قصه ولادتي بــ ( نجد ) قلبي

في يوم 6/10 اذا تتذكرون في تجمع حوامل الشهر التاسع قررت اولد :ss:
وكنت احكيلكم عن دكتورتي الروحانيه (صديقه ماما ) اللي استشيرها في كل شي ..

فرحت لعيادتها الساعه 9 الصباح يوم الثلاثاء وقلت لها اني تممت 9 اشهر وعشر ايام ,, ودوام الجامعه يبدأ السبت وانا نفسيتي زفت خلاص بشوف البيبي لاانه تعبت من كثر مالناس تسألني : هاه ماولدتي :o

فقالت لي روحي لدكتورتك وقولي لها انا خلصت 9 اشهر ومااحس بحركه البيبي واصري على الطلق الصناعي واذا ماوافقت قولي اطلع على مسؤوليتك فراح تخاااف وتولدك ,, مع العلم انه الرحم موب فاتح ولا البيبي نازل بالحوض لكني اصريت اولد لذلك نفذت كلامهااا ..

طلعت على المستشفى وحصلت دكتورتي عندها عمليه ,, طلبت دكتورة عالمستعجل ودخلت وقلتلها الكلام اللي قالته لي صديقه ماما ,, قالت تعالي اسويلك فحص حصلت الرحم مقفل والبيبي موب بالحوض ولاانفع لولاده ابداً قالت استني كمان دام مويه الجنين كوويسه ,, اصريت وقلت لها ابغى طلق صناااعي :mad: وبما انه مستشفى خاص قالت اوكي ونفذت كلامي :cool:
وقررت اني اجلس عندهم ويعطوني طلق صناااعي بس قالت مافيه الا بكره الصباح قلت طيب ,, نمت عندهم وعلى الساعه 11 الصباح من يوم الاربعاء عطوني تحميلة الطلق وبدأ مفعولها على الساعه 6 المساء وبدأ يجيني طلق كل نصف ساااعه ولكن الرحم مافتح ولا سم :(
قالوا بنعطيك وحده ثانيه بكره الصباح اللي هو الخميس وعطوني التحميله وصار الطلق يحمى الين وصل كل خمس دقايق وبديت اشووف الموووت فنزلوني غرفه الولاده ولكن الرحم برضوه مافتح ولا سم وانا انتهيت وجلست ابكي واودع ماما وزوجي لدرجة انه ماما انهارت تقول ظنيتك بتموتين والله :confused:

يوم صارت الساعه 2 الظهر وانا الطلق كل 5 دقاايق وابكي وادعي والرحم موب راضي يفتح ,, انهبل زوجي وقال شوفوا لها حل مانبغى البيبي وانا في عز الالم ومقبله على الموت اتذكرت انه البنات بالمنتدى كانوا يسولفون عن ابره الظهر كان اهمس لماما فيهااا (y)
قالت للدكتورة ونادت زوجي يوقع عالموافقه وقع بدون تفكير مع العلم اني لم كنت احكي له عنها كان رافض بشده ,, يقول اولدي طبيعي عشان تأجرين :)
المهم الحمدلله وقع وجاااء الدكتور حق التخدير د / محمد ابو المكااارم الله يجزاه الف خير <== لاانه طلب مني اتذكره وادعي له (f)
والحمد لله الحمد لله بعد الابره عادت فيني الحيااة :):):):):)

وكل مااسمع وحده تولد وتصرخ اجلس اضحك <=== نذله :tongue:
مع العلم انه قبل الابره والله كل مااسمع وحده تتألم اجلس ابكي معها :tongue:

المهم حطوا الابره بظهري وحطوا بيدي مغذي طلق صناعي وبساعدي مغذي ثاني فيه جل
يفتح الرحم ويدي الثانيه فيها جهاز الضغط وبطني فيها جهاز حق نبض البيبي وحطولي قسطره بول :o ومن ورا فرغوني الله يكرمكم كني في مسلخ موب غرفه ولاده :confused:
وجت الدكتور وفقعت مويه الراااس وبدأ الشغل عالجامد (a)

صرت مااحس بااي شي وجاء زوجي دخل معي ونسولف ونضحك وكل ساعه تدخل الدكتورة وتشوف وضعي الين بدا الرحم يفتح عالساعه 11 الليل قالت فاتح الرحم 8 سم انتظري يصير عشره ونولدك قلت لها لحظه ماابغى اولد اليوم ابغى بكره عشان يصير التاريخ مميز ناظرني زوجي بحقد وقالي الله مايضرب بعصا لو ادري ماوقعت على الابره تتشرطين ماشالله :tongue:

عالساعه وحده الليل فتح الرحم 10 سم وحسيت شي يدفع تحت ناديت الدكتورة قالت ولاده راح زوجي ينادي ماما ومسكين يقول ليتني ماناديتهااا دخلت معي غرفه الولاده وهو انسحب عليه سيفووون :D

قالت الدكتورة ماينفع 2 واحد بس يدخل ماما مارضت تتنازل ,, وانا بديت احس بدفع فتنازل زوجي لماما قالت الدكتورة اذا حسيتي بمغص اسفل بطنك بدون الم ادفعي قلت طيب ..

اول ماحسيت دفعت مره وثنين بعدها تغير الشعور وبديت احس بطلق والم ومغص وددفع وكل انواع مصايب الدنيا لاانه الابره انتهى مفعولها :ss:

بس عزمت اولد وبلا دلع بديت ادفع ادفع الين مابقى فيني نفس واستسلمت وقلت للدكتورة خلاص ماابغى اولد ابغى اموت واشوف ماما تبكي وانهارت ووقفت دفع وجلست الدكتورة تقنعني والممرضات يدلكون بطني وهي تحاول الين قالت لي بس بوش واحد قلت لها هذا اخر بووووووش وانا اسوي بووش بقووووووه واسمع نجوووده تقول وي وي وي وي ولكن راسها مصفط :confused:
للاسف لما شديت انحز راسهااا وطلع مشطب :confused:

والحمدلله انتهت قصتي على خيرررر وجاءت نجد بتاريخ 10 / 10 <== تاريخ مميز مثل مابغيت وملت دنياي الله يحفظها :)

وزوجي يقولي متى البيبي الجااااي قلت قووم فارق لااوالله اخلعك :D

بس نصيحه بنات لاتستعجلون لااني شفت الموت والله ماانتظرت اولد طبيعي بطلق ربي :(
فهذه كانت عقوبتي ,, شفت الموت بالولاده ودماغي بنتي منصفط يضحكون عليها اخواني :confused:

وزودتها صح ؟؟