.* اتخـــطــبـــتى ازاي*.

[BACKGROUND="70 #FF6699"]

عسولة عمرو;14518891:



الله يخليكى
مشموشه عايزين الحكايه

حاضر يا قمر من عينيا بس مش دلوقتي
علشان متخانقة معاه ومش طايقاه بصراحة
عمري ما شفت حد لــمـــــــــض كده زي خطيبي :mad::mad:
[/BACKGROUND]

هوبا بودى يا قمر الف الف مبروووووووك والله حكايتك حلوة برضه ربنا يتمملك على خير يا قمر

فريسكا::: حكايتك مشوقه وحلوة قوى يا قمر ربنا يتمملك على خير ان شاء الله

نيمو :: حكايتك جمييييييله قوى يا قمر ربنا يتمم ليكم على خير يا قمر انا شفت صوركم على الفيس ما شاء الله جميله

سلمى 16 :: حكايتك مختصرة وجمييييله ربنا يتم ليكم الخيريا قمر

رودى::ربنا يصلحلكم الحال يااااااااااااااااااااااارب ويهديه ليكى ويتمم لك على خير ان شاء الله
هكمل باقى الحواديت واحكيليكم مع انى معنديش حدوته

هوبا ربنا يخليكى
نسيت اقولكوا ياجماعه قيموا هبه لانها صاحبة الفكره بتاعت الموضوع:L:

مافيش حواديت تاانى؟؟؟!!!

مافيش تانى حكايات

مين تانى يابنات؟؟؟؟؟؟؟؟؟

ان شاء الله هقولكم الحدوتة بتاعتى بس انتوا لسه مكتبتوش كل بتوعكم
هستنى برضه ههههههههههههههههههههه

هههههه قصصكم تهبل ياحليلكم والله


قريب اتخطب ان شاء الله اذا ربي شاء واجي اعلمكم كيف اتخطبت هههههه
موضوع روعه

هما العيال راحوا فين

انا قصتي عادية ..........زوجي جاه من ايطاليا بيدور علي عروووووووووووووووسة .............المهم شاف كنير بس كلوهم ميصدقوا انه يقول مسافر و وسيم و شبه الطلينه و مش ملتزم فيتهبلوا عليه ..........بما اني منتقبة جاه شفني الشوفه الشرعيه و كنت نقيله و رافضه عشان هنسافر ...........اولا انا نزلت بالنقاب علي وشي عادي لما بابا قالي ارفعيه رفعته ادام زوجي حاليا ...فكان لما يسالني سؤال كنت مردش لاني مكسوفه و بابا كان يرد عليه و هو كان نفسه يسمع صوتي بس بابا هو الكان بيرد عليه و انا و لا كلمه اصل بابايه بيغير عليه انا و اخواتي اوي...المهم المره التانيه بابا عطاني فرصه اني اعد معاه و اكلمه بس ادام بابا و ماما مع ان البيت كبير
بس بابا اعد بالقرب مننا عشان مكونش لوحدي....ثالث مره انا كنت سمعت شيخ في المسجد بيقول الشوفه الشرعيه مره واحده بس مش اكتر و اقتنعت بكلام الشيخ جدا فلما جاه خطيبي الهو زوجي حاليا للمره التالته بابا قالي ارفعي النقاب من علي وجهك.....فقولت لبابا :لحظه يا بابا بعد كده و جهت الكلام لزوجي و قولتله: مش شفتني قبل كده مرتين خلاص كويس خلاص مينفعش تشوفني دلوقتي ...ماما كانت اعده معنا سمعت مني كده اخدت نفسها و دخلت المطبخ و الضحك نزل عليها...و بابا اعد يضحك و يقول هو انتي حافظتي كلمتين و جايه تقوليهم...قولتله ابدا الشيخ قال كده يا بابا...راح زوجي قالي منا ممكن كنت اكذب و اقول اني مشفتكيش كويس.....فاحرجني كتير......و اضطريت في النهايه اكشف عن وجهي بعد ما اعد بابا يتحايل عليه ......زوجي كل ميفتكل الحصل يعد يضحك ..المهم هو صلي استخارة ة حلم بية فصمم علية..........فوفقت بعد شهر تم العقد و يعدها بشهر تم الزواج .......... و عندي دلوقني معاذ 3 سنين و البراء سنه و نص

ماشاء الله ربنا يكرمكم ويخليكم لبعض والله قصه حلوة

Moaz&ElBara;14869201:
انا قصتي عادية ..........زوجي جاه من ايطاليا بيدور علي عروووووووووووووووسة .............المهم شاف كنير بس كلوهم ميصدقوا انه يقول مسافر و وسيم و شبه الطلينه و مش ملتزم فيتهبلوا عليه ..........بما اني منتقبة جاه شفني الشوفه الشرعيه و كنت نقيله و رافضه عشان هنسافر ...........اولا انا نزلت بالنقاب علي وشي عادي لما بابا قالي ارفعيه رفعته ادام زوجي حاليا ...فكان لما يسالني سؤال كنت مردش لاني مكسوفه و بابا كان يرد عليه و هو كان نفسه يسمع صوتي بس بابا هو الكان بيرد عليه و انا و لا كلمه اصل بابايه بيغير عليه انا و اخواتي اوي...المهم المره التانيه بابا عطاني فرصه اني اعد معاه و اكلمه بس ادام بابا و ماما مع ان البيت كبير
بس بابا اعد بالقرب مننا عشان مكونش لوحدي....ثالث مره انا كنت سمعت شيخ في المسجد بيقول الشوفه الشرعيه مره واحده بس مش اكتر و اقتنعت بكلام الشيخ جدا فلما جاه خطيبي الهو زوجي حاليا للمره التالته بابا قالي ارفعي النقاب من علي وجهك.....فقولت لبابا :لحظه يا بابا بعد كده و جهت الكلام لزوجي و قولتله: مش شفتني قبل كده مرتين خلاص كويس خلاص مينفعش تشوفني دلوقتي ...ماما كانت اعده معنا سمعت مني كده اخدت نفسها و دخلت المطبخ و الضحك نزل عليها...و بابا اعد يضحك و يقول هو انتي حافظتي كلمتين و جايه تقوليهم...قولتله ابدا الشيخ قال كده يا بابا...راح زوجي قالي منا ممكن كنت اكذب و اقول اني مشفتكيش كويس.....فاحرجني كتير......و اضطريت في النهايه اكشف عن وجهي بعد ما اعد بابا يتحايل عليه ......زوجي كل ميفتكل الحصل يعد يضحك ..المهم هو صلي استخارة ة حلم بية فصمم علية..........فوفقت بعد شهر تم العقد و يعدها بشهر تم الزواج .......... و عندي دلوقني معاذ 3 سنين و البراء سنه و نص

ماشاء الله ربنا يسعدك يارب ويباركلك فى اولادك

الله عليكم بجد يا بنات فكرتونى بالأيام الحلوة اللي متهيألي صعب ترجع تانى بصوا هحكيلكم حكايتي ...بس من غير زهق انتوا هترجعونى ورا تسع سنين و نص...

طبعا انا خلصت الثانوى العام و الحمد الله و نجحت و دخلت الجامعة و قابلت صحباتى هناك و كونا شلة مع بعض المهم عدا اول شهر بخير و طبعا كنت متفجئة من الانفتاح الفظيع و الاولاد بجد رخمين جدا و بيحبوا يرخموا علي البنات و قال لازم ارتباط و المهم انا و صحباتى اتفقنا اننا دايما مع بعض و تعاملنا مع الاولاد في الحدود و قلة منهم جدا اللي نحس انهم بيتعاملوا معانا صداقة و زمالة بدون اي أهداف

و في يوم قابلت واحد معايا في الجامعة فضل يشبه عليا من بعيد و انا اشبه عليه من بعيد و فيوم جه قالي هو انتى في كنتى في مدرسة الوحدة قولتله و انت كمان انا متهيألي عارفاك قالي انا باسم قولتله ياه ده احنا كنا مع بعض في الابتدائي الخمس سنين بتوع الابتدائي قولتله طبعا فاكراك واتعاملنا اننا اخوات بس هوكان في كلية مش بيحبها حاسبات و معلومات و انا في كلية تانية كان يسيب محاضراته و يجي يقعد معانا و حتى يحضر محاضرتنا و يروح معانا و كأنه في كليتنا و كلنا ننصح في يا ابنى لازم تحضر محضراتك يقولنا لأ المهم الترم الاول خلص و طبعا سقط و شال كل المواد يومها نتيجته الجامعة كلها كانت بتتفرج عليها

طبعا كلكوا متوقعين انى ارتبط بالبنى أدم ده احب أقولكم ان طبعا البيت عنده كان هيتجنن مع انه متفوق جدا ايه اللي جراله و كان جايب 96 في الثانوي قالوا أكيد في انا في الموضوع

و ذات يوم في بدايات الترم التانى لاقيت شخص واقف عمال يبصلي من فوق لتحت بقرف كده و خنيق و باسم جه سلم علينا و مشينا نروح عند الجنينة لاقيت البنى ادم ده جاي علينا و قال سلام عليكوا و راح قايل لباسم انت ايه اللي مقعدك هنا راح قايله انا بسلم على زمايله و راح باسم معرفنا على الشخص ده و طلع اخوه انا اتصدمت لانى كنت عماله اقولهم ايه الواد التنك ده اللي محدش عاجبه و مش عارفة المهم قاله اتفضل روح محضراتك و باسم لم الدور و مشى و راح قايلي بعض اذنك انا عايزك في كلمتين ..قولتله نعم..قالي معلش ...قولتله ماشى لاقيته بيقولي انتى علي فكرة بتضيعي مستقبل اخويا..واخويا ده شاطر..ومالوش فيحركات البنات دي..و انتى مشعارفة البيت عامل ازاي .وانتى لو بتحبيه سيبيه...راحت بصاله كده و قلتله انت ايه اللى انت بتقوله دهانت سوري متخلف و معندكش ذوق ولا دم اانا مافيش بينى و بين اخوك اى حاجة مجرد زمايل و انتوا اللي غلطانين لأنكم غصبتوا عليه يدخل كلية مش بيحبها و احنا كلنا يا ما نصحناه و هو مش في دماغه غير كلية الهندسة و انتوا اجبرتوه علي الحاسبات و عامة انا ماليش دعوة بمشاكلكم دي انت مين اللي قالك انى بينى و بين حاجة انا مفيش بينى و بين اي شخص اي حاجة و فضلت اهرتل بكلام كده مش فاككره قوى لا الكلام ده من سنة 2002

المهم ساعتها قررت انى مش هكلم باسم تانى و لا اعاتبه في اي حاجة لانى قولت ازاي باسم يقول ان في علاقة بناو فضلت حوالى 10 ايام كل مايجي باسم يكلمنى اسيه و امشي بس كنت بلاحظ تواجد اخوه الكبير علي فترات يعنى يوم و يوم قولت ده اكيد بيسيب كليته و بيجي عشان يراقبه

لاقيت في يوما باسم جاي يعتذري و يقولي انا اسف و كده و انا فهمت اخويا الموضوع و حتى اتفق معايا و كلمنا ماما في موضوع الكلية بتاعتى و اتفقنا انى مشه دخل الامتحانات الترم التانى و هحول لكلية هندسة في السنة الجديدة المهم فرحت قوي و قالي اخويا كان فاهم غلط ده حتى هو عشان في كلية تجارة بس في سنة تالتة و مش عارف ايهو في الاخر لاقيته بيقولي ده هو كل يوم بيجي الجامعة بتاعتك عشان يعتذرلك و انتى مش بتديله وش نهائي قولتله بصراحة انا لا طيقاك و لا طايقة اخوك و اخوك ده بنى ادم مغرور ..و متسرع ..و تافه ..و تنك...و غلس ..و طالع فيها علي ايهو انا مش هكلمه ابدا و اعتذاره ده يوفره على نفسه و الموضوع انتها بالنسبة ليا و المهم ان انت هتحقق اللى انت عايزه و في يوم لاقيت باسم و اخوه شادي جاين يسلموا عليا فاتكسفت و سلمت عليهم و سيبتهم و مشيت جري على المحاضرة و فضلت على كده لانى ماكنتش طايقة شادي ده خالص و في يوم كنت واقفة مع صحبتى بنراجع المحاضرة و الدنيا راحت ممطرة فجأة كتير جرينا تحت التندة الكبيرة كل اللي كان واقف و فجأة بضرب عينى ورايا لاقيت شادي و رايا و عنينا جت في عنين بعض و حسيت انى مش شايفة حد تانى خالص من كل اللي واقفين الا هو و سمعته بقولي انا أسف فضحكت..و معجب بيكي قوى..و نفسي نتكلم مع بعض و كانت هنا البداية

ارتبطنا و كان هو اول ارتباط في حياتى و حبينا بعض بجنون و انا الفترة دي كان عندي مشاكل كانت مامتى لسه متوفية و الدنيا مهزوزة حواليا و هو وقف جنبى كتير و كمان لما رمضان جه علينا لاقيته شاريلي طرحة و جايبهالي ألبسها لانى ماكنتش لسه اتحجت بس و امتحنا و هو راح سنة رابعة تجارة و انا تانية تربية و باسم نقل هندسة بورسعيد سبحان الله يعنى كان مكتوبله كده عشان انا و شادي نتعرف على بعض
و فضلنا سنة تانية كلها مع بعض كل يوم يجلي الساعة 10 الصبح و يستنانى لما اخلص و يوصلنى عند البيت و بعدين لو ورايا حاجة ببليل يودينى و يجيبنى و بعدين يا كتاكيت كان غيار جدا تعبنى جدا و جينا في سنة تالاة كان هو خلص انفصلنا عن بعض و انا نفسيتى كانت تعبانة جدا و هو لانه جاله احباط علشان الشغل و الكلام ده و اتغير و عرفت انهبقا بيعرف بنات و حجات كده قولت الله يسهله
و في يوم لاقيته بيتصل بيا بليل و بيقولي انا عارف اننا سيبنا بعض بس خاليكى فاكرة انى لو في يوم من الايام عرفت انك تعرفي حد مش هسيبك و هموتك قولتله انتة مجنون قالي مش هسيبك تتجوزى حد غيري و قفل السكة الفترة دي بقا يجيلي هواجس غريبة و مارضاش انزل الشارع اقول ده ممكن يقابلنى يموتنى و لا يدلق عليا ماية نار هههههههههه ده اتجنن طبعا انا عمري ماشيلته من دماغي و لا يوم بس كنت مقتنعة اننا انفصلنا بس دايما كنت بحس اننا مالناش نهاية يعنى سايبين بعض و مش سايبين بعض و في يوم لاقيته بيتصل بيا و هو فرحان جدا و بيقولي لازم اقابلك ضروري طبعا زي الهبلة لبست و جريت لاقيته بيقولي انا لاقيت مشروع صغير هعمله و عايزك جنبي و اول لما ربنا يكرمنى هخطبك على طول و عدا كام شهر و احنا خارجين لاقيته بيقولي قولى لباباكى انا جايله عشان اخطبك قولتله انت فاكر الحكاية سهلة كده ده هيبقا في تحقيق و سين و جيم و عرفنا بعض ازاي انا كنت خلصت الجامعة كمان و كنا في ساعتها 2007 في الاخر قالي قوللهم انى من طرف صاحبتك جارهم و اتفقت مع صاحبتى قال يعنى هتجيلي اكنها بتفاتحنى و انا و لا عارفة و لاحاجة و بابا قال ماشى نشوفه المهم جه و بابا طبعا ماعجبوش الاظرف و لا اي حاجة و قاله لازم شغل ثابت و كده ومش شادي من عندنا و اتصل بيا و قالي ماتزعليش انا لو مكان بابكى كنت هعمل كده و كمان كان عايز يطول الخطوبة و بابا معترض و راح بابا راحله و قاله كله شئ قشمة و نصيب
انا بقا كان عندي زهول مش مصدقة المهم اتواعدنا اننا مع بعض لح ماربنا يريد
المهم في شهر 7/2008 جاتله الحمد الله شغل في شركة خاصة بمرتب كويس و اتعين و قالي بصي انا هاجي اخطبك تانى بس اعملي حسابك لازم تفقي جنبي قلتله انا معاكو اتقدملى تانى في 9/2008 و انا عندي في البيت رفض تام للموضوع و خناق و عياط مرمته و بهدلة و اكلم كل الناس عشان يوافقوا يقولو لأ امكانياته و ظرفه و كمان عايز يخطب من سنة لسنتين و انا البيت كله رجاله عندي مافيش ست تلين المواضيع المهم ربنا هداهم و قارينا

الفاتحة في 29/10/2008
و الشبكة الحمد لله 20/11/2008
و بدأنا نجهز و نشتري حاجة حاجة لحد اخر ست شهور المشاكل كترت حتى و احنا بنشتري العفش اتخانق هو و اخويا في دمياط و اخويا قاله معندناش جواز و مش هنجيب العقش و كانت مصيبة و اشتريت العقش بالعياط و الخناق و مروحين احنا في عربية و هو في عربية تانية و انا عارفة الموضوع متفشكل و فعلا راسهم و الف سيف الجوازة دي ماهي ماشية و انا انهارت و هو كمان اهله كانوا مذودينها و عدت الحكاية علي خير بس و جينا بقا في المشكلةالكبيرة القايمة و امه رأسها و الق سيف تمشى شروطها و انا اصلا بابا و اخواتى بيتلككوا مش عايزين الجوازة المهم كل ده كان فاضل على فرحي 6 ايام و لا وديت حاجنى و لا فرشت و لا انا عارفة هتجوز و لا مش هتجوز و شادي قالي انتى اخرك معايا يوم الفرح و مش هجأل الفرح و اللي عنكوا اعملوه و احنا قالوه مافيش فرح و مش هنجوز بنتنا و انا كان المطبخ بتاعى و الصالون في الشقة و هو ليه حجات عندنا و الدهب اتفقوا قبل اربع ايام من الفرح هو هيجيب الحاجة بتاعته على عربية و نفس العربية دي هيشيل عليها حجاته و علياه بوسة اخويا قاله كده الكلام ده كان السبت و انافرحى الخميس و انا خلاص سلمت امري لله لاقيت قجأة واحد قريبي جه من مصر و ادخل في الموضوع و خال و خالة شادى و عمى و معرفش ايه و لاقيتهم بقولوا احنا جايين بابا قالي هاتى الشبكة و حضرهالي عشان ياخدوها بهدوء قولتله حاضر و انا بقا مش حاسة بحاجة و في انهيار و لاقيت خاله جاي يقول لاخويا يلا اكتب القايمة دلوقتى بالانتوا عايزينه و ده ابنكوا و مش عارف ايه و كده و لاقيته مضي عليها من غير و لا كلمة و رحنا عند المؤذون
يوم الاتنين 22/11/2010كتبنا
الكتاب و الحمد الله
و نازلين من عند المؤذون فرحانين و مبسوطين فاضل يومين على الفرح الحق اودي حاجتى و افرش بس تفتكروا انا تعديلي حاجتى كده بدون اي حاجة

راحت حماتى المبجلة منادية علي بابا و قايلهم لو سمحتم احنا عايزين سورة من القايمة و انتوا برضه عملتوا اللف مزاجكم و معرفش كتبتم ايه راح بابا قالها احنا مابنصورش قايمات القايمة موجوده في البيت اتفضلي معانا شوفيها و اقريها زى ما انتى عاوزة او اي حد راحت برضه شده و احنا كنا متفقين نخرج بعض كتب الكتاب راحت قايلة لشادي يلا خد مراتك و امشي طبعا بابا شاط قالها دي بنتى و لسه مخرجتش من بيتى و انتى بتتكلمى كده ليه ياحاجة ده احنا اهل قالتله لأ و معرفش ايه راح بابا قايلي يلا اركبي العربية و انا و اخواتى و راح قايل لشادي بنتى تبعتلها ورقتها و مش عايزين منك حاجة و روحنا متخيلين
شوية و لاقيت العيلة جت و شادي و فضله يتأسفوا لبابا و عشان خاطرنا و قالهم بنتى غلبانة مش هترتاح مع الست دي و مش عارفة ايه المهم بابا صعبنا عليه قالنا خلاص يفعل الله مايريد حماتى راحت قايلة احنا مش هنعمل حنة و بابا قالاها و احنا مش هنعمل حنة و بلاها الجوازة دي شوفوا بجد النصيب لحد اخر وقت و انا مش عارفة هتجوز و لا لأ و لميت حجاتى و رحنا فرشنا الثلاثاء و الاربعاء و الله لحد الفجر راجعة البيت الساعة 6 الصبح عشان اصحا الساعة 9 للكوافير و الفرح

عملنا اشهار في الجامع الاربعاء بدون حنة للخلافات و العند و خلاص 24/11/2010
و الزفاف الخميس 20/11/2010

و دلوقتى الحمد الله ربنا كرمنى و حامل ربنا يثبت حملى و يرزقتا بالذرية الصالحة امين يارب

انا حاولت احكيلكم باختصار لان تخيلوا بحاول اختصرلكم 10 سنين في حكاية بس بجد يا بنات اخر فترة دي قيب الفرح بتبقا غريبة و ضغط من كل شئ فربنا يهون عليكم يارب و يعمر بينا لنا بيوتنا
مستنية رأيكم

انا حاليا متخانقة مع خطيبي للاسف :'(:'(:'(:'(
لما نتصالح اجي واحكيلكم من عيوني

بوسى الف مبرووووووووووووووووووووووووك الحمد لله انك اتجوزتى حكايتك فيها شد اعصاب كتيرة قوى الحمد لله انها تمت على خير وياترى حماتك عامله معاكى ايه دلوقتى؟

رشا يا قمر::ربنا يهدى سرك انتى وخطيبك وتتصالحوا بقى

بالنسبة الي انا كنت بعرف خطيبي ئبل كنا اصدقاء وبعدها هو صار يحبني وانا رفضت حبو وبعدت عنو وهو صار مصر علي اكتر وئعد يحبني لحالو 6 شهور وبعدها انا صرت اميل بشعور واكتشف اني ما بئدر ابعد عنو وانو هو الملائم الي انا كنت منبه عليه انو ما يحكيلي بحبك ابدا لانو مو من حئو ووعدني انو ما يحكيلي اياها بس احس فيها ولما احس فيها لازم ئئلو لحتى يحكيها وكان كل يوم يسالني حسيتي وانا ئئلو لا يعصب يا حرام هههههههه وبعدها لما انا صرت احبو سالني ئلتلو ما عدت صديق لا اخ انت شي تاني وهو من هووووووووون انبسسسسسسسسسسسسسط وحبينا بعض لمدة 3 سنين وبعدها اجى خطبني لما كون حالو منيح طبعا خلال علائتنا كان الكل عارف ماما وبابا واخواني وبعدها خطبنا والحمدلله الله يخليلي اياااااااه يا رب ويحمي ويئربنا من بعض اكتر ويبعد عنا العين والحسد ... بتعرفو بنات احنا واجهنا كتير بحياتنا رغم انو بنحب بعض بس الله لا يورجيكم الي واجهنا خلال السنتين الاولى من حبنا مشاكل مو بينا ولا بين اهلو واهلي بالعكس بس بين تواجدنا مع بعض لانو احنا مو من نفس البلد بس الحمدلله تجاوزنا كل المشاكل والمصاعب وكملنا مع بعض وان شالله نكمل على طووووووووول ادعولي بحتاج دعاكم الله يخليلي اياه ويحميه .... هي قصتي وبسسسسس

حكاياتكوا جميلة اوى وانا بحب الحكاوى دى :D
ندخل بقى على حكايتي ;)
انا خلصت كلية وفى اخر سنة فى الكلية اتعرفت على واحد من عالنت قعدنا 6 شهور نتكلم عالنت وانا اصلا ماكانش ليا اى علاقات فى الكلية نهااااااااائى ولا بحب الارتباطات اللى بتحصل فى الجامعة دى وهو كان مسافر وكان معرفنى على منتدى ادخل عليه علشان اقرا اللى بيكتبه لانه كان بيكتب شعر وخواطر
الموهم هو نزل فى الصيف وكلم اهله وكلمنى بقى علشان افاتح اهلى انا طبعا كنت مكسوفة جدا ومش عارفة اقول لاهلى ايه وازاى عرفته فاتفقت مع صاحبتي انه جاى من طرفها
قبل ما كان ييجي يقابل بابا بيوم خالتو كلمت ماما علشان تخطبني لابنها فماما اعتذرتلها لان فى واحد جاى
وانا اصلا مش كنت شفت ابنها قبل كده مع اننا قرايب بس مش كنت شوفته
المهم جه وقابل بابا وماما وسالوا عليه لقوه كويس وحددنا معاد للخطوبة فى العيد الكلام ده كان فى 2008
فى رمضان بقى مامته تعبت وكان عندها كانسر ودخلت المستشفى وماتت فى نص رمضان وطبعا ماكانش ينفع اننا نعمل خطوبة وكان عايز يسافر من غير ما يخطبني بس باباه رفض وقال مش هنعلق البنت
جت يوم الخطوبة وكان يوم منيل8o| كل ما افتكره اتضايق جدا روحت الكوافير وطلعنى وحشة جدا والطرحة وقعت وروحت كوافير تانى وهو كان قالب وشه واخته جاية بالاسود وبتعيط واحنا كنا عازمين اقرب الاقربين لينا واصحابي ماجوش ومفيش زغروطة ولا هيصة اكننا كنا فى عزا:hysterical:
بس بقى خطبني وقعد 3 ايام وسافر وكنا بنتكلم عالنت وكنا دايما فى خناق بسبب البنات اللى يعرفهم وخلانى اتعرف عليهم علشان يبين لى انه زي اخواته وهو عارفهم قبل منى وكان ممكن يخطب اى حد فيهم وكده
بعد سنة حصلت مشاكل فى شغله ونزل مصر وهو لا كان عنده شقة وكل الفلوس اللى كانت معاه صرفها على امه قبل ما تموت وكان بيصرف على ابوه لان حالته المادية ما كانتش اوى
المهم ابوه ده بعد ما امه ماتت ب 3 شهور وضب الشقة واتجوز من بنت :D شوفتوا وابنه مش عارف يتجوز وهو اصلا اتجوز بدهب مراته اللى ماتت وفلوس ابنه :D
ابنه بقى نزل مفيش شغل طبعا ولا شقة وماكانش جايبلي شبكة كان هى دبلة وخاتم وسلسة بس والشبكة المفروض كانت على كتب الكتاب
بس بقى قعدت معاه 6 شهور اكنى كنت اول مرة اعرفه طلع بتاع بنات ومش عارف ولا ولد كل علاقاته نسائية وحاجة تقرف بصراحة وكان كل حاجة يقولها ل باباه لدرجة انه لو كان جابلي بسكوت او اى حاجة تافهة يقول ل باباه
طبعا انا ماعجبنيش شخصيته ولا مواقفه وكان شخص مجادل جدا حتى فى الدين ومش مهم يجيب الفلوس منين المهم يكون معاه وفسخت الخطوبة فى اول2010
وبصراحة انا ماكنتش حاسة ناحيته باى عاطفة مش عارفة انا وافقت عليه ليه يمكن علشان كان اول واحد يتقدملى وقالى بحبك وكان هياخدنى ونسافر المهم انى ماحبتهوش اصلا
حتى لما فسخنا الخطوبة تحس انه ماصدق ولا ايه لانه ماكانش هيقدر يجهز فى الوقت اللى حددناه
بعد شهرين لقيت بنت بتضيفنى عالفيس وهى كانت تعرفه بعد 3 ايام لقيتها كاتبة انها فى ريليشن شيب معاه بعدها بيومين كانوا اتخطبوا :D
كل ده علشان يعرفنى ان اى واحدة تتمناه
بس بقى بعد شهر بعتلى دعوة الفرح وصورة ليها وليه شوفتوا البجاحة :D
وانا ولااااااااا فى دماغى لانه اصلا ماكانش يستاهل والناس اللى كانت مشتركة ما بينا كل واحد قالى عنه كلام مش حلو
وانا حذفت البنت دى من عندى وخلاص
بعد شهرين خالتو فتحت الموضوع من تانى وانا رافضة انى ادخل اى تجربة تانى مش وقته خالص ومش بفكر فى الجواز
وابن خالتو ده مش شوفتوا ابدددددددددددا كنت اسمع عنه بس قليل كمان ، كنت اعرف اخته بس
وانا اصلا بحب خالتو وعيلته كلهم بس مش موافقة
وماما نفسسها انى اتجوزه
المهم خالتو وماما خلونى اقابله بره وهما معانا شوفته واتكلمت معاه وارتاحتله
بس برضه مش موافقة بس مش عليه كنت مش موافقة بسبب ضغط ماما عليا انى لازم اوافق وانه كويس وعندى فى البيت كلهم موافقين
بس مش عارفة كنت بعند معاها وخلاص واقعد اعيط لصاحبتي وخايفة ليطلع مش كويس مع ان الكل بيشكر فيه جدا بس خايفة انى ما احبهوش ولا هو يحبني ونتجوز جواز تقليدى وانا مش عايزة كده
قابلته تانى عند جدته واتكلمنا وبرضه انا مش موافقة خااالص مع انى بكون مرتاحة وانا معاه
فى رمضان اللى فات بقى قابلته لوحدى وقعدنا فى جنينة كده وقعد يتكلم معايا وقالى خدى وقتك وصلي استخارة واتمنى انى اسمع خبر حلو ;)
بس بقى روحت البيت وصليت استخارة ونمت وكنت اول مرة اشوف نتيجة الاستخارة دى فى رؤية
حلمت بيه وصحيت تانى يوم لقيت نفسي مرتاحة جددا وحباه وانى عايزة اشوفه تانى:adore:
لما دخل بقى العيد الصغير كنا عند جدته وقابلته صدفة هناك واتكلمنا وقالى صليتي استخارة قولتله اه :o قالى طب ها ايه رأيك قولتله انا لو كنت رافضاك ماكنتش هتلاقيني واقفة وبتكلم معاك دلوقتى :o:D
بس بقى فى 15 / 10 باباه ومامته وهو وجده جم وقروا الفاتحة بس للأسف كل مانحدد معاد علشان نلبس الشبكة تحصل حاجة :'(ماتخليناش نعملها وقررنا ان الشبكة تبقى مع كتب الكتاب وخلاص
ووووبس ادعولى بقى ربنا يسهلهالنا ويرزقه يارب ونتجوز بقى:adore:

نوجى وبوسى حكايتكوا جميلة أوى ربنا يهنيكوا ويسعدكوا