قصه ولادتي بحبيب قلبي وروحي (فيصل)

b

bent.aldossary

عروس نشيطة

16-11-2009 | 11:28 AM

بسم الله الرحمن الرحيم

الصلاه والسلام على افضل الانبياء والمرسلين محمد صلى الله عليه وسلم

الحمدالله على تمام النعمة واكتمال المنة

بتاريخ 10-11-2009 ولدت ولدي البكر فيصل

والحمدالله تره الولاده يا بنات كلها تساهيل من رب العالمين ولا عليكم من قصه ولادت فلانه ولا غيرها ... تره كل وحده تختلف عن الثانيه

خصوصا البكر بليييييز بنات لاتشوشون افكاركم بكلام وقصص مالها داعي تره كله تخويف وتهويل واحس من كثر ما قريت ما عندي سالفه

حلاته الوحده تروح على ويها والله بيسهل لها امورها كلها يارب

الحين بقول لكم قصه ولادتي

انا ماعطيني موعد ولادتي تاريخ 15-11-2009 بس انا سبقت عن موعدي خمسه ايام

وكنت من اول مادخلت التاسع وانا كل يوووووم امشي كيلوين في ممشى عالى وامشي مشى سريع واكون فاتحه ريلي يعني مو امشي وانا صاكتها عشان يساعد انه يوسع الرحم وينزل البيبي في الحوض

وكنت اكل عسل قبل ما انام واشرب حليب وتمر ... وكثرو من الجماع بنات في التاسع اعتقد اهوه اللي سهل لي ولادتي بعد رب العالمين طبع ا:)

المهم..

يوم الثلاثاء 10-11-2009 الفجر يلست الصبح واحس فيني الام خفيفه في بطني مثل الام الدوره في بطني وظهري

وكان الله يعزكم وياه اسهال وكان ينزل علي دم بس مو وايد لا دم قليل..

المهم انا ماكنت ادري شسالفه عبالي مغص ولا بوادر طلق كاذب مثل ما يقولون البنات

لانه اول مره احس فيه طول فتره حملي من دخلت التاسع ماكنت احس باي شي

المهم هذي الحجي كان ساعه 4 ونص الفجر عقب رحت نمت في الصاله عشان لاني كنت كل دقيقه ادش الحمام الله يعزكم

يلس ريلي من النوم الساعه 6 عشان يروح الدوام.. عاد ياني متخرع الصاله يقولي شفيج !! :rolleyes:

قلت له مادري بس بطني يعورني من الصبح وينزل على دم خفيف ..:(

قالي اوديج الدختر !! قلت له لااااااا موبي اروح يتحوسون فيني بس بتصل حق امي قالي انزين

وكلمت امي في التلفون خخخخخ وجان امي تختبص وتقولي لا مالج قعده بنروح الدختر وخلي زوجج اليوم ما يروح الدوام هذي ولاده ...

انا ماصدقت امي لانه ماكنت احس بالم واااايد كان الم خفيف واقدر اتحمله.. قلت لها مابروح المستشفى لين ينزل علي الماي مال الياهل >>>> خخخخخ تره كلش ماعندي سالفه

قالت لي امي بعطيج لي ساعه 8 عقب على طول المستشفى .. قلت لها انزين

تميت شوي الا ما اشوف الا امي طق على جرس الشقه وتقولي قوووووومي امشي بنروح البيت عشان تحت عيني اشوفج .. قلت لها انزين وبرزت شنطتي واغراض البيبي وركبت امي في سيارتها وجدمت راحت البيت وانا ركبت مع زوجي السياره

يوم وصلت بيت امي الا تقولي يله المستشفى مالج قعده هني في البيت المستشفى احسن اانا هني ماقدر اسوي لج شي >>>> قصت علي يعني خخخخ لانه انا ماكنت ابي اروح المستشفى

يوم قالت لي المستشفى على طووووول دموع وسناسين خخخخخخ اقول لها لا موبي اروح بيتحوسون فيني بيغربلوني :confused:

قالت لي لا اهمه احسن يهتمون فيج ومن هالحجي

المهم وصلت المستشفى ودخلوني غرفه الولاده وماكان عندهم احد يولد الا انا ابتدو فيني

وصلت المستشفى ساعه 7 ونص ولبسوني ملابسهم مالت الولاده وخلو علي الجهاز عشان يجيكون نبض البيبي وقوه الطلق

الا تقولي القابله انتي فيج الم ؟؟ قلت لها لا شوي مب وايد .. الا تقولي انتي مافيج ولاده بنطلعج بعدين

المهم تمو عطوني وقت جذي بعد نص ساعه وردت جيكتني تقولي لا مافي طلق ..

انا استانست قلت اشوه ماتحوسو فيني بروح البيت :D

عقب ياتني ممرضه بحرينيه قالت بشوفج من تحت جم سانتي

قلت لها لا موبي اخاف يعور :confused: الا تقولي لا ما يعور بس انتي رخي ولا تشدين.. قلت لها انزين:(

وكشفت علي وحمدالله تره الكشف ما كان يعور وايد خلكم بس مرخين اعصابكم وبتتسهل اموركم ان شاءالله

الا تقولي لاااا انتي اليوم ولاده الرحم منفتح 4 سانتي ما شاءلله

انا هني ما صدقت روحي:eek: !!! الا تقولي ساعه 12 ان شاءالله ولاده

المهم بعدين عطوني حقنه شرجيه الله يعزكم عشان اطلع كلشي في بطني

وبعدين ياتني دكتوره وفتحت ماي البيبي وعطوني ابرتين في فخذي عشان يخفف الالم وعطوني الاكسجين

وهني يبتدي الالم يزيد ويزيد ويزيد ويزيد ويزيد وانا ولا احس في الوقت من الم وكل مازاد علي الالم اشفط الاكسجين ...

كان يخفف.... يعني بنات تره اذا زاد الم عليكم لا تصارخون لانه بتروح طاقتج كلها ولابتصير فيج قوه بعدين حزت الولاده

المهم يوم صارت الساعه 44: 12دقيقه قالو لي الممرضات يلاااااااااه سوي بووووووووش بووووووش

تره البوش بنات كانج بتسوين العوده :tongue:

وسويت بوش بووووووووش والممرضات يصفقون ويقولون يلاه شاطره عفيه عليها ... يلاه اكو طلع الراس .. اكو شعره اخر مره بووووش

وبعدين طلع فصولي حبيبي وسمعت صياحه وعطوني ياه وشفته وبعدين كل الالم رااااااااااااااح سبحان الله من اول ما يطلع البيبي خلاص كل شي يروح

وبتدو يخيطوني..... وضربوني ابره وخيطوني من داخل وبرع

والخياط تره بنات ما يعور وايد بس تحملو شوي كانه نقزات ابره

واهيه اصلا بتضربج ابره بتخدرج عشان ماتتالمين وايد :)

والحمدالله بعدين طلعوني الغرفه ونمت على طوووول من التعب

هذي قصه ولادتي ... وكل شي تساهيل من رب العالمين

وصلى الله وسلم وبارك على افضل الانبياء والمرسلين محمد صلى الله عليه وسلم

والله يخلي لي ولدي ويحفظه واشوفه معرش وافرح فيه ياربي :15:(f)

ب

بحرينيه عز

عروس ماسية

16-11-2009 | 11:36 AM

ماشاء الله استانست وانا اقررى قصتج حسيت مافيها خوووف

الف الف الحمدلله على سلامتج حبيبتيييي ويتربى بعزززج فصووولي

وعقبالنا يارب والله يسهل علينا ان شاء الله(f)

h

haduih

عروس رائعة

16-11-2009 | 11:39 AM

مبروك حبيبتي وتستاهلين السلامه وسلامة فيصل فديت روحه
اقرأ قصتج وأصيح تذكرت الم الولاده انا خوافه اهئ اهئ

b

bent.aldossary

عروس نشيطة

16-11-2009 | 11:52 AM

بحرينيه عز;10636434:
ماشاء الله استانست وانا اقررى قصتج حسيت مافيها خوووف

الف الف الحمدلله على سلامتج حبيبتيييي ويتربى بعزززج فصووولي

وعقبالنا يارب والله يسهل علينا ان شاء الله(f)

الحمدالله تره كل شي تساهيل من رب العالمين .. وانا اصلا اكبر خوااافه في الدنيا

بس خلج دايم ذكري ربج واستغفري واامورج كلها تتسهل من رب العالمين

والله يسهل عليج وعلى كل وحده حامل ياربي (f)

haduih;10636464:
مبروك حبيبتي وتستاهلين السلامه وسلامة فيصل فديت روحها
اقرأ قصتج وأصيح تذكرت الم الولاده انا خوافه اهئ اهئ

لا مافي شي يخوف كل شي يصير بسرعه كانه حلم ومن تولدين تنسين كل شي سبحان الله

s

sweet lady88

عروس ماسية

16-11-2009 | 11:54 AM

ما شاء الله تبارك الله قصتج وااااايد حلوة و ما تخوف خخخخ

الله يثبت حملي و يقومني بالسلامه

و يتربى فيصل بعزكم و تشوفيه معرس خخخخ

ب

بنت القمر وأحلى قمر

عروس ماسية

16-11-2009 | 12:03 PM

الف مبروك حبيبتي من جد مو كل الولادات زي بعض الحمد لله

م

مراوي

عروس ماسية

16-11-2009 | 12:13 PM

مبروووك مره ثانيه بنت الدوسري

انتي وين ولدتي ؟ لان صادني لبس

يوم قلتي ممرضه بحرينيه قلت يمكن السلمانيه

بس يوم قلتي الممرضات يصفقون لك و يقولون شاطره مستحييييل السلمانيه الا اذا صايره معجزه ذاك اليوم :)

D

Daloo3t_Obooy

عروس برونزية

16-11-2009 | 12:22 PM

الف مبرووك اختي، حبيت قصتج وطريقة كلامج الصراحه كلامج صح مافي شي يخوف وكل شي تساهيل من رب العالمين ربي يسهل علينا ان شاء الله ونولد كلنا طبيعي ...
حمدلله على سلامتج ويتربى في عزكم فيصل وتشوفونه احلى معرس ...

ا

ام نيلا

مشرفة سابقة

16-11-2009 | 12:23 PM

مبروووووووووووووك

وتستاهلين السلامة

l

life is dream

عروس رائعة

16-11-2009 | 12:24 PM

الف مبروك يا ام فيصل وحمدالله على سلامتك
ربنا يهون علينا ويقومنا بالسلامة

m

mroom

عروس جديدة

16-11-2009 | 01:00 PM

الف الف الف مبرووك، والحمدلله على سلامة فصوول

هو فعلا الولاده ما تخوف ، الوحده تروح وموكله امرها لرب العالمين وان شاء الله كلها تياسير من عنده سبحانه .

الحمدلله :)

+

++مونيكا++

عروس رائعة

16-11-2009 | 01:05 PM

ألفففففففففففففففف مبروووووووووووك خيوووو الحمدلله على السلامة وصراحة طمنتين قلبي كنننت وايد خايفة صراحة ناس وايد تهووول الموضوع وهو مثل ماقلتي تساهيل من رب العالمين ...اللهم صل على محمد وآل محمد

أ

أحبه بكيفي

عروس برونزية

16-11-2009 | 01:10 PM

حمدلله على سلامتك
ومبروووك..فصولي
يتربى في عزكم ..

f

fooshe girl

عروس جديدة

16-11-2009 | 01:12 PM

الف مبروووووك وحمدلله ع السلامة ان شاء الله كلنا نصير جذي والله يسهل علينه

&

ღღ دريـــم ويــب ღღ

عروس ركن النساء والحمل والولادة

16-11-2009 | 01:40 PM

ماشاء الله تبارك الرحمن ولادتج سهله
انا ما عذبني غير الطلق الصنااعي وااي فلفل

الف الحمدلله ع سلامتج ومبروك عليكم فيصل يتربى بعزكم يارب

ز

زين البراري

عروس مبدعة

16-11-2009 | 02:03 PM

الحمدلله على سلامتج حبيبتي وربي يخلي لج فصولي
ويتربى في عزج وعز ابوه ان شاء الله
الا باقولج في اي مستشفى ولدتي ؟؟؟؟

ر

روكا2010

عروس رائعة

16-11-2009 | 02:56 PM

مبروك حبيبتي وتستاهلين السلامه

م

موغي

عروس مشرقة

16-11-2009 | 03:21 PM

حمد الله على سلامتج

ماشاء الله ولادتج تساهيل والله اني خايفه واحاتي الله يهون علي وتطلع ولادتي نفس ولادتك انا لاعندي ام ولا عندي حد فوق راسي الله يعين بس

ا

الفاطمية الصغيرة

عروس رائعة

16-11-2009 | 03:28 PM

الف الف الحمدلله على سلامتج حبيبتي
ويتربى بعزززج فيصل

س

سنفونية حب

عروس برونزية

16-11-2009 | 03:30 PM

الف الحمدلله على سلامتج والحمدلله يوم الله سهل عليج .. قصتج ما شاء الله تريح القلب و اطمن الواحد لا فعلا من كثر ما سمعنا عن سوالف الولاده خفنا حتى نفكر نحمل !!

الله يخلي لج فيصل يارب ويتربى في عزكم انتي وابوه وتشوفونه معرس زين الرجال
:)

س. سؤال : انتي ولدتي في اي مستشفى ؟