيش ..

ناصر:يعني اقدر القى مكان بقلبك

غلا وهي تبتسم:أعتبر انك لقيت

غلا حست انها صارت تعز ناصر وصارت تشوفه جميل ويستاهل الحب وصارت تحس انه هو الي عانها وصبرها ...وحست انها ودها تتكلم تعبر عن الي بقلبها له..لكن احتارت كيف تعبر عن مشاعرها له من غلاه...


احترت اعبر عن شعوري من غلاك
واحتارت ابيات"ن" في حقك قليله
كيف الحكي يقدر يوصل مستواك
ياللي غلاك الكون عيا يشيله

سبحان من ابدع وصوفك وسواك
من عزني في قلب مابه مثيله
لك حق تتغلى وتتباهى بمحياك
يللي معك تقصر دروب"ن" طويله

خذت بإيدي واسكنتني وسط دنياك
علمتني اصبر وروحي عليله
من عاذلين ودهم لي بفرقاك
بس ما فإيدهم يالغلا اي حيله

منوة حياتي اقضي العمر وياك
تبقى حبيبي وروح قلبي وخليله
واكون لك قلب"ن" يدور على رضاك
في صبح وقته وفنهاره وليله


اما ناصر مو مصدق عمره ...وده يطير من الفرح

..وآخيرآ تحقق حلمة ..واخيرآ بيجمعه القدر بحبية قلبة ..طول عمره وحياته وهو يحبها وكان يشوف الامبالاة منها وياما سمع منها كلامات جرحته كلامات حب بس مو له لغيرة ...والحين هي صرحت بنفسها وله انها راح تحبه وتعطيه اهتمامها ..هذي اكبر هدية واكبر فرحة بحياتي ..


وشوي دخل حازم وهم بهالوضع ...ناصر قام متفاجاء ...وحازم نتظراته تعجب واستغراب

حازم:ماشاءالله

ناصر:انت اخبارك اية وين رحت وايش صارلك

حازم:والله تعطل الطريق والسيارت كلهم وقفو عشان المطر وانا وقفت معهم ووقفنا بمحطة الين وقف المطر وكلن اخذ سيارته ومشي ..انت وش تسوي عند اختي

ناصر:اختك هذي الاسبوع الجاي بتكون زوجتي

حازم وهو يبتسم:ماشاءالله

غلا مستغربة كلام ناصر ...ومستغربة ردت فعل حازم الهادية شكلة يثق بناصر ..

غلا انحرجت وطلعت تركض لغرفتها ..

وناصر يناظر فيها الين وصلت فوق..

حازم : ايوة وش سويتو

ناصر: سلامتك ماسوينا شيء انقطعت الكهرباء جلسنا بالصالة وتوها نورت وانت جيت

حازم: آها

ناصر وهو يجلس وحازم يجلس جنبه: الا بسالك

حازم : تفضل

ناصر: ماقلتلي من هو الحقير الي سوى بأختي كذا

حازم:ماله داعي تعرف

ناصر:الا قول

ناصر:سمير

ناصر انصدم وماتوقع...ناصر بالنسبة له سمير انجس خلق اللي دايم يسب فية ويكرهه من كل قلبة ...فوق ذا يعتدي على اخته ..حقد حقد علية حتى حازم انتبه لمالمحه الي تغيرت للقهر

حازم:ياشيخ استهدي بالله ..الرجال وانتقمت منه ..واخذ جزاته واكثر..

ناصر:الحقير الكلب

حازم:ناصر لاتخليني اندم اني قلتلك

ناصر:ــــــــــ

حازم:خلاص الرجال اخذها على راسه شكله تاب هذا اذا مامات من الضرب الي اخذه هههه

ناصر:يستاهل الله يحرقة

حازم:ناصر استغفر ربك

ناصر:أستغفر الله ..الا وينه العشاء الي تقول علية

حازم:مع المطر وزحمة السيارت نسيت ..ومامداني ..تبينا نروح الحين

ناصر وهو يقوم:لاخلاص اصلآ انا برجع للبيت

$$$$$$$$$$$$$$$$$$$$$

بعد اسبوع ملك ناصر على غلا ..وقبلة نبيل ملك على مناهل ..والعائلة امورهم الاجتماعية تحسنت ..وصارو يتجهزون لافراحهم......تناسو موت عامر الي سبب ازمه كبيرة وحزن كبير خصوصآ للغالين على قلبة سيف ونورة "جدته"..و حتى غزل الي محد توقع انها تعيش بعد موته ..لكن الحمد الله تحسنت وآمنت بالله وعرفت ان هذا قضاء الله وقدره..

جات اجازة بين الترمين..والعائلة الحين بالمزرعه..الكل فرحان والكل مبسوط..الكل يحاول يجدد الحياة..ويمليها بالافراح..لان بعد موت عامر ماشافو غير الاحزان..

نهال حاطه يدها على بطنها خلاص الحين شهرها..وحاطه الجوال بأذنها وتكلم حبيبها وزوجها حازم..والابتسامه مالية وجهها..

غلا حاشرة نفسها بزاوية بالمطبخ..وتكلم ناصر حبيبها الي حست بطعم الحياة من بعد ماملكة علية..خلاص صارت تحبة وتموت فية وتعد الايام الي باقية عشان تجتمع فية..

صارت غلا مبسوطة وتحب الحياة من بعد ماحبت ناصر وصارت تغنيلة..

ياللي ما حبيت عمري الا منك
منهو يقدر يشغل التفكير عنك
لو عطيتك ماي عيني مو كثير
لو تشاركني سنيني مو كثير

جابك الله لي هديه من السما
جيت مثل الشوف لعيون العما
صرت اشوف الدنيا فيك
يا حياتي يا حلات الدنيا فيك


الفضا وانا معاك يلمني
حتى عمري اللي مضى ما همني



ومناهل تحوم بالصالة وتكلم نبيل ..صاحب القلب الكبير الفرفوش ..ابشركم صار مو كتوم مثل اول..صار يعبر عن مشاعره واحاسيسه مو بس بالرسم حتى بالكلام..

وفاتن صارت سعيده بعوده سيف لها ..سيف الطيب الي ابتسامته ماتختفي عن وجهه حتى وهي قدامه" مو مثل أول"...والكل لاحظ تغير فاتن وسرورها..هالشيء الي قهر حلا واشعل نار الحقد بقلبها بس نست نفسها وحاولت تتجاهلها وتعيش اوقاتها الحلوة بسماع صوت حبيبها حمد....الي صارت ماتستغنى عنه ابد..وهو واعدها الحين انه بيخطبها بالاجازة الكبيرة..وهي طايرة فرح...

ــــــــــــــــــــــــــــــــــــــــــــــ
د
دلوعــة سعود
عروس مبدعة
21-05-2011 | 10:52 PM
<<<<<<<<<

وذاك اليوم بالمغرب كانت غزل متضاربة مع حلا وامها خاصمتها قدام الحريم عاد هي حساسه ودلوعه واخر العنقود..زعلت غزل وطلعت وهي مقهورة ودموعها مالية وجهها على مافتحت باب البيت ..لقيت ماهر في وجهها ..جلس يناظر فيها ماقدر يستحمل يشوف دموعها .

ماهر بأهتمام:وش فيك ليش تبكين؟

غزل ماقدرت جات وحضنته وجلست تبكي: قهروني كلهم يخاصموني

ماهر:طيب لاتبكين ماعليك منهم..

وهي لازالت تبكي

ماهر: خلاص حرام عليك انا ماتحمل اشوف دموعك

غزل رفعت راسها وجلست تناظر فية..وهو مسح دموعها ..وهو يقول: لاعاد اشوف دموعك حرام عليك تعذبيني..

غزل:ـــــــــــــــــــ

ماهر: يالله الحين ادخلي عند الحريم ولاتكلمين احد

غزل: مابي ادخل عندهم طلعت وانا متخاصمه معهم ..

مسكت يده: خذني معك ودني أي مكان مابي اشوف احد

ماهر تنهد..والله والود وده يشرد فيها مو بس يأخذها..مسك يدها وهو مبتسم: طيب يالله تعالي اوديك مكان حلو ..

راحت معه غزل..وودها للاسطبل الخيول ..وجلست هي تناظر بالخيول وتسأله عن سلالاتهم وعن المكان الي جات منه ومن اقدم خيل ومن احسن خيل ومنهالكلام ..وشوي سألت عن اسمائهم..ويوم قالها ان خيلة اسمها "الغيما" ...

سألت بفضول: ليش سميتها الغيما..

سكت شوي وقال وهو مبتسم: جامع فيها حرفين حرف حبيبتي وحرفي

غزل بستغراب: انت تحب؟
ماهر بعد ماتنهد: ايوة ومن زمان ...من 7 سنين

غزل: يالله ...طيب لية ماتزوجت الي تحبها

ماهر : ربك ماكتب ....والظروف وقفت ضدي

غزل : وش اسمها حبيبتك؟
ماهر انصدم من السؤال وماعرف يجاوبها ..يعتذر.. يخليها على عماها

غزل:ها قلي بالله عليك

ماهر:غزل !!!!!!!

غزل وهي مستغربة:أنت تحبني انا ......ومن متى ؟

ماهر :من 7 سنين

غزل:ولية ماعلمتني كان انتظرتك لمى تكمل دراستك

ماهر:قلت اكمل دراسة واجي اخطبك ..وفعلآ كملت دراستي وجيت ولقيتك ـ ـ

غزل :وكيف حبتني انت؟

ماهر:ماتتذكرين ؟ يوم شفتك في بيتكم صقعت فيك عند الدرج ..ويوم شفتك حبيتك كنت انت بالمتوسط وانا كنت بالثانوي مع اني المفروض اكون بالكلية ..حتى انت يوم شفتيني شفت في عيونك نظرات اعجاب

غزل منصدمه:هو انت الي انا صقعت فية ..كنت احسبك عامر واقلة دايم تتذكر اول لقاء"انا اقصد هذا" وشكلة هو يقصد يوم شافني باالمطبخ اقطع كيك..اثاريني كنت احبك انت بس عشانكم تتشابهون تلخبطت علي الامور ..

ماهر:يعني حتى انت حبيتيني من هذاك اليوم

غزل:والله بصراحه ايوة ..بس انا كنت اخاف من الحب وحبست مشاعري ويوم طلع عامر بحياتي تذكرت هالموقف وقلت هو الي كنت احبه وهو الي مسكت نفسي عن حبه الحين لازم احبه..

ماهر:يالله عادي حصل خير...والله ياغزل لوتدرين وش صار فيني يوم دريت انك صرتي لغيري ..تخيلي جننت صديقي من كثر مااحكيلة عنك..وجيت اركض من بريطانيا عشان اخطبك لقيت اخوي متزوجك..صابني احباط صابني حزن مايعلم فية غير ربك..

غزل:ـــــــــــــــــــــــــــــ

ماهر:كنت اشوفك مبسوطة مع عامر كنت اقول المهم عندي سعادتها ..مع ان الغيرة كانت تذبحني بس كنت اصبر ..كنت افكر بس كيف حقدر اعيش بدونك

غزل:انت ماخسرتني ..ولاراح تعيش بدوني ..انا موافقة ياماهر اني اتزوجك ...انت رجال طيب كل بنت تتمناك..وانت حبتني 7 سنين اكيد بتصوني وبتخاف علي ..انا وين بالاقي احسن منك

ماهر وهو طاير فرح :الحمدالله .والله ياغزل راح اسعدك وانسيك الدنيا ..الحمد الله أحس انه الحين رجعتلي روحي

غزل وهي تبتسم:الحمد الله وبصراحه ياماهر ..انا بديت اعزك من يوم انقذتني وانا ضايعه بالخلا ..حسيت انك شهم وقتها دعيتلك من كل قلبي ان ربي يسعدك ويحققلك كل أمانيك..والمرة الثانية..يوم خفت علي ويوم لمتني بحنانك يوم انا طلبت منك انك توديني "لبيتنا انا وعامر" ..حسيت بحضنك بشيء غريب ..حسيت براحة بامأن ..انت الوحيد الي وقف معاي وانت الوحيد الي فوقني ..

ماهر :الحمد الله انها اتضحتلك الصورة وحبي لك المستور انكشف ..وآخيرآ راح يجمعني فيك القدر ..فعلآ مهما جرى فأنت قدري وانت الهوى ........الله لايحرمني منك

غزل:ولا منك....قالت بعقلها...


انته منته الاولي لكن عساك انته الاخير
مصلحة وأغراض ياما ناس حبوني كثير
انته منته الاولي لكن عساك انته الاخير
بالوفا والود بنينا حبنا هذا الكبير
بس انا خايف يكون الحب ذا عمره قصير
انا من اللي مر علي
صرت اشك في كل شي
حتى في نفسي اشك حتى في نفسي اغير
انته منته الاولي لكن عساك انته الاخير
عندما اشوفك ونتبادل انا وانت الحديث
لي يشوفونه قديم الناس انا اشوفه حديث
انت سلوة خاطري
ما خطر في خاطري
انت بدري اللي اكتمه في سما عيني ينير
انته منته الاولي لكن عساك الاخير



×××××××××××××××××××××××××××××××××

رجعو للشرقية ولدت نهال وجابت ولد سمته حسن...الكل فرح وتحمدلها بالسلامة..عاد جلست عند امها هي وحازم ...عشان فترة الولاده امها تهتم فيها ..ولكن هي بالاساس بتسكن ببيت حسن ابو حازم...لهم جناح هناك..

وعارفين من زارها نهى صديقتها "الطيبة" وهي تزوجت ومبسوطة وعايشة قريب من اهلها..اعتذرت عن التقصير واعتذرت نهال منها لنفس السبب..وتواعدو انهم ماراح يقاطعو بعض ..

::::::::::::::::::::::::::::::::::

غازي صبره نفذ والشال "شال غرام"تعبه وزاد اشواقه وحرك مشاعر الحب داخلة اصر على اهلة انهم يروحون مرة ثانية ويشوفون رايهم وياخذون الرد منهم...

راحو لبيت محمد ومحمد كارهم ...ويوم طلبو يد غرام وللمرة الثانية ..قالهم انا قلتلك هي بتكمل دراسة لاتنتظرونها وانا بصراحة مابي ازوجها الا من العيلة ...

ابو غازي تفهم الموقف وقام عادي...لكن غازي الي حقد وانقهر من محمد لية يرفضة ومرتين ..حرام يضيع حبه لغرام ..وحرام هذا يرفضهم من غير سبب..

غرام يوم دريت ان فارس احلامها خطبها للمرة الثاية وابوها رفض ..عصبت وانقهرت وكرهت ابوها ..غازي بالنسبه لها حياتها وروحها الي مستحيل تعيش بدونها ..طلعت غرفتها وجلست تضم ورقة الضومنة وهي تبكي حرام ينتهي الحب وهو مابتدآ حرام عليك يايبة يا قاسي ..انا مابي من الدنيا الاوجودي بقرب غازي ..هو الوحيد الي سكنته داخل قلبي هو الوحيد الي سرق افكاري ...آه ياقلبي الله يصبرك على الحياة بدونه ..

مرت الاربعه الشهور حقت الدراسة ماصار فيها شيء ..انتهت السنة ,.والحين الاجازة الكبيرة..ونسيت اقلكم ماهر خطب غزل ..واتحدد زواجهم مع ناصر ونبيل زواج ثلاثي ..

للرسام الي نثر احاسيسة على اوراقة طول ماكان بعيد عن حبيبته..وللمضحي الي ضحى بسعادته عشان سعادة حبيبته وعشانه تحمل القهر طول ماكانت حبيبته مع غيرة.. وللهادي الي حبه عاش بقلبة من الطفولة وكان يكتفي باشعال سيجارة تنسية همومه وحب حبيبته لغيرة ...لكن الحين كلن حصل على حبيبته وكلن يقول لحبيبته "مهما جرى فأنت قدري وانت الهوى"

فعلآ تم الفرح وكان من اجمال الافراح ..فرح ولدين"ماهر وناصر" وبنت"مناهل" صاحب شركات البترول والمعادن حسين..على بنت التاجر حسن"غلا" وعلى بنت المحامي محمد"غزل"..

كان فرح مكلف وجميل ورائع الكل انبسط وكان سعيد..وفرحتهم هذي بالنسبة لهم كانت عيد..

ماهر اهداء غزل الهداية الي جابها من بريطانيا لها وهي طارت فرح وماصدقت انه هوافتكرها وهي ماتدري..وشافت الصورة الي هو محتفظ فيها من ايام لماكانت هي بالمتوسط وطاحت بالسيارة وماهر اخذها وقالتلة انها هي مافقدتها....وعرفت ان العطر الي شراه لها عامر هو من ذوقة وان الاسوارة هو الي حطها بكيس الذهب..قالتله والله ياماهر انت تستاهل اني احبك...فعلآ انت كل حركاتك تدل انك كنت تهتملي وتحبني الله لايحرمني منك

÷÷÷÷÷÷÷÷÷÷÷÷÷÷÷÷÷÷÷

كانت غرام تحاول تنسي وتصبر نفسها ان غازي ماراح يكون من نصيبها ...الين جاها كرت الدعوه كرت الدعوة لحظور حفل زفاف "غـــــــــــــــــــــــازي" جن جنانها بكت من القهر والحزن على نفسها خلاص راح الحب خلاص ياقلبي تحمل تحمل واصبر وانسى ..

قضت يومها كله بكى كرهت نفسها وكرهت ابوها ...

حاولت تخرج واليوم الثاني طلعت من غرفتها تبي تنسي نفسها ...وجلست بالصالة جاتها فاتن وجلست معاها ...

فاتن:يالله الحين غزل ببريطانيا مين يصدق

غرام: لاوبشهر العسل......ههههههه .. الله يسعدها

فاتن وهي تضحك:آمين

فاتن:الا دريتي ان صديق نبيل الي اسمه ياربي أيوة غازي الي يوم طحتي هو الوداك المستشفى...زواجه بعد يومين..ياحليله عازمنا

غرام تحس بألم في صدرها :ايوة

فاتن:طيب نبيل مو غازي صديقة ..مو نبيل على اساس انه بيقضي شهر العسل بفرنسا

غرام:اجلوها لبعد زواج صديقة "حتى ماقالت اسمه

قامت تحس انها مخنوقة لاحد يذكرها ان حبيبها بيتزوج من غيرها تحس بضيقة ..ياقلبي عليك ياغلا يوم اقلك انسي عامر عامر مو ليك لغيرك توني حسيت فيك ...النسيان ماهي حاجة سهلة وتوني حسيت بغيرتك وبقهرك والله ودي اروح واولع في البنت وامووت مستحيل احد ياخذ غازي مني ...آآآآه ياقهر . ...

وبعدها بيومين حضرت عرس حبيبها غازي ولبست فستانها الاسود تعبيرآ عن حزنها...ورقصت على الاغاني الحزينة اغاني الموت والفراق...وسلمت على امه وبعيونه الحسرة والندمه...

وشافت عروسته وبعيونها القهر والغيرة,..والحزن,,,,,وسلمت عليها وباركتلها.. وتمنتلها السعاده وعينها كلها دمووووع .......

ياسبحان الله عروسته جدآ متكبرة وشايفة نفسها....والله حرام تكزون لغازي الطيب ,,يالله ياقلبي اتمنالك السعاده ..

روح ياغازي اللهي يسعدك وين ماتروح ويبعد عن قلبك كل الجروح...اما انا عن درب حبك وين اروح ...وان كتمت حزني بغيابك عيوني تبوح... كل شيء بحياتي مستعده اخسره ويروح...الا انت غيابك صعب لانك بداخلي الروح...

رجعت لبيتها حزينة والحزن مالي قلبها خلاص انكسر الامل بحياتها خلاص الي تمنته ضاع ومستحيل يتحقق...نامت وورقة الضومنه في يدها والدموع مالية خدها ..

^^^^^^^^^^^^^^^^^^^^^^^^^^^^^^^

مرت سنة سريعه كانت هادئة ومافيها أي مفجاءت ...

رجعو العرسان طبعآ من شهور العسل " مو شهر" ...

غزل حامل ..ومرة مبسوطة ..والكل مبسوط عشان حالتها تغيرت من بعد زواجها للأحسن ومن بعد حملها كمان...يمكن لها اربع شهور

والمفاجاءة الكبرى فاتن حامل ... توها مالها شهر..

غرام حالتها النفسية تحسنت مرة رغم الحزن الي في قلبها الا انها قدرت تساعد نفسها على النسيان والعيش بلا حب ولاحنان..

حلا وصلها خبر زواج حمد من حبيبته السريه بنت كانت تدرس معهم بكلية الطب..جن جنون حلا وجاتها حالة نفسية اخر ماكانت تتوقعه انه حمد طول هالفترة كان يكذب عليها ويوعدها بوعود مزيفة وهي ياحرام صدقته ...

هالمره خسارتها لحمد حطمت حياتها صدق ماكان حبها له كثر حبها لسيف لكن ..صدمة وراء صدمة ..تصير مصيبة وتأثر على القلب..فعلآ تأثرت وجاتها حاله نفسية زاد حسدها وقهرها وحقدها وحست انها منبوذة من الكل وان الكل سعيد الا هي ..

صارت تكره كل الناس سيف حمد وصارت تكره حتى نفسها....

واخر شيء سوته حاولت تنتحر..امها لحقت عليها على اخر لحظه..وودتها المستشفى النفسية ..من كثر البلاوي الي سوتها ..قالت هذي مايبيلها الا مستشفى نفسية..

غازي طلق زوجتة طلعت تكلم شباب ومسكها متلبسة ..والغيرة والقهر ساعدوة انه يطلقها وبالثلاثه ...

رجع غازي لبيته حزين تعبان ...حتى امه لاحظت هالشيء ...وصار منعزل بغرفته وحاظن شال غرام...

مرت علية شهور حزينة بعد ماطلق زوجته ..خلت امه تشيل همه ..حست ان ولدها بيموت ...حاولت تكتشف وش هو السبب ...الين اكتشفت وعرفت ان تعب غازي مو من طلاقة ولا من حالته ..الا من الشال الي معه وهو شال غرام ...

كلمت زوجها انهم يروحون ويخطبون غرام مرة ثالثة ..ابو غازي عصب وماوافق..لكن يوم شاف حال ولده الي كنه بين الحياو والموت ...وافق..

وفعلآ راحو وخطبو غرام للمره الثالثة..محمد استأذن منهم ..واجتمع بالصالة مع زوجتة وغرام وقال بصوت عالي " غرام ماهي أخذ من برة العيلة وخصوصآ غازي"

غرام تجمع الدمع بعينها لايبة تكفى هذي المره لاتقول لا حــــــــــرام عليك انا وش يصبرني..والله احبه احبه واموووت فية...

طلعت تركض لغرفتها وقفلت الباب على نفسها..
محمد دخل عند ابو غازي وقال انهم مو موافقين....

%%%%%%%%%%%%%%%%%

بعدها بكم ساعه مريم تدور على غرام طلعت غرفتها ...لقيت الباب مقفل دقت دقت محد فتحلها ..ويوم نادت سيف وسيف كسر الباب لقيوها طايحة بالارض ومعاها علبة دواء ..بالعه نصها.. شالوها وودوها للمستشفى..

سولها غسيل معده..والحمد الله انهم قدرو ينقذونها على اخر لحظة ..البنت بغت تموت والسبب في ابوها وعناده..

طبعآ محمد فهم السالفة وعرف ان بنته تبي الرجال وانه غلط بحقهم ..تندم تندم وقال بعقلة انه لازم يصلح خطه..

بعدها بكم اسبوع ..راح محمد لابو غازي وتأسف منه وقاله انا اعتذر بس كنت ابيها لولد عمها وولد عمها ..مو مثل غازي غازي احسن منه..والحين انا اطلب منك انك تطلب يد بنتي لولدك لانكم انتو اهل نتشرف احنا لما نناسبكم..

طبعآ ابو غازي رجال محترم وطيب..قاله وانا موافق ..وولدي شاري بنتكم من زمان وهو الحين تعبان مايبي غيرها..ويافرحته اذا عرف بهالخبر..

غازي ماصدق خبر يوم عرف انهم وافقو على انه ياخذ غرام...وامه بكت من الفرحة وهي تشوف ولدها يضحك من بعد سنه وكم شهر وهو حزين واتعس انسان حمدت ربها من كل قلبها...

تزوجته وردتلة ورقة الضومنة وجلس يضحك ماصدق انها هي الاخذتها وماصدق انها كانت تحبة من قبل هو ينقذها ..وهو ردلها الشال ...وفعلآ مهما جرى فأنت قدري وانت الهوى...

الكل فرح بالزواج هذا خصوصآ نبيل......لان غازي صديق روحه..

^^^^^^^^^^^^^^^^^^^^^^^^^^^^^^^^^^^

يوم من الايام كانت فاتن بجناحهم وسمعت قربعة وصوت اشياء تتكسر بالغرفة المقفلة..الي محرومة انها تدخلها...شياطين اللقافة قامت عندها..لكن هدت نفسها وتناست الموضوع ..

وبعدها بيوم مرت من عند الغرفة وشافت الباب مردود...قربت والفضول نساها تهديد سيف لها ..وقربت وهي كلها فضول تعرف وش المخفي وش الي حارص علية سيف انها ماتشوفه وحرمها من دخول الغرفة من اول يوم...قربت وقربت ويوم...فتحت الباب...

شافت الي ماتوقعت ...غرفة خالية من الاثاث....مطفية الانوار الا من لمبة صفرة في سقف الغرفة... وصور سماهر في كل مكان و معلقة على الجدران .. دمعت عيونها حست بمغص في بطنها ..حست بحركة خلفها يوم التفت لقيت سيف وراها وكل علامات الغضب مرسومة بوجهه..شهقت من الخوف ومشت وتركته..وهو وقف في وجهها ..ويناظر فيها ..والقهر مالي قلبة..وهي ترجع على وراء وهو يمشي بوجهها ..وهي ترجع وهو يخاصمها" مين امرك تدخلين انا وش حذرتك...وهي دموعها تنزل... " قام وضربها وشدلها شعرها وهي تصارخ وتبكي... طلعت برة الجناح وهي ترجع على وراء وهو يمشي بوجهه..ويخاصم رجعت على وراء وهي تناظر بعيونه وهي تقول اسفه وهو بيضربها لكن طاحت مع الدرج...

تقلبت تقلب فضيع...وهي حامل ...وسيف يناظر مو مصدق وهي تصارخ الكل تجمع..مريم محمد..

فاتن اغمى عليها طلبو الاسعاف وشالوها .........

ودوها المستشفى طبعآ الجنين مات ....وهي ............

فاتن الروح الطيبة تدرون وش صار فيها........
X