¨°•√التجمع الخامس : للحوامل اللواتي سيلدن بإذن الله بشهر يونيو (6) 2011 ♥√•°¨

مساء الورد ياحلوين
بس قمت اتروش 7 صفحات فاتت

الله يززيد نشاطكم

السلام عليكم
شخباركم ياحلوات
حبوبه زماني مشكووورة على المعلومات القيمه

ام فاطمه انا حيييييل ودي اولد في الحرس بس ماعندي احد هناك >< واللي اعرفه ان نظامه لازم الزوج يشتغل في الحرس افففف
المفروض يكون المستشفى للجميع
عشان كذا غصبا عني بروح النساء والولادة

توما حسبيني بقطعه شيز كيك اشتهيييييت

برلينت الله يعينك على التشققات وانا اللي كنت متوقعه اني ازيد وحدة طعلتي انتي ازيد مني
انا طلع لي في فخوذي اشوي وفي بطني في الجوانب اشووووي
بس مع زيت الزيتون لاحظت لونها فتح اشوي
ان شاء الله في امل تروح بعد الولادة

والبقيه شو اخر اخباركم

شوفي نوارة انا زوجي كان مدرس بمدراس الحرس وجبت اولادي الثلاثة هناك

بس بعدين فصلونا لما تحول على وزارة التربية

بس وقت ولادتي ببنتي رحت عن طريق الطوارئ واناموصلة واستقبلوني

بس الشرط تكوني فاتحة 5 سم مو اقل علشان ياخذوك

هلا بنوتات
شخباركم و شخبار كرشاتكم؟؟

هذا موضوع تجهيزاتي .. شوفوه و عطوني رايكم;)

http://forums.3roos.com/showthread.php?t=613527

السلام عليكم


اولا لازم ما تخلصين الثامن الا وانتي مخلصه من كل التجهيزات سواء لك و لا للبيبي
و الله يقومكم بالسلامه

خلونا نبدأ خطوه خطوه

أولا شنطة المستشفى
هذي خليها جاهزه يعني مسكره و قاضيه من الثامن

أولا إذا حسيتي بالولاده قربت امشي و كولي تمر و عسل عشان تسهل عليك

و بالنسبه للولاده هم راح يعطونك لبس لا تخافين ماراح تحتاجين شيء في غرفة الولاده غير شيء واحد بس

اللي هو

الووك مان أو المسجل الصغير اللي بالسماعات

مو الجوال عشان ما يسرق و يمكن تحتاجين لا سمح الله أجهزه ما يخلون الجوال معك

خوذي المسجل و حطي شريط قرآن و الله يريحك و خصوصا سورة مريم

انا أخذت سورة مريم للشيخ العفاسي مرررره تريحك

هذا في غرفة الولاده

و الشنطه تحتوي التالي

* طبعا العدد انتي تحددين حسب فترة جلوسك في المستشفى إذا ولا دتك طبيعيه تقعدين يوم أو يومين و القيصري 5 ايام

عموما هذي تكفي ليومين

* في المستشفى ماراح تحتاجين فوط صحيه و لا كلوتات الدوره هم يوفرونها لك

*** قميصين رضاعه قطن للنوم

تجي شوي واسعه و فيها فتحات للرضاعه و أسهل لك خوذي شيء بأزرار من قدام أحسن من الفتحه و إذا صدرك كبير أبدا ما ينفع لك ابو فتحه

الأزرار أفضل

*** روبين استقبال الستان حلو و ممكن تاخذين قميص قطعه وحده ساتان برضه حلو انا استخدمت ارواب طويله من حقات جهازي تخبرون قاعده بالدولاب خلونا نستفيد مكلفتني و حلوه و لا استخدمت بس اشتريت لها شبشب لأن جزمها شوك مو مناسبه ابدا

*** كريم للوجه و اليدين كريمك اللي تستخدمين
*** روج يفضل الوردي
*** استشوار إذا تحممتي لازم تنشفين شعرك عشان ما يجيك البرد
*** ساعة يد
*** مفرش و تبعاته للسرير (( مفرش و كيس مخده بس ما تحتاجين الشرشف ))

عموما سالفة السرير في البيت عند الضيوف هذي حركه قديمه الحين الوحده عادي تقعد على الكنب ما يحتاج سرير خصوصا ان الناس ما راح يجونها اللا بعد 3 اسابيع عن نفسي سريري كان في الصاله عند أهلي أما الضيوف عادي اقعد على الكنب بس ما أطول

*** فازلين عشان شفايفك بتنشف

***شاحن جوال

*** اي كريم او دواء ما تقدرين تستغنين عنه عن نفسي قطرة العيون جدا مهمه لأن عندي جفاف فاستخدمها على طول

*** شبشب لروب الاستقبال

*** كماده (( القربه امليها بالمويه الحاره تريح ظهرك انا استخدمها حتى في الدوره ))

تلقينه بالصيدليه قولي ابي قربه يعطيك اياه

*** صياني الحلى عاد انتي و طباعكم بس التكلف موب زين ابد خصوصا ان كل من دخل جاب معاه شيء جهزيها من تحسين انك و صلتي لأنها احيانا بالزحمه ما يسلمونها لك الا من بكره هذا طبعا للشوكولاه لأنها ما تخرب أما الباقي لأ لاتاخذينه إلا إذا ولدتي بالسلامه



*** فوطه استحمام رغم ان اغلب المستشفيات توفرها بس إذا ما تشتهين خوذي فوطتك

هذا حق المستشفى

\\\\*** حق البيت ***\\\\

*** قميصين رضاعه قطن إضافه للاثنين حقات المستشفى يصيرون اربعه

*** قميصين رضاعه ساتان هذي إذا جاء ابو النونو مريح و مرتب و برضه إذا جاك أحد يمون عليك ما يحتاج الجلابيه على طووول

*** جلابية استقبال
شيء فخم و مرتب

*** بستخدمين الشباشب حقت قمصان المستشفى

***فوط صحيه أحجام مختلفه و أفضل شيء أولويز ألترا للبشره الحساسه و برضه برايفت الترا

*** حافظات للثدي إيه كذا اسمها هذي قطع قطن دائريه تحطينها على صدرك عشان ما ينقط الحليب و يوصخك و يفشلك

جونسون مرره مريحه و عمليه

*** كلوتات الدوره جدا جدا مريحه خصوصا انك منتب فاضيه تغسلين لو جاه شيء و عيب تخلين الشغاله تنظفها هذي ارميه و ارتاحي

*** سنتيانتين او ثلاث رضاعه تلاقينها عند ماذركير و فيه عند الريس وحده حلوه عموما هي تجي كأنها قطعتين القطعه اللي داخل مفرغه و اللي فوق تنفتح عشان ترضعين

***مرهم ميبو جدا رائع للجروح (( الخياطه )) استخدميه لك و لولدك إذا طهرتيه على كلام الطبيبه افضل كريم بتحتاجين

*** صياني التقديم
تحتاجين صينيه للشوكولاه و ثانيه للمعمول او اللي بتحطين مع القهوه
و صينيه للفطاير و ثانيه للكبه و روق العنب او الموالح و برضه لحلى العصير



تلاقينها عند محلات المواعين فضيات تجنن خصوصا اواني المائده اشكاله خياااااال و انتبهي ترى غألب اللي بالسوق يا فضه يامطليه و هذي حرام ما تجوز طاحت رجولي و أنا أدور ما لقيت الا عند أواني المائده مو مطليه

بالنسبه للفطاير فأحسن شيء الصياني اللي لها غطاء عشان ما تنشف اخذتها من الحسين و العبد الكريم جدا رائعه

*** ترامس / اباريق / فناجيل / بيالات / كاسات عصير ادري عندكم بس بذكرك و يمكن تحبين تجددي

*** بخور و مدخنه تبخرين البيت إذا جاكم أحد

نجي لخرابيط الحريم
(((( الشعبيات ))))

*** ربع كيلو رشاد تلقينه عند العطار اطحنيه أو خليه يطحنه و استخدميه من اول ما تولدين لين تكملين شهر ملعقه وحده صغيره يوميا مع عسل أو زبادي أو حليب هذا على كلام الدكتور جابر القحطاني
و هي تنظف الرحم و زينه للظهر



*** برضه ربع كيلو حلبه مطحونه انا آخذها زي الشاهي احط ملعقه صغيره بابريق على كوب مويه و أخليه دقيقه على النار و انتبهي تراه على طووووول يفور و اخليه يبرد شوي و اشربه طعمه عادي تتقبلينه بس لا يبرد مره خليه دافي
هذا زين للظهر و للعظام عموما و يدر الحليب هذا برضه على كلام جابر القحطاني



*** كمان ربع كيلو قرفه اعواد اطبخيها على النار لين تصير كمية المويه المتبخره للنص يعني مثلا حطيتي كوبين مويه خليه يطبخ على النار مع القرفه لين يصير كوب و هذا على كلام الطبيبه مرره زين للرحم و تنظفين بسرعه ان شاء الله



|*** مره برضه ربع كيلو كسريها بالنجر مو بالطاحونه و اشربيها و لحاها او مع القهوه كل يوم لين تخلصين النفاس برضه خوذي شوي و اخلطيه مع عسل و استخدميه على الجرح سبحان الله يلتئم بسرعه

للاسف مالقيت لها صوره عموما هي معروفه

انا استخدمت هذي الاشياء بالطريقه اللي قلته و الحمدلله ما بي الا العافيه الحين لي ست اشهر والده

كل هذي الاشياء عند العطار

*** اسألي الطبيبه عن كريم او مرهم يطري المهبل لأن اول ما ترجعين لزوجك تكون العمليه عذااااااااااااااااااااااااب لا يحتمل فيه كريمات مطريه و بعضها مخدره بسيطه لين يتعود المهبل للوضع يعني بتحتاجينه 4-5 مرات و الله يسهل

اذا عجبكم قيموني

عيونك سالمه تومي

حبوبه انا بكريه ولا اعرف شي خخخخ يعني بس بيجيني الالم طيرااااان المستشفى
اخاف اروح لهم وتو مفتوح2سم ويردوني
انا ولد خالي في الحرس تعتقدين لو يتوسط لي يدخلوني؟

اه وشكثر الصفحااات

قريتها بس ترى مافيني ارد

حدي دايخة بعد العشا

شطورة توما
عليكم بالف عافيه

كمايو الله يعافيك

حبوبه انا بعد سمعت اللي توصل موصله يستقبلونها

نواره مشكوره على المعلومات

انا زوجي بالحرس بس طبعا لازم اراجع من البدايه ماروح مباشره مفروض من السابع

وانا لحد الحين مارحت عندهم ياختي كسل

طبعا زوجي بالحدود مو الوطني فلذالك اراجع بقوى الامن بس لما نوصل السابع يحولنا على الحرس علشان الولاده

وانا ماصرت اروح من السادس هديت المستشفى حتى دمي مادري قالو تحليل ولا ادري عنه

ولا ابلع حبوب صايره حدي مطنشه اقول هذا اول مايبلعون والحمد لله كل شيء تمام مو مهتمه كلش مدري شفيني

وشكلي بخلي زوجي يوديني اخذ التحويل بس حتى لو خذته وزوجي ماكان موجود وقت ولادتي

ابوي مراح يوديني الا الولاده نفس ببنتي فطومه يقول اقرب


توما يم يمي عوافي على قلبكم

شكلها شهي شكلي بروح اسوي خخخخ

وماقدرت اقيمكم ميزانكم ردني رافض

نيغار الحين بروح اشوف تجهيزاتك :)

مساء الخير جميعا شخباركم.. بي ما قريت الواجب مافيني شده! وزوجي معصب علي من شافني قاعدة قهرني يقول لي خل عروس تنفعش

توما بالعافية عليكم
ممكن الطريقة ادوات وطريقة الخطوات ..
اهمشي الطعم يم يمي

ماسويتها سويت كيكه عاديه خخخخ مستعجلين اخواني على العشا \\

لان عملت البشاميل والكيكه بس وامي عملت الكريم كراميل والسمبوس والعجه

فسويتها كيكه اسرع بكره بسويها :) وان قدرت راح اصورها

ركود اكيد الكل يتعشى وبيغسل والحاله حاله

تعشيت وسبحت بنتي وجيت