السلام عليكم ورحمه الله وبركاته
قصه ولادتي اكتبها متاخره بس اعذرووني اليوم عمر ولدي شهر و25 يوم
يالله نبــــــــــــــــــــــد أ:adore:
دخلت شهري التاسع وكان لي اسبوعين فيه وماتوقعت انه تجيني اي بوادر للولاده
صحيت يوم السبت على شويه مويات نازله مني قلت شكلها عادي
والعصر رجعت نزلت تاني وكانت مثل الاولى قليله خفت ورحت للدكتوره وقالت
لازم تتنومي ونسوي لك التحاليل ونشوف نبض البيبي
المهم رجعت البيت وانا افكر وامي تقول لي انتظري لاتستعجلي
وجلست بالبيت ويوم الاحد بالصباح رجعت نزلت مني مويه تاني
خفت ورجعت المستشفى واتنومت سوي التحاليل والاشعه
والاستشاريه قالت لي كل شي اوكي نكتب لك خروج افضل
لانه باقي لك على موعد ولادتك اسبوعين
وانا احس بالالام خفيفه بس قلت شكله عادي لانه من اول تجيني الالام
رجعت البيت وانا مبسوطه كاني ولدت
وقالت لي الاستشاريه متى ماخسيت بالم تعالي على طول
خرجت من عندهم يوم الاثنين ونفس اليوم بالليل ابتدى معاي الطلق
رجعت لهم قالوا لي 3سم خلاص ولاده طلعوني قسم الولاده
والالام تزيد رجعت كشفت على 4سم قلت لها خلاص سوي لي عمليه
عشان في ولدي البكري فتح الرحم 4 سم وبس وبعدها سولي عمليه
بعدها جاتني دكتوره ثانيه الله يعطيها العافيه كانت مره اخلاق
وانا كنت في حاله الله يعلم بها من الالم قالت لي حالتك ماتحتاج عمليه وانتي دحين 5سم
والباقي يفتح بسرعه والله انها صبرتني وكل ما افتكرها ادعي لها
ووانا في تلك الحاله يدق على زوجي تخليوا كيف كلمته :hysterical:
ويقول لي اشبه صوتك كده قلت له ايش تبى انت:mad:
وشويه الا جاني دكتور وفك الكيس حق المويه وقال على غرفه الولاده
وطلعوني على الكرسي المخيف الا اول مره اشوفه
وانا نفسي خلاص منتهي الا الدكتور يقول لي خذي نفس شويه وارتاحي
عشان لما تجيك الطلقه تدفعي وانا هذا الوقت صرت كذا:I:
ومن جد هدأت شويه والا شويه يقولوا لي ادفعي واول مادفعت الذكتور يصارخ علي
يقول احد يدفع كده والا انا نفسي اضربه اقول في نفسي وانا ايش عرفني8o|
والمهم اختكم تحسب الدفع سهل والله طلعت روحي احسب مره مرتين والبيبي يخرج
وهم يشجعوني والدكتور كان معانا عشان لو لاسمح الله احتجت عمليه
والحمد لله شوف ولدي في تمام الساعه 8 و55 دقيقه صباحا يوم الثلاثاء
وحطوه جنبي ينظفوه وبعدها يخيطوني ما حسيت بالم الخياطه من فرحتي بولدي
وهم يخيوطني وانا ادق على الاهل واخبرهم :p
لانه ماخلو احد معي وقلت اكيد امي قلقانه
وسبحان الله اخواتي كنت ادعي اني اولد طبيعي بس ماكنت متوقعه ابدا ابدا
وياربي لك الحمد وعقبال كل الحوامل وكل اللي نفسهم يحملوا الله يرزقهم :L:
وسامحوني عالاطــــــــــاله واختصرت قد ما اقدرF: