روايتي ((مهما جرى فأنت قدري وأنت الهوى))

ماشالله دلوعه عندك موهبه حلوه الله يوفقك والى الامام ولي رجعه باقي الجزء التاني لسه ما قراتو ومتابعه ان شالله معك

رجفة احساس

اسعد انسان
بنوته مرجوجه

مخطوبه عن قريب
ام الحسناء
رنـــــــــــــــــــــــــــــــو
اللي جاني يكفيني

مشكورين ع المتابعه والقادم اجمل باذن الله

روووووووووووووووووووووووووووووووووووووووووووووووووووو
وووووووووووووووووووووووووووووووووووووووووووووووووووووو
ووووووووووووووووووووووووووووووووووووووووووووووووووووووو
وووووووووووووووووووووووووووووووووووووووووووووووووووووووو
وووووووووووووووووووووووووووووووووووووووووووووووووووووووو
وووووووووووووووووووووووووووووووووووووووووووووووعه
وبالانتظار

الجزء الرابع..

غرام بصوت واطي: أيش في يامجنونة ..ايش تبغينا نسوي اخاف احد

يصحى

غلا بصوت واطي: تعالي وانت ساكتة............وسحبتها ونزلو تحت

وفتحت باب البيت وهي متقدمة وشادة يد غرام وراها...تركت غرام يده :أنت وين بتوديني

لفت غلا وقربت منها وبصوت واطي: يعني وين عند أخوي ...تعالي بلا بلأهة

غرام: وين.اول شي قوليلي.

غلا باصرار :تعالي وتشوفين بنفسك

سحبت يد غرام وركضت الين وصلتها لحد المسبح

غرام وعيونها مفتوحة:يامجنونة وش يدور في راسك

غلا طنشتها وراحت عند الجدر وردت ومعاها شنطة متوسطة العرض حطتها بالارض وفتحتها ..وطلعت مايوهين والي على الراس ونظارات ومساك الأنف.. ومنشفتين وهي تطلع

غرام جلست مقابلة غلاو صقعتها بشويش على راسها: انت ايش صار لعقلك جنيتي

غلا: لا بس مشتهية اسبح ومجهزة مايوة لي ولك عشان نتسبح بالليل ولا تخافين الرجال نايمين وصاحين من بدري ومانمو الا متاخر ...

غرام بستخفاف وهي حاطة يدها على خصرها: لاياشيخة

غلا وهي تاخذ ملابسها انا ماعلي منك أنا رايحة اخذ شور واحط هذي على راسي واتسبح ولا من شاف ولا من دري وانت اقعدي اتفرجي

وراحت الحمام الي جنب المسبح وقعدت تفكر غرام والله وانها صادقة غلا ماحد داري والكل نايمين ومالهم ساعة وخليني اتسبح معاها قبللا ييوسخون الرجال المسبح ومامداني اتسبح.. قطع حبل افكارها صوت غلا الي جاية وهي مستعدة: ها ايش قررتي

غرام وهي مترددة: على امرك نتسبح نتسبح ..

غلا وهي فرحانة : هاي تحيا القوة تحيا المغامرة

غرام تصقعها : رخي صوتك لااحد يسمعك

غلا : يالله روحي خذي شور وانا ماراح استناك بطب قبلك

غرام: على راحتك

فعلا طبت غلا قبل غرام وقعدت تتسبح وخشت جو واما غرام دخلت تاخذلها شور....وغلا في امان الله تتسبح شوي سمعت حركة عند الاشجار طلعت راسها من الموية وقعدت تناظر باتجاة الحركة شافت سواد ولا كانة احد مو جود وطالعت في السماء شافت الهواء يحرك الاشجار من الناحية الثانية اتنهدت ارتاحت مافي احد هذا صوت الهواء ....رجعت وتسبحت وشوي جاتها غرام وطبت معاها وتسبحو ساعة الا ربع ~"يعني صارت الساعة 3 الاربع وطلعو بالقوة غرام كانت شايلة هم احد يصحى ولا غلا ماعندها مشاكل لو تتسبح للفجر طلعت غرام واخذت ملابسها والمنشفة وجات بتدخل قبلها قالت غلا خلاص انا اطلع ودخلو الحمام مع بعض هم حمامين جنب بعض.. طلعت غلا قبل غرام وجلست على كراسي خشبية جنب المسبح جلست تفكر في حبيبها الي ماعلمت احد عنه .. تسدحت على الكرسي وهي تقول في عقلها .. والله والله أحبك ..وأبتسم عشانها تذكرتة وفجاءة وهي مقفلة عيونها والهواء يهب على وجهها .. سمعت حركة فتحت عيونها بقوة وجلست واتلفتت يمين يسار مافي احد قامت بتجاة الصوت وخافت من الظلام ورجعت مكانها ....واول مارجعت شافت غرام خارجة من الحمام .. قالتلها : ايش رايك نقعد ولا نطلع ننام

غرام وهي خايفة: لاياشيخة تبين ينكشف امرنا .. يالله ندخل وبطليك مغامرات زايدة

ضحكت غلا بخفة: حاظر بس توعديني نعيدها

غرام وهي مفتحة عيونها: لاياشيخة

غلا وهي تضحك:لاخلاص امزح معاك

ودخلو البيت بيشويش بيشويش عشان لااحد يحس فيهم وطلعو غرفهم ونامو..

اليوم الثاني الكل صحي بدري الا غلا وغرام والكل قعد يتريق عليهم نومات نومات مادرو انهم اخر من نامو....

اليوم الغداء كان على حسن ابو حازم .. وضبطلهم ذاك الحاشي وسوالهم سلطة من مزرعته وغلا بنته بعد ماصحيت الساعة 2 ونص سوت حلا يعني يعني يوم ابوها لازم تبدع.. غلا على قد مافيها مغامرات على قد ماهي طيوبة وست بيت حقت واجب

قبل الغداء الكل استغربو من اشكال غرام وغلا : وش فيكم عيونكم حمر

غلا وغرام طالعو في بعض

غرام: مانمنا زين

على الغداء الكل اثناء على طبخ ابو حازم بس قالو الملح قليل ..منيرة تدافع: هو قلل الملح بالرز وعوضة في السلطة

الكل: هههههههههههههه

والرجال كمان أثنو على طباخ ابو حازم بس ما انتقدو الملح الرجال ماهم زي الحريم نقاقات ..

واليوم تقهو الرجال مثل امس في العريشة والحريم نفس الشي .. وبعد الغداء الرجال راحو على المزارع.. والأولاد طبو بالمسبح وهم فرحانين ..وناصر الي ماكان يحب يترك الخيل ويبدي السباحة ..اليوم هو اول من طب .. ومعاه سيف ونبيل الي من عشاق السباحة نبيل وحازم مرة يحبون يتسبحون وعليهم حركات تجنن.. اما في الخيل الابداع عند ناصر وسيف..المهم هم تسبحو والرجال بعد ماشافو اغنامهم والدجاج وشاف حسن نباتاته العزيزة وتمشولهم شوي ..ردو واخذو شور سريع وطبو بالمسبح مع العيال وهتلك وناااسة وتنكيت .. عاد الرجال مرة خفيفين دم ونكوتينن..

الحريم بعريشتهم وعليهم طرحهم ..لأن المسبح يشوفون جزء منه ..فلما نزلو رجالهم تحمسو

منيرة: مريم فريدة هذولا رجالنا طبو بالمسبح تعالو شوفو

قامو الحريم وطلو: اية والله تعالو نقرب شوي.. قامو من مكانهم وقربو شوي بس الرجال ماشافوهم... وهم يطالعون ويضحكون

فاتن قامت بشويش والكل استغرب البنات ماهتمو: لان مافي احد يهتم لواحد من الرجال

قامت وأنضمت للحريم وتطل براسها من وراهم الين شافت سيف حبيبها ..ياعمري ..أبتسمت من قلبها .. يسعدة ربي ماشاءالله علية يعرف يتسبح..

وهم منسجمين ويطالعون والكل يطالع في الي يحبة وشوية جاء وائل يركض من جنبهم ...

وراح جهة الرجال ....وأئل : بابا بابا جدو ...الحريم"ويأشر" يطالعون فيكم مو عيب

الكل التفتت وجات عين سيف في عين فاتن الي استحت وراحت تركض وجلست مكانها وهي منحرجة

المهم الحريم رجعو وهم يضحكون....منيرة :والله فشلة الرجال شافونا واحنا متجمعين

حلا بقهر:انتم ماعلية لكن هذي الملقوفة فاتن وش وداها معاكم

الكل طالع فيها وهي انحرجت وطالعت بالارض

مريم :هذي حبية قلبي كل مارحت مكان هي الوحيد الي تجي معاي ماتحب تشوفني لحالي

حلا:والله مادري وش عندها اظن عندها شيء ثاني

فاتن ساكتة وهي مقهورة

مناهل:وانت ايش دخلك خليك في حالك وخليك مع حمد اقصد حمدة ولاتكلمين احدغيرها

هنا حلا فتحت عينها:ـــــــــــــ

قامت مناهل وأخذت يد فاتن: يالله فاتن ..وأخذت فاتن ودخلو البيت

منيرة تخاصم حلا: وش الي سويتة

حلا: خليها تستاهل

منيرة وهي مفتحة عيونها "معصبة": شغلك بالبيت

مريم:والله يابنات عيب عليكم هالحركات انتم خوات

حلا: خالة هي الي بدت

مريم: مو انت أكبر منها المفروض تكوني اعقل منها

هنا حلا استحت على وجهها وسكت...

في الليل 10 ونص البنات كانو على التلفزون ومتونسين ...والحريم يتقهون ويسولفون.. منيرة كان عليها العشاء " الرجال الغداء والحريم العشاء "

منيرة وهي تنادي:سورياتي سورياتي

فاتن:ها خلا وش بغيتي انا اروح

منيرة:عفية عليك بنتي قوليلها توط على الرز الي على النار خلاص 10 دقايق ويستوي

فاتن وهي تقوم :حاظر

قامت وسوت زي ماقالتلها ورجعت وجلست معاهم

فاتن قعدت معاهم وهي تلعب وائل ولؤي ..

عند الرجال قاعدين يلعبون ورق " باصرة" والعيال مشغلين الانوار الي بالحوش ويلعبون كورة..

المهم بعد ربع ساعة الكل تجهز كانت الساعة 11 تمام

حطو العشاء بمساعدة حازم ونبيل وناصر..

والبنات حطو العشاء عندهم بمساعدة غلا وغرام وفاتن..

تعشو وشربو الشاهي الحريم الكبار بعد ماتساعدو في المطبخ سطلو ونامو ...والرجال على وحدة بعد مانهلكو لعب حطو روسهم ونامو..عاد الرجال ينامون ببيت الشعر .. والحريم لامتحظرات ينامون في غرفهم..

كالعادة نهال وحلا وغزل ماقاومو النوم ونامو.....فاتن ومناهل سولفو الين داخو ونامو غرام أخذتلها شور وغلا اخذتلها شور نزلو ياكلون دخلو المطبخ

سولوهم كاستين شاهي غرام بدون سكر. اما غلا كان شاهيها حالي.. جلسو على الطاولة الي بالمطبخ .. وخذولهم شابورة وقعدو يغمسون .. وكانت شعورهم مبلله .. المهم قالت غلا: يالله نطلع نتمشى بالحوش ..خاطري ناخذلنا دورتين

غرام تطالع بالساعة 2 : مجنونة الحين منتي صاحية

غلا : أمس كنا بهذا الوقت نتسبح

غرام :يالله بس دورتين

غلا وهي تبتسم: ياي يحيا اللعب تحلى الوناسة

غرام: وطي صوتك لاتصحين النايمين

غلا: حاظر

وقامو وطلعو بالحوش .. وسولفو عن الطفولة وأيام البراءة ..سولفو عن لما كبرو وكيف الحياة تغيرت كيف الواحد لما يكبر يتغير.... دارو يمكن عشرين دورة

غلا: أي تعورت تكسرت رجلي

غرام: انا أسفة انا متعودة أمشي عشاني أحب الرياضة ونسيتك ..يالله ندخل

غلا: لا تعالي نجلس على الكراسي الخشب الي عند المسبح

غرام بالساعة3 : واو أخذنا الوقت يالله نطلع ننام

غلا وهي توطي صوتها: أبي قلك على شيء تعالي نجلس على الكراسي

غرام أستغربت من حال صحبتها: طيب يالله

وراحو وجلسو على الكراسي

غلا ونظرتها كلها دموع: غرام أنا مشتاقتلة

غرام مفجوعة: مين .؟مشتاقة لمين

غلا: أنت وش فيك .. لحبيبي الي حكيتلك عنة قلتلك أني أحبة من أيام الطفولة

غرام: اها ...لية هو وينة

غلا وهي تطالع فوق: مسافر

غرام: أها ......تحبين مااااهر

غلا وهي تطالع مفجوعة: لاياعبيطة .........أنا أحب عامر

غرام والصدمة بعيونة: امانة ولا تعلميني

غلا: اية كنت أحبة من صغري والله أحبة أحسة شجاع ويحب خواتة ومايحب احد يغلط عليهم مو زي حازم الي كان يضربني قدام العيال يعني يعني قوي.. ومن حينها حبيتة حتى في أحلامي لاقيتة..وحبيب قلبي سميتة

غرام وهي منسجمة:طيب وبعدين

غلا: ولا بعدين

غرام: قصدي ايش صار

غلا: ماصار شيء كبرت ومازلت احبة تتوقعين..( غلا وهي تعدل قعدتها) غرام غرام تتوقعين امه تشوفني يعني تفكر اني كويسة وتخطبني لة ؟!..

غرام: والله مدري بس ان شاءالله

وشوية سمعو حركة من عند الشجر

غرام: بسم الله ماأقلك خلينا ندخل

غلا: ماعليك ماعليك هذا الهواء

غرام : والله وانك عبيطة الهوء ها .. هذا المكان اتوقع انة مسكون ..لأننا يافالحة مانجية الا في الاجازات ..فاتوقعي أي شي

وقامت غرام: انا رايحة أنت خليك مع تهيأتك قال هواء قال

((((وفعلآ ماكان هواء بس أيش تتوقعونة كان))))

قامت غلا وهي طفشانة: على امرك ودخلو البيت وحطو روسهم ونامو...

&&&&&&&&&&&&&&&&&&&&&&&&&&

من بكرة الكل قام بدري الا غلا وغرام ..

الساعة2 فتحت غرام عيونها ..ولقيت فاتن فوقها : يالله يانوامة قومي ....وش النوم هذا ..اليوم الغداء على ابوك ..وأنت تشاخرين

غرام فتحت فمها بتتكلم وتحس حلقها يعورها: ـــــــــ

فاتن حست أن غرام فيها شي: غرام وش فيك لايكون تعبانة ..

شالت فاتن يدها وحطتها على جبهتة غرام: أوف ياويلي زي النار..أبروح أعلم خالة

قامت ومسكتها غرام وتتكلم بصعوبة: لالا الله يخليك لاتعلمينها

فاتن وهي معصبة: كيف وأنت كذا تعبانة

غرام: انا الحين أخذلي دوش وانا شاءالله اتحسن

فاتن تكذب عليها : طيب يالله قومي

وراحت تصحي غلا ونفس الموال فتحت غلا عينها بثقل وبتقلها "الساعة كم " ماقدرت حطت يدها على حلقها: أي حلقي يعورني

فاتن بذكاءها: ياويلي منكم أنتم أمس وش مسوين

غلا بغباءها وتفتح عيونها: لية غرام قالتلك شيء

فاتن وهي تحس راسها: لابس انا عرفت

قامت ونزلت تحت وسوتلهم كأستين ليمون ثقيل مع ملعقة عسل بكل كأسة وجابتلهم بكت الباندول وكأستين موية ..وهي بطريقها لفوق شافتها مريم

مريم: فاتن ليمن هذا

فاتن أنفجعت: ها لا مو لاحد ..الا لي غرام وغلا روسهم تعورهم

مريم: ها وش قلتي .. "وتمد يدها لصينية" عطيني أياها انا اروح أشوفهم وأنت خليك بالمطبخ مع غزل أذا نادا ابوهم أرسلي غزل

طلعت وتركت فاتن عند الدرج

ويوم طلعت لقيت غرام طلعت من الحمام.. جات تركض ناحيتها .. ها وش فيك ..

وحست راسها : ياويلي درجة حرارتك مرتفعة .. أيش صابك

غرام وهي خايفة: يمكن صابني يرد

مريم تعرف بنتها: قولي الحقيقة

غرام :اقول وماتخاصميني

مريم وعصبت:تكلمي بسرعة

غرام وهي مترددة: أمس تحممت وطلعنا انا وغلا نتمشى شوية واخذنا الوقت وقعدنا ساعة

مريم وعيونها محمرة:لا بارك الله في ابليسك وانا اقول غرام ماينخاف عليها غرام عاقلة وفاهمة

غرام تدافع عن نفسها: والله ياامي أقولك نسيت نفسي نسيت اني متحممة

مريم مدت يدها بتضربها جات فاتن من وراها ومسكت يدها: صلي على النبي ياخالة حصل خير الحين تأخذ الباندول وتتعافى ان شاءالله

مريم وهي تناظر في غرام والشرار يطلع من عيونها: عشان فاتن بس والله .. أستغفر الله العظيم ونزلت تحت وشافتها منيرة

منيرة : وش فيك يامريم

مريم وهي معصبة: غرام طالعتلي بالليل وهي متحممة مع بنتك ويتمشون بالحوش وصفقهم الهواء وهذا هم طايحين في الفراش ودرجت حرارتهم مرتفعة

منيرة مفجوعة: والله

مريم:اية ولا كنهم كبار حشى الاطفال مايسون سواتهم

جات فريدة وهي سامعه الهرجة: مافيها شيء والله غرام انا اعرفها عاقلة تلاقينها نسيت واخذها الهرج خلاص يام سيف طولي بالك واخذتها لصالة وجلسو

وفريدة تضحك:ههههههههه

مريم معصبة: أيش يضحك الحين

فريدة: واالله أظن أنك من زمان ماضربتي أحد ..والحين ماصدقتي شيء يضايقك قمتي وحطتي حرتك فيها هههههههههه

مريم: اية والله انك صادقة من زمان ماضربت احد وابوهم كمان مدلعهم وقاعد للعيال يخاصمهم وانا البنات قاهريني بدلعهم

منيرة بعد ماتطمنت على البنات : خلاص هدي حالكم هذولا هم البنات هاذ زينهم خفت حرارتهم والحين ينزولون ويسلمون على راسك

مريم:ــــــــــــــــــــــ

فوق فاتن واقفة وقدامها غرام والشرار يطلع من عيونها

فاتن تقرب وتمسك يدها: وش فيك ياغرام

غرام زادت عصبيتها وسحبت يدها : مادري وش فيني

فاتن زادت حيرتها: وش فيك

غرام وصوتها يطلع: انا ماقلتلك لاتعلمينها ..كنت عارفة انها بتخاصمني

فاتن:والله ماعلمتها

غرام: الا .... خاينة ......... لاتكلميني

هنا فاتن دمعت عيونها وحست بغصة في حلقها وماقدرت تتكلم..

هنا دخلت حلا الي كانت سامعه الهرجة كلها: أيوة انا سمعتها ياغرام تعلم امك وتقلها اضربيها وادبيها وخليها تترك هبال الاطفال عنها

هنا زاد قهر غرام وقالت: ماتوقعتك نذلة لهذا الدرجة

هنا فاتن ماقدرت وحست بحرار في وجهها كنة احد أعطاها كف.. مو معقولة صديقة الطفولة كذا تكلمني

حلا بخبث وهي توقف وراء غرام:شفتي كيف ماقدرت تكلمك

غرام: والله أنك صادقة يوم تقولين امس عنها انها ملقوفة

هنا ابتسمت حلا لاانتصارها

وماقدرت فاتن تمسك نفسها وقالت وهي مخنوقة: يجي منك أكثر ياغرام

وطلعت وتحس روحها طلعت معاها ..هذا جزات الاحسان ياغرام انا الي فزعتلك ونزلت اجيبلك الدواء كذا تسوين فيني .. طيب لوحدنا عادي سببني اضربني .. بس مو قدام الي يكرهوني.. تخلينهم يتشمتون فيني ..والله وتغيرتي ياغرام دخلت الحمام وبكيت لما قالت بس ....

عند الرجال قدام القدر الكبير كان واقف محمد اليوم الغداء غداه وجنبة الفزعه حسين الرجال الكبير .. ومعاهم سيف ونبيل وحازم جالسين جنب المسبح يسولفون...

حسين :ياسيف بالله عليك صحيلي هالنايم ناصر ..مادري وش بلاة صايرنوام ..حتى امس صحيناه في نفس ذا الوقت

حسن الحنون:لايكون تعبان ياخي لاتظلمة

حسين باصرار:/ياخي مافية الاالعافية قم صحية ياسيف

سيف دخل وصحاة وقالة وش فيك اعترف وقالة مانمت الا الفجر وقامو وحطو الغداء ..

وكاان لذيذ .. وتغدو الحريم بعد مانزلو غرام وغلا وأعتذرو لأمهاتهم .. تغدوفي السطح يعني يعني تغيير .. هذا اختيار غزل...

البنات الحمد الله تشافو.. وفي الليل نام الكل بدري واولهم غلا وغرام.. والوحيدة الي مانامت فاتن المسكينة المظلومة المجروحة.. نزلت دمعة حارة على مخدتها..مسحتها بسرعة وماقدرت تنام من كثر التفكير الي صار مايستاهل يتخاصمون علية ..وحتى ولو كنت المذنبة مالة داعي تعاملني كذا... قالت في نفسها"انا مازعلني الا اسلوبها.. والا انا اعرفها غرام طيبة وحبوبة وأنا مسامحتها..(وحطت رأسها ونامت)...

**وفي اليوم الثاني الكل صحى بدري ونبيل كان أوولهم وتفاجأءو أنه مسويلهم الفطور وحارق "صاجين " بس تعلم وحرقلهم الصاجين ورد وسوالهم فول وبيض وكبدة .. بس الكل أعجبهم طباخة وقالوة عاد الله يعينك كل يوم نبغاك تسويلنا

نبيل: ابشرو ماطلبتو شيء .. يعني اعتبر كلامكم انكم أخترتوني شيف ..

حازم: عاد لاتنفخون ريشة .. ترى يطير ويسيبكم ههههههههه

نبيل: اقل انت خلك في حالك ياغيور

اما الغداء فالحريم حزنو على رجالهم وقالو "خلو الطباخ اليوم علينا "

وفعلا الرجال وافقو .. والحريم بالمطبخ من 12 ومعاهم فاتن..ومناهل وغرام وغلا .. وسو سلطات وأيدامات وعصيرات ..والحلا على غلا زي كل مرة.. على 3 جهز كل شيء

ونادت مريم من جهة الباب الي يودي على بيتهم نادت سيف وناولتة صحونهم هو ونبيل وساعدهم ناصر..

وحطاوا الحريم غداهم بعريشتهم المستطيلة ..على الهواء الطلق ماكانت الشمس حارة وهم كان مظلل عليهم المظلة حقت العريشة كانهم في طلعة

واعجبهم الغداء والرجال نادو على الحريم وأثنو على غداهم وقالولهم فزتو علينا ..وطلبو منهم الشاهي...وقالت مريم انا بشرب معكم الشاهي وفعلآ طلعت وشربت الشاهي بعريشة الرجال هي وخوانها وعيالهم وزوجها واولادها .. وأستانست معاهم

اما فريدة ومنير جلسو مع البنات وشربو الشاهي .. وقررو انهم يتمشون برة "هم وراء مزرعتهم في جبال " قالو يالله نتمشى فيها .. وفعلآ راحو منيرة وفريدة يتقدمونهم وراها فاتن ومناهل .. ووراهم رام وغلا ووراهم غزل ونهال ووحلا أخر وحدة والجوال بأذنها" تتسمع أغاني"... وكانت تلاجة القهوة مع فاتن وصينية الحلا مع مناهل.. والفرشة مع غلا .. وطلعت فاتن بعد ماأكدت على المربية انها تتنتبه على الاولاد ..وطلعت وهي خايفة لأنها ماتثق بالمربية..

وطلعو الجبل ومشيو وكانت الساعة 5 طلعو الين ماحسو انهم تعبو وشافو برحة فوق جبل راحو وجلسو فيها .. فرشو الفرشة وجلسو وصبو قهوة وقعدو ياكلون حلا,, وأمدحت فريدة غلا على حلاها الطعم ..وطول الوقت فاتن ساكة ماتبي تتكلم تخاف احد يقعدلها خصوصآ ان الحين"أثنين شايشين عليها " وفي نفس الوقت كانت بس تطالع في الساعة خايفة انها تتاخر على الاولاد..

وهي تناظر بالساعة طالعت فيها حلاوقالت بخبث: أشوفك بس تطالعين بالساعة مواعده أحد

طالعت فيها فاتن وطولت نظرتها وشالت عينها وصدت..

مناهل طالعت في حلا والشرار يطلع من عيونها: لية تحسبينها زيك..

الحريم كانو خاشين جو مع بعض ويتهامسون "أسرار" ومنتبهو للخصام

حلا: لاياشيخة

مناهل وهي تقوم وتسحب فاتن معاها: اية والله صدق لاقالو "كلن يرى الناس بعين طبعة"

ومشو ونزلو من الجبال .. هنا أنتبهت منيرة لهم وقامت وقالت وهي تصرخ:بنات وين رايحين

مناهل: خالة بنرجع للبيت بنروح الحمام

منيرة :ربع ساعة ونلحقكم ..

وهم بالطريق قالت مناهل: والله وحلا يبيلها مين يقعدلها ويربيها انت لية ماتردينلها

فاتن:انا ماحب المشاكل

مناهل:والله وانك ضعيفة ..لا حبيبتي كوني قوية مع الي يغلط عليك

فاتن :انا مااحب ازعل احد ولا احب اخلي احد يشيل علي ....ايش استفيد بعدين

مناهل وهي حزنانة:ياقلبي عليك والله انك متسناهلين الا كل خير

ورجعو ..وفعلا كانت مناهل حشرانة سبقت فاتن ودخلت البيت .. اما فاتن جلست تدور بعينها الين شافت وأئل ولؤي جنب المسبح نزلت الطرحة على كتفها وراحت تركض بتجاههم وجلست على الارض مقابلتلهم وحضنت لؤي وتبوس فية وحضنت وائل وهي تقول: والله الهبلة عرفت انها ماراح تتنبهلكم

وشوي تطالع في لؤي وتأشر على المسبح وتقول : لؤي حبيبي المسبح انتبة لاتطيح فية

وائل /:حاظر



وشوي وهي تتمتم :والله قهرتني ميري انا اوريها

"انا اخذتهم من عندها" سمعت هذي الجملة من وراها..؟

التفتت لقيتة سيف جالس على الكرسي الظاهر أنة جالس يلعبهم وهي جات ولا أنتبهتلة لآنة جالس بزاوية على يسارها وهي جاية ماتنبهت لآن الجدار مغطي علية

انصدمت وحمر وجهها وكانت الشمس نازلة على تحت وجاي شعاع الشمس على عيونها ومفتح لون عيونها زيادة...طاحت خصلة على وجهها قامت ولفت الخصلة وراء اذنها ومرت من جنبة وراحت ووجهها احمر

ودخلت جوة وهي اتحس نار بوجهها ....

وشوي شافت خالتها وعلمتها ان الحريم الحين لاحقينهم ...وخالتها قالتلها انهم خلاص بكرة بيرجعون لبيوتهم...لانة بعد يومين بتجي جدتهم ولازم يجهزولها البيت ويرتبونه بيت اخوها"حسين" ..وقالتلها يالله جهزو أغراضكم..

وطلعت فوق وجهزت اغراضها واغراض الاولاد .. وعلمت مناهل ومناهل جهزت أغراضها واغراض اختها الدلوعة ومع بعضهم رتبو غرفت البنات الي كانت حايسة

وبعد مارجعو لحريم وسهر واستانسو نامو بعد مارتبو شنطهم على اساس اول مايصحو يمشو ..

وفعلآ صحيو بدري الرجال وقبلهم صحيو الحريم الي جهزو لهم الفول والبيض كافطور وجهزولهم الشاهي يصير يفطرون ويمشون .. فطرو وتقهو ..

وعلى هم بيمشو

سيف : يبة الله يخليك أنا وناصر نبغى نتسابق بالخيل من اول يوم كنا متحمسين...خلاص انتو براحتكم اما تنتظرونا او تروحون واحنا نتسابق ونجيكم



محمد:وش الي تقولة لا خلا ص مو وقتة

سيف: يبة عفية عليك تكفى طلبتك

حسين وهو يطالع في محمد: خلاص ياابو سيف خليهم يتسابقون عشان خاطري

محمد باصرار: ساعتين بس

سيف : مشكور

تجهزو سيف وناصر بلبس الخاص بالخيل ..ووصل خبر السباق الين عند الحريم الي ستانسو بالخبر .. وراحو مجموعتين الحريم والرجال قبلهم .. ودخلو ناصر وسيف اسطبل الخيول.."كل اجازة لازم يتسابقون مرة سيف يفوز ومرة ناصر..

وجهزو خيولهم عاد خيل سيف لونه بني فاتح .. وكبيرة اكبر من خيل ناصر الي لونها ابيض..

استعدو .. وشوي ترسل فاتن مع وائل موية ..وراح يركض وائل واعطى ابوة الموية

سيف وهو راكب الخيل وياخذ من ولدة الكاس: تسلم جات بوقتها "وشربها بجغمة وحدة ورمى الكاس" ..

صفر حسين الحكم .. وأنطلقو في صف وأحد وهذا يحاول يزيد السرعة والثاني يوصلة ..مرت ربع ساعة وهم متعادلين الين ما ناصر تعدى على سيف الي عصب وأنقهر وهو يقول لازم أفوز المرة الي فاتت هو فاز لازم أفوز وهو يسرع ويزيد السرعة ويزيد الين ماصار بمستواة وسرع وزود السرعة وصار متعدية وشاف ان ناصر قرب منة وحاول يحي بمستواة سرع السرعة وسرع وسرع الين مالفرس تعثر بحجرة وطاح سيف بكبرة على الارض

الكل ركض بما فيهم مريم وفاتن ... ..

وكان اولهم حسين ومحمد وحسن ....ونبيل وحازم بعدهم ... الين ماوصلولة وناصر وقف ونزل من خيلة .... لقيوة يتألم وماسك رجلة والدم ينزف من رجلة وكأنة بيصيح

انحنى حسين وطالع بالجرح: وي هذا ينزف ها تو شيء خلوني أرص علية

فاتن سحبت طرحتها: خذ....

وماحد أنتبه للحركة الكل مشغول بالي ينزف ..

وكانت مريم بدون طرحة وكلهم بثيابهم محد لابس شماغ أو غترة...

كانت حركة تضحية لحسن الحظ كانت لابسة شال مورد أخضر بوردي بس مرة قصير لفتة على راسها ..

حسين بعد ماضمد الجرح: اية كذا احسن.. يالله ياابو حازم تعال نشيلة نحطة بالجيب عشان نروح نسعفة شكلة يبيلة تجبير..

وفعلا تعاونو علية وشالوة وحطوة بالجيب وامه معاه

والسيارة الثاني نبيل ومعاه خواتة .. والجيب الثاني حسين بأهله

والجيب الثالث حسن بأهله

المهم طارو على اقرب مستشفى وطلع أنة أنكسرت رجلة وسولة عملية عشان يردون العظم مكانة" وكان كسرة كسر مضاعف" واصل الين العضم وكاسر جزء منة " وجبسولة رجلة .. وأخذت العملية 4 ساعات.. ومنعوة من ركوب الخير لمدة سنتين على الأقل وطبعآ من ركوب السيارة.. وعطوة أجازة شهرين بالقليل أذا اتحسن فيهم ممكن يرجع ويداوم....

عصب محمد: ان قايلة لايتسابق بس هو عنيد

حسين : ياشيخ أ تق الله ....هذا مقدر ومكتوب .., هذا الي ربي رايدلة

محمد : والنعمة بالله

حسن: أحمد ربك أنها عدت على خير

"لأنهم كانو بيبترونها لآن ماعاد صار فيها فايدة تقطعت الاعصاب ويمكن ماتقوم بوظائفها .. ويمكن لاسمح الله معد يحركها بس قالو في نسبة ضئيلة انها تتشافى بالعلاج الطبيعي اذا سو العملية فوافقو أحسن من انهم يبترونها له"

تنوم في المستشفى اسبوع والكل ..هناه على نجاح العملية وعلى قومتة بالسلامة..

في هذا الاسبوع الي كان فية سيف بالمستشفى ردت الجدة مع عامر بالسلامة والكل زارها في بيت ولدها وهناها ..,هم ماعلموها بامر سيف خافو عليها لانها هي كمان تحب سيف بس مو اكثر من عامر .. فأتفقو أنهم مايعلمونها بحادث سيف الا بعد مايطلع.. وهي جات يوم اربعاء بيليل ومن البكرة جمعت العيلة والكل اجتمع ولا كانه صار شيء عشان "لاتعرف" والجدة جات وجابت معاها موية زمزم وتمر وهداية والعاب لوائل ولؤي.. المهم بعد ماقهوها وجلسو معاها قامت الجده لغرفتها.. ولحقتها فاتن

فاتن: الحمد الله على سلامتك تقبل الله منك

نورة : منا ومنك ان شاءالله

طلعت علبة من شنطتها وفتحتها وطلعت سلاسال ذهب ولبستة جدتها:هذا لك ياعروسة

نورة: يازينك يابنيتي ..والله وأنت طالعة لآمك بالكرم وبحلاوة الاخلاق .."ومسكت السلاسال وتطالع فية "يالله عساني البسك في فرحك أحلى منة"

فاتن:امين

وطلعت وجلست مع الحريم..

وشوي جات الجدة وقالت للحريم: شفت الحليوة وش جابت وكشفت تحت طرحتها وبينت سلسالها

هنا انحرجت فاتن

مريم :ماشاءالله والله وهدية حلوة بس مين هي الحليوة

نورة:مين يعني غير بنت بنتي ريم

الكل طالع في فاتن

مريم:والله يجي منها ..هذي اخر هدية من الروح الطاهرة ريم "عاد هنا نزلت دمعة فاتن بس محد انتبهلها"

حلا تهمس في اذن غرام: والله ماجبتها كذا الاتبغى من وراها شي

غرام وهي تطالع فيها بحقد ا:يوة الله

تعشو عنده وطلعو..

الاسبوع الي قضاه في المستشفى كان مرة متعب ويوم الجمعة الكل كان عندة وارتحو مابقي الا ابوة طلع قال يروح يجيب امة عشان تجهز اغراضة عشان يرد البيت ..................

صحي على الساعة 8ونص وابوة وعدة 9 يكون عنده هو وامة .. اول مافتح عينة وشاف ورد قدامه على الطاولة ابتسم وقال" هذا اكيد من واحد من زملائي الي بالمستشفى

الغرفة كانت كل شيء فيها ابيض..ونور الشمس متسلل من الشباك الي جنبة ومنور الغرفة ...

وشوي انفتح الباب ودخل عامر وهو يضحك ومعاه باقة ورد: سلام

سيف وهو يضحك :وعليكم السلام والله ولك وحشة ياشيخ

حط الورد جنب الورد الثاني وجاء بتجاه وهو يقول: كمان جايتك هداي قبلي أهب عليك لو أنا طايح بدالك ماجاني شيء"سلم علية" ههههههههههه

سيف وهو يضحك: قول ماشاءالله

عامر :ماشاءالله بس قلي من مين

سيف : والله مدري شوف البطاقة

عامر وهو رايح ناحية الطاولة وشال الورقة ويطالع: مومكتوب شيء

سيف: والله مدري

عامر وهو يجلس جنبة: والله ماحسبتك غيور "قلت بعقلك مو معقولة يجي عامر ويهنونه وانا مايهنوني رحت وطيحت نفسك مع الخيل " ياغبي ,,,وهو يضحك بصوت عالي ههههههههههههه

عامر: الله يقطع شيطانك ههههههههه

عامر:بس الحمد الله على سلامتك

سيف :الله يسلمك والحمد الله على سلامتك انت كمان

عامر:الله يسلمك

وشوي فتح الباب ودخل ابوة ووراة امة وونبيل..

السلام عليكم

الكل: وعليكم السلام

وسلم على راس ابو سيف وعلى راس عمتة

محمد:انت مين علمك ان سيف بالمستشفى

سيف وهو مبتسم:افا رفيق عمري يطيح وماادري..هههههه...لا والله امي علمتني

محمد:أها

تكلمت مريم:يمة سيف كيفك الحين

سيف :لاالحمد الله احسن

مريم الحمد الله

عامر استحى:يالله عمة فمان الله

سيف :اجلس شوي

عامر: لا اجيك بالبيت ان شاءالله

مريم:الله معاك ياعامر



وشوي جاء نبيل وجلس جنب سيف:والله انك تكذب ماتعورك رجلك ولا شيء بس تسوي دلع

سيف وهو يضحك:لاياشيخ

نبيل وهو يمسك رجلة:احس اشوف اتعورك ولا لا

سيف يصرخ:ياغبي اترك ..."وهو ينادي"يبة شوف نبيل

محمد ماكان قريب كان بالجزء الثاني من الغرفة مع مريم يجهزون الاغراض

وجهزو الاغراض وطلعو من المستشفى وامة كانت مجهزتة المقلط تحت عشان مايتعب ويطلع الدور الثالث..فيها سرير وفيها حمام.. وفيها تلفزون وكل شيء

وجهزتة الشوربة وكلتة بنفسها :يالله الحين لازم تتغذى زين

وشوي جات غزل تركض وباست راس اخوها:اهلين وسهلين تو مانور البيت

سيف وهو يضحك :منور بوجودكم

غزل:ها كيف حال يور ليق "كيف حال رجلك"؟

سيف وهو يضحك: فاين

وشوي نزلت غرام وسلمت على اخوها واتحمدتلة بالسلامة..

وعلى العشاء زارة عمة حسين واتحمدلة بالسلامة هو ومرتة الي جات تتحمد لامة وجاء كمان عمة حسن ابو حازم وتحمدلة بالسلامة ....وزارة اثنين من اصحاب الي يحبونة مرة

المهم والكل على الساعة وحدة راح لغرفتة ونام......

وحتى سيف نام مادري الا وهو صاحي الساعة 6 التفتت حولة يحس انه ميت عطش ويحس حلقة ناشف يبي يصرخ يبي ينادي يقول انا عطشان اسقوني ولا اموت.. قعد يفكر ايش دراهم عني وانا لحالي تحت ...التفت بعيونة وشاف الخير جنبة ..صينية محطوط عليه فيها موية بكاسة كبيرة..و جنب الموية شوربة وكمان فطيرة في صحن..ابتسم: هذي امي ام البركة الله يسعدها

أخذ الموية وشربها شربة وحدة وكانه من يوم الحادثة ماشرب موية.. يسعده ولدي عطاني وانا راكب على الخيل موية أكيد امي الي عطتة...يسعدهم اولادي ماشفتهم .. نام وهو يفكر ومو حاس بنفسة ..ماقومة الا العطش...

فتح عينة الساعة 7 وشاف قدامة لؤي ووائل

أبتسم: يازينك ياولاد .........تعالو تعالو وقربو منهوباسهم وحظنهم

وشوي فتحت امه الباب

يسلمووووووووووووووووووووووووووووووووووووووووووووووووووووووووووووووو

ياقموووووووووووره
:):):)

يسلمووووو ياررررررروحي اكملي

مخطوبه عن قريب ....رجفة احساس..... رنو.... صفاء
مشكورين ع المتابعه اللطيفه

اول مرره اطلق يدي على الكيبورد واشاااارك صرااحه روايه روعه اهنيييييك

نستني البااارت الجااااااااي

ما شااااءالله حبيبتي
روعة..احب الرومانسية...بس بعدني ما قريت كل القصة...بقرأها و اكييييييد بتعجبني
تسلمي ع عالأحساسا المرهف

قصة جميلة

كيان ...........دلوعه ابو البرنس.........حبيبة امها
مشكورين ع المتابعه

الجزء الخامس..

مريم: ها صحيت ...صباح الخير

سيف وهو مبتسم ويرفع نفسة عشان يجلس: صباح النور

مريم جيت أخذ العيال خفت انهم يصحونك فاتن تنتظرهم برة بيروحون معاها الروضة وقالتلهم ادخلو سلمو على ابوكم بس لاتصحونه الله يهديهم صحوك

سيف: لا عاد أصلآ انا من أول صاحي."ضحك" تسلمين يمة على الاكل

مريم وأثار التعجب على وجهها : أي أكل.. تقصد أكل أمس

سيف: يمة أقصد ألفطور وكأسة الموية والفطير والشوربة" والتفت يدورة "كان قبل ساعة هنا "ومالقاه

مريم وهي تضحك:شكلك ياسيف من التعب قمت تهلوس وينة الله يخليك .. وبعدين ياحبيبي أنا هذي قومتي .. والخدامة ماتعرف للفطير يعني يتهيألك

سيف مستغرب: معقولة.. لايايمة أنا صحيت عطشان ولقيت الماي جنبي بكاسة كبيرة وجلست اشرب وشربت شوي من الشربة واكلت من الفطير كان زي سوات يدك مرة طعم

مريم وهي تضحك: أجل يوم قلت عطشان عرفت أنك تتخيل.. هههه... ولا يهمك بكرة أسويلك

طلعت وأخذت العيال معاها

هنا استغرب سيف والله انا شربت موية واكلت ...مو معقولة يتهيألي..

الكل راح للدوامة مابقى الا هو .. جاته أمة

مريم: ها سيف تبي شيء قبل لاأروح انام

سيف : اية يمة الله يعافيك ساعدني وجيبي الكرسي المتحرك أبي أروح الحمام

جابت الكرسي ونادت السواق الي توة راد من الجامعه يوم وده البنات.. رفع سيف وحطه في الكرسي.. قام وصلوه للحمام وساعدوة الين ماراح للحمام وساعدوة لما توضى وردو رجعوه مكانة ..

الام بعد ما تطمنت على ولدها:ها بغيت شيء ثاني

طالع في الكومدينا ألي جنبة وشاف الموية ورجع طالع في امة: لاتسلمين

وهي بتجاة الباب وقبل لاتسكة:الله يسلمك ...,وطلعت

.. سيف سم بالله وصلى الفجر وهو قاعد مكانة..

ولما خلص غاص في دوامة الافكار الي شاغلتة معقولة انا خرفت ..والله اني شربت الموية وحسيت ان العطش راح.. فكر وفكر وهو مايدري دخل في النومة ونااااااااام

مادري الا جوالة يدق صحاة من النوم على الساعة10 طالع لقاة رقم دولي

رد :الو

الطرف الثاني: الو

سيف مستغرب:مين معاي

الطرف الثاني:ماعرفتني

سيف :لا والله

الطرف الثاني :انا ماهر

سيف وهو مومصدق :لاياشيخ

اماهر:والله انا ماهر....

سيف:صوتك متغير مرة..ماعرفتك

ماهر: عايش هناك طبيعي صوتي يتغير ..

سيف: واالله ولك وحشة .. قلي كيف حالك وايش الي طرى عليك تكلمني وانت بلندن يعني منت فاضيلي

ماهر :اولا السلام عليكم ..والله واني أشتقتلك مووووت بس دروسي شغلتني مرة وانا الحين عندي أختبارات وقريب تخلص......وانت قلي كيفك بعد الطيحة الحمد الله على سلامتك

سيف وهو يضحك شوي شوي : وعليكم السلام والله حتى انا أشتقتلك وأفكر أجيك بعد ..الله يعينك بدراستك أهم شيء لاتشغل نفسك ...والله يسلمك انا الحين بخير الحمد الله بس والله طيحة ماانحسد عليها

ماهر:الحمد الله على سلامتك..تدري كنت بدق عليك واقولك خيلي انتبهولة.. وروضوة عشان مايتعود على الكسل .. الين ماأجي

سيف وهو يضحك:اثريك مفتقدة ..الله يعينك

ماهر .:اية والله ...آمين ويعين الجميع يالله لااطول عليك

وعلى فكرة هذا صديقي فهد يسلم عليك حكيتة عنك وحبك مرة وقال انة لازم يتعرف عليك

سيف :ان شاءالله بعد ماترجعون بالسلامة ...

ماهر: امين

سيف : الا أقلك ماهر كم الوقت عندكم الحين أحنا عندنا الساعة 10 الصباح

ماهر : أحنا عندنا 5 العصر وتوني راد من الجامعة وبالليل عندي كمان كورسات مكثفة انت بس أدعيلي...

سيف: الله يوفقك وترد لنا سالم

ماهر : أمين.. يالله فمان الله

سيف : الله معك

**************************************************

دخلنا بشهر واحد.. وألشتاء كان في بدايتة.. وكان الاستعداد للاختبارات النهائية.. الكل تجهز للأختبارات ..

طبعآ الجدة علموها بحادث سيف.. زعلت منم لآنهم خبو عنها .. بس بعدين جات وسلمت عليه وتحمدتله بالسلامة وباتت عنده أسبوع ونص... وخدمتة تسويلة الفطور "من فطير وشوربة وجميع المأكولات الشعبية " ورجعت لبيتها "بيت ولدها الكبير"...

سيف لازال تعبان ومايقدر يحرك رجلة اليمنة "المكسورة" ولازال يحتاج للخدمتهم..

أكثر واحد كان يزورة طبعآ عامر.. واحيانآ يجونه نبيل وحازم .. ويونسونه بخفة دمهم..

ناصر جاله كم مروة وتأسفلة "مسكين يحسب نفسةهو السببب".. قالة هذا المكتوب والي كان راح يصير سواء تسابقت معك او مع غيرك..

في صباح يوم ما .. دخلت مريم على ولدها الساعة 7 ونص .. ولقيتة صاحي..سلمت علية وحطت صينية الفطور على الكوميدينة ...: يالله أفطر كل وتغذى

سيف وهو يبتسم: يمة خلاص تراك بتذبحيني .. الواحد كم مرة يفطر مرتين!

مريم وهي مستغربة: وش قصدك؟

سيف وهو متفاجاء: يمة توك جايبتلي صينية فيها فطير وأكلتها ونمت وتوني صحيت

مريم : متى؟

سيف يطالع بالساعة: يمكن 5ونص 6 الاربع

مريم وهي تبتسم أبتسامة أستخفاف: يمة أنا توني صحيت الساعة 6 وعلى ماسويتلك الفطور صارت الساعة سبعة الفطير ياخذ ساعة ..

سيف وهو معصب : يمة يعني أكذب عليك والله فطرت

مريم: طيب فرضآ لو جاك الفطور 5 لازم الواحد يكون صاحي من 4 لأن الفطير ياخذ ساعة .. ياولدي لاتجنني معاك .. الساعة 4 مااحد يكون صاحي حتى الخدامة ماتقوم الا 7 ونص

سيف وهو معصب: يمة تراني زهقت لو تمزحين معي... ترى خلاص طفشت .. أقول فطور أنا فطرت وهذا الي عندي

مريم : طيب خلاص خلاص.. بس والله أمرك محيرني ...

سيف وهو معصب: يعني أنا أكذب ..طيب خذيني على قد عقلي .. أية انا اكذب

مريم: خلاص صدقتك صدقتك.... يمكن الخدامة هي الي سوتلك ,, مع أنها ماتعرف تسوي فطير

سيف وهو طفشانة: مادري يمة مدري

مريم وهي قايمة ومعاها الصينية: تبي شيء قبل لاأطلع

سيف: أية يمة أطفي المكيف ... أحسة يصقع في رجلي

مريم وهي تطفية: صليت يمة...

سيف : اية دقيت جوال على السواق وخليتة يشيلني ويوديني الحمام وتوضيت وصليت

مريم وهي تفكر: طيب يمكن هو الي جابلك الفطور

سيف معصب: يمة وش عرفة با الفطيررررررارا

مريم: خلاص كنت أمزح .....يالله أنا طالعة ... وطلعت وسكت الباب



طلعت امة وقعد سيف يفكر ....والله وحتى انا احترت .....

............................................................................................

مر أسبوع من الاختبارات..... وكانت الاجواء موووووت برد.. وكل واحد ماشيء ولآبس عشر جاكيتات فوقة...والشمس مااحد يحس فيها الا وقت الغروب وهي مودعة....ونسمة الهواء ترد الروح..

في هذا الاسبوع انتهت فاتن من الدوام بالروضة لان الاطفال خلاص عطلو....

****************************

اليوم كانت الشمس شوي دافية ..

كانت فاتن في غرفتها .. وتفراء رواية على السرير ...

أنفتح الباب .. دخلت غرام ...: أمي تبيك أنزليلها تحت؟ " وطلعت حتى ماأنتظرت رد من فاتن"

هي الا الأن ماتكلم فاتن من بعد المشكلة

نزلت فاتن ولقيت خالتها بالمطبخ وجالسة على الارض وتعجن العجينة وحوالينها وائل ولؤي

فاتن: ها خالتي بغيتيني في شيء

مريم: اية عفية عليك يابنتي خذي الاولاد جننوني ماني قادرة اطبخ وهم حولي .. والمربية تساعد الخدامة في الغسيل.. والبنات مقابلين دروسهم مافي الا انت الفاضية

فاتن وهي تمسك وائل ولؤي: بس كذا ماطلبتي شيء ياخالة

وطلعت وطلعت الاولاد معاها وهم مبسوطين مايحبون يجلسون مع احد الا فاتن ..

المهم خذتهم وطلعت للحوش عند العشب .. وهناك جلست تلعبهم وتركض وتقول امسكوني وهم يركضون وراها وهي تجري وهم ابتسامتهم مالية وجيههم

فتح سيف الشباك سمع الاصوات ..وشاف فاتن الي لابسة البنطلون الابيض والبلوزة أكمام طويلو ولونها أزرق بحري ولابسة كوتش ابيض برباط ازرق.. ولامه شعرها ذيل حصان وتركض وهي تضحك وشوي تهدي السرعة عشان يمسكونها وتطيح على ظهرها وهم يمسكونها ويدغ دغونها وهي تحط يدها على بطنها وتلف نفسها وتدور وهي منسدحة وهم يقلدونها ... وشوي انفتح الرشاش حق الزرع ورش عليهم موية والاطفال يصرخون"مطـــــــــــر.....مطـــــــــــــــر" .....

وهنا هي خافت عليهم وشالتهم وهم مبلبلين ودخلتهم جو وبسرعة قبل لاتشوفهم خالتها... ولقيت غرام واقفة عند الدرج.. مرت من جنبها وطلعت على غرفة الاولاد وروشتهم ولبستهم ونشفتلهم زين ولبستهم جيكتات عشان لايدخلهم البرد....

وراحت لغرفتها ولبست وتنشفت ولابست الجاكيت وأنسدحت على سريرها وجاء لؤي وطب على بطنها .. وهي تسوي نفسها تعورت "أيييييي..

ويجي وائل وينسدح جنبها .. وكان شكلهم يجنن وهم الثلاث منسدحين على السرير

وشوي انفتح الباب بقوة .. وطلعت مريم : أيش سويتي أنت

فاتن وهي تعدل جلستها: ها ياخالة ما سويت شيء

مريم وهي معصبة: لعبتي الاولاد بالموية

فاتن : كنت العبهم على العشب والموية انفتح وتبلبلو و ـــــــ

مريم وعيونها شرار: لا ياشيخة .. مانت عارفة ان الحين برد يعني ... حيتعبون لاجاتهم الموية

فاتن: والله ياخالة ماقعدو كثير انا على طول دخلتهم

مريم : كيف وانا شايفتهم متبلبلين

فاتن ودموعها بعيونها: توني روشتهم

مريم: والله وانك منتي كفو.....شسو الحين لو مرضو ها قوليلي شسوي

فاتن: لا ان شاءالله مايمرضو

مريم وهي تجي وتسحب الاولاد من يدينهم: أصلآ حرام أخليهم عندك وأنت بزر لاساتك ماتعلمتي كيف تربين

وطلعت وسكت الباب....

دفنت فاتن راسها بالمخدة..... اهانتي خالتي حبيتي اهانتني ...كلامها جرحني ... لية لية ياربي.. انا ايش سويت لية عاملتني كذا .... وبكيت والله ماخليتهم يطولون وهم برى ......ودخلتهم بسرعة..

اية تذكرت شفت غرام عند الدرج ..."معقولة هي الي علمت امها .. معقولة الله يسامحك يا غرام والله انا ماسويتلك شيء ,, وبكيت بكيت الين نااااااامت....

ياقسوة الايام ....

تأخذ ولا تدي

حتى الصادق ينلام

بدون مايخطي

والطيب دوم محروم

يشقى ولايلقلى

وحتى في الاحلام

يتحسر ويبكي

******************************************************

ومن الصباح الثاني مريم جهزت الفطور للبنات فطرو و راحو للكلية.. نزلت فاتن.. وسلمت على راس خالتها: صباح الخير

الخالة وهي معطتها قفاها: صباح النور

جات فاتن ومسكت يد خالتها ووقفت قدامها : خالة انا أسفة.. والله انا غلطانة سامحيني..

أوعدك ماعيدها ... خالة " ابن أدم مو معصوم من الخطأ "

مريم: صح بس غلطك أنت كبير

"مريم هادية وطيبة بس لا عصبت عصبت "من خوفها " وأنت عارفين ايش سوت بغرام اول لم تعبت"

فاتن وهي تسلم على راسها : وانا اسفة وحقك علية

مريم وهي تمسح على راس فاتن: والله وانت الغالية حتى لو حاولت ازعل منك مااقدر انت الغالية الي أغلى من بناتي

فاتن وهي تسلم على يدها: والله ياخالة انك أمي الثانية والغالية ..

مريم: لاتزعليني مني امس صارخت عليك .....بس والله من خوفي على الاولاد

فاتن : أنت امي خاصميني على كيفك... وبعدين والله اني تفهمت وضعك وانا لو كنت مكانك كان سويت الي سويتي واكثر

مريم: خلاص صفيناها ....مو صح

فاتن وهي تضحك: اية

مريم وهي ترفع الصينية وترجع تحطها: اروح اشوفة اول بعدين اجي واخذة

راحت ودقت الباب ورجعت دقت الباب محد فتح ...فتحت الباب ودخلت لقيتة ناايم

وجات وجلست جنبة على السرير..ومسكت يدة وتصحية بشويش: ..سيف يالله قوم

فتح عينة وسلم على امة

مريم:ها كيفك اليوم اتحس انك احسن كيف رجلك

سيف :الحمد الله رجلي مااحس فيها بس الحمد الله

مريم :الحمد الله الله يشافيك ياولدي

سيف: آمين

مريم وهي تستهبل: ها فطرت

سيف : اية الحمد الله تسلمين على الشوربة,,مرة للذيذة.. ماشاءالله عليك كل يوم تسويلي نوع والا الفطير ياي والله طباخ شيف موحرمة

مريم وهي مفجوعه: طيب تبي شيء ثاني

سيف : لاسلامتك بس يمة ...لاتكثرين السمن في الفطير... وأحسن لك جيبيلي جك موية بدال كاسة

مريم وزاد جنانها: تبشر ياولدي تبشر

وطلعت من غرفتة ودخلت المطبخ ولقيت فاتن جالسة على الطاولة تشرب عصير.. جات وجلست قدامها

مريم: والله هذا الولد بيهبل فيني

فاتن مستغربة: لية ياخالة

مريم : كل يوم أروحلة القاة فاطر ...ويقولي شبعان ..ونقعد نتخاصم وكنت أحسبة يحلم ولا يتخيل يقول فطير وشوربة"تقولها وهي تضحك"

فاتن: غريبة

مريم: واليوم قلت اشوفة ورحتلة زاد الخبال فيني يوم قالي تسلمين على الفطور بس مرة ثانية قليلي السمن وحطيلي جك موية ...

فاتن تضحك: شكلة يتحلم

مريم :والله مدري .....تصدقين بكرة انا بنام عنده واشوف مين الصادق انا ولا هو

فاتن:اية عشان ترتاحين

.................................................................................

وفي الليل على المغرب ...

فتحت فاتن الباب بعد مادقتة مرتين "باب غرفة غزل" ...ولقيتها منسدحة على السرير ورامية الكتاب جنبها..

فاتن وهي تطل مع الباب : ممكن أدخل

غزل وهي مازالت منسدحة: تفضلي

دخلت فاتن وجلست جنبها على السرير...

فاتن: كيف أختباراتك ياغزل

غزل وهي زعلانة: يعني

فاتن : ليش أنت ماتذاكرين

غزل وهي تعدل جلستها : الا أذاكر بس مو بقلب .. أنا يافاتن أطفش من المذاكرة احب اللعب والوناسة مااحب أحبس نفسي واقعد اذاكر

فاتن: لا ياغزل لازم تذاكرين واللعب لاحقة علية.. والمذاكرة هي الي تفديك

غزل /:اية ادري ...بس انا ما احب اذاكر ....احس اني امل من المذاكرة

فاتن : انا أساعدك أذا تبين .....

" ومسكت الكتاب الي مرمي على السرير بالجهة الثانية": أيش عليك بكرة

غزل: مادة مالها داعي عن الاقتصاد ومالاقتصاد في الدول

فاتن: طيب هذي مهمة

غزل: ادري بس طفشت ومالي خلق اذاكر

فاتن: يالله انا بذاكرلك الين نخلص موافقة.. يصير تجين وتشربين معي قهوة انا مرة طفشانة

غز وهي فرحانة: موافقة

وفعلآ مسكت فاتن الكتاب وقراتة واخذت نبذة عنة وفهمت المنهج.. وقعدت تذاكر لغزل الي أستمتعت بمذاكرت فاتن ...ساعتين ونص وخلصو ونزلو تحت وجلسو يشربون قهوة مع الخالة..

وفي الليل جهزت مريم فراشها ونامت جنب ولدها الي أستغرب .. وقالتلة ...قلت يمكن تحتاج حاجة لازم أنام عندك... صدقها .. وماحس بالي تفكر فية امة...ونامو

وعلى الساعة خمس .. صحيت مريم وتلفتت حولها ومالقيت شي .. قامت وتوضت بحمام ولدها

وفردة سجدها لقيتها على الكرسي ..وصلت ..ودعت ربها انه يشفي ولدها ...

وأنتظرت وانتظرت ,.. الين الساعة 6 الا ربع ووطلعت وجهزت الفطور لولدها زي ما كان يتخيل ...وعلى 7 الاربع انتهت..وجات وجابتلة الفطور وحطتة على الكومدينة..وصحتة

بعد مانادت السواق عشان يشيلةويوديه الحمام عشان يتوضى...فعلآ توضى وصلة

وامة قدامة:تقبل الله

سيف :منا ومنك

مريم:يالله كل

سيف وشمر عن ثوبة وبداء في الاكل والام تطالع فية

وبعد مانتهى:لذيد بس طبخ قبل امس وامس كان اطعم

هنا مريم حست شعر جسمها كلة وقف:ــــــــ

سيف:اية والله فطيرتك اليوم كنها يابسة ...امس كانت لينة والسمن كان شوي كثير ..اليوم مافيها سمن ..الشوربة امس كانت خفيفة ..اليوم مرة ثقيلة

مريم انفجعت حست كانة مو صاحي كان راكبه شيء او بيتنا فية شيء.. مو معقولة الي يصير ..قالت تاخذ على قد عقلة: طيب طيب زين علمتني

سيف:تصدقين يمة طباخك امس مثل طباخ سماهر الله يرحمها ..نفس الطعم حسيتة

مريم والخبال طق براسها معقولة سماهر قامت من قبرها واطبختلة"لالا "وين عايشين طيب روحها طلعتلة ...لالا ..اكيد هو مشتهي طباخها فكان يتهيالة انها طبختلة وانة نفس الطعم ... اية اكيد

.......................................................................

في العصر مريم تكلم محمد "في الصالة"

مريم وبعد ماسردتلة القصة: اية والله يامحمد ولدك مدري وش فية

محمد: ياشيخة يمكن يتحلم ولا يتخيل

** مرت فاتن للمطبخ وسمعت الكلام

مريم: والله ياابو سيف .......سيف لازم نزوجة بعد مايتشافى

محمد:طيب

مريم:اشوفة يتخيل طباخ مرتة الظاهر لسى مانساها .....وهذا الشي مو في صالحة ...

محمد:انت دوريلة المرة السنعه وانا موافق

مريم:انا لقيتها

محمد :ومن هي.... انا من راي لا تستعجلين

مريم وهي فرحانة: بنت محمد سعد....أدب واخلاق

هنا فاتن حست كأنه أحد عطاها كف أخذت بعضها وطلعت تركض لغرفتها

محمد: مين ...بنت محمد سعد...ماهي كبيرة

مريم:اظنها اصغر منه بسنة

محمد:لاياشيخة نبغالة وحدة اصغر من بخمس اربع مو سنة

مريم:الا احسن عشان يتفاهمون ..

محمد وهو يوقف:والله مدري انا اقول الموضوع مؤجل,, والراي الاول والاخير لسيف

>>>>>>>>>>>>>>>>>>>>>>>>>>>>

فاتن وهي في غرفتها

منسدحة على سريرها وقاعدة تبكي.. لاياربي مو معقولة هم يبون يجلطوني ...لالا مستحيل يزوجونة مستحيل.......راح عني مرة ماابية يروح عني مرة ثانية وجلست تبكي..



أتركوني لاختلافات القدر...اتركوني وارحلو عني بعيييد

منهو مثلي الي على جرحة صبر ..منهو مثلي الي على موتة سعيد..



##اية حياتي بدونك ماابيها ...ابي اموت وارتاح من دنيا مافيها وجودك

السعادة بدونك ماافكر فيها..وان ضحكت ..قلبي بصمتة يبكي عليك

***********************************************

مر اسبوع سريع واليوم كان التلاثاء.. وغرام خلصت اختبارات وباقي غزل بكرة أخر أختبار



المهم دقت مناهل على فاتن الساعة 10 بالليل وقالتلها تعاليلي طفشانه دام ماعندنا انا وانت شيءو فاضين.. قالتلها استأذن من خالتي واردلك.. وافقت مريم ..وردت فاتن لمناهل .. ربع ساعة وانا عندك..

فاتن وهي قدام المرايا لابسة تنورة خضرة عشبي ملونة بورود وردي وبيضة وبني فاتح مشجرة يعني "جنان" وبلوزةبيضة ناعمة.. وفردت شعرها ولمتة ببنستين من وراءوحطت كحل وقلوس لحمي.. وهي تتعطر دق الباب ودخلت غرام: أمي تبيك أنزليلها

ولفت وتبي تسك الباب ..جات فاتن ومسكت يدهاوقالتلها: لمتى يعني بتزعلين علي ؟

غرام: مدري الين ماتحسنين تصرفاتك

فاتن: طيب واذا وعدك تسامحيني ياأختـــــــــــي" ومطتها"

غرام وهي تبتسم: يمكن

غرام قلبها كبيروعاقلة بس لا احد يخدعها تصدق

فاتن حظنت بقوة غرام : والله وزعلتيني منك يهون عليك كذا ماتكلميني

غرام:كنت اتغلى انتظرك تسامحيني

فاتن:وي وي ياقواة قلبك ..وعادي تمر الايام ماتشتاقينلي

غرام:الا والله وكم مرة بغيت ادخل عليك وانت نايمة واطالع فيك بس اتردد

وقامت وتمسك وجهه فاتن:والله اشتقتلك حتى وجهك الحلو معد صرت اناظر فية الله يجازي الي كان السبب

فاتن:لاتدعين على احد

وهي تمسك يد غرام:ها تروحيني معاي لبيت خالي حسين

غرام وهي مبتسمة: لا أظن اني بروح لبيت خالي حسن عند غلا لانها توها دقت تقول اجازة ويالله تعاليلي

فاتن:طيب براحتك ..انا نازلة اشوف خالتي

ونزلت وشافت مريم بالمطبخ

فاتن:ها خالة بغيتيني في شيء

مريم:اية فاتن بعطيك صينية ايدام ابغاك تاخذينها معاك لجدتك وفريدة وصحن فطاير عشانك وعشان مناهل

فاتن:مشكورة ياخالة الحين بطلع البس عبايتي و انزل واخذها

وطلعت فاتن وشافت غرام نازلة :يالله انا رايحة عند غلا

فاتن:توصلي بالسلامة سلميلي عليها

غرام:يوصل

فاتن دخلت غرفتها وأخذت عبايتها والشنطة وسكت باب غرفتها وهي بتنزل مع الد رج تذكرت غزل وقالت خلني اروح اشوفها

دقت الباب مرتين وفتحتة ....وطلت براسها ...وشافت غزل دافنة راسها بالمخدة وتصيح ...جات تركض وحطت عبايتها والشنطة على طرف السرير وجلست جنبها: غزل وش فيك

غزل تبكي بصوت عالي: ـــــــــــــــ

فاتن وشالت هم بنت خالتها: بالله عليك تكلمي وش صار

غزل ترفع وجهها وتمسح دموعها: علية بكرة مادة صعبة وماذكرت للحين

فاتن تخفف عليها: بس هذا الي صار

غزل: اية ...شوف الحين الساعة كم

فاتن تطالع بالساعة: 11 الا ربع مداني اذاكرلك ونخلص

غزل تطالع في فاتن: طيب انت شكلك خارجة

فاتن وهي تضحك:الخرجة اهم من غزل

غزل:امانة اخرجي ...ماعليك فيني انا الحين ادبر نفسي

فاتن وهي معصبة:الخرجة لاحقة عليها ..." وهي تمسك الكتاب وتتربع على السرير" : يالله نبدأء

ابتسمت غزل وحطت على خد فاتن بوسة: الله لايحرمني منك يا اعز أخت

فاتن: هذا الحركات سويلي هي بعد مانخلص

غزل :هههههههه حاظر

فاتن : يالله نبدأ وبدأو وفي 3 ساعات ونص تقريبآ خلصو.. وجات مريم

مريم مستغربة: فاتن وش تسوين هنا مو كنت بتروحين بيت خالك

فاتن:خالة خلاص بطلت اروح

مريم :اجل ارسل الاكل مع السولق

فاتن:اية احسن

غزل:يمة يمة ....انت عارفة ان فاتن قعدت عشان تذاكرلي

مريم:والله وفيها الخير ابرك من غرام الي راحت

غزل وهي تضحك:ههههههه عاد في هذي صدقتي

طبعآ دقت مناهل تهاوش وينك ولية تاخرتي اعتذرت بحكم انها تبي تنام لانها صاحية بدري وقالتلها بكرة خميس يعني غصب راح اشوفك....

خلصو البنات ...ونزلوعلى الساعة وحدة وشربو قهوة وعلى الساعة 3 راجعت فاتن لي غزل ولقيتها مذاكرة وفاهمه وارتاحت....

طلعت غرفتها ولقيت في شنطة الكلية حقتها سنكرس .. تذكرت ان اخوها سيف يحبةنزلت وهي لابسه بنطلون جينز وبلوزة طويلة صوف فوشي.. تركض مع الدرج فتحت باب غرفتة

وهي تقول: سيف سيف خذ هذا السنكرس عشانك وجلست جنبة وفكت السنكرس وحطته في فمة وهو يفتح عيونها معصب وهي تقوله: ماعليك ماعليك عن الدلع الفاضي

وشافتة ياشر على وراء ويوم وطالعت وراها

عامر في وجهها كان قايم يقفل المكيف .. السرير في وجه الباب والمكيف قدام السرير..

يعني لو عيونها عشر عشر ماتشوفة...

هنا صنمت وحست كان احد عطاها كف...صارت تستحي من عامر من كثر ماتشوفة...وحست انة حفظ ملامحها...

قامت بسرعة وطلعت وسكت الباب وراها

......................................................................

اليوم الثاني,, وبعد ماخرج غزل من قاعة الأختبار وهي فرحان..

وجلست مع لميا صديقتها الطيبة .. ولميا زعلانة تقلها ماحليت ,...

عندي أغلاط .....وغزل تقلها: انا جايبة العلامة الكاملة ان شاءالله

المهم جلسو يسولفون ويضحكون وقعدو في الكفتريا زي ساعة وعلى الساعة عشر ونص راحت لميا .. لان السواق جاها...

وجلست غزل في الكفتريا لحالها.. وطفشانه وتنتظر السواق دايم يجيها 11الا ربع والحين 11 تمام وماجاها دقت على جواله مايرد .. قامت من الكفتريا وهي تحاول وتدق .. لقيت قدامها نهال

نهال: السلام عليكم

غزل وهي زعلانة: وعليكم السلام

نهال: وش فيك لاتكوني ماحليتي

غزل: لا الحمد الله حليت والدرجة الكاملة ان شاءالله

بس شغلني السواق ادق مايرد

نهال:الحين السيارة جايتني روحي معاي

غزل وهي منحرجة:لا مالة داعي

سحبت نهال يد غزل ومشيت:يالله عاد بلا دلع ..قال مالة داعي قال...اقلك السيارة عشر دقايق وتجيني ..واحنا الحمدالله اهل ماله داعي التحفظ

أستسلمت غزل لأوامر نهال الصارمة...ولبسو العبي وانتظرو السيارة عند باب الجامعة من جو على كراسي خشب ..وكان الجو مرة بارد وكلهم لابسين جاكيتات ..

...المهم دق جوال نهال وتكلمت ....وشوي قفلت وقالت لغزل يالله السيارة برى ...وطلعو ..وكانت نهال تمشي قبل غزل وغزل وراها ..وشوي تشوف ان نهال متجهها لسيارة كحلي فخمة ورهيبه " بي ام دبليو" وهي تقول في نفسها ...واو هذي سيارة سواق ..والله ياعمي ماشاءالله عليك توني تأكدت أنك مريش.. اية والله ياهبلة مو هو عندة شركة بترول ومعادن يحقلة انه يكون غني وحتى سواقينه يذوقون من خيرة,,,

فتحت نهال باب السيارة الي قدام وجلست """""غزل تكلم نفسها..."والله ماهقيتك يابنت خالي قليلة أدب تجلسين جنب السواق.....

فتحت باب الي وراء مقعد نهال وجلست واول ماطالعت وشوف قفى الرجال وهو لابس ثوب وغترة....,هي تقول في نفسها ...ياحليلة سواقهم كاااااشخ

وشوي تكلم:ها كيف يانهال عساك حليتي

هنا بلهت غزل ..."واو هذا سعودي " سواقهم سعودي "( لساعها ماستوعبت مع الاختبارات الواحد تصيبة بلاهة)

نهال:والله ياعامر ...حليت بس انت عارف الواحد لازم يغلط

عامر وهو يضحك:يعني عندك اغلاط؟.

نهال:اية شوية

هنا غزل انصدمت كمان عاااااااامر... ياربي وش هالورطة ..... الله يهديك يانهال لو قايلتي أنة أخوك ماكان جيت.. كان روحت مع تاكسي .. أفضل من أني أجي معاكم

عامر:ها وين اوصلكم

نهال بفرح: ها أيش رايك تودينا للراشد نروح نفطر في قسم المطاعم

هنا ماقدرت تستحمل غزل وقربت راسها من نهال وتتكلم بشويش: نهال لا الله يخليك خلاص أبي أروح البيت

وردت راسها وطالعت لقيت عامر يطالع من المرايا وهو مبتسم أستحت ونزلت راسها

نهال: لاياغزل بلا دلع اليوم اخر يوم خلينا ننبسط ونتمشى ونستانس

غزل ماقدرت تتكلم انحرجت وهذا عامر يناظر.. فالتزمت السكوت

نهال: خلاص ياعامر ودنا الراشد غزل موافقة

غزل قربت وهي تدق نهال من كتفها:نهال والله انا خايفة ان امي تنشغل علي تراني تاخرت

نهال:ماعليك ماعليك انا اكلمها.. عامر انت ودنا الراشد انا أتصرف ورفعت جوالها ودقت ...(اية الو السلام عليكم ..كيفك ياعمه ...الحمد الله ....اية ياعمه ترى غزل معاي احنا بالبيت ...لا لاتخافين اردها معاي ...مع سواقنا ...لا ياخالة اليوم اخر يوم .........تكفين عشان خاطري.............لا ماراح نطول................مشكورة)وطول المكالمة وعامر يوزع نظرات لغزل وغزل مستحية ....يالله ماكان ودي هالشي يصير

وسكت نهال من المكالمة وقالت:خلاص عمتي وافقت

وأول ماوصلوالراشد وراحو على جهة المطاعم وحجزولهم طاولة شوي كبيرة وكانت جالسة غزل وقدامها نهال وجنب نهال وبينهم كرسين جلس عامر وهو رايح جاي ماجلس معاهم الا شوي ...

غزل وبعد ماراح عامر: طيب يانهال والله أحرجتيني

نهال وهي معصبة:والله وانك مدلعة مافيها شيء

غزل: انا متفشلة من أخوك

نهال: شوفية ماجلس معانا ..

كان عامر واقف بعيد عنهم بس يشوفهم ... وكان يطق طق بجوالة ..وكان ينتظر الاكل ..

وشوي جاهم وماسك صينية جوتها فطاير كرسون الي بالجبنة والي بالزعتر والي باللحمة وعصيرات وبباسي ..

عامر: ماعرفت وأيش اجيب وماعرفت انتم أيش تحبون " وهو يطالع بغزل" جبت كل الموجود

نهال : عشت ياخوي

قام وهو يشيل علبة البيبسي معاه ما اكل الا فطيرتين,,, وأخذ وحدة معاه .. وقام

غزل : الله يهديك شوفي أخوك ماارتاح حتى فطور مافطر

نهال: الله الله ... توني دريت ان قلبك علية.....لا لاتخافين هو كذا اكلة قليل

غزل " أنحرجت": لابس أشوفة كأنة متضايق

نهال: لايتهيألك

وشوي جاهم عامر ومعاه صينية فيها 3 أكواب كوفي والسكر برة و3 حبات سنبون..

حطهم على الطاولة

عامر: ماعرفت كيف تحبون الحلا "وهو يطالع في غزل"

قلتلة خلية برة

نهال وهي فرحانة: مشكور انا امووووت في السنبون

عامر: ان شاءالله كلكم تحبونه ويناسبكم

انحرجت غزل من حركاته الي باين انه يتغزل,, ويلفت الانتباه..,يلفت انه معجب

المهم خلصو ونزلو مع الدرج المتحرك وهم يشوفون الاسواق حولهم

عامر: تبوني أوديكم السوق

غزل تجر عباية نهال وتوشوشها: لا خلاص يكفي

نهال بتحرجها: تقول غزل يكفي

ابغى تفاااااااااااااااااااااااااااااااعل وللا ازعل ومانزلكم الا بعد اسبوع :084:

ياعمرررري كملي
يااااي عامر فله وغزل تهبل
كملي ياعمررري دخلت جوووووووى انا مع عامر وغزل

روعة يسلمو