.* اتخـــطــبـــتى ازاي*.

freska ammar;14489363:

رغيتى كتير أيه ده كل واحدة فيكوا حكايتكوا أحلى من التانية الواحد لما بيفتكر ألى حصل زمان بتبأى حاجة حلوة أوى وتحسى أن أنتى عايزة تأوليله كلمة بحبك حالا

nemo nemo;14489781:

بصى مش عارفة ليه دايما ألى يعرف خطيبه من اول الكلية دايما يبأى فى مشاكل عشان مش بيكون لسه مش أتخرج بس أوليلى انتوا لما سبتو بعض 7 شهور كان أيه السبب أصلى كنت خبرة أنا وخطيبى فى ألنفصال ههههه أنفصالنا أكتر من 7 أو 8 مرات وتبأى بالشهور ونرجه أسبوع واحد ونرجع تانى ننفصل أنا معرفتوش غير فى تانية كلية وباقى السنين دى مكناش مع بعض كان أتصال واحد لمدة اسبع ونرجع منكلمش بعض شهور لحد ما تخطبنا الحمد اللهربنا يكرمكوا كلكوا يارب

ربنا يكرمكم جميعا يااااااااااااااارب اميييييييين

بس فعلا ليه يانيمو الانفصال 7 شهور

حلو قوى الموضوع ده و حواديتكم احلى

احكيلكم انا بقى

انا كنت فى تالتة كلية و كنت راجعة مرة من الكليه لقيت خالى واقف تحت العمارة و معاه واحد فنزلت من العربية عشان اسلم على خالى و قالى اعرفك بأحمد قولتله اهلا و سهلا و طلعت جرى و لا اديكم امارة فى احمد ده اصلا و بليل لقيت مسج على الفيس من واحد اسمة احمد بيقولى قولى لباباكى انا جاى اقبلو بكرة بعد الصلاة فقلت فى بالى مين الرخم ده و عايز باباية فى ايه المهم رحت قلت لبابى فى واحد اسمه احمد جيلك بكرة بعد الصلاة طيب ليه طيب مين قلتله والله ما اعرف حاجة تانى يوم بقى جه فعلا و قال لبابى انا عايز اتقدم و كده بس انا عندى مشكله انه سقط سنة فى الكليه فهو كده اصغر منى بسنة فى الدراسة بس هو بيشتغل و معاه فلوس الشبكة و كله فبابايا قاله ادينى فرصة و كده و كمان لازم اقابل اهللك بس بابايا بقى بحكيلى انا مكنتش مصدقة مكنش فى بالى خالص انه حيتقدم بس الحلو ميكملش باباه مكنش راضى خالص خالص عشان هو لسه فى الكليه سنة كامله يا بنات بابا احمد ميرضيش يجى طبعا كان بابايا قفش و كنا انا و احمد بنتكلم على النت و طلع انه واخد باله منى من زمان و عارف عنى كل حاجة بس قضينا سنة بين ابتسامات و دموع و جالى ناس فى السنة ديه و كنا فى حيرنا عايزين نقول للناس انا فى حد و فى نفس الوقت مش عارفين نقول و انا كمان كنت اتعلقت بيه و عايزاه بس بقى حماتى ,وقفت لحمايا و قلتله حرام عليك يعنى هو عايز يعمل الصح و بتاع و فين و فين على ما اقتنع المهم لما جم بابايا انا بقى قفش جامد و كان شايف انهم مش شارينى من الاول بس فين و فين بابايا وافق بس بقى و اتخطبنا 23_10_2009 بس يا ستى و توتا توتا فرغت الحدوتة

[BACKGROUND="70 #CCCCCC"]

MARMORA_A;14491074:
ربنا يكرمكم جميعا يااااااااااااااارب اميييييييين

بس فعلا ليه يانيمو الانفصال 7 شهور

حصلت بينا مشاكل وحسينا ان احنا دماغنا اللى اتنين قفلت ولحد ناو مش عارفين مين فينا اللى كان السبب بس اقدر اقولك انه كان نوع من انواع العند
بس تعرفى والله لما رجعنا البعض حسينا ان ربنا خلانا نبعد الفتره دى علشان نحس بقيمه بعض اكتر يعنى اتعلمنا درس جامد بس طبعا ده ميمنعش انى ندمت انى نشفت دماغى الفتره دى كلها بس فى الاخر مقدرتش برضه :adore:
[/BACKGROUND]

[BACKGROUND="70 #FF6699"]ما شاء الله بجد كل الحكايات جميلة اوووووووووووي
ربنا يكرمكم يااااارب ويخليكم لبعض اااااااااامين

[/BACKGROUND]

ما شاء الله حكياتكم كلها جميلة ربنا يسعدكم يارب
انا حكايتى يطول شرحها نتاج 7 سنين ونص لكن مش هحكيها ومش عاوزه افتكرها اساسا
انا زهقت من خطيبى ومن معاملته معايا والله حتى ما بيسال عليا ومهنش عليه يقولى كل سنه وانتى طيبه حتى ولا برساله كان كلمنى من يومين علشان يقولى ان احوال البلد لخبطت احواله الاقتصاديه خالص وفى حاجات مش هيعملها فى الشقه وقالى معييش غير مبلغ معين وهجيب على ادى حتى الحيطان مش هيدهنها وهيسبها على الدهاره والمبلغ اللى معاه صغير اوى يدوب يكفى العفش والنجف بالعافيه طيب والنقاشه والمطبخ وباقى الاجهزه يقولى معرفش بقى هى دى ظروفى لو عاجبك على كده ماشى مش عاجبك سبينى واى وحده غيرك لما هتصدق اساسا هو حد لاقى عرسان اقوله طيب نستنى شويه وناجل الجواز شويه لحد ما ظروفك تتحسن يقولى لا انا تعبت بقى وعاوز ارتاح واستقر انا هطق وفرحنا اول شهر 4 مش عارفه هنتجوز ازاى وكل واحد فينا مش طايق التانى قلولى اعمل ايه؟ وادعولى يا بنات ربنا يصلح حالنا ويعدى الشهر اللى فاضل ده على خير

hoba bodyyy;14505630:

مرموره هانم ما تحكيلنا يا بنتى

هوبا :p:p:p:p:p


انا حكايتى طووووووووووووويلة



يلا كرم اخلاقى هحكيها :lol::lol::lol:




صلوا على النبى












زيدوا النبى كمان صلى:D








































هوبااااااااااااااااا :p:p:p:p:p
















مليش مزاج اكتب دلوقتى :lol::lol::lol::lol:
استنوا لما انا وهو نتصالح وتكون الغزاله رايقه :lol::lol::lol::lol::lol:

انا باااااقي ما انخطبت ادعولي بلي في بالي بس ههههههههههه

hoba bodyyy;14507280:

تصدقى بالله يا مرموره

هولع فيكى قريب ههههههههههههههههههههههه بقه تحولينا وخلاص متشوقه وعندى لوعه انى اعرف وتيجى تبطينى كدهون اهىء اهىء ماشى ماشى

يارب الغزاله تروق وتحلى وتيجى تحكيلنا يا قمر


دلوعه ربنا يرزقك بالزوج الصالح ان شاء الله

هوبا :p هههههههههههههههههههه
ههههههههههههههههههههه

مهو دى كان قصدى انى احولكم هههههههههههه علشان حدوتى يكون ليها طابع خاص ههههههههههههههههههههههه:lol::lol::lol:


ربنا يرزقك بالزوج الصالح يادلوعه :adore:

انا موجوده وبشوف حواديتكم بس مشغوله اليومين دول
استنونى يوم الجمعه او الخميس مع حدوتتى وهرد عليكم ان شاء الله
ومرموره اكتبى الحدوته اص انضم لهبه واولع فيكى

انا جييييييييييييت:D
هحكى بقى
بصوا ياعساسيل ادمش عارفه ابدأ منين
اول حاجه انا كنت فى تانيه ثانوى واختى الاصغر منى كانت بتروح مركز شبااب تتعلم كارتيه وتفصيل وكده يعنى فا ماما بقى فضلت تتحايل عليا اروح معاها وانا راااااافضه تماما المه فى الاخر وافقت انى اروح معاها وعجبنى الجو هناك واتعرفت على بنات كتير وبقيت اروح كل خميسى وجمعه اخدنا كمان دورة كمبيوتر هنااك فى المركز هو ده بقى المهم عمرو بقى كان بيدى دوره قبل الدوره بتاعتنا فى نفس المعمل وكنت طبعا اروح بلاقيه قاعد هناك علطول ولا عمرى التفت ليه ولا فكرت فيه اصلا:p لانى كنت خارجه من تجربه قبل كده واخدتعهد على نفسى انى ما اخوضش اى تجربه والتجربه دى انا اللى قفلتها بايدى عشان اريح ضميرى المهم ده بقى كان مبدأى انى ما اكلمش اى حد مهما كان...
المهم جه يوم فى رحله دريم باارك فى المركز طبعا قولت هطلع عادى مع اصحابى البنات واخدت اصحاب ليا من المدرسه كماان ورحنا كانت الرحله يوم
4/11/2005 المهم من هنا البدايه طلعنا الرحله انا واختى واصحابنا وعمرو بقى كان من المشرفين على الرحله فا واحده كده من اصحابى اللى فى المدرسه رغايه شويه فضلت ترغى معاه وجرت كلام مع كل اللى كان واقف كان عمرو و3 شباب معاه المهم لقيته بتشاورلهم عليا وتقولهم انا جايه مع صحبتى ديه عليا يعنى وبس ما حطتش فى دماغى وخلاص عادى ونزلنا بقى لدريم والاربع شباب اللى من ضمنهم عمرو قالو لازم نمشى معاكم عشان نخلى بالنا منكم انتوا اخواتنا واحنا طالعين الرحله سوا قولت ماشى يابت مش مشكله اهو احنا كلنا مع بعض المهم مشينا جروب كبير بنات وولاد واول مره تحصل معايا الحكايه دى
المه بعد كده اتفرقنا وبقينا 4 بنات و4 اولاد
انا واختى واتنين اصحابى من المدرسه و4 شبابا من ضمنهم عمرو
ورجعنا اتفرقنا تانى فضلت انا واختى وعمرو وواحد تالت اسمه احمد ركزوا معاه ده هحلكولكوا عليه:D
ومشينا طول الرحله حلوه وجميله وبصراحه الواد عمرو من يومها وهو جدع كان محافظ على انا واختى جدا ومش مخلى اى حد يلمسنا محوطنا كده بايده كده من بعيد وخلصت الرحله وكل واحد روح ولا فى اى حاجه حصلت ولا عمرى فكرت فيه خالص غير انه زى اخويا
وفضلنا بقى نروح كل خميس وجمعه واشوفه كل مره وعادى بردو ازيكم عاملين ايه وخلاص صحبتى بقى الرغايهكانت على تواصل بيه واخدوا ارقام بعض وكمان كانت بتتصل بيه توله نخرج وهو ما بيصدق ويخرج معاها على اساس يسألها عنى اكتر وكده وكل مره تقولى عمروم بيسلم عليكى واقلها الله يسلمه وخلاص عادى وتقولى دا انا خرجت معاه وعزمنى على معرفش ايه وانا عادى جدا
لحد ما جه يوم 16/5/2006 كان عندى بعد يومين امتحان كيميا قالتلى انا عنى مشكله وهنزل مع عمرو انهارده وهو بيقولى هاتى هاجر معاكى فقولتلها هشوف وفى الاخر نزلت معاها مش عارفه ازاى انا وافقت بالسهوله دى
لا نسيت اقولك الاول ان الواد اللى اسمه احمد اللى قولتلكوا عليه ده كان عايز يكلمنى وانا رفضت تماما اولا لانه مش مناسب بالمره ثانيا لانى زى ما قولتلك رفضت المبدأ ده خالص وكل ما ارح المركز يجى ورايا يتحايل عليا واقولى مينفعش لو سمحت ما تكلمنيش فى حاجه زى كده تانى ويجى تانى مره نفس الحكايه لحد ما قرفت بجد وكنت هوافق الحمد لله انى ما وافقتش طبعا صاحبتى دى كانت عارفه الموضوع وبتروح تحكى لعمرو كل حاجه فا المهم هو اخد منها رقم اختى لان مكنش معايا تلفون ساعتها وقالى انا بكلمك زى اختى اوعى توافقى على موضوع احمد ده انا بقولك كده عشان خايف عليكى ولو عندك اى مشله او كده قوليلى قولت ماشى المهم لحد ما جه اليوم اللى قولتكوا عليه فوق ونزلت واتاريه كان متفق بقى مع صحبتى انه هيقولى على انه عايز يرتبط بيا وانا والله العظيم حتى لما نزلت معاه ما جاش فى تفكيرى لحظه واحده انه اصلا يفكر فى كده مش عارفه ليه ممكن عشان كنت بشوفه طيب اوى وغلبان كده وما اتوقعتش انه يكون ليه فى حاجه زى كده خالص وكمان بيتكسف جدا لكن ده كان زماااان دلوقتى انسى :D
المهم نزلت وروحنا نادى جميل عندنا وقعدنا وهو كل شويه يقولى عايز اكلمك فى موضوع وانا اقوله اتفضل يقولى لا ولا اقولك خلاص وكل شويه عالحال ده وهو ومنى صاحبتى يبصوا لبعض ويضحكوا وانا عمرى ما تخيلت انه عايز يقولى كده المه وكان بيشغل اغنية تامر حسنى (حبيبى وانا جمبك تعرف بحس بايه وانا فى حضن قلبك ببقى عايز اقولك ايه...):D
بردو \ه كان زمان دلوقتى نوووو مفيش اغانى الحمد لله والله انا غيرت فى الواد عمرو ده كتير المهم فضل عالحال ده لحد ما قالى بجد ياهاجر انتى ما فهمتيش قولتله لا والله قالى ماكنتش اعرف انك بتفهمى بطئ اوى كده(غبيه يعنى) المهم وفضلوا يتريقوا عليا هو وصحبتى لحد ما اخده على جمب وقالها قوليله انت عشان مكسوف اقولها وقالها انا همشى اروح اجيب حاجات على ما تقوليلها واجى تقوليلى قالتلك ايه
المه مشى وقالتلى الصدمه قولتلعا نعععععم انتى مش عارفه ان انا رافضه حاجه زى كده اه عمرو اخويا وبعزه جدا لكن المبدأ ده مرفوض وقولتله بس ما تقوليلهوش انك قولتيلى حاجه خالص وجه فهمته انها ما قالتليش ومشينا وركبنا الميكروباص وقالى ممكن اجى جمبك عشان اكلم فى موضو فالمهم قعد جمبى وقالى انا هنزل كمان شويه وكلمنى عالموبايل وقوليى رايك فى الموضوع الى هقولك عليه دلوقتى والله لو ما اتصلتيش هزعل منك وكده وراح قالى ايه
(انا بحبك اوى ومن زمان مش من دلوقتى) بنفس اللفظ كده وراح قايل(على جمب لو سمحت ) وطلع جرى
المهم انا كنت مصدومه ومنى صحبتى تقولى بقى لازم نكلمه اقوله نكلمه نقوله ايه بتقول هو عايز يسمع رايك قولتلها كلميه وقوليله انى مش موافقه وميكلمنيش فى الموضوع ده تانى فا كلمته قالها هاتى اكلمها وكلمته فقالى خلاص انا اسف متزعليش واعتبرى ان النهارده ما حصلش خالص ولا انا قولتلك اى حاجه واحنا اخوات زى ما احنا اوك قولتله خلاص اوك
بس بنى وبينكم مععرفش زعلت ليه لما قالى كده:D قولت هو ما صدق ولا اييييه
المهم روحت البيت يومها كنت مسخسخه ومش عارفه اتلم على اعصابى نهاااااائى ونايمه فى السرير معرفش من الصدمه ولا اييييه؟؟
المهم خلاص الموضوع على كده لقيت من كل شويه تكلمنى تقولى اعمرو تعبان عمرو مش عارفه ماله وكده ووافقى يا هاجر والله ده كويس وده محترم ومش عارف ايه انا عارف ان عنيها كان منه:mad:
المهم قولتلها ربنا يسهل
جه يوم عيد ميلاد منى 25/5 قالتى هننزل سوا وكده قولتلها مشى ولقيتلك عمرو جاى وجايبلها هديه بسلامته:mad::mad: المهم وسألنى قالى عملتى ايه فى الموضوع ما رضتش عليه المهم بقى واحنا راكبين فى الطريق قولتله طب اخر الموضوع ايه قالى خير ان شاء الله قولتله طب خلاص (اوك) كان طاير من الفرحه وبدأنا بقى حكايتنا مع بعضنا اول ايام الحب دى جمييييييله جدا جدا احلى ايام
المهم فضلنا كده لحد ما جه اليوم المشؤم اكتر يوم بكره فى حياتى
16/3/2008 عمرو خسر كل الفلوس اللى كان محوشها هما ما كنوش كتير كانو 22 الف جنيه على فكره هو بيشتغل من وهو عنده 16 سنه بيحب الشغل زى عنيه المهم بس بالنسبه لشاب زيه لسه فى الاول كانت صعبه اوى عليه وطبعا خسر الشغل وبقى من غير شغل ومن غير فلوس والكلام ده حصل فى اليوم اللى كان ناوى يكلم ماما فيه على انه يتقدملى شكلى نحسس ولا ايه
المهمجه اللى انا خايفه منه قالى انا دلوقتى ما انفعش ليكى نهاائى وكده هظلمك والكلامد ده انا لسه قدامى كتير وانا ما يرضينيش انك تفضلى مربوطه كل ده وانا اقنع فيه ابدا والله اصعب لحظات لحظات الوداع يارب ما يكتبها على حد ابداا كانت لحظات صعبه جدا وما بطلناش عياط احنا الاتنين نزلت قابلته الساعه 8 الصبح عشان اودع ورجعت ماما لالاقيانى راجعه منههاره من برده وبردى كده ومكنتش قولت لحد ان نازله فا طبعا اتخضت وقللقت افتكرتنى عملت حاجه وحشه:lol:
المهم قولتلها تقوم تنرفزنى وتقولى وايه المشكله يروح ويجى احسن منه مليون مره يالهوووووووووى
المه بقى ايه فضلت اعيط لحد ما جسمى بدأ ينمل واحده واحده وبدأ يوقف احرك رجلى ما بتتحركش غير بصعوبه جده وايدى نفس الحكايه وماما تصوت عليا كنت انا وهى لوحدنا فى البيت
لقيت بقى ايه جسمى كله كده اتخضيت على نفسى قولت يالهوى العمر مش بعزقه:D
وقفت عياط خالص فجأه كده وماما اتصلت بلأسعاف تصوت وتقولهم الحقوا بنتى بتمووووووووت تعالولى دلوقتى طب ياستى نجيلك فين تقولهم تعالولى البيت هههه:lol: المهم طبعا ما جوش وهما كانا عارفين البيت فيين:D
انا بقى والله مسكت التليفون بالعافيه واتصلت بعمرو حتى ما كنتش عارفه اتنى ايدى كانت واقفه كده وقولتله الحقنى ياعمرو جسمى كله واقف ف اقالى انا جايلك
وجه واخدنى انا وماما ودانى المستشفى واخدت حقنه:badly:
وماما طول الطريق تعيط عليا والمهم فضلت بقى تكلم فيه وتقوله ان الرزق ده بايد ربنا وكده يعنى وهو فضل يهدى فيا بقى
ويقولى على جمب ايه (عملتى كل ده عشان ما اسبكيش)هههه
ومشيت الامور كما هى لحد ما خلصت امتحانات 3 ثانوى يوم 22/6/2008 وجه هنا البيت كلم بابا يوم 24/6/2008 وبابا بقى مكنش موافق بصراحه ومش راضى يرد عليه لا بقبول او رفض ويقوله لما النتيجه تبان وظهرت النتيجه وجبت الحمد لله 95% وطلعت التانيه على محافظة السويس وابا بردو مش راضى يرد عليه
لحد ما عمرو قالى واله لاجيب اهلى ونيجى نقرا الفاتحه انا زهقت من ابوكى ده كل ده بيفكر
جاب امه وابوه واخواته يوم
16/10/2008 وقرا الفاتحه غصب عن بابا:p هههههه
وحددوا ميعاد الخطوبه 11/12/2009
وبعد كده بقى فاتح بااب فى كتب الكتاب وبااب طبعا ما ردش عليه غير بعد سنه :D
والله وحصلت مشاكل كتييير جدا قبل الكتاب لو تفتكروا يعنى كنت بقولكوا فى التجمع
لحد ما بابا وافق بعد ضغط عليه بردو وقالى بس انتى هتندمى وعمرو ده هيرميكى ولا حد هيسأل فيكى قال عايز يخوفنى يعنى :-o وانا مصممه بصراحه كنت حاسه بالذنب اوى وانا مخطوبه مش قادره ما اكلمهوش وفى نفس الوقت حراام الكلام ده كله والله لحد ما عمرو اتخنق وقالى انا هسيبك مش قادر استحمل وفعلا سبنا بعض اسبوع وده فى رمضان اللى فات كان اصعب اسبوع عليا المهم الحمد لله بابا وافق فى الاخر وكتبنا
الكتاب الحمد لله يوم 13/9/2010 وهنتجوز ان شاء الله فى العيد الصغير9/2011
بالله عليكوا بقى ادعولى ربنا يكملى على خير ويرزقنا بشقه ويخلينا لبعض ويباركلى فيه
:L:وتوته توته خلصت الحدوته:L:

يااااااااااااااااااااااااااه يا هاجر انتى اول واحده هنا اقرا الحدوته بتاعتها بس بجد بجد ربنا يكرمكم ويتمم ليكم على خير يا اااااااااااااااااااااارب ويرزقكم الذريه الصالحه

هكمل بقى قرايه الحواتيت التانيه ههههههههههههههههههههه

حكوايكم كلها جميله ربنا يتمملكم على خير ويخليكوا لبعض

مفروسه من حبيبي;14478372:
السلام عليكم يا احلي بنات
انا بئي خطيبي من قريبي بس هو تقريبا ماكنش يعرفني بس انا كنت اعرفه كويس عن طريق كلام الناس عنه ووانا كمان انا عارفه اني تعبته معايه بس انا مش قادر استحمل بعده وكل ماقول تعالي يستفذني ويقول اد كده بتحبيني وطبعا انا بقول انا لا علشان هو مغرور اوي وبكره ان شاء الله هطلعه علي عينه :084:واجننه زي ما جنني :031:
يارب يرجع يارب بالسلامه ان شاء الله

حبيبتى ربنا يتمملك على خير يارب ويرجعهولك بالسلامه
وبالنسبه للنقاب مش عارفه ليه الناس حاطه فى دماغها ان لو لبست النقاب مش هتجوز مع انى والله بلاحظ العكس تماما انا اخواتى الاربعه لابسين النقاب وان شاء لله يتخطبوا بس هما بيجليهم عرسان كتيير عادى يعنى
وبالنسبه للى بتقوليه هو مش غرور هما تقريبا كلهم كده بيحبو يستفزونا:mad:

te amo;14478466:
وقولتله ميرسى وبس بعدها بيومين صليت استخارة وحلمت اننا فى الخطوبة ودى كانت اول مرة الاستخارة تجيلى بروية وانا كنت مترددة جدا بس بعدها ارتحت واتصل اخويا وقاله انى موافقة وطلب انه يكلمنى ويتاكد انى وافقت ومحدش كان ليسه عارف حاجة اتصل وكان عاوز يجيب الشبكة قبل مايجى هو واهله كلهم بس انا تعبت دور برد كنت بموت ومش بقوم من السرير والصيدلى صرفلى البرشم غلط وكان دور اتصل سال عليا على موبايل اخويا وبعتلى دبدوب امور كبير :029:وبعدها حددنا ونزلنا انا وماما وخالتى واخته وخالته اثناء قراية الفاتحة قالى انه مش عاوزنى اشتغل وقعدت والحمد لله طلع انسان كويس مش بتاع بنات ومحترم وعيوبه محتملة وانا اتعلقت بيه جدا :086:وفعلا نادمانة انى اتخطبت قابله وادينا مستحملين كل الظروف اللى احنا فيها لحد ماربنا يفرجها قصتى تقليدية جدا بس بعد سلسلة من العرسان كلهم مرتاحين وكويسين بس ماينفعوش معايا وفعلا انا كنت فاكرة انى لازم يبقى فى حب قبلها اكتشفت ان اهم حاجة القبول وان اللى ربنا قاله فى شروط الجواز واللى مش منها انى لازم اعرفه قبلها هو الصح والحب بيجى بالتعامل والعشرة

ربنا يتمملك على خير يارب ويسرلكم كل امر عسير ويوسع ؤزق خطيبك ياحبيبتى
وفعلا والله عمر السعاده ما كانت بالمال خااالص

saso_m;14478775:

موضوع سكر اووووووووى
تسلم ايدك ياهاجر
والف شكر لهبه حبيبة قلبى صاحبة الفكرة

انا بقى قصتى كل بنات عروس عرفوها
استمتعت بقصصكم يابنااات
ربنا يتملنا كلنا على خير

بت ياهاجر ياهرابة فين قصتك
انتى واستاذ عمرو

ادينى حكيت الحدوته اهو قولى رأيك وبعدين حطى الحكايه بتاعتك هنا تانى عان الموضوع ده يبقى مرجع لاى حد:D

hoba bodyyy;14479314:

انا بقه قصتى كالأتى يا بنات حواااا

انا دراستى من اعدادى لحد ثانويه عامه كانت بنات بس ودخلت الجامعه ولقيت عالم كبيييييييييييير اوى كله بنات وشباب
مكدبش عليكوا انا كرهت الجامعه اوى علشان انا مش واخده على الاختلاط لا فى عيله ولا فى درس ولا حتى المدرسه

انا بجد زيك بكره الاختلاط الحمد لله انى فى الازهر بنااات بس دا انا مره دخلت جامه عاديه والله كنت قرفانه جدا وما استحملتش اقعد فيها خالص الاختلاط شكله فظيييييييييع
وربنا يتمملك على خير ياهوبا يارب انتى عسل وتستاهلى كل خير ربنا يكرمكوا يارب ونتجوز كلنا فى يوم واحد