الرئيسية الواحة الأدبية خيمة القصص والروايات روايه سعوديه طويله..!

روايه سعوديه طويله..!

اساور ذهب 10-11-2010 152 رد 138,634 مشاهدة
ب
ببح
عروس مشرقة
06-07-2011 | 03:35 PM
دبيييييه ..افتحيييلي....ليلووووووه افتحي ابي اسولف سوااالف بريييئه..

دباااااا ..ردي علي..ترى بكسررر البااااااب رددددي

ليلى:ضففي وجهك ياحماره ماني فاتحه..

ميساء:ايداه..يامصيبتي..لولي زعلتي عللللي

ليلى:اقوووول فارقي مو لابق عليك ابدا

سندت ظهرها على الباب وطوت رجلها بحيث باطن القدم يلامس الباب..

ميساء:لا من جد افتحي الباب ومارح اقل ادبي عليك..

ليلى:روحي انقلعي عند سلمى..خليها تنفعك

ميساء:طيب ليه زعلتي ؟؟

ليلى:كيذا مزززااااااااااج..

لوت فمها على جنب وهي رافعه كل حواجبها

ميساء:طيب دامك زعلتي هذا دليل ان كلامي صحيح..جرح مشاعرك ودغدغ احاسيسك..صححح

ليلى:ياشين الفصحى عليك..وععععععع بس...فارقي فارقي ..

ميساء:ههههههههه انقهرتي احسسسسسسسسن ..

فتحت الباب وبغت تطيح ميساء اللي متسنده عليه..بس تداركت نفسها وتوازنت..

ليلى:هههههه ياليتك طايحه

ميساء:بسم الله علي ان شاء الله عدويني...ابتسمت ابتسامة مكر..طلعتي مدام ناصر..

ليلى:ميسسساااااء انطمممممي ترى بسطرررك..

ميساء:يووووه يازززينو اللي يستحي..ذكرتك بالحبيييب..

غسلت يدها من ميساء فحبت تقهرها

ليلى:وانتي جايه فوق شتبين؟؟تدورين الحبيب؟؟ تراه تحت يامضيعه..وبعدين مكشوفه هالحركاااات يعنني جايه بدون غطاء وكأنك ماتدرين انه فيه ويشووفك..قديمه قديمه..

فكت شباصتها ونفضت شعرها البني اللي يوصل لتحت الاكتاف ..جمعته على جنب وهي تسوي حركات دلع تقهر ليلى

ميساء:ياشين العذال ...ياختي شتبين ناشبه رجللي وانا حرره اشوفه بأي وقت..مايحتاج اسوي حركات..موووتي حررره..ولعلمك..سبلت

بعيونها..انا الحين بروح لجناحه واتنفس الهواء اللي يتنفسه..

ليلى:تسوينها اعرفك فاصختن الحيا على قولة جدتي..

ميساء:اش هالالفاظ هذي..وازيد من الشعر بيت..اذا جاء باخذه بالاحضاان...

ليلى:هيييييييييييء ياقللليييييييييلة الادب شهالكلام ياوصخه

ميساء:ياختي رجللللللللللي كيييييييييفي شدخلك شتبين..


يااااااااااااولد.. يااااااااااااولد..

التفتو على بعض على طول...

ضحكت ليلى على شكل ميساء وهي تدخل الغرفه وتقفل على روحها الباب..كان باين عليها الروعه

ليلى:ههههههههههه...خالد تعال مافي احد..

سمع اغلب الحديث اللي دار بينهم..كان يطالعها وهي تتكلم وتتدلع بدون ماتحس..

كان يبي يسمع كل كلامها..كان مستمتع بهالاحساس اللي يحسه..ولايبيه يروح..

تقدم لليلى وابتسامته يحاول يخفيها علشان مايحرج ميساء...

خالد:اشوا اني مادرعمت على طول ..

هزت راسها وكأنها مصدقته

ليلى:ايه باين باين...وقربت من الباب وعلّت صوتها علشان تقهر ميساء...اصلا ماكان فييييه احد بس وحده لسسسانها طوييل ويبيله قص..

كانت حاطه ايدها على المقبض وتسمع كلامها ومقهوووره ودها تطلع وتكفخ ليلى..

خالد:من تقصدين..؟؟

ليلى:جانا الاستهبال..اقصد مين غير مرتك ام لسان ..

خالد:لا ترى مااسمحلك..كله ولا مرتي..

تخصرت

ليلى:تكلم المحامي الولهان...طيب قولي شعندك..لايكون جاي بعد تاخذ مرتك بالاحضااان..

هنا ماتحملت كانت تتمنى يكون معها مسدس بعشرين طلقه تفضيه براس ليلى..بس ماكان عندها الا تعض ايدها من القهر والفشيله..

مال براسه لورى يضحك..

خالد:هههههههههههههه...هههههههههههه

توها تحس اللي قالته..ميساء مستحيل تمررها مرور الكرام..بدت تأشرله يسكت ..

ليلى:هس هس لا تفضحني..والله ماتخليني على قيد الحياة ثواني

تمالك نفسه وسكت..

خالد:طيب طيب..ااه يابطني..الله لايقطعني من سواليفك يالولي..

ليلى:والله ماضنيت بتتهنى بسواليفي عقب اليوم..هذي بتسويلي عاهه مستديمه..

خالد:يووه نسيت..ترى جدتي بتجي الحين..مابي اي كلمه زياده وسوي نفسك ماتدرين بالخطبه سامعه..واي اي كلمه تسمعينها اسكتي مو لازم تردين..

ليلى:وليه كل هذا ان شاء الله..؟؟؟ انا مو مسويه شيء حرام

خالد:ادري ادري..بس مانبي مشاكل..علشاني..

ليلى:خلاص ان شاء الله

خالد:شطووره..

دار بظهره يبي ينزل..والتفت عليها

خالد:نسيت..قوليلها حلياااانه بزود..ورجع دار بظهره ونزل

حطت ايدها على صدرها..

ليلى:ربي لك الحمد..اشوا انه سمعها..حتى لو ماكانت من قلبها..بس اهم شيء انه تطمن وصدق..

****************************





موريشيوس..


بالمنتجع اللي ساكنين فيه كانو مسوين مهرجان..العاب ناريه واستعراضات..

وهم اخذو طاوله منزويه شوي علشان عبير تاخذ راحتها..

نزل الصحن قدامها وجلس..

فيصل:تبين شيء ثاني..

طالعت بالصحن اللي جايبه كان مشكل من كل نوع بالبوفيه..

عبير:لا تسلم..

سم بالرحمن وبدا ياكل وهو يتفرج على العروض..طالعت فيه ثواني ورجعت نزلت عيونها وكلت..

فيصل:عبير ماجبتي الكاميرا معك..

عبير:لا ماجبتها..

فيصل:حساافه..كنت بصور ..وطالع بساعته..ان شاء الله يمديني..بروح اجيب الكاميرا واجي..

عبير:وعشاك؟؟

فيصل:الحين بجي..

عبير:مو مستاهله..اجلس تعشى..احسنلك

مسك ملعقته ورجع يكمل اكله..

فيصل:شورك وهداية الله..


رفعت عيونها تشوف اللي حوالينها..وانصدمت باثنين اوربيين يطالعونها ويسوونلها حركات قليلة ادب..

وشكلهم مو طبيعين..

رجعت كملت اكلها وهي تسترق النظر لهم..بس مازالو مصرين...واحد منهم وقف وتقدم منهم شوي بعدين رجع وهو يضحك وكأنه يتحدى صديقه..وفيصل معطيهم ظهره ولاهو منتبه لهم..

خافت يسوون لها او لفيصل شيء..

عبير:فيصل خل نرجع..

فيصل:ليش؟؟

عبير:مليت ..زهقت..

فيصل:طيب بس بكمل اكلي واقوم

عصبت

عبير:يووووه فيصل قوم وبعدين اطلب لك عشى هناك بالغرفه

سكت مارد عليها وكمل اكله..

عبير:الظاهر اني ماكلم جدااار ..فيص

قطع كلامها وهو يصر على سنونه

فيصل:اصص ولا كلمه زياده..انتي يبيلك تربيه من جديد..انا مو اصغر عيالك تكلميني كيذا..قوومي قدامي قوووووومي..

شالت شنطتها وقامت وهي تسب لسانها اللي مو راضي يتعدل...

ابتعدو عن المكان..وصار الجو هادي..

عبير:فيصل انا اسفه..

التفت عليها

فيصل:مابي اسمع صوتك...ولا كلمه فاااااااهمه

سكتت لان العبره خنقتها..وصلو للغرفه فتحلها الباب

دخلت وسمعت الباب يتسكر وراها..التفتت ومالقته..

عبير:اففف..وين راح بعد..الله ياخذهم نكدوو علي..لاتعشيت زي الناس وفيصل زعل علي..


*********************************








لبست عبايتها وهي تهاوش ليلى

ليلى:ميساء والله مالك داعي انثبري

ميساء:انثبر عقب اللي صار ..اسفه مااقدر...اصلا كله منك

ليلى:الحين كل هذا احراج من خالد..اجل شلون لودريتي انه قاللي قوليلها حلياانه

عضت على شفايفها

ميساء:هييء يعني شافني..اااااااااااااخ بس لو بيدي سكين ..مسدس اي شيء علشان اذبحك..وخري وخري عن طريقي وتبيني اجلس بعد..





في مجلس الرجال

ابوفيصل:والله زياد رجال والنعم فيه..ومايحتاج اسال عنه..حسبة ولدي..ومنسبكم يشرف يابو فراس

ابو فراس:تسلم يابو فيصل وماعليكم زود..وهذا العشم فيكم..

هو بحلم ولا بعلم..اللي يصير قدامه واقع ولا يتخيل..

كان بيصرخ فيهم ويقول ان ماعندهم بنت للزواج..بس اللي يبي يسويه يبي يفشلهم قدام الناس..
وقف ونادى عمه

ناصر:عمي ابيك بكلمة ..ابي اكلمك برى

ابوفيصل:عن اذنكم...

طلع معاه لبرى المجلس ..وتعمد ابو فيصل يبعد ..

ناصر:عمي زياد بيتزوج من؟؟

ابوفيصل:بيتزوج ليلى..

طلعت عيونه قدام..

ناصر:مستحيييييييل..ماياخذها..وانا.. عمي شلون تزوجها وهي لي..وين كلامك؟؟؟

ابوفيصل:انا زوجتك اياها وانت ماحافظت عليها..وهذا نصيبكم وماعترضت..وهي ماتبيك وانا ماارضى اوقف نصيبها علشانك..ناصر انسى ليلى وخلك رجال..ومابي اي كلمه..حنا عطيناهم موافقتنا وصار كل شيء رسمي...
ماكمل كلامه لان ناصر طلع

***************************







الكويــــــت..


حط راسه على المخده يريح شوي..مسك جواله وارسل رساله لسلمى..

(مساء الخير والاحساس والطيبه..
حبيبتي تراني وصلت والحين بنام ..
طمني ابوي وجدتي..وبوسيلي العيال..
اعشقك..

عاشقك الولهان..)



الرياض

كانو يتعشون مع جدتهم..وام فهد اضطرت تروح مع بنتها..

كانت تتعشى والجوال بجنبها تخاف يدق وماتكون عنده..فتحت المسج..وابتسمت

سلمى:سليمان وصل..الحمد الله

الجده:اشوا الحمدالله...ان شاء الله يرجعلتس بالسلامه

الكل امين

**********************








صارت تسوي حركات بوجهها وهي تطالع بالمرايه..

ابتسمت اكثر وخدودها حمرت..

ميساء:اجل حليانه..يعني اساسا اساسا انا حلووه..ههههههه..والله غريبه خالد يمدح؟؟ بالعاده يسب..

راحت لدولابها وبدت تستعرض كل شيء شرته لجهازها..وتقيسه وتجرب المكياج اللي يلبق عليه..


***********************






الساعه الثانيه ليلا..
في جناح زياد..جالس بمكتبه

فتح دفتر مذكراته على صفحه كاتبها من زماان

اجهلك..ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته ..من عبث طيشي وجنوني
وجهك اللي دوم يظهر لما القى نشوة الفكر الجديده داهمتني
لما القى انكساراتي قصيده واكتبتني
وجهك اللي دوم يظهر في اعاصيري وسكوني
في الجبال الشاهقه في اجمل خيالي
في السفوح الخافقه بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملامح
بالنها في بسمته..بالضيا اللي في وروده
بالعبوس في غضبته..بالتضاريس وحدوده
من جنوحه في البها..لين اقصى نقطه في كاسر جماله
للعذوبه..من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمر قاد في ثغرك
وجهك اللي ماابد يوم لمحته..او عرفته
لي سنين اتخيله واتخيلك
ياللي كلي بك معرفه واجهلك
مااصعبك كيف الاقيك
مااسهلك لو الاقيك
ياللي دوم اتخيلك
مملكة حسن الزمن..وانا الملك..

كتب تحتها ملاحظه..تحقق الحلم واصبح واقع..لم يعد هناك مجهول..رأيتها وعرفتها..وخطبتها وستصبح لي وحدي..





***********************



طالع بفستانها وبمكياجها وبالعشى اللي على الطاوله..وبنظراتها المستفسره عن رأيه..

مسك ايدها وسحبها معه وجلسها على الكنب وجلس جنبها..

مسد جبينه ..مسح وجهه وهو يستغفر..والتفت عليها

سالم:شوفي انا بقولك كل شيء..

عهود:قول اسمعك..

كان يبي يجرحها بس باحترام..

سالم:شوفي انا ماابيك واخذتك علشان خاطر عمي..يعني مو مغصوب..كنت اقدر اقول لا ماابيك واظن انتي تعرفين اسبابي..بس انا ماتعودت

ارفض لعمي اللي مااعده الا مثل ابوي الله يرحمه واكثر..فلا تحاولين تلفتين انتباهي لك..للانك مارح تلقين اللي تبينه..

عهود انتي بتظلين بنت عمي وام عيالي..وغيره لاتتحلمين..تصبحين على خير..

تحررت دموعها اللي اختلطت بكحلها الاسود..وحطت ايدها على فمها تمنع شهقاتها..

*******************






الجمـــــــــعه..



قامت على صوت ازعاج وصراخ..طالعت بساعتها ولقتها وحده الظهر..قامت من سريرها..

ليلى:الحمد الله الذي احيانا بعد ما اماتنا...ودخلت دورة المياه تتوضى وتصلي الظهر..

0
0
0

خلصت من صلاة الظهر بعد ماسبقتها بركعتين وانهتها بركعتين..مسكت القران وقرت سورة الكهف..

صارت تسمع الاصوات تزيد..وتعلى..فصخت جلالها وطلعت من الغرفه..ولمحت خالد ينزل مع الدرج وهو مسرع..

زادت نبضات قلبها ولحقته..

كانو كلهم مجتمعين ..عمها وجدتها وابوها اللي يحاول يهدي من اخوه ويطمنه..

ليلى:السلاام عليكم..وتقدمت تحب راس عمها..

اشر لها توقف مايبي سلامها..

ابوسليمان:لا تسلمين علي..روحي مابي اشوف وجهك..

التفتت على جدتها اللي قالت

الجده:والله مااسامحتتس ان صار بوليدي شيء..

ابوفيصل:الله يهديكم هي شعليها مالها دخل..والولد ان شاء الله بيرجع ياخوي تلقاه بالمزرعه ولا بالمخيم..

ابوسليمان:اقولم اتصلت على احمد واتصلت على عمال المزرعه وكلهم قالو ماشفناه...وطالع بليلى اللي واقفه ومتصنمه...حسبي الله على من كان السبب..


تاهت نظرتها..وقلبها عورها..كانت دموعها بتنزل..بس حاولت قدر المستطاع تمنعهم..طالعت بأمها اللي تترجاها بعيونها تطلع..ليه انا شدخلني..

انا ماسويت شيء علشان اصير متهمه..كرهته وكرهته وكرهته...الى متى وهو مكرهها بعيشتها..الى متى والكل متعاطف معاه وكأنها هي اللي المجرمه..

تكلمت بصوت مخنوق..

ليلى:انا شسويت؟؟ علشان تتحسب علي..؟؟

ابوسليمان:ابد طال عمرتتس ماسويتي شيء..بس وافقتي على عريس الغفله وولدي اللي هو من لحمتس ودمتس ماندري وينه عقب اللي صار مااااادري اذا هو بخيــــــــر ولا صار معه شيء..رفع سبابته لها وهو يهدد..والله ان صار بولدي شيء اني ماخلي

قاطعه ابو فيصل وهو يمسك ايده ويهديه

ابوفيصل:مو صاير الا كل خير..تعوذ من ابليس..والتفت على بنته...ليلى اطلعي لغرفتك..

كانت بتصرخ وبتدعي عليه جعله مايرجع ..بس حبستها بصدرها..ونطقتها نبضات قلبها..حقدت عليهم كلهم..

على عمها وعلى جدتها وعلى ناصر اكثر اكثر..دارت بظهرها وهي تسمع جدتها

الجده:هذا انا اقولك يابو فيصل..تراها طالت وتشمخت..والبنت دلعناها بما فيه الكفايه..ترى ان زوجتها غير ناصر لاانت بولدي ولا اعرفك..سااامع

كتمت بقلبها وطلعت الدرج وهي تركض ماتبيهم يشوفون دموعها..

ابوفيصل:يمه الله يخليك ماله داعي هالكلام..الله يطولي بعمرك ..ام فيصل خوذي امي للغرفه تريح..

وقفت ام فيصل بجلالها الطويل واللي مو مطلع منها اي شيء..مسكت ام زوجها وساعدتها على الوقوف..

****************
ب
ببح
عروس مشرقة
06-07-2011 | 03:39 PM
طلع من مركز المرور مع صديقه عبدالله ..

ركبو سيارة خالد البورش كاين الكحلي..نزل عقاله وشماغه وطاقيته ورماهم ورى..

وحرك السياره..

عبدالله:على الاقل تطمنا ان ماصار عليه حادث..

خالد:باقي المستشفيات..لازم اتطمن

عبدالله:ليه تدور وحنا تأكدنا ان ماصار عليه حادث..

خالد:يمكن تعب يمكن اغمى عليه يمكن احد دعسه مادري مادري..افففف ..

اخذ جواله اللي بالشاحن ودق على رقم اخوه محمد..وعطاه مقفل..
رمى الجوال وهو يسبه

عبدالله:خالد شفيك شوي شوي لاتسوي حادث فينا

خالد:من هالزفت ماتصل علينا مسافر ولاطمنا والمشكله مااعرف اي شيء عن اخوياه..والله لاتوطى ببطنه بس خله يجي..

عبدالله:انت ركز الحين بناصر واترك محمد عنك...اقول ليه مانتصل على طلال يمكنه عنده؟؟؟

خالد:يوووه شلون راحت عني..اتصل اتصل..

طلع جواله من جيبه واتصل على طلال..

طلال:هلااا ابو شنب..

عبدالله:هلا فيك..كيف حالك..لايكون تتغدى وازعجتك..

طلال:اي غدى الله يخليك..

عبدالله:افا يعني راح علي الغدا وانا جاي بتغدى عندك..

طلال:والله انك متأمل..اصلا ماحطيت شيء بفمي من يوم جاني هالكئيب..

التفت على خالد اللي يسوق وعلى وجهه انرسم امل..
عبدالله:تقصد ناصر..يعني هو عندك؟؟

طلال:ايه عندي ..ليه تسأل؟؟

عبدالله:لاننا قاعدين ندوره الله يصلحه مقفل جواله وخالد ماخلى مكان مادوره عليه..

طلال:والله مادريت..بس هو تعبان شوي حتى الصلاة صلاها بالبيت..

وقفت السياره فجأه ..اخذ خالد الجوال

خالد:وانت ياغبي دامه عندك ليه ماقلتلي وحنا متقابلين بالمسجد؟؟..وبعدين ليه ماجاء يصلي؟؟

طلال:وانا شيدريني انكم تدورون عليه..وهو جاني الصبح وافطر معي ونام..وتركته على راحته وماقالي اصلا شيء..وقومته للجمعه وقال انه تعبان مايقدر عطيته بنادول وارتاح شوي...

خاف على ناصر..هو مايفوت صلاة بالمسجد الا بالشديد القوي..

خالد:انت متأكد انه بخير..عطني اياه ابي اكلمه

طلال:نايم هو الحين..وبعدين تكمن اذا صار اي شيء بدق عليك..هو وش السالفه..؟؟ليه تدورون عليه

خالد:ماصار شيء بس اهم شيء تطمنت عليه..اهتم فيه ياطلال مايحتاج اوصيك والله يرحم والديك لاتخليه يروح لحاله..وطمني عليه

طلال:لاتوصي حريص..

خالد:مشكور وماتقصر مع السلامه

طلال:تعال تغدى معي انت وعبدالله

خالد:لا مااقدر عمي يدوره ولازم اطمنه...مره ثانيه ان شاء الله

طلال:لا مره ثانيه ولا شيء انا عزيمتي مره وحده..يلا مع السلامه




*********************





وجهه سود من الفشيله..مد يده وهو يحاول يغتصب ابتسامه..

سليمان:ايه عرفتك..كيف حالك..

تركي:بخير الله يسلمك..انا شفت الاسم وعرفتكم على طول..بس شلون تصير ولد عمه؟؟..اسم الجد يختلف؟؟

سليمان:عمي اخو ابوي من الام..

تركي:والله انا مااعرف الا ابو فيصل..هو وشلونه..

سليمان: بخير الله يسلمك..

تركي:استريح استريح..

جلس على كنبه منفرده جلد اسود..وجلس تركي قباله يفضلهم طاوله خشبيه

سليمان:انا تراني جاي على وجهي ماادري عن شيء..قلتولوي فيه قضيه على محمد..شالقصه؟؟

تركي:اول شيء لازم نضيفك..شتشرب

سليمان:شاهي

سحب التلفون واتصل على القهوجي يجيبلهم اثنين شاهي..سكر السماعه

تركي:عسى ماتعبت من السفر..

سليمان:لا الحمد الله..تركي ممكن تقولي الموضوع..

تركي:شوف ..محمد ماعليه شيء رسمي ضده..يعني مافي سوابق ممكن تقول مبتدئ..وان شاء الله بحاول يطلع منها

سليمان:وشي قضيته؟؟

تركي:قضيته..
قطع عليهم القهوجي اللي دخل بصينيه معدن وفيها بيالتين شاهي..
نزلهم على الطاوله..وطلع

تركي:اول شيء اشرب بعدين نتكلم

اخذ رشفتين ونزل البياله

تركي:سليمان انتم مالاحظتو شيء على محمد..اي شيء غريب

سليمان:لا..تركي قولي قضيته ارهابيه؟؟؟

تركي:هو شبه..يعني حنا ماسكينه مع عبدة الشيطان..

سليمان:عبدة الشيطااااااان!!!!!!!!مستحيل شتقول انت...محمد مايسويها..

تركي:لا سواها..وماسكينه وهو متواجد بشقتهم وسكراان..وهالقضيه تندرج تحت مسمى الارهاب..

سليمان:مااصدق اكيد فيه غلط بالمووضوع مستحيل مستحيل انا اعرفه زين واعرف اخلاقه

تركي:الحين بخليك تشوفه وتتأكد...هو موجود بالمخفر موقفينه هناك..

سليمان:اي مخفر الحين بروحله

تركي:بنروح جميع..

0
0
0
0
0




وصلو للمخفر..وتمنى مايطلع محمد..بس خاب امله يوم شافه..

تمو يطالعون ببعض..

تركي:انا اترككم تاخذون راحتكم...عن اذنكم..

كور ايده اول ماشاف الباب يتسكر ورماها بقوه لتستقر بخد محمد اليمين..ورجع بسط ايده وعطاه كف..

كان راضي باللي يجيه يستاهل..جزاه واقل من جزاه

سليمان:ليييييييييييش لييييييييييييييييش ؟؟هذي اخرتك...هذي اخرة الثقه ..كان يهزه مع ياقته

محمد:سليمان ادري ادري اني غلطان بس صدقني والله مادريت عن شيء والله والله

سليمان:بسسسسسسسسس ولا كلمه مابي اسمع صوتك فشلتنا عند خلق الله ..الله ياخذك..

محمد:ليش فيه احد درى..؟؟

سليمان:شرااااايك انت ..انا مادري شقول..يعني ..اخخخخ يالقهررر...


حرر نفسه من سليمان الهايج..واستراح على كرسي وحط راسه بين يدينه وهو منزله..

محمد:سليمان الله يخليك اللي فيني مكفيني ..صدقني ماكنت ادري عن اي شيء لعبو فيني..

سليمان:مارح اسمع منك شيء..اجل رايح لرحله ..بس الشرهه مو عليك على ابوك اللي واثق فيك..مادرى عن فعايل ولده لمحترم اللي الكل يسأل هو ولد ابوفيصل..انت تدري شسويت ..انت شوهت سمعتنا يامحترم لابارك الله فيك من ولد..انا كنت اتمنى اموت ولا اشوف شماتت الناس فينا..ولد عمي من عبدة الشيطان..ونعم التربيه والله

محمد:سليمان انت مصدقهم..قلتلك والله ماعبدت احد..انت صاحي اكفر بالله

سليمان:انت من متى تشرب؟؟؟

بلع ريقه بصعوبه وحس بالعرق يتصبب من جبهته

محمد:اول مره..

سليمان:لا متربي صح..ان طحت تطيح على شيء قوي..ماتلعب ..

محمد:ورب البيت اول مره ..وماعيدها بس طلعني ياسليمان والله قرفت بعيشتي..

كان مصدوم بمحمد..مو متخيل اللي يشوفه ويسمعه..هذا محمد اللي يمدحه..

سليمان:خلك تخيس ..مثل ماخيست سمعتنا..يالتعبان..وطلع...



*********************





بعد صلاة العصــــــــــــــــــر..

مانزلت من غرفتها من بعد اللي صار..

فصخت جلالها وسفطتهم مع سجادتها وحطتهم بالصندوق..مسكت القران وبدت تقرى وردها اليومي..

خلصت من وردها وقرت اذكار المساء..راحت لغرفة الملابس وطلعتلها تنوره طويله بقصه مستقيمه مع جيوب على جنب لونها موف ..ولبست

عليها تيشرت موف غاامق مع زخرفه ذهبيه على جانب التيشرت..رفعت شعرها الاسود ذيل حصان ولبست صندل ذهبي ..اخذت شنطتها لويس

فويتون ولبست عبايتها ونزلت تبي تروح لميساء تساعدها بجهازها اللي مابقى على زواجها غير اسبوع...مالقت احد بالصاله..سمعت اصوات

بالمجلس العائلي ودخلت..

كان جالس وباين عليه الضيقه..شابك يدينه ببعض ومركي جبهته عليهم...

وخالد بجنبه وحاط يده على ركبته..وامها وسلمى سكتو لما شافوها دخلت

طالعت فيهم وهي خايفه..لايكون صاير شيء وانا ماادري..

ليلى:خالد شصاير؟؟

ابعد عيونه عن ابوه..وطالع فيها يطمنها

خالد:لاتخافين ان شاء الله مو صاير الا كل خير..

صرخت فيهم وهي تطالع حال اغلى ماتملك..

سلمى:وشو اللي مو صاير شيء..تلعب على مين انت؟؟والتفتت على اختها..انا اقولك شسويتي...انتي وافقتي من هنا وابوي عطا كلمه للرجال

بالمواقفه وجدتي وعمي حالفين انهم مايكلمون ابوي ويقطعون علاقتهم فينا اذا تزوجتي غير نااصر..

ام فيصل:سلمى يكفي..

سلمى:يكفي ايش ولا ايش كلنا تعبنا من سالفتها..خلاص قلنالهم ماتبييييييه غصب هو تتزوجه..

خالد:سلمى مو ناقصين حنا قومي اطلعي برى..

سلمى:افف خلاص بنطم واسكت..وانت القالها حل يابو العريف

خالد:سلمــــــــــــى بلا قلة ادب..


ام فيصل:خلااااااااااص يكفي..سلمى قومي شوفي عيالك..

كانت بتقوم بس طيحة ابوها المفاجئه افزعتها وشلت رجولها..

خالد:يببببببببببه...وبسرعه رفع راسه ويضربه خدوده بخفه..يبببه يبه يبااااااااااااااه رد علييي

صرخت فيه وهي بمكانها

ام فيصل:بسرررررررررعه بسرررررررعه للمستشفىىىى

هالصرخه رجعته للواقع..حط يد تحت راس ابوه واليد الثانيه تحت ركبه وشاله بقوه..

تمسكت فيه وخالد يحاول يشيله ويصرخ تبعد عن طريقه..

ليلى:يبه يباااااااااااه يباااااااااااه لاترووووح يبببه يباااااااااااه اللي تبيه يصير يبه لاتخلييييييييييني يبه وتلاشى صوتها وهي تجثي على ركبتها
وخالد يركض وهو ماسكه بين يدينه بكل قوه خايف يطيح منه..

بسرعه راحت تلبس عبايتها وقلبها يرجف ويردد بالله يخليه لنا يارب تحميه كانت بنتها سلمى تركض وراها وهي حامل بدون شعور لبسو عباياتهم وطلعو مع السواق يلحقون خالد وتركو ليلى تبكي لوحدها..

كانت ترجف بشكل مو طبيعي وتشاهق ..التفتت حوالينها ومالقت احد..الكل تركها..

لبست عبايتها بسرعه وطلعت برى البيت وهي تركض وتبكي..مالقت احد..مالحقتهم..كانت بترجع للبيت وتروح مع السايق لحالها بس انتبهت لاكره شخص بحياتها..وهو يناديها من سيارته..

كان طالع من بيت طلال بسيارته وبيروح لبيتهم اللي يفصله عن بيت طلال شارع وملزوم يمر من عند بيت ابو فيصل..

ركضت له وفتحت الباب وركبت بجنبه وهي تصرخ فيه

ليلى:بسرررررررررعه بسرررررعه لايروح ويتركني بسرررعه

حرك السياره وهو مايدري وين يروح سألها

ناصر:لولوي شفيه من اروح له

ليلى:روحله بسرعه ابو بسرعه طاااح طاح..ورجعت تنتحب..ابوي ابوي ابووووي اااااه كله مني كله مني..بسرعه ابي اشوفه لا يروح لايروووح لايروووح ..

طلع من الحي وهو جاهل الوجهه اللي يروحلها ..

ناصر:لولي اهدي اهدي وكلميني زين عمي شفيه ووين راح؟؟؟

ليلى:خلوووني ومادري وين راحو فيه..بسرعه روحله بسررعه..وحطت ايدها على فمها من ورى الغطى تمنع شهقاتها..

خاف عليها وخاف على عمه..وش صاير وهو مو قادر يفهم.. الا انه طاح..اكيد صاير شيء كايد...راح لاقرب مستشفى لهم..

وقبل لايوقف نزلت بسرعه وبغت تطيح..ضرب بريك قوي ولحقها وهو موقف السياره بمكان غلط وتارك الباب مفتوح والسياره مشغله..

ماكان يبيها تضيع منه...ركض لها بسرعه لين صار بجنبها ومسك ايدها بقوه وسحبها معه للاستقبال..

ناصر:لو سمحت اخوي في حالة طوارئ جتكم الحين؟؟؟

:ايه فيه ثلاث حالات..عن مين تسأل

ناصر:راشد ال---

:روح من هنا ثاني غرفة على اليسار..

هرول بسرعه وهي بجنبه وودها تسبقه بس هو ماسك بايدها..وصلو ولقو خالد يروح ويجي بالممر وسلمى وام فيصل جالسين يبكون..عجزت

تسحب ايدها من ناصر وسحبته معه لاخوها

ليلى:ويين ابوي ياخالد وييينه

حط يدينه على اذونه من كثر ماهو خايف ومتوتر..وصرخ

خالد:مااااااااااااااادري ماااااااااااااااادري لحد يسأأأأألنننننننننننننني ..وطلع من المكان بسررعه..

زاد بكى ام فيصل وهي تشوف خالد بهالحاله..حضنتها سلمى وهي تبكي معها..

خلاص ماعاد لها حيل تتكلم تحس دمها نشف وقلبها بيطلع من صدرها دموعها تحجرت وحست باطرافها تبرد..

التفتت عليه وهو لازال ماسك ايدها..وتكلمت بصوت قوي بعكس الضعف اللي تحس فيه

ليلى:انت شتبي؟؟..تبي تذبح ابوي مثل ماذبحتني.. وذبحت ولدي ..انتم ليش تكرهونا؟؟..ليه جدتي تسوي كيذا؟؟ابوي مو ولدها؟؟ انا انا مو بنت ولدها مثل ماانت ولد ولدها..ليه يسوون كذا؟؟ ماتهمكم الا سعادتكم وحنا بالطقاق ..ماتهمكم كلمة ابوي للناس...حنا شسوينالكم؟؟فضحتوني انت وولد عمك وطلقتني واتهمتوني بشرفي ..وانا اطلع المذنبه..هم مايشوفون؟؟ ..انت المفروض يعطونك الاوسكار..افضل ممثل شفته بحياتي..تقلب الامور لصالحك..كل شي يمشي مثل ماتبي...يااكون لك ياماكون لغيرك..ليه انا مالي حق اعترض؟؟ مالي حق ارفض...مالي حق اعيش حياتي اللي خربتها مثل اي بنت..مالي حق اصير ام ويصير عندي عيال..حاسديني..انا من بيجيني عقب اللي سويته فيني؟؟ والحين يوم جاء بتقطع نصيبي..انت شتبي ليه مااتفهم ليه ماتحس؟؟؟
قلتلك اكرررهك اكررررررررررهك اكررررررررررررهك الله ياخذك انت كاااابوووووس تسمع كاااااااابوووس...

ناصر:خلا خلاص اهدي اهدي

ليلى:ليييييييه شايفني مجنونه ولابتحرمني بعد من الكلام..قولي بعد علشان اقطع لساني وترتاح جدتي..

كانت ترجف وهي تتكلم ..مسكها مع كتوفها وجلسها على اقرب كراسي انتظار..

ناصر:خلاص اهدي اللي تبينه يصير..ارتاحي ولاتتحركين بروح اشوف شصار...


0
0
0
0




كان واقف بالحديقه ويمنع دموعه تنزل..لو عليه شماغ كان تلثم وهانت بس هو ماعليه الا ثوب ومفسر اكمامه..حتى جواله مو معه..
كان مشبك يدينه ببعض وحاطهم على فمه ..ويدور بالحديقه..وده يروح وده مايروح..يبي يتطمن وبنفس الوقت خايف..
مصيبه اذا صار شيء لابوه..شيبي يسوون بحياتهم..هم ايش من غيره؟؟ ..شلون يجلسون بالبيت من غير صوته..
تحررت دمعه من عينه معلنه العصيان..كانت حاارقه مثل الحراره اللي يحس فيها..مامسحها لانها تبخرت بسرعه....



************************



كانو جالسين بكراسي خوص بالحديقه قبال المسبح..

فرقع اصابعه..

عبدالمجيد:انت متأكد انك ذبحته؟؟

حك حاجبه باصبعه..

زياد:متأكد..مادري بس مو معقول مايموت..انا خنقته وبس..بس اكيد ماات

فراس:طيب لو مات ليش ماكتشفو للحين...

عبدالمجيد:مو انا علشان كيذا شاك...لازم نتأكد

فراس:انهبلت انت تبي تفضحنا..صدق من قال ان المجرم يدور حوالين المكان اللي ارتكب فيه جريمته..

عبدالمجيد:اجل شلون نتأكد؟؟؟

زياد:من بنت اخوه

فراس:ماخبل منه الا انت..يعني شبتقول لها..شخبار خالك اللي خنقته هو مات ولا للحين حي؟؟

عبدالمجيد:فراس شفيك تتمسخر علينا

فراس:قولو شيء يدخل العقل علشان ماتمسخر..

زياد:افف شهالبلشه...مو وقته ابد

عبدالمجيد:لا وبكل ثقه رايح تخطب بنت الناس..الله يسترر..

فراس:انتم فكرو بحل اذا مات فعلا..ولاتشغلون بالكم بشيء ثاني..اكتشفو ولاماكتشفو بقلعته ..

زياد:مو قادر افكر بغيره..مسبب لي قلق

عبدالمجيد:لا خلاص انا بدور على واحد اعرف ظروفه زين ومارح اقوله عن شيء الا اذا اكتشفت الشرطه الموضوع..

فراس:ايه هذا الراي..وش اللي بايدك؟؟

كان لابس تيشرت بني كت..مع برموده جنز فاتح..

زياد:ههههه هذي اثار الجريمه..

عبدالمجيد:ههههههه

هز راسه مستهزأ

فراس:اضحكو اضحكو مالت عليكم ..

*************************






لقاه مثل ماتوقع بالحديقه..تنفس بعمق وراح له ..
ربت على كتفه..والتفت عليه
خالد:ناصر!! هاشصار..؟؟

ناصر:لا الحمد الله..ان شاء الله بتعدي على خير..انقلوه للعنايه الفائقه..يقول الدكتور بكره بينقلونه للعنايه المتوسطه..

خالد:فيه جلطه؟؟؟

هز براسه معنى ايه..

خالد:وين فيه؟؟؟

ناصر:بالقلب...قوم معي علشان تتطمن عليه

خالد:مابي..مااقدر اشوفه بهالحاله..خلني جالس هنا..

ناصر:براحتك..انا بروح اكلم السواق يقرب السياره علشان اهلك يرجعون ماله داعي قعدتهم عنده..

خالد:عطني جوالك خلني اكلم سلمى علشان يرجعون مو سامعين منك..

تضايق من كلمته ..ومد له جواله..

*******************





غطى وجهه بالحاف وشده عليه..

فيصل:مو قايم وخري عني..

فصخت صندلها ونقزت على السرير بقوه وارتفع فيهم ونزل..

عبير:فصوول قووم خلاص والله اسفه..

فيصل:0000000
عبير:فييييصل رد علي..قلتلك اسسفه

فيصل:000000
سحبت الحاف منه بقوه وتبعثر شعره الاسود زياده صار شكله راايق وخصوصا ببجامته الكحليه اللي زادت من نضارة وجهه ووسامته..

ابتسمت غصب عنها يوم شافته..

فيصل:ليه تبتسمين؟؟؟

عبير:حرام بعد ابتسم..مشاء الله عليك مرره حلوو ..انقطع كلامها وهي تستوعب ان اللي تقوله بنفسها يسمعه فيصل..هييييء وحطت ايدها على فمها..
ضحك بصوت عالي
هههههههههههه هههههههههههههههههههههه

حمر وجهها من الفشيله ..بسرعه تحركت وقبل لاتنزل من السرير طاحت على الارض..
طراااااااااااااااخ

ماتحملت الفشيله اكثر وبكت وهي بمكانها..

وهو ماقدر يمسك نفسه وزاد بالضحك..
ههههههههههههههههههه

زحف على السرير لجهتها بعد مانتهى من نوبة الضحك..ونزل من السرير وجلس جنبها على الارض

كان يبتسم وهو يكلمها..
فيصل:يعورك شيء..

عدلت جلستها وغطت وجهها بيدينها..كانت مرره منحرجه..

فيصل:خلاص يكفي لاتبكين بجيبلك حلاوه
عبير:مابي حلاوه
فيصل:طيب تبين اوديك لمدينة الالعاب

وخرت يدينها عن وجهها وهي مميله فمها على تحت..

عبير:شتقصد يعني انا بزر؟؟؟

رفع كل حواجبه..

فيصل:اناااا!!! لا شجاب لجاب..

عبير:تتمسخر علي انت؟؟؟

فيصل:من قال؟؟؟

عبير:انت تقوول

عقد حواجبه مستنكر

فيصل:انا؟؟ متى قلت؟؟

مسحت خشمها بظهر يدها مثل الاطفال
عبير:حركاتك تقول..

فيصل:طيب شفيهم الاطفال..هم احسن شيء بالدنيا..

سبلت بعيونها وطالعت على جنب وهي ماده بوزها

عبير:طيب انت للحين زعلان مني

فيصل:ايه..

طالعت فيه وكأنها مابكت قبل شوي

عبير:والله يافيصل ماقصدت بس انت ماتفهم علي اصلا انا سويت كذا لان فيه اثنين ين وخوفوني ماخلوني اتهنى بلقمتي وخفت عليك وانت ماتسمعني بسرعه رفعت ضغطي..

عصب..
فيصل:وليه ماقلتيلي انهم ضايقوك؟؟؟؟؟سوولك شيء ضايقوك بشيء قولي

عبير:لا ماسوو شيء...بس انت اللي سويت فيني

مرر يدينه على شعره متوسط الطول ورجعه لورى..

فيصل:عبير من جد صايره ترفعين الضغط تغلطين وماتبين احد يحاسبك..انا مو زوجك ليه ماقلتيلي ان فيه احد يضايقك..

عبير:قلتلك خفت يسوولك شيء..

فيصل:ليه طايح من عينك لهالدرجه ولا مو شايفتني رجال..

عبير:شفت يعني كنت بتتمشكل معهم..

فيصل:لا تبيني اصفقلهم

عبير:الرجوله عمرها ماكنت بالضرب الرجوله بالعقل

فيصل:عنييييييييده مادري على مين طالعه

كتفت يدينها

عبير :عليييك

فيصل:انتي مستحيل تعقلين..مافي امل منك..تصلحين من هنا وتغلطين من هنا...اففف

عضت على شفتها

عبير:والله اسفه

فيصل:عبير من الاخر ترى صبري له حدود..اعقلي ..انا ابي اعيش بهدوء مو كل شوي منرفزتني..

عبير:طيب اللي تبيه يصير..

قام من عندها وراح لدورة المياه وهو يقول

فيصل:ماضنيت..
*****************


رجع للشيخ بعد ماوصل امه لغرفتها ترتاح ولقاه مستمر بقرايته على ابو عهود..

جلس بكنبه على الزاويه وهو يتابع معهم..انتهى الشيخ من القرايه..

الشيخ:ماتشوف شر يابو عهود..روح ارتاح ولاتنسى مثل كل يوم الاذكار والقرايه والمويه والزيت والسدر..لاتنسى

حرك رقبته يمين ويسار

ابوعهود:ان شاء الله..مؤيد ياولدي تعال ساعدني

قام لعمه وساعده يوقف..

الشيخ:انا استأذن مع السلامه وموعدنا بكره..ومؤيد قول لامك لاتنسى اي شيء من اللي وصيتها

مؤيد:ان شاء الله..الله يجزاك بالخير..

*******************************




الساعه 9 الا ربع مساء..

طلع للحديقه وابوه فضل يجلس بالمستشفى رافض انه يطلع بدون اخوه..

لقاه بنفس مكانه على الكراسي..ووقف قباله

ناصر:خالد ماتعبت

خالد:عمي فيه ولا رجع

ناصر:لا فيه مو راضي يرجع...بيني اجيبلك شيء تاكله

خالد:مالي خلق لشيء...

ناصر:روح ارتاح بالبيت انا بجلس عنده

خالد:افف ناصر تراك غثيتني انا مو راجع وابوي مو معي..عطني جوالك

ناصر:ليش؟؟من تبي تكلم

خالد:ابي اكلم فيصل لازم يجي

ناصر:ماله داعي عمي مافيه الا العافيه..خله يتهنى بشهر العسل لاتكدر عليه

خالد:انت ماتعرف فيصل يعني..والله يسوي فينا النون ومايعلمون اذا درى ان ابوي بالمستشفى ولا قلناله..

ناصر:خلاص انا بدق عليه

خالد:لا انا احسن علشان يتطمن اكثر..


**************



طلع وشعره رطب ينقط مويه وخصل على وجهه..كان شكله جنان..

لبس بنطلون رمادي مع تيشرت اسود بكتابه رمادي..

دخلت للغرفه وابتسمت لما شافته

عبير:نعيــــــــــــما
فيصل:الله ينعم عليك..
راحت لازرار التكييف وطفتهم..
عبير:ليه تخلي شعرك رطب والتكييف والع..تبي تنمرض انت..

طالع فيها وهو يتخيلها تقوله مثلا.. حبيبي لاتطلع وشعرك رطب تراني ماتحمل انك تتألم وتمرض..اسلوبها ابدا مايعجبه..
هو يحب البنت بنت..يعني تكون انثى ورقيقه..هي حنونه وحلووه ومعجبته بس اسلوبها بالكلام ابدا مو عاجبه..

ماحس فيه الا لما صارت قباله وبيدها مشط..
عبير:عادي امشط شعرك..
رفع كتوفه علامة الاستسلام للواقع اللي يعيشه..جلس على كرسي التسريحه وهي وقفت وراه وبدت تمشط شعره وهي طايره من الفرررح..

رن جواله
عبير:خلك مكانك انا اجيبه...اخذت الجوال من الكومندينه اللي جنب السرير وبدون ماتشوف المتصل مدته له

فيصل:هذا ناصر... ورد...الوو

خالد:هلا فيصل..

فيصل:خالد..انت تدق من جوال ناصر ولا يتهيألي؟؟؟

خالد:ايه ادق عليك من جوال ناصر..انت طالع ولا بغرفتك؟؟

فيصل:لا مو طالع..خالد شفي صوتك؟؟..صاير شيء امس؟؟

خالد:لا امس ماصار شيء واتفقو على كل شيء

فيصل:زين الحمد الله..اجل شفيك؟؟..لايكون ناصر فيه شيء؟؟؟

خالد:لا ناصر مافيه شيء..انت متى تجي للسعوديه؟؟

صر على سنونه
فيصل:خالد من الاخير شصاير ؟؟؟

خالد:تنهد..ابوي تعب علينا اليوم ووديناه للمستشفى

فيصل:ابوووووي!!!! شمنه ؟؟شصار له؟؟؟

خالد:الحمد الله هو بخير مافيه شيء بس انا قلتلك علشان ماتزعل بس

فيصل:اقوووووووولك شفيه انطق ؟؟؟

خالد:احم..الدكتور يقول ..يقول فيه جلطه خفيفه

فيصل:جلطه!!! شلون ؟؟ووين ؟؟

خالد:جلطه بالقلب بس صدقني هو بخير وتوه مكلمنا والدكتور يقول يومين ويطلع بالسلامه

فيصل:انتم اي مستشفى؟؟؟

خالد:مستشفى ال----

فيصل:طيب..مع السلامه...

سكر بدون مايسمع جواب اخوه...

عبير:من اللي فيه جلطه؟؟جدتي؟؟

فيصل:لا ابووي..روحي جيبيلي مويه نشف حلقي...

عبير:ان شاء الله..

دق على رقم زياد اللي جاه صوته وهو يهلي فيه

زياد:هلاااا بالمعرس واخيرا تكرمت ودقيت اكيد تباركلي

فيصل:زياد تراني مو ناقص..اسمعني ابيك تروح لمستشفى ال---- تعرفه

زياد:ايه اعرفه..ليش عسى ماشر

فيصل:ابيك تسأل الدكتور عن ابوي..اليوم تعب عليهم وودوه للمستشفى وانا مو متطمن..واسمع تدق علي وتقولي اللي صار بالضبط..وابيك

تحاول تنقله لمستشفى العسكري.. الدكتور خير الله ممتاز..

زياد:طيب الحين بروح واسأل...ولاتخاف بنقله عندنا وبهتم فيه..

فيصل:يلا انتظرك وانا بدق على مدير المستشفى وعلى خير الله بعد..علشان اوصيهم

زياد:مايحتاج انا اقولهم

فيصل:طيب طيب بس انت روح...

زياد:مع السلامه

فيصل:الله يسلمك...

حط الجوال على التسريحه واخذ المويه من يد عبير وشربها دفعه وحده بعد ماسمى..

عبير:تبينا نرجع..

نزل الكوب على التسريحه..

ووقف ياخذ جواله وراح لدرج الكومندينه وطلع تذاكر السفر..

فيصل:الحين بشوفلنا حجز...وطلع..

عبير:الله يحفظك...


*******************






جالسه على كرس هزاز بغرفتها..تفكر بطريقه تدبر فيها السقاير..

خالها مايرد عليها..ولاتعرف احد غيره ممكن يعطيها...هي الحين مو محتاجه ..بس تخاف تجيها حالتها وهي ماتتحمل الالم..

مسحت وجهها بتوتر..لازم تدبر نفسها..بس كيف..

وقفت هز وطلعت برى غرفتها..مرت على غرفة عاليه..

غيوض:ااااه ياعاليه....اللي فيك يكفيك..لمين اشكي الحين..

كملت طريقها وسمعت صوت صراخ اخوها الصغير متعب..فتحت الباب بسرعه..

وانصدمت باللي تشوفه..

غيوض:صاااااااااااااااااااااااالح!!!!!!!!!!!!

ارتبك..بالفطره حتى لو كان صغير يدري انه يسوي شيء غلط..ارتبك وراح للزاويه..ومتعب ركض لغيوض..

رمت متعب بعيد وهجمت على اخوها وبدت تضربه بقد ماتقدر كانت مقهوووره..كانت تفضي شحنة الغضب اللي تحس فيها..

اللي فيها مكفيها..واللي في عاليه مكفيها..يجي هذا يكمل علينا..

كان يصرخ من الالم..ويحاول يتفاداها بيدينه الصغار بس مو قادر..




كانت تسمع الصراخ وهي بسريرها ودموعها زادت وهي تصررخ..

كان احساس العجز يقتلها..ماتبي احد يبكي غيرها..هي تعودت عليه بس اخوانها ماتبيهم يجربون اللي تجربه..

كانت تصرخ وتصرخ بس محد يسمعها..

عاليه:غيوووووووووض..غيووووووض يكفففي غيوووووووووض...


كل البيت سمع الصراخ والخدم تجمعو..طلع ابو صالح من جناحه ووراه ام صالح..

دخلو غرفة صالح ولقو غيوض تضرب بلا رحمه..

مسكها ابوها ودفها بقوه خلاها تطيح على الارض..

ام صالح:اش فييييييك عليه ..مجنووونه وركضت لولدها

كان تنفسها سريع وهي تطالع ابوها

غيوض:شفيني عليه اسألوو متعب شمسوي فيه هالحقييير..خاااايفه عليه مااايهمك بالبيت الا هو...شوفي شلون جازاك..

وانت يالعقرب مو قادر الا على عاليه..ورني شلون بتربي ولدك المحترررررم..

عطاها كف قووي

ابو صالح:الظاااهر تبيني الحقك فيها..

غيوض:انا لحقتها وخلاااص..وصالح لحقنا..ومتعب بالطريق وانت الهى بجمع الفلووووس

تقدم منها وعيونه حمراء..مسكها مع زندها وهو يصر على سننوونه

ابوصالح:انتي يبييلك ترببيه ..

تركت ولدها وراحت تفك بنتها من ابوها..

ام صالح:اتررركها اتررركها..

ابو صالح:وخرررري عنننني ..ودفها وطاحت على الارض..

ركض لابوه وتعلق بثوبه

متعب:بابا هي ماسوت شيء هو اللي بدى..بابا اسمعني..هي شافته معي بالسرير وانا كنت اصررخ وهو مايبي يخليني وانا كنت ابكي هي

ماسوت شيء بابا بابااتركها

حست بعظام يدها تتفتت من كثر ماضغط عليها..كانت تقدر تحرك رجلينها بالهواء لانه رافعها..

ابوصالح:وكللل هالضرب وطولة السان علشانه هاوش اخووووه

هي ماتبي تأذي اخوها..بس تبي تقهر ابوها تبيه يموت بحرته وهو يشوف ولده على هالطريق..

غيوض:لا مو علشانه هااوش...علشااانه شاااااااااااااااذ...تسسسسمع شااااااااااذ وكل ليله مع اخوووه ..تسسسسمع شفت ولدك اللي ينادونك عليه..يابو صااالح..الحين بيسموونك ابو المنحرف ابووو الشاذ..

ماتدري كيف صارت فوق السرير..طيرها بأعجوبه..

طلعت من الغرفه بسرعه وهي تسمع بكا وشهقات صالح وامها اللي تحاول تمنع ابوه عنه..

قفلت الغرفه عليها ورمت نفسها على السرير تبكي ..

غيوض:سامحني ياصالح ساامحني...

رن جوالها اكثر من مره ولا ردت..سمعت صوت مسجات وطنشته...ومن كثر مابكت نامت..

**************




كان بيطلع من المستشفى بيروح لبيت عمه يتطمن على جدته ويطمنها على ابوه..

تذكر انه نسى سيارته مشغله وعند الباب فتوقع ان مفتاح سيارته عند الاستقبال..

ناصر:السلام عليكم

:وعليكم السلام

ناصر:اخوي لو سمحت ابي اسأل اذا السكيورتي ترك عندكم مفتاح سيارتي..

:وشهي سيارتك لوسمحت؟؟؟

ناصر:بي ام..سوداء..

:ايه موجوده..الله يهديك تاركها مشغله لو مالسكيورتي انتبه كان الحين انسرقت

ناصر:مشكورين ماتقصرون بس انا كنت مستعجل وتعرف..

:بس لحظه انادي السكيورتي يـتأكد من شكلك..

دخل وانتبه لناصر اللي واقف عند الاستقبال وراح له بسرعه..

زياد:السلام عليكم..

التفت وراه ..زم شفايفه وهو يشوف زياد..

ناصر:وعليكم..قالها بدون نفس

زياد:شلون عمي عساه بخير؟؟

قال بلهجة مستهزأ
ناصر:عمك!!..والتفت على موظف الاستقبال اللي عطاه المفتاح

اخذ المفتاح وطلع بدون مايعطي وجه لزياد

زياد:هذا شفيه؟؟..ابتسم...يمكن علشاني خطبت بنت عمه..

:اي خدمه؟؟

انتبه لموظف الاستقبال

زياد:ايه لو سمحت ابي اسأل عن الدكتور المشرف على حالة راشد ال---

:لحظه من فضلك...


***************************************




كانو جالسين على عتبة المدخل..ومتحجبين لانه فيه خدم واحتمال يمرون من جهتهم...

سلمى:خلاص طنشي

ليلى:يعني انا ناقصه هم تحملني مرض ابوي..جدتي شفيها علي..افف

سلمى:الحين اهم شيء صحة ابوي...ومسحت دموعها..يارب تشفيه وتخليه لنا..

ليلى:يااااارب ياااااارب تشفيه وتخليه لنا..لو فيصل فيه ماكان صار اللي صار..حتى سليمان سافر بيوم الخطبه

سلمى:الله يرجعهم بالسلامه ياارب..روحي ادخلي انا تعبانه شوفي امي شتسوي..تراها ماكلت شيء..ليتنا داقين على خالتي تجي تجلس معها

محد يعرفلها غيرها

ليلى:حنا ناقصين بعد ندق على الناس نقولهم تعالو..والله انك فاضيه

سلمى:هذي الاصول يابنت الاصول..قوووومي شوفي امي

ليلى:افف طيب

سلمى:ومري على جدتي..شوفيها اذا خذت علاجها

ليلى:تراني مو بزر ادري..ودخلت داخل..

دخل سيارته بعد مانفتحت البوابه..ودار حوالين النافور الخارجيه ووقف سيارته قبال باب الحريم..

طفى السياره ونزل..

ناصر:سلمى شفيك جالسه هنا؟؟؟

تغطت اول ماسمعت صوت سياره

سلمى:ننتظرك بشر..

ناصر:لا الحمد الله هو بخير والدكتور طمنا عليه..شلون جدتي عسى ماتعبت عليكم

سلمى:لا الحمد الله زينه...نامت بعد ماصلت العشاء..

ناصر:اشوا ..وعمتي شلونها؟؟

سلمى:ماطلعت من غرفتها..راحت لها ليلى..

ناصر:الله يشفيه....انا برجع للمستشفى ..تبين شيء ؟؟

سلمى:ايه..

ناصر:امري

سلمى:ناصر واللي يسلمك ترى تعبنا خلاص ..هذا ابوي انمرض والسبه انت..ناصر واللي يرحم والديك خلاص انسى ليلى هي ماتبيك..

ماله داعي هالمشاكل خلها تشوف نصيبها وانت شوف نصيبك..صدقني لو فيه امل واحد بالميه انها ترجعلك كان وقفت معك بس انا ادرى وحده

بليلى..مستحيل ترجعلك..حتى هالازمه مستحيل تخليها ترجعلك..وحنا عطينا كلمه للناس وانت ماترضى ابو يتفشل قدامهم..واللي يخليك ياناصر

اررحمنا ارحمنا..وتهدج صوتها

مارد عليها..ركب سيارته وطلع..
********************




اففف هالجوال ازعجها..قامت من سريرها ولاهتمت اذا صالح صار فيه شيء او لا..مسكت الجوال ولقت ثمان مكالمات واربع رسائل وارده..

فتحت المكالمات وكلها ارقام غريبه..فتحت الرسايل وانصدمت وهي تقراها..
1
((حنا بالخدمه اذا احتجتي اي شيء..اضنك فهمتي))
سكرتها وفتحت الثانيه
2
((شكلك مافهمتي لانك ماتردين..اذا تبين تمويل ترى عندنا اللي تبين))
سكرتها وفتحت الثالثه
3
((ااه شكل عندك احد يعطيك سجاير ويمولك..على العموم هذا رقمي عندك اي شيء تحتااجينه من اي نوع متوفر..))
سكرتها وفتحت الرابعه
4
((عزيزي العميل نأمل ان تحوز خدماتنا على رضاكم ونذكركم انه قد تم اصدار فاتورتك للجوال *****550
مبلغ 140،76 حساب **********))

غيوض:مين هذا؟؟؟ وشلون عرف رقمي؟؟ ...اووه فاضيه اسأل خلني ادق عليه..لا لا مو الحين بعدين..لا اخاف مايرد علي..خلني ادق اشوف

اذا صادق او لأ...

دقت على الرقم..

غيوض:الوو

:ااوو انسه غيوض تدق علينا مااصدق

غيوض:انت مين وشلون تعرفني؟؟؟

:انتي من زباينا vip شلون ماعرفك..امري ياطويلة العمر واذا تبين توصيل ترى عندنا موجود

ابتسمت وهي تسمع هالدلال..

غيوض:صاادق

:ليه متعوده احد يمزح معك بهالمواضيع

غيوض:وبأي وقت توصلون؟؟

:وبأي وقت تبين حنا حاضرين وبالنوعيه اللي تبينها..ترى فيه انواع انتي ماجربيتها وصدقيني بترتاحين فيها..

غيوض:لا لا انا بس ابي سجاير...خلاص بينا اتصال

:ننتظرك..بس لاتنسين ترى اسعار توصيل المنازل تختلف

غيوض:مايهم مايهم..

:اوكيه..باي

غيوض:باااي..

********************


الساعه الثانيه والنصف ليلا..

طلعت من غرفة جدتها بعد ماتطمن عليها ومرت على غرفة سلمة وشافتها تصلي وعيالها نايمين..راحت لغرفة امها وكفاها تعرف انه قايمه
صوت دعاها..دخلت لغرفتها وفرشت سجادتها ولبست جلالها..

وكبرت وبدت تصلي..اول مالامس وجهها الارض..بكت بحرقه..تبكي وشكي لخالقها..تبكي للي بيده الحل ..تبكي للي مايرد دعوه من عبده..

((اللهم اني امتك ابنة عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته

احدا من خلقك او استأثرت به في علم الغيب عندك ان تجعل القران نور صدري وربيع قلبي وجلاء حزني وذهاب همي ..))

يارب يابديع السموات والارض ياحي ياقيوم اللهم انك الشافي والمعافي اللهم اشفي ابي يااارحم الراحمين اللهم لاتكلني الى نفسي طرفة عين

واصلح لي شأني كله..يااارب يااارب ))


******************************



ميــــــــــــن اللي بيحصل على ليلى؟؟؟ زيـــاد ولا ناصــــر...



((سبحانك اللهم وبحمدك أشهد ان لا اله انت استغفرك واتوب اليك))

قراءه ممتعه

ب
ببح
عروس مشرقة
06-07-2011 | 03:41 PM
بسم الله الرحمن الرحيم


(الجزء الثالث والعشرون)




(النصيـــــــــــب...)




حبيبتي مابيدي حيله..
لاصرتي الصوره وعيوني البرواز..
وشلون ابنسى





مساء الاثنين..



بعد مرور يومين..انتقل ابو فيصل لمستشفى العسكري..وحالته مثل ماهي..


0
0
0




المطار
ركب السياره بالمقعد الامامي وهو يلتفت وراه يتأكد انها ركبت..التفت على السواق..
فيصل:روح المستشفى..
سكتت ماعلقت..هو صاير متوتر هالايام من يوم درى بمرض ابوه..وتخاف ينفجر عليها بأي لحظه..كان ودها تقوله يروح للبيت ويريح..بس صعب..
طول الطريق كانو ساكتين..وصوت العجمي وهو يقرأ جزء عم بعث بالانفس الطمأنينه..
وصلو للمستشفى..وبحركه تلقائيه فتح باب السياره بسرعه وركض..بعدها بثواني رجع وهو معصب انه نسى في مخلوق بالسياره..
فتح الباب الامامي والتفت على ورى يكلمها..
فيصل:عبير ارجعي للبيت
عبير:مابي.. ابي اشوف عمي
رص على سنونه كمحاوله اخيره لضبط النفس..
فيصل:اررجعي البيت..
عبير:طيب طيب..



شاف ابوه مره وحده بس..وماقدر يتحمل..صارله يومين جالس عند الباب..بس مايتجرأ يدخل او حتى يطالع مع الزجاج..
مفسر اكمام ثوبه باهمال..ولاهو لابس شماغ..كان شكله مبهدل..رفض يرجع البيت من غير ابوه..متجاهل رجاء جدته وعمه..
رفع عيونه وهو يسمع صوت ناصر اللي يسولف مع الدكتور..
ناصر:دكتور شصار على موضوع السفر..
الدكتور خير الله:يابني مافيش حاقه قديده..اللي بنعمله هنا بيعملوه هناك..سدأني..هيا مسألت وأت وبيرجعلكو متل اول واحسن..
ناصر:انت متأكد..
الدكتور:امال ايه..ربت على كتف ناصر..ومشى..
التفت على خالد ومدله لسانه..وضحك خالد غصب عليه..
ناصر:ايه ياخوي سمعنا الضحكه..اضحك تضحكلك الدنيا...
خالد:شقال..؟؟<<كان يقصد الدكتور
جلس جنب خالد وهو يفك شماغه ويرجع يعدله..
ناصر:يقول اذبحو خالد قربان لله وبيطيب..
خالد:هههه..والله انك رايق
رفع حاجبه وهو مستغرب..
ناصر:فيصل !!!
فز قلبه لما سمع الاسم..طالع بالمكان اللي يطالعه ناصر..وانتبه للشخص اللي لابس جينز فاتح مع تيشرت عنابي نص كم ..
هذا فيصل..متى جاء؟؟وليه ماقالنا؟؟
كان يهرول بالمشي..وقف عند الممرضه المبتسمه وتسلم عليه..ماعطاها وجه وطلب منها تجيبله كمام بسرعه..نفذت طلبه..ماكان يشوفهم او حتى يسمع اصوات خالد وناصر اللي ينادونه..كان همه يوصل لابوه..يوصل لعزوته..يوصل للغالي..دخل العنايه بدون ماياخذ اذن..والممرض مامانع خصوصا ان فيصل دكتور بنفس المستشفى..

انصدم لما شافه..الاسلاك مغطيه جسمه..ووجهه اصفر..عيونه مغمضه بتعب..كأنه ميت..
تقدم خطوه منه..ووقف قبال ابوه بالضبط..صار يتفحصه بعيونه..مو مصدق ان هذا ابوه..معقول..ااااه..طلعت هالتنهيده وهو يحاول يكبت مشاعره..قبل مايضم ابوه وينهار بالبكي على صدره وكأنه طفل..كان يبكي من قلب ..ابعد عن ابوه والدموع مغطيه وجهه لما سمع الجهاز..
وبسرعه نادى الممرضه..طلع من العنايه وكان بوجهه خالد وناصر..
سلمو على بعض..وهو يغتصب ابتسامه ويربت على كتف خالد..
فيصل:خالد ليه شكلك مبهذل..شكلك تعبان ومو نايم..؟؟
خالد:شفته...
التفت على ناصر ورجع التفت على خالد وهو يقول بتأكيد..
فيصل:ماعليه خلاف ..صحته زينه..
خالد:بس هو مافاق صارله
قاطعه فيصل
فيصل:تفائلو بالخير تجدوه...عمي وينه ياناصر..؟؟
ناصر:رجع للبيت يريح...
فيصل:وانت اكيد مرابط مع خالد؟؟
ناصر:شتبيني اسوي..
فيصل:خلاص ارجعو البيت وانا اللي بجلس عند ابوي..ورجاااء مابي اي نقاش..انا بروح للدكتور وبارجع ومالقاكم فيه سامعين
خالد:مااقدر ادخل البيت وابوي مو معي...صعبه
ناصر:تعال معي للبيت..لا تتعذر وبعدين تراك اهملت امك وهي محتاجتلك الحين..يلا امش قدامي..
اقتنع من كلامهم وخصوصا ان فيصل هو اللي بيرافق..
خالد:فيصل توصي على شيء؟؟تبي شيء
فيصل:انتبه لامي ولخواتي..لحظه محمد وينه جواله مقفل ؟؟
طالعو ببعض بحيره..هم مايدرون وينه..او بالاصح هم مو مقتنعين بالكلام اللي وصلهم من سليمان..
ناصر:سليمان يقول انه معه..كان عنده شغل بالامارات بعدين راح للكويت وتقابل مع محمد هناك وقال احتمال يرجعون الاسبوع الجاي..وتراه مايدري شصار بعمي..
فيصل:وهو شوداه للكويت؟؟؟
خالد:يقول رايح مع المدرسه..بس هذا وجهي ان كان صادق..
فيصل:خالد ترى مو ناقصين حنا..يلا مع السلامه
واستأذن يروح للدكتور خير الله علشان يشوف حالة ابوه..


*******************************


كانت بتروح لبيتها..بس هي مامعها مفتاح وغير كذا تخاف تروح لحالها..
عبير:ياربي وين اروح؟؟؟اروح لبيتنا او لبيت عمي؟؟؟اخاف مالي غرفه عندهم..احسن شيء اروح لهم واسلم عليهم واجلس لين يجي الليل وارجع مع جدتي ..

دخلت البيت وهي مستحيه..هي مو اول مره تجيه..بس هالمره غير هالمره هي مرت ولدهم الكبير..
مالقت احد بالصاله او حتى بالمجالس..سألت شغاله وقالتلها انهم بغرفة مدام ام فيصل ..
طلعت فوق ..ونادت بصوت عالي
عبير:لييييلىى ليلىىىى..
طلعت من غرفة امها بقميص البيت السماوي وهي تركض..
ليلى:عبييييييييييييييييييييييييير....وضمتها وبكت..
عبير:لوووولي اشتقتلك
وهي لازالت ضامتها
ليلى:شفتي شصااار فبوي؟؟
بعدت عنها وهي تمسح دموع بنت عمها
عبير:دريت..وان شاء الله يقوم بالسلامه..وين جدتي وخالتي
ليلى:داخل بالغرفه..
عبير:امشي بسلم عليهم...
ودخلو..

كانت ام فيصل مستلقيه على سريرها وباين عليها التعب والحزن..وبجنبها جالسه اختها ام فهد وعلى الكنب جالسه ميساء وسلمى..وعلى الارض فارشين اسفنج جالسه فيه الجده..وقدامهم طوفريه فيها شوربه وفطاير وسلطات..

فزت ام فيصل اول ماشافتها..وفتحت يدينها..بسرعه راحت عبير لها وضمتها..كانت ام فيصل تضمها بقوه وتستنشق ريحتها وكانها تستنشق ريحة ولدها من خلالها..ماكانت تعرف شتقول بس همست
عبير:طهور ان شاء الله..وانشاء الله يقوملنا بالسلامه..
ام فيصل:وين فيصل؟؟؟
بعدت عنها وهي تمسح دمعه تحررت من عيونها
عبير:من المطار راح على طول للمستشفى..ويسلم عليك..واحتمال يبات هناك..
ام فيصل:الله يسلمك ويسلمه ويسعدك ويسعده..
ابتسمت لدعاء خالتها وقامت من السرير وراحت لجدتها اللي ماقصرت فيها ضم وحب..
سلمت على سلمى وبعدين راحت لام فهد وسلمت عليها رجعت تسلم على ميساء..
سلمت عليها وكأنها مغصوبه ومدت ايدها ببطئ
ميساء:الحمد الله على السلامه
كانت كارهتها والحين كرهتها اكثر..
عبير:الله يسلمكم..وتعدتها وجلست جنب جدتها على الارض..

*********************








ياوليدي مانويت تعرس؟؟
ابتسم لابوه ووقف وهويقول
مؤيد:اذا اعرس حسام اعرست
حسام:على وين؟؟
مؤيد:جوعان نوم..ابي اريح
ابو مؤيد:حسام بيعرس ان شاء الله.وانت بخطبلك عاليه
مؤيد:يبه انت تمزح..
حسام:احمد ربك ان قبلت فيك..
التفت على اخوه وهو معصب
مؤيد:انت لاتحرف كلامي..انا ماقصدت اللي فهمته..
ابو مؤيد:اجل شكنت تقصد؟؟
مؤيد:ابو صالح مارح يعطينا...فلا تعبون انفسكم..تصبحون على خير..
طلع لغرفته وترك ابوه وحسام يتناقشون
ابو مؤيد:تهقى مايعطينا
حسام:الا متأكد
ابو مؤيد:بس امك مو متهنيه الا اذا جابت بنتها عندها..انا بحاول معاه وبشوف..

*********************









بسيارة ناصر ..اللي يشوفه يقول مركز بالشوارع وبالسيارات..بس بالواقع التفكير ذابحه..وماكان يشوف اي شيء..
التفت على ناصر بشكل مفاجئ
خالد:ناصر شصار على موضوعك؟؟
عقد حواجبه وركز بالطريق متجاهل السؤال..
قال بملل وهو يرجع يشوف السيارات من شباكه..
خالد:بعد اللي صار..تحلم ياناصر ترجع لليلى..
سكت مارد عليه ولا علق..
خالد:حتى لو ماخذت زياد..يتاخذ غيره..بس انت لأ..انا يمكن كنت ابيها ترجعلك لاني كنت مضطر..كنت خايف انها تبقى طول عمرها بدون زواج..ماكان قدامنا اي خيارات..انت مر..وتبقى بدون زواج مر..بس اهون المر هو انت..حتى ابوي..هذا كان تفكيره..والا شيللي يحده يرجع بنته اللي مثل روحه لواحد ماصان كرامتها..ناصر حنا تعاملنا معاك وكأنه مافي شيء صار..كل هذا علشان ماتتفكك عايلتنا..بس انتم قابلتو احسانا بشر..و..انقطع كلام خالد لما ناصر
مسك بريك قوي وضرب بووري
ناصر:بسسسس مابي اسمع شييييء..
خالد:لا بتسمع وبتسمع..واذا ماسمعت بنوريك افعالنا..
ناصر:وكل شيء يطيح على راسي...انتم شتبون مني..كل واحد يتصرف من حاله وكأنه مسئول عني او عنها..انا صاحب الشان وهي بعد..مالكم دخل فينا..انتم كل ماتدخلتو بعدتونا عن بعض اكثر واكثررر..انا ماطلبت لامنك ولا من عمي ولامن ابوي ولامن جدتي انهم يرجعونها لي بالغصب..انا ماطلبت منكم مساعده..وصرخ فيه..ليييييه تفرقونا عن بعض..
حرك السياره وكأنه يقول النقاش انتهى..

*********************









قوومي قومي
انطبعت على خدودها حمرة الخجل وخصوصا ان كل الانظار عليها..
بللت شفايفها وتمتمت بصوت خجول
عبير:بعدين اروح..تو الناس
ضحكت سلمى من قلب والكل استغرب هالضحكه..لانه من زمان ماسمعو صوت ضحك بالبيت..
سلمى:عبوره وليه كل هالحياء..مافيها شيء روحي ريحي بغرفة فيصل..خلاص يابنت هو الحين زوجك..
زوجك
زوجك
زوجك
زوجك
رددت هالكلمات بقلبها علشان تستوعبها..خلاص ياميساء..فيصل راح..فيصل مو لك..عقدت حواجبها وبان على وجهها الضيق..
ماحد حس فيها الا عبير..هي اللي ركزت بملامح وجهها ..وحست بنار بقلبها..قالت تبي تأكد هالكلمه..وتبي تأكد ان فيصل لها ومو لغيرها..
عبير:ادري انه زوجي..ولاني مستحيه..بس ابي اجلس معكم..ولا ماتبوني
الجده:لا يابنيتي روحي ريحي بدارتس انتي جايتن من مشوار طويل كود انتس تعيبينه..قومي قومي
عبير:خلاص ان شاء الله..تصبحون على خير
الكل وانتي من اهله
التفتت على امها اللي جلست جنبها وهمست بأذنها
ميساء:يمه خلينا نرجع..تعبانه
ام فهد:طيب الحين نروح..



دخلت جناح فيصل..ووراها ليلى
ليلى:سامحينا ياعبير مادرينا انكم بتجون وماتوقعنا انكم بتنامون عندنا يعني على اساس بتروحون لبيتكم..
عبير:ليلوه انا موغريبه..شهالرسميه؟؟وبعدين شفيها الغرفه بالعكس مررره حلوه....
غمزت لها وهي تضحك بمكر
ليلى:ايه بعيونك بتطلع حلوه..
عبير:انسه ليلى مطوله؟؟
ليلى:تبيني اروح
عبير:ياليت..
ليلى:هذي كلمه عاديه وطردتيني بكره شتبين تسوين فيني..
عبير:يعني ناويه علي؟؟؟
ليلى:انا!!! بالعكس...تصبحين على خير..اقصد على فيصل..وهربت قبل ماتمسكها عبير..

********************









الساعه الثانيه والنصف ليلا..

دخلت ومعها صحن حلى وقاعده تبلع منه بنهم..
عاليه:اخيرا تذكرتي ان عندك اخت..
غيوض:ههههه
عاليه:غيوض شصايرلك؟؟قوليلي..
غيوض:ليه شفيني..مافيني شيء...دريتي باخر خبر..امي طلعت مع اخواني من البيت..وانا جلست علشانك..والعقرب منهبل خططه راحت بالفتوش..مانال من الورث اي هلله..ههههههه اااه بس لو شفتي شكله ..تحححفه...
تنفست بارتياح وهي تسمع هالخبر..اخيرا قررت ام صالح تعالج ولدها عند طبيب نفسي..
عاليه:اقول غيوض نوال وينها؟؟من زمان ماجات ولا حتى اتصلت
حست بالتوتر وجاوبت وهي تبلع قطعة تشيز كيك
غيوض:مااادري ..انا ابي اروح انام تبين شيء
عاليه:ايه اعطيني الجلال..ابي اصلي صلاة التهجد..بأخر الليل الله ينزل للسماء الدنيا ويقول هل من داعي فأستجيب له..وبعدين انا فيني ضيقه ومايريحنا الا الصلاة والشكوى لله..وصدقيني جربيها وبترتاحين
مدت لها الجلال..وطلعت على طول..دخلت غرفتها وسكرت الباب بالقفل..هي الحين محتاجه سجاره..طلعت الصندوق الخشبي واخذت لها سيجاره..
غيوض:مابقى الا ثلاثه..يكفوني هالاسبوعين..

*********************************









النفس عيت تقبل النوم والزاد
مماحصلي في زماني وجالي
صار الحزن في داخل القلب وقاد
دايم تناجيني هموم الليالي
من عقب مافارقت انا بنت الاجواد
الدمع من عيني على الخد سالي
حل الفراق وصرت انا بهم وجهاد
من عقبها والله عليم بحالي
بنت عفيفه مامشت درب الانقاد
على النقاء تمشي ولابه جدالي
القلب في غيابك مع الحزن ميعاد
متى يجي شوفك ويرتاح بالي
قلت اتصبر لكن الصبر مافاد
وياطول صبري ياحسين الدلالي



تمدد على حبات الرمل البارده اللي تعكس ضوء القمر..ماكان فيه احد حوله..بس اصوات مبهمه تجي من بعيد..
حط يدينه ورى راسه بعد مافصخ شماغه..كان يطالع بالسماء وبالنجوم الساطعه..
ناصر:سبحان الله..فعلا النجوم زينه السماء..لا اله الا الله..سبحانك ابدعت..

*****************








كانت لابسه بجامه موف حرير..وتاركه شعرها مفتوح..راحت للتسريحه واخذت كريم الليل ووزعته على بشرة وجهها..
بخت من عطرها اديكت..وراحت تتمدد على السرير..حطت راسها على المخده وتغطت بالحاف..كانت ضامتهم وتستنشق ريحتهم..
عبير:يازين ريحته..والله وحشني..لمعت ببالها فكره..قامت من السرير وراحت لشنطتها وطلعت جوالها نوكيا 95 البنفسجي..
ضغطت على رقمه بعدين تراجعت
عبير:يمكنه نايم..احسن شيء ارسله مسج..


كان جالس بالحديقه وبيده كوفي..طلع يغير جو ..
سمع صوت المسج..نزل الكوب على الكرسي اللي بجنبه..وطلع الجوال وفتحه..

((هاض الخفوق وداعب الفكر نسناس..
والقلب شوقه للحبايب يجره..
يبقى غلاك معلقن بين الانفاس..
غلاك يبقى في خفوقي مقره..
وان صار في دنياك ضيقه وهوجاس..
فأنا معك في خير وقتك وشره..))

تحرك شيء بداخله..وزادت نبضات قلبه..خانته اصابعه وضغط على رقمها..
وجاه صوتها الخجلان
عبير:هلا فيصل..
ابتسم وهو يتخيل شكلها رقيقه لهالدرجه..صوتها تغير..اول مره يسمع صوتها بهالطريقه..رجعه للواقع صوتها اللي بان عليه الخوف
عبير:فيصل انت معي؟؟
فيصل:ايه معك..
رجعت نغمة صوتها اللي باين فيه شوقها
عبير:وشلونك..ووشلون عمي
فيصل:الحمد الله..حالته مستقره..
عبير:ربي لك الحمد..وانت؟؟
فيصل:انا شفيني..
ضمت رجولها لصدرها وهمست
عبير:متضايق..
فيصل:كنت متضايق..بس سمعت صوتك راح كل شيء..
عبير:شكرا على المجامله
فيصل:بس انا مااجامل..انا كل كلمه اعنيها..
عبير:بس انا ماسمعت غير هالكلمه..
ماكان يصدق اللي يسمعه..هي عبير ولا يتهيأ له..هذي عبير العنيده اللي بس تتهاوش معاه..معقوله تطلع بهالرقه..
فيصل:وش تبين تسمعين..؟؟
مددت رجلينها وكتفت ايدها وسندت راسها على ستاند السرير..
عبير:خالتي زعلت انك ماجيت لها حتى جدتي والبنات..
فيصل:دقيت عليهم وماكانو زعلانين..
عبير:متى دقيت؟؟
فيصل:من زمااان..وقالولي انك نايمه..
عبير:ههه لا مانمت..اقتحمت غرفتك ورتبتها ..
فيصل:شرايك بغرفتي..
عبير:تشبهلك..احسها انت..
فيصل:بكره اذا تبين تروحين لبيتنا عادي..تراه جاهز..
عبير:مو رايحه الا وانت معاي..تدري..
فيصل:لا ماادري..
عبير:كنت اتمنى ادخل هالبيت وانت بجنبي..اتخيل شكلي وانا معاك ونسلم على جدتي وعلى ابوي وعمي وخالتي والبنات..
فيصل:ظروف وتعدي..وبندخل مع بعض كل يوم وبالواقع مو بالخيال..عبوره..
عبير:سم..
فيصل:اشتقتلك..لك وحشه..سامحيني عبوره
عبير:على ايش اسامحك؟؟
فيصل:على شهر العسل اللي انقطع
عبير:الايام جايه..واهم شيء صحة عمي..وبعدين انا مو غريبه تعتذر مني..صح؟؟
ابتسم من كل قلبه
فيصل:ياحظي فيك يا...ياحبيبتي..
هي سمعتها..لا لا اتخيل..الا اتخيل..مستحيل اكون حبيبته..
فيصل:حبيبتي وينك؟؟
عضت على شفتها باحراج لما سمعتها وتأكدت..وهمست بصوت مبحوح قبل ماتسكر بوجه فيصل..
عبير:احبك..
حس براحه عجيبه وهو يطالع بشاشة الجوال..استحت وسكرت بوجهي..يالله معقوله هذي هي عبير..طول عمره يحلم ببنت رومانسيه رقيقه..عاقله وكلامها موزون..تحيره بحبها..فتح جواله على قائمة الاسماء وطلع اسمها وغيره..من عبير الى حبيبتي..
دخل الجواب بجيبه ومسك كوب الكوفي..وكان بارد..رماه بالزباله وهو راجع لابوه داخل المستشفى..

*************************







(غــــــــــــدا سأزف اليه...)



قامت من نومها بعد محاولة نوم استغرقت ساعه بعد صلاة الفجر..غسلت وجهها بالمويه البارده..
طلعت من غرفتها ونزلت تحت..لقت ريم ماسكه واحد من التوأم ترضعه..
ميساء:صباح الخير ياجميل..
ريم:اي صباح ماقدرت انام ..هالتوأم بهذلوني وبهذلو بفهد..
ميساء:ايه الله يعينك واحد ينام والثاني يقوم..كأنهم متفقين انهم مايهنونكم بالنوم..
ريم:شكلك مانمتي؟؟لايكون خايفه؟؟
ميساء:مانمت الا ساعه...مو خايفه وخايفه..بطني يعورني ..ريم غيري الموضوع الله يخليك..
ريم:متى رجعتو امس؟؟
ميساء:على الساعه 10 تقريبا..بس ليتك جايه معاي مسويه سبا..
ريم:اتفقت مع ميريام تجيني بالظهر تسويلي..
ميساء:بروح اسويلي هوت تشوكلت تبين؟؟
ريم:لا مابي...وبدل هلتشوكلت اشربيلك عصير افودلك..
ميساء:ماتفرق..
راحت ميساء وفهد ينزل من الدرج ببجامه زيتي..
قال وهو يتثاوب ويحط يده على فمه
فهد:مانام؟؟
ريم:للحين..
فهد:عطيني اياه وانتي روحي نامي..
ريم:لا انت طول الليل سهران ماخلوك تنام..روح ريحلك ساعه قبل ماتروح للشغل..
فهد:مو مرتاح وانتي هنا..اطلعي معي علشان يجيني النوم
ريم:ياحبي انت تعرف ولدك اذا شاف اخوه قام يصارخ ومو مخليك تنام..
فهد:مد يده لها..انا ماعليك مني..
ريم:لا علي وعلي..بقوم لاني عارفتك مو تاركني لين اطلع معك..بس بشرط ابيك توعدني ماتاخذهم بدالي..انت بس نام ولاتشغل بالك فيهم
فهد:اوعدك..


غسلت ايدها بالمويه البارده بعد مانكبت المويه الحاره عليها..
ميساء:يالله تنجينا من عذاب النار..يالله تنجينا من عذاب النار..مويه حاره وماستحملتها..كيف بنار جهنم..يارب رحمتك..
مر ببالها طيف فيصل..تعوذت من ابليس واستغفرت ربها..سكرت المويه ورجعت تصب المويه بالكوب ..ومعها انصبت كل ذكرياتها..
معه ..من طفولتهم لمراهقتهم لشبابهم..ولفراقهم الغامض..الكل كان متأكد انها له وهو لها...بس بكره زواجها..بكره هي عروس بس هو مو العريس..ريحة التشوكلت رجعتها لواقعها..اخذت الكوب وطلعت لغرفتها..فتحت الستاير كلها وفتحت البرنده وانتعشت الغرفه..
فتحت درجها وطلعت دفترها...دفترها اللي مارح ينتقل معها بكره..لانه المفروض شيء خاص ومايحق لخالد يقراه..حست بغصه وهي تنطق اسمه..خالد...
***********************










طبعت على جبهة ابوها قبله وهمست له بـ مع السلامه..
مسكت ايد امها وطلعت معها برى الجناح
ام فيصل:الله يهديك زواجك بكره وانتي رايحه للجامعه؟؟؟
ليلى:انا مارح افرط بمستقبلي..اليوم علي اختبار ولازم اروح..لاتنسين اني اسبوعين مارح اداوم..
ام فيصل:بس لو قلتي للدكتوره كان عذرتك
ليلى:هذا اخر ترم لي..لازم اتخرج يمه..ادعيلي يمه احل كويس..
ام فيصل:الله يوفقك وييسرلك امورك ويحميك ياحي ياقيوم..
ليلى:ضمت امها بحب..الله لايحرمني منك...

كان طالع من غرفته وكاشخ بالثوب.
محمد:صباح الخير..وحب راس امه
ام فيصل:الله يصبحك بالنور والسرور...تبي تروح للشركه من الحين
ابتسم لاخته
محمد:وراي شغل لازم اخلصه..ابوي صاحي
ام فيصل:لا نايم..
محمد:اجل بروح اسلم عليه بدون ماقومه لاتخافين..لولي تبيني اوصلك للجامعه
لفت الطرحه عليها ولبست نقابها
ليلى:السواق ينتظرني...مع السلامه..

ركبت سيارتها البانوراما الفضي
رمت شنطتها بجنبها وهي تقول للسواق يمشي..
سندت راسها على السيت وهي تتذكر الاسبوعين اللي مرو...
حالة ابوها تحسنت..وطلع من المستشفى قبل اسبوع..واعتذر عمها من ابوها.. وهو اللي فاتح ابو فراس بموضوع الزواج يوم زارو ابوها بالمستشفى.. واتفقو انه زواج وملكه بعد اسبوعين ويكون عائلي تقديرا لحالة ابوفيصل..والجده رضخت للواقع وخصوصا بعد ماكانت بتجني على ولدها..وخالد اللي الغى دورته ورفض يسافر..وقرر يكون زواجه مع زياد ببيت ابوفيصل..محمد اللي من رجع من السفرقبل اسبوع مع سليمان وهو متغير..صاير 24 ساعه مع سليمان..مايفارقه ابدا..صار مايجتمع مع احد ولا يطلع مع اصدقاه..بس همه الشركه وابوي اللي فرحان ان محمد داوم بالشركه..
فيصل اللي رفض ينتقل لبيته مايبي يفارق ابوي وطلب من خالد انه هو يطلع من البيت اذا يبي..بس حتى خالد رفض..وامي فرحت لانهم مايبون يفارقونها..انا وحياتي مع زياد اللي ماعرف شكله ..حتى اهله ماجونا..غريبين..صحت من ذكرياتها على صوت السايق وهو يقول..وصلنا جامعه..


**************************











تمغطت وهي بفراشها توها تقوم من النوم..مددت يدينها على وسعها ووتركتها تهوي وخبطت راس فيصل..
غطى وجهه بالحاف وهويقول
فيصل:اخخخ
ماقدرت تمسك نفسها وضحكت
عبير:ههههههههه
بعد الحاف عنه وهو مضيق عيونه لانه الشباك قباله بالضبط والستاير مو مسكره..
فيصل:شفيك؟؟
عبير:اضحك عليك..خبطتك بدون مااقصد..بس انت ماتدري مين..
فيصل:ومن قال اني ماادري..هي مو اول مره...حبيتي تدرين افكر البس خوذه وانا نايم
طلعت عيونها
عبير:حرام عليك لاتكذب..اول مره اخبطك...قوم قوم دوامك مابقاله شيء..وقامت من السرير وهي ترتب شعرها..
فيصل:ماخذ اجازه اليوم علشان موعد ابوي..سكري الستاره معاك ولاتقوميني الا الساعه عشره اوكيه
عبير:والله انت قوم نفسك..مالي دخل فيك..اعتمد على نفسك..
غمض عيونه وهو زهقان من تصرفاتها..لازم تعانده..وبالاخير بتنفذ اللي تبيه..بس كيذا تحب تنرفزه..
انتبهت لحركته ولامت نفسها..هي الى متى بتبقى كيذا..مااعرف شلون اتعامل معاه..اذا شفته قدامي تضيع علومي..واتصرف مثل الاطفال..ابيه ..بس انا ابيه لي لحالي..مابي احد يشاركني فيه...استغفرت ربها ..فيصل مستحيل يفكر بمرت اخوه..هو مو من هالنوع....اخذت روب الحمام ودخلت تاخذ شاور..

******************











لا لا ابي احضر زواجهم..لاتتفاول علي..
اخذ كلينكس ومسح جبهتها برقه ..
سليمان:ياقلبي اهم شيء صحتك..وبعدين تراني زهقت ابي اشوف ولي العهد الجديد..
طبقت شفايفها على بعض تمنع اه من الالم..
سلمى:يارب اولد بعد بكره..ابي احضر زواج خالد..يارب لاتحرمني
سليمان:سوسو اهم شيء صحتك ولزواج نصور
عصبت عليه
سلمى:وانت شفيك كأنك متأكد ان ولادتي بكره..
سليمان:انا اهيأك نفسيا..
سلمى:روح روح لشغلك...
سليمان:قومي معي بوديك عند خالتي ام فيصل..
سلمى:اف طيب روح شوف سديم اذا هي قايمه...وانا بروح البس..
سليمان:سديم تفطر تحت..
سلمى:طيب روح انت افطر على مااجهز ..يلا رووح
سليمان:خلاص بروح لاتاكليني..انا هالولد ان جاء بتوطى ببطنه..خرب اخلاقك
سلمى:سليماااااااااااااااان
سليمان:اسفين اسفين...وطلع..

*********************








كانو جالسين حوالين ابوفيصل..
ام فيصل والجده وسلمى وعبير وخالد اللي ماخذ اجازه..
مدت الفنجان لاخوها وهي تبتسم
عبير:تفضل ياعريس..ترى ذبحتك القهوه عز الله منت نايم الليله..
خالد:وانت شعليك..حتى على شربة القهوه تحسدين..
سلمى:يوووه وبعدين معاكم اسكتو لاتعصبوني ولاتضحكوني رجاااااء
خالد:وليه ان شاء الله؟؟؟
قالت بضيقه..
سلمى:اخاف اولد
هههههههههههههه هههههههههههههههه
الكل ضحك حتى ابوفيصل
ام فيصل:سلمى يمه قومي تريحي بغرفتك ترى عبير وخالد مو ساكتين
الجده:الله لايبلانا بالعين راديو..اهجد انت وياها ترى صجيتو روسنا
ابوفيصل:خالد خلوه يسكت بس عبوره لأ..تعالي تعالي جنبي
قامت من عند خالد وهي تحره بيدها وحاوطت رقبة عمها بيدينها وحبت راسه..
عبير:يابعد قلبي ياعمي..
خالد:الظاهر اني انا ولدك الاصلي مو هذي..
ابوفيصل:الغلا مايعرف ولدي ولا ولد الجيران..
عبير:هههه خشمك خشمك
التفت على جدته
خالد:عاجبتس فعايل ولدتس..انا خابرن انتس حقانيه..يلا مااشوفتس نطقتي؟؟؟
فتحت يدينها له..قام من مكانه وضمها بحرص خايف يكسر عظامها..والتفت على ابوه
خالد:انا امك تحبني..خل بنت اخوك تنفعك..
قالت بانفعال وبدون ماتنتبه لكلماتها
عبير:على الاقل انا اللي يحبني سيد الشباب..مو العجوز
طقها مع راسها بخفه
ابوفيصل:ها عبور كن لسانك يبيله قص..
الجده:عجزت عظام العدو ياقليلة الادب والحيا
ام فيصل اللي حست باحراج عبير
ام فيصل:عبير ماتقد...يمه عبير روحي قومي فيصل مابقى شيء على موعد ابوه
قال وهو يحس بنشوة الانتصار ويسوي حركات لعبير يقهرها
خالد:مايحتاج انا اودي ابوي للموعد
ام فيصل:لا مايوديه الا فيصل..انت تعرف طبع اخوك بيعصب علينا..
خالد:الحين ابوي ابوه لحاله وانا مادري
ابوفيصل:خالد روح شوف اشغالك وتأكد من الفندق وحجزك
خالد:اللي تشوفه..
طلعت بالاصنصير ..
سكرت باب الجناح وفتحت باب غرفتها..راحت للستاير وفتحتها ..
عبير:فيصل فيصل ...فييييييييصل قوووووم الموعد بتتأخرون عليه..
راحت للسرير وشالت الحاف عنه..
عبير:فييييييييييصل قوووووووووم ...وصارت تقول فيصل بنغمات مختلفه مره عاليه مره واطيه ..
لفت على ورى بتجيب كوب مويه..وماحست الا باللي يسحبها ويطيحها على السرير..
وجهه قبال وجهها..
فيصل:انتي مو قايله انك مو مقومتني..
عبير:ها..كنت امزح..
هز براسه علامة لا
فيصل:هذا طبع فيك لازم تعانديني..
صدت بوجهها
عبير:تأخرت على الموعد..ينتظرونك
مسك وجهها بيده ولفها عليه..
فيصل:حبيبتي مره ثانيه اذا بتقوميني بهالطريقه لاتقوميني..تراني فيصل مو سليمان ولا ناصر..
حست بنبضات قلبها تزيد..هي ودها تصير مثل مايبي..ياما سمعته يلمحلها..بس ماتقدر ماتقدر..اذا شافته يتغير كل شيء..
حس فيها..ولام نفسه اكيد احرجها
فيصل:انسي اللي قلته...قام من السرير وتركها..


طلع بعد مااخذ شور وهو لابس ثوبه وشماغه دخل للغرفه ومالقى احد فيها..طلع وراح لغرفة القعده ومالقاها فيه..طلع من الجناح ..


شافها تتناقر عند باب غرفة خالد
ناداها بصوت عالي
فيصل:عبير شفيه؟؟؟
التفتت عليه وهي عاقده حواجبها
عبير:الحقير مو راضي يدخلني لجناحه..ابي اشوفه..
طلع خالد من الجناح وهو يقفل الباب بسرعه..
خالد:صباح الخير..
فيصل:هلا صباح النور..توك تقوم
خالد:لا من زمان...تراني قلتلهم اني انا بودي ابوي بس امي وابوي عيو وارسلو عبير تقومك..
طالعها بنظرات فهمتها..واحرجتها..يعني هي قاصده انها ماتقومني..
فيصل:ليه ماتبي توريها جناحك
خالد:هذا الناقص عبير تدخلها اقول خلها تفارق..
عبير:هين ياخويلد اوريك اصلا من زينك ولا من زين مرتك يالله لك الحمد..
فيصل:عبير خلاص يكفي هذره..ونزل..
خالد:ههههه لقطي وجهك..
قالت بقهر
عبير:الله ..الله..صرت على سنونها ورجعت لجناحها
خالد:ههههه ماتت من القهر تستاهل...













**************

رتبت شنطتها وشنطته بعد مارجعو من بريتن واستمتعو بسواحلها..
وبيرجعون للسعوديه بكره..
ربطت شعرها ذيل حصان وطالعت شكلها بالبدى الحرير الليلكي وتنورتها الجنز لنص الساق لبست صندل ليلكي ورشت من عطر ستيلا..حطت ميكأب خفيف بس مبرز جمالها..وقلوس توتي ..طلعت للصاله وصوت الصندل يخترق اذنه..تجاهلها وركز انتباهه على البرنامج اللي يذاع..
جلست قباله متعمده..وحطت رجل فوق رجل..
عهود:انا جوعانه..ابي اكل..
رفع عينه عليها وبان الاعجاب للحظه وبعدين تحول لاستهزاء..
سالم:اطلبي عشاء ولا ماتعرفين تتصرفين..
ابتسمت بمكر وهي تريح ظهرها على الكنب
عهود:والله انت ابو عيالي..وانت مسؤل عني..
سالم:والله للحين ماصرتي ام عيالي علشان اهتم فيك..
غمضت عيونها..هي صحيح عروس..وتوها..بس الحمل قلق وكابوس تعيشه اي امرأه لين الله يكتبلها حمل..هي تدري انها ماصارلها شهر..
بس لهجته المؤكده انها ماتحمل تخوفها..حست بيدين تمسح دموعها اللي اختلطت مع كحلها بدون ماتنتبه لنزولها فتحت عيونها وصدت بوجهها عنه..
عهود:مو محتاجه شفقه منك ابعد..
سالم:عهود كم مره قلتلك لاتحاولين معاي لاني بجرحك..
عهود:خلاص وخر عني..حتى الكلام معك ممنوع..
رجع لمكانه ومسك الريموت بيده ..
سالم:اذا تبين عشى اطلبلك..
وقفت
عهود:انا..انا ابي فرااااااقك سااامع..اكرررررهك اكرررررهك..
ودخلت للغرفه..

*****************



ب
ببح
عروس مشرقة
06-07-2011 | 03:44 PM
طالعت بالساعه لقتها وحده الظهر...ودها تتغدى مع خالتها وتجلس معها للعصر..
مسكت جوالها ودقت عليه..رد عليها وباين من صوته العجله
فيصل:هلا
عبير:هلا فيك..ماطلعتو من المستشفى للحين
فيصل:لا باقي فحوصات..ساعه بالكثير ونكون عندكم..تبين شيء..
ابتسمت..
عبير:ابي اشيااااااءاااات كثيييره..
ابتعد عن زحمة الممرضين اللي بالاسياب ..هو مو فاضي لها..بس غصب عنه يبي يسمعها..لانه يحب صوتها وهي تكلمه بهالطريقه..
فيصل:وشي هالاشياءات
عبير:اول شيء من هالاشياءات واهمها..ترى والله والله انا كنت بقومك من غير ماتقولي خالتي..
فيصل:هالكلام ماخوذ خيره..وشو الشيء الثاني..
عبير:حبيبي صدقني..مارح اكمل هالاشياءات وانت مو مراضي عني..
ابتسم
فيصل:راضي..
عبير:قول راضي حبيبتي..
فيصل:راضي حبيبتي..غيره
عبير:قلبي انا ودي اروح اتغدى عند خالتي ناصر يقول انها ماتفضى الا بالغدى وودي اجيها..
فيصل:خلاص روحي..بس لا تتاخرين..وغيره
عبير:احبك..
فيصل:وغيره..
عبير:امم بعد احبك..
فيصل:وغيره..
عبير:لاتحاول مافي غير احبك..
طالع بالدكتور اللي طلع من غرفة الكشف..
فيصل:ماودي اسكر ..بس ابوي طلع...
عبير:مع السلامه
فيصل:الله يسلمك...سكر الجوال وراح للدكتور...

لبست تيور شيفون فرنسي فيه تدرجات من الفوشيا والاورنج...
موجت شعرها بلفافات البخار وبدت تتمكيج على بال مايتلفف شعرها..
حطت شدو اورنج زاهي وكحل داخلي زيتي وبلاشر اورنج وختمته بقلوس مشمشي..
فكت اللفافات وحركت شعرها يمين يسار حتى يتحرك..اخذت شنطتها وعبايتها ونزلت..
مرت على جدتها وعلى سلمى وقالتلهم انها بتروح..ودعتهم ووقفتها سلمى اللي لحقتها
سلمى:عبير استأذنتي من فيصل؟؟؟
عبير:ايه..
سلمى:وقلتي لامي..
عبير:لا..انتم قولولها..
زفرت وهي تركي ايدها على طاولة المدخل
سلمى:عبوره قلبي..الاصول اذا كنتي ساكنه عند حمولتك تستأذني من ام زوجك..ادري ان امي طيبه وانتي على نياتك..بس المنقود منقود..وانا مابي احد يتكلم عليك..روحي استأذني من امي..واذا رجعتي شكلي بعطيك انتي وليلى كورسات بالتعامل مع الحموله اخاف تفشلونا..
عبير:مصدقه نفسك انك عاقله وسنعه..روحي بس مناك خليني اروح لخالتي استأذن..

**********************************


الليـــــــــــــــــــــــل..

الساعه 12 مساء..





أتدري حلمت بك كثيرا" !؟
كانت أحلامي بـك
كالأمطار حين تغيثني ..
كالرحمة حين تأتيني ..
حلمت بطفل منك يناديني
ماما
ماما
ماما
وتماديت بخيالي
حتى سمعته يناديني . . !؟**



غدا" سأزف إليه
غدا" سأقف بكامل زينتي امام عينيه
غدا" سيترك طوقه الماسي في عنقي
غدا" سأترك خاتمي في خنصر يديه
غدا" سيناصفني قطع الحلوى
ويطبع قبلته فوق جبيني



**
غدا" سأزف إليه
غدا" سأغمض عيني في حضرته خجلا"
غدا" سترتجف يداي منه رهبة
غدا" سـ أرتعش كالريشة تحت مساء لا يحتويك
غدا" سأموت ألف مرة تحت مقصلة الحنين
**




غدا" سأزف إليه
غدا سأرتدي ألف قناع لديه
غدا" سأترك أحمر شفاهي على يديه
غدا" سأغمض عيني بقوة
وأردد هو أنت !! هو أنت !! هو أنت !!؟
كي لا أموت ألفا حين يحتويني !!!**



غدا" سأزف إليه
غدا" سأقرأ كل ما نزفته بك عليك
غدا" سأراقصه على بقاياك
على رسائلك على هداياك
غدا" سيدركني معه الصباح
غدا" ستموت في حضرته سنيني**




غدا" سأزف إليه
غدا" سأنثر تحت قدميه أوراقي
غدا" سأرقصه على أمسك رقصة الاحتراق
غدا سأقاوم في حضرته ارتباكي واختناقي
غدا" سأسدل على حكايتك أثواب النهاية
غدا" سيبكيك الليل في شراييني



**
غدا" سأزف إليه
غدا" سينحرك النبأ العظيم
غدا" ستصرخ في ظلام الليل كاليتيم
غدا" سيطل رأسك من قلبي يتابع طقوسي معه
وسأضع يدي على فاهم وأنت تصرخ بي
ارحميني
ارحمييييييييييني
ارحميييييييييييييني**




غدا" سأزف إليه
غدا" سيأخذك خيالك إلى ليله وليلاه
غدا" ستتخيل كيف تحضن يدي يداه
وكيف أنثاك أمست أنثاه
وكيف بجنون عشقه سيحتويني
وستضرب رأسك بالجدار غيرة كالمجانين**



غدا" سأزف إليه
غدا" سيأتيك الليل بلهب الجحيم
غدا" سيصبح المساء ليس المساء الذي تعرفـه
ولا الوجوه التي ألفتها هي الوجوه
غدا" سيكويك خيالك وليلي معه
كما كان خيالي وليلك معها يكويني .. !؟**



غدا" سأزف إليه
غدا" سيكرهك قلبك
غدا" سترفضك نفسك
وأنت تتسلل إلى أطلالي
وتقرأ " أوصيك به خيرا" "
وتنظر إليها ذاكرا" وصاياي
وتفر منها إلى زوايا وحدتك
و ......... تبكيني ؟**


غدا" سأزف إليه
غدا" ستعود إلى ما نزفته تحت قدميك
غدا" سيصبح الكون أضيق من القبر عليك
غدا" ستقرأ" " أحبك مع الاعتذار إليها "
غدا" ستقرأني
وتقرأ
وتقرأ

غدا" ستمزقك حروفي خلي كالسكاكين**
غدا" سأزف إليه
غدا" ستعلم أي عذراي عشقتك في داخلي
غدا" ستكتشف لماذا لم تكن أنثاك تجيد التجاوب
غدا" ستدرك أنها لم تكن ملطخة بالتجارب
لم تكن تتفنن بالكيد كالصبايا
لم تكن تمتهن الخبث كالبغايا
كانت معك بطهر المصلين**



غدا" سأزف إليه
غدا" لن أخبره
انك كنت لي فرحة العمر
واني تمنيتك في جنة الرحمن
واني وهبتك يوما آيات من القرآن
واني حلمت بك بما يباح ومالا يباح
وان حلما معك كان يميتني
وحلما بك .. كان يحييني


سكرت دفترها وهي توعد نفسها انها بتكون اخر ذكرى لها مع فيصل...كل شيء تتقدر تتهاون فيه الا بعلاقتها مع ربها..فيه خطوط حمراء ماتتعداها..عشات مشاعرها واحتفضت بها لنفسها..حطت الدفتر بصندوق وردي ودخلته بدولابها وقفلت عليه مع اغراضها..
فرشت سجادتها ولبست شرشفها وقبل لاتبدى للصلاة رفعت يدينها تدعي ان الله يطهر قلبها..


********************************







ماجاها النوم مع انها تحس بتعب..بس هي خايفه من كل شيء..شلون بتعيش معه..بيحبها وبيثق فيها ولا بيوريها الويل..بطلقها مثل ناصر ويشمت الناس فيها..اخذت القران وبدت تقرى لعل وعسى روحها تهدى..
رن جوالها وقطع خشوعها وتركيزها مع القراءه..نزل القران ومسكت الجوال وطالعتب الشاشه وردت
ليلى:خير؟؟
ناصر:ماظن فيه خير وانتي بتتركيني..
ليلى:ناصر تراك تعبتني..انت اللي تسويه غلط وانا مارديت عليك الا لاني بحط حد لهالموضوع..انا خلاص وحده متزوجه وماظنتي ترضاها لي..
ناصر:مابعد صرتي زوجته
ليلى:انا حتى لو مو زوجته مايصير تكلمني..ولا خلاص ماتعرف الحرام من الحلال..
ناصر:انتي لو تعرفين الحرام ماتسوين كيذا فيني..
ليلى:ناصر خلاص انسى انسى مابينا نصيب..عيش حياتك مثل ماانا بعيشها
ناصر:اي حياه بعيشها من غيرك...وين كلامك اول عني..وين حبك لي..وين اللي مستحيل تتركني..صرخ فيها وييييييين
غمضت عيونها بألم
ليلى:كنت اكذب عليك...مثل ماكذبت علي..
جمع حبات الرمل بيده وضغط عليه
ناصر:اناااا مااااكذب..وهمس..لولي انتي تعرفين زين اني مااكذب..
تنهدت
ليلى:غلطان..كنت احسب اني اعرفك..وطلعت مااعرفك..ناصر
قاطعها
ناصر:لولي انا مو مصدق اللي اسمعه منك..لولي معقوله انتي ماتحسين فيني..انا قاعد امووووت امووووت
حسي فيني ليه ماتحسين
نزلت دموعها وهي تسمع صوته المجروح..
ليلى:انا اكثر وحده حاسه فيك...لاني جربت طعنة الحبيب..
مرر يده على شعره وشده..
ناصر:يعني انتي تبيني بس بتنتقمين مني..
صرخت فيه
ليلى:انا مو تافهه لهالدرجه..ثانيا انت ماتعنيلي اي شيء سامع اي شيء...ورجاء لاعاد تدق على هالرقم انا
قاطعها
ناصر:حتى انتي مثلهم..مافي فرق بينك وبينهم..كلكم تبوني اعيش بحزن..انتي مظلومه وظالمه بنفس الوقت..محد فكر فيني او بسعادتي..
اهم شيء مصلحته..خلاص الله يهنيك ..
تنفست براحه
ليلى:ناصر صدقني كيذا اريحلك واريحلي..حنا بنظل عيال عم واخوان..
ناصر:انتي بتبقين حبيبتي وبس..

ابعتذر عن كل شيء..
الا الهـــــوى...ماللهوى عندي عذر..
ابعتذر عن اي شيء..
الا الجراح..ماللجراح الا الصبر..
ان ضايقك اني على بابك امر..
ليلة الم.. واني على دربك مشيت عمري وانا قلبي القدم..
ابعتذر..ابعتذر..كلـــــي ندم
عن كل شيء ..الا الهـــــوى
ماللهوى عندي عذر..
تصدقي..ماخترت انا احبك..
ماحد يحب اللي يبي..
سكنتي جروحي غصب..
ياحبي المر.. العذب..
ليت الهوى وانتي..كذب..
كان اعتذرلك عن هواي..
مااقول انا..كونــــــي معاي
ان ضايقك اني على بابك امر..
ليلة الم
واني على دربك مشيت عمري وانا..
قلبي القدم
ابعتذر..ابعتذر..كلــــــــي ندم..
عن كل شيء الا الهوى..
ماللهوى عندي عذر..
الله كريم..حبك ...يكون..
همي القديم..
وجرحي القديم..
والله عليم...يااحلى العيون..
ان الفراق..جزا الفراق..
ابوعدك...كان الطريق بيبعدك..
بامشي الطريق..
وكان الجحود بيسعدك..
مالي رفيق..
ابجمع اوراق السنين...واودعــــــك...
كان الفراق اللي تبين...اللــــــــه معك
*****************************************










الخميـــــــــــــــــــــس..



طالعت بساعتها نينا رتشي الذهبيه..وهي تسمع نداء الكابتن يعلن الوصول لمطار الملك خالد بالرياض..
مابقى شيء على الفراق..مارح ارجع معه..احقر شخص قابلته...ماخذني ينتقم مني..وانتقم..ليه اجلس معه واهين كرامتي اكثر..
فكت حزام الامان وبقت مكانها تنتظره يقوم..قام من مكانه وفتح الدرج العلوي وطلع شنطة صغيره..
سالم:يلا مشينا..
سكرت عبايتها الفراشه وقامت...


كان ينتظرهم بصالة الانتظار وبيده عصير برتقال...
شاف سالم ووراه عهود...بسرعه راح لهم وهو يلوح بيده..
مؤيد:الحمـــــــــــــــــــــــد الله على السلامه...وسلم على سالم
سالم:الله يسلمك..
مد يده يصافح اخته..اللي شدت على ايده
مؤيد:بالبيت سوي اللي تبين بس هينا لافضحينا مصافحه بس..ياني مشتاقلك..
عهود:وانا اكثرررر...ابوي ليه ماجاء معك؟؟؟
طالعو ببعض...مؤيد سكت
سالم:ماله داعي يجي..حنا نجيه..
طالعته بطرف عينها من خلال النقاب..
مؤيد:يلا خلونا نمشي ولا عاجبكم المطار...

ركبو سيارة مؤيد..وطول الطريق سالم يسولف مع مؤيد ويعلقون على بعض...
وهي ماتشاركهم الا بنعم او لأ...هذا اذا تذكروها...

وصلو للبيت..وعهود اول من نزل من السياره..
فتحت الباب ولقت امها باستقبالها...
عهود:مااااااااااااااااماااااااااااااا ...ارتمت على حضنها وبكت...
كانت ام مؤيد تبكي معها..
دخل مؤيد وسالم مع بعض..
مؤيد:يلا يكفي ..الحين دوري تراك ماسلمتي علي..
وهي دافنه راسها بصدر امها
عهود:مابعد شبعت...
ام مؤيد:عهود خليني اسلم على سالم...
بعدت عن امها هي تمسح دموعها اللي رجعت تنزل مره ثانيه وهي تضم مؤيد..
عهود:والله لك وحشه...
مسح على راسها
مؤيد:وانتي بعد...
بعد ماسلم على عمته...
سالم:عمي وينه؟؟؟
بعدت عن مؤيد وهي تعيد السؤال
عهود:ابوي وينه؟؟؟انا شفت سيارته بالباركنج...
ام مؤيد:ابوك بغرفته...اطلعيله انتي وسالم...
عهود:مادرى اني بجي؟؟؟بروح اسويله مفاجئه...
ام مؤيد:شوي شوي يمكنه نايم..
عهود:ينام وانا جيت والله يحلم فيه ماصدقت اشوفه..مررره وحشني...وطلعت فوق
ام مؤيد:سالم لاتستحي روح اطلعله البيت بيتك ومافي احد...
سالم:بس انا ماادل الغرفه...
مؤيد:روح الحق عهود....
سالم:الحين تلقاها جنبه...امش معي...
مؤيد:يلا امش قدامي يابو نسب...

قبل لايدخلون جناح ابو عهود..كانو يسمعون صوت نحيب..وشهقات...
بلع ريقه بصعوبه قبل لايدخل
كانو ضامين بعض..وهو دافنها بصدره ودموعه تنزل على شعرها..وهي متشبثه فيه وتنتحب وتشاهق..
عهود:يبه شصار فيك...ليه ماقلتلي انك تعبان...ليه خبيتو عني...
ابوعهود:ماصارلي يومين من تعبت...
رفعت راسها ومررت يدينها على وجهه ..
عهود:وهالتعب كله من يومين...هالهالات السوداء من يومين انا حاسه ان فيك شيء من زمان..بس ساكته خايفه من الجواب..
رجع ضمها
ابوعهود:يابعد هالدنيا..لاتخافين علي..ولاتسألين...
عهود:لا بسأل...لاني مو مرتاحه لين اعرف الجواب..
تقدم منها وهو يربت على كتفها
مؤيد:عهود شجاك اليوم على البكي..قومي قومي خلي سالم يسلم على عمي..وروحي البسي بنروح لزواج خالد..
عهود:مااااابي ومو قايمه..
راح حب راس عمه
سالم:شلونك عساك بخير...
ابوعهود:بخير يوم شفتكم
قال يبي يرطب الاجواء
مؤيد:افا يعني طاح كرتي..يعني اشيل اغراضي واطلع
ابو عهود:ههههههه لا انت الخير والبركه...هم الطالعين وانت الداخل
رفعت راسها ومسكت ذقنه وهي لازالت بحضنه
عهود:يقالك الحين مرقعها..
مسك اصابعها وباسها..وغمز لها
ابوعهود:اقصد سالم..
سالم:يعني الحين كحلتها...
كلهم ضحكو يوم شافو ابو عهود يرفع يده علامة الاستسلام...



*************************






قبل صلاة المغرب..
كان متوتر واي شيء يعصبه وينرفزه..
طق باب غرفة ليلى..وطلعتله بروب صيفي طويل وشعرها مبلول..
ابتسم
فيصل:ليه مو لافه شيء بشعرك؟؟؟
ليلى:الحين بتبدى فيه الكوافير..امر بغيت شيء..
فيصل:انتي محتاجه شيء تبين شيء..
مدت ايدها لخشمه وقرصته
ليلى:سلامتك مابي شيء...الله يخليك لنا..
رجع ابتسم لها بحنان ورجع
راح لغرفة محمد وطق الباب...
محد فتحله..دخل ولقا الغرفة مظلمه ومحمد نايم...ولع اللمبات..
فيصل:محمـــــــــــد قوم فز..محمد...محمــــــــــــــد
فتح عيونه بشويش لين يتعود على النور...
محمد:مين؟؟؟
فيصل:محمد صحصح قوووم البس مابقى شيء ويجون الناس قووووم..
محمد:الساعه كم؟؟؟
فيصل:افف يابرودك...هاتسمع اذان المغرب..
محمد:طيب خلاص قمت..رمى الحاف على الارض وراح لدورة المياه...
طلع فيصل وهو ماسك الجوال بيده وضغط على رقم خالد..
جاه صوت خالد..
خالد:هلا فيصل..
فيصل:خلصت حلاقه؟؟؟
خالد:يلا انا عند الاشاره جايكم
فيصل:يلا بسرعه يالله يمديك تكشخ وتروح للمسجد
خالد:ماني لابس البشت الا بروحتي لصلاة العشاء...مايمديني اتروش واتضبط واتدخن ..
فيصل:بلاه من برودك يالسامج..وسكر بوجهه..وراح لابوه علشان يلبسه ويحطه بالعربيه ويروحون للمسجد مره وحده..

*****************************











امتعض وجهها وهي تسمع ان ليلى زواجها الليله...
هي صدفه..ولا كل شيء مخططله قبل..ايه قدر..قدري وقدر ناصر..اننا نفترق بنفس اليوم..
هو بيفترق عنها بسببي..وانا بفترق عن سالم عقوبه...نتايج افعالي وعقوبتي كلها اشوفها بيوم واحد..
فعلا ربي يمهل ولا يهمل...
انتبهت لامها
عهود:يمه شقلتي؟؟؟
ام مؤيد:اقول روحي بدالي احضري الزواج اخاف خالد يزعل ويشيل بخاطره....
عهود:مو رايحه..تبيني اروح وانا اللي فرقتهم عن بعض...
ام مؤيد:انتي مالك دخل...مو انتي السبب
عهود:انا فتحت الباب..انا اللي شككته من البدايه..هي سامحتني بس هو موراضي يسامح..
دخل مؤيد وسالم راجعين من صلاة المغرب..
مؤيد:يمه جاء الشيخ..
ام مؤيد:الله يحييه..بروح البس عبايتي واجي..
مؤيد:اجل انا بروح اجلس مع الشيخ ومع عمي..
جلس بمكان ام مؤيد
سالم:بتروحين للزواج..
طالعته باستحقار..
عهود:اروح وابوي بهالحال..صدق ماعندك سالفه..
سكت ماعلق..
عهود:الليله تطلقني سامع..انا مابيك..
مسد جبهته يحاول يبعد الصداع ..
سالم:طيب ..رفع السماعه وطلب من الشغاله تجيبله بنادول..
عهود:وشو اللي طيب..انت تتمسخر..تراني ساكته وماقلت لاحد عن فعايلك معي..
عقد حواجبه مستنكر اللي قالته..
سالم:انا قصرت معك بشيء؟؟؟
عهود:بكل شيء قصرت...
اخذ البنادول من الشغاله وطلب منها تنزل كوب المويه بالطاوله..
رفع حاجبه
سالم:مثل ايش ؟؟؟نوريني..بلع حبة البنادول
انقهرت منه وسكتت يوم شافت امها نازله..
سالم:اروح معك عمتي
ام مؤيد:لا مايحتاج..روح ارتاح تراني جهزت لكم جناح..وبيتكم انسوه انتم بتسكنون عندنا لين يطيب عمك..
سالم:اللي تشوفينه...
ردت عليه وهي معصبه بعد ماراحت امها
عهود:شلون تريح وانت بتطلقني؟؟؟فهمني يااخ سالم..
سالم:من قال اني بطلق..وانا بروح اريح مثل ماطلبت من عمتي..وقوموني لصلاة العشاء...
طلع فوق وهي تاكل بنفسها من القهر

***************************












لبست فستان طويل حرير لونه فضي وبأكمام طويله استشورت شعرها اللي واصل لتحت الاكتاف بطول واحد الا من غره غطت جبهتها
كانت حاطه مكياج فوشي صارخ مخفي اي اثر للحزن..جلست على الكرسي تلبس صندلها..سمعت طق الباب..
نوال:شموخ ادخلي...
انفتح الباب ودخلت شموخ بفستانها الاصفر اللي يوصل للركبه من تصاميم شانيل ومموجه شعرها
شموخ:شرايك فييني؟؟؟
نوال:مركبه توصيله..
شموخ:وهي تتدلع بشعرها...حلو صح..
وقفت بعد مالبست صندلها..
نوال:نايس..
((لعــــــــــــــن الله الواصله والمستوصله...))
شموخ:ثانكس..يلا ماما تنتظرنا..اقول شوشو مو جايه
نوال:زوجها معيي..فتحت عيونها بقوه لانها اذا رمشت بتنزل دموعها...لا اب ولا ام ولا اخت..جالسه عاله ببيت عمي..
شموخ:..شخص متخلف مادري شلون عمي زوجه..يلا انا نازله ..
راحت لمعلاق العبايات واخذت عبايه ضيقه على جسمها ومسكره ومزخرفه بشوارفسكي على اطرافها..


********************************











كانت جالسه على التسريحه تلبس حلقها الالماس..
دخل يبي يغير كبكاته وساعته..هو يحب يهتم بشكله ..بس هذي المره الالف اللي يغير فيها..من توتره مو حاس بشيء
دخل غرفة الملابس ولقاها جالسه على الكرسي المخملي المدور الذهبي قبال التسريحه..
ابتسم لها من المرايه..
فيصل:ياااهووو على الازرق..
ماردت عليه..استحت منه..وبدت يدها تتوتر وعجزت تلبس الحلق..
لاحظ توترها..
فيصل:عطيني انا البسك اياه..ومد يده بيسحب الحلق منها
دفت ايده وهي عاقده حواجبها..لانها كرهت نفسها لما عرف انها توترت من كلمته..
عبير:مايحتاج..ياشين اللقافه..ماطلبت منك مساعده انا مو معاقه..وبعدين انت شجايبك هينا؟؟؟
هو جاي يبي احد ينسيه ..يبي ينساها الليله وللابد..بس مالقى الشخص المناسب..هو يدري انه مايجوز يفكر فيها وهي حليله لاخوه من هالليله..بس مين اللي بتنسيه؟؟..غمض عيونه ورجع فتحهم..
وفتح الدرج بسرعه وطلع صندوق الكبكات وعلبة ساعه وطلع للغرفه..
كشت على نفسها مرتين
عبير:مالت ..مالت..ياشين اللقافه..الا الله يقطع لساني اللي مايعرف يتكلم قدامه..افف وبعدين معي..
طلعت للغرفه ومالقته..رجعت تلبس حلقها وتنزل لانها تأخرت..


********************************












الساعه 11 مساء..
غطت امها بالحاف بعد مادهنتها بزيت مقري عليه..وخففت التكييف..طلعت وراحت لغرفتها..
انصدمت لماشافته جالس على الاريكه وحاضن راسه بيدينه..وقال بصوت هادي لما حس انها موجوده..
سالم:نامو..
عهود:ايه..ممكن اعرف شجايبك لغرفتي؟؟
سالم:اجلسي ابي اتكلم معك..
كتفت يدينها..
عهود:لاتحاول معي..رجعه مو راجعه..
رفع راسه..
سالم:لا ترجعين براحتك..بس ابي اطلب منك طلب..
عهود:خير؟؟
سالم:ارجعي معي للجناح ..بنام انا بغرفة الجلوس..
عهود:وليه؟؟؟
سالم:اتوقع الكل بيستغرب اذا شافوك نايمه هنا وانا بالجناح...
عهود:خايف من ابوي؟؟؟
سالم:انا مابيه يتضايق ..هذا اذا يهمك ابوك..
عهود:ابوي يهمني..ويهمني بعد انك تطلقني..
سالم:مااقدر اطلق..على الاقل بالوقت الحالي..
عهود:بس انا مابيك..
سالم:مو شيء جديد..سامعها من قبل..
صارت قباله بالضبط..
عهود:ودامك سامعها ليه تزوجتني.. ليييه
زهق منها..خلاص بيكشف اوراقه لها..وبيكون صريح لابعد حد..تراجع باخر لحظه..
سالم:تصبحين على خير..وطلع
لحقته وشدته مع كم بيجامته
عهود:وووقف ليه هربت..؟؟؟
مسك ايدها يبيها تفك كمه
سالم:مو ملزوم اجاوبك..اتركيني..
احم احم..
كلهم طالعو بمصدر الصوت..
مؤيد:يالربع ترى فيه اختراع اسمه جناح ضفو وجيهكم فيه..
رصت على سنونها بقهر هذا شجايبه
عهود:شمرجعك من العرس بدري
مؤيد:والله العرس خلص..ومادريت انك تلاحقين سالم وتسحبينه ..اثقلي يابنت عيب..
حمرت خدودها من كلام مؤيد..كانت بتبرر موقفها وبتقوله عن كل شيء..بس حست بيدين تحاوطها وترفعها
مؤيد:واااخزيااااااااه سويلم استح على وجهك
كان شايلها بيدينه..
سالم:والله ماسوي شيء حرام علشان استحي..وبعدين استحي من واحد لسانه يلوط اذانه..روح فارق خلنا ناخذ راحتنا
مؤيد:ليه بعد بتحضرون التجول بأروقة المنزل علشان تاخذ راحتك انت ومرتك...
سالم:اجل تحمل مايجيك...وباس خدها
مؤيد:لعنة الله على ابليس وفصخ عقاله
ركض لجناحه وهي بين يديه يهرب من مؤيد..
قفل الباب بعد مانزلها بسرعه وهو يسمع دعاوي مؤيد..
سالم:هههههه تستاهل قلتلك روح بس انت تتحداني..
سمعو صوت مؤيد اللي مو مفهوم من كثر ماهو معصب يبتعد..
والتفت على عهود..
سالم:اخوك بعبع..
عهود:وانت غووول ..
سحب المفتاح بيده.. وتعداها ودخل غرفة الجلوس..لحقته..
عهود:عطني المفتاح
سالم:مايحتاج..انا بنام هنا..ومو مضايقك بشيء..عمي تعبان ومو ناقص..
عهود:عطني المفتااااح
سالم:عهود اطلعي برى وطفي النور انا تعبان ابي انام...ورمى راسه على الخداديه وممد رجلينه قد مايقدر على الكنب وتغطى بشرشف مجهزه من زمان...
عهود:افففففففففففففف وصفقت الباب بقوه ودخلت للغرفه ...

*************************************











طول ليله قضاه بمطالع صورتها اللي بقت معاه..
طالع بساعته ..
ناصر:اكيد زفت الحين..
طلع من غرفته وراح فوق لجناحه اللي مادخله من فارقته...
طلع المفتاح من جيبه وفتح بيد مرتجفه وبصدر ضايق..
ولع انوار السيب(الممر) وتقدم للغرفه..كانت ريحة الغبار هي المنتشره..
ولع انوار الغرفه وهو مغمض عيونه...يتمنى يشوفها قدامه تستقبله ..يتمنى يكون اللي مر فيه كابوس ويفيق منه..
فتح عيونه وخاب امله مالقاها تستقبله..نزلت دمعه غصب عنه..وطالع بكل زوايا الغرفه اللي له معها ذكرى..
تقدم ناحية السرير وهو يشوف البوم صور مرمي على الارض وحوالينه الصور مرميه..
جثى على ركبته وبدى يطالع بالصور اللي مقصصه..فصلت صورتها عنك من هذاك اليوم..يعني كانت مقرره ماترجعلي..فصلتني بالصوره وبالواقع..وقف بيروح لغرفة الملابس..يمكن يلقى شيء لها ويصبره..فتح كل الدواليب والادراج ولقى كل شي مثل ماهو عليه..ماخذت اي شيء من ملابسها..ابتسم
ناصر:اجل ناويه ترجعلي..طلع من الغرفه وراح للتسريحه ولقى عطورها تناديها ومشتاقه لها..طالع بالمرايه وقرى المكتوب بالروج الاحمر..
انتهــــــــــــــى..
رجعته هالكلمه لواقعه المرير..
ناصر:وانا انتهيت ياليلى...وطلع من الجناح..


***************************








الساعه الثانيه والنصف..
سفط سجادته ورمى نفسه على السرير..طالع بعبير اللي متعمقه بالنوم
ريح راسه على المخده..غمض عيونه وطلعتله ميساء وخالد..تخيلهم وهم مع بعض..تخيل كلام خالد..نظراته لها..دلعها له..خجلها وحياها..
فتح عيونه وهو يتعوذ بصوت عالي..
فيصل:اعوذ بالله منك يابليس اعوذ بالله منك يابليس..










*****************************

الصبـــــــــــــــــــــــــاح...
صحت من النوم وهي تحس رقبتها انكسرت..كانت نايمه على الكنب وهو مريح نفسه على السرير..
طقت رقبتها وقامت..طالعت بساعتها ولقتها 11 الضحى..
فتحت الدولاب وطلعتلها ملابس بشويش علشان مايصحى عليها..اخذت الروب معها ودخلت تاخذ شاور..
طلعت وهي لابسه فستان ضيق ومن تحت يتوسع لونه وردي صافي من الشيفون هو موديله ماسك من الصدر بدون اكمام..بس هي لبست عليه جاكيت لانها مستحيه من خالد..استشورت شعرها وتمكيجت بالحمام..
ابتسم يوم شافها وابعد الحاف عنه..
خالد:صباح الورد ياورد..
حست بوجهها حراره وهمست بصوت مبحوح ويالله ينسمع
ميساء:صباح النور..وطلعت من الغرفه بسرعه..
رجعت للغرفه وهي تسمع باب الحمام يتسكر..اخذت عبايتها وطلعت للصاله علشان تصلي صلاة الضحى...


بعد نص ساعه طلع وهو كاشخ بالثوب وبالشماغ..وريحة عطره معبيه المكان..
جلس جنبها وهو يحط يده ورى رقبتها..وباليد الثانيه علبه مخمليه ماسكها..
خالد:افتحيها ياقلبي..
مدت يدينها المرتجفه وهي تاخذ العلبه وتحطها بحظنها ..فتحتها
ميساء:وااااو روووعه..والتفتت عليه..مشكور..
ابتسم لانها عجبتها..
خالد:تبين تشكريني خليني البسك..
كانت بتمانع بس هو ماعطاها مجال.. لبسها الطقم الالماس الاصفر ..وخلاها تفصخ حلقها ولبسها حلق الطقم..لبسها الاسواره والخاتم وانهاها بقبله على يدها..
خالد:توه يزين الطقم ..يوم لبستيه..
ابتسمت غصب عنها لرقته..ماكانت متوقعته كيذا..
خالد:بنفطر هينا وبعدين بنروح لاهلي نسلم عليهم ونرجع..
قالت بحياء ودلع طبيعي
ميساء:وامي وابوي..
خالد:اكيد كلهم بنجيهم..
تخيلت شكلها وهي تسلم عليهم وحست بقشعريره تسري بأنحاء جسمها..
طالعت بعيونه اللي مافارقتها ونزلتها بسرعه
ميساء:طيب ليه مو بكره نروح احسن..
خالد:ليه؟؟
ميساء:كيذا يعني اقتراح..
خالد:لا بنجيهم اليوم علشان بنسافر اسبوع وبنرجع..بنروح لمكه..وان شاء الله اذا تعافى ابوي بنروح لشهر عسل
اقول ميسو انتي ماكان كيذا شعرك ماكان فيه هالخطوط الفاتحه
ضحكت غصب عنها
ميساء:ههههه..خالد اسمها خصل..وبعدين شدراك انت بشعري..؟؟؟
ذاب عليها وهي تضحك برقه وتنطق اسمه بدلع..
خالد:شايفك يوم تروحين للزواج يوم لبستي فستان احمر..ومافارقتي خيالي ابد..
ضيقت عيونها مستنكره
ميساء:مالبست احمر ..لبست فوشي..
خالد:كلهم نفس الطقه ...
هزت راسها معترضه
ميساء:لا مو نفس الطقه..انتبه تقول كيذا عند خواتك والله يعلقون عليك..
خالد:علشان اقص السنتهم..

********************************














حست فيه يوم دخل والابتسامه على وجهه..وحاط يدينه ورى ظهره وكأنه مغبي شيء..
تقدم منها وجثى على ركبته وطلع بوكيه ورد احمر من ورى ظهره..ومده لها..
اخذت البوكيه واستنشقته
ليلى:تسلم..كلك ذوق..
زياد:انا كلي ذايب فيك..
حمر وجهها وصدت عنه وحطت البوكيه على الطاوله..
جلس قدامها على الطاوله وفتح الاطباق..
زياد:ان شاء الله يعجبك الفطور..
اخذ الشوكه وغرس فيها قطعة جبن ابيض وقربه من شفايفها ..مامانعت وبلعتها..
خلصو فطور وراحت للغرفه تعدل مكياجها..
سمعت صوت الاذان يعلن دخول وقت صلاة الظهر..راحت للدولاب وطلعت شرشفها وسجادتها..
صلت ركعتين بعدين صلت الظهر بعدين ركعتين..
خلصت صلاه ورجعت سجادتها لمكانها وراحت للتسريحه تضبط شعرها المموج..اخذت عطرها فلور بومب وبخت منه..
زادت من القلوس المشمشي اللي يتناسب مع لون فستانها الكوكتيل المشمشي..كان مبرز انوثتها وجمال جسمها وصفاء بشرتها..
طلعت للصاله ومالقت احد..شكله راح يصلي..
صارت تلعب بطقمها اللي من مجموعة مس لازوردي على شكل حلقات..
سمعت طق الباب..وتوقعت انه هو...كانت بتفتح الباب بس شيء غصبها تطالع بالعين السحريه..شافت حرمه
ليلى:مين عند الباب؟؟؟
:انا انا افتحي..
شيء منعها تفتح..كانه احد ماسكها ويمنع ايدها تنحط على الكولون
ليلى:انتي مين؟؟؟
:انا من اهل زياد ابي اسلم عليك..
عقدت حواجبها
ليلى:من اهل زيااد!!! طيب لحظه بس..وقفت بمكانها محتاره..تفتح ولا ماتفتح...ليه حاسه بالخوف من هالمره..عزمت تفتحلها واللي فيها فيها..يعني من بتكون؟؟؟اكيد من اهله الحين شبتقول عني..مااعرف حق الضيف...فتحت الباب بعد ماسمت..
كانت الحرمه بتدخل بس غيرت خطتها وهربت لما شافت زياد جاي..استغربت من حركتها ونادتها..ياخاااله ياخاااله...
عقد حواجبه لماشاف المره تركض وهرول لسويته
زياد:شفيه شصاير..
ليلى:ماصار شيء بس وحده جتني تقول انها من اهلك فتحت الباب وهربت..
زياد:من اهلي!!! مستحيل هذي اول مره اشوف زولها..
ليلى:الا والله هي تقول انها من اهلك...
دخل وهو حاط يدينه على كتوف ليلى وسكر الباب...
زياد:غريبه من؟؟انا مالي الا بنات عمي حتى عمات وخالات مالي...
ليلى:بصراحه انا تأخرت مافتحتلها مادري ليه خفت منها...اكيد فيها شر والله حماني منها ..
زياد:فيها شر؟؟؟
ليلى:اجل ليش هربت يوم شافتك...وبعدين انا محصنه نفسي ومستودعتها الله..كان فيه شيء يمنعني افتحلها..طالعت فيه..انت حصنت نفسك..
زياد:ايه محصن نفسي..



رمت عبايتها على السرير واتصلت على الرقم..
جاها صوته
:بشري نفذتي المهمه
:جاء الزفت يوم فتحتلي...الله يقلعها لطعتني ساعه..
:اجل اطلعي الحين من الفندق..خلاص بنغير الخطه..وزياد مصيره يطيح بيدي...
:اللي تامر فيه...



********************

)) سبحا نـــــــــــك اللهم وبحمدك...اشهد ان لا اله الا انت استغفرك واتوب اليك))
ب
ببح
عروس مشرقة
06-07-2011 | 03:46 PM
(الجــــــــــــزء الرابع والعشـــــــــــرون)



(عــــــــــــــرس الـــــــــــدم...)

شتات في شتات..مافي توازن..هالحياة صعبه..بس حلووه..وحلاوتها مانذوقها الا بعد المر..ومرارتها مانذوقها الا بعد مانعيش حلاوتها..

تكبت..
وتكبت..
وتكبت..
بعدين بتوصل لمرحلة ماتسمع فيها الا دوي الانفجار..
اللي بيسوي شيء مايهدد..ينتظر ويخطط..وبعدين ينفذ..
تنظلم من اشخاص انت ماعتديت عليهم..وتتألم وتسكت ..تتهم وانت بريء..يخلونك شماعه لاخطائهم..يعتقدون انك بلا مشاعر وتتحمل..
الى متى طيب؟؟...
بيجي اليوم اللي الكل بيصحى من غفوته..
بس بعد مانخسر كــــــــــــــــــل شيء....


0
0
0
0
0
0
0
0
كارثــــــــــــــــــــــه..


الجمعه..بعد مارجعو من الصلاة راحو لبيت سليمان...
دخل سليمان المكتب وهو يفتح شماغه ويرجع ينسفه ووراه محمد..
جلس ورى المكتب
رفع السماعه واتصل على احمد حارس المخيم...
محمد كان جالس على كرسي من الجلد البني ومركي ايده على طاولة المكتب ويستمع لحديث سليمان...
سليمان:متأكد ماجاك؟؟؟....طيب طيب...احمد اذا جاء بلغني ضروري..يعطيك العافيه...
سكر السماعه وهو يقول
سليمان:مو بالمخيم ولا بالمزرعه؟؟؟وين راح...حنا غلطانين المفروض منتبهيله امس..
محمد:انا سألت طلال بالمسجد وقالي انه ماشافه...تدري ابي ادق على كل شباب الاستراحه واسألهم عنه...يمكن نام بالاستراحه..
سليمان:انا حاس ان فيه شيء؟؟؟...اففف ..
محمد:اقول سليمان..
سليمان:خير؟؟؟
محمد:انت..مو قايل لاهلي عن شيء ...صح؟؟؟
سليمان:تبيني اقول سواد وجهك...؟؟؟
محمد:سليمان قلتلك انا ماكنت ادري...
سليمان:مارح ارجع افتح الموضوع مره ثانيه
محمد:بس انا يهمني انك تسمعني...
سليمان:بس مو شرط اصدقك..
محمد:مظطر تصدقني لانهم طلعوني براءه لو كنت منهم ماخلووني..
سليمان:لا تنبسط كثييير...لانه حتى المتهمين بيطلعون...يعني قضيتك كانت سهله..
محمد:شتقصد؟؟؟
سليمان:اقصد ان كل اللي معاك كانو عيال كبار الشخصيات..وبيطلعون بالواسطه...
محمد:واسطه بهالامور...مستحيييل...
سليمان:صدق..لانك انت منهم..
محمد:انا طلعت بالوااااسطه؟؟؟؟؟؟
سليمان:الله يخلي مشاري..ساعدنا باللي يقدر عليه...محمد هي مو مسألة مين يبقى بالسجن...ومو كل اللي بالسجن يتأدبون...ومو كلهم مجرمين...يامحمد المسأله عقيده..مبدأ...سمعه...ليه الواحد يعرض نفسه للمخاطر علشان يكتشف اللي حوله..تبي تكتشف اسمع واقرى مو لازم ولا انت مظطر تجرب...محمد كلنا مرينا بمرحلتك..بالعكس انت احسن مننا لان كل شيء متاح لك...تقدر تسأل عن كل شيء بحريه..واصلا كل شيء واضح قدامك..حنا كلنا عانينا..يعني مثلا ماكان عندنا وعي بالمخدرات وبالمنشطات..اصلا حتى شكلها مااعرفه...كان ممكن بسهوله اصير مدمن..بس ربي رحمني..يمكن لو كنت مدمن يتحمل اهلي ذنبي لانهم المفروض يوعوني...بس الحين انت مالك عذر..اي شيء تسمعه وتبي تعرفه ادخل قوقل واكتب اي شيء يخطر على بالك..وبيطلعلك..اللي تبي...
محمد:بس انا اقرى..واثقف نفسي..وادري بالمخدرات وياما عرضو علي بس انا رفضت...
سليمان:وماسمعت عن الخمر..
محمد:الا..بس..
سليمان:وشربت الخمر ومكتوب بملفك ..محمد ماتكفي القرايه..لازم تتحدى نفسك..كل شيء بتسويه فكر بعواقبه..اعرف شيمكن يكون مصيرك..قبل لاتسوي اي شيء حط الله بين عيونك..اذا ضميرك مرتاح كمل واذا لأ اعرف انك تسوي شيء غلط...
انت بزمن اختلط فيه كل شيء..هذا انت انضميت لمجموعه خطيره بدون ماتحس..انضميت لعبدة الشيطان وبارادتك وبدون ماتدري...
لازم يامحمد تفتح عيونك زين...هالايام حتى صديقك تحذره..
محمد:ماكنت متخيل ان رابح يصير منهم...ماني مصدق انه كافر..خليجي وكافر..
سليمان:مو شرط تنضم لهالمجموعه علشان تصير من عبدة الشيطان...عبدة الشيطان موجودين بكل مكان..حتى بالمساجد...
كم مسلم يسمع الاغاني...كم مسلم يشوف ماحرم الله..كم مسلم شرب خمر..كم مسلم سرق..كم مسلم رفع صوته على ابوه او على امه..كم مسلم ابتز اعراض..كم مسلم سحر ..كم مسلم قرى حظه وآمن بالابراج...كم مسلم قذف مسلم..كم مسلم قتل مسلم..كم مسلم خرب حياة مسلم..
كم مسلم زنى..كم وكم وكم وكم...هذولي كلهم مسلمين بس عبدو الشيطان لما انصاعو لشهواتهم...
حتى شوف بالبرامج الدينيه والافتاء...يسألون عن اشياء وهم متأكدين انها حررام بس يتحايلون ويحاولون ويحاولون حتى ينطق الشيخ ويقول حلال وكأنه الشيخ هو اللي مقيدهم...لدرجة غيرو المسميات علشان تحلل...الرشوه صارت هديه او اتعاب...
الربا صارت فايده ولا بعد اصدرو فتوى انها اذا كانت اقل من 3% حلال...ومايدرون ان اللي يحلل الربا وينتشر الربا بالبلد بيدخل حرب مع الله ورسوله...انت بتعاني كثير بشركتنا..حنا جاهدنا وجاهدنا علشان مايختلط الحلال بالحرام...والحمد الله الله وفقنا..وصار يشار لنا بالبنان سوينا امبراطوريه عظيمه وكلها بالحلال...
محمد حنا بوقت صار المسلم فيه قابض دينه وكأنه ماسك الجمر...اختلط الحلال بالحرام..لازم تكون ذيب ..ومفتح عيونك زين...

رن جواله واستغرب الرقم..03..هذا فتح الشرقيه...رد..
الووو
:الاخ سليمان ال----
سليمان:ايه معاك...عفوا مين ماعرفتك؟؟؟
:معك شرطة الخبر...
مسد جبهته يبعد التوتر اللي حس فيه وتمتم
سليمان:خ ي ر...
:اخوك ناصرال----
سليمان:ايه..ليه؟؟
:تعال عندنا المركز وبتعرف كل شيء...
سليمان:ياخوي انا بالرياض ولين اوصل بكون مت من التفكير..ريحني وقول ليه موجود عندكم؟؟؟
:اخوك متهم بقضية قتل..
حس بالدنيا تدور فيه..هو يتهيأله ...ولا اللي يسمعه واقع..
:اخ سليمان معي..
بلع ريقه بصعوبه
سليمان:قتل..مين؟؟؟
:محمد ال----وياليت تجونا بأقرب فرصه...مع السلامه...
نزل الجوال على الطاوله وضغط على راسه بيدينه..يحس برجفه تسري بكل جسمه..بدون مقدمات ولا تمهيد يقولونله ان اخوه قتل..
كش جسمه وهو يسمع صوت الضابط يتردد بمخه..قتل محمد ال----...

قام بسرعه ولف على المكتب وحط يدينه على كتوف سليمان..
محمد:سليمان شفيك..تحس بشيء؟؟؟
مارد عليه..ووجهه بدى عليه الشحوب..
خاف ..اخذ شماغه وعقاله ورماهم على الكرسي وفتح ازارير ثوب سليمان
محمد:سليمان تنفس حاول تتنفس..لاتشد اعصابك ارخي نفسك..سليمان... سليمان... تسمعني..
سحب اكبر قدر من الهواء بصعوبه علشان يرخي نفسه..ورمى يدينه على طولهم وارخى نفسه على الكرسي ورجع راسه على ورى..
محمد:بجيبلك مويه..وقبل لايطلع التفت لسليمان
سليمان:ناصر ذبح محمد..
ابتسم ورجع بيكمل طريقه..استوعب الكلام..التفت لسليمان
محمد:سليمان انت شتقووول؟؟؟؟
مرر يدينه على شعره وصار يدلك راسه بحركه دائريه..
سليمان:ناصر..ضاااع...



******************************


الساعه الثانيه ظهرا...


ممكن..
ابتسمت وفتحت فمها المرتجف..اللي استقبل قطعه فيليه دجاج..
خالد:ماطرح مايسري يمري..
قلب وجهها لاحمر..وهمست
ميساء:تسلم...
رن جواله اللي كان على الطاوله بنغمة مناحي اللي مخصصها لجدته<<عرفتوها..
درى انها كاتمه ضحكتها
خالد:اضحكي عادي لاتستحين..
ميساء:هههههههه طيب رد..
خالد:ماني راد هذي عجوزي ..
عقدت حواجبها
ميساء:ميين؟؟؟
خالد:عجوزي يعني جدتي فهمتي
ميساء:حرام عليك رد...اكيد تبيك بشيء مهم...
خالد:تلقينها غارت يوم اعرست وتركته..والله مشكله هالعجايز يتعلقون بالاحلام..كملي اكلك..
ميساء:خلاص شبعت الحمدالله...
خالد:بكيفتس انا ماشبعت...وكمل اكله

دخلت الغرفه وراحت لدورة المياه تغسل...
طلعت وراحت للتسريحه..شافت شكلها بالمرايه..
ميساء:باين علي مانمت كويس...احسن شيء اروح انام قبل لاروح لخالتي...

لبست بجامه حرير وردي ونامت على السرير وهي شاده الحاف عليها ومغطيه وجهها فيه...

بعد ماخلص من غداه..دخل الغرفه..شافها نايمه ومغطيه وجهها..راح للكومندينه اللي جنب السرير وضغط زر وتسكرت الستاير..
رفع الحاف عن وجهها خاف انها تنكتم..حب جبهتها ..وراح يغير ثوبه ...
طلع من الحمام وهو لابس بجامه عنابي..وانسدح على السرير البارد وراح بنوم عميق...

لما حست انه نام..ارتاحت وحمدت ربها انه ماحس برجفتها....شدت الحاف عليها اكثر..واستسلمت للنوم..

*****************************

العصـــــــــــــــــــــــــــر..







ركبت سيارته الرنج وهو يسكر باب الشنطه بعد ماركب شنطهم..
ركب السياره وهو مبتسم..سكر الباب وشغل السياره وعدل المرايه الاماميه..التفت عليها وهو يضغط زر التكييف..
زياد:جاهزة للرحله اميرتي..
ابتسمت من ورى نقابها للهجته المرحه
ليلى:جاهزه..
زياد:ستستغرق رحلتنا الى مكه عشر ساعات تقريبا...ولن نتوقف الا بها باذن الله..فأي شيء تريدينه سيدتي قبل ان نغادر الرياض اطلبيه..
ليلى:لامابي شيء..بس لو توافق اروح اسلم على اهلي
زياد:احللللمي مستحيل افرط بدقيقه من غيرك...انا مارحت بالطياره علشان اقضي اطول وقت ممكن معك..يلا رددي وراي
((الله اكبر الله اكبر الله اكبر..سبحان الذي سخر لنا هذا وماكنا له مقرنين..وانا الى ربنا لمنقلبون..اللهم انا نسألك في سفرنا هذا البر والتقوى ومن العمل ماترضى
اللهم هون علينا سفرنا هذا واطوي عنا بعده اللهم انت الصاحب في السفر..والخليفة في الاهل..اللهم انا نعوذ بك من وعثاء السفر..وكابة المنظر..وسوء المنقلب في المال والاهل))

*****************





قالت وهي تاخذ قطعة بطيخ بارد وتاكله..
شموخ:ماما اقولك متأكده شايفتها بالجامعه..اصلا هي معروفه بجمالها..بس بتأكد بكره من البنات عن اسمها..
ام فراس:انا اللي قاهرني شلون زياد يخطبها بدون مايشاورني...زياد اللي اتمنى انقي مرته نقوه وتكون سنعه معنا بدال حريم اخوانك يروح يتزوج وحده من برى العايله...هذي شكلها قويه الله يفكنا من شرها..
جمعت شعرها على جنب وحطت رجل على رجل
نوال:خالتي لاتنسين انها بتسكن معنا..يعني مارح تقدر تسوي شيء...بنوريها العين الحمراء ونربيها ..
جلست على طرف الكنبه اللي جالسه عليه نوال
شموخ:ايوه ماما علشان ماتتجرأ علينا...وطالعت بساعتها..او ماي قاد اكيد تيمو تنتظرني على المسن
ام فراس:ياعمري عليها مقهوره انها ماحظرت زواج اخوها...
شموخ:واااااااو يماما شفتي ديكوراتهم...مررره روعه..باين عليهم انهم فوووق الريح..
تكلمت من طرف انفها بغرور..
ام فراس:وحنا مو اقل منهم..يحمدون ربهم انا ناسبناهم..
دخل ابو فراس على كلمتها ولخبط شعر شموخ وجلس جنب نوال..
ابوفراس:لا يام فراس..حنا نحمد ربنا انهم وافقو..الله منعم علينا صحيح ..بس هم كنز..واذا مشى كل شيء مثل ماابي بتنفتح لنا ابواب ماكنا نحلم فيها...اول مره ولدك ينفعنا بشيء...
ام فراس:بس ماشوف فيهم زود عننا..يعني كل شيء عندهم عندنا لا بلبس ولا بسيارات
ابو فراس:انتي شوفي اصغر واحد فيهم كم رصيده..تلقينه يساوي رصيدي..
مطت بوزها علامة الضيق
نوال:مالت عليهم هم وفلوسهم..
ابو فراس:هههههههههههه...لاتخافين يانوال كلها شهرين بالكثير وبنزوجك زياد...
حمرت خدودها وانسحبت من الصاله..
شموخ:ياحليلها استحت..ايوه بابا ترى بنسوي بارتي اذا جت تماضر من السفر..
ابوفراس:والله انتي تصلحين تصيرين منسقة حفلات بكل شيء تحتفلين...لزمي على حريم اخوانك يجون
ام فراس:مو جايين الا اذا انت كلمتهم
ابو فراس:خلاص انا بكلمهم...روحي شموخ جيبيلي بطيخه مشتهيها...







************************


في قصر ابو سليمان

جلس سليمان جنب محمد وهو يتحسس سكسوكته ويطالع بأبوه..
تحمحم قبل لايبدا بالموضوع
سليمان:يبه ابي اكلمك بموضوع..ممكن
رمى الجوال بجنبه وهو ملان ويتأفف
ابوسليمان:افف اخوك لازم يقلقنا..تفضل وش موضوعك
مايحب يكون بهالموقف ففضل انه ينسحب
محمد:عن اذنكم بروح لبيتنا
سليمان:محمد انثبر بمكانك...
محمد:احم.. ان شاء الله..
رن جوال سليمان وكان المتصل فيصل رد بسرعه
سليمان:هلا فيصل
فيصل:سليمان انا بالطريق للمستشفى سلمى بتولد
عصب..هو مايحب احد يتدخل بشؤون عايلته
سليمان:وليه ماقلتولي انا اللي اوديها
فيصل:مافيها شيء انا مو غريب وبعدين انت تدري انها بهاليومين بتولد ليه ماجلست عندها دامها تهمك...
الجمه رده..سكت مارد..
فيصل:ابوناصر وصلت للمستشفى عن اذنك...
ضغط على الجوال بيده..مقهور..كل شيء يطيح براسه وكل شيء فوق راسه..
التفت على محمد..
سليمان:محمد بلغ ابوي باللي صار..انا بروح سلمى تولد ولازم اكون هناك...
برد وجهه وهو ينقل نظره لسليمان وعمه وبصعوبه بلع ريقه
محمد:انااا!!!...لا مااقدر..
صر على سنونه
سليمان:انت سويت اللي اعظم..والحين مو قادر تنقل خبر..
ليه مايبي يسامح..ليه مو راضي يصدق ان اللي سواه طيش شباب ..ليه مو مصدق انه تاب...التفت على عمه اللي قال
ابو سليمان:سليمان محمد شصاير ...ناصر صارله شيء؟؟؟؟
طالع محمد بغيض وهو يوقف يستعد للخروج
سليمان:اسأل محمد..هو ادرى بحركات التهووور واللا مبالاة...وطلع
ابو سليمان:محمد ياولدي شصاير قوووول..
محمد:احم..احم..ناصر مسافر للشرقيه..وو..وو..و..لحول الله..مادري شمسوي بمحمد وماسكينه الشرطه هيناك
فتح عيونه على وسعها وقال بحرقة الاب على ولده وباحساسه اللي مايخيب
ابوسليمان:لاتقول انه ...ذابحه..
ماقدر يرد وهو يشوف الخوف والانكسار بعيون عمه..بس هز راسه علامة التأكيد...

******************************



مدد يدينه على طولها حتى صقع خد ميساء ..اللي عقدت حواجبها وهي مو حاسه بشيء..
ابتسم وهو يشوفها قريبه منه..ونايمه على جنبها اليمين ومقابله وجهه..كان وجهها صافي الا من خطوط ارتسمت على جبهتها بسبة تعقيدة حواجبها..وفاتحه فمها بدون ماتحس..شكلها ناعم وبريء..
مد يده ومررها على شعرها..
فتحت عيونها شوي وسكرتهم وهي تبتسم وتقلب للجهه الثانيه...ماكانت مستوعبه..
تركها على راحتها وراح يتوضى ويصلي صلاة العصر اللي فاتته...
اخذ شور سريع ولبس ثوبه وتعطر وراح يصلي...وبعد مانتهى قرى الاذكار ..
قام من السجاده ...وجلس على طرف السرير..قرب وجهه من اذنها وهمس..
خالد:ميساء..ميسووو..قومي يكفي دلع..ميسوو
ميساء:امممم
خالد:ميسووو قومي ماتبين تروحين لخالتي..
تمغطت وهي تفتح عيونها..وصرخت من قربه
ميساء:هييييييء..
ابعد عنها وهو مبتسم...ويقلد صوتها
خالد:هيييييييء...يلا قومي يكفي نوم تأخرتي على صلاتك..
رفعت نفسها عن السرير..وبدت تعدل شعرها..
ميساء:ليه الساعه كم؟؟؟
خالد:الساعه خمس وربع...
قالت وهي تنزل من السرير وعيونها للارض تدور شحاطتها وشعرها انساب كله لقدام..
بصوت دافيء وناعم
ميساء:او ماي قاد..مرره تاخرت...
رفعت راسها واصطدمت نظراتها بعيونه اللي ماتخفي الاعجاب..زاد تنفسها ودقات قلبها اللي تحسه بيطلع من قفصها الصدري..
حس فيها..وضحك عليها بنفسه..
خالد:انتظرك بالصاله لا تتأخرين..وطلع
ارتااااحت وبسرعه راحت للباب وقفلته..
ميساء:افف الواحد ماياخذ راحته..

**********************




محـــــــــــــاوله


قبل المغرب..
دخل جناحه بعد مااعطى ابوه علاجه..كان لابس بيجامه بني..
لقاها حاطه رجل على رجل والسماعات باذنها تكلم وتبرد اظافرها..
ابتسم لها وهو يروح للسرير يرتاح..بس طنشته ولا ردت ابتسامته..
عبير:هههههه...لاتقولين...ايه..هههههههه متى هالكلام؟؟....طيب
حط مخدتين فوق بعض وريح راسه عليها..ينتظر صلاة المغرب..سرح وهو يتأملها تتكلم ومطنشته...من بعد مارجع من المستشفى وشاف المولود الجديد واحساس الابوه متملكه..تذكر انه مابقى شيء ويذن المغرب وبهالوقت من نهار الجمعه الدعوه مستجابه...قام من السرير وطلع للبرنده..رفع يدينه للسماء ودعى ربه من غير واسطه ولا حواجز...
((يارب يارحم الراحمين اللهم هب لي من لدنك ذرية صالحه..اللهم ارزقني بالخلف الصالح..اللهم لاتذرني فردا وانت خير الوارثين..))

عبير:لا تخافين مو عندي طلع للبرنده..
نسرين:ها شلونه معاك...
عبير:يتلزق فيني..تدرين احيانا يكسر خاطري بس اعاند واصده
نسرين:انتبهي تعطينه وجه..الرجال هذا طبعهم صديهم يلزقون فيك اكثر..خليه يعرف انك ثقيله وصعبة المنال..
عبير:انا اسوي كيذا معاه..
نسرين:خليه يتأدب..ويعرف مين عبير ومين ميساء
نزلت المبرد من ايدها وبدت تاكل بأضافرها
عبير:تصدقين ارتحت كثير يوم تزوجت..انا ماكنت اتمناها تاخذ خالد ..بس اهم شيء تبعد عن طريقي..وتخلي فيصل لي..
نسرين:صدقيني بيكون لك بس انتي اسمعي كلامي...

خلص من دعاءه على اذان المغرب دخل وهو يردد ورى المؤذن..
عبير:اوكيه مع السلامه
نسرين:مع السلامه..

جلس جنبها وهي تشيل السماعات من اذنها ..حط ايده ورى ظهرها وسحبها له
قال وهو يبتسم ابتسامته الجذابه..
فيصل:ساعه تتكلمين حبيبتي..
صدت وجهها للجهه الثانيه
عبير:ليه الكلام ممنوع وانا ماادري؟؟
لف وجهها بيده وخلاها تطالعه غصبا عنها..
فيصل:تدرين دعيت ربي يرزقني منك بولد..ماتتصورين شلون كان احساسي يوم شلت ولد سلمى..تمنيته ولدي وانتي امه..
كانت بتبتسم ..وبتقوله انا اتمناه اكثر منك..بس دفت ايده بقوه ..ورفعت حاجب
عبير:وانا ماتمناك ابوه...

ماتمناك ابوه
ماتمناك ابوه
ماتمناك ابوه
ترددت كلماتها بعقله..ماتبيني ابوه!!...ليش؟؟...لهالدرجه كارهتني؟؟؟..بس هي قالت لي قبل انها تحبني؟؟..
تاهت نظرته ..رجع طالع فيها..
فيصل:ماتتمنيني اكون ابوه!!
اخذت المبرد ورجعت تلهي نفسها ببرد اظافرها وتتهرب من الجواب..قالت بعد ماشافته مصر يعرف الجواب
عبير:ترى بالليل بروح لسلمى ازورها..





وكم حاولت أنساها
وكم جربت
كم أوشكت
بل قد كدت
أنسى القلب اياها
وكم أحرقت صورتها
وكم قتّلت ذكراها
وكم أقسمت أن يلغى
من القاموس عيناها
لذا قررت ـ يا أسفي ـ
لذا قررت أسلاها
ولكن من ترى يحنو
على شعرى وأشعارى
ومن سيجيد رص الورد
فى اصيص أزهارى
ومن يحيا معي طربي
ويطفىء بالهوى ناري
غبي
قلت أنساها
وهل فى القلب الإها
لذا يا ريشتي قولي
أنا ما زلت أهواها
منقول

سمع صوت طق الباب وصوت محمد اللي يناديه..
مارد عليها ولا حتى عبرها بنظرات ..راح يفتح الباب
محمد:ساعه تفتح..
ميل راسه على جنب وقال بنرفزه
فيصل:خير شتبي؟؟
محمد:تعال ابي اكلمك بموضوع..

جلسو على كرسيين بصالة التوزيع..
فيصل:اخلص مابقى شيء على الصلاة..
محمد:بروح للشرقيه..
فيصل:مافيه روحه تنثبر عطيناك وجه كل شوي مسافر
محمد:بسافر مع عمي
فيصل:ليه شعنده عمي؟؟؟
محمد:فيه خبر مو زين..
فيصل:شفيه؟؟؟؟
محمد:ناصر..قتل محمد..
فيصل:تمـــــــــــــزح
محمد:هالامور مافيها مزح
فيصل:لا حول ولاقوة الا بالله ..لا حول ولا قوة الا بالله...ناااصر!!! ماني مصدق...ليه ضيع نفسه..ناصر يقتل مستحيل مستحيل..
انا اللي بطلع مع عمي وانت انتبه لابوي ولا يدري فاهم
محمد:فيصل انا اللي بطلع ابوي محتاجك انت اكثر مني ..
فيصل:ابوي ماعليه خلاف الحمد الله صحته زينه..عمي وينه
محمد:راح للمسجد وانا جيت هنا..
فيصل:خلاص انا بروح اصلا مابقى شيء على الاقامه وانت صل مع ابوي هينا..
محمد:والجماعه
فيصل:اخاف ابوي يشوف عمي ويعرف اللي صار وهو بهالوقت مو متحمل..

دخل الجناح وشافها على جلستها..طنشها وراح يتوضى ويلبس ثوب
طلع بسرعه وهو يسمع الامام يقيم..
عبير:افف شكله زعل ...ياللا احسن علشان يتعلق فيني اكثر..

***************************

ترنيمـــــــــــة حب..




بطريق الرياض الطائف..

كانت متحجبه بس لان محد يشوفها..فتحت علبة البيره ((اكيد خاليه من الكحول))
ومدتها له..اخذها منها واخذ له رشفه..
زياد:متغيرة طعمة البيره..تدرين ليه
ليلى:ليه؟؟
زياد:معقووووله ماتدرين؟؟؟
حست بالخجل وهو يقول هالكلام..تحس انها جاهله
ليلى:لا والله..
زياد:لا مستحيل..حتى ماعندك خلفيه بالموضوع ابدا..
عضت على شفتها السفليه واحساس انه ينظرلها انها مو مثقفه يقتلها..
ليلى:اصلا انا ماحب البيره علشان كيذاماهتم بأي شيء يتعلق فيه
ضحك وملى السياره من صوت ضحكه ..
زياد:هههههههههه ياناس اموووووووت فيها..
طالعت فيه وبملامحه اللي زادت جاذبيه لما ضحك..هذا شفيه يضحك ويموت علي..
زياد:طعمه تغير لان يدين اميرتي مسكته..
هو صدق يحبني ولا يجاملني لاني عروس...طيب ناصر ليه ماجاملني ؟؟ ااااه اسوأ يوم مر علي هو ليلة زواجي..ابتسمت بمراره وهي تتذكر هذاك اليوم اللي امطر عليها بسيل من الشتائم والسب..
زياد:اميرتي فمين سرحانه..
التفتت عليه وباغتته بسؤال
ليلى:زياد ممكن اسألك سؤال..
زياد:انتي تسألين على طول ماتاخذين الاذن
ليلى:ليه تزوجتني..وانا..سكتت ماقدرت تكمل تحس انها بتنزل من قدرها وتهين كرامتها
زياد:شفيك سكتي؟؟ كملي..وانتي مطلقه والناس تتكلم بشرفك صح..
كرهت نفسها وندمت انها سألت هالسؤال ..هي تدري ان هذا الواقع..بس مرير..ومرارته كل يوم تتجرعها من اقل حركه تسويها وتفسرها الناس بشيء ثاني..لفت على القزاز وصارت تطالع بالخط الاصفر الساطع على جانب الطريق ..وهي تكبح دمعه ممكن تنزل..ياما كابرت واخفت دموعها وتظاهرت بالقوه..بس داخليا هي مكسوره..
زياد:ليلى انتي ليه وافقتي علي؟؟
لفت عليه وهي عازمه تكون صريحه حتى يكون صريح معها..بللت شفايفها
ليلى:لعدة اسباب..اولها انك مافيك اي عيب..وصديق فيصل...واسباب شخصيه
دار بالدركسون علشان يفسح الطريق للي وراه..
زياد:طيب ممكن اعرف الاسباب الشخصيه..
رجعت تفكر..شتقوله؟؟انها خذته لانها متأكده محد بيجيها..خذته ووافقت عليه عرفان وشكر انه خطبها..خذته لانها تبي تصير ام..خذته علشان ينحرق قلب ناصر ويذوق اللي ذاقته..خذته لان مالها حق ترفضه تحمد ربها اللي جاها احد عقب الفضيحه اللي صارت
سكوتها طال..وعرف انها ماتبي تقول
زياد:انا تزوجتك لاني احبك..
كبّس للي قدامه بالنور علشان يقدر يتجاوزه..والتفت عليها..وقال
زياد:..مستغربه اني احبك
ليلى:كلامك غامض..كيف تحبني وانت ماتعرفني..
زياد:من قال مااعرفك..انا من دخلت كلية الطب وانا راسمك بخيالي..وعشت هالخيال لحظه بلحظه..مواصفاتك جمالك شعرك طريقة كلامك نظرة عيونك ابتسامتك لي دموعك ..كل شيء ..بس ماكنت لاقيك..واقتنعت انك مستحيل تكونين موجوده الا بمخي...تخرجت وصرت طبيب وتعينت بمستشفى العسكري..وعقبها بسنه انضم لنا فيصل ومن يومها وحنا اصدقاء او ان صح التعبير اخوان..تزوج اخوي اللي اصغر مني وانا ماتزوجت..ماكنت ابي اتزوج..لانه مافي مره تشبه اللي براسي..تخرجت بنت عمي وغصبونا نتزوج بعض..وتزوجنا..كنا اخوان قبل لانتزوج ماكانت تكرهني..بس بعد ماتزوجتها ورتني الويل..كنا متزوجين على ورق بس..كانت تحب ولد خالتها..وولد خالتها خطبها بس عمي الله يهديه رفض..وغصبها علي..اقنعت نفسي اني احاول انجح هالزواج اللي انا مو راضي فيه..بس مابي اجرحها وابين لها اني انا بعد مغصوب عليها..مهما كان هي بنت عمي ومثل اختي وماارضى انها تنجرح...بعد اشهر تطلقنا..والكل لامني واولهم ابوي اللي يبيني ارجعها..بس انا وعدتها اني ماارجعلها..ونفذت وعدي..رجعت علاقتنا زي اول اخوان وحبايب...لين جاء هذاك اليوم اللي كان بالنسبه لي اسعد يوم بحياتي..
ليلى:وش هاليوم؟؟؟
زياد:يوم شفتك بالواقع...كنتي تتهاوشين مع خالد بحوشكم ..وانا كنت بالملحق..كان غصبا علي اشوفك لان ملحقكم قزاز..
ماقدرت استوعب..تصدقين حسبت نفسي انجنيت او هلوست..كان شيء عظيم بالنسبه لي اني اشوف اميرتي بالواقع...
انقهرت كثير لما عرفت انك اخت فيصل..يعني كنتي قريبه مني وانا ماادري...بس الامل رجعلي لما قلتي انك مطلقه..وثواني اختفى لما قلتي انك حامل وطلقك بدون مايسأل فيه...شفتك لما انهرتي على الارض..كنت باساعدك بس استحيت...ومن هذاك اليوم وانا لا ليلي ليل ولا نهاري نهار..كنت اشوفك باحلامي باوراقي وبكل زاويه بغرفتي...وتبين الصراحه...
ليلى:ايه..
زياد:اخاف تزعلين..
ليلى:لا مو زعلانه..قول..
زياد:كنت ادعي بكل وقت وبكل ثانيه اتخيلك فيها انك ماترجعين لناصر...علشان اتزوجك..وفيه شيء ثاني بعد..
بدت خفقات قلبها تزيد..
ليلى:ايش..
زياد:بس اخاف من جد تكرهيني..
ليلى:قول وانا بقرر..
زياد:يوم عرفت قصتك ..اقصد كلام الناس عنك..طرت من الفرحه لاني ضمنت موافقة اهلك على الاقل..لاتزعلين..

سكتت..ماعندها شيء تقوله..ماترك لها مجال..شبتقوله اصلا..شكرا لانك رجعت الثقه بنفسي..شكرا لانك حسستني اني شيء مهم بحياتك وانا ماصارلي يوم معاك..شكرا لانك رجعتني ليلى القويه..شكرا شكرا شكرا هالكلمه هذي يازياد ماتكفيك حقك...اللهم لك لك الحمد اللي عوضتني ..

****************************

بعد صلاة المغـــــــــــــــــــرب


دخل البيت وهو يصااااارخ...
خالد:يممممممممممه يمممممممممممممممممه سلمىىىىىىىىىىى عبيييييييييييييييييييييييير..

تخطت الدرجات بسرعه وهي تضحك..واول ماقربت منه ضمته
عبير:مبرووووووووك ياعريييييييس..
ضرب راسها بخفه
خالد:شوي شوي يالدفشه تعلمي النعومه..
دفته مع كتفه وطالعت باللي وراه ومدت ايدها بكل برود
عبير:مبروك ..نورتي بيتك..
ميساء:الله يبارك فيك..منور باهله..
خالد:وين امي وكونان.؟؟
عبير:مااادرييييييييت يالخبل؟؟
خالد:وشو يالخبله؟؟
عبير:كونان جاه ولد وصرت خال وعم بنفس الوقت للمره الثالثه..
خالد:جعله اللي ماني قايل سليمان الدب ليه ماعلمني..اوريه
عبير:اللي وداها للمستشفى...طالعت بميساء..وسكتت..ماتبي تقول اسمه عندها..ماتبيها تسمع اسمه..
خالد:من اللي وداها؟؟
عبير:محمد وداها...
والتفتو كلهم لصوت الجده ومحمد اللي دخلو...
الجده وهي ماسكه يد محمد بيد والثانيه ماسكه العصى..ولاهي منتبهه لخالد
الجده:قلبي مو متطمن..كود انه صايرن شين..اجل شيودي فيصل مع عمه..وابوسليمان ليه وجهه اسود..كود ان فيه بلا..
محمد:مافيه شيء لاتوسوسين..ورفع راسه لخالد اللي تقدم ناحيتهم ورافع يده علشان يمسك راس جدته ويسلم عليها..
خالد:مسستس بالخيرر..
هلل وجهها وزادت الخطوط حوالين عيونها
الجده:هلا هلا بالمعرس يعله مبارك ويرزقك بالذريه الصالحه..
خالد:بحياتتس ان شاء الله..وشبلاتس معصبه
الجده:مابه شين..وينهي مرتك
التفت على ورى
خالد:تعالي سلمي ...
راحت بسرعه وسلمت عليها وهي متنرفزه من اسلوب خالد..وشو تعالي بسرعه..ليه مالي اسم...
طالع بعبير الكاشفه وقال علشان تستحي
محمد:مبرووك مبرووك ياميساء..مشاء الله تتغطين عني مو زي بعض ناس..
عبير:تكلم من هناااااااا لين تموت ياحميدان غطا مو متغطيه عنك..
محمد:ذنبي عليك.. وانا الله شاهد علي قلتلك تغطي بس انتي رافضه..
الجده:عبير وهو صادز..تغطي خلاص هو غدى رجل ..
خالد:ماينفعبه الحتسي ياجدتي..هذي اغسلي يدتس بكلوركس..حالته ميؤس منه..
عبير:ايوووه كيذا زين فلا تصجون راسي بهالسالفه...
خالد:محد صاجتس ..محمد شلون سلمى؟؟
محمد:مادري والله ماشفته..
خالد:يعني وديته ورجعت بدون ماتشوفه؟؟
محمد:لا مو انا اللي موديه..وداه فيصل..
خالد:اهاا..
طالعت ميساء بعبير اللي منزله عيونها للارض..حست باحساس غريب ناحيتها..شتقصد بهالحركه..هي فعلا ماتدري ان فيصل هو اللي ودى سلمى ولا هي متعمده؟؟؟؟
خالد:قوه قوه ارتاحي داخل..
الجده:ايه ودن لابوك خلن اشوفه..
خالد:ابوي فيه ؟؟
محمد:صلى المغرب ونام..شوي ويقوم...

دخلو للمجلس العائلي وراح خالد يشوف ابوه ويتطمن عليه..
طلع من جناح ابوه ولقى محمد ينتظره بالصاله...
وقف قباله..
خالد:وش قصة جدتي؟؟؟
محمد:مافي شيء..
خالد:عمي وفيصل وينهم...
محمد:سافرو للشرقيه...عمي عصب من موضوع صفقه ضاعت علينا وفيصل خاف عليه فاظطر يسافر معاه...
خالد:طيب وناصروينه؟؟
محمد:ب..ب..بالمخيم من امس...مارجع..مادري متى يعني يجي..
ضيق عيونه
خالد:محمد ناصر فيه شيء؟؟؟
محمد:مافيه شيء..انا بروح الحين للمستشفى اودي اغراض لامي ...
خالد:طيب انا بطلع اودي ميساء لاهلها..
محمد:بالله وانت نازل صوت للسكنيه خلها تجهزلي الاغراض..


نزل ولقى سديم محتضنه ميساء وفيصل فاتح فمه ومفهي فيها..
خالد:يااااااااولد عيب...
بلع ريقه وهو يدخل يدينه بجيوبه وجهه حمر من الخجل
راح له ومسكه مع يافة بلوزته ورفعه وقال وهو يسوي نفسه معصب
خالد:تقز مرتي ياقليل الخاتمه..
ناصر:لا والله بس شفتله
خالد:يعني يقالك مرقعه الحين..والتفت على ورى للي تخبطه...
سديم:اتكره اتكره لاعلم بابا وفيثل عليك..
نزل ناصر ..ورفع حاجبه
خالد:اووه ام كرش طالعلك لسان..
ميلت خصرها وحطت ايدها عليه وقالت وهي تحوس فمها يمين ويسار
سديم:لا بث انت اللي الله عتاه لثان..
جلس على اطراف رجله (نص جلسه) والتفت لجدته
خالد:اشهدي تراه هي اللي تعرضتلي مو تجيني بعد شوي تقولين اوذيته مااوذيته خلتس حقانيه..
الجده:ماني قايلتن لك شين..مصغر عقلك مع البزران..
خالد:والله عاد بكيفي..ورجع التفت على سديم...اسمعيني زين بقولك سر عظيم..
سديم:وشو..
خالد:تدرين وين ماما وبابا...
قالت ببراءه
سديم:راحو يجيبون لي هديه..
خالد:ههههه هديه..اي هديه الله يرحم حالتس..
عبير:خويلد شتبي فيها اتركها..
خالد:وانتي شدخلتس..ايه صح محمد يبيتس تطلعين اغراض لامي بيروحله الحين..
عبير:بيروح اجل بروح معه...وطلعت بسرعه
خالد:نرجع لقصتنا..اسمعي ماما وبابا بيجيبون لك بيبي واحد صغييييييييييييير مرررررره ويحبووووووونه...اصلا لو تشوفين شكله بتنهبلين عليه..وغير كيذا فيثل يحبه ويموت فيه...وانتي محد بيهتم فيك وتقعدين لحالك
ميساء:خالد حرام عليك ..
قالت وعيونها الواسعه تلمع..
سديم:ميثاء وين ماما...؟؟؟
ميساء:تعال بحضني اقولك وينها..لاتسمعين كلام خالو تراه يكذب..
وقف وهو يحك جبهته
خالد:نشوف من اللي يكذب...قومي قومي خلينا نروح لاهلك وبعدين نرجع علشان بكره ورانا سفره..


***********************

ب
ببح
عروس مشرقة
06-07-2011 | 03:49 PM
لاتنسين تعطين ابوي علاجه بوقته..
بسطت ايد وكورت ايد وصارت تضربهم ببعض
عبير:وليش ماقال انه مسااااافر...انا مو زوووجته..
اخذ الشنطه اللي فيها الاغراض..
محمد:علمي نفسك...انتم توكم متزوجين وماعمري شفتكم زي المتزوجين..
عبير:تكلم فيلسوف زمانه..
محمد:والله تبين نصيحتي ترى فيصل من النوع اللي يحاول ويحاول بس اذا وصل لقلبه اليأس يطيب خاطره ويعيفه ..
عبير:فسر لي كلامك؟؟؟
محمد:انتي فاهمه انا شقصد...حافظي على فيصل وافهميه...تراه مايتعوض والف بنت تتمناه..
عبير:ترى اللقافه مو زينه وبعدين فيصل ميت علي..
محمد:الله يهنيكم...المهم انتبهي لابوي...
عبير:مايحتاج توصي...
طلع وهي مقهوره من حركة فيصل...راحت لجناحها تبي تشوف جوالها يمكن اتصل عليها وهي مو موجوده..
مالقت شيء..انقهرت زياده...
عبير:هين اوريك....

*****************************

بالسياره وقريب من البيت...
من سكر من عبدالله وهو يردد
لا حول ولا قوة الا بالله..لا حول ولا قوة الا بالله..
اللهم ارحمنا برحمتك اللهم ارحمنا برحمتك...
ميساء:الله يعينه..ويرحم حاله...ويصبركم..بتسافر له
خالد:ايه..عبدالله ينتظرني بالمطار...ميساء لحد يدري..انا حاس فيه شيء غلط...مو معقوله ناصر يذبح..متى وشلون..لا مو مصدق
ميساء:ان شاء الله يكون فيه غلط بالموضوع...
دخلت السياره للبيت..ووقف عند الباب
ميساء:خالد مو نازل
خالد:لا بروح للمطار مايمديني...سلمي عليهم وانتبهي مابي احد يدري سامعه
ميساء:اوكيه..طمني اذا وصلت..وسكرت الباب بدون مايرد عليها...




*****************************

الساعه التاسعه مساء....

قصر ابو صالح..

كانت تحرك راسها يمين ويسار ..ماتقدر تحرك يدينها ولا رجلينها علشان تدافع عن نفسها..
كانت ضعيفه..مقهوره..مغبونه..مافيه اي كلمه توصف مشاعرها باللحظه...
صرخت فيه بصوت جريح ملى اركان القصر الخااالي وتردد صداها بس محد له حيله يساعدها..
ابوصالح:هههههههههههه...يعوورك...ورمى الملقط بعد ماطلعه من داخل خشمها وهو يحاول يجرح غضروفها الداخلي...
ضم راسها لصدره وحب جبهتها..وهمس هذا جزاك ياشيماء..وتركها...
متعذبه ومكلومه ..

دخلت عليها وعيونها حمراء وتنفسها سريع ..دخلت اصبعها الصغير باذنها
غيوض :انتي..انتي تبكين؟؟؟...عندي لك شيء يخليك تنسين الدنيا ومافيها...بجيبله لك...
راحت ورجعت وبيدها سيجاره بنيه عريضه..مدتها لها..
غيوض:خوذي جربي..
ماكانت تسمع شيء..الالم اللي بداخلها اكبر...
عاليه:اااااااااااااااااااااااااااااه....اااااااااا اااااااااااااااااااااااااااااااااه..
رمت السيجاره وضمتها..
غيوض:والله لاذبحه لاتبكين خلاص..خلاص اسكتي مابي مابي اسمع شيء يكفييييييي...


************************************


مافي احلى من الطبيعه


الساعه العاشره...

نامت جدتها وعمها وسديم وناصر...دخلت جناحها وقلبها مقبوض..
ليه مو مرتاحه...راحت تاخذ لها شور بارد يروق اعصابها...
طلعت وهي لافه الروب عليها وشعرها لافته بفوطه...
خففت التكييف..وخذت جوالها وهي تجلس على السرير..
ضغطت على رقم ابوها...وطلع مقفل...
ضغطت على رقم ناصر...وطلع مقفل..
ضغطت على رقم محمد....طوط...طوط...
محمد:هلا عبير..
عبير:محمد انت وينك
محمد:الحين برجع للبيت..ليه؟؟
عبير:طيب سليمان وينه؟؟؟
محمد:مادري...طلع قبل شوي من المستشفى
عبير:طيب خلاص بدق عليه واشوف...
سكرت منه ورجعت تدق على سليمان...وطلع مقفل..
عبير:افففففف شفيهم هذولي..اتصل على فيصل احسن...
ضغطت رقمه..ورد..بصوت خافت
فيصل:هلا عبير..
عبير:ليه مقصر صوتك عندك احد؟؟؟
فيصل:ايه..
عبير:ابوي وينه؟؟؟
فيصل:توه نام...
عبير:انت وشلون تسافر بدون ماتقولي وبعدين انت من متى تهتم بأمور الشركه؟؟؟؟
فيصل:وانتي شدخلك؟؟؟سافرت ماسافرت بالطقاق..انا مو مهم بالنسبه لك..؟؟؟
ميلت فمها على جنب وقالت بطفش
عبير:ومن قال؟؟؟
فيصل:نسيتي كلامك المغرب...ماسرع ماتنسين...
عبير:ايه نسيت ..اصلا ماتذكر شيء..بس انت تبيها من الله تمسك علي اي شيء علشان تفتك مني...
تنهد..هالبنت ماتبي ترسيه على بر..
فيصل:عبير انا بفتك منك؟؟؟شهالكلام؟؟...الحين بالله منهو اللي مقصر بالثاني..
فكت الفوطه من شعرها وحركته يمين ويسار..وانسدحت على السرير...وقالت بصوت ناعم
عبير:انت طبعا..
رفع حاجبه مستغرب..
فيصل:عبير الحين طلعت انا الغلطان...
عبير:ايه غلطان..ونص وثلاث ارباع بعد...
فيصل:طيب قوليلي بوشو مقصر؟؟؟
عبير:اممم..بكل شيء...ماتقولي احبك..وماتتصل علي كل ثانيه..وماتشتاق لي ابدا..وكل وقتك بالشغل..وغير كيذا تخون..
فيصل:اخووووووون!!!!
عبير:ايه تخون على بالك ماتوصلني اخبارك بالمستشفى؟؟؟ترى حاطتلك جواسيس..
قاطعها
فيصل:عبيــــــــــــــــــــــــر..حدك كل شيء ولا اخلاقي..ترى مااسمحلك..
عبير:ها شفت ..وبعد تعصب علي....
تنهد ومسك اعصابه..
فيصل:اوكيه دامك صارحتيني انا بعد بصارحك..عبير حياتي معاك مو عاجبتني..يعني معاملتك لي ماتدل انك تحبيني..من يوم ماتزوجتك الى اليوم ماحسستيني بحبك..احسك تتعمدين تبعدين عني..وبعدين علاقتك بنسرين ابيها تنقطع..هالبنت انا مو مرتاح لها
عبير:بس هذي صديقتي..وانا عاجبتني..وبعدين انا مااحب احد يتدخل بصديقاتي..
مسد جبهته بيده اليسار وهو يستغفر..
فيصل:طيب انا اسف...
قالت بدلع
عبير:قول اسف حبيبتي..
ابتسم لتغيرها المفاجئ..
فيصل:اسف حبيبتي..زين كيذا...
عبير:فيصل..انت صدق تحبني..ولا
فيصل:ولا ايش؟؟؟
عبير:فييصل...
فيصل:مادري..احبك بس اذا كلمتيني..
عبير:وانت عندي وبجنبي ماتحبني!!!!
فيصل:احبك..بس انتي ترفعين الضغط..كل مااقرب منك تصدين او تردين برد احيانا افكر اسطرك كف عليه..عبير الله يخليك..انا ابي اعيش مرتاح..خلاص افهميني ..
قالت من غير قيود ومن غير نصايح من احد....
عبير:فيصل بسوي اللي تبيه..بس حسسني انك لي وحدي..مابي احد يشاركني فيك..ترى والله اموت لو تركتني..
رجعت دقات قلبه تزيد ..والطمأنينه سكنت روحه..قال بصوت عذب ودافيء ..
فيصل:وانا لك لوحدك ياعبير..ماحد بيشاركك فيني..صدقيني...
عبير:فيصل..
فيصل:عيونه..
كانت بتتكلم وتقوله انا احبك..بس تذكرت كلام نسرين..
عبير:تصبح على خير..
فيصل:تونا بدري..ولا طفشتي مني..
لهفته عليها ونبرة الحزن اللي حستها بصوته خلتها تتنازل شوي..
عبير:لا بس خفت انك تبي تنام ومتضايق..
فيصل:ومافي احسن من نومه على صوتك..مايكفي اني بعيد عنك بتحرميني من صوتك...
غنت بحريه وبصوت ناعم ومخملي..
عبير:انت منت انسان اكثر
قلبي مو من قلبك اصغر...ومثل ماانت تشعر..تأكد... اني اشعر..




*************************



الساعه الواحده ...




جلست على سجادتها بعد ماخلصت صلاة التهجد في بيت ولدها ابوفيصل...
وبدت تستغفر وتسبح وتكبر...قلبها قابضها ومايريحه الا الاستغفار..ناصر رفض يحضر زواج خالد وليلى البارح..ووجهه كان مايبشر بخير..
شلون رضت تتركه لحاله..واليوم ولدها ابو سليمان وجهه اسود وباين عليه الحزن بس مو راضي يعترف بشيء..بس كل اللي قاله ان فيه صفقه ضاعت منهم...وفيصل ...وسليمان اللي سلم على مرته وسافر متأخر الله يوصله بالسلامه...ويكفيه شر الطريق...الله يستر مايكون صار شيء...
تناولت عصاها واتكأت عليه ووقفت بصعوبه ..اتجهت لسريرها وتمددت عليه بدون غطاء ونامت..




********************************









ماقتنعو من كلامها..مين صديقه اللي مسوي حادث بالشرقيه..شلون عريس يترك عروسه بأول يوم....بس كلماتها الواثقه ونبرة صوتها السعيده خلتهم يسكتون..

دخلت المجلس وهي تسلم وتعطي نظرات ناريه لميساء..

ريم:غريبه خالتي وعمي سهرانين لهالوقت
ابوفهد:يالله تصبحون على خير..
حطت ايدها على فمها وهي تتثاوب..
ام فهد:تصبحون على خير...فهد ماجاء للحين؟؟؟
ريم:لا خالتي دق علي قبل شوي يقول بالطريق...
تابعتهم لين اختفو من الانظار وتناولت اقرب خداديه ورمتها وهي تشتمها
ريم:يالحقيره اسرار من وراي رايح للشرقيه علشان خويه ناسيه ان اهلي بالشرقيه..
بلعت ريقها وهي تعدل شعرها اللي انحاس من رمية الخداديات
ميساء:ايه عندك مانع
ريم:والله وضابطه الدور انتي صادقه ولا تستهبلين علي؟؟؟؟
ميساء:ريمو وش فيه؟؟
ريم:يعني ماتدرين ان ناصر ولد عم زوجك ذابح ولدعمه محمد؟؟؟؟
تصنعت الاستغراب وهي تمنع شهقتها المصطنعه
ميساء:متأكده من هالكلام؟؟؟؟
صدقت انها ماتدري
ريم:امي قبل شوي قايلتلي...
ميساء:والله مصيبه..الله يعين اهله...
دخل فهد على جملتها
فهد:من اللي الله يعين اهله
وقفت له وراحت تحب راسه
ريم:يالظالم كل هالوقت برى البيت ..اشتقتلك..
رص على ايدها وهو يسحبها بجنبه..وهمس
فهد:شوي شوي لاجيب العيد..
حمرت خدودها وقالت بعتب
ريم:وااضح عليك علشان كيذا طالع من ست ساعات
شد على ايدها اكثر
فهد:بعد شوي بنتفاهم..ورفع راسه...حي الله العروسه وين زوجك الموقر ولا خليتيه ينحاش من اول يوم قايلك امس اذا شاف هالبويات اللي لطختي وجهك فيها بيهج
ميساء:بسم الله علي الا ميت فيني..بس الليله بنام عندكم ..
سحب ريم معه وجلس على الكنب..
فهد:ليه صاير شيء بينكم
ابتسمت له بحب..هذا هو طول عمره قلبه علي..مع انه حلف مايتدخل فيني ابدا بس مايقدر..
ميساء:لا مافيه شيء بس واحد من اخوياه مسوي حادث بالشرقيه واظطر يسافرله ..
ريم:تكذ...وسكتت لما شافت ميساء تغمز لها
طالع فيهم فهد والتفت على ريم
فهد:ريمو يلا خلينا نطلع لغرفتنا فيني نوم والوقت تأخر...كان يبي يعرف السالفه من ريم
ريم:تصبحين على خير ميسو
ميساء:وانتم من اهله..



*********************

بطريق الرياض الطائف...

اذا تعبانه نامي..قالها وهو يطالع بالمرايه على السياره اللي وراه..
ليلى:لا ..اخاف انام وتنام..
زياد:لا تخافين..تراني متعود على السهر..وبعدين مافيني نوم
ليلى:حتى انا مافيني نوم...زياد
زياد:قلبه وعيونه سمي..
استحت..وماقدرت تتكلم..
شاف اللي وراه يكبسله يبيه يوقف..
زياد:هذا شيبي..
ليلى:وش فيه زياد...
زياد:ولا شيء..حركات شباب فاضين...قوليلي شكنتي تبين؟؟



بالسياره الخلفيه
:خلاص يكفي خلنا نتعداه..مانبيه يشك..بعدين سلطان يزعل
:سلطان همه انه يموت الحين او بعدين ماتفرق ..
:بس حنا اتفقنا بعد مايرجع من مكه..خله يسوي عمل خير قبل لايغادر..
:هههههههه اموت بالحنيّن انا...خلاص علشانك بس بخليه...


سيارة زياد..
ليلى:صدق..مو باين عليك...
زياد:ليه علشاني دكتور..ترى لعلمك اكثر الناس حساسيه هم الاطباء..
ليلى:مرره باين..طيب انت تألف..ولا تسرق..سوري على هالكلمه
زياد:لا اسرق..على قولتك...عندي دفتر بوريك اياه..كاتب كل شيء فيه عنك..قصايد وخواطر..وحتى امنياتي وحياتي معاك..كل شيء..هو خاص فيني..ومحد يقراه..
ليلى:اشوى..يعني بتعطيني معامله خاصه وتخليني اقراه
زياد:اكيد..انتي زوجتي وكل خصوصياتي المفروض تعرفينها...التفت على جنب وطالع بالسياره اللي مرت..ارتاح انها راحت...ورجع يشوف طريقه...
ليلى:زياد فيه جالكسي تبي..
زياد:لا عطيني فليك..انا مااحب الجلكسي..
مدتله حبة فليك..اخذها منها
زياد:حبيتي كلميني عنك..قوليلي شتحبين وماتحبين وش طموحك..وشلون تبين حياتنا مع بعض..
ليلى:انت ابدى...
زياد:خلاص انا ابدأ..اسمعي ياطويلة العمر...........................
..................................
.....................................

*********************************



تقلبت على فراشها..زواج خمس نجوم..عروس ببيت أهلها..هو يا أنا وجهي نحس عليه ياهو النحس..
رفعت نفسها وحطت المخده ورى ظهرها وهي تبعد الخصل اللي بدت تلعب بوجهها
ميساء:استغفر الله استغفر وشو نحس بعد انا..يارب لاتؤاخذني..هههه الظاهر من كثر التفكير قمت اخرف..طالعت بجوالها..ليه مادق علي وطمني اذا وصل او لأ...خلني ادق عليه..اخاف صار فيه شيء...اعوذ بالله من افكاري..




كان جالس بالفندق بعد مارجع من مركز الشرطه..كان قلبه يتقطع على ناصر بعد ماشافه..ناصر ماكان يبتسم او يبكي او يسوي اي حركه تدل على الحاله اللي يحسها كان جامد وعقله مو معه..التفت على عبدالله اللي مغطي وجهه بالحاف ويدّعي النوم وهو لو يبي يحلف انه قاعد يبكي على حال ناصر...اللي حكم الاعدام هو مصيره ..هو ادرى الناس بقسوة عمه ابو محمد..وشلون بيكون حاله وولده وحيده وسنده بهالحياه يموت مقتول..مارح يرحم ناصر ومارح يتنازل..يعرفه ...رن جواله شاف المتصل وتذكر انه متزوج..زفر وطلع للبرنده بعد ماسكرها وراه علشان ماحد يسمع حديثه..
خالد:الوو
ميساء:هلا خالد..
خالد:اهلين..
ميساء:احم..كيفك الحين؟؟
خالد:بخير الحمدالله...وتمسك بدربزاين البرنده
دورت سؤال تسأله ومالقت الا
ميساء:وينك الحين؟؟ ومتى وصلت...؟؟
هو اكره شيء عنده هالتحقيق..مكتفي بكونان اللي عنده تطلع زوجته زيها ..افف
خالد:بالفندق..ليه بغيتي شيء محتاجه شيء...اوووو نسيت الله يلعن الشيطان عطيني حسابك بحولك فلوس
انا وين وهو وين
ميساء:انا مو محتاجه فلوس خالد..
خالد:انتي .
قاطعته
ميساء:خالد خلاص مو وقته هالكلام وانا ادري انك ماتقصر بعدين انت بتخليني اندم اني اتصلت عليك انا اتصلت اتطمن
خالد:طيب..
ميساء:ترى احتمال بكره او بعده بينتشر الخبر
عصب
خالد:من قالك تقولين وانا موصيك ماتعلمين احد
ردت عليه بهجوم
ميساء:الحين انا بقول شيء انت مأتمني عليه..تدري ندمت اني اتصلت عليك انت محسسني اني..اففف تدري مع السلامه...
وسكرت بوجهه
طالع بجواله وضحك...هههههههه والله هي نفسها ماتغيرت..على بالها بتنفع هالحركات معي..
نزلت الجوال بعصبيه
ميساء:افف هذا هو ماتغير..انا شطيحني فيه..دفش وماعنده اسلوب..صدق مافي ذوق انا العروس واللي داقه عليه وليته يكلم زي الناس مالت على العدو بس...

***************************



دوام الحال من المحـــــــــــــــــال...


الصبــــــــــــــــــاح..





الساعه التاسعه صباحا


ركى ظهره على الجدار بعد مانتهى من صلاة الضحى..البرود وتجمد المشاعر هو اللي يحسه بهالوقت..عيونه مالها مكان تستقر فيه..نظرته مشتته..مايسمع اللي حوالينه..بس يشوف الجريمه اللي سواها...

سافر للشرقيه الساعه 12 بالليل ووصل الساعه ثلاث وربع..وبالتحديد بمنطقة الخبر..وقف عند المسجد حتى يصلي صلاة الفجر..
..طلعو من المسجد واتجه لغايته..محد بيشك فيه..الهدوء والبرود اللي كاسي ملامحه الحاده مايظن ابدا انها قناع للبراكين اللي يحسها..
وقف عند باب القصر اللي مغطى تماما بالاشجار..ينتظر محمد..
محمد ماكان يطلع اساسا بهالوقت..بس قدره وملك الموت ينتظرونه بهالمكان...طلع على الساعه سبع الصباح بسيارته واول مانفتحت البوابه انتبه لناصر اللي وقفله وصار يأشرله يوقف...كان يحس بالرهبه والخوف من ناصر..خصوصا عقب اللي سواه..بس بينزل وبيشوف شعنده..
نزل من السياره وسلم عليه
محمد:هلاااا ناصر عاش من شافك شهالزياره الحلوه
ناصر:اللي شافني مو عايش..وهذي فعلا احلى زياره
استغرب من كلامه
محمد:حياك اقلط..
ناصر:مااقلط عند الرديين يامحمد يااولد عمممي
بلع ريقه
محمد:ناصر احترم نفسك
ناصر:انا محترم نفسي قبل لاتنخلق ياولد عمي..وبعدين اللي ماله احترام مايحترم
محمد:الظاهر اني ضيعت وقتي معاك وانت
ماكمل كلامه لان ناصر دفه ولزقه بالسياره
ناصر:تدري... ان ليلى تزوجت امس؟؟؟
طالعه بنظرات شماته وفرح..
محمد:على البركه الله يوفقها لقت من يستاهلها..بس شلون خذاها عقب اللي سمعه عنها
..هذا يأنه رخمه..او ان ابوفيصل شاريه لها..
ابتسم بمراره وقلبه يزيد نزفه..
ناصر:انت تكذب الكذبه وتصدقها...انت اكثر واحد تعرف منهي ليلى..وتدري انها اشرف من الشرف..وانت ماخفت الله وتكلمت بعرضك..ونسيت ان اللي يمسها يمسك....
محمد:هههه من قال انها من عرضي..اصحىىى تراها مو بنت عمي...وبعدين لاتنسى انك انت ماقصرت فيها..دامها اشرف من الشرف ليه
طلقتها..اكيد انك من اول شاك فيها ويوم قلتلك تأكدت ضنونك.....
صر على سنونه وضيق عيونه ومسكه بقبضة يد واحده..
ناصر:تدري ليه انا جاي من الرياض؟؟؟؟
محمد:ليه؟؟ ..ههههه لاتقولي انك ماستحملت زواجها من غيرك..ههههههه
حس بشيء ينغرس فيه ويقطعه..وينسحب مره ثانيه وينغرس من جديد ويقطعه..كان يبي يصرخ بس الالم مو مخلي له مجال..كانت طعنات مو طعنه..وماتركه الا لماسمع غرغرته وطلوع روحه..ترك السكين في جسمه وطالع بالناس اللي حوالينه مذهولين لثواني قبل مايهجمون عليه ويتصلون بالشرطه...

رفع راسه للي يهزه
ناصر:نعم
:انت من امس ساكت وماتكلمت معنا..شقصتك..؟؟
ناصر:مافيه شيء
:العفو بس اللي خابره مايدخل هالمكان الا اللي عليه قضية قتل..
طالع باللي حوالينه...كلهم قتله..وانا من ضمنهم...قاتل...
:شكلك تعبان..ريح وبينا حديث..
وكأنه منتظر هالكلمه..ميل ظهره لين لامس الفرشه وتوسد ايده ونام..

***********************


الساعه التاسعه والربع صباحا

مكه
فندق دار التوحيد انتر كونتيننتال
غرفه 345
طلعت من الحمام وهي مفتشله انها طولت فيه..ماخذه راحتها بالترويش وماكأنه في احد معاها ..لفت الروب الابيض اللي يوصل لتحت ركبتها بشوي عليها بعد ماحطت كريم من بودي شوب بالفل والياسمين واخذت من نفس النكهه عطر ودهنته ورى اذنها وبرقبتها..نفضت شعرها بسرعه ولا زال فيه مويه ومبعثر..بس معطيها شكل منعش..طلعت من الحمام وابتسمت لما شافته يكلم وهو منسدح بنص جسمه على السرير..
فراس:اسمعني خلاص انسى موضوعه وتهنى بشهر العسل ياعسل...وعبدالمجيد بيـتأكد اكثر..
زياد:كيف بيتأكد اخاف يفضحني..
فراس:يقول انه بكره بيروح لعبدالعزيز الفرحان وبيسأله عن احوال اخوانه..وكيذا بيعرف اذا سلطان صدق عايش..
زياد:واذا طلع عايش..شالسواة؟؟؟
فراس:بدفعه الثمن غالي..
زياد:فراس انسى موضوعه اللي جاه منا يكفيه..نبي ننسى يافراس..
حس فيها... وقطع مكالمته بسرعه وهو مرتبك..
زياد:خلاص فراس اكلمك بعدين..سلم على امي...نزل الجوال وهو على وضعيته
ليلى:وانا مستعجله قلت الحين بيذبحني اثريك تكلم...
عدل جلسته وهو يطالعها بنظرات اعجاب..
زياد:الحين انتي مستعجله كيذا..اجل اذا ابطيتي تقعدين يوم فيه..
راحت للتسريحه وهي تنفض شعرها بيدينها وتطالع بالمرايه
ليلى:مادري انسى نفسي وانا في المويه
قام من مكانه وهو يستنشق الريح اللي هفهفت عليه..
وراح لشنطته يطلع ملابسه..انتبهتله وقامت بسرعه وصارت بجنبه..
ليلى:انا بطلعلك ملابسك..
زياد:اللـــــــــــه شهالريحه..ويرجع يستنشق مره ثانيه
ليلى:ريحة فل...اخذتله روب وبيجامه ودخلتها للحمام وطلعت..
زياد:حبيبتي اطلبي فطور ..
ليلى:اوكيه...

طلبت فطور ولبست بيجامه حرير لؤلؤي عطاها نضاره وجاذبيه ماحبت تتعطر واكتفت بريحة الفل المنعشه..تركت شعرها على راحته ورفعته من قدام بكلبس..حطت قلوس بس..وماتكحلت لان الكحله ماتروح وهي بتصلي بالحرم وماتبي تكسب ذنب اذا سهت وماغطت عيونها...
حست بدوخه شوي وانسدحت على السرير وراحت عليها نومه...بعد تعب السفر


******************************


الساعه 11 صباحا



قام من نومه على صوت عبدالله وهو يكلم طلال..مسح وجهه بيدينه وسم بالله وشال الحاف عنه وراح يغسل..
رجع لقى عبدالله متنرفز والجوال بأذنه..
خالد:عبدالله من تكلم؟؟
عبدالله:هالمزعج طلالوه..اوووه خلاص تراك صجيت راسي قلنالك امس جينا ومادرينا ان ماعندك خبر رضيت الحمدالله مارضيت اصقع راسك بالجدار ..وسكر بوجهه
خالد:هذا لايكون بيجي ؟؟
عبدالله:مو مصدق..يقول بيجي علشان يتأكد بنفسه..يلا بسرعه روح البس نبي نروح للمركز..
خالد:طيب..بس..دام يعني طلال درى...اكيد اهلي درو...ودي اتصل واشوف..
عبدالله:دق على فيصل..واسأله..
خالد:ايه مافي غيره..


****************************


شصار على غيوض؟؟
:طالبه كميه لاسبوع قدام..بس انا رفضت..
دار بكرسيه الجلد وهو يطالع باللي جالس قدامه ويبتسم له
:حاول انك تعلقها فيك..لاترد عليها كل ماتصلت
:تطمن..بس شرايك نغير النوع
:لا لا..انا ابيها تبقى على الحشيش..وبشوف شتبي تسوي..والافلام ضبطتها..
:ايه كله تمام..ننتظر اوامرك حتى نرسلها لابوصالح..
:لا ابوصالح بدري عليه..والله لادفعه ثمن كل ريال لهفه منا...يلا اي شيء جديد بلغني فيه سامع..وسكر بوجهه..

طالع بصديقه وهو يقول
سلطان:سامحني ماضيفتك..
:مايحتاج ياسلطان انا جاي ابلغك انهم وصلو مكه وسكنو بدار التوحيد..بس
سلطان:بس ايش؟؟؟
:انا اقول بوسط زحمة مكه صعب نسويله شيء..شرايك...بطريق رجعتهم..
مسد جبهته وهو يقلبها براسه..
سلطان:ماعليه..الا انت متأكد ان ناصر ال---- ذبح له واحد
:ايه متأكد
سلطان:ههههههههه احسن خبر سمعته..
:للحين حاقد عليه..
سلطان:هو وخالد ولد عمه...كل ماتذكر سالفة طردتهم لي من الاستراحه... وانا انتظر هاليوم اللي اتشفى فيه منهم...
******************************



0
0
0
0




المغرب


تقلبت على السرير وهي تحاول تقاوم الازعاج..قامت من عز نومها وشافت زياد غرقان بالنوم ولاهو داري عن شيء..قامت من السرير وراحت تغسل وجهها..رجعت لجوالها اللي ماسكت وردت وصوتها باين فيه النوم
ليلى:هلا عبير..
عبير:الله لايهلي فيك..الله ياخذك جعلك ماترجعين سالمه جعلك بالحادث اللي يكسر عظامك تكسيييير ..وشهقت ودموعها تزيد..الله لايوفقك الله لايهنيك الله يحرمك مثل ماحرمنتيني من اخوي الله لايهنيك مع الزياد جعلك ترجعين ارمله
ليلى:عبيـــــــــــــــــــــــــر صاحيه انتي الله يكفيني شرك..بسم الله علي من دعاويك..صاير لك شيء يالمجنونه
عبير:تقتل القتيل وتمشي بجنازته ايه ماتدرين رايحه تتهنين بشهر العسل جعلك ماتتهنين فيه ثانيه وحده ان شاء الله يارب اشوفك ذليله وراجعه وانتي منكسره يالحقييييررررررررررررررره وسكرت بوجهها...
اهتزت
خافت
حست برعب
دعاويها قويه..وحاقده علي..شصار..ناصر شفيه..عبير ليش كلمتني كيذا؟؟؟؟؟
حست بيدين تمسك كتوفها اللي تهتز ونقزت
زياد:اسم الله عليك..ليلى من كلمك؟؟
ليلى:مادري..وطالعت بعيونه..شصاير قلبي مقبوض..ونزلت دموعها
سحب الجوال يشوف المتصل..ولقاها المرجوجه..
زياد:مين المرجوجه؟؟؟
ليلى:بنت عمي..ومدت ايدها تمسح دموعها
زياد:شقالتلك؟؟..
ودموعها ماوقفت
ليلى:ماقالت شيء...مافهمت منها..بس تبكي وتدعي علي..
زياد:معقوله داقه علشان كيذا..
ليلى:اكيد صار شيء..زياد دق على فيصل شوف شصاير
زياد:دقيت عليه الصبح وماقالي شيء..حتى خالد دقيت عليه وقال انه بالشرقيه خويه مسوي حادث وسافر له وترك زوجته عند اهلها..
ليلى:خويه!!!...زياد عطني الجوال بدق على بنت خالتي...


ياسلاااام يعني يوم تزوجت رحتي تستقرين هناك يمه؟؟؟هذي اسمها خيااانه
ابوفهد:كنا ننتظر تفارقين وبعدين ماشبعتي من امك خليلي شوي
فهد:مالقيت الا هالطماعه تخليلك..
ميساء:الطماع انت ومرتك
فهد:لا حدك.. تسبيني فيها نظر... تسبين زوجتي اقص لسانك
ام فهد:ابوفهد قوم روح لاخوك ترى هذولي بيشغلونك
ميساء:الحين جلسته مع اخوه احسن من جلسته مع عياله؟؟؟؟
ابوفهد:اخوي ومالي غيره ومقصر بحقه ماشوفه الا مره مرتين بالسنه وانتم اشوفكم.. كل شوي جاييني
فهد:لحظه يبه بروح معك..
رن جوالها ..طالعت بريم..وغمزتلها..
ام فهد:ليه ماتردين.؟؟؟
ميساء:هذي ليلى يمه
ام فهد:اكيد درت بسالفة ناصر..
ميساء:مادري بشوف..عن اذنكم...

دخلت غرفتها..وجلست على طاولة المكتب
ميساء:هذا اللي صار
ليلى:وليه محد قاللي ولا مايبون يكلموني..
ميساء:بلا حساسيه لولي..اللي فيهم مكفيهم
ليلى:بس انتي ماسمعتي كلام عبير..قاعد تدعي علي وكأني السبب..اجل شبتسوي جدتي وعمي فيني؟؟..ميساء بسكر
ميساء:طيب بس انتبهي لنفسك...
ليلى:وتهجد صوتها...طيب...

*********************************










بعـــــــــــــد مرور أيام العزاء..بعد فقد الاهل بالنسبه لها..بعد موت ولدها وفلذة كبدها..
جالسه بين قريباتها اللي يهدونها ويواسونها..هو وحيدها..هو اللي تنتظر زواجه ..وتنتظر اليوم اللي تشوفه فيه ابو..
مات بلا خلف..مات مقتول..مات قدام باب بيته..مات قبل لايقولها مع السلامه ويحب راسها..مات وقلبها محـــــــرووق..
مات وهي لو تدري انه بيفارقها بهالسرعه ماتركته لحظه بعيد عن حضنها...مات وعمره 27 سنه..كتمت شهقاتها ووجعها اللي بقلبها وهي تسمع
اصبري يام محمد..احتسبي الاجر..لاتعذبينه بقبره..
بس هي ام..وضعيفه..ولدها وحيدها فارقها..ولدها اللي مالي عليها هالدنيا ..فارقها..كيف..مقتول..
لو موته موت عادي..كان بتبكي وبترضى..بس قلبها محروووق..لو مانقتل كان عاش..كان الحين جاي مثل كل ليله يتعشى معها..
جتها بنت اختها..والجوال بيدها..
:خالتي اخوي يقول اطلعي عيال خالي جو بيعزونك..
قامت بمساعدة بنت اختها..دخلت للمقلط..وشافته قدامها...يمه ابطيتي علينا بالعشى عندنا ضيوف...
انتحبت وهي تحضن ولد اخوها ..رفعت راسها ورجعت تشوفه..ودفنت راسها بصدر ولد اخوها
:عمتي لله مااخذ ولله مااعطى..احتسبي الاجر والله بعوضك خير باذن الله
صمت
صمت صمت
الا من صوت نحيبها..
سمعت صوته الكريه وهو يقول
ابو محمد: يام محمد دم ولدك مايضيييع وانا عايش
هجمت عليه وهي تصرخ..
انت اللي ضيعت ولدي
انت اللي ذبحته
شلون بيقابل ربه بعد اللي سواااااه
انت السسبب..انت..الله ياخذك الله ينتقم منك..الله يحرمك مثل ماحرمتني من ولدي..
الله ..الله..واغمى عليها..


***********************************

انتـــــــ.....حقيــــــــــــر!!!!!


دخلت الجناح وراه وهي ثايره ..ليه يلعب بأعصابها..
لحقته لغرفة الملابس وشافته قاعد يلبس بجامته..
عهود:انت تستهبل ولا وش قصتك؟؟؟كـــــــــم مره قلتلك بطل هالحركاااااات..انا بفهم انت شتبي توصله؟؟ شتبي تقنع اهلي فيه؟؟؟
تسوي نفسك مغرم فيني عندهم ..وانت لامغرم ولا شيء...قالتها وهي تضرب راحة يدها بالجدار

كمل لبسه ببرود..ولاحتى عطاها نظره..

عهود:اكلــــــــــــــــــــــم جداااااااااااار انااااا....سالم ترى قسم باللـــــــــــــه لاطلع لاهلي الحين واقولهم كل شيء..
تعداها وطلع من الغرفه بيدخل غرفة الجلوس..
سحبته قبل لايدخل
عهود:يعني مو مصدقني؟؟؟طيب اوريك الحين بروح اقولهم..رمت ايده وراحت بتطلع
لحقها وسحبها من ايدها خلاها تلف وتصقع بصدره..
سالم:انا ازعجتك بشيء؟؟؟
رصت على سنونها
عهود:كل اللي تسويه وماازعجتني!!..انت ليه تسوي كيذا؟؟؟شتبي توصله؟؟
نفخ من فمه هوى
سالم:اصبري عمي يتحسن ..وان طاب لك اللي تبينه..
عهود:وعد..
تنهد..
سالم:وعد..
عهود:طيب ممكن اعرف ليه تتعامل معي كيذا عند اهلي..
تركها ورجعت تمسكه برجاء..
عهود:سالم الله يخليك ريحني...
سالم:لاني...لاني...لاني حقير..
هذا شيقول؟؟عقدت حواجبها وهو يحرر ايده منها ويرجع لغرفة الجلوس..
لحقته قبل لايسكر الباب ...جلست على اول كنبه وهو واقف معطيها ظهره ويمرر اصابع يدينه بشعره..
عهود:كمّل...ليش حقير؟؟؟
التفت عليها..
سالم:لاني اخذتك وانا عارف ومتأكد اني حاقد عليك واكرهك...
كلماته قاسيه..حتى لو سمعتها من قبل..حتى لو هي اللي طلبت انه يتكلم..اي انثى بتنجرح..
عهود:كنت دايما اسأل هالسؤال من يوم ملكت علي..بس محد عطاني جواب شافي..حتى انت سألتك وماجاوبت علي..
سالم:انا خذتك بلحظة ضعف مني...ماكنت اقدر اقول لأ لعمي...عمي كانو الاطباء كاشفين على حالته وقايلين انها حاله ميئوس منها..
كان خايف عليك..ويبي يتطمن على مستقبلك..لمحلي وتجاهلت..بعدين فاتحني بالموضوع...وافقت لاني مااقدر ارفض اي طلب لعمي وهو له افضال كثيره علي..وافقت حتى يرتاح ويتطمن على بنته..اخذت على نفسي وعد اني مااقصر معك بشيء واصونك واحفظك واكون سند لك..بس ماقدرت..خذلت نفسي قبل عمي..وصرت اجرح فيك..غصب عني..مااقدر انسى اللي سويتيه فيني...حسيت نفسي حقير ومو قد الامانه..
قلت على الاقل شكليا ابين لعمي ان علاقتنا زينه وانك سعيده معاي..علشان يرتاح..وصدقيني ياعهود اذا طاب عمي لك اللي تبين...
نزلت دموعها غصب عنها وهي تسمع انينه وهو يتكلم...ماهمه بكل الموضوع الا راحة ابوي وانه يتطمن علي..تجاهل حياته وضحى انه يكون متزوج من وحده ثانيه ويعيش معها سعيد بس علشان يكون سند لها..كان قد مايقدر يبتعد عنها علشان مايجرحها..وهي تستاهل الجرح بعد اللي سوته معاه...وبعد كل هذا يقول عن نفسه حقير..يازين الحقاره اذا كانت كيذا..
حست بيده وهي تمسح دموعها
سالم:اسف شكلي قسيت عليك بالحكي...
طالعت فيه..وهمست بصوت مبحوح ومخنوق من العبره
عهود:انا اللي اسفه...وانفجرت صياح وهي تدفن راسها بصدره..
****************************



((مسرحيه...))




لبست تنوره حرير اسود قصيره وبأطرافها تل تركواز ولبست توب تركواز..كانت حالتها النفسيه زفت..
اختها شيخه مانعها زوجها تزور اهلها..وامها رجعت من مصر ولا كلفت نفسها تتطمن على بنتها او ترجع لبيتها علشان هي ترجعله زهقت من بيت عمها..وابوها ماتدري عنه بس تسمع اخباره من عمها..وزياد اااااه يازياد البيت مايسوى من دونك...ثقلت المكياج شدو تركواز وبلاشر وردي طبيعي وروج بيج مع قلوس لامع..طلعت امرأه مثيره..الكل مجتمع عيال عمها وحريمهم محتفلين بتماضر وببنتها ايمان اللي رجعو من السفر...

في المجلس الكبير..كانو مجتمعين..العم وعياله واحفاده..
دخلت والكل سكت لما دخلت..راحت لعبدالمجيد وفراس وسلمت عليهم ..
زفرت وهي تشوف حريمهم..مدت ايدها لنوف
نوف:اهلين
كشرت بوجهها
نوال:اهلين..
صدت لزهوه اللي ماكلفت على نفسها تقوم..ومدت ايدها وهي تبتسم شماته
زهوه:هاي نوال..وهمست بحيث محد يسمعها..شخبارك عقب زياد
نفضت ايدها وهي تطالعها بنظرات ناريه..والتفتت على تماضر
تماضر:نوال تعالي بجنبي مشتاقتلك ..والله طالعه جنااااااان سمالله عليك..
رجعت التفتت على زهوه
نوال:لا ياتيمو ..انا متعوده مااجلس الا جنب فروووسي...
مشت مشية دلع وريحة عطرها وصوت صندلها والخلخال اللي زين رجلها وشعرها اللي يتمايل من نعومته يثير ويثير..
جلست جنبه وهي تحتضن يده..
قالت بدلع
نوال:انت وينك عننا..وحشتنا..
هي ماتعرف وش تسوي..ماتدري بالبراكين اللي يحس فيها فراس..ماتدري بأنها احتمال تجني على عمرها..ماتدري انه رجال ويتأثر مهما كان..
بلع ريقه وهو يقاوم دلعها..حمد ربه ان اهله موجودين..
فراس:هذا انا جيت...
نوال:لا ياقلبي انا ابيك تجي لحالك..من غير عذال..
عبدالمجيد:نوال اعقلي..
طالعت فيه بغيض
نوال:انت غيرااان؟؟؟؟
عبدالمجيد:اقول بس انقلعي...ورجع يكلم اخته..هاشموخ يلا وين الحفل..
شموخ:انت ليه مشفوح اصبر الحين بتجي المفاجئه
عبدالمجيد:طيب شغل المسجل خلي ايمان ترقص لنا..
نقزت من حضن جدها للاستريو على طول وشغلته
كانت اغنيه اجنبيه...
رقصت وهي تمسك يد خالتها شموخ..
كان الكل يصفق ومستانس على حركات بنت اختهم..
قامت نوف وتماضر يشاركونهم الرقص باستهبال...
انتهت الاغنيه وبدت اغنيه لاليسا..
هنا بتبدى لحظة الانتقام هنا بتخليها تموت من غيضها..
سحبته من ايده والعم وزوجته يضحكون..
وقفو بجنب بعض شموخ وتماضر ونوف وبدو يصفقون لهم..
كانو لابقين على بعض...
كان منهبل عليها على حركاتها...مسكتها لايده ودورانها حوله..كل شيء فيها حلو
محد كان مستنكر الرقص لانه شيء عادي..ومافسروه بأي شيء..اخت ترقص مع اخوها..
وصلو لمقطع


كان حلمي اكون وياك لو يوم من عمري معاك
وكتير وانا بتمناك ياحبيب القلب وبستناك..

طالعت بزهوه وغمزتلها...
الكل مو منتبه لحركاتها لزهوه..كانو مشغولين بالاستهبال اللي يسوونه شموخ وتماضر ..

ماقدرت تستحمل المهزله اللي تصير...بسرعه راحت للاستريو ورمته على الارض وهي تصرخ
بسسسسسسسسسسسسسسسسس خلاااااااااااص..ماشبعت منها سيد فرررااااااااس استتتحي على وجهك ياقليلة الادب يابنت$$$
قدامي وتسوووون هالحركاااااات..
فراس:زهــــــــــــــــوه شهالكلام؟؟؟احترررررررررمي نفسك
زهوه:انا محترررمتها قبل لاعرفك..وشفيك زعلان كل هذا علشان خاطرر المطللللقه
تصنعت الحزن وقلبها طاير من الفرح لنجاح خطتها..
طلعت من عندهم وهي تحث دموعها على النزول وكأنها انجرحت من الكلام..
طار عقله معها..بسرعه راح لزهوه وهو ثاير وعطاها كف خلاها تلف على نفسها..
الكل انصدم..فراس اللي عمره مايتجرأ يقول لأ لزوجته الحين يضربها..
زهوه:تضربني علشااااااانها
فراس:واكسر راسك بعد
مسكه عبدالمجيد
ابو فراس:فررااااس خلاص يكفيها اللي جاها
طالعت فيه باستحقار
زهوه:وانت مييييييييييين علشااااااان تقررر انه يكفيني ولا لأ ياشايب ياخرفااااااااان
فراس:انطمي لا كسر لك ضرووووووووووسك
ابوفراس:انتي مايبيلك قص لسان بس..فراس طلقها هالمره انت مو ملزووم فيها
عبدالمجيد:تعووذو من ابلييس..
نوف:زهوه تعالي معي
زهوه:موجايه بشوف شيبي يسوي؟؟؟
ام فراس:زهوه تعوذي من ابليس واطلعي..
كانت تستمع لحديثهم..حست ان خطتها بتفشل..لا مستحيل...بسرعه طلعت لغرفتها واخذت عبايتها وشنطتها وطرحتها على اكتافها..ونزلت من الدرج وهي تصيح بصوت عالي..
الكل سمع صوت صياحها..وركضت تماضر وشموخ يشوفون اللي صاير...
مسكوها عند الباب
تماضر:نوال وين رايحه؟؟؟
قالت بصوت عالي
نوال:تبيني اجلس عقب اللي صااااار تبيني اجلس ببيت عمي اللي اهانو كرامتي ولا خذو حقي..تبيييني اجلس عقب اللي سمعته
شموخ:نوال اهدي الله يخليك ...
نوال:وييين اهـــــــــــدى..هي دايما تتعمد انها تهيني مايكفي كلامها قبل عني ..تتهمني بششرررررفي ..ليييه علشان ماعندي اخوان ولا ابو صارت تقط كلام ولااحد يحاسبها..تدري اني مااقدر اتكلم لانها هي مرت ولدكم وانا حيالله عاااااله علييكم..
شافت عمها يهرول وسحبها معه للمجلس..
ابوفراس:زهوه اعتذري من نوال الحيــــــــــــن...
زهوه:ماتخسى الا هي
فراس:زهووووه اعتذرررري
زهوه:مو معتذرررره لو تموتووووووون ساااااااااااااااامع
ضمت عمها وهي تبكي بزياده..
نوال:خلاص يكفي يكفي اهانه...ااااااه وينك يايبه ويييييينك تركتني لمييييين ااااااااه
صرخ واحساسه بانكسار بنت عمه يقتله
فراس:طاااااااااااالق يازهوه انتي طاااااااااالق برررررررررى بررررررررى
لحظة صمت سادت الجميع..

زهوه:هين يافراس ال$$$$$ وطلعت بسرعه تلملم مابقى لها من كرامه..

****************************



صباح الخميس..

غيـــــــــــــرة




تريحت على سريرها اللي جهزته لها امها بالدور الارضي..وولدها بحضن عبير..
كانت بتحط راسها بس هجوم سديم المفاجئ افزعها..
سلمى:ماما شفيك؟؟
اشرت عليه وعيونها الواسعه تلمع
سديم:من هذا؟؟؟
ضمت بنتها
سلمى:هذا ولدك..مو انتي تبين تصيرين حرمه وعندك بيت خلاص جبيتلك بيبي..
عبير:تعالي سدومه شوفي البيبي حقك..
غريزتها بالفطره تقولها انه مو ولدك..هذا دخيل وبياخذ غلا امك..ودلع ابوك..
تركت امها وراحت لعبير اللي مدت المولود الصغيييير والاسمر..
عبير:ها شرايك فيه..؟؟
مدت يدها وسوت نفسها تتحسس وجهه..وبسرعه مدت اصبعها تبي تغرزها بعينه
قدرت تسحبه بسرعه وصرخت بوجهها
عبير:وججججججع يالدبببا انقللللللللللعي هناااااااااااك
الجده:روحي العبي مع ناصر بالحديقه جايتن هنا تقلعين عين اخوتس..
وووووووووواااااااااااااااااااء وووووووووووووووووواء
ام فيصل:تعالي ياحياتي ياعين جدك تعالي تعالي..
وبسرعه راحت لجدتها وارتمت بحضنها لين تهدى

كانت ضامته لصدرها ودمعتها على خدها..ذكراه هاجمتها بقوه..هو يموت على الاطفال..
الجده:عبير علامتس؟؟
مسحت دمعتها
عبير:لا ..بس تذكرت..وتهجد صوتها..ناصر.
ام فيصل:الله يفك ازمته ويرجعلنا سالم..
الجده:الله يلين قلب ابو محمد..الله يلين قلب ابو محمد..

***********************


الشرقيه
حب راس ابوه وضمه ..اخيرا وافق انه يقابله..ناصر كان رافض يشوف ابوه...ماكان يبي يشوف لوم ابوه..
يكفي سليمان وفيصل وخالد وطلال وعبدالله...
ناصر:يبه سامحني..
ابوسليمان:عقب ماضيعت نفسك تقول سامحني ياولدي..
ناصر:يبه..لاتلومني..
ابوسليمان:اجل الوم مين؟؟؟؟...شستفدت الحيييين؟؟؟
ناصر:ارتاح ضميري..صرت اقدر انام ..هذا جزاه يبه..اللي سواه فيني مايتسوى..ضيعني وضيع حياتي وتبيني اشوفه يمشي سعيد..
ابوسليمان:كان فيه الف طريقه وطريقه ..الا القتل..شذنب امه وابوه اللي حرمتهم منه..شذنب المره اللي ترملت قبل لايدخل عليها
ناصر:وانا ماجيته..هو اللي تعرضلي..شذنبي انحرم من ليلى..شذنبي قوول..شذنب ليلى اللي شوه سمعتها..شذنب الولد اللي طاح..كل هذا وتسأل وش ذنبه...انا طول الشهور اللي فاتت مااقدر انام افكر باليوم اللي انزع منه روحه مثل مانزع روحي مني..بس تصبرت علشان ليلى..وهذي ليلى شافت حياتها من غيري..وانا وشهي حياتي من دونها..ولا شيء ولا شيء...
ابوسليمان:لو قلتلي عن اللي بتسويه كان ماخليتها تتزوج..
ناصر:ليلى كارهتني..وماالومها..ادري انها تستاهل واحد غيري يحافظ عليها..بس انا احبها..ومااقدر اتحمل انها تتزوج غيري..ولا اقدر احرمها..هي مالها ذنب تتعذب..انا المفروض اتعذب..
ضم ولده وهو يبكي..
ناصر:يبه طلبتك لاتبكي..يبه الله يحفظك لي لاتبكي
كفكف دموعه ومسحها بطرف شماغه
ناصر:يبه ارجع للرياض..جلستك هنا مالها معنى..القضيه للحين ماحكمو فيها..
ابوسليمان:لاتخاف ياوليدي..انا مستعد ادفع اللي وراي واللي دوني بس علشان تطلع
ناصر:اللي كاتبه ربي بيصير..

*************************


ب
ببح
عروس مشرقة
06-07-2011 | 03:53 PM
خــ ــيـ ـــــبــــ ــه

قبل اذان المغرب..

رجعو من أشغالهم وجالسين عند سلمى
نزل ولده بسريره والتفت على ابوه..
سليمان:اقول يبه ترى التمايم بنسويها الخميس الجاي
هو مو معهم..باله مع ولده اللي ينتظر مصيره..
ابوفيصل:ابوسليمان شقلت
ابوسليمان:هلا ابوفيصل..
خالد:لاااا انت مو معنا..
ابوسليمان:سرحت شوي..شكنتم تقولون
خالد:سليمان يقول ان تمايم هالنتفه ..ويأشر على الولد..الخميس شرايك
ابوسليمان:ايه لازم ..الخميس يصيرله 21 يوم
سليمان:ايه..بس انا افكر اسويها بالمزرعه
خالد:محد جايك وانت بالمزرعه
سليمان:لا بيجون ...
دخل عليهم وهو يسلم وردو السلام..
فيصل:يبه خذت علاجك
ابوفيصل:ايه خذته..الله يحفظك..
راح للولد اللي تعلق فيه وشاله من سريره بحنان..
خالد:مادري شمعجبك فيه..شيفه طالعن على ابوه
سلمى:مالشيفه الا انت ولدي يهبل
التفت عليها
خالد:اها يعني ماتنكرين ان سليمان شيفه...اجل ليش نفيتي الصفه بس عن ولدك؟؟؟؟
سليمان:انت لاتتدخل..هي وينهي مرتك انا لو اشوفها بخليها تقلب عليك..
خالد:تستحي تنزل..
سليمان:ليتها معطيتك شوي من حياها..
قالت باندفاع
عبير:بسم الله على خالد من زينها هي..
الكل فسر كلمتها على انها دفاع لخالد وماتقصد فيها شيء..بس سلمى هي اللي حست..هي مره وتفهم عليها..
جت تركض يوم لمحته شايل العدو اللدود وتعلقت برجلينه وهي تبكي..
سديم:ارمييييه هذا ووووع ..ووووووااااااااااء ووووووووووووووواء..
بسرعه نزله على سريره وهو يحاول يتوازن..وشالها بخفه وضمها
فيصل:هلاااااااااااااا برووووووووووح فيييصل...
تعلقت فيه اكثر ودموعها على خدها..
سديم:لا تمثكه يوثخ ايدك بعدين تموت
ابوفيصل:ها سدومه شتفقنا حنا..هذا مسكين صغير ولازم نرحمه
سديم:يروح لامه حنا مانبيه..ثح فيثل
فيصل:ايه صح كل شيء تبينه يصير كم سدومه عندي..
سليمان:ايه خرب بنتي وخلها تكره اخوها..
خالد:هذا خربها وانتهى مدري شمعجبه فيها ام كرش وام كشه
التفتت على خالها وهي ترسله نظرات نااريه
سديم:انت من ذينك يالوحث ميثاء حلووه وانت يععععععع بخلي فيثل ياخذها منك
خالد:انا بس لو امسكك اتوطى بكرشك يام كرش يالدبا
سلمى:خااااالد لاتقول كيذا لها..
خالد:قصو لسانها علشان مااتكلم
سليمان:والله انا اللي بقص لسينك يالبزر ..خلك تتكلم على بنتي ترى بخليها تضربك..
راح لخالد وهو شايل سديم ونزلها على راسه
خالد:فيييييييييييييييييصل انكسررررررررت رقبتي الله يقلعك ترى والله لاطيحها
فيصل:خلك تتادب علشان مره ثانيه تتكلم على سديم الحلوه...وشالها منه وخالد يتأوه من الالم..
فيصل:عن اذنكم بروح اخذلي شور وراجع لكم...
ناظرت سلمى بعبير علشان تلحق فيصل بس عبير طنشتها..
التفتت الجده عليها وهي معصبه
الجده:عبير روحي الحقي رجلتس وش تنتظرين؟؟؟
حمر وجهها وهي تشوف نظرات ابوها وسليمان..
عبير:مو ..خلاص بلحقه...
طلعت من المجلس وراحت للمطبخ..شربت مويه وطلعت للحديقه وهي تشوف ناصر يلعب
عبير:نصووووور تعال يكفي لعب..امش ياااحماااااااااااااااار
ناصر:مابي ابي العب
عبير:امش ياززززفت لايدخل فيك جني ونبتلش فيك ترى بالليل ماتقدر تناااام يلااا قدامي اشوف مو حلو تلعب بهالهوقت..يلااااااااا
خاف من كلامها وبسرعه دخل قدامها...
عبير:سديم ماجاتك؟؟
ناصر:لا
عبير:اكيد مع فيصل..افف نشبه هالبنت...تتلزق التافهه تحسبه ميت عليها..
وطلعت من المطبخ بسرعه لفوق تبي تشوف وش يسوي مع سديم..
دخلت جناحها ولقتها جالسه قدام التلفزيون وتشرب عصير
عبير:سديموه شتسوين هينا؟؟؟يلا برررى
سديم:مالك دخل هذا بيت فيثل وبعدين قالي هو انتذره ثاامعه
راحت لها وهي تسحب العصير منها والغيره ماكلتها
عبير:قوومي اطلعي برى ولا تتلزقين فيه تسوين نفسك عنده هو مايحبك..فيصل لي سامعه يالدبا يلا برى
حطت رجل على رجل وجمعت شعرها الكيرلي الطويل على جنب وحطت ايدها على خصرها وهي جالسه بمكانها
وقالت بلهجه استفزازيه
سديم:فيثل يحبني انا..قبل ماتنخلقين انتي..ولو ثمحتي اتلعي بررى ..
صرت على سنونها وهي تنزل العصير على الطاوله بقوه
عبير:فيصل يحبني انا ساااامعه يالحماااااره ويلاااااا برى لاشيلك مع شوشتك هذي
سديم:مثكييينه اثلا فيثل يحب ثعري مو مثلك يالثلعاااااااااا ومدت لسانها تقهرها
كانت بتهجم عليها وبتكفخها بس الايد اللي سحبتها هي اللي منعتها
فيصل:هههههه
طالعت فيه بقهر وهو لازق فيها ولابس روب الحمام وشعره الرطب متبعثر ونازله بعض الخصل على جبهته
عبير:وش تضحك عليه؟؟؟؟؟؟
نزل راسه لانه اطول منها ولزقه براسها
فيصل:تغارين علي؟؟؟
هي مو بس تغار..هي تبيه لها وحدها..هي تبيه ملك لها..ولو بيدها تقفل عليه وماتخلي احد يشوفه..
كانت منزله عيونها للارض
رجع سألها وقال بهمس
فيصل:تغارين علي؟؟؟
ماكانو منتبهين لسديم اللي طلعت من الجناح تركض وهي مقهوره من فيصل..
رفعت عيونها وقالت بكل ثقه وهي تبعد راسها عن راسه
عبير:من انت علشان اغار عليك..ماخذ بنفسك مقلب..وبعدين انا ماقلت شيء علشان تفسره انه غيره عليك..انا هذا طبعي احب اقهر سديم واطفشها..لا أقل ولا أكثر دكتور فيصل...
غمض عينه ورجع فتحها...وانسحب من المكان..
جلست على الكنب وهي تنفخ هوى من فمها تهدي نفسها وتقنعها بأنه هذا اللي المفروض يصير...

ماتدري كم مر من الوقت.. طالعت بالشباك ولقت الدنيا ظلام
عبير:هييييييء خلصو صلاة...
دخلت الغرفه ومالقته ودخلت لغرفة الملابس ومالقته...
عبير:غريبه طلع بدون مااحس عليه...



كانو يمشون بجنب بعض راجعين من الصلاة..وسليمان وعمه وابوه قدامهم
طالع بخالد اللي يقرى مسج توه واصله وهو يبتسم وعيونه تلمع..
فيصل:خالد شصار على جدتي؟؟
دخل الجوال بجيبه
خالد:عجزت عنها..ماتبي تسلم عليها..جدتي ماعليها خوف البلا من مرتك ام لسانين
فيصل:خلها تنطق بكلمه على ليلى علشان اكسر سنونها تكسير..
خالد:ايه هين..
التفت عليه
فيصل:وش تقصد؟؟؟
خالد:لا ابد..بس مره ثانيه لاتسوي حركات انت ومرتك قدام المبزره خصوصا الغيور ام كرش
طالع فيه وطيف اللي صار يألمه..
فيصل:ايه اكيد..(وبقلبه..خلها بالقلب ياخالد)



دخلو البيت وفضلو يجلسون بالدكه..وجتهم الجده وجلست معهم ..
استأذن منهم..ودخل..تلفت حوله ومالقى احد..وبسرعه رفع ثوبه بسنونه وركض يطلع الدرجات..
وقف عند الجناح وضبط شكله..طلع جواله وخلاه على الصامت..وحطه على اذنه وقال وهو يفتح الباب
خالد:هههههه..لا يابو شنب ماهقيتها...بالله عليك...متى ؟؟...ههههههههه
كانت واقفه وعليها ابتسامه تذوّب ..تنتظره بغرفة الجلوس ومجهزه العصيرات والفطاير وريحة الجناح تهبل..
طالعها وهو يخفي نظرات الاعجاب فيها..كانت لابسه تنوره شيفون للركبه لونها موف ومورده بورد بنفسجي وتوب شيفون نفس التنوره وصندل موف..ومسيحه شعرها البني المخصل بخصل ثلجيه اللي زاد من لمعة عيونها البنيه وحاطه مكياج وردي..يتناسب مع بياض بشرتها ..
خالد:خلاص ولا يهمك يابو شنب الحين جاييك..وسوى نفسه يسكر..
طالعت فيه وقالت بصوت ناعم
ميساء:بتطلع؟؟
جلس على الكنب وهو يحاول يتجاهلها
خالد:ايه عندك مانع..
ميساء:بس انت ماجلست معي كل اليوم..
خالد:طيب وش اسويلك..يعني تبيني اقول لخويي لأ..بجلس عند مرتي..
ميساء:لا لا تقوله بس خلك حقاني..انا ارسلتلك مسج قبله يعني المفروض تلبي عزيمتي انا..
خالد:ارسلتي مسج؟؟؟ وطلع جواله وسوى نفسه كأنه اول مره يفتحها وبخفة منه دخل للبريد الوارد وفتح رسالتها بدون ماتنتبه لحركات اصابعه اللي تدل على انه فتحها وقراها..
((تقبل الله حبيبي...عازمتك بالجناح ..انتظرك))
جلست جنبه وهي تمسك كتفه
ميساء:الحين خلك حقاني..
هو اساسا ميت على الجلسه معها ..ويخلق اي شيء بس علشان يتكلم معها ويجلس معها..بس هو تعلم انه لازم يكون ثقيل ومستحيل يعترف انه يحبها..
خالد:خلاص بجلس علشاني حقاني...
نقزت من الفرحه
ميساء:يـــــس..

**************************************



ســ / مالســــ ــــ ـــــ ــــــ ـــ ــر؟؟؟؟
جــ / احفـــظ اللـــــه يحفظـــك.......


ضرب سماعة التلفون بالجدار من كثر ماهو مقهوور..
وصرخ باللي عنده
سلطان:كييييييييييييف كيف يغير طريقه قووووول انطق
بلع ريقه بصعوبه
:ياطويل العمر يمكن تعبو من السفر..
صرخ مقهور وصوته ملى اركان قصره...
كيف زياد وزوجته يفلتون من ايده للمره الثانيه..وش هالاحساس اللي عند زياد؟؟..لما يوصل للطايف وبدل مايطلع منها ويكمل طريقه للرياض بالسياره ...فجأه يروح للمطار وتتسهل ويلقى رحله ويسافر...كييييييف...قوووولووووولي...
:صدقني ياطويل العمر المره الجايه مارح يفلت..وخصوصا بعد ماعرفت منهي زوجته..
بدى يلتقط انفاسه وزفر..
سلطان:منهي؟؟؟
:ليلى بنت راشد ال----...
فتح عيونه على وسعها..والفرحه كست ملامح وجهه
سلطان:اخــــــت خالد ماغيره!!!!
:ايه اخته طال عمرك...وكانت زوجة ناصر سابقا..
لف على مكتبه وجلس على الكرسي وهو يأشرله يجلس
سلطان:اجلس اجلس ..قول كل شيء تعرفه..
:طال عمرك هذي كانت متزوجه ناصر
قاطعه
سلطان:ناصر ماغيره..ناصر عبدالرحمن
:ايه ماغيره..وطلقها بسبة سمعتها...
سلطان:سمعتها!!!..وضحك باستهزاء..ههههه اذا اخت خالد تطلقت علشان سمعتها اجل باقي الحريم لاتشره عليهن هههههههههههه
:ايه طال عمرك هذا اللي صار..
سلطان:انت صاحي ولا مجنون..قول كلام يدخل العقل..هذي اخت خالد..وبعدين يالذكي شيبي فيها زياد دام سمعتها زي ماتقول...
:مادري..يمكن مايدري
سلطان:ليه متزوج على عماه..اسمع ابيك تنبشلي عن اي معلومه وابيها تكون صحيحه سامع..وقوم فارق يلا..
:اللي تامر فيه طال عمرك..

************************


صــــــدمه..


كانت مستمعه لكل كلامه عن أهله..وصفه لامه ولخواته ولابوه ولاخوانه..
استشفت من كلامه عن علاقتهم بحريم اخوانهم..وفهمت رسالته..
وصلو القصر..اللي مانبهرت فيه كثير..والسبب ان بيتهم افخم منه بكثير...بس حست بالرهبه منه..
هي ماشافتهم ولا تتذكرهم بليلة عرسها لانها اسااسا ماكانت تشوف الا الضباب...
نزلت من السياره بعد مافتح لها زياد الباب..وأشر للسايق ينزل الشنط ..
كان ماسك ايدها اللي حس ببرودتها..والتفت عليها
زياد:حبيبتي شفيك..
ابتسمت من ورى نقابها
ليلى:عادي..بس لاني اول مره ادخل بيتكم..
زياد:ولا انتي طالعه منه سامعه...


كانو جالسين حوالين التلفزيون ويسولفون..
جالسه ببنطلون جنز وتيشرت طويل شوي اورنج وتاركه شعرها على راحته..
التفتت على تماضر ونوال اللي يسولفون
شموخ:اااااف ماكنهم تأخرو..
وقفت وهي تعدل تنورتها البيج القصيره..
تماضر:ابي اتصل اشوف وينه..
جلست جنب التلفون ودقت على جوال زياد..ولقته مقفل
تماضر:شكلهم للحين ماوصلو...
نوال:انتم شهالغباء يعني اذا وصلو اكيد بيجون وين بيروحون يعني...
قالت وهي تقلد حكيها
شموخ:شهالغباء..تكفين بس مخلين الذكاء لك...الا صح نسيت اسأل..هذي غيوض وينهي ماصرت اشوفها ابدددا حتى عندك ماتجي
رجعت لها الذكرى المريره..وصدى صراخها تسمعه ويتردد عليها...قالت بعصبيه تبعد الصوت اللي تسمعه
نوال:لا عاد تجيبين طاريها ساااامعه..خلاص انهيت علاقتي معها..
تماضر:طيب شفيك معصبه
نوال:مووووووومعصبه خلاص..افف
ميلت فمها على جنب
شموخ:واضح مو معصبه
نوال:وبعدييييييييييين معك يازفت
شموخ:خلاص لا تنجنين علي...
وسمعو صوته وهو ينادي...بسرعه ركضو له

زياد:يااااااقوم لقد اتييييت...ياااااااااقوووووم

شموخ:زياااااااااااااااااااااااااد....وبسرعه ارتمت بحضنه...الحمد الله على السلامه
زياد:ههههههه..اشتقتلك يادووبا..
تماضر ونوال عصبو من شموخ اللي متمسكه بزياد ومو مخليتلهم مجال
تماضر:شموخوه خلينا نسلم عليه
شموخ:كيييييييفي اخوووووووووي
تماضر :يعني انا اللي مو اخوي...
زياد:تعالي سلمي علي.. شموخ مو تاركتني اعرفها...
حبته مع خدوده وصافحته
زياد:نورت الرياااض.. وين دبدوبتي..
تماضر:دبدوبتك نايمه..
ترك ايدها ومد ايده لنوال..
زياد:كيف حالك ياحلوه
ابتسمت
نوال:بخير..الحمد الله على سلامتك..اشتقنالك
زياد:توي ادري اني غالي...وصقع راس شموخ بخفه..وانتي بس تقهريني وانا عندكم يوم سافرت طلع غلاي
بعدت عنه وهي تضبط شعرها
شموخ:مايبين غلاة الشيء الا اذا فقدناه
نوال:اسم الله عليه ان شاء الله مانفقده...
التفت بسرعه وراه وهو يسحبها لجنبه
زياد:حبيبتي شفيك مستحيه هذولي خواتي..
فتشت وبانت اجمل الملامح..
قالت بابتسامه
ليلى:السلام عليكم..
شموخ لانها شافتها بالزواج ابتسمت غصب عنها وهي تشوف جمالها..ماكان عندها تعبير ثاني...ونوال عضت على شفتها من القهر..
اما تماضر ففتحت فمها لانها ماشافتها ولا مره..كانت مصدومه بهالجمال..وصارت تناظر بالارض وبعدين تناظرها..ماتقدر تركز فيها..
لان جمالها قووي..
التفتت له ورفعت عيونها لزياد مستغربه وغمزتله يعني شفيهم خواتك..رفع حاجبه وهو يبتسم يعني تسوين نفسك ماتدرين..
سبلتله بعيونها دلاله على الثقه ...ورجعت تلتفت للي مدت ايدها لها تسلم
نوال:الحمد الله على السلامه
ماتدري ليه دخلت قلبها..ابتسمت لها
ليلى:الله يسلمك..ماتعرفت انتي مين؟؟
زياد:هذي نوال..
ليلى:عاشت الاسامي يانوال..
تقدمت منها شموخ وسلمت عليها مع خدودها..
شموخ:الحمد الله على السلامه..ومبرووك...
شافت هالوجه من قبل..بس وين..؟؟
ليلى:الله يسلمك..
زياد:هذي الدلوعه شموخ..وطالع بتماضر اللي لازالت فاتحه فمها...خلينا ندخل نسلم على امي وابوي وهذي تجين بكره الصبح تلقينها بنفس الوضعيه فسلمي عليها بكره احسن..
الكل ضحك..
شموخ:تماضر تماااضر شفيك..
التفتت على اختها
تماضر:وتسألين شفيني..زياد اثريك طايح ومحد مسمي عليك...وتقدمت تسلم على ليلى..
زياد:قولي مشاء الله تبارك الله لاتنضلين مرتي
تماضر:الحمدالله على السلامه....والتفتت على اخوها..تطمن عيني بارده...
ليلى:الله يسلمك....
زياد:طيب يام عين بارده..وين ابوي وامي
شموخ:فوق ينتظرونكم...حتى فراس كان ينتظرك بس النوم داهمه..
زياد:فراس هينا..
تماضر:وبيقعد هينا على قلبك..امش قدامي علشان اهذ عليك علومي وتهذ علي بعلومك..

مشو مع بعض..عدلت حجابها وتمسكت بعبايتها..هي تدري انه ابو زوجها تكشف له..بس لانه اول لقاء ومستحيه..الود ودها تتغطى..



*******************************
ب
ببح
عروس مشرقة
06-07-2011 | 03:55 PM
تنحنح قبل لايدخل..يااااولد..
تغطت ميساء بسرعه
خالد:ادخل ادخل..
دخل وجلس بجنب امه..
فيصل:ابشرتس ليلى وزياد وصلو..
فرح قلبها
ام فيصل:الحمد الله على سلامتهم..ماقلتلهم يجونا..
فيصل:لايقول انهم تعبانين وبكره بيجيبها..
خالد:شف اللي مالها خاتمه ولا دقت تطمنا..
تمتمت وهي مقهوره وبصوت مو مسموع
عبير:الله لايحييها..
سمعها لانه بجنبها
التفت عليها وتمتم بلهجة تهديد وبدون محد يسمع
خالد:عبير اهجدي لالعن ابو خيرتس..
عبير:افف..
كتمت تثاوبها وقالت بصوت واطي
ميساء:خالد تبي شيء قبل لا اطلع
خالد:لا مابي شيء
وقفت
ميساء:خالتي تامرين على شيء...
ام فيصل:سلامتك انا مابي شيء انتي ماعليك الا من رجلك..
ميساء:ورجلي مايبي شيء...تصبحون على خير..
الكل..وانتي من اهله..

********************



الصبـــــــــــــــــــــــــــاح

0
0
0
0
0
0

الظهـــــــــــــــــــــــــــر

0
0
0
0
0
0
العصــــــــــــــــــــــــــــــــــــــر




في جناح زياد وليلى..
لبست تايير من شانيل..شيفون لونه كحلي بتموجات بدرجات اللون..وبلوزه هاي نك واسعه وماسكه مع الخصر واكمام واسعه باسواره ..
كان رووعه على جسمها..حطت شدو لؤلؤي لامحع وكحل ازرق من داخل وحددت عيونها بشدو اسود وبلاشر وردي وروج وردي وقلوس بوسط شفايفها بس..استشورت شعرها وتركته على راحته يتحرك معها بأدنى حركه تسويها..بخت من عطر برادا..وطالعت بشكلها وهي راضيه...هي بتنزل لحريم اخوان زياد ولازم تكون حلوه..جلست على كرسي التسريحه تنتظر زياد...


بالمجلس
فراس:حشى والله لواني اطلبه مليون..هذا شفيه تأخر
ام فراس:الحين بينزل..شصار كلمت زوجتك
فراس:كانت زوجتي كاااانت..خلاص انا عفتها..
شاف زوجته وهي توقف
عبدالمجيد:وين رايحه
نوف:بروح اشرب مويه..ريقي نشف...
تماضر:وانا رايحه معك....
وطلعو مع بعض..
نوال:شعندها تماضر مع نوف
شموخ:تماضر علاقتها زينه مع نوف..لاتنسين ان كانت بينهم صداقه...
نزلت الدرج وهي ماسكه يده وتضحك على كلامه..
كانت تمشي وهي معلقه عيونها عليه ومستمعه لحديثه..ولاهي منتبهه للي جالس يطالعها من بعيد..
كان جالس قبال المدخل..ويشوفهم..ركز نظره..وقلبه يدق..اوووه شهالجسم وش هالطول وش هالشعر...
التفتت وصارت تطالع قدامها واصطدم نظرها باللي يطالعها ..شهقت وهي تلف ورى زياد..
لف عليها مستغرب حركتها
زياد:حبيبتي شفيك؟؟؟
ليلى:الظاهر اخوانك موجودين..
زياد:ايه موجودين..
ليلى:الله يهديك ليه ماقلتلي علشان مره وحده انزل وعباتي معي..
زياد:وليه هالعبايه؟؟؟...
رمشت بعيونها
ليلى:علشان اتغطى اكيد كلكم بتجلسون مع بعض
والتفتت للمره اللي تسلم
نوف:السلام عليكم..الحمد الله على السلامه
زياد:الله يسلمك
تماضر:ليلى هذي نوف زوجة اخوي عبدالمجيد..
برمجت مخها على طول انها ممكن تكون اخته من الرضاع يعني مثل عبير..
ليلى:اهلين نوف
وسلمو على بعض...
تماضر:شتنتظرون يلا ادخلو..
ليلى:لحظه بس بجيب عبايتي..
تماضر:ليه انتم بتطلعون؟؟
ليلى:لا بس مو اخوانك بيجلسون معنا..
تماضر:ايوه بيجلسون
ليلى:طيب بروح البس عباتي ماتكفي الطرحه لبسي ضيق ..
طالعو ببعض مستغربين..
زياد:حبيبتي عادي هذولي اخواني ليه تتغطين..هم مثل اخوانك..
عقدت حواجبها وهي تسمع لتماضر
تماضر:لايكون ناويه تتغطين ههههه..ليلى شهالتخلف بتجلسين معنا طول الوقت وانتي متغطيه اكيد تمزحين..
اخفت ابتسامتها وبقلبها تتمنى ان ليلى تصر على الغطاء..لانها لو كشفت بتفتح ابواب هي بغنى عنها وخصوصا ان زوجها عينه زايغه..
نوف:خلوها على راحتها..
تماضر:وش خلوها على راحتها حالها من حالكم هذا انتي ماتتغطين
ليلى:بس نوف اخته..
هههههههههههههه ههههههههههههههههه
استغربت من ضحكهم..شقلت انا علشان يضحكون
ليلى:شفيكم
تماضر:نوف مو اخت زياد من قالك المعلومه الغلط...
طالعت بنوف وبتنورتها الميدي وبلوزتها النص كم ..
ليلى:مو اخته؟؟؟..التفتت على زياد وسحبته معها لفوق..

دخلت الجناح وسكرت الباب وراها ..وصارت قباله وجها لوجه ووجهها احمر..
ليلى:انت شلون تسمح لنفسك تطالع مرت اخووك
دقات قلبه زادت وهو يشوف نظرة الغيره بعيونها...
تقدم وهي تراجعت لين لصقت بالجدار..حط يدينه على الجدار وراسها بينهم...
زياد:قلتيها مرت اخوي..
ليلى:ومستانس..الوضع عندك ايزي..
هز راسه بايه..وخر يدينه ..وبسرعه تعلقت يدينها برقبته..
قالت بصوت خافت..وعيونها تلمع ومتعلقه بعيونه..
ليلى:زيااد..
تنهد..مد يدينه وسحب يدينها من رقبته وباسهم..تركها
ودخل للغرفه وجلس على السرير
لحقته وجلست جنبه وهي تلف وجهه لها غصب عنه..
ليلى:وعادي عندك..عقدت حواجبها وهي تتذكر نوال...هييء حتى نوال مو اختك شلون مانتبهت...زيااااد انت صاااحي
زياد:ليلى شفيك عادي هذول مثل خوااااااتي افهمي افهمي..
ليلى:انت قلتها مثثثثل يعني موووو خواتك
زياد:ليلى بطلي حركات الغيره..
ليلى:يعني مو من حقي اغار..
بعد ايدها ووقف
زياد:هذي اسمها قلة ثقه....
وقفت وراها وتكتفت
ليلى:يعني الثقه اخليك تطالع بغيري..وانا بالطقاق اللي يطقني مشاعري بحريقه..
التفت عليها
زياد:حبيبتي انا مااطالع الا انتي..محد يهمني الا انتي..مو واثقه فيني
نزلت عيونها للارض وصوتها مخنوق لانه مو راضي يقتنع..
ليلى:مــــو مسألة ثـــــــقه مو مسألة ثقه..
حس فيها ورفع وجهها بيده
زياد:اجل؟؟
ليلى:مارح تفهمني ولا تحس فيني..طيب خلك مني...انت ماتخاف من الله وعقابه..ماتخاف من عذابه..هذا جزاء الله اللي اهداك عيون حلوه وصحيحه تروح تشوف فيها ماحرم الله..هذا جزاه اللي ماحرمك من نعمة النظر..انا ادري ان نيتك طاهره بس الشيطان شاطر والله ماحرم شيء الا فيه مصلحه..بعدين لاتنسى ان الرسول صلى الله عليه وسلم لما سألوه عن الحمو تدري وش قال؟؟ ..الحمو الموت..الحمو الموت..الحمو الموت...رددها ثلاث مررراااااات..هذا شيدل عليه؟؟ يدل على ان القريب تحذرمنه اكثر شيء وماتتساهل معه بأي شيء..انا اكيد اتغطى عن الاجانب ومو محتاجه تذكير..بس احتمال اتغاظى واتنازل شوي واتساهل مع قرايبي بحجة انهم قرايبي ومثل اخواني..والشيطان اكيد بيلعب بعقولنا..وساعتها بتبقى غصه طول عمرنا نتجرع من مرارتها..لانها وبكل بساطه جت من اللي نأمنهم.. علشان كيذا الرسول قال الحمو الموووت يعني دمار وهلاااااك..الشيطان شاطر يازياااد..وبعدين اذا على قولتك هم مثل خواتك ليه تزوجت نوال وهي اختك؟؟؟؟؟
زياد:ليلى الدين بالقلب..وبعدين حنا تعودنا على هالشيء وتربينا عليه..
ليلى:زياد هذا وانت ماتفوتك نافله وملتزم تقول هالكلام..اقولك شرع ربي تقول عادات..شهالتخلف يازياد حنا من متى نقدم العادات على الدين..
زياد اسمحلي اذا بتنزل وبتجلس مع حريم اخوانك وهم كاشفين انا مارح انزل..
زياد:بكيفك..انا نازل..دار بظهره ووقفته
ليلى:لحظه..خلاص بنزل معك..استناني بلبس عباتي...
لبست عبايتها ولبست نقاب وارخت الطرحه على عيونها..كانت قاصده هالحركه..هي مارح تجيهم بالقوه..هي بتجيهم باللين وبتقنعهم علشان ماتخسرهم وتحمل ذنبهم (لانه احتمال يعاندونها بسبة اسلوبها حتى لوكانت على حق وتأمر بالمعروف..وتكسب ذنبهم كلهم))
وقبل لاتطلع من الجناح..مسكت ايده وشدت عليها..وركزت بعيونه وهمست بصوت حنون
ليلى:حبيبي ابي عيونك لي انا وبس..ماتحمل تشوف فيها احد غيري..
رفع ايدها وباسها..
زياد:هي ماتشوف غيرك...


كان مطلع جواله ويحاول انه يشغل تفكيره فيها...كانت بقمة الجمال..هذا الحظ يازياد..معقوله فيه احد بهالجمال..
رفع عينه وطالع بنوف اللي تضحك مع تماضر..
عبدالمجيد:نوف حلوه ..بس هذيك صاروخ..
انتبه للسواد اللي يمشي بجنب زياد وهو ماسك يدها..وانقهر انها تغطت...الكل استغرب..ليه متغطيه..بس سكتو وهم يسمعونها تسلم بدون ماتصافح على فراس وعبدالمجيد..


جلست جنب زياد وهي تحس بالخوف ..مجتمع غريب عليها..وغير كذا كلهم يطالعونها..
شوي شوي بدى الخوف يتلاشى وهي تندمج مع كلامهم...






******************************

0
0
0
0
0
0
0
0
0




الخميــــــــــــــــــــــــــــس

المــــــــــــزرعه


العصر..
كانت جالسه بالمجلس الكبير لان سلمى بتجلس فيه ويستقبلون المعازيم فيه..
باست بندر مع خدوده بعد ماخلص من الرضاعه وضمته لصدرها..
سلمى:تعلقتي فيه
ميساء:مررره مدري شلون بعيش اذا رجعتي لبيتك...يدننن
سلمى:الله يرزقك بواحد
ميساء:امين يارب..
سلمى:ميساء مرتاحه مع خالد..تأقلمتي معاه..
ميساء:الحمد الله..بس.
سلمى:بس ايش؟؟
نزلت بندر على السرير..وجلست جنب سلمى..
ميساء:الكلام مابيه يطلع..
سلمى:ميساء انا اختك قوليلي..
ميساء:مرره صعب..احسه مايحبني..مادري شقولك احسه يتمنن بالجلسه وبالكلمه معاي..مايعطيني وجه..تدرين انه ماقالي كلمه حلوه..
سلمى انتي فاهمتني
سلمى:فاهمتك..بس ميساء قبل ماتطلبين منه انتي اعطيتيه من قلبك..
ميساء:سلمى ماخليت شيء ماسويته له..كل يوم اصبحه بأحبك وامسيه بياقلبي..اطلعله كل يوم بشكل علشان مايمل ..اي شيء يبيه يلقاه قدامه..مااطلع الا وانا مستأذنه منه..ماعمره دخل الجناح الا وريحته حلوه ومجهزه كل شي له..وش تبيني اسوي بعد..
سلمى:ميساء انتي حبيتيه صدق؟؟
غمضت عيونها ورجعت تفتحهم بسرعه...
ميساء:اكيد مو زوجي لازم احبه..
سلمى:ميساء حبيبتي خالد هذا طبعه دفش ومايفهم بطبع الحريم..وخلي ببالك انه رجال يعني الكلمه الحلوه بالغصب تطلع منه..يحس انه مو رجال اذا قالها..انتي اعطيه بدون ماتحطين ببالك انك بتاخذين مقابل...
ميساء:والله تعبت..يعني انا اعطي ومالقى مقابل والله صعبه
سلمى:مو معقوله مانتي لاقيه مقابل..طيب عمرك طلبتي منه شيء وماجابه..؟؟..عمره غثك بكلمه او جرحك..عمره سب اهلك...عمره قصر عليك بالمصروف..قوليلي
ميساء:لا والله مو مقصر معي بشيء..بس بالكلام
سلمى:هههه ياحبيبتي خالد يحبك..لو مايحبك كان قصر معك...ميساء انا اعرف بهالمواضيع..ترى انا وسليمان مرينا بحالتكم بأول زواجنا..تصدقين اللي كان يرسلي ليلى وعبير وهم صغار ويرسلي قصايد وهدايا يوم تزوجته ماقالي ولا كلمه حلوه..زهقني..بس بعدين عرفت انه متأكد اني عارفه انه يحبني واني مو محتاجه لهالكلام...ومع الوقت وبأسلوبي معاه اقنعته بطريقتي..
ميساء حبي خالد بطريقتك وخلي خالد يحبك بطريقته..طبيعي بتصير مشاكل بينكم اول الزواج وبتستمر لثلاث سنين قدام..بس لازم تستوعبينه..وخلي عقلك كبير..فاهمه
ميساء:فاهمه ..ريحتيني ياسلمى الله يريحك..


كان بيدخل علشان يشوف البيبي..ووقف وهو يسمع كلام ميساء وسلمى..
طلع والدنيا ضايقه فيه...ليه هو الوحيد اللي يحاول وليه عبير مو مثلهم..
ليه كل وحده تفكر بالطريقه اللي تملك قلب زوجها ..وهي مو معبرته...
التفت لناصر اللي يناديه
ناصر:خااالو خالووو
فيصل:هلا ناصر
ناصر:سديم طاحت هناك وتبكي..
فيصل:انتم متى تكبرون ...وراح لسديم...


************************************

عجيــ ــ ــ ـــ ـــبـ ــ ــ ــ ــ!!!!!!!!

دار بكرسيه الفخم مستحقر اللي جالسين قدامه..
ابوصالح:وانتم جايين هنا تخطبون..يعني هذا مكان مناسب
ابو مؤيد:والله حاولنا اكثر من مره نزورك بالبيت بس مالقيناك...
حسام:وحنا اهل يابو صالح ومابينا هالرسميات..
ابوصالح:ايه اهل...وانا موافق...مؤيد رجال وينشرى..
طالعو ببعض مستغربين من هالموافقه السريعه
مؤيد:تسلم ياعم وشرف لي الله يخليك



***********************************


قاعد على كرسي مكتبه ويقرى القران..يستناها تخلص..
دخلت عليه بتايير لونه منجاوي ومشجر بنفس اللون..ومكياج بدرجات المشمشي..
ومموجه شعرها ولابسه طوق من نفس درجة التايير..ولابسه طقم ذهب اصفر
ليلى:تأخرت عليك..
خلص من الايه اللي قراها وسكر القران ونزله على المكتب..رفع عينه عليها وبان الاعجاب..
قال وهو مبتسم
زياد:انا الظاهر بيوقف قلبي بسبتك..
ليلى:سم الله عليك..خلاص بتغطى
طلعت عيونه
زياد:علشان صدق اموت
ليلى:هههههه شسوي فيك طيب...يلا حبيبي تأخرنا مرره مشتاقه لجدتي ولعبير...هذيك المره يوم جيت اهلي ماكانو فيه..
طلع من المكتب وراح يلبس شماغه..
ليلى:حبيبي انا بنزل اسأل خالتي اذا بتطلع معنا..
زياد:لا مو رايحه..
ليلى:انا بشوف ....
نزلت وهي متأكده ان فراس مو موجود بالبيت بس احتياطا خلت طرحتها قريبه منها...
شافتهم جالسين جنب بعض ويهمسون..
ليلى:السلاااام عليكم
وعليكم
تقدمت لعند خالتها وحطت ايدها على كتفها
ليلى:خالتي ليش مو جايه معنا ..اختي سلمى ملزمه تجين
ام فراس:لا ماني رايحه..انا المزارع مااحبها..
ليلى:خالتي تبيني اروح لحالي..علشان خاطري
ام فراس:مالك خاطر عندي
كبرت عقلها وقالت بمزح
ليلى:ههههه..طاح وجهي خالتي على الاقل جامليني..
طالعتها وهي مستغربه من هالانسانه اللي قدامها..هي كذا ولا تمثل؟؟؟
ليلى:طيب خالتي وماتبي تجاملني..وشموخ عندها اختبار وتماضر راحت لاهل زوجها..مابقى الا شخص واحد نوال الله يخليك قومي معي والله تستانسين..
نوال:انا!!...لا مابي
مسكت ايدها وسحبتها
ليلى:نوال والله بنبسط اذا جيتي مارح اقول علشان خاطري اخاف تفشليني مثل خالتي..بليييز نوال لازم احد يروح منكم..بليييييز
نوال:بس انا مااعرفهم
ليلى:بتتعرفين عليهم..يلا يلا ننتظرك روحي البسي...
نوال:افف طيب انتظروني...



دخلت غرفتها وصكت الباب بقوه من القهرر...ليش ماقدرت تسحرها..؟؟؟؟
فتحت دولابها وهي تتذكر كل شيء سوته..
كانت ليلى رايحه تزور اهلها مع زياد...دخلت جناحهم..وفتشتها لين لقت البوم صور وحمدت ربها لما لقت صوره لليلى لوحدها..
اخذتها بسرعه ورجعت كل شيء مكانه..وبسرعه اتصلت على ابو اكرم الافريقي واخذت منه موعد..
عطته الصوره ومكتوب عليها ليلى بنت مطيعه..عرفت اسم امها من ليلى..وطلبت منه ليلى تكره زياد ..من حبها لزياد رفضت تسحره علشان ماتضره...هي تعرف زين المشاكل اللي صارت لحسين واللي يتعالج الى الان منها..ااه ياحسين تستاهل اللي يجيك...
وبعد يومين اتصل عليها وبلغها انه مايقدر يسحرها..عصبت كيف مايقدر وهو قبل سحر حسين؟؟؟...قال انه فيه شيء يمنع السحر ويبطله..ومايخلي اتباعه يقدرون يسوون شيء..
نوال:وشو اللي يمنعهم
ابواكرم:هي تحصن نفسها..
نوال:والحل؟؟؟
ابواكرم:عطيني صورة زوجها
نوال:مستحييل...حاول يابو اكرم حاااول
ابواكرم:قلتلك ماااقدر ماااااااقدر....

رجعت لواقعها واخذت لها بنطلون اخضر وبلوزه شيفون اخضر...

وطلعو للمزرعه...

*********************************


بين صلاة المغرب وصلاة العشاء..


دخنت المجالس مع خالتها وطلعت تلبس ..
كانت طرحتها على كتفها وشعرها جامعته بكلبس مع خصل متحرره على وجهها..كان شكلها مرره رايق..
تمشي مع الدرج..واخر درجه تطلعها للدور الثاني..وقفت ..قلبها بدى يخفق بشكل سريع..نظراتها تعلقت بنظراته فيها..
كان واقف قبالها بالضبط..بثوب ابيض وشماغه على كتفه..لابس طاقيه وفوقها العقال وشعره الاسود طالع مع رقبته...
نادرا ماكانت تطلعله بهالطريقه...ليه الحين..يوم يبي ينسى..وهي تنسى..هي تبي تتأقلم مع خالد..وهو يبي يحب عبير..
ليه بهالوقت..ليييه..؟؟
نزل راسه ونزل بسرعه..مايتحمل اكثر..لو هالشيء صار قبل سنه مثلا..بيكون بقمة السعاده..بس الحين..هي لاخوه مو له..
تحررت دمعه غصب عنها..وطلعت بسرعه لغرفتها المشتركه مع عبير وليلى...
فتحت الباب وبسرعه ارتمت على السرير وبدت تبكي وتشاهق...ليه قلبها لازال معلق فيه..ليه نظرته اللي تموت فيها للحين موجوده..ليه تحسه متألم..ليييييه رجع ذكرني فيه...كان صوت بكاها واضح وهي دافنه وجهها بالمخده...
طلعت من غرفة الملابس ولفافات البخار على شعرها والسماعات بأذنها...
انتبهت لها وبسرعه راحت لها
عبير:ميساء ميساء شفيك؟؟؟احد صار له شيء..ميساء لاتخوفيني
بهالوقت بالذات ماتبيها ولاتبي تشوفها..
ميساء:مـ ـــ ــ ـا فيـــ ــــ ــــ ـنـــ ــــ ــي شـــ ــــ ـــ ـيء....
عبير:اجل ليش تبكين؟؟؟ميساء شفيك
رفعت راسها وصرخت بوجهها
ميساء:اوووووووووووف الواحد يعني ماياخذ راحته بالبكي..انا حرررررررره ابي ابكي انتي شتبيييييييييين فااااااااارقي فااااارقي ..ورجعت تدفن وجهها بالمخده..
هزت راسها متفهمه
عبير:اوكيه براحتك....وراحت تكمل لبسها...



راح عند المسبح..المكان الوحيد الخالي..حتى انارته مو مشغلينها علشان ناصر وسديم يخافون ولايقربون منه..
جلس على كرسي خشبي طويل وحضن راسه بين يدينه..
فيصل:نفسها..نفسها...اااااااااااه...انا مو ناااقص..ليه؟؟؟..رفع راسه وعيونه تعلقت بالنجوم...زفر من كل قلبه...
خذتي خالد تنتقمين مني ياميساء..وهذا انتي بديتي بانتقامك...كور ايده وبدى يضرب جبهته..انسااااها انسااااها انسااااااااهاااااااا...





وصلو للمزرعه..ووقف قريب من بوابة الحريم الداخليه لانه بيسلم على الجده وعلى ام فيصل..
فصخت نقابها وهي تنزل من السياره ومبسوطه..
ليلى:لحظه زياد بندخل انا ونوال وبعدين بناديك لاتروح بعيد...
زياد:انتظركم بالسياره...
نوال:مو كأننا جايين بدري..تحسفت اني جيت
ليلى:نوال شفيك شكلك بتمنين بجيتك..صدقيني بتستانسين
نوال:ماتونست معك علشان اتونس معهم...
طالعت فيها ليلى وسكتت..كملت طريقها ودخلو للفيلا..
كانو كلهم مجتمعين بالمجلس عدا عبير وميساء...
ليلى:السلاااااااااااااااااااام عليكم...
ام فيصل :هلااااااااااااااااااااااااا وعليكم السلااااااااااااااااااااام والرحمه
وضمو بعض..حبت راس امها
ليلى:كيفك يمه
ام فيصل:بخيرالله يسلمك...ياهلا بضيوفك ومدت ايدها تصافح نوال
نوال:اهلين خاله كيفك
ام فيصل:بخير انتي كيفك..مشاء الله شهالزين..
نوال:تسلمين...
تقدمت لجدتها اللي جالسه على الكنب ومحاوطه عصاها بيدينها ورابطه العصابه براسها..
ليلى:هلاااا جدتي ...حبت راسها وخدودها ..وشلونتس عساتس بخيرر..
طالعت فيها الجده وقالت بدون نفس..
الجده:هلا..
طنشت برود جدتها وراحت تسلم على سلمى اللي تسلم على نوال
ليلى:ازايك ياجميل
سلمى:بخير انتي عامله ايه
ليلى:كويسه..اقول وريني عرض كتافك رجلي بيدخل..
سلمى:طيب..هذانا بطلع...
ليلى:يمه ترى زياد بيخل يسلم عليك وعلى جدتي..
ام فيصل:حيااااه حيااااااه خليه يدخل..
ليلى:الحين بقوله..
طلعت ولقته بمكانه ينتظرها..راحت لجهة الباب وفتحته
ليلى:يلا ينتظرونك..
زياد:يلا...
نزل وهي تمشي بجنبه..مسكت ايده وهي تحس بالفخر انه زوجها..كانت تشعر انها ملكه بجنبه..وتنتظر اللحظه اللي كل الناس تشوفها معاه..وتصرخ فيهم..هذا زوووووجي...

اول مادخلو كانت ام فيصل باستقبالهم...
سلمت عليه سلام حار حسسته انه واحد من عيالها..
ليلى:جدتي هذا زياد بيسلم عليتس..
زياد:حب راسها..شلونتس جدتي شلون صحتتس..
ماعبرته لا بنظره ولاحتى كلمه..الكل انتبه لحركتها..وام فيصل افتشلت..ونوال كان ودها تكفخ هالعجوز اللي فشلته..
سكت وطالع بليلى واستأذن..
حقدت على جدتها..
وبسرعه لحقته..

ليلى:زياد زياد
التفت عليها وهو عند الباب..
زياد:هلا..
وقفت قباله وزمت شفايفها وهي متضايقه...
ابتسم لها
زياد:شفيك؟؟؟
تعلقت عيونها اللي تلمع بعيونه..وهمست بصوت يكافح العبره..
ليلى:اسفه..لاتزعل مني..
زياد:ههه حبيتي عادي انا عاذرها..وبعدين انتي مالك دخل..فليش تتأسفين..
ليلى:لاني انا اللي حطيتك بهالموقف البايخ..اسفه
زياد:رجعتي تتأسفين وانتي مالك دخل..ياقلبي ادخلي وخليني اروح للرجال تراك اخرتيني...
ليلى:شفت يعني زعلان...
فهم عليها ..رجع شعرها ورى اذنها ومسك وجهها بيده وصار يحرك اصبعه بخدها..
زياد:حبيبتي والله مو زعلان..ازعل من الدنيا كلها الا انتي...معقوله للحين ماتعرفين غلاك بقلبي..
سبلت بعيونها وهي تبتسم له احلى ابتسامه وتحاول تبعد الخوف اللي رجع يسكن قلبها
ليلى:اعرفه وقاعده اتدلع عليك مايحقلي...
حب راسها
زياد:فديت اللي يتدلعون..الحين اقدر اروح
ليلى:ايه..واذا بغيت تروح دق علي..بأي وقت..
زياد:ان شاء الله...
راح وهي تراقبه بعيونها...الفقد شيء تكررهه...جربته وذاقت مرارته..ليه الحين رجع هالخوف يملى سكونها..
ليه ؟؟...
دخلت وفصخت عبايتها عند المدخل ..
ام فيصل:ها عسى بس مازعل
ليلى:لا يمه..
ام فيصل:زين زين..انا بروح اشوف الطباخين..وانتي روحي داخل..


كانت زعلانه من جدتها..واول مادخلت طالعت فيها الجده..وهي نزلت بوزها علشان تعرف انها زعلانه عليها..
جلست جنب نوال اللي مازالت لابسه عبايتها..
ليلى:سلمى وين ميساء وعبير
سلمى:مادري الحين بيجون..ترى جدتي تعبانه قالتها وهي تغمز لليلى علشان نوال ماتزعل...
ليلى:ايه تعبانه..هي اذا السكر ارتفع ماتسمع..وقطعت كلامها وهي تسمع عبير اللي تصارخ
عبير:ياسلااااااااام لك عين تجيييين عقب اللي سويتيه ؟؟؟
سلمى:عبيــــــــــــــــــــــــــــــــــــــــــ ـــــر
عبير:انتي لا تتكلمين معي...وراحت وقفت قدام ليلى وصارت تأشر بيدها...يلاااا برررررىىىى..مابي اشوف وجهك يالحقيره ياناكرة الجميل..ماااااااالك خاتمه بس بتشوفين اللي اخذتيه وشلووون بيرميك رمية الكلاب لانه بعرفك على حقيقتك يالحقييييره
حطت رجل على رجل وقالت بصوت محد يسمعه الا ليلى
نوال:حتى هذي فيها سكر..هههه ...
عبير:ولااااااا جايبك معك خدااااااااامه ومجلستها بينا
وقفت وكانت بتعطيها كف..بس تراجعت
نوال:انتي انسانه مو متربيه وحرررام اوصخ ايدي بوحده حثاله مثلللللك..
والتفتت على سلمى...ومشكوووورين على حسسن الضيافه يااهل الكرم والجووووووود...وطلعت
صرخت مقهوره
سلمى:حيوووووووووووانه انا بوريك شغلك يالبزررر
عبير:بزر مو بزر هالاشكاااااال مابي اشوفها...
تماسكت..اهلها اهانو كرامتها..اجل الباقين ماينلامون..
مسكت شنطتها ووقفت..وطالعت بعبير..
ليلى:سلمى عادي...اصلا متعوده..على الفضايح..مكتوب علي اذوق الويل من اقرب الناس لي...هم كذا مستكثرين اعيش بسلام وبسعاده...كل ماشافوني متهنيه مع واحد قامو يخربون عيشتي...مشكوورين..مشكوره جدتي ومشكوره ياعبير..وطلعت..
سلمى:ليلى استني ..ليلى لحظه...ليلىىىىىى

طلعت بسرعه وهي لابسه عبايتها ومتجاهله نداء سلمى..
لقت نوال تتكلم مع زياد وباين عليها التعصيب..
ليلى:زياد نمشي
طالع فيها
زياد:براحتك تبينا نمشي مشينا
نوال:ولك وجه تجلس انت الثاني وحده كارهينها اهلها ..وش يجلسنا بعد ؟؟؟
زياد:نوااااااااال
نوال:اففف خلاص بسكت...وراحت تركب السياره..
ماتبيه يشوف ضعفها ..تغطت بسرعه..وهي تكبح دموعها لاتنزل.. وركبت السياره..
قدّر صمتها وسكت...


في المجلس..

على الاقل قدري الضيووووف يالحيوانه ياقليلة الادب..
طالعتها من فوق لتحت
عبير:اقدّر بمزاااااجي وهي مالها قدر علشان اقدر ضيوفها...
سلمى:طيب بوريك شغلك... مارح اعلم سليمان بس... لا بقول لخالد هو اللي يعرف يتعامل معك
عبير:ماخوفتيني...
دخلت عليهم والشغاله وراها معها صياني الحلا..
ام فيصل:ليلى ونوال طالعين فوق عند ميساء؟؟؟ولا راحت تفرجها على المزرعه..
بلعت ريقها بصعوبه وانسحبت من المكان بسرعه وهي تسمع سلمى تقول لامها اللي صار...


*************************


شفيه هذا تأخر..روح شوف شعنده..
خالد:طيب دق عليه..
فيصل:لا روحله انت..
تذكر ميساء وابتسم..
خالد:تامر امر ياخوي...

راح للفيلا من جهة الحريم..ولا لقى احد..دخل وهو ينادي..
خالد: يازيااااااااااااد .....ليلىىىىىىىىى....ليلىىىىىىىىىى
سمع صوت امه وسلمى..وبسرعه دخل..
انتبه لامه اللي حاضنتها سلمى..ابعد سلمى عنها وهو يصرخ
خالد:يمه ليه تبكييييييييييين؟؟؟شصاير تعبانه تحسين بشيء..
ام فيصل:ابكي اختك المقروده...هالبنت مالها حظ..ماتهنت ابد..
سلمى:يمه استغفري مو صاير الا كل خير..لاتفاولين عليها
خالد:شفيكم تراكم جننتوني ؟؟؟



كانت جالسه تتكحل عند المرايه يوم دخل مثل الثور الهايج...
خالد:عبيــــــــــــــــــــــــــــــــــــــــــ ــــــــــــــــــــر
طاح الكحل من ايدها ولزقت بالمرايه وتمتمت بخوف
ميساء:ششفــ ـــ ــــيه..
خالد:وينهي الحمااااااااااااااااااااااااااااره عبيررررررررروووووووووه يالزززززززززززززفت ويييييييييييينك...
مر بسرعه من عندها وحست نفسها بتطير..دخل غرفة الملابس ولقى دورة المياه مقفله...صار يضرب الباب بيده ويصرخ
خالد:افتحييييي يازززززفت والله لاوريك يا--------
حتى والباب مقفل كانت خايفه وماسكه الكولون على فوق علشان ماينفتح اوحتى يقدر يحركه..
عبير:شتبي انت ؟؟؟
خالد:تدرين وش ابي افتحيييييييييييييييييييييييييييي
عبير:على تبببببببببببببن مو فاتحه والله لاعلم عليك ابوووووووووي
خالد:افتحيييييييي وعلميييييييييييييييي يلااااااااااااا
عبير:مالك دخل انقللللللللللع من هينا ترى بصرخ وافضحكم عند الرجااااال...
مسكته ميساء وهي تحاول تهديه..
ميساء:خالد اهدى تعوذ من ابليس شفيكم وعبير شسوت..
خالد:ماتدرين شسوت هالكلبه..طردت ضيوفنا من البيت...اخخخخخخخخخخ بس لو امسكهااااااا..
ميساء:من هالضيوف
ضرب الباب برجله
خالد:ليلى واهل رجلها
ميساء:ليلى كانت هيناااااااااااااااااااااا..
زاد ضربه على الباب
خالد:افتحييييييييييييييييييييييييييي لا اكسر الباب على راااااااسك..
سمعت صوته وهو ينادي خالد..وبسرعه تناولت جلال الصلاه اللي بالارض وتغطت فيه..
ف
فرح الخلود
عروس نشيطة
06-07-2011 | 07:16 PM
رووووووعه .. بكمل اقراها
ب
ببح
عروس مشرقة
06-07-2011 | 11:04 PM
بســــــم الله الرحمن الرحيم


الجزء الخامس والعشرون


((خفقـــات....))





ياخلاصة شهد وعذوق مالذ وطاب
يامغلبني وانا مابعد صرت امغلوب
يامسفرني لوجهك ذهاب بلا اياب
يامعزز بالغلا يامقدر يامحسوب
..















كان ثاير لحد الجنوون..وصوت تنفسه وااضح..
دخل المطبخ بعد ماسمع الصراخ وانصدم باللي يشوفه..
بنته مرميه على الارض ومعالم وجهها الوان واشكال وترجف كأنها عصفور منتف..
راح لها ولا هو منتبه للثاير..وجثى على ركبته قبل لايحضنها
ابو سليمان:عبير شصااااير..؟؟؟
تمسكت بأبووها بأقوى ماتملك..الود ودها لو تدخل داخل جسده علشان يحميها..
وشدت عليه وهي تصرخ
عبير:يبااااه ..يبااااه...بيذبحني بيذبحني..
زاد انفعاله وهو يسمع صوتها...ودف محمد بعيد وحاول يفلت من سليمان..
فيصل:توووووني مـــــاذبحتك تووووني ماذبحتك..وخخخررررر اتركني عليها وخخخررر
سليمان:تعوذ من ابليــــس يارجااااال ..وشد عليه علشان مايفلت منه..
استوعب اللي صاار...
ترك بنته وشياطين الدنيا كلها راكبه فوق راسه...بنته تنضرب وقدام عينه تتهدد..وقال وهو يصر على سنونه قبل لايهوي كف قوي على خد فيصل..
ابوسليمان:وقدااام عييني...

صمت اطبق على المكان..
وسليمان ارخى قبضته لفيصل..وصار يطالع بأبوه وبفيصل..

ابو سليمان:انت تضرب عبيير..ليه مالها والي...ورفع ايده وهوى كف ثاني على خده..

مسك خده بايده اللي اختلط بقطرات من العرق..ومسحه بجلافه..
وهو بركاان من الدااخل...اااخ بس لو ماانت عمي...
والتفت على سليمان..وقال بصوت عاالي
فيصل:اختك طااااالق...وطلع.
شهقت بصوت عالي وهي تحط يدها على فمها..
عبير:لاااا ..


مددت رجلينها على طولها وهي مسنده ظهرها للباب...كم ساعه مرت وهي بنفس المكان ولا حست ولاتعبت ولاملت...كانت تحس بمراره تسري بجوفها...كم مره المفروض تعاني..كم مره المفروض يشكون فيها...ليه يعاملوني بهالطريقه..هم يتعمدون؟؟..ولا صدفه؟؟
وش هالصدفه اللي تخلي الاخوان يشكون بنفس الانثى..لهالدرجه انا طايحه من عينهم..
ليه دايما يرفعووووني فوووق ويخلوني اميره بنظرهم ماحبو قبلي احد..وفجأه يخلوني اسفل سافلين...كل واحد شكه امر من الثاني...مامداني اتجاوز محنتك يافيصل..مامداني اتعلق فيك ياخالد..اااااه ياقلبي الظاهر مو كتوب علي الا الشقا...مسكين ياقلبي..كل اللي تحبهم يخذلوونك...
ابتسمت بمراره وهي تسمع نغمة جوالها تنذر بمسج..
مالها حيل توقف..بتظل كذا لين يرجع يدب الاحساس فيها..


جالسين بالصاله الارضيه بعد مافاق ابوفيصل والجده..
سليمان ومحمد جالسين جنب بعض
وعبير حاضنه ابوها وتشاهق..
تماسكت وهي تحس ان حليبها نشف من كثر الروعه وقدرت توقف وهي تمسك ظهرها..
صارلهم ساعتين على هالحاله..
انسحبت بهدوء وراحت لولدها اللي تركته لحاله..
شافت سديم عنده وزادت دقات قلبها..
كانت تطالع باللي وسط السرير وعليها ابتسامه ماكره...
اسرعت بخطاها وابعدت سديم وطلّت على ولدها..
وتنهدت بارتياح وهي تشوفه نايم..وبأمان..
مسكت ايد بنتها الغريبه الاطوار
سلمى:حبيبتي شفيك تطالعينه وانتي تبتسمين؟؟؟
ارمشت بعيونها بشكل سريع وقالت ببراءه
سديم:ماما..هذا ولدي صدق؟؟؟خالي فيثل يقول
ضمت بنتها لصدرها
سلمى:ايه صدق..تعالي نامي جنبي بالسرير...
قفزت سديم على سرير امها وانسدحو مع بعض..



ب
ببح
عروس مشرقة
06-07-2011 | 11:07 PM
بنات اعذروني

بكره ما اقدر ادخل اذا قدرت ادخل و انزل لكم كم بارت
ا
ام مريم33
عروس متألقة
07-07-2011 | 01:32 PM
يلا مش مشكلة بس لاتتاخري كتير علينا
ب
ببح
عروس مشرقة
09-07-2011 | 02:27 PM
قالت بانفعال من بين شهقاتها وهي تضم ابوها اكثر
عبير:هو السبـــــــب هو السبب..والله ماكنت اقصد والله..
رفعت جدتها العصى وهي تلكزها فيه
الجده:ولتس وجه تحتسين وتطولين حستتس قدام عمتس
زعل من حركة امه بنته مو ناقصه
ابوسليمان:يمه الله يهديتس خلتس محضر خير..انتي ادرى وحده بعبوورتي..
سليمان:يبه لاتكبر راسها..تستاهل اللي جاها ..
فرقعت اصابعها ببعض وقالت من ورى غطاها بخوف الام على ضناها
ام فيصل:الله يستر على فيصل وخالد..يارب سترك يارب سترك..يالله يارب تحفظ عيالي ياارب




بالسياره..وبطريقه للرياض..
كرهها اكثر واكثر
خربت حياة اخوه وخربت حياة ميساء وخربت حياته بعد..لخبطت كل موازينه..عمره مامد يده على مره وخلته يمدها..حقيره حقيره حقيره..ماتبيه تقول ويتركها ماله داعي كل هالمشاكل...
مرر يدينه على شعره المندى بقطرات مويه يحاول يبعد الشحنات الباقيه...ودعس على البنزين اكثر..حط حرته بالسواقه...
شاف سيارة خالد مركونه على جانب الطريق وتأشر...
زاااد من سرعته وهو يمر من جنبه...حاقد عليه ويكرهه..ومصدوم بنفس الوقت...
تعدااه بمسافه وطالع بالمرايه...مايدري شاللي خلاه يطالع..خفف سرعته يبي يتأكد من اللي يشوفه...
دعس بريك قوي ومفااجئ احدث صوت احتكاك الكفرات مع الزفلت..والتفت على ورى وهو حاط ايده على الكرسي اللي بجنبه وريوس على ورى بأقصى سرعه....










*********************


هههه ههههههه ههههههه
صفقت يدينها ببعض وهي تشوف ايميلها...
ااخ..ياويلي عليك ياهيوفه..
رن جوالها بالنغمه المخصصه لهيفاء وردت
:هــاي حبيبي
حمد:اااه يالبى هالصوت..
تحسست حواجبها وبدت ترتبهم
شموخ:ياعيار..توي انا وياك على المسن..
حمد:انتي وبحضني اشتاقلك..متى اشوفك؟؟الليله
عقدت حواجبها وهي تفكر
شموخ:امم..مادري مابي اوعدك..خلاص بدق عليك..
حمد:انا بجيك
شموخ:لا وين تجي..خلاص انا اذا قدرت جيتك اليوم
حمد:الله يصبرني..جتك المقاطع
شموخ:وااااااي يجنن..
حمد:انتي تعالي عندي وبوريك كل شيء على الواقع
شموخ:يووه حبيبي خلاص ترى استحي..سي يو
حمد:سي يو











************






وش هالشعور اللي تحس فيه؟؟..بروده والم..رجفة تسري بأنحاء جسمها..
وحشه..تسمع أصوات صراخ..دم..فتحت عيونها ببطئ والرعب يملى جوفها
تمتمت باسم الله..وكررتها بصوت عالي تبث بنفسها الامان..
دار نظرها بالغرفة البارده..واستوعبت هي وين؟؟
كانت تبي اي احد..اي احد يطمنها..
تحس بالوحده..
تبي الامان من اي شخص..رفعت نفسها بصعوبه..وشدت الشرشف اللي مايحميها من البروده الداخليه والخارجيه..نزلت دموعها ساخنه على خدودها قبل لاتشاهق وهي تنادي..
يانااااس
ياااناااااس
ياااناسس

سمعتها الممرضه ودخلت عليها بالجناح اللي اول ماشافت حالتها ركضت تنادي الدكتور المشرف على حالتها...

قلبها تحسه بيطلع من قفصها الصدري..وماهي قادره تسيطر على اطرافها..

دخل عليها الدكتور بسرعه وهو يصرخ بالممرضه تجيب حقنه..مسك يدينها الغضه وهي تقاومه خايفه منه..
الدكتور:اهدي اهدي ياليلى..ليلى اسمعيني حاول تهدين كلنا موجودين لاتخافين

قالت بصوت مرتجف ويدينها ماسكهم الدكتور
ليلى:ابي اممممممي..ا ..ا..امممي وينهي

شعرها الاسود الكثيف المتبعثر بكل مكان..جمالها الساحق..نبرة صوتها ..
نظرة عيونها..حتى خوفها..سحره..هز راسه يبعد هالافكار الشيطانيه ..هو وشلون نسى انه دكتور..وهي مريض..

ابعد عيونه عنها وهو يقول بهدوء يحاول يبعد الربكه اللي اجتاحته..
الدكتور:امك بتجي الحين..لاتخافين..كلنا حوالينك..انتي قوليلي شتبين؟؟

نطقت بصعوبه لان حلقها نشف..
ليلى:اتركني..

ارتبك من كلمتها وحس بحرج ..معقوله حست عليه..تركها وهو كاره..
تدخلت الممرضه
الممرضه:ليلى حبيبتي..ممكن تعطيني يدك..بعطيكي ابره..

غمضت عيونها ورموشها الكثيفه تجرح خدودها..قالت والرجفه للحين تسري بجسدها وماتخليها تتماسك
ليلى:برى خليه يطلع برى..

عقد حواجبه وهو يحاول يفهمها..شكل حالتها بدت تسوء..
اشر للمرضه تعطيها الابره غصبا عنها..
الدكتور:بنطلع برى بس بعد ماتاخذين الابره وتهدين..

طالعته بخوف
ليلى:طيب..اطلع..حرام..تشوفني

كلامها المتقطع ..نظرتها..خلته ينزل عينه غصب وهو يدور بظهره ويطلب من الممرضه تلبسها عبايتها

الممرضه:دكتور اعطيها الابره قبل..
الدكتور:لا خلاص لا تعطينها ابي اتكلم معها..

راحت الممرضه لدرج بركن الغرفه وتناول عباية ليلى وساعدتها تلبسها بصعوبه..
وشدت على النقاب بقوه حتى ترتاح ليلى اكثر..

الممرضه:خلاص دكتور..

رجع التفت عليها وهو مشغول بالملف اللي معه..
هذي ثالث مره تجي ليلى او تتعرض لصدمه..
سجب كرسي وجلس قريب منها..
وقال بلهجه محببه ومطمنه
الدكتور:ليلى شتحسين فيه الحين..قوليلي بالضبط..
ليلى:عطشا نه..
الدكتور اشر للمرضه اللي ناولتها كوب المويه وطاح من يدها المرتجفه واحدث صوت افزعها..
ليلى:يماااااه..
صرخ بالممرضه وهو يشوف ليلى اللي زادت من حركاتها اللااراديه وصوت تنفسها بدى واضح..
الدكتور:برررىىىى ونادي غابي بدااالك بسرعه
حست بخجل ..شلون مانتبهت ان ليلى ماتقدر تمسك الكوب..اعتذرت بسرعه وطلعت..

حط رجل على رجل وقال بصوت واضح..
الدكتور:لييلى اهدي...ليلى اهدي....ليلى اهدي
كانت تسمع نداءاته وعيونها مشتته..
دخلت الممرضه الفلبينيه غابي..
وطلب منها الدكتور تمسكها..
وفعلا استسلمت..
الدكتور:للحين عطشانه..؟؟
ليلى:00000
الدكتور:غابي..شربيها مويه..

شربت المويه على دفعات وهي تحس بانسياب الماء البارد بجوفها..
تذكرت انها ماسمت..
ليلى :باسم الله اوله واخره..الحمدالله..
الدكتور:قوليلي ليلى..شاللي صار بالضبط..




***************











احساس الفقد مؤلم..
والاحساس انك سبب بالفقد..آلم..
انت طبيب ...تداوي جروح غيرك...بس لجرحك عآجز..
انت طبيب تقدر تسعف اي شخص..بس شخص غآلي..ماتقدر..
لانك تحس بالضيآع
وبالعجز..

كل هالشعور خالج فيصل اللي يحس بالقهر وهو يشيل اخوه بين يدينه ويركبه السياره بصعوبه وينطلق بسرعه جنونيه لمستشفى القريه اللي مزرعتهم فيها...






لما تحس بعظم المصيبه..مافي احسن من هدي رسولنا عليه الصلاة والسلام..
دخلت لدورة المياه وهي تجر رجولها جر..توضت واحسنت الوضوء...
ميساء:أشهد ان لا اله الا الله..واشهد ان محمد رسول الله..قالتها وهي تطلع من الحمام..
اخذت السجاده وفرشتها وتجللت وبدت تصلي ركعتين ..
طولت بركوعها وطولت بسجودها...دعت ربها من قلب مكلوم وصادق..
انه يطهر قلبها..ويرحمها..ويكتب اللي فيه الخير...
سلمت وهي تحس بانشراآح يطبق على صدرها..وبدت اساريرها تنفرج..
ابتسمت وهي تشكر الله بصوت عالي..
فعلا..ياهم لي رب كبير...
تربعت بسجادتها وبدت تستغفر..تحاول تبعد تفكيرها عن اي شيء..تبي تحس بلحظه ايمانيه خاليه من هالدنيا..واهل هالدنيا..












مآعترض على اللي صار..من وجهة نظره تستاهل اللي صار لها...
مايكفي امس طارده ليلى واليوم فرقت بين عيالي...
طالع بابو سليمان اللي يهدي بنته وقال لام فيصل..
ابو فيصل:بطلع لغرفتي وعطيني علاجي احس ضغطي مرتفع
ام فيصل:ان شاء الله..وراحت وراه..

مابقى بالصاله الا الجده اللي جالسه تراقب عبير وابوها اللي على الارض
وسليمان اللي حاضن راسه بين يدينه..

دافنه راسها بصدر ابوها وتنتحب..
وابو سليمان يمسح على شعرها..

رفع راسه وقال لابوه
سليمان:قالها وهو معصب مايعتبر طلآق..
عبير:مآآآبيه مآآآآبيه
عصب
سليمان:عاااجبتس تصيرين مطللقه؟؟؟؟
عبير:انت مآلك دخل عاااجبني وانا حرره
سليمان:انا ماعندي خوات مطلقااات سامعه...وبالغصب بالطيب ترجعينله ورجلتس فوق رقبتتس احمدي ربتس بعد اذا رجعتس
ابوسليمان:سليييمااان..احتررمني
سليمان:العفو..بس بنتك الظاهر ماعرفنا نربيها
ابوسليمان:لا انت خرفت..احترم نفسك عبير تسواك وتسوى طوايفك
الجده:ابوسليمان الله يهداك مو وقت دلعك..خله يربي اخته العوبآ..
ابوسليمان:يمه عبير مافي احسن منها..هي معصبه بس..وقالتلكم كل اللي صار غصب عنها..خلاص لاترجعون تعيدون السالفه..قومي يبه روحي غسلي وجهك..وامسحي دموعك الغاليه
عبير:يبااه ابي ارجع لبيتنا...
ابوفيصل:الحين تجهزي وبعد صلاة الظهر نمشي...
طالع بجدته بقلة حيله..مافي امل
سليمان:الله يهنيك يباه...وطلع
ضمت ابوها اكثر وهي تصرخ بداخلها..
أعشقـــــــــــك..



******************

عقد حواجبه وهو يسمع اللي صار..حنا وين عايشين؟؟
مافيا وسلاح وقتل...كل هذا هنا..
سكر الملف الل بايده..
الدكتور:طيب الحين بعطيك ابره ..
ليلى:ليش؟؟ دكتور صدقني مااحتاج
الدكتور:ليلى انتي انسانه واعيه وفاهمه..انتي مافيكي شيء بس مجرد صدمه..بعطيك ابره علشان تتريح اعصابك..كنتي طوال الوقت شاده عليها..والحين تعبت..على الاقل لين تروح الرجفه اللي بأطرافك..
ليلى:مابي ابره..ابي بس قران..انا اعرف نفسي..وماتهدى الا اذا قريت قران..واذا ماهديت..يحقلك تعطيني ابره..
افحمته..
الدكتور:اوكيه اتفقنا..
ليلى:طيب ..ابي ..اتطمن...على زوجي..
الدكتور:الحين بتجيك الممرضه وتطمنك عليه..تبين شيء ثاني
ليلى:ابي ادق على اخوي..
الدكتور:التلفون بجنبك..واذا احتجتي مساعده الممرضه موجوده..
ليلى:مشكور
الدكتور:لاشكر على واجب...
وطلع...


************************
سمعت اذان الظهر وهي لازالت بسجادتها...
رددت ورى مؤذن المزرعه المصري...وقامت للشباك وهي تردد وراه...
ضيقت عيونها عن اشعة الشمس اللي اتسلطت عليها...وطالعت بكل شيء حولها...
جزء من المزرعه باين..نخيل واشجار..نقلت نظرها لقسم الرجال..مساحات خضراء واسعه..
حدائق ورود بكل الالوان والانواع...ملعب كرة سله....شلالات اصطناعيه..ونافوره كبيره بين الفيلا والملاحق...
سبحان الله..المنظر بالظهر مو لهذاك...عكس الصباح..والعصر..
انتهى الاذان وشافت سليمان يمشي وشكله مهموم...عقدت حواجبها...
تابعته لين دخل للمسجد اللي على طراز الاولين..شعبي...
تراجعت عن مكانها وراحت لمصلاها...صلت اربع ركعات قبل الظهر((تحرم وجهك من النار))
وصلت الظهر ..وصلت ركعتين بعد الظهر...
شالت جلالها وسجادتها وحطتهم فوق السرير...ورجعت للشباك...
طالعت بالمسجد وشافت عمال المزرعه يطلعون..وبعدها طلع سليمان والمصري يسولفون مع بعض...
ضحكت يوم شافت شكل المصري...بزي صعيدي وشوارب كبيره اسمر وسمين..ماهو شين بس ماهو حلو..
اااه تذكرت اول ماجاء يشتغل هنا..كانت توها راجعه من لندن واستقرو بالسعوديه..يووه اول ماسمعنا الاذان وصوته انهبلنا عليه...
كان صوته جنان..وصرنا لازقين بالشباك بس علشان نشوف المزيون..اللي اكيد مثل صوته..
اااه ايام راحت..نفضت هالذكريات الحلوه عن راسها ورجعت تطالع بسليمان...
وابتسمت وهي تشوفه كيف يضحك مع المصري...سليمان حلم اي بنت بالعالم..رجل بمعنى الكلمه...
ثقيل الا مع سلمى...رزين عاقل كلمته مسموعه الكل يتمنى يماشيه..يعتمد عليه وسمعته ماعليها غبار..
والاهم انه عايش سعيد مع سلمى...عمري ماشفتهم متزاعلين ..تحبه ويحبها...
اعطت ظهرها للشباك وراحت للسرير وانسدحت عليه...
ميساء:من يقول ان الحب قبل الزواج ينتهي بعده؟؟...سليمان وسلمى..الظاهر من انخلقو وهم يحبون بعض...
ههههه تحفه هالسليمان...كان لازق بعمي ابو فيصل بس علشانها..مافارق بيتهم لحظه...حتى اذا جو يسافرون اختلق اي حجه وسافر معهم...
الكل يدري بحبهم لبعض..ومبسوطين لهم...اااه حتى زواجهم كان اسطوري...لابقين على بعض...يمكن علشان اسمائهم لها دور؟؟؟
سلمى وسليمان
نفس الحروف..بس زيادة ي ون ...معقوله الاسماء تلعب دور...؟؟
ليلى وناصر..مافيه الا حرف واحد..اجل يمكن المعاني؟؟
ليلى نشوة الخمر..ههه صدق من شافها سكر..
امم وناصر..واضح اسمه..بس مافيه علاقه بينهم...
خالد..من الخلود والثبات..
ميساء..الميلان..
ومايجتمع الثبات مع الميل..
عبير ريحة الورود...
وفيصل..السيف...
والسيف محتاج شيء جامد حتى يقطعه...ومافي علاقه بين الاثنين...
ههههههه والله اصلح اخصائية علاقات زوجيه...
والله اني رايقه...افف شسوي الحين؟؟؟ادق على فهد يجي ياخذني..والا انتظر مصيري...
رفعت راسها من السرير ومدت يدينها على بطنها وبدت تتحسسه...
معقوله اكون....لا لا...وليش لأ..
ان شاء الله يااارب..على الاقل يكون لحياتي قيمه..وربي يعوضني فيه خير...
ياااارب...التفتت للباب اللي يندق..وسمعت صوت خالتها..
تجاهلتها..وحطت راسها على المخده ونامت..او حاولت تنام...

*******************

مسك ايدها ومسح على راسها..ودمعه شفقه تحررت من عينه..
قال وهو ماشال عينه عنها
حسام:الله ياخذه شمسوي فيها؟؟؟..حسبي الله عليه..والله ماخليه..لو ادخل السجن بسبته بس اخذ حقها..امي شلون لودرت..والله تموت بحسرتها..صدق انه مو ادمي ولا فيه ذرة رحمه..بنته يسوي فيها كيذا..اااه بس لو ذبحته غيوض..كان افتكينا منه..
مؤيد:حسام لاتخاف..الحاله بيدي..صدقني مارح يقدر ياخذها ..اوعدك..
حسام:مارح تقدر تسوي شيء..هذا يطلع منها زي الشعره من العجين..وياخذها قدام عيونا..
مؤيد:اعتمد علي ياحسام...مارح يقدر..
ب
ببح
عروس مشرقة
09-07-2011 | 02:29 PM
تنفس بارتياح..وابتسم للدكتور
الدكتور:مشكور يادكتور فيصل..دنتاه اللي انقزته..
غمض عيونه بتعب..وتنهد
فيصل:الله ستر..الحمد الله اني لحقت عليه...
الدكتور:بس ماأولتليش..هو متضارب مع حد؟؟؟
فيصل:لا عادي..تعرف مزح الشباب..ولعب الكوره...
الدكتور:اخوك لو ماقبتهوش بالوأت المناسب كان الله يرحمه..الله يادكتور فيصل داه نزييف والنزيف خطير..
افرض كان عنده فأر دم..افرض ان النزيف صعب السيطره عليه..
قاطع الدكتور..
فيصل:يادكتور عارف..الحمدالله على كل حال..
عن اذنك..
طلع من غرفة الاسعاف..ودخل ايده بيجيبه...
فيصل:افف حتى جوال مامعي...اخاف بس يطلعون من المزرعه ويشوفون سيارة خالد...لحوول شهالبلشه..
تلفت حوالينه..مافيه احد المستشفى فاضي...
رجع للغرفة اللي فيها اخوه..وجلس بكرسي جلد مو مريح جنب السرير..


**********************

دخلت المستشفى جنب اخوها عبدالمجيد وعبايتها مفتوحه ومتحجبه ومغطيه بس شفايفها...
التفت عليها عبدالمجيد وهو يجاريها بالمشي
عبدالمجيد:اسمعي مابي اي حركه حريميه..مو ناقص هو
ميلت فمها مقهوره
تماضر:وشهي الحركات الحريميه يامحامي زمانك؟؟؟
وصلو للاصانصير وضغط على الزر
عبدالمجيد:حركات الدموع والاهات ..ولا مالك خبره فيها..
انفتح الاصانصير وادخلو مع بعض..
تماضر:الحين المشاعر صارت حركات...صدق من سماكم وحوش..حتى الوحوش تحس..انتم جدران..
ضحك بصوت عالي وهو يشوف شكله بالمرايه..


كانت تبكي بصمت..وهي تشوفه مغمض عيونه ولا هو حاس فيهم...
وبجنبها عمها وفراس...
حط ايده ورى ظهرها وقال بلهجه محببه..
ابوفراس:خلاص يكفي بكا..الحمدالله هو عايش..ومافيه الا العافيه..
فراس:نوال قومي ارجعي للبيت وارتاحي..
نوال:مابي..بجلس عنده..
ابوفراس:بس انتي تعبانه ولازمك راحه...
نوال:مو مرتاحه الا اذا كلمني وسمعت صوته..
انفتح الباب ودخل عبدالمجيد وتماضر..
سلمو وبسرعه راحو للسرير...
حبت راس اخوها وحطت ايدها على شعره وبدت تمسح عليه..وهي تمنع دموعها تنزل..
وهو اكتفى بمسك ايده لثواني والتفت على فراس..
عبدالمجيد:الحمدالله على السلامه..انتبه لنوال...حتى الدلوعه هنا..الحمدالله على السلامه..
ماردت عليه ..
فراس:زين انك جيت انا راجع للبيت..وطالع بلبسه..شكلي تحفه بهالبجامه..
وقف ..نوال تطلعين معي..
اشرت براسها لا


******************


العصر
0
0
0

المغــرب
0
0
0
وقف عند الباب ونادى عليها...ماردت..رجع نادى وهو يدق الباب...

كانت تسمع ازعاج واصوات..تقلبت بالفراش..وتقلبت...بس الازعاج مو راضي يروح..قامت من نومها وحوالينها الظلام..
الا من نور خافت متسلل من الشباك بفعل اضاءة الخارج...
صحصحت اكثر وهي تسمع ابوفيصل ينادي عليها...
حطت ايدها على فمها وهي تتثاوب..بعدت الحاف عنها وراحت تفتح الباب...
ابوفيصل:ميساء...ميساء يابنتي افتحي الباب...ميووسه..
انفتح الباب..
وطلعت بجلابيتها الناعمه واثار النوم باين على ملامحها..
ميساء:هلا عمي..معليش كنت نايمه...
انبسطت يوم شافتها وقالت بمزح وهي تضمها
ام فيصل:ابوفيصل على طول تفتحيله ..وانا خاااالتك شقيقة امك ..ماتفتحيلي؟؟؟
ابوفيصل:اناا غير..ولا كيف ياميوسه.؟؟
ابتسمت بحب
ميساء:كلكم غالين علي..واسفه كنت نايمه ومادريت انكم تطقون الباب...
ابوفيصل:معذوره اذا السالفه كذا...يلا يابنتي جهزي غريضاتتس نبي نرجع للرياض..الا اذا ودتتس نجلس هنا؟؟؟
ميساء:لا بكيفكم..الحين اجهز...
ابوفيصل:طيب اذا جهزتي تعالي لجناحي ابيتس بكلمة راس..
حست بقلبها يطلع من صدرها..
ميساء:ان شاء الله...
تركها وراح
ام فيصل:تبين مساعده؟؟؟
ميساء:لا خالتي مشكوره..الله يلعن الشيطان ماصليت لا عصر ولا مغرب..لايكون اذن العشاء بس؟؟؟
مدت ايدها وقرصت اذنها
ام فيصل:مفوته كل هالصلواات؟؟؟؟
عقدت حواجبها وكرمشت ملامح وجهها وسوت نفسها تتألم..
ميساء:مادريت اني نمت..الحين اتركيني علشان الحق اصلي..
تركتها وهي تضرب كتفها بخفه
ام فيصل:اول ماتخلصين الحقينا بالجناح سااامعه..
مسكت ايد خالتها
ميساء:اذا على اللي صار
قاطعتها
ام فيصل:ولاااا كلمه نتناقش بعد ماتخلصين فيه امور لازم تتوضح...مابي اسمع شيء الحين اذا خلصتي تعالي..وتركتها..

**************************

جلست على كرسي التسريحه وهي لابسه برموده جنز غامق وبدي كوكتيل حرير فوشي وصندل فوشي ومجعده شعرها..
اخذت القلوس بلون الفوشيا الصارخ وحطت منه وهي تطالع انعكاسه بالمرايه..مشغول بقراية كتاب...
نزلت القلوس ومسكت الكحل وهي تقول علشان ينتبه عليها..
عهود:اليوم مؤيد ماكلمك؟؟؟
كان مراقب كل شيء تسويه..وحاس بحركاتها..
ماشال عينه عن الكتاب
سالم:دقيت عليه وعطاني مقفل...هو بالعاده يستلم يومين؟؟؟
وزعت البلاشر بشكل سريع وبخت من عطر استيلا وقامت من الكرسي وراحت له وهي تقول
عهود:بعمره ماسواها..ههههه..وتعمدت تجلس بجنبه..
استغرب ضخكتها ورفع عينه عن الكتاب
سالم:شفيك تضحكين؟؟؟
ابتسمت بمكر..خليتك بالغصب ترفع عينك..هين ياسلومي ماشفت شيء..
عهود:تذكرت..انت ناسي ان مؤيد من دخل الطب وهو مو عندنا توه بس تصالح مع ابوي فشدراني انا عن دوامه...
يمكن عادي يستلم يومين..
نزل الكتاب من ايده
سالم:انا نازل..
عهود:ليش تنزل..جبت القهوه والشاهي هنا..خلنا نروح للمجلس..
سالم:نزليها بنروح نتقهوى مع عمي..
وقفت ومسكت ايده ووقفته معها..
عهود:طيب تعال ابي اوريك شيء هناك...
سالم:وشو
سحبته معها ودخلته للمجلس وقفلت الباب ودخلت المفتاح بجيب بنطلونها الخلفي...
طالع فيها ببرود
سالم:ليه قفلتي الباب؟؟؟
عهود:كذا مزاااج بتجلس معي يعني بتجلس معي...ابوي وامي طالعين يتمشوون ..
ومسكته مع ايده بنعومه وقالت بدلع وهي تجلسه على الكنب وتجلس جنبه وتاخذ فنجان قهوه
عهود:تراني مااكل..ولا اخووف...وصبتله قهوه..
اخذ الفنجان منها
سالم:بس انا سمعت غير كذا...
مسكت خصله من شعرها وطالعت فيه..
عهود:سالم..مامليت ..يعني من عيشتنا..ماتعبت
اخذ رشفه وبعدها رشفه وهز الفنجان وهو يعطيها
سالم:انا قلتلك..اصبري كلها اسبوعين وان شاء الله تطلع نتايج عمي سليمه...
نزلت الفنجان بعصبيه
عهود:وش بتسوي يعني؟؟؟
سالم:اكيد بطلقك..لاتخافين..
عهود:اووووه سااالم خلااااص تراك زهقتني لاتسوي نفسك كأنك مظلوم وكأني انا اللي طالبه الطلاق...
سالم:ماجبت شيء من عندي..
عهود:طيب يعني بتطلقني لاني انا مابيك صح؟؟؟
سالم:صح
عهود:وانا ابيك الحين...
سالم:وانا ماابيك...
عهود:مايهم..صرت متعوده على تجريحك..
تنهد
سالم:انت اللي تجيبينه لنفسك...ماغصبتك تعيشين معي
هزت راسها بملل واخذت قطعة حلا بيتي بيدها ومدتها لفمه اللي استقبله بدون اعتراض
عهود:اللهم الهمني الصبر...
بلع الحلا دفعه وحده وقال وهو رافع حاحب
سالم:يلهمك الصبر لين تطلقين؟؟؟
ابتسمت على جنب وهي تاخذ قطعه حلا ثانيه وترجع تحطها بفمه..
عهود:شرايك بالحلا شكله عجبك..تراني انا اللي سويته بيديني علشان سالم حبيبي..
ذوبها بفمه قبل لايبلعها..واشرلها تصب قهوه..وقال وهو ناوي يطفشها
سالم:ماجاوبتي على سؤالي...يلهمك الصبر لايش بالضبط؟؟؟
مسكت ترمس القهوه بيدها اليسار والفنجان بيدها اليمين وصبت القهوه ..
عهود:حبيبي لا تتعب نفسك..اسلوبك صرت متعوده عليه..واذا قصدك على الطلاق فمارح تقدر تطلقني...
ومدتله الفنجان
تناول الفنجان وهو يضحك باستهزاء
سالم:وليش مااقدر اطلق؟؟؟
عهود:كذا قلت ماتقدر يعني ماتقدر...
سالم:اذا بتدخلين عمي بالسالفه فأحب اطمنك..مارح يقدر يسوي شيء..
ضحكت بدلع وغرور..واخذت قطعة حلا ودخلتها بفمه بالغصب
عهود:لاتخاف مارح ادخل احد..انت من نفسك مارح تطلقني...ولا تسأل..كل شيء بوقته حلو..


************************

رفع راسه وهو ماسك رقبته بيدينه يدلكها وقال وهو يحركها يمين ويسار
فيصل:شلونك الحين؟؟
طالع بالمغذي اللي بيده..
خالد:من جابني هنا؟؟ وانت من متى هنا؟؟؟
طق رقبته وحس براحه مبدأيه وقف وهو يقول
فيصل:انا جبتك..لقيتك بالطريق تنزف..
خالد:وين رايح؟؟؟
فيصل:بروح اغسل وجهي..وراجع لك..
خالد:خذني معك ابي اصلي ماصليت
فيصل:الحين برسلك الممرض ياخذ المغذي ..انتظر شوي...



*******************

دخلت الجناح بعد ماطقت الباب...
ماتدري ليش تحس بالخوف..وقلبها يدق بشكل سريع...
ابتسمت لخالتها اللي اشرتلها تجلس جنبها..
ام فيصل:ميوسه تعالي جنبي...
مشت بهدوء وهي منزله راسها وجلست جنب خالتها..
ميساء:آمر ياعمي..
تنحنح وقال بصوت حنون خلاها تستكين
ابوفيصل:اللي صار اليوم يابنتي..انا ماارضاه لك..ومارح اخليه يعدي بهالسهوله..وكرامتك من كرامتي انا..
ويشهد الله اني اعاملك مثل مااعامل ليلى وسلمى...اذا مقتنعه بكلامي وعارفه غلاتك عندي قوليلي علشان اكمل..واذا لأ..
قاطعته
ميساء:والله ياعمي اني مااعتبرك الا مثل ابوي..واللي تبيه اسويه ..
ابوفيصل:يابنتي اللي صار..نزغة شيطان..وانا عارف خالد..لو هو مصدق الكلام كان ماطلع وماندري وينه...
حست براحه يوم درت انه طالع..يعني ماجاني واعتذر مني لانه مو فيه..مو لانه مصدق الكلام..
التفتت على خالتها
ام فيصل:يابنتي لاتخربين بيتك بيدك..والله اني مااقول هالكلام علشان خالد ولدي..
ميساء:البيت خرب ياخالتي..
ابوفيصل:ان شاء الله مو صاير الا كل خير...بس انا طالبك طلبه..وبشوف غلاتي عندك..
ميساء:عمي الله يخليك لاتحرجني..انت تآمر..بس اللي تطلبه صعب..
ابوفيصل:ولانه صعب ابيه...وش قلتي..تسامحين خالد...وترجعين لبيتك
ام فيصل:علشاني ياميساء..اللي صار بيتصلح..وخلاص كلن عرف غلطته وندمان..
ميساء:اللي تامرون فيه..
ابتسم وقال وهو يطلع شيك من جيبه
ابوفيصل:وهذي رضاوه مني ..وباقي رضاوه من خالد..
ميساء:مايحتاج عمي..خيرك سابق
ام فيصل:ميساء مايرد الكريم الا اللئيم
ابوفيصل:حلفت ماتردينها...
مدت ايدها واخذت الشيك بدون ماتشوف المبلغ الضخم اللي فيه..
ميساء:عن اذنكم..بروح اجهز اغراضي....

*******************

فتح عيونه ببطئ وشاف الكل حوالينه..دار بعيونه يدورها..بس مالقاها..
انتبهت تماضر له
تماضر:ماما بابا ..زياااد فاااااااق....وقامت له بسرعه وحبت راسه
ثواني والكل فوق راسه ويتحمدون له بالسلامه..
تمتم بأحرف متقطعه
زياد:ل ..ي..ل..ى
محد فهم وش يقول...الا نوال اللي حست بسكين ينغرس بصدرها..اول مايفتح عيونه يدورها؟؟؟
عبدالمجيد:زياد وش تقول؟؟تبي مويه والا اناديلك الدكتور؟؟؟
تكلم بدون صوت لان حلقه ناشف
زياد:ماء
عبدالمجيد:لحظه بروح للممرضه واسألها...
شموخ:الحمدالله على السلامه زيووود..
ابتسم بتعب..والتفت على امه اللي تبكي..وعقد حواجبه
ابوفراس:يام فراس يكفي شوفي غثيتيه..
مسحت دموعها وحبت جبهته
ام فراس:تعبان يمه..تحس بشيء..
اشر براسه لأ...

دخل عبدالمجيد والممرضه وراه..واخذت قطن وغرقته بالمويه وبدت تنقط بفمه قطرات ماتجاوزت العشر..
كان يبي بس سكت لما سمع اعتراضها...حس بحلقه يترطب..
ويقدر يسأل..
زياد:تماضر وين ليلى؟؟
فتحت عيونها مستغربه
تماضر:اي والله شلون نسيناها؟؟؟ مادري وينهي؟؟
نوال:اكيد راحت لاهلها..ولاانتظرت لين تتطمن عليك..صدق قليلة اصل..
ام فراس:راحت لاهلها؟؟..انا قايله هالاشكال مالها خاتمه...ماتحملت تجلس عندك وانت مريض..
حزت بخاطره..وتأثر بالكلمات..
زياد:طيب فراس وينه؟؟
عبدالمجيد:فراس توه طلع..تعبان المسكين..
ابوفراس:ياولدي ارتاح لا تتكلم الكلام ماهو زين لك...
غمض عيونه وراح بنوم عميق..
ابوفراس:يلا ياام فراس خلاص تطمنا على الولد..والحين هو نايم ومالها داعي جلستنا..
ام فراس:لا بجلس عنده
عبدالمجيد:يمه ماله داعي الكل منتبهله..يلا علشان نجيه بكره بدري...
خضعت للاوامر وراحو كلهم للبيت...

*****************

ركب السياره جنب اخوه وهو يحس حيله مهدود..قال بيقطع الصمت اللي يحسه يذبحه..
خالد:مادري شلون قدرت اوقف السياره على جنب..حسيت بضيق بالتنفس والدنيا من حولي ماشوفها وكل شيء فيني بدى يرتخي..ركنت السياره على جنب وتشهدت..حسبتها سكرة الموت..
فيصل:لك طولة العمر..اسف..كنت تنزف مني..
ابتسم والامل بالسماح يلوح له
خالد:انا اللي اسف..فيصل سامحني..ماكنت اقصد..
وقفت السياره عند بقالة صغيره ونزل فيصل بدون مايرد...
تنفس بعمق..واشتم رائحة الدم اللي مغرقه تيشرته..وطرى عليه جلالها الاحمر..المرمي..
تنهد..مارح ترضى الا بالطلاق..
انتظر دقايق لين جاء فيصل وبيده كيس ازرق شفاف ..
ركب السياره وهو يسلم وطلع من الكيس علبة عصير طماطم..
فيصل:امسك اشربه خله يرفع ضغطك شوي..ويعوض دمك..
تناول العصير بعلبته المعدنيه الحمراء..
خالد:مشكور..
تحركت السياره وانطلقو للمزرعه..
فتح العلبه وشربها كلها دفعه واحده...وانتهى وهو يقول الحمد الله..
طالع باخوه بطرف عينه ورجع يركز على الطريق..
فيصل:انت ماتترك هالعاده اشرب ياخي على دفعات..اشرب عصير مشكل تلقاه بالكيس وافتحلي البيره..
اخذ الكيس وطلع لخوه البيره وفتحها له
خالد:سم..
اخذها منه وصار يمسك الدركسون بيده اليسار..وبالثانيه يشرب..
وصلو للمزرعه..
دخلو مع البوابه الحديديه الكبيره ومشو مع السفلت اللي يحاوطه الاشجار والنخيل لين وصلو لجهة الحريم ودارو حوالين النافوره الكبيره ووقف السياره..
فيصل:تراني ماقلتلهم شيء...بس سليمان وعمي درو وهم مو فيه..رجعو للرياض..
التفت على اخوه وقال برجاء..
خالد:فيصل..مسامحني؟؟
بدون مايطالع بأخوه وقبل لايفتح الباب وينزل
فيصل:ومتوقع اني اسامحك..غلطان..ونزل
ضغط على علبة العصير المشكل الفاضيه بيده بقوه..
وهمس
خالد:اصبر ياخالد اصبر...

كانت ماسكه سديم بيدها وقالت بقهر..وبحقد
ميساء:ايه مالها وجه تجلس عقب اللي سوته..تستاهل الطلاق..
حطت شنطتها على كتفها وقالت بمزح..تلطف الجو
سلمى:مادري شاللي طيحني فيكم..وحده زعول والثانيه حقود وحده شماته..
حررت ايدها من سديم وقالت وهي تلف الطرحه على وجهها وتلبس النقاب..
ميساء:الحقود اكيد عبيروه..ومنهي الزعول والشماته؟؟؟
سلمى:الزعول ليلى اللي للحين مقفله جوالها..
ميساء:يعني انا الشماته يا..طبقت شفايفها على بعض تحاول تستحث مخها يسعفها بصفه..
وابتسمت من ورى غطاها..يالعجووز يا..ياكوونااان..
ضحكت من كل قلبها
سلمى:هههههه..يعني لازم حركات التقليد..ولا فاقده المزيون
ميساء:مافقدت احد..
سلمى:وش دراك اني قصدت خالد ها؟؟؟..
ميساء:سلمى فكيني من سيرته مالي خلق طاريه...
مشو مع بعض وطلعو للصاله اللي الكل مجتمعين فيها وينتظرونهم
سلمى:الله يستر..من طلع ماندري وينه..حتى فيصل مادري وين راح ..وجوالاتهم واحد مقفل والثاني ناسيه..
ماتنكر ان خايفه عليه..حتى لو هي زعلانه منه..انسانيا بتخاف عليه...


دخل فيصل بثوبه الابيض المكرمش واكمام مفسره لتحت الكوع وشعره مبهذل ومفتاح السياره بيده..
فيصل:السلاام عليكم..
الكل وعليكم السلام...
وقفت ام فيصل على طول وراحت له وهي تحس انه بيبشرها
ام فيصل:الحمدالله على السلامه يايمه ليه تأخرت..ماشفت خالد؟؟؟
طالع بأبوه..
فيصل:هذا هو وراي..
طلعت وهي تهرول تبي تطمن على ضناها..
فيصل:يبه خذت علاجك؟؟؟
ابوفيصل:لا ماخذته..
طالع ابوه بذهول
محمد:يبه واللي توي معطيكياه بيديني الثنتين وشهو؟؟؟
ابوفيصل:اللي ماهو من يدين فيصل ماهو علاج..
هالكلمه خلته ينسى همومه...
فيصل:هههه..وراح لابوه يحب راسه
محمد:لاااا انا احـــــتج واعترض انا خابر ان اخر العنقود له الغلا كله...لا لا مايصير هالكلام..
فيصل:تحتج ولا ماتحتج محد سامعك...
ابوفيصل:الكبير غلااه غير...الكبير كبير..ويتفهم اللي اصغر منه..
فهم كلام ابوه وقال يغير الموضوع..
فيصل:ماشين؟؟
محمد:ايه واغراضك كلها خذتها..وترى جدتي وعمي وسليمان مشو قبلنا راحو بعد صلاة الظهر
فيصل:ايه قاللي سليمان..
محمد:وش لون قالك؟؟جوالك هنا
فيصل:انا دقيت عليه من جوال واحد...
قطع عليهم صوت سلمى وسديم اللي تركض وحضنت خالها
سلمى:واخييييرا جيييت..خوفتنا عليييك
حضن سديم وهو يلعب بشعرها
فيصل:اشوى فيه احد خاف عل...انبترت كلماته وهو يشوفها واقفه بجنب اخته..نزل عيونه بسرعه وتشاغل بسديم وبسواليفه معها..بس عقله وتفكيره كله لها..هي للحين زعلانه؟؟..شايله بقلبها علي؟؟..ولا تعتبرني مالي يد بالموضوع...
رفع عينه اجباريا لها وهو يسمعها تقول
ميساء:انا بدخل واذا طلعتو نادوني
والتفت وهو يشوف خالد داخل مع امه


حاط يده ورى ظهر امه وهي محاوطه يدينها على خصره وتلومه..على كل لحظة خوف عاشتها..
ام فيصل:حسبي الله على عدوك حسبي الله على عدوك..
خلاها تتركه وهو يقول بصوت حنون
خالد:يمااه مانقرفتي من هالدم..انتظريني بروح اغير واحضنيني على راحتك...
صقعته مع راسه بقهر
ام فيصل:وتنكت بعد..صدق شين وقواية عين
محمد:لااااا طاااالت وتشمخت...واحد يحضن ابوي والثاني امي..وانا؟؟؟؟ لا يكون ولد البطه السودااء
ضحكت سلمى وانبسطت يوم شافت خالد
سلمى:ولا تزعل احضني انا...
محمد:اعيش معقد بهالحياه ولا اني افقدها مره وحده
الكل ضحك على كلمته الا سلمى اللي بدت تسبه...
وانتبه لابوه اللي مطنشه...السلام عليكم يابو فيصل..
ابو فيصل:وعليكم السلام...روح غير لبسك حنا بنمشي...بسرعه..
عرف ان ابوه متضايق منه وزعلان..
خالد:ان شاء الله...
وقبل لايطلع من الصاله مر من عند اخته الواقفه...
حك راسه بيده..يبي يسأل عنها..
وهي فهمت عليه...
سلمى:تلقاها بغرفتها..راااضها يالشكاك..
ابتسم وبانت غمازته ...وكتب بالهوى
خالد:كونـــان...واشر لها اشارة مجنونه وطلع...كان فرحااان انها مااراحت..

شال سديم وقال لسلمى..
فيصل:يلا سلمى مشينا...طال عمرك حنا نبي نمشي قبلكم...
ابوفيصل:بحفظ الله..
ام فيصل:خلونا نمشي جميع
فيصل:لاودي امشي الحين...مع السلامه....وطلع ولحقته سلمى وعيالها...


وقف عند باب الغرفه وطق الباب...
سمعت طق الباب وتجاهلته..
انطق مره ثانيه..
قربت من عند الباب وقالت
ميساء:مييين؟؟؟؟..ميييين؟؟؟
انطق الباب مره ثالثه..
قررت تفتح واللي فيها فيها...
فتحت الباب وهي معطيته ظهرها..
ميساء:خيييرررررررر؟؟؟؟شتبي؟؟؟؟؟
دخل بسرعه وقفل الباب وراه واخذ المفتاح وحطاه بجيبه..
التفتت عليه اول ماسمعت صوت التقفيل..وطالعت بتيشرته المليان دم و المشقق وشكله المبهذل
ميساء:ولك وجه تجي...شتبي ها.؟؟؟فيه شيء ثاني بعد؟؟؟
حط يده ورى رقبته وهو يلعب بخصل شعره ..
خالد:اسف..
طالعت فيه من فوق لتحت..وراحت للسرير وجلست عليه..
تقدم ناحيتها وصار قبالها
خالد:اسف..
ماردت عليه..
خالد:اسف..
ماردت عليه
خالد:اسف..
ميساء:لا تحاااااول اسفك مو مقبول ولا هو مهم بالنسبه لي..صرخت عليه ودموعها تنزل بشكل فظيع...انا مابي اعيش مع انسان شكاك..طلقني..
خالد:طيب..بس اسف..
ميساء:قلتلك اسفك مو مقبول..ول
قاطعها
خالد:انا اقول اسسف..
ميساء:.....
رن جوالها اللي بيدها.. وردت على طول

ميساء:هلا فهد..بخير....لا مافيني شيء...لابس حنا بالمزرعه وتعرف الجو....متى؟؟...طيب طيب....لاخلاص بكلمه..ان شاء الله...مع السلامه...
وسكرت..

خالد:شيبي
ميساء:مالك دخل..

خالد:اوكيه مالي دخل مالي دخل...بس اسسسسف..

زهقت منه..زمت شفايفها
ميساء:انت شتبي؟؟؟
خالد:ابيك تسامحيني..
قالت بقهر وبعصبيه
ميساء:مو مسامحتك..ارتحت..وجلسه عندك موووجالسه انا مممادري شاللي مصبرني لهالوقت والله لو ماعمي ابوفيصل كان دقيت على عمي ياااخذني...
عصب عليها ومسكها مع ايدها بقوه..
خالد:غصصصصصصصب عليييييييك تسااااامحيني ساااااااامعه..مو على كيفك غصب بتسامحين...انا مايمشي علي دلعك..وطلعه مع عمك مافيه..لو تموتين قدامي..فاهمه..

نفضت يده وكأنه شيء مقرف وميلت بظهرها ودفنت راسها بالوساده وهي تنتحب..
ميساء:اكرررهههك..وخخخررر عني..مااااابيك...طلللللقني طلللللقني...

سكت وجلس بجنبها على السرير...كان يبيها تفضي شحنة الغضب اللي فيها...


رن الجوال بهالاثناء..واستمر بالرنين..
طالع بالجوال اللي بيد ميساء..
خالد:من جواله اللي يرن..
وهي دافنه وجهها بالمخده..
ميساء:جوال الحقيييييرررره..<<تقصد عبير ماقدرت تاخذه لان ميساء مارضت تفتحلها..
مايدري ليه جته رغبه عارمه بالضحك..كانت طالعه من كل قلبه..
خالد:ههههههههههههه ههههههههههههههه
رفعت راسها وسحبت المخده وضربته فيه وهي تصرخ
ميساء:وانت احقررررر احقررررررر..بررررررررى بررررى مابي اشوف رقعة وجهك بررررىىىىىىىى
رمى المخده ومسك يدينها وثبتهم وسط محاولاتها بتركه..بس كان اقوى منها..
قال بصوت خشن وعالي ارعبها وخلاها تستمع لكل كلامه
خالد:بسسسسسس...ترى عطيتك وجه...اسمعيييني مو على طول تحكمين...انا ماااااااشكييييت..اصلا اذا بشك فيك..مستحيل اشك بفيصل...اللي صارلي شيء طبيعي..كنت مصدوم..يعني انتي وفيصل بالمطبخ لحالكم وعبير معصبه..يعني شبتتوقعين اسوي...اكيد بصدقها..بس اناااا متأكد هالتصديق حتى لو فيصل وانتي ماانكرتوه انا مارح اصدق..تدرين ليه..لاني عارفك وعارف تربيتك..اذا بشكك فيك بشكك بخالتي ..وانا واااثق فيك...فاهمتني..قدري موقفي شوي ..حسي فيني..

سحبها غصبا عنها لصدره وضمها وحب راسها..


ميساء انا مااعرف اصف كلام رومانسي..انا ودي اصير زي ماتتمنين..بس مااعرف..يعني اقصى ماعندي اللي طلع بالمزرعه..تذكرين ولا نسيتي..ميساء انا احبك..ادري انك تحبين فيصل..واخذتك وانا داري..بس شسوي..مااقدر اتخيل نفسي اخذ وحده غيرك...قدري موقفي شوي..
حست بالاهانه...هي تحب فيصل وتركها..رفعت راسها وقالت باصرار
ميساء:ومن قاااال انني احبه؟؟؟؟ اصلللااااا طول عمري احسه مفروض فرض علي..انتم اللي لزقتوه فيني..هو اللي يحبني مووو اناااا..
كان يبي كلمه زي كيذا تطمن قلبه..حتى لو كانت كذب..
وهمس وهو يطالع بعيونها..
خالد:مصدقك..وحب جبهتها...ميساء سامحيني...
سحبت نفسها منه وقالت وهي تمسح دموعها
ميساء:مارح اسامحك..اللي سويته فيني مو شوي..
حس بصدره يضيق..هي ليه ماتبي تسامحه ولاتبي تصدق كلامه..
قال واليأس والالم متمكن من قلبه..
خالد:يمكن لو كنتي تحبيني سامحتيني..الحب يشفع شوي..ادري ان زواجنا ماكمل شهر..كنت اتمنى نتم مع بعض طول العمر..بس انا الزم ماعلي كرامتي..كنت داري انك ماخذتني مو علشاني..ماخذتني تقهرين فيصل..بس اوهمت نفسي..وكذبت عليها وقلت بتحبيني..
التفت عليها..خلاص اللي تبينه بيصير..اذا تبيني اوصلك للشرقيه او لعمك انا ماعندي مانع..واسف على كل شيء..
كانت كلماته تطعن بقلبها طعن..كانت تحس بالالم وهو يتكلم..هي ماتكرهه هي تحبه..بس فيصل اكثر..وفيصل باعني..وخالد شراني..خذي اللي يحبك ياميساء..
مسكت ايده وهي تطالع بعيونه
ميساء:ومن قال اني مااحبك..خالد لو مااحبك كان مازعلت عليك..كان شكيت فيني ولا ماشكيت بالطقاق..بس انا تهمني نظرتك فيني..
ابتسم وهو يحط يده الثانيه فوق يدها
خالد:ونظرتي فيك زي ماهي ماتغيرت..انا واثق فيك..
هي سامحته..بس ماتبيه يعيد هالشيء..
ميساء:ولو..انا للحين زعلانه..
خالد:امري باللي تبين..انا مستعد اسوي اللي يرضيك..
ميساء:ابيك تحجزلي الحين للشرقيه...
خالد:ليه بتروحين..انتي ماقلتي انك تبيني..وتحبيني..وانا اعتذرت..ليه ماتبين تسامحيني؟؟؟
ميساء:محتاجه وقت..علشان اقدر اسامح..اللي سويته فيني مو سهل..
خالد:طيب..اللي تبينه يصير..
ميساء:طيب..الحين اتصل احجزلي....
وقف..
خالد:المطار مو طاير واكيد فيه حجز..لا تخافين....بس بروح اغير هدومي..


********************

الســـاعه الثانيه بعد منتصف الليل...

الحمدالله هي الحين احسن بكثير...لبست عبايتها وتغطت وطلعت مع الممرضه...
ووصلت لجناحه..حطت ايدها على الكولون وقلبها يخفق بشده...
خايفه تلقاه ميت..وان اللي هي فيه مجرد اوهام...مشتاااقه له وودها تتطمن...
تشجعت وفتحت الباب وهي تسمي...


فتح عيونه غصب عنه بسبة قطرات المويه الدافيه اللي انسكبت عليها..
ورجع غمضهم وهو يتحسس الشيء اللي فوق راسه وملاصق لجبهته..
كان يسمع ابتهالاتها ودعائها..ومستمتع بدموعها اللي غرقت وجهه..
فرح..وبسرعه جته الضيقه..فتح عيونه..
زياد:ليلى...
رفعت راسها بسرعه وقالت قبل لاتحضنه
ليلى:عيوون ليلى وحيااتها..وتهجد صووتها..لييه لييييه..وراحت بنوبة بكاء..
رفع ايده بصعوبه ومسح على راسها اللي نصه مغطى بالطرحه ..
زياد:وشو اللي ليه..
رفعت نفسها منه وصرخت فيه
ليلى:كنت بترووووح مني وتقول ليييه..قلتلك خلنا نتصل بالشرطه بس انت تعاااااند..مايهمك الا نفسك وانا بالطقاااااق
مااافكرت الا بنفسك ..لو صارلك شيء
قاطعها
زياد:لو تفتح عمل الشيطاان..استغفري ربك..
رجعت حضنته متجاهله عمليته
ليلى:انت خليييت فيييني عقل..حررررااااااام والله حرررااام عليييك..
وبدت تنتحب على صدره وهو يمسح على شعرها..

مرت نص ساعه وهم على هالحاله..



حس انها هدت بشكل فظيع وتنفسها انتظم...
قال بصوت حنون وعتبان
زياد:وشلون اهلك..وفيصل..ومن جابك بهالوقت...
ماردت عليه..
استغرب..كان يبي يشوف وجهها بس مايقدر هي على صدره
نادى عليها بصوت هادي..
زياد:ليلى..
ماردت..
دخلت الممرضه علشان تشوف المغذي...وانهبلت يوم شافت ليلى نايمه على صدر زياد..
الممرضه الفلبينيه..
اوو ماي قاااااد...دكتور زياد انتي يبي يمرررض مره تااني...
زياد:اووووش...مافي مشكله..
الممرضه:دكتور مدام ليلى كمان تعبان...هذا دكتور جلال يبي يسوي جلسه تاني...
عقد حواجبه..جلال الدكتور النفسي؟؟..وش دخله بليلى؟؟؟ وش السالفه؟؟؟
زياد:ليه..وش فيها ليلى؟؟؟؟
الممرضه:مادري بس هي كل اليوم تعبانه...جازي هي تعرف ..((ممرضه))
خاف فيه شيء مو مفهوم...فيصل مازاره..وليلى تجي بنص هالليل..لايكون اهلها مانعينها وصاير مشكله..
زياد:ناديلي الجازي..وبعدين تعالي جددي المغذي بسرعه..
الممرضه:اوكيه....


********************

هههههههه ياحبيلك..بغيتي تنجنين اجل..قالتها وهي تاخذ رشفه من الكابتشينو ..
نوال:اسكتي لاتذكريني..مرره مصدومه..انتي لو بمكاني شبتسوين..زياد وعاليه وغيوض ..اااه الحمد الله ماصار فيهم شيء..من جد كنت بنهبل..
شموخ:غريبه..ماتوقعت ان غيوض بتوصل معها تذبح ابوها..
نوال:بليز شموخ لا تجيبين طاريها كل يوم انصدم فيها..مادري ليه تغيرت..
شموخ:لا تلومينها كان بيحرق اختها ويموتها..
نوال:لا مو علشان كذا بس..انتي ماشفتي وجهها..مو هي ابدا..انا حاسه ان فيها شيء..مو طبيعيه..
شموخ:الحين انتي تقولين لا تجيبين سيرتها وانتي تجيبينها..
نوال:غصب عني
شموخ:اقول لايكون ليلى راحت لاهلها من الرووعه؟؟؟
كشرت ورفعت حاجب تستهزيء..
نوال:تكفين بس ..قال اهل قال...انتي ماشفتي شسوو امس..تخيلي طردوني وطردو زياد حتى هي هاوشوها...
شموخ:هههههه تمزحين؟؟
نوال:والله العظيم مااكذب حتى اسالو زياد..صدق مايستحوون ولا بنت عمهم الحيوانه تخيلي تقول عني شغاله..
شموخ:شغاله..لا لا تكذبين..
نوال:شمصلحتي اسب نفسي يالمتخلفه..حتى زياد اغسلو شراعه..خوش منسب..
شموخ:غريبه يعني صاير بينهم شيء..
نوال:مادري عنهم بس سبووووو لين قالو امين..ماخلو كلمه ماقالوها..الحقيره مالك خاتمه..زياد بيكشفك على حقيقتك..وزياد بيطلقك..وبترجعين ذليله..اووو كلااام كثيرر..شكلها مسويه مصيبه..
شموخ:شمسووويه....حنا..لازم نقول لماما..
نوال:انا حتى لعمي بقوله..حتى عمي ماسلم من شرهم سبوه وقالو كلام ماينقال عنه..
شموخ:جعل لسانهم للقطع..وش قالو عنه؟؟؟
مدت ايدها لاذنها وبدت تلعب فيها..
نوال:امم..مادري بس زياد حلف انه مايقول وش قالو..


****************

ياسلااااااام..الشرهه مو عليك الشرهه علي اللي صدقتك..اقولك ودني الشرقيه تروح تحجزلنا على جده..
فتح السويت بفندق جده هيلتون وقال بطريقه استفزازيه
خالد:اقول ادخلي ادخلي تسوين نفسك مو مبسوطه..وانتي طاير عقلك من الفرح..اعرفك زين انا..
انقهرررت منه..
ميساء:مانيب داخله لو تنقز..على هالكلمه لو تموت مادخلت..وطلعت جوالها..الحين ادق على فهد اقوله انك خاطفني..
يموت على نرفزتها..ابتسم وهو يتلفت حوالينه..ماشاف احد..
شالها بخفه ودف الباب برجله..ونزلها على السرير
شالت نقابها وهي تخفي ابتسامتها..مستحيل تبينله انها مبسوطه..
ميساء:والحين شلون ماعندي ملابس..
خالد:حتى انا ماعندي ملابس...
ميساء:ومبسووط؟؟؟
خالد:الحين انتي ليش معصبه؟؟ اكثر ماخلق الله الاسواق نروح السوق العصر واشتري اللي تبينه..ترى ماهي صعبه..
ميساء:لا صعبه و
خالد:ميساااااااااااااء خلاص لا تتدلعين ترى عطيتك وجه..
اففف رجع لحركاته..طيب انا اوريك ياخويلد..
ميساء:طفشان مني رجعني للشرقيه
خالد:باتسر العصر ان شاء الله
ميساء:تتمصخر علي انت انا اتكلم جد
خالد:اعوذ بالله وانا احسبتتس تتكلمين عم..
هذا بيجيب اجلي..
ميلت بنص جسمها على السرير ورجلينها بالارض..
ميساء:اللهم طولك ياروووووووووح..افففف
رمى نفسه بجنبها وقلدها
خالد:اللهم طولك ياروووووووووح..افففف
ميساء:ثقيل دم
خالد:ثقيل دم
غمضت عيونها
ميساء:انت ليش تعاملني كيذا..؟؟؟
خالد:مادري احب اشوفك متنرفزه..اموت عليك..
فتحت عيونها
ميساء:وانا اكرررررهك لما تسوي معي كذا..


فترة صمت

التفت عليها وانتبه لدموعها اللي تنزل..عدل جلسته
خالد:ميساء شفيك..؟؟؟..
مسحت دموعها بظاهر كفها
ميساء:مافيني شيء
سحبها من يدها وخلاها تتعدل بجلستها
خالد:لا ميساء صدق شفيك..ضايقتك بشيء؟؟..ماتبين جده..
طبقت شفايفها على بعض تمنع اي احتمال للبكاء..بس ماقدرت..انفجرت تبكي ..خاف عليها ودفن راسها بصدره
خالد:حبيتي تعبانه..تبين شيء..تبيني احجزلك للشرقيه..ميساء خوفتيني شفيك..ميساء ..ميساء..
ميساء:انا متضايقه..
خالد:شاللي مضايقك قوليلي
ميساء:انت اللي مضايقني..رفعت راسها وطالعت بعيونه...خالد والله تعبت تعبت..انت ليش تعاملني كذا..انت تدري اننا للحين ماكملنا شهر مع بعض..انا اسمع البنات يقولون احلى ايام الزواج شهر العسل..وانا تعبت معااااك..ماحسستني ابد انك تحبني..دفش مررره..ماتراعي شعوري..ترفع ضغطي علشان تنبسط انت وانا بالطقاق..اهم شيء تمشي كلمتك..اترجاك بس علشان تجلس معي..حتى اذا جيت بزعل مو منحقي ازعل ..تتحكم في كل شيء..افففف
ضحك على طريقتها وهي تقول افف
خالد:هههههه يااااااربيه من هالدلوووعه..
ميساء:هذي حقوووووقي ..مو دلع..
خالد:طيب يام الحقوق..خلاص لاتزعلين مارح اضايقك..ولا بطفشك..رضيتي
ميساء:الكلام سهل
خالد:وانا ابن ابوي..هيه تراني خالد ماتراجع عن كلمتي..
ميساء:نشوف...

*****************************

عض على شفته السفليه مقهوور...وهو يمسح على شعرها بحنان...وهي نايمه ولا حاسه بشيء...
زياد:واسألهم وينهي يقولون عند اهلها...تاركينها لحالها..وهي خايفه..
يابعد قلبي..سامحيني..مادريت انك تحبيني كل هالحب..
فتحت عيونها بشويش ورفعت راسها بسرعه ..
وابتسمت وهي تقول
ليلى:الحمد الله...وصارت تفرك عيونهاباصابع يدينها...وفجأه كانها تذكرت شيء ومدت يدينها تتحسس وجهه...زيااد
زياد:عيونه..وش فيك
تنفست بارتياح
ليلى:الحمدالله..لا بس خفت يكون حلم..ربي لك الحمد اللي خلاك لي..
زياد:انتي شلونك الحين..ليه ماقلتيلي انك تعبانه..وليه فيصل ماجاك؟؟؟؟
ليلى:مافيني شيء..بس ارهاق عادي..وفيصل دقيت عليه جواله مقفل حتى خالد ..والحمد الله انا زينه...الساعه كم ..ورفعت يدها..تشوف الساعه..
اعووذ بالله..خمس الفجر...راحت علينا صلاة الفجر...
زياد:مادري ماعندي ساعه..الغرفه ظلام..ومااسمع الاذان...
ليلى:ان شاء الله ربي يغفرلنا...الحين وشلون تتوضى؟؟؟ تبيني اجيبلك طشت
زياد:ايه اذا ماعليك كلافه ولا قولي للمرضه..
وقفت وفصخت عبايتها وهي متضايقه من طقم التايير المنقاوي اللي عليها..
ليلى:وانا وين علشان تطلب من الممرضه..وبعدين اذا احتجت شيء انا مااقدر عليه اطلب من ممرض مو ممرضه...
حتى غيرتها يموت عليها..
زياد:من عيوني..واسفين على الخطأ المطبعي....

********************************

الا يـــــــام تمر وتمر...والحال زي ماهو...
طالعت بوجهها بالمرايه...وانسابت من عينها دمعه حاارقه...
للحين اثار الكدمات معلمه بوجهي...صارلي اسبوعين وللحين مااراحت...افف
وهو ماعبرني ولاحتى كلف نفسه يعتذر مني...ااااه
الحين شيسوي...وانا شبي فيه مايستاهل اللي يفكر فيه حتى...

رن تلفون غرفتها..وراحت ترد..
عبير:هلا جدتي
الجده:انتي وينتتس تاركتن لحااالي..انزلي بسرعه
عبير:ان شاء الله..الحين نازله...
راحت لغرفة الملابس تغير بجامتها ولبست قميص قطني وردي اكمامه طويله...
رن تلفون غرفتها وراحت بسرعه ترد
عبير:طيب ياجدتي الحين بنزل
وليه تاركتها لحالها؟؟؟
عبير:سليمااان...
سليمان:ايه سليمااان..امسكي ابوي يبي يكلمك
عبير:ابوي يكفي ويوفي..ماني بحاجة غيره..
سليمان:بس لو اعرف هالعوابه منين جااايتك...امسكي..
ابوسليمان:هلا عبووره وش لونك
عبير:بخير يبه انت وشلونك وبشرني عن ناصر..وتهجد صوتها...يبااه ودي اكلمه مشتاقتله
ابوسليمان:هو بخير ويسأل عنك..ان شاء الله بجيبك تشوفينه...
عبير:ياااارب تفك اسره ويرجعلنا ساااالم...
ابو سليمان:اميييين...حنا بكره او بعد بالكثير راجعين...محمد يجيكم
عبير:ايه من الدوام لعندنا على طول...ماقصر...
ابو سليمان:زين الله يعافيه...يالله تامرين على شيء
عبير:انتبه لنفسك
ابو سليمان:مع السلامه...

سكر من ليلى وزياد وهو طفشان...الشعور بالملل قاتل...يحس ان حياته مافيها شيء له معنى...
زياد ببيته..وسليمان صاير رسمي بزياده معي...وعمي من يوم اللي صار ماشفته...
ومؤيد لاهي مع اهله وقضيتهم...
تحسس ذقنه اللي مهمله وزاد من وسامته...وطلع برى مكتبه...


دخل عليها وهي تبكي...وراحت له بسرعه
ام صالح:ها بشر ضصار قدرت تشوفها؟؟؟ طمني ياااخوي..
ابو عبدالعزيز:بدري على البكاء..انتي وين كنتي عنها؟؟؟؟حسبي الله عليك..انتي بالله ام...
ام صالح:ياخوووي اللي فيني مكفيني..طمني وقوللي شاللي صااار ووش دخل سلطاان بالمووضوع...
ابوعبدالعزيز:لاتجيبين طاااريه ببيتي...وتسألين عنه وهو سبب اللي ببنتك...ضاعت البنت بسببكم...الام تاركتها على راحتها والاب مو داري عن هوى دارها..وخال امنتوه عليها..وغدر فيكم....
ام صالح:وش صار يااخوي تراك تعبت قلبي؟؟؟
ابو عبدالعزيز:تأخرتي كثيييير....احمدي ربك اللي ماضيع باقي بناتك وعيالك..وقدرتي تعالجين صالح...وتركها.

******************************

جالس بكنب جلدي اسود وكتفه ملفوفه بشاشا باين من تحت ثوبه الابيض...
دخل عليه والعسكري ماسك يديه بكلبش..
اشر له الضابط يطلع...وقال قبل لا يطلع هو بعد...
الظابط:انا اخليكم على راحتكم....

ضغط خده من داخل بلسانه وهو رافع حاجب وقال قبل لايبتسم ابتسامة سخرية وتشفي..
سلطان:انت للحين عااايش....
ابو صالح:ولك وجه تتكلم يالحقييير...
صار يتمايل بمشيته لين استقر على كنب قباله وضحك وهو يشوف التعصيب طغى على ملامح عيسى
سلطان:قلتلك من قبل..اناااا افعـــل مااتكلم...وغمز له..بس شرايك فيني ؟؟؟
ابو صالح:س#### م#####
سلطان:انتبه تغلط..تراني حذرتك من قبل وانت ماسمعتني...
ابوصالح:وانا شسويتلك علشان كل هذا ..غيوووض وش دخلها
قال بغرور وعنجهيه بانت على صوته
سلطان:قلتلك قبل بجيييب راسك...وهذا انا جبته ..مو بس جبته لااااا..انا جبته ودست عليييه...
ابوصالح:تشب يالواااااطي يالخسسيييييس..
ضحك بسخريه وهو يطالع بساعته الرياضيه..
سلطان:ههههه..ماعندي وقت ولا كان سمعت اطرائك...اسمعني زين ياعيسى...كل رياااااال اخذته مني بيرجع مدبول ثلاث اضعاااااااف..
لاتسوي نفسك شريف وبريء على حسابي...صدقني ياعيسى خلال هالاسبوع اذا ماشفت بحسابي شيء...هالصور بتنتشر بكل مكااااان...
صر على سنونه مقهور
ابوصالح:ماتقدرررر تنشرها..
بلل شفايفه وزادت توهج..
سلطان:مشكلتك ماتتأدب...تذكر يوم علمت ابوي عني وقلتله اني استقبل بنات بالبيت...خربت علاقتي ببوي وخليته يموت وهو زعلان مني...
وقلتلك يومها..بجيب بنتك عندي بالبيت..وجبتها ووريتك الصور....تذكر يوم جيتني وتطلب مني مبلغ ضخم ولا بتعلم الشرطه اني تاجر مخدرات..انا سلمتك المبلغ بس وعدتك اني برجعه منك اضعااااف..وبترجعها لي غصبا على خشمك...اسمعني زييين ياعيسى لاتحاول تلعب بذيلك من هنا ولا من هناك...لاني بطربقها فوق راسك...
والقضية بطلع منها وبرضااااك سااامع ولا صدقني بنشر الصور انت تدري اني باااايعها...
ابو صالح:ماتقدر تسوي شيء...غيوض اعترفت عليك
سلطان:ههههههه ياحليلك..مادري انت غبي ولا تتغيبا؟؟؟...انا بعد مسكين ومدمن...وقضيتي سهله لانه ماعلي شيء ولاحد قادر يثبت علي شيء....نفذ اللي قلته لك ومعاك اسبوع وانا موصي اخوياي يشيكون على الحساب وان مااالقيت شيء صور بنتك مو بس بالسعوديه ..بالعالم كله تبي تنتشر...استر عليها..اووه نسيت انه مايهمك سمعة بنتك...اعذرني..كنت اقصد استر على نفسك...يا عيسى ..ههههههههههههه

*************************













شافها واقفه وتتكلم مع وحده من الممرضات...
اخذ نفس وهو يرتب الكلام اللي يبي يقوله...واقترب منها
السلااام عليكم...
التفتت عليه وهي مستغربه...صارله ايام متغير علي...
فيصل:شخبارك نسرين؟؟؟
نسرين:انا بخير...وانت
ابتسم ابتسامه خلت قلبها يوقف..
فيصل:انا بخيير...فااضيه
نسرين:لييش؟؟؟
فيصل:لا بس قلت خلنا ناخذلنا كوفي ونسولف بالحديقه..الجو حلو ..وانا طفشان...
هي بحلم ولا بعلم...
نسرين:لا مااقدر..عندي شغل
فيصل:اوو خساره..خلاص اسف على ازعاجك
تداركت خطأها
نسرين:لا لا خلاص اسبقني وانا الحين اخلص شغلي اصلا مافي شيء مهم..
فيصل:خلاص بشربك على ذوقي....وراح
نسرين:لا هذا مو طبيعي..شفيه كذا..معقوله بدى يميل لي...يااااارب...






سبحانك اللهم وبحمدك اشهد ان لا اله الا انت استغفرك واتوب اليك
سبحان الله وبحمده سبحان الله العظيم
ب
ببح
عروس مشرقة
09-07-2011 | 02:30 PM
بسم الله الرحمن الرحيم



الجزء السادس والعشرون





((حتـــــــى التجمـــــد...))

عندما اشعر انك كقطرة دم..
قدر لها ان لا تتجاوز جدران القلب..
أكون مجبرا على التجمد..


عندما افكر فيك..
وكل خليه في راسي تتوسلني الانشغال بك..
فيصيبني الشلل..
وافقد الاحساس بكل شيء
في الوقت الذي احتاج فيه لان اشعر بك..
اكون مجبرا على التجمد..

عندما يصبح الضحك مؤلما..
والابتسامه اشد ايلاما..
واشعر انني كقطرة ماء تتغلغل بكبرياء..
في جراح الصخر..
اكون مجبرا على التجمد..


عندما يدفن الحزن مشاعرك..
ويصبح البكاء منجل..
ولا املك ان اضمك..
اكون مجبرا على التجمد..


عندما يصبح الفرح مؤلما..
والتعبير عنه اكثر الما
فلا املك الا التنفس بعمق..
اكون مجبرا على التجمد..


عندما اشتاق البوح..
وتستبد لغة الصمت..
وتتضائل نبضات القلب..
اكون مجبرا على التجمد..



عندما يطول غيابك..وانام كثيرا حتى تعود..
لا حبا في النوم ولكن..
رغبة في ان يشعر من حولي
بمدى المي..
فيحترمون جرحي
عندما لايحصل هذا ولا ذاك..
اكون مجبرا على التجمد..


عندما يزداد الحب الما..
واحتاج الى رؤيتك..
وابحث عنك في عيون الاخرين ولا اراك..
تشتد رجفة القلب..
واكون مجبرا على التجمد..



عندما تتجاوز الدموع حدود وسادتي..
وتنتحر على اعتاب سريري..
وتعجز الرياح ان تدفع ستائر النافذه..
لتجفف الارضيه..
اكون مجبرا على التجمد..



عندما يكون للكرم معنى اخر..
غير الذي الفناه..
معنى تكرهه النفس..
كتلك المضغه التي تنبض بكرم..
اكون مجبرا على التجمد...



عندما اشعر بان كل مافي الدنيا مؤلم
ولا استطيع ان احقق مااريد
واعيش كما تريد
واحلم بمانريد
اكون مجبرا على التجمد...

منقول....






نزلت جوالها على الطاوله بعد ماكلمتها سلمى..وراحت تاخذ جلال انيق علشان تلبسه فوق جلابيتها..
طالعها وهو يلعب بسبحه من العقيق مهديها له فيصل..
زياد:على وين...؟؟
ابتسمت على شكله المعصب والزهقان..
ليلى :بنزل اجيب جيك مويه...ترى موعد علاجك باقيله خمس دقايق بس..
والتفتت على صوت نوال وشموخ اللي دخلو بدون استئذان...
شموخ:هااااي...
قال بعد مازفر ..
زياد:كملت..هااي شموخ..
طالعت بليلى باحتقار وتقدمت للسرير وجلست على طرفه
نوال:شلوونك اليووم...
زياد:بخير..
مسكت الجيك بيدها وقالت وهي مبتسمه..متجاهله نظرات نوال الاستفزازيه..
ليلى:زين انكم جيتو..انا بنزل اجيب مويه..
عقدت حواجبها..
شموخ:لا تتعبين نفسك دقي على المطبخ وهم يجيبون المويه..
نوال:اتركيها القرويه تلقينها مكروفه ببيت أهلها...
ماعترض مثل العاده وسكت نوال..بالعكس سوى نفسه ملتهي بالسبحه...هي طول اليوم ياعلى التلفون ياعلى كتابها وتاركته...
خلها تستاهل..
ليلى: صدق العقل نعمه...
لاا انا ينداسلي على طرف
وقفت وهي تلتفت عليها وترفع يدها السبابه لها
نوال:احتررررمي نفسك واعرفي من تكلمين....
شموخ:نوااال هدّي..
نوال:مو سامعتها وشتقوووول..هالزفته...
عصّب بعد ماكان مستمتع بالحواار..
زياد:نواااااااااااااااال..
التفتت عليه وهي مقهووره
نوال:اييه داافع عنها انت مو احسن من اخوااانك ..وطلعت
تجاهلت شموخ وراحتله بسرعه وهي تشوفه منفعل ..جلست على السرير بجنبه ونزلت الجيك بالارض
ليلى:الله يهديك ليه تعصب والتعصيب مو زين لك...قولي تحس بشيء الحين..
زياد:هالزفته هذي لسانها متبري منها..يبيله قص..استغفر الله العظيم..
هزت راسها بملل
ليلى:ياقلبي خلاص قلتلك صرت متعوده على حركاتها..وبعدين لو بغيت ارد رديت عليها..انت ماتسمع بالمثل اللي يقول الحقران يقطع المصراان...
قال بعصبيه ممزوجه بقهر..
زياد:الا سامعه وانتي قاعده تجربينه علي..
ركّت ايد على ايد وسندت خدها على كفها..
ليلى:وش انا مجربه عليك ؟؟؟
زياد:اليووم كله حاقرتني..وتسألين بعد..
ليلى:اناااا...ياربي منك تكذب على الطاير...متى حقرتك؟؟؟
زياد:وتنكرين بعد..بالله فارقتي كتابك اليوم..والا التلفووون اللي ماسكت..اليوم اليوم سولفتي علي..جلسنا لحالنا.؟؟؟
استحت يوم قال جلسنا لحالنا وحست انها غلط بينهم..
شموخ:عن اذنكم...وطلعت بسرعه متجاهله نداء ليلى..
طالعت فيه وهي تهز راسها..
ليلى:زين كذا فشلت اختك..هذا جزاها اللي جايه تتطمن عليك وتونسك...
زياد:ايه اهربي عن الموضوع الاساسي..
ليلى:انت اليوم معصب واخلاقك مش ولابد...وتبي تخلق مشكله من لاشيء...هذا بدل ماتقولي الله يوفقك وان شاء الله تتخرجين وتفتكين ..جالس تحاسبني..
زياد:طيب خلاص روحي ذاكري...
وقفت واخذت الجيك وقبل ماتطلع قلدت صوته...
ليلى:طيب خلاص روحي ذاكري...
زياد:بنت اللذين هين..

*********************




دخل الشاليه اللي اخذه بالموفنبيك بناء على طلبها...
مالقاها داخل..طلع برى للمسبح..وشافها معطيته ظهرها وتطالع بالبحر...
عصب وهو خلقه معصب..
هرول لها بسرعه ولفها بقوه
خالد:ياااسلااااام وين حنا عايشين؟؟؟
ارمشت بعيونها
ميساء:بسم الله..وشفيه؟؟ خوفتني
خالد:وتسأل بعد وشفيه هذي اللي تبيني افقع وجهها..
شالت ايده منها
ميساء:وشسويت؟؟؟ ترى مو فاضيه لالغازك...
خالد:ليه كاشفه...
هزت راسها وكأنها تقول الحمد الله والشكر وقالت تستهزيء
ميساء:ولماذا أتغطى...بين شاليه وشاليه حااائط.....وخلفي شاليهي وامامي البحر الاحمر ولا يوووجد الا البواااخر اللي انا ياااااالله أشوفها..
يعني مثلا يااستاذ خالد اتغطى عن البحر الاحمر؟؟؟؟ولا عن الجدااار؟؟؟؟
خالد:وتتمصخرين علي بعد..انا قايل هالشاليه انا مااابيه
ميساء:لانك مووو وجه رومااانسيه..انت المفرووض تعيش بالصحراااء تنفعلك...اااففف
ودخلت

زفر وطلع جواله يحاول علّ وعسى يرد عليه...


**********************



رشف رشفه من القهوه الساده والمره..
وطلّع جواله من جيبه..
فيصل:اذا يضايقك هالشيء...ترى عاادي
نزلت كوب الكابتشينو من فمها والتفتت عليه
نسرين:لا بالعكس...وهذا رقمي...
سجل الرقم بسرعه..وحفظه..
رن جواله..وزفر
فيصل:اففف..وحطه عالصامت
نسرين:مين..سوري ماكنت اقصد..
ابتسم وهو يدخل الجوال بجيبه..
فيصل:هذي الغثيثه..اقصد المداام..
نسرين:طيب رد عليها يمكن تبي شيء مهم
فيصل:خليها تولي ماعندها سالفه..اليوم اليوم دقت علي ولا اربع مراات..وحده فاضيه..
نسرين:اقول فيصل..انت مو مرتاح معها..
شرب القهوه وهو يطالع بالبعيد..
فيصل:لا مرتاااااااحين مررره..وسعييد معها ..
رن جواله ..نزل قهوته وطلّع الجوال..تنهد وحطه عالصامت..
فيصل:نشبه...
قالت مستغربه
نسرين:وشلون سعيد معها ..ونشبه..
فيصل:انا ماالي خلقها اليوم..وبعدين مو كل الايام انا سعيد...خلينا من سيرتها..
والتفت على الصوت اللي يناديه...
:دكتور فيصل دكتور خير الله يبيك ضروري
فيصل:الحين جااي....عن اذنك نسرين...
طالعت فيه وهو يمشي لين دخل المستشفى..
نسرين:مين يصدق فيصل اللي يتحاشاني يقولي اسراره...

*****************


بعــــد المغرب..

دخل وشماغه الاحمر على كتفه وبيده كيس ويدندن..

يالله اني طالبك حمرا هوى بالي
لاروح الجيش طفاح جنايبها
لاروح الجيش حاديه اشهب اللالي
لاهي تورد وسيع صدر راكبها...


سمعت صوته وعدلت جلستها بعد ماكنت متمدده على الكنب..
محمد:السلاااااااااام عليكم...
عبير:وعليكم..
قال وهو يجلس على الكنب
محمد:ردوها بأحسن منها او مثلها...وين جدتي
عبير:دخلت غرفتها تصلي المغرب والظاهر نامت..
محمد:انتي الظاهر لو يصير فيها شيء مادريتي...امسكي جايبلك حتّت ايسكريم انما ايييه ..
فكت الكلبس من شعرها ورجعت تعدله
عبير:مشكور مو مشتهيه
محمد:انتي وشفييك...تبين فيصل كلميه واعتذري منه وبيرجعك..
عبير:وشوووو خير خير لايكون تحسبني ميته عليه خله ينقلع اصلا انا مااابيه..
محمد:بااين مرره..عبير اسمعي كلامي...
عبير:اففف محمد تراك صجيييتني خلاااص لاتجيب طاري هالمووضوع..ورن جوالها بنغمة مسج..
محمد:مطلعه جواال؟؟؟متى
مسكت الجوال وقالت وهي تناظر بالمسج اللي جاها
عبير:ماطلّعت..خالتي جابته تقول ان عامل المزرعه جايهم اليوم وجابه معه..
محمد:امي جتكم اليوم
عبير:ايه جت ولا هي راضيه ترجع تعاملني زي اول..وعقدت حواجبها وهي تقرى المسج..

((نااامي بالعسل ولا تردين علي...اليووم جالس مع وحده من الممرضات وانتي تدقين عليه وهو مايرد متعمد ويقول عنك انك نشبه..محول المستشفى لغراميات..وقفيه عند حده..وانتي ادرى بمصلحتك..واتمنى تدقين علي))


رفعت عيونها لمكان محمد الخالي مستغربه..وشتقصد دقيت عليه؟؟؟ورجعت تفتش بجوالها على المكالمات..مافيه اي اتصال..
شالسالفه؟؟؟؟ضغطت على رقم نسرين ...وجاها صوتها
نسرين:مووووو مصدقه انا بحلم ولا بعلم..اخيييرررا تكرمتي ورديتي علي يالظالمه ولا كأني صديقتك..أسبوووووعين اسبوعين ياعبير ولا تردييين...
عبير:سوري يانسرين بس الجوال ماكان عندي كنت ناسيته بالمزرعه وماجبته الا اليوم...اااه بس يانسرين لو تدرين باللي صارلي كان عذرتيني..اووه صح وش قصة النشبه مافهمت عليك..؟؟
ماسألت عن اللي صارلها لانه فيه شيء اهم بالنسبه لها..
نسرين:بلاك ماتدرين عن زووجك..الحقير جالس مع الدكتوره فداء اللي تطلقت تذكرينها..وماهمه احد وماسك يدها..
عبير:حقيير..ح##..
نسرين:وانتي المسكينه تدقين عليه وهو مطنشك..ولا يقول عنك نشبه
عبير:أناااا..متى
نسرين:قبل نص ساعه واليوم كله اصلا مارد عليك مطنشك لعانه..
عبير:مطنشني وداقه عليه..انتي شدرااك
نسرين:حبيبته هي اللي قالتلي..وبعد جانا قبل شوي قاط وجهه معنا ودق جواله وكنت قريبه منه وشفت اسمك وحطك سايلنت ويضحك مع فداء ويقول زووجتي نشبه ..اسمعي كلامي هذا مامنه فايده اتركيه وتطلقي منه..شيحدك على واحد زيه..
عبير:نسرين انا مو مصدقه..انتي شفتي اسمي اكييييد
نسرين:يوووه ياعبير اقوولك والله..اسمعي لاتقولين له اني قلتلك..تراه شافني وانا اقرى اسمك ومافي غيري يدق عليك انتبهي تقولين له..قولي ليش يطنش مكالماتك وبس..مو تنسين وتقولين ليه تقول نشبه..
عبير:نسرين مع السلامه...سكرت بوجهها ورجعت تفتش بمكالماتها..مافيه اي اتصااال..وشلون تقول انها تكلمني طول هالمده وانا مو موجود عندي مكالمات لم يرد عليها؟؟؟
وشلون شافت اسمي؟؟؟...لايكوون بس متزوج علي بالسر..ولا يعرف وحده باسمي...ااااه ياربي



*********************

عدلت المخدات اللي ورى ظهره وامه جالسه على طرف السرير..
طالعها من فوق لتحت وميل فمه زعلان...طنشته وجلست على الكرسي قبالهم..
ام فراس:هايمه مشتهي شيء على العشاء...
زياد:ايه ابي سلطة سيزر..
ام فراس:السلطه مو عشاء تبي شيء ثاني معها
زياد:ماني مشتهي غيرها
ام فراس:خلاص بقولهم يسوولك معها شوربة خضار...ووقفت بتطلع
ليلى:خالتي لا تتعبين نفسك انا بنزل اسويها له
ام فراس:والطباخ وش حضرته..
ليلى:اللي تشوفينه خالتي...
اخفت ابتسامتها وطلعت..وهي تحس بالانتصار...زوجة ابن مطيعه ولاترفع صوتها ابدا علي...
جلست مكان خالتها
ليلى:وش فيك ماد البوز؟؟؟؟
زياد:اسكتي مابي اسمع صوتك...
ليلى:طيب اخر كلمه بس..قريت المعوذات بعد ماصليت المغرب..
زياد:مالك دخل..وش يهمك..
ليلى:وشو اللي مايهمني...زوجي وحبيبي وبعد عمري ودنيتي كلها مايهمني...
زياد:روحي ذاكري بس ولا كلمي وحده من خوياتك...وناديلي نووال وشموخ...
تنهدت
ليلى:تبيهم دق عليهم...ومسكت راسها بأطراف اصابعها وضغطت عليه...رن جوالها
زياد:قومي ردي لاينتحر المتصل...
رسمت على وجهها ابتسامه وراحت للتسريحه تاخذ جوالها...
ترددت ترد ولا لأ...ورفعت عيونها له تلقائيا ورنين الجوال يوترها...
ليلى:زياد هذي عبير..
زياد:طيب ردي...واذا ماعجبك كلامها سكري بوجهها...يلا ردي قبل لاتسكر..
توكلت على الله وردت..
ليلى:..آلو
عبير:احم..مساء الخير..
ليلى:مساء النور...
تنهدت قبل لاتقول
عبير:ليلى شخبارك...واخبار زوجك
ليلى:بخير الحمد الله...انتي شلونك..
عبير:ليلى...انا...انتي مسامحتني صح..مو..
طالعت بزياد مستغربه...وراحت له وجلست بجنبه على السرير...
عبير:آلوو..ليلى سامعتني
ليلى:معك...
عبير:ليلى والله كنت مو بوعيي...مقهوره على ناصر وحطيت حرتي فيك..انتي تعرفين طبعي صح..وتدرين اني
قاطعتها
ليلى:عبير انتي اختي ولايمكن اشيل بقلبي عليك..وانتي قلتيها اعرفك واعرف اطباعك زين...خلاص انسي وحنا عيال اليوم
عبير:استغفر الله العظيم..حنا بناااااات مو عيال
ليلى:ههههه لازم تعلقين ولاماتصيرين عبير...انتي شخبارك..واحشتني يالدبا
عبير:انا بخير الحمدالله..ودي ازورك بس مستحيه من اهل زوجك..لو انتي ببيت لحالك كان جيتك...اقول
ليلى:قولي
عبير:ودي..ادق على ميساء...مادري شرايك..ادق ولا لأ
ليلى:دقي وحاولي..وحتى على خالد..وفيصل..عبير لازم تدقين على فيصل
عبير:خلاص بدق على ميساء وخالد...وانتي بعد توسطيلي عندهم..
ليلى:دقي على فيصل ياعبير
عبير:مع السلامه ليلى...
ليلى:الله يسلمك...
سحب الجوال على طول من يدها وقفله وحطه تحت الوساده...
زياد:تعتذر منك؟؟؟
ليلى:ايه...ليه خذت جوالي؟؟؟
زياد:افف بكيفي حر...روحي جيبيلي العشاء
ليلى:العشاء توه اذا جوعان اسويلك شيء خفيف
زياد:لا خلاص..بس بتجلسين كذا مارح تتحركين سامعه
ليلى:طيب بجلس بس بجيب كتابي بذاكر..حراام اخر اختبار بكره..
زياد:ايه مو متحملتني علشاني مريض..روحي روحي..
صرت على سنونها مقهوره..من يوم ماجاء من المستشفى وهو قاعدلها على الوحده..اخلاقه شانت مع الكل...متى يطيب ويفكنا...

****************************


غير طريقه ولف للشارع الثاني اللي فيه قصر عمه..
فيصل:الله يهديها ليه ماخذت علاجها..
محمد:تقول نست...تعال بس بسرعه والله وجهها مو عاجبني
فيصل:يالله هذا انا دخلت البوابه..اسمع
محمد:وشو
فيصل:خلاص خلاص
محمد:خلاص فهمت قصدك..عبير فوق نايمه لاتخاف ...
سكر الجوال وراح لقسم الحريم..وقف السياره عند الباب وترك جواله بالسياره
اخذ نفس ونزل...



كورت ايد وصارت تضربها باليد الثانيه
عبير:افف ماردو علي...مايبون يكلموني ولا ماسمعوه....كيفهم بحاول بكره...
تركت جوالها على السرير واخذت سماعة التلفون ودقت على بيت خالتها..
عبير:الووو
ام مؤيد:ياااهلا براعية الالوو هلا بحبيبة قلبي شخبارك يمه
عبير:بخير الحمد الله انتي شخبارك وش مسويه
ام مؤيد:ابد والله مو مسويه شيء...جدتك شلونها
عبير:زينه..
ام مؤيد:وانتي ماصار شيء على موضوعك
عبير:خالتي دقيت على خالد ومو راضي يرد علي...
ام مؤيد:معليش حاولي..وبعدين احمدي ربك ان ميساء رجعتله
عبير:الحمدالله على كل حال...
ام مؤيد:مالك نيه تزورينا..
عبير:لا خالتي مقدر..تدرين جدتي مو راعية طلعات ولا اقدر اخليها لحالها..انتم تعالو الليله او بكره
ام مؤيد:قبل يومين حنا عندك..
عبير:والله طفش لحالي..طيب عهود وينهي؟؟
ام مؤيد:عهود مشغوله تسوي العشاء
عبير:ههههه والله اتذكر كلامها قبل عن الطبخ واضحك...
ام مؤيد:الوحده الزم ماعليها رضى زوجها...واسمعي كلامي يابنتي الله يرضى عليك
عبير:خالتي رجاء ابي انساه..شبي فيه ..كل يوم جالسلي مع وحده ويغازلها ..خلاص بقلعته مايستاهل
ام مؤيد:يابنيتي قلتلك هالكلام كذب..هذي تبي تخرب بيتك...وعلشان اطمنك اكثر سألت مؤيد عنه وقال بحياته ماشافه جالس او حتى يعطي وجه لوحده..
عبير:هــيء..خالتي انا ماحلفتك ان الموضوع هذا مايطلع ماقلتلك خليه سر بيني وبينك؟؟؟الحين بتصير مشكله لنسرين..
ام مؤيد:لاتخافين ماقلتله شيء انا جبته كموضوع عام..يعني جرجرته بالكلام..بس..
عبير:زين اشوا طمنتيني مابي ادخل نسرين بمشاكل..
ام مؤيد:انتي مو مبهذلك الا هالنسرين..صدقيني يابنتي تكذب عليك..طيب ليش ماتسألينه وتواجهينه ..
وبتعرفين منهو الكذاب منهم...يابنيتي الطلاق شين ..وانتي توك صغيره وفيصل ولد عمك ومافي مثله..
عبير:الطلاق احسن مع عيشه مع واحد كل يوم مع وحده شكل...خالتي اذا خلصت عهود خليها تكلمني
ام مؤيد:ان شاء الله..انتبهي لنفسك يمه
عبير:مع السلامه...
سكرت التلفون ونزلت...


ساعدها تتمدد على السرير وفسر اكمام يدها علشان يقيس ضغطها
فيصل:لو انتس منتبهه على علاجتس
قاطعته
الجده:لو تفتح عمل الشيطان استغفر ربك وتعوذ من ابليس
محمد:ياويلي من هالعجوز ماتبي احد يلومه..
الجده:عجز العدو ان شاء الله الحين افتك من اخوك الموذي وتجيني انت..
حط السماعات على اذنه وصار يضغط هوى لين بدى يضيق على يد جدته...
الجده:محمد وين عبير
محمد:مادري يمكن نيمه...
الجده:رح رح صوتله ماشفته كل اليوم..مسيكينه
ضحك من كل قلبه وهو يشوف فيصل عاقد حواجبه..
محمد:هههه صادقن ابو خشم يوم سمّاتتس الذيبه...اجل ماشفتي عبير كل اليوم؟؟؟؟
شال ايده من جدته اللي رفعت ايدها وخذت العصا وحذفته بقوه على جبهة محمد...
الجده:ذيابتن تاكلك مع اخوك ياملا##...صدق انكم ماتستحوون
تحسس جبهته وكتم الالم اللي يحسه وميل بظهره وتناول العصى
محمد:انا امدحتتس الحين وفلقتيني لو اسبتتس الظاهر تكفنيني...
رجّع جهاز الضغط لمكانه وهو يقول
فيصل:تستاهل ...يلا عن اذنكم..تبين شيء يمه
الجده:وين تبي تروح حلفت الا تجلس تعشى معنا
فيصل:لاتحلفين علي تعبان وودي انام...
الجده:والله ماترووح خلاص حلفت...وصارت تطالع بمحمد بحقد...وانت قووم لعبير خله (ها)تحط لرجله(ها) العشاء..
خاف من نظراتها
محمد:ان شاء الله انتي آمري وتدللي...وقام بسرعه
راح للجهه الثانيه من السرير وتمدد عليه...
فيصل:جدتي بنام شوي واذا خلص العشاء قوموني...
الجده:مافيه نومه ..ماتدري شصار على ناصر
فيصل:دقيت اليوم على سليمان..ويقول الشيخ مو منفذين الحكم الا بعد ثلاث سنين..
الجده:يارب سترك..وليه ماخلوه بعد خمس سنين كود ان ابو محمد يمل ويعفو
فيصل:الله كريم وان شاء الله ناصر يطلع قبل هالثلاث السنين..الله يحنن قلب ابو محمد عليه...
الجده:يااااالله ياارب تحنن قلبه عليه...انا بروح ازور ام محمد
مرر اصابعه على شعره
فيصل:مو الحين خليها لين تنسى شوي وتبرد حرتها..وفتح فمه يتثاوب
الجده:سكر فمك جعلك الصلاااح...تبي الشيطان يضحك عليك
فيصل:يخسي الا هو الله يلعنه..خلاص جدتي بنام ولا خليني ارجع البيت
الجده:طيب خذ مريتك وارجع البيت
فيصل:انا مالي مره..وعدل جلسته...جدتي عشاكم مطول وانا راسي صااكن تصبحين على خير ....وطلع بسرعه...


ماسكه الريموت بيدها وحاطه رجل على رجل
خليه يتعشى وانا شعلي...
جلس بجنبها..
محمد:جدتي تقول روحي حطيله عشى..وبالمره تسامحي منه..
عبير:والله اظن فيه طباخات وفيه شغالات يقدرون يحطون له العشى ..وهو المفروض اللي يتسامح مني..مو انا
محمد:ايه اركبي راسك..اصلا يكون بعلمك هو مايبي تنفتح سيرتك قدامه ولاعنده نيه يرجعك..بس حنا بنحاول..
رمت الريموت بعصبيه والتفتت عليه
عبير:هي هي هو حاسب نفسه مييين ..من زييييييينه يحسبني ميته عليه..مالت عليه وعلى اللي رضت تتزوجه..اساسا هو اللي كان يتلززق فيني بس انا ماعطيته وجه..فكه منه ومن غثاااااه...

كان قلتيلي من قبل ماله داعي تسببين مشاكل بين ميساء وخالد..
التفتو كلهم عليه منصدمين..
فيصل:عن اذنكم....
التفت عليها وهو معصب
محمد:عاجبك ياانسه عبير..
ماقدرت تستحمل وطلعت بسرعه لغرفتها...

*********************
ب
ببح
عروس مشرقة
09-07-2011 | 02:31 PM
الســــــاعه الثانيه صباحا..

قامت من النوم مفزوعه..سمت بالرحمن وتعوذت من ابليس..
شافته نايم وباين عليه الراحه...مدت ايدها لجبهته ..حرارته طبيعيه..
بعدت الحاف عنها بهدوء.. ومشت بشويش..فتحت البلكونه وطلعت..
كل شيء حولها ظلاام...مافيه ولا صوت ..رفعت عيونها للسماء..
وحست بوحشه..جلست على كرسي خوص فيه خداديات بيضاء..
وجمعت رجلينها لصدرها وركت ذقنها على ركبها..ونزل شعرها على وجهها..
وبدى صوت الدكتور جلال يتردد بأذنها..
جلال:نصيحه..لاتتعلقين بأحد..
لاتتعلقين بأحد
لاتتعلقين بأحد
لاتتعلقين بأحد
رفعت وجهها للسماء وهي تتذكر الحلم...
كانت تمشي بسرعه ..صقعت حجر برجلها وطار صندلها بعييد..
وقفت بمكانها وهي تراقب وين ممكن يروح الصندل..ورجعت تطالع برجولها وشافته بجنبها..لبسته وكملت طريقها...
ليلى:لييه خايفه..ليه الاحساس دايما يجيني...اعوذ بالله يارب سترك...
سمعت صوت وبسرعه دخلت...
ولّعت الاباجوره وراحتله..كان يئن...حطت ايدها على جبهته وكانت ناار..
خافت..لايكون بس بيموت قبل شوي مااافيه شيء...
ليلى:زياد ..زياااااد...زيااااااااااااد..
زياد:همم..
نزلت دموعها غصب عنها وتركته وطلعت تستنجد بأحد...

كانت تكلم زوجها على المسن..سمعت طق الباب..
تماضر:نوال ادخلي...
فتحت الباب بسرعه
ليلى:تماااضر الحقييينيي
رمت السماعات من اذنها
تماضر:ليلى!!!وش فييييييييه
ليلى: زياد تعالي تعالي....


***********************


صفطت السجاده بعد ماخلصت من صلاة التهجد...
شافت الحاف طايح على الارض كالعاده..شالته وغطت خالد..
وطلعت للصاله..كانت الاناره خافته ومعطيه جو حلو مع الرخام السكري والكنب السكري..
وواجهه زجاجيه تطل على المسبح وعلى البحر...وبالنص فيه طاولة طعام كبيره...
جلست على اطول كنبه ومددت رجلينها...اليوم هي زعلانه من خالد..ولا كلمته..يستاهل..
كل شيء عنده ممنوع...امسك ايده برى ممنوع..افتح عن عيوني ممنوع...حتى اللعب بالملاهي ممنوع موديني للملاهي اتفرج بس..
خذت مجله مرميه بجنبها عن صيف جده العام الماضي...تفرجت على الفعاليات اللي كانت..ورمتها..
ميساء:ياربي شفيني متضايقه؟؟..حاسه ان فيه شيء..؟؟ لايكون بس امي ولا ابوي فيهم شيء؟؟؟ او فهد..يااربي..
ليه مارجعتي تنامين؟؟؟
التفتت عليه ورجعت تطالع بالواجهه
ميساء:مو جاييني نووم...
جلس بكنبه بجنبها...وهي استحت وعدلت جلستها...
خالد:ماتعشيتي...تبين اطلبلك عشى..؟؟
ميساء:مو مشتهييه..
رتب حاجبه اليمين بيده
خالد:طيب..زعلانه..
ميساء:ويهمك..انت اصلا زعلت ولا مازعلت بالطقاق..
خالد:مو طقاق واحد..طقاقين..
طالعت فيه ببرود وهو راسم ابتسامة غرور..
ميساء:شكرا..
خالد:لا شكر على واجب حنا بالخدمة...
وقفت بتطلع للمسبح
خالد:على ويين؟؟؟
ميساء:بروووح اتنفس هنا ماافيه هوى
خالد:مشاء الله وبتطلعين بلبسك هذا؟؟؟
كانت لابسه بجامه حرير لحمي منقطه باللون الليلكي وبدي قطن لحمي وعلى اطرافه كلفه دانتيل ليلكي
رجعت للغرفه واخذت لها روب ولبسته فوقه وطلعت
كان بنفس مكانه وبنفس جلسته
خالد:على وييين على وييين
ميساء:وش باقي بعد البسه..تبيني اتغطى والبس عباتي مرره وحده..يمكن الهوى بعد رجال..
اشر بيده
خالد:ارجعي ارجعي وبلا كثرة كلاام..انا الظاهر بطلع من هالشاليه احسن واريح...
ميساء:اطلع وفكني من وجهك بالمررره..
خالد:وانتي معي ياحلوه..مقدر استغني
حقرته وطلعت للمسبح ولحقها...
جلست على الحاجز اللي يفصل البحر عن الشاليه والامواج تضرب بقوه على الصخور
جلس بجنبها
خالد:حلو الجو..
سكتت ماتبي تتكلم...هي تحس بضيقه وهو جاء كمل عليها...
خالد:تراني اتكلم..ردي علي..
ميساء:كلّم الرجال اللي حولك..اللي تشوفهم وانا ماشوفهم..ومخليني اتغطى عنهم
ماقدر يمسك نفسه
خالد:هههههههههه..ياااحلوووك وانتي متنرفزه...
التفتت عليه وقالت بجديه
ميساء:خالد ممكن تتركني لحالي..
خالد:زعلتي
ميساء:وليش ازعل قايل شيء يزعل...بلييز خالد ابي اجلس لحالي
خالد:واذا قلت لأ
ميساء:عادي ..مو غريبه عليك..
افتشل وتركها لحالها
ميساء:يااربي ليه قلبي يدق بسرعه..ليه احس انه فيه شيء...


***********************

مسح دمعه وحيده خالفت الاعراف والتقاليد الرجوليه
ودفن راسه بين يدينه..قهر ان دمعته نزلت..وكبريائه انجرح..
يسمع عن الطلاق بس عمره ماتوقع انه بيجربه...يسمع عن معاناة المطلقين..بس ماتخيل انه بيوم بيعاني معاناتهم...
فيصل:وهذا انا شعوري معها عاادي..اعاني ..شلون ناصر؟؟
ليلى شلون عدت من هالمرحله..غير معاناة الطلاق والخيبه كان الكل ضدها...اااه..
ليه مالي حظ؟؟..شمعنى انا؟؟..ليه يصيرلي كذا؟؟...كنت احسبها تحبني واللي صار بسبب نسرين وطلعت تكرهني..
واللي احبها نستني وعاشت مع غيري وخلتني اتعذب...افف ليتني ماتزوجت..ليتني ماتزوجت...
سمع صوت آذان الفجر
الله اكبر الله اكبر
الله اكبر الله اكبر
اشهد ان لا اله الا الله
اشهد ان لا اله الا الله
اشهد ان محمد رسول الله
اشهد ان محمد رسول الله
حي على الصلاة حي على الصلاة
حي على الفلاح حي على الفلاح
الله اكبر الله اكبر
لا اله الا الله..
مسح وجهه بيدينه بعد ماردد مع المؤذن..وقام يتوضى...

*************************



ارتحتي الحين خوفتيني على الفاضي..قالتها وهي تطلع من الغرفه
ليلى:سوري تماضر ..بس مادري شفيني ..سوري مره ثانيه
ربتت على كتفها وقالت بابتسامه
تماضر:ام اللووول شفيك امزح معك..خلاص الحمد الله خفت حرارته الحين ارجعي نامي وراك جامعه
ليلى:ان شاء الله...تصبحين على خير...
تماضر:وانتي من اهله...
سكرت باب الجناح ودخلت..
حطت ايدها على جبهته وحمدت ربها...
جلست بجنبه على السرير...ودها تنام بس النوم طار منها...ولا تقدر تذاكر بهالاضاءه الخافته ولاتقدر تتركه...
تخاف يصيرله شيء وهي بعيده عنه...
قعدت على الحال لين صارت الساعه سبع الا ربع...
راحت تاخذ لها شور سريع ولبست على الطاير...طلعت من غرفة الملابس وراحت للمكتب واخذت ملزمتها
وحطتها بالشنطه وطلعت...دقت الباب على تماضر بس مافتحتلها واظطرت تدخل
لقتها نايمه وقومتها
ليلى:تمااضر..تمااضر
تماضر:همم شتبين ام اللول
ليلى:ههه والله ادري ازعجتك بس بروح للجامعه وزياد ماعنده احد ..روحي نامي عنده الله يخليييك
تماضر:يوووه ياليلى تراك معطيته وجه ومدلعته انتي كذا بتخربينه
ليلى:تمااااضر بليييز ولا ترى مو رايحه للجامعه بليييز
تماضر:طيب طيب..ووقفت وعين مفتحه تشوف الطريق والثانيه مسكره وضامه الحاف لها وشكلها مبهذل...
دخلت جناح ليلى ونامت على الاريكه على طول..
ليلى:تماضر ارفعي راسك بحطلك الخداديه
تماضر:مو لااازم..خلاص روحي وحطي ببطنك صيفي بطيخه
ليلى:ههههه صيفي بطيخه...نامي نامي...
راحت لزياد وغطته زين وحبت جبهته واستودعته الله واخذت المنبه اللي بجنبه وعيرته على وقت العلاج وحطته جنب تماضر وطلعت...
وهي نازله مع الدرج التفتت لمصدر الصوت المبحوح والغريب بالنسبه لها وانصدمت...
بانت الرجفه بعيونها وهي تطالع بليلى وبنظراتها للشخص اللي معها..
شموخ:ليلى!!
تمسكت بالدرابزين بقوه لدرجة البياض..وطالعت بالشخص اللي بجنبها باحتقار
ليلى:يااالله صبــــاح خيييير..هالاشكال هذي شجايبها هنا؟؟؟
هيفاء:اقول اقضبي طريقك وابلعي العافيه..تراني مروقه ومو فاضيه لكلامك...
زادت عصبيتها اكثر لما سمعت كلمة مروقه
ليلى:مروووقه؟؟؟؟
هيفاء:حبيبتي امشي امشي تأخرنا...
ومرو من عندها...ونزلو تاركينها مصدومه...
*******************

نزّل الجريده على الطاوله اللي قدامه..
وقال وهو يشيل النظاره الطبيه من عيونها
مؤيد:انا ماكنت ابي الفضايح..بس مافي غير هالطريقه...طول عمرها تنضرب وتدخل المستشفى وتطلع بكل هدوء..
مافيه احد وقفه عند حده..
الدكتور جلال:على قولتك مثل هالقضايا لازم تنتشر وتصير قضية رأي عام علشان يقدرون يوقفون ابو صالح واشكاله..
مؤيد:تدري شيء يقهر...حقوق الانسان والشرطه والمحكمه..ماتحركو الا لمن نشرنا الصور بالجرايد..
جلال:ياشيخ احمد ربك انهم تحركو وهي حيه..اغلبهم توفو وهم ماتحركو...
مؤيد:ان شاء الله نقدر ناخذ حقها منه...وان شاء الله ترجع زي اول واحسن
جلال:مؤيد هذي سنين من المعاناة فلا تتوقع انها بتتعالج بهالسهوله..لازملها علاج جسدي ونفسي طوييل..
راح لهم وبيده كوب قهوه
فيصل:السلاااااااااام...وسحب كرسي وجلس
جلال:وعليكم السلاام...وطالع بساعته..عندك مناوبه اليوم
فيصل:لا والله بس قمت بدري وجيت...
مؤيد:ااااه يازين النوووم...
فيصل:مابقى شيء وتطلع..واشبع نووم
مؤيد:لا ويني وين النوم..عمي ابو عهود اليوم نتايج تحاليله ولازم اروح معه
فيصل:عاد بشرنا مو تنسى..عندي احساس انه بيطيب
مؤيد:امين يارب العالمين...
جلال:اقول فيصل تنصحنا نتأهل ولا لأ؟؟
فيصل:خلك ببيت اهلك احسن..العرس وجع راس وغثى
مؤيد:ههه فيصل شكلك متعقد..ترى بعلم المدام وبتتوهق
فيصل:اكبر همي...
تكلم بجديه
جلال:فيصل مو مرتاح بزواجك؟؟؟
فيصل:لا...انا طلقتها خلاص
مؤيد:طلقتها!!!!!!
فيصل:ليه ماتدري؟؟ ..ورشف من القهوه
مؤيد:توي ادري منك..ليش؟؟؟
فيصل:صارت بينا مشاكل..
جلال:طبيعي بتصير مشاكل ببداية الزواج..بس حلها مو بالطلاق..
فيصل:ماكان عندي حل غيره..
جلال:الطلاق عمره ماكان حل..الطلاق هروب من المشكله..ممكن اعرف وشهي المشكله يافيصل؟؟؟
عقد حواجبه
فيصل:مادري..
جلال:وعلى اي اساس قلت ان فيه مشكله وانت اساسا مو عارف المشكله..
فيصل:قلتلك فييه مشاكل بس مادري شالاسباب...ماتوافقنا مع بعض..هي شرق وانا غرب..
لاهي راضيه تفهمني ولا انا راضي افهمها...حاولت معها بس ماقدرت..وبصراحه مليت..
جلال:اكيد فيه مشاكل..انت من المريخ وهي من الزهره..
فيصل:هههههه والله تصدق نسيت اقرى هالكتاب..
جلال:مافاتك شيء اقراه وبتفهمها اكثر...وحدد مشكلتك واذا تبي حلول انا بالخدمه..وان شاء الله ترجعون لبعض..
فيصل:لا لا مالها رجعه..خلها بعيد احسن لي..ولها..ماحنا متقبلين بعض..
جلال:تذكر حسناتها وبتتقبلها
فيصل:لا تحاول ونصيحه لاتجربون الزوااج..
*******************
الســــــاعه العاشره صباحا..
طلعت من الامتحان وبجنبها تهاني تمشي وحاطه يدها على بطنها الكبير..
تهاني:الحمد الله واخيييييرا تخرجناااااا وااااااااااااااااااي مو مصدقه
ليلى:ايام وسنين مرت وكأنها لحظه...تتذكرين غدير وميساء وخططنا اذا تخرجنا...
غدير اختفت ونستنا وميساء تخرجت قبلنا...
تهاني:اي والله من يصدق اننا بنفترق...انا مو قاهرني الا غدير ..قطعت فجأه ..وهانت عشرتنا
ليلى:ماندري عن ظروفها..الله يوفقها بحياتها...وانتي يالدبا لا تقطعييين
تهاني:لا تخافين وان قطعت بيتي تدلينه طقي على الباب وابد بتلقين اللي يفتحلك..
طلّعت جوالها من الشنطه ودقت على شموخ..اللي جاها صوتها مع ثاني رنه
شموخ:ايوه ليلى
ليلى:شموخ يلا السواق برى..
شموخ:للحين ماخلصت
هي تدري ان ماعندها اختبار وجايه استهبال للجامعه
ليلى:بس فيه غدى كبير مسوينه اليوم دقت علي خالتي قبل شوي وقالتلي اقولك..لازم نرجع بدري يالله يمدينا نتكشخ
شموخ:اوكيه اوكيه القاك عند البوابه...باي
تهاني:عندكم غدى
ليلى:لا ماعندنا بس ابغاها ترجع بكسر راسها..فيني حره ولازم اطلعها فيها..


لبست شبه العبايه وحطت طرحتها على اكتافها
شموخ:سي يو حبيبي
هيفاء:لاتنسين اللي اتفقنا عليه
شموخ:ضروري يعني والله خايفه
هيفاء:لمصلحتك..علشان ماتفتح فمها بكلمه
شموخ:اوكيه بحاول ادبرها اليوم..خايفه تقول شيء لامي..
هيفاء:لاتخافين مارح تقول..انتي بس دبريلي الصور وبترتاحين..هالزفته تجاوزت حدها معي
شموخ:صار...يلا بااااي..
*********************


رشت عطر اسكادا على رقبتها وتركت شعرها مفتوح..
لابسه بدي ابيض مع عقد لولو ابيض وتنوره بيضاء غجريه لنص الساق
وصندل ربط ابيض..مكياج خفيف بلون البينك اظهر نعومتها..
شافت ساعة الحائط وابتسمت بمكر..وطلعت من غرفتها..
دخلت الجناح وهي تسمع اصواتهم..
نوال:صبااااااااح الخييييييييييييييييير..
تماضر:هلا صبااح النوووور
ام فراس:اليوم مبكره بالقعده..
نوال:نمت بدري امس...وراحت للجهه الثانيه من السرير وجلست جنبه مايفصلهم الا خداديتين..
طالعها بابتسام
زياد:للحين زعلانه يالدباا
نوال:لا خلااص..اصلا قلبي مايطاوعني ازعل عليك..ومسكت ايده..شلونك اليوم
زياد:الحمد الله بخير...
تماضر:ياعمري على ليلى مادري شسوت بالاختبار..والله ماانسى روعتها عليك..
ام فراس:هالبنت دخلت قلبي..متربيه ..وتعرف السنع
نوال:خالتي هالاشكال لاتغرك..جربنا نوف وزهوه..المفروض يصير عندك خبره
سحب ايده منها
زياد:نوال وبعدين معك انتي شفيك عليها قلتلك موووو زيهم
قربت من اذنه وهمست
نوال:اغااااار عليك افهم
سكر عيونه ورجع فتحهم..يبي يستوعب اللي قالته واللي هز كيانه
تماضر:نوال شعندك على زياد شقلتيله
نوال:ماقلت شيء..خلي عنك اللقافه..ايمان وينهي؟؟؟
تماضر:راحت لبيت جدتها..بتقعد كل اليوم عندهم..
ام فراس:بعد قلبي هالبنت...زياد يمه شفيك؟؟
عقد حواجبه والتفت على امه
زياد:يمه فيني النوم ممكن تتركوني
تماضر:والله انا مو ميته علييك بس فيه ناس بيذبحوني اذا تركتك..
ابتسم وهو يتذكر طيفها اذا عصبت
زياد:لا تخافين على مسؤلييتي...
***************
سكرت الباب وراها وفصخت نقابها..
ليلى:قداامي اشوف كلامي للحين ماانتهى معاااك..
شموخ:انتي مااااالك دخل ساامعه..وهين والله لوريك تكذبين علي وتقولين فيه غدى..
ليلى:شين وقواية عين..ليه حرمتك من جلسه غراميه يا محترررمه..ماكفاك امس؟؟؟؟
خير خير شهالصرااخ
قالتها وهي تنزل من الدرج..
ليلى:خالتي!!
تماضر:شفيكم ؟؟؟
عضت على شفتها السفليه خايفه..لايكون بتقول؟؟ وصارت تطالع بليلى
ليلى:ماصار شيء..عادي هواش خوات..انا كنت تعبانه وبرجع للبيت ورجعتها غصب معي وهي تبي تجلس مع صديقاتها..
نوال:والله اذا صرتي تمونين تهاوشي على كيفك..انتي مالك كلمه على شموخ سامعه
التفتت على بنتها
ام فراس:شموخ هذا اللي صار
شموخ:ها..ايه..
تماضر:وانتي زعلانه على وشو صديقاتك مو طايرين بس ليلى تعبانه ..ليلى روحي ارتاحي
ليلى:اسفه على اللي صار..وراحت لخالتها وحبت راسها..عن اذنكم...
كشت على ظهرها
نوال:ماااالت على هالوجه..تسوي نفسها بريئه..
تماضر:نوال تراك زودتيها البنت ماسوت شيء
نوال:يعني انتظرها تسوي شيء...
دخل فراس
السلااااااااام عليكم
وعليكم السلااااام
ام فراس:جاي بدري اليوم اجل وين ابوك
فراس:لا انا استأذنت ساعتين اريح شوي واتغدى معكم..فيه عندي خبر بيفرح نوال
نوال:خير
فراس:عمي الليله بيجي..
نزلت عيونها بالارض..ونحتت ابتسامه هزليه على وجهها..و
انسحبت بهدوء وطلعت لغرفتها..
اسودت الدنيا بعيونها يوم انذكر طاريه..الوحده تفرح اذا قالو ابوك بيجي..وهي تكتئب..
رمت نفسها على السرير..
كل المعاناة اللي عاشوها بسببه..اهماله لنا ..ديكتاتوريته..مغامراته النسائيه وخيانته لامي..
حياتي البائسه..حرماني من اختي بسبب تسلط نسيب داري ان ابوي مو موجود..عيشتي عاله ببيت عمي..
وش جايبه الحين؟؟..جايب مصيبه معه اكيد..

**********************
دخلت الجناح وسكرت الباب وراها وهي تسمّي..
مشت بشويش خايفه يكون نايم وتزعجه...
اول مادخلت الغرفه وقّفت وهي مستغربه...
ليلى:السلام عليكم ورحمة الله وبركاااااته...ومشت لعنده..وهي تلوح بيدها...ولا انتبه لها..
جلست على السرير ومسكت يده..زيااااد وشفيك..
انتبه لها و
نزل عيونه من السقف اول مامسكت ايده وصار يطالع بعيونها..
استغربت من حاله..
ليلى:حبيبي شفيييك..
زياد:ولا شيء..شسويتي بالاختبار
حررت ايدها منه وشالت الطرحه من كتوفها وسفطتها وهي بحظنها
ليلى:نقول ان شاء الله انجح..الدكتوره طيبه..و....زيااااد شفيييك؟؟؟
عقد حواجبه
زياد:مافيني شيء قاعد اسمعك..كملي
ابتسمت وقرصت خده..
ليلى:انا اعرف اذا كنت معي او لأ..قولي شفيك؟؟؟
اصطنع ابتسامه
زياد:فيني النوم بس..
تنهدت اول ماجاب طاري النوم
ليلى:انا مو بس فيني نوم..انا جوعاااااانة نووم..بروح اخذلي شاور منعش وبنام..تبي شيء حبيبي..
زياد:سلامتك..
قامت من عنده وهي تطالع بالسقف..ورجعت تطالع فيه وهي تقول
ليلى:بغطي السقف مو احسن
زياد:ليش؟؟
ليلى:لانك من اليوم تطالع فينه وانا مرتن اغاااااااااااااااااار...ودخلت غرفة الملابس وهي تسمع ضحكته..
*******************
حطت قلوس على شفايفها وهي تقول
يررفع الضغط..خلاص مابيه ماااابيه..دفش دفش
ريم:ارسيلك على بر..مره تقولين تحبينه ومره ماتبينه..
نزلت القلوس بعصبيه
ميساء:لا لا خلاااص مااابيه..قررت ومارح اترااجع..تخييلي طول امس وانا زعلانه ولا راضاني..ويقولي بالطقاقين بعد..
والصبح مفطر من دوني وطالع مادري وين ولا كلّف نفسه يعطيني خبر..حتى اتصال ماتصل..
ريم:انتي الظااهر تبين كل ايامك عسل..الواحد يعني مايمل مايطفش مايزعل مايتكدر..تبينه كل يوم يقولك حبيبتي قلبي عمري
تنهدت
ميساء:مابيه يقوللي كذا بس مابيه يزعلني..انا مابي هالعيشه..انا طول عمري احلم وشلون تكون حياتي..ومو هذي احلامي اللي عشتها...
ريم:ميساااااء لايكون بتتطلقين علشان فييييصل!!!!
بلعت ريقها بصعوبه وتخربطت مشاعرها فجأه..ليه هالرجفه اللي تحسها..معقوله كانت تلبي مشاعرها اللي تخفيها بدون ماتدري...قالت وهي تحاول تسيطر على رجفة ايدها
ميساء:ريم شهالكلااام؟؟؟
ريم:ميساء قوليلي الصدق..انتي يوم فيصل متزوج خالد كان زوج مافي مثله..صحيح ماكان معجبك ميه بالميه بس مافكرتي ابددا بالطلاااق..والحين بعد ماطلق عبير تبين تتطلقين..فسريلي؟؟؟
غمضت عيونها وهي تسمع نبض قلبها اللي زادت دقاته ونزلت دمعه حارقه مختلطه بالكحل الاسود اللي علّم على خدها الايمن
قالت تكذب احساسها وتكبته..
ميساء:لو هذا تفكيري كان مارجعت لخالد عقب اللي صااار..على الاقل بتكون فرصه لي اني اتركه ومحد بلايمني
ريم:ميساء انا ماقلت هالكلام الا من خوفي عليك..فاهمتني صح
ميساء:طيب ريم اكلمك بعدين
ريم:يعني زعلتي من كلاامي يالدبببا
ميساء:لا مازعلت..تمونين مدام ريم..
ريم:لوو سمحتي اسمي حرم فهد..
ميساء:هههههه..طيب ياحرم فهد..
ريم:ايه سمعينا هالضحكه...ميساء ياقلبي انتبهي تجيبين طاري الطلاق قدامه..تراها تجرح الرجال مهما كاان..
ميساء:طيب
ريم:وشو طيب..
ميساء:مارح اطلب الطلاق ارتحتي
ريم:وتبقين على هالحاااله..بدون ماتحلين مشكلتك معاه...
ميساء:مو انتي تبيني اجلس معاه
ريم:وانتي تعتقدين ان الطلاااق حل..ميساء الطلاق مو حل الطلاق هروووب من مشكله..
ميساء:طيب يام الحلول عندك حل..نوريني
ريم:عندي بس ابغاك تطبقينه بكل حذافيره سامعه..
ميساء:طيب...
*********************



الســــــاعه الواحده والنصف ظهرا..
طالع بالساعه اللي معلقه على الجدار ..تأخر الوقت..لازم يصحيها تصلي الظهر..وبنفس الوقت شفقان على حالها..
مد يده لوجهها ومرره على كل ملامحها..الشحوب والصفار والارهاق باين عليها..طول الليل تسهر معي ومن الصبح تكون قايمه..
والاختبارات وهمها..وكله وماشتكت..اخلاقه المتأزمه وزهقه الدايم ومقابلته له بابتسامه..
انقلبت للجهه الثانيه
حاول قد مايقدر يقرب منها وهمس بأذنها
زياد:حبيبتي..لوولي..لووولي..
ليلى:همم..
زياد:حبيبتي..حبيبتي الساعه وحده ونص..ماتبين تصلين الظهر..
فتحت عيونها بصعوبه وهي تحس بصداع شديد..كانت مرهقه..التفتت عليه
ليلى:الساعه كم؟؟
زياد:وحده ونص..
شبكت يدينها ببعض ورفعتهم فووووق وهي تستغفر كتمت تثاوبها ودمعت عيونها..
رفعت نفسها عن السرير..وشعرها متبعثر والتفتت عليه
ليلى:ماصليت الظهر؟؟؟
مد يده ورجع كتله من شعرها لورى..
زياد:لا صليت بوقتها..بس ماقومتك علشان تشبعين نوم
تنفست بعمق وشالت الحاف عنها وقامت تتوضى وتصلي
رجع طالع بمكانها وهاجمه صوت نوال وهي جالسه بنفس المكان..
((نوال:اغااااار عليك افهم...))
عقّد حواجبه وهو متضايق وقال بصوت عالي
زياد:أستغفر الله العظييم..استغفر الله العظيييييم...
مرّت ربع ساعه وبعدها حس بريحه يعشقها تهاجم انفاسه..
التفت ولقاها بجنبه..
زياد:تقبل الله
ليلى:منا ومنك صالح الاعمال...بروح اجيبلك الغدى..
زياد:انا تغديت جابتلي امي الغدى..
ليلى:الباب مقفل؟؟؟شلون دخلت خالتي؟؟..
زياد:لا مو مسكر..ودخلت عادي..
حطت يدها على فمها تمنع شهقتها
ليلى:دخلت وانا نايمه وشكلي كذاااا.
زياد:وشفيه شكلك يجنن..وبعدين امي مو غريبه..
حطت يدينها على صدرها فوق بعض
ليلى:زيااد انت بتجلطني ..خالتي تدخل وانا نايمه ولا ببجامتي هذي
(كانت لابسه بجامه حرير لؤلؤي طويله مع بدي))
زياد:طيب وش فيها بجامتك..حلوه وتهبل علييك..عااادي مافيها شيء هذي امي بعدين لاتخافين ماكان طالع شيء منك..انا غطيتك زين ودخلت..خلاص لولي لاتطولينها
رمت نفسها بقوه على المخده وتغطت بالحاف وشدته عليها
ليلى:انت غريب اطواار..ماتغار علي ابددا..احيانا اشك انك تحبني..
ابتسم بعذوبه ومد يده لشعرها وبدى يلعب فيه
زياد:انا امووت فيك..بس كل واحد له وجهة نظره..
ركزت بعيونه
ليلى:اللي تبيه انا اسويه..ووجهة نظرك احترمها..بس كل شيء له حد..
اخذ خصله من شعرها وبدى يلعب فيها بخشمها
زياد:لا بس اليووم بتنفذين طلبي..
بعدت ايده عن خشمها
ليلى:وشهو الطلب
زياد:عمي عشاه الليله عندنا..وبتحضرين
ليلى:ابو نوال..ياحليله اخيرا جاء
زياد:والله يستر من جيته..
ليلى:ليه
زياد:لا ولا شيء..
ليلى:اكيد نوال بتطير من الفرح..مسكينه كم لها ماشافته..الا اقول زياد
زياد:قولي
ليلى:نوال تروح لامها؟؟
زياد:ليش تسألين..
ليلى:ودي اعرف كل شيء عنها..ماعمري سمعتها تجيب طاري اهلها..وانا مااعرف الا ان ابوها مسافر وماسك فرع لشركتكم بجده وامها تطلقت منه واختها متزوجه وماتجيكم كثير..
زياد:وكل هذا وتقولين ماتعرفين..؟؟؟
بعدت يدينه عن شعرها وهي تبتسم..وانقلبت على ظهرها
ليلى:بصراحه دخلت قلبي مرره مادري ليش..وهي مادري شفيها علي ماتأقلمت معاي..مو نفس تماضر وشموخ..
زياد:بتتأقلمين معها قريب..
ليلى:ان شاء الله...يلا نام علشان انام
زياد:ههه انتي نامي وماعليك مني
انقلبت على جنبها الايمن وسحبت يده وحطته تحت خدها..
ليلى:بتنام غصب عنك..انا مو جاييني نوم وانت تفكر بمادري مين..يلا يلا نام
غمض عيونه
زياد:وهذي نوومه..
ليلى:يووووه نسيت الباب ماقفلته..
كانت بتقوم بس منعها صوته
زياد:نامي نامي محد داخل بدون مايستأذن...الباب مسكر يكفي
قالت وعيونها بدت تسكر غصب عنها..
ليلى:والله حتى انا عااجزه اقووم...وراحت بنوم عميق...
****************************


سلّمت على عمها وحبت راسه..قالت بصوت خجل ووجه مورّد..
عبير:كيف صحتك عمي
ابو فيصل:الحمد الله انا بخير..انتي شلونتس..احتريناتتس على الغدى ويقولون انتس نيمه
ماتدري شتقول او حتى شترد..رجعت خطوتين على ورى ووجها له..
وجلست على الكنب..
عبير:ايه..انا صايره اسهر هالايام...
الجده:قوومي يامال العافيه صبي لعمتتس القهوه
صار وجهها احمر من الفشيله..قامت بسرعه ومسكت الترمس وصبتله فنجان..
اخذ منها الفنجان وهو يقول
ابوفيصل:لا ماعليه خلااف..الشيخ حكم بثلاث سنين بس اذا مارضى ابو محمد بالصلح نقدر ناخذ تمديد..وان شاء الله مانضطر لهالشيء..ان شاء الله يحن على ولد اخوه ويفرج عنه...
الجده:انا قلت لفيصل ابنهج لام محمد كود انها تحشمني وتوافق على الصلح..
جلست وبحضنها الترمس
عبير:عمي الحين اذا ام محمد تنازلت يطلع ناصر؟؟؟
ابوفيصل:ايه يصير علينا ندفع الديه الشرعيه...يايمه حنا بنسوي كل شيء علينا..بس مو الحين اكيد للحين هي زعلانتن على فراق ولدها..وقلبها شايلن علينا..وهز الفنجان بيده
قامت بسرعه وتناولت الفنجان وهو يقول ..بس بس..
عبير:اصبلك شاهي عمي
ابوفيصل:لا لا تصبيلي..يلا انا بروح للشركه
الجده:وش يوديك للشركه ماني خابرتك تداوم بالظهر
ابوفيصل:هذاك يوم ولدي سليمان فيه..الحين مافيه غيري انا ومحمد..يلا يمه تبون شيء
الجده:ايه ياولدي لاتنسى تكلّم فيصل يرجع مريته اخوك ماهو ناقص اللي فيه مكفيه..
ابو فيصل:ان شاء الله يمه تامرين ..مع السلامه...
اول ماطلع نزلت الترمس على الطاوله بعصبيه
عبير:جدتي ليه قلتيله كذا..انا مااااابيه ليه ماتفهمين..الحين يحسبني قاطه نفسي عليه
الجده:ايه وتبين تقعدين مطلقه عندي..اهجدي بس غلطانتن على الرجل وتتشرط..قومي ساعديني بروح اقيّل بغرفتي
راحت لجدتها ومسكت يدها تساعدها
***********************
ب
ببح
عروس مشرقة
09-07-2011 | 02:32 PM
نزّل الملف اللي بأيده ورد على الجوال..
نعم..قالها وهو يمسد جبهته..
خالد:السلاااام عليكم ..
فيصل:وعليكم السلام..
خالد:شخبارك..
فيصل:الحمد الله..انت شلونك
خالد:انا مو صاير بخير لين ترضى عني..
فيصل:انا عندي حاله الحين..مع السلامه..وسكرها بدون مايسمع اعتراضات خالد..

ضغط على الجوال مقهور من يوم اللي صار وهو يحاول فيه..يكلمه عادي بس اذا فتح سيرة هالموضوع قال عندي حاله...
وفتح باب الشاليه وهو يزفر
قال وهو متضايق قبل لايسكر الباب وراه
ميساااااااء..
كانت جالسه بالصاله بتنوره ستريت لتحت الركبه لونها زيتي
وتوب خليط من الزيتي والتركواز وعقد تركواز طويل وخاتم بفص تركواز..
حاطه رجل على رجل وتقرى المجله..
ابتسم اول ماشافها ومشى وهو يشد على رجله اليمين من التعب..
خالد:السلاام عليكم..
رفعت عيونها عن المجله وطالعت بشكله..كان لابس سبور بنطلون اسود برموده من نايك وبلوزه كت ابيض من نفس الماركه..وكاب اسود...ورجعت نزلتها للمجله وهي تقول
ميساء:وعليكم السلااام..
جلس جنبها وشال الفوطه اللي محاوطه رقبته وحطها بحضنه..
خالد:تأخرت عليك..
ميساء:لا..
خالد:طيب اطلبي الغدى على مابال اخذلي شور باااارد..اليوم تعبت وانا العب الجيم
طرت على بالها فكره..نزلت المجله والتفتت عليه..
ميساء:وشلون مافكرت فيها..
خالد:وشهي؟؟
ميساء:اني اروح للجيم..حاسه وزني زايد هالايام..
خالد:لا زايد ولا شيء..يتهيألك..
ميساء:يعني انتظره يزيد..
وقف وهو يقول
خالد:وشوله جيم وخرابيط انتي جايه هنا تتمشين مو تسوين رياضه..وعطاها ظهره ودخل للغرفه...
مسكت المجله وهي مقهوره..علّم نفسك بالاول..اااف هالمجله لو سوو عليها اختبار نجحت..عشرين مره قريتها..
بعد مرور خمس دقايق..رمت المجله ومسكت التلفون تطلب غدى..

طلع من الحمام وهو لابس الروب وشاد عليه..دارت عيونه بالغرفه ولا لقاها..
استغرب بالعاده هي تجهز ملابسه وتنتظره..حتى قبل لاياخذ شور كانت تجهزله الحمام..
طلع للصاله وقبعة الروب على راسه..
كانت تجهز الغدى على الطاوله..
كانت اضاءة الشمس القويه ساطعه على الرخام ومحاوطه ميساء بهالة..
كان شكلها مثل الخيال او الحلم..
تقدم منها وسحب كرسي وجلس..
خالد:وش طلبتيلنا اليوم..؟؟
ميساء:مشاوي ورز...وجلست بهدوء..
فتح الاطباق وهو يطالعها..فيها شيء..شكلها متغير..
غرفتله بدون اي كلمه..وغرفت لنفسها وكلت..
مسك الخبز بيدينه وهو لازال يطالعها..
خالد:ميساء صبيلي مويه
نزلت الملعقه واخذت الكوب اللي قدامه وفتحت قارورة الماء وصبتله وعطته بدون ماتطالع فيه
وكملت اكلها عادي..
شرب المويه المثلجه ونزل الكوب بقوه على الطاوله
شافت الكوب من طرف عينها وكملت اكل..
انقهر..حتى ماكلفت نفسها تقول شفيك..وبدى ياكل بنهم من القهر...
******************

العصــــر..

بالسياره وقدام بيت خالتها الله يرحمها..
مسكت ايده وفردتها ونزّلت اول اصبع وهي تقول..
عهود:ساعه بجلس هنا..ونزّلت الاصبع الثاني..وبعدها تجيني بنروح نتمشى ساعه ونزّلت اصبعين
وبعدها بتنزلني للصالون عندي شغل هناك..ونزلت اصبعه الاخير وهي تقول واخييرا بتوديني المطعم نتعشى..ونرجع للبيت
اوكيه حبيبي..
سحب ايده منها وهو يحس بكهرباء تسري بجسمه
سالم:انا مو فااضي بجي باخذك من عبير وترجعين للبيت
عهود:بس انا قلت لامي ولابوي اننا بنتأخر وبتعشيني برى..
صد عنها وهو يطالع بحديقة ابو سليمان
سالم:طيب ..بس مره ثانيه لا تقولينلهم قبل لاتستشيريني
مدت ايدها ولفت وجهه له وقالت بدلع
عهود:تامر امر يابعلي..ونزلت
حرك السياره بسرعه وكأنه يسابق دقات قلبه...

فصخت عبايتها وهي تضحك..
عهود:جدتي شوفي عيادات التجميل مليااااانه بنات وكلهم يبون تنفيخ خدود ..وعبير جتها من الله
حتى بلاشر مايحتاج..
ضربت بنت خالتها على كتفها
عبير:اشوف فيك يوم ياعهييد
الجده:استحي على وجهتتس تدعين على البنت
جلست على الارض وهي متربعه ورجعت شعرها على ورى
عهود:شفتي ياجدتي ترى كل مااجي تسوي فيني كذا
حطت ايدها المتجعده على فخذ عهود وقالت بحنيه
الجده:وشلون ابوتتس عساه تشافى
عهود:ان شاء الله ياارب..الدكتور اللي يتابع حالته يقول انه يتحسن..الله كريم ادعيله جدتي
الجده:الله يطول بعمره ويخليه لكم..هالرجال اجودي ومايستاهل
عبير:جدتي حرام تقولين مايستاهل هذا اعتراض على حكم الله
الجده:استغفر الله استغفر الله والله ماقصدت...الله يلعنك يابليس..قوميني قوميني بروح لام فيصل تأخرت عليه(ها)
عبير:تبين تروحين لهم
الجده:لا انا قايلتن بمرّه عازمتنا ام طلال..
ابتسمت بمراره وهي تتذكر هالاسم..اعز اصدقاء ناصر..
عبير:سلمي عليه(ها)
الجده:الله يسلمتس...


وبعد ماراحت الجده لام طلال
عهود:هابشريني عسى كلمك
عبير:لا..
عهود:طيب كلميه
طلعت عيونها برى وهي تقول
عبير:الله لا يقوووله..انا انزل كرامتي له..خليه ينقلع..
عهود:هو الله العالم انه انقلع وخلاص
قالت بخوف بان من صوتها
عبير:تهقين؟؟؟
عهود:صبيلي نعناع علشان افكر اذا انقلع او لأ..
رفعت حاجب ورمتها بنظرات ناريه
عبير:تستهبلين وانا مو رايقه...صبي لنفسك منتي غريبه
مدت ايدها واخذت الابريق وصبت لنفسها بالبياله..
عهود:وش فيك
عبير:مقهوره..وكبتت صيحتها وقالت بابتسامه..متعرف على وحده ويكلمها..
نزلت البياله من يدها
عهود:يكلّم بنت؟؟؟ شدرراك
عبير:نسرين..ولا غير كذا مو محترمني ويقول قدام الدكتورات والممرضات اني نشبه وغاثته...واحد مو محترمني ولا يبيني
وتبوني ارجعله..مايستاهل
عهود:انا هالنسرين مو متطمنه لها..وبصراحه مقتنعه بكلام امي..يعني اسمحيلي ماعمري شفتها داقه عليك عندها سالفه غير فيصل سوى وفيصل عمل...عبير انتي حتى صداقتك فيها غريبه..تعرفتي عليها يوم امي الله يخليها كانت بالمستشفى
وهي اللي لزقت نفسها لك..حتى امي سألت مؤيد عن فيصل وقال انه محتررم
عبير:انتي ماتعرفين يعني بطبايع الرجال..ماحد يعلّم على الثاني
عهود:ياختي مؤيد معترف ويقول احيانا يعطي وجه ويسولف معهم..يقول صداقه عادي..الله يعين مرته عليه..بعدين لحظه ونسرين هذي شدراها ان فيصل يكلّم بنت..؟؟؟
عبير:هي ماقالت انه يكلّم بنت..انا استنتجت...هي قالتلي اني انا كلمته مره ومارد علي وقال عني اني نشبه..وانا ماكلمته
وهي تقول اني كلمته كثير وهو مطنشني..فشلون فسريها اذا مو انا اللي مكلمته لاني متزاعله معاه؟؟؟
عهود:ونسرين تدري انك متطلقه؟؟؟
عبير:لا ماقلتلها..
تلفّتت حوالينها ومالقت شيء ورفعت نفسها شوي واخذت الخداديه اللي على الكنب ورمتها على عبير مقهوره
عهود:تبين تجلطيني تبين افارق هالحيااااه يالخبله..صدق انك غبيه..وكل هذا ولا عرفتي انها تكذب...شفتي ان امي صادددقه..
رمت الخدايه على جنب وهي ترفع خصلا تحررت متمرده على وجهها
عبير:مافهمت؟؟
عهود:هذي تكذب علييييك..والدليل انها تقول انك كلمتي عليه وهو مارد اولا ليش على طول قالت انها انتي..
لاتقولينللي فيصل..لانه مستحيل وخصوصا انه بعد زعلان منك...هي ألَفت هالسالفه من عندها تبيك تتمشكلين مع فيصل..
واكيد كالعاده قالتلك لاتعلمين فيصل..صح؟؟؟
عبير:مسويتلي فيها ذكيه يالذكيه..هي قالت انه هو قال انها زوجتي النشبه وهي قالتها لي بحسن نيه يعني لو كانت بتكذب على قولتك مارح تجازف بكذبه مثل هذي وهي تدري اني بكشفها لاني وبكل بساطه بكشفها لاني مادقيت..
هي وبدون ماتدري كشفتلي هالخاين وانه يكلّم وحده من وراي
عهود:بكيفك..اسمعي كلامها ولاتصدقين عليها...وبعدين ماحد لايمه يكلّم وزوجته تاركته
عبير:والله هو اللي تركني ولا حتى كلّف نفسه يعتذر..
رن جوالهاوطالعت بساعتها
عهود:يووه راح الوقت بسرعه هذا اكيد سالم..
*****************



ضحك بصوت اقرب للعالي ورجع خفّض صوته..
فيصل:هههه الله يقطع سواليفك..خلااص خلاص بسكر
زياد:ترى ماهي حاله يابن الناس اقفل الجوال تروح تدق على الثابت خلاص خلك فطين وافهم اننا مانبيك
سحبت السماعه منه وهي تسمع فيصل
فيصل:ياخي احب اختي شتبي...
ليلى:وهي تموووت فيك الله يخليك لها..
فيصل:اخيرا رديتي ..هاشلون اختبارك..حليتي زين
ليلى:الحمد الله..
فيصل:يعني اقول مبروك للتخرج
ليلى:ان شاء ...ماكمّلت لان زياد سحب السماعه
زياد:يعني انت ..شسوي فيك..اذبحك اسلخك..قووووطي ماتفهم ياااخي خلاص سمعت صوتها فااارق
فيصل:زيياد اهجد لاتخليني اتهور واجي للبيت وشوف شيصيرلك
زياد:شوف من بيفتحلك بس..يلا يلا مع السلامه...
طالع فيصل بالجوال ورجع دق مره ثانيه بس ماحد رد..
فيصل:اكيد فصله...اوريك يازياد ان مارفعت ضغطك...والتفت على ورى وهو يسمع صوت انثوي رقيق
نسرين:فيصل فاضي
ابتسم وهو يتحسس ذقنه المهمل
فيصل:لا ملياان..
ضحكت بعذوبه
نسرين:رايق
فيصل:وليه ماروق..وانا ..سكت
نسرين:وانت ايش؟؟؟
فيصل اللي كان بيقول وانا اشوفك..تلعثم..موو وقته..لازم مابين شيء الحين..
فيصل:انتي شعندك..مو المفروض تكونين طالعه..
نسرين:لا مو طالعه..وترى اليوم بعد عندي مناوبه..وفرحت كثير لما عرفت انك مناوب بعد..
يعني بتقنعيني انها جت صدفه
فيصل:لاا زين..على الاقل القى احد اسولف معاه...يلا اشوفك بالبريك..سي يو


وقفت وهي متخصره
ليلى:على الاقل لاتفشلني قدااامه على طول تسحب السماعه ولا تسكر بوجهه بعد..يمكن يبي شيء مني ..
طالعها من فوق لتحت
زياد:والله بكيفي..تعالي تعالي...وأشرلها تجلس جنبه
راحت له وجلست جنبه..
زياد:الليله عمي بيجي صح
ليلى:صح
زياد:وعمي يعني عمك..يعني تكشفين عنه صح
عقدت حواجبها وحط يدينه على شفايفها يمنعها تتكلم
زياد:تحجبي بس ماله داعي تتغطين..ليلى علشاني مابي احسك غريبه بينهم
شاحت بوجهها عنه وقالت وهي تحس نفسها مخنوقه
ليلى:خلاص مو نازله..انتم اساسا ماتبوني..والا هذا انا اجلس واسولف اذا جو اخوانك وعادي وانا متغطيه..مامنعني هالشيء..
بس انت مصر اني اكشف مادري ليش...زياد اذا السالفه كذا مارح انزل..
لف وجهها عليه وشد على ذقنها باصبعينه
زياد:لا خلاص بتنزلين وبراحتك بعد..اهم شيء لااسمع هالصوت المخنوق منك..ترا اختنق
ليلى:بقول اني معزومه عند اهلي..واروح..
زياد:لاا بتجلسين..ليلى انا ماقصدي شيء بس مابي احد يقط عليك كلمه ولا كلمه وانا مااستحمل برد على طول
ليلى:لا استحمل علشاني..لاتخاف علي..انا مايهمني كلام غير كلامك..
زياد:طيب اخر شيء
ليلى:ايش
زياد:عمي تراه شوي..لا مو شوي الا كثيرر فري..فلا تتضايقين من تعليقاته..هو عمي ومااقدر ارد عليه
ليلى:اوكيه ..زياد ليتك ماقلتلي خوفتني زياده منه...
سحبها ودفن راسها لصدره بشويش علشان العمليه
زياد:لا تخاافين وانا معك...

*************************


الليــــــــل..

الساعه 8:30
قصر ابو سليمان

دخل وهو يضحك على شيء قاله له فيصل على الجوال..
نزل الشنطه عند المدخل وهو يراقب ابوه اللي سبقه لداخل وشافه يحضن عبير..
سليمان:خلاص ان شاء الله غداك بكره عندنا راضي علينا يادكتور
فيصل:لا خلها عشى..اشوا طلع فيك خير مو مثل نسيب الغفله زياد..واسمع قول لسلمى ابي العصير اللي احبه..
سليمان:طرااار وتتشرط..اقول يلا يلا ضف وجهك..
فيصل:ترى ماعلي بكره انا بعد صلاة العشاء وانا عند الباب سامع..مع السلامه..
دخل الجوال بجيبه ودخل للصاله..
سليمان:السلاااااام عليكم...وراح لجدته اللي تهلي فيه وحب على راسها..
الجده:حي هالصوت حي هالصوت
والتفت على اخته اللي منزله عيونها بالارض
سليمان:القرده ماتبي تسلم علي...
ابتسمت وهي تمد يدها اللي سحبها وحضنها..
سليمان:انتي حتى السلام ماتعرفين..وبعدها عنه..وقرص خدها..شخبارك ياحلو
عبير:الحمد الله زينه..ورجعت تحضنه..اشتقتلك
سليمان:والله..قالها بدلع
بعّدت عنه وضربت كتفه
عبير:الله يعين سلمى عليييك..دب
والتفتت على ابوها اللي جلس جنب جدتها ويسولف عليها
عبير:يبه نحط العشاء..
ابوسليمان:ايه قولولهم يحطونه...وانت ياسليمان شفيك واقف اجلس
سليمان:لا الله يسلم عمرك انا بروح لبيتي..تعبان وودي انام
الجده:ايه روح روح هالمسيكينه طلعت من الاربعين وللحين ببيت اهلها..
سليمان:يلا تصبحون على خير...

$$$$$$$$$$


منزل سليمان...

فتحت الباب وعلى وجهها ابتسامه مشرقه مثل وجهها..
الحمد الله على السلااااامه...
ابتسم بعذوبه وهو يطالعها..ياهو مشتاقلها..
سليمان:الله يسلمك يااابعد هالدنيا كلها..وحب راسها وهو يهمس..اشتقتلك
ابتسمت والحمره اكتست ملامح وجهها
وهمست بحب
سلمى:وانا اكثر ...
وبلحظه كانو سديم وناصر بحضنه..
سديم:باابا جبت هديه
ناصر:بابا جبت سياره..
حضنهم بقوه
سليمان:ايه جبت كل شيء لكم...
سلمى:حبايبي خلاص خلو بابا يدخل ويرتاح..
سليمان وهو شايلهم بحضنه ويمشي لداخل..
سليمان:خليهم اشتقتلهم مره..

*************************



ملامحه الحاده اللي تدل على الدهاء والذكاء..طوله المهيب وكتافه العريضه
اهتمامه بأناقته اللي باينه من كبكات ثوبه الفضيه والقلم الفضي اللي يزين جيب ثوبه العلوي
حذاء اسود جلدي لامع وسكبة شماغه الاحمر بطريقه رائعه ..طريقة مشيته وكأنه تقول ياارض اتهدي ماحدش ادي..
شعره الطويل لحد ما..وسكسوكته اللي محاوطه شفايفه العريضه المورده..
ماتدل ابدا على ان اللي قدامنا هو شخص عربيد..وزير نساء..واكبر عطالي..

كانت تحس بشيء بين هالعم وعيال اخوه..نظرات فراس وعبدالمجيد وزياد..حتى بنته..
تدل ان بينهم عداوه..هم رسميين بسلامهم وهو مطيح الميانه..
شافته كيف ضم تماضر وشموخ..وحتى ام فراس..وكأنه اخوها..
شبكت يدينها ببعض يوم جاء دورها بالسلام..
مد يده بيصافحها وهو راسم ابتسامة سخريه على وجهه..
اسفه عمي مااصافح...واتبعتها..بالحمد الله على السلامه..كيف صحتك..
طالع بيده لثواني والتفت على زياد وهو يقول..بلهجة سخريه واستهزاء
ابو شيخه:متزوج مطوّع### هههه
ابو فراس:ابو شيخه حياك اجلس اجلس..
رماها بنظرة استحقار وجلس جنبها قاصد...حط رجل على رجل وهو يقول
ابو شيخه:اجلسو شفيكم...
طالعت بزياد..وقالت بهدوء قبل لاتنسحب
ليلى:عن اذنكم...وطلعت...
قال وهو جالس بكنبه منفرده ومقهور من حركة عمه
زياد:ياغريب كن اديب...
ابتسمت ابتسامة تشفي..وهي تطالع بأبوها اللي يسوي نفسه ماسمع...
ابو شيخه:شفيكم واقفين اجلسووو تراني من اهل البـــيت..


دخلت جناحها وسكرت الباب وراها..شالت جلالها اللي عليها ورمته بالسرير..
ورمت نص جسمها على السرير وتتنفس بعمق...تريح اعصابها شوي..
وقح ..وقح...وقح...رددتها بنفسها وهي تتذكر كيف جلس بجنبها ..
مرّت عشر دقايق..رفعت نفسها ودار نظرها بغرفتها..ابتسمت..
ليلى:خلني اغير ترتيب الغرفه..اكيد زياد بيجي وهو زعلان..خلني اسويلها مفاجئه..
وبالمره اسوي احتفال بمناسبة العطله..وقفت وراحت لغرفة الملابس..وهي تمشي..بجنب التسريحه..
حست انها دعست شيء...نزلت نظرها تشوف ايش...وعقدت حواجبها
..العطر شمطيحه بالارض؟؟...انا متأكده قبل لاطلع ان كل شيء بمكانه...

***************************
الساعه 9:30
جده..


رتّبت شنطتها وهي تغني ..مطنشته ولا كأنه موجود..
سكرت سحاب الشنطه وراحت للتسريحه تلم باقي اغراضها..
متمدد على السرير ويراقبها..فيها شيء متغير..
رفع نفسه وحط الوساده ورى ظهره..
خالد:ميسااء..
ميساء:نعم..
خالد:انتي تعبانه؟؟
رفعت عيونها له وهي عاقده حواجبها ويدينها ماسكه فيهم الفرش..
ميساء:لا..ليش؟؟؟
خالد:لا ولا شيء..كملي شغلك..
0
0
0
بعد عشر دقايق..
خلّصت من جمع اغراضها..نفضت شعرها وطلعت من الغرفه..
جلست بعد ماشغلت التلفزيون وهي حاضنه رجل ورجل ممددتها..
قلّبت بالقنوات واخيرا استقرّت على قناتها المفضله..تنتظر مسلسلها التركي..


*******************

اعتذرت عن العشاء بحجة الرجيم..وطلعت فوق..
وقبل لا تدخل غرفتها..مرّت من عند غرفة شموخ..كانت تسمع صوت..دخلت واتفاجأت
لما شافتها..قالت بعصبيه
نوال:خيـــــــر شتسويييين...
كانت مندمجه بشغلها..ولاانتبهت ان فيه احد دخل..
وصرخت بيماااه ويدها على صدرها قبل لاتلتفت لنوال
ليلى:بسم الله خوفتيني..
تقدمت ناحيتها وصارو وجه لوجه..
نوال:لاتبوق ..لاتخاف...قوليلي شتسووين هنا لا افضحك الحين قدااام الكل...
ليلى:اللي جابني هنا..هذول..ومدتلها صورها..
نوال:مافهمت..
ليلى:نوال انسي انك ما تأقلمتي معاي..خلي كل همك مصلحة بنت عمك..بس ابغاك توعديني ان محد يدري بالسالفه
غيري وغيرك وشمووخ..
تكتفت ورفعت حاجب..
نوال:يوووه السالفه طلعت سر بعد...يلا قوليلي كذبتك شكلها قويه..
طنشت مسخرتها
ليلى:شموخ مو بوعيها..شموخ تمشي مع بنت شاذه واظن من اشكالهم مع بعض ان علاقتهم تجاوزت الحدود..
عصّبت ودفت ليلى بقوه على الارض وهي ترفع سبابتها تهدد
نوال:حقييره علشان تبررين وجودك هنا تتهمين بنت عمي..صد
قاطعتها
ليلى:اشششششش خلااااص يكفي نسيت ان عقلك محدود وماعندك سالفه وانا الغلطانه اللي قلتلك..
وطلّعتلها صوره وحيده لقتها بالصدفه...شووفي بنت عمك شمسويه
اخذت الصوره وطالعت فيها بتركيز..مو مصدقه..ارمشت بعيونها تبي تستوعب...
كانت صوره عاااااديه جددا..
شموخ وهيفاء وايد هيفاء محاوطه خصر شموخ...هالصوره بتكون عاديه لو هيفاء بنت عاديه..
نوال:وانتي شدراااك...شلون عرفتي
ليلى:بالجامعه شفتها معها...الحين المشكله في صوري
نوال:صورك؟؟؟
ليلى:شموخ ماخذتهم اتوقع بتعطيهم هالزفت اللي معها..انا اليوم كلمت شموخ وتهاوشنا مو راضيه تسمع كلامي..وانا وهيفاء بينا ثار..واكيد ماخذين صوري بيبلوني ببلوه..لقيت كل الصور..بس باقي وحده مالقيتها...
تغيرت ملامحها بلمح البصر وتكرمش وجهها من كثر ماهي معصبه..
نوال:هييين ياشموووخ..انا اللي بربيها...قالت كلمتها الاخيره وشموخ تدخل...
خافت اول ما شافتهم ..بلعت ريقها بصعوبه وهي تنقل نظرها للي بيد ليلى
قالت بصوت قد ماتقدر يكون ثابت
شموخ:شتسوون هنا؟؟؟؟
وكأنها تنتظرها..التفتت على ورى وراحت لها بسرعه والشرر يتطاير من عيونها ومسكت اكتافها العريانه بقوه
وبدت تهزها
نوال:انتي تطلعين كذا انتي يااااشمووووخ...شاااااذه ليييش ليييش..
لمعت عيونها منذره بسقوط سيل من الدموع
شموخ:نواال صدقييني تكذب تكذب
راحت ليلى لهم وصارت بين شموخ ونوال..وطالعت شموخ بحقد
ليلى:أكــذب...ويين كلامك الصبح وثقتك وانك مو مسويه شيء غلط ؟؟؟ليييش خايفه دامك على صح؟؟؟
وبعديييين شلووووووون تتجرأين وتاخذين صوري...اناااا زووجة اخوووك مانتي خااايفه على سمعة اخووك..هاا؟؟؟
حسّت بالغلط..وأقرّت فيه بداخلها..
شموخ:ماادري كنت مقهوره منك..وبعدين خلاص هذي هي معك..ماعطيتها هيفاء
ليلى:وبس؟؟يعني ماتشوفين غلطك الا انك اخذتي صوري....وعلاقتك بهيفاء عااااادي؟؟؟؟
نوال:ردددي قووووليلي..عااادي..؟؟؟
ميلت فمها على جنب
شموخ:اييييه عاااااااادي وكل البناااااات لهم بوي فرند..على الاقل انا ماطلعت مع شباب ولا عمري كلمتهم
نوال:يعني هيفووووه هي البديييييل...
شموخ:ماااالكم شغل فيني..
ليلى:اذا ماتعرفين مصلحة نفسك بيصير لنا شغل معااك...والحين قوليلي وين صوري؟؟؟
شموخ:كلها في الدرج
ليلى:باقي صوره وحده مالقيتها...وينهي
نوال:روووحي طلعيها لاطلع روووحك..يلللااااا..
راحت للدرج وبدت تدوّر..ولا لقت شيء..التفتت على ليلى
شموخ:كم معك صوره؟؟انا ماخذت الا ثلاث..
ليلى:مستحيييل انا متأكده ان فيه صوره ناااقصه..
شموخ:والله والله والله ماخذت الا ثلاث..وريني اشوف..وطالعت بصور ليلى...والله ماخذت غيرهم..
ليلى:شموخ لاتكذبين ولا ترى بقول لزياد وهو يتصرف معك..
شموخ:ورب الكعبه ماخذت غييرهم
حاوطت رقبتها بيدينها وهي تسمع جدال ليلى وشموخ..
تنهدت وهي تقول بقلبها..الله يستر ماانكشف..
نوال:ليلى خلااص انا اعرف شموخ ماتكذب..يمكن انتي مضيعتها هنا ولا هنا..
ليلى:شموخ..اعتبريه تهديد ترى والله ان صار شيء ولا شيءماتلومين الا نفسك...
شموخ:قلتلك ماااااااااااخذت غير هذولي..شفيك؟؟
نوال:ليلى خلاص روحي ارتاحي وانا بتصرف..وخليني اتفاهم معها على راحتي..
طلّعت هو من فمها تهدي اعصابها فيه
ليلى:اوكيه..وطلعت..


******************************


دخل غرفته وهو طفشان وزهقان...البيت فاضي..ابوه وامه نامو..وفيصل مناوب..
اااه يازين ايام اول يوم الكل موجود...سلمىوليلى وخالد...
تمدد على السرير وثنى يده وحطه على عيونه يريح شوي...
رن تلفون غرفته ..ورفع السماعه باليد الثانيه
محمد:نعم
البواب:عمي فيه واحد يبي يقابلك ويقول انه زميل بالدراسه..
محمد:قلطه قلطه...وبسرعه سكر السماعه وراح يلبس ثوبه...


رفع راسه للقهوجي واخذ الفنجان ..شربه دفعه وحده ومده للقهوجي وهو يهزه..
دخل محمد المجلس الخارجي وهو يهلي بصوت عالي...
محمد:حيا الله ال...انبترت الكلمات وهو يركز بالشخص اللي قدامه..
شخص ملتحي بثوب قصير وشماغ بدون عقال او غتره..
ابتسم وهو يمسح خشمه من الصدمه
محمد:رااابح!!!!


**************************

ضمت المخده وهي تمنع دموعها تنزل..مندمجه مع مسلسل نور..
جاء وقت الاعلان...وارخت راسها على المخده...
وبدت تفكر..ليش خالد مو زي مهند...اااه قالتها وهي تتخيل شكل خالد يمطرها بكلمات
تحسسها بأنوثتها وبحبه لها...
ميساااء
رفعت راسها
ميساء:خالد!!..وكمّلت نعم
خالد:كنتي نايمه؟؟؟
ميساء:لا بس افكر...انت شمقومك؟؟؟
خالد:ماجاني نوم...وجلس جنبها واخذ الريموت
ميساء:لااااا لا تغير الحين بيخلص الاعلااان
خالد:هذولي اعلاناتهم حلقه كامله لاتخافين..وبعدين وش تتابعين
ميساء:مهند
التفت عليها وهو رافع حاجب
خالد:وش من طير هالمهند
ميساء:اااااه بس لو تشوفه عذاااااا..ونحتت على وجهها ابتسامه بلهاء وهي تشوف نظراته الناريه
خالد:عيدي عيدي شقلتي..؟؟؟
ميساء:اقصد المسلسل حلووو يهبببل..لايروح فكرك لبعيد..
خالد:خلاص انتظره واشوف...وحط يده ورى ظهرها وسحبها لجنبه...
تذكرت المقاطع الوصخه اللي تنعرض بالمسلسل ..هي صحيح تغير بس خالد مايهمه يتابع كل شيء..
سحبت الريموت
ميساء:خلنا نحط على الخراز احسن..
خالد:ليش ومهند؟؟؟
ميساء:مليت منهم..انا اتابع الخراز والحين هذا وقتها..حطت على القناة ووقفت..
خالد:على وين؟؟؟؟
ميساء:بروح اجيب عصير..ماتبي..
خالد:الا ابي...
رجعت وبيدها علبتين عصير تفاح..مدتله واحد وراحت جلست بعيد عنه..
خالد:ليش جلستي هناك؟؟؟
ميساء:هنا اريح...
انقهر واخذ الريموت ورجعها على نور...
كانت ساكته بمكانها وتشيح بنظرها كل ماجاء مقطع وصخ..وتنقهر لماتشوف خالد متابع ولا فاتح فمه...
حافظت على برودها ولا هي ودها تقطعه..بس ماتبي تخرب خطتها...
انتهى المسلسل وخالد التفت عليها
خالد:الله يلعن###شلون يعرضون مثل هالاشياااء
ميساء:كل القنوات تعرض مثل هالاشياء..ليش دققت على نور يعني؟؟؟؟
خالد:دققت على نور لاني اسمع خويي يقول ان عياله قبل العشر لازم يكونون بالبيت..تدرين ليش علشان ماتفوتهم حلقة نور..
وعياله اعمارهم اقل من عشر سنيييين...ميساء عشرررر سنين يتابع مثل هالاشيااااااء؟؟؟؟؟
ميساء:والله الشرهه مو على القناة على اهلهم
خالد:لا على القنااااة اللي اهم شيء عندها الربح وناسيه مين يتابعها...طيب ماقلنا شيء جيبو هالمسلسل بس قطعو هالمقاطع اللي انا استحي اطالعها...
فتحت فمها بتقول باين وقدرت تتمالك اعصابها...انتبه لحركتها
خالد:شكنتي بتقولين؟؟؟؟
ميساء:لا بس كنت بقول الاهل المفروض يراقبون عيالهم..كلكم راع وكلكم مسؤول عن رعيته...
خالد:ميساء انتي تدرين ان هالجيل صعب تسيطرين عليه..وغير كذا كل واحد تلقين التلفزيون بغرفته يعني بيتابع براحته..
لاتقولين لي الاهل بعد يحذفون القنوات اللي ماهي زينه...اولا مافي احد بهالوقت مايقدر يرجع القنوات المحذوفه..وثانيا مافيه قناة زينه 100%..كلهم يدسون السم بالعسل....ويد وحده ماتصفق..
ميساء:وبعد هم مو ملزومين يحرمون الكبار علشانهم
خالد:ويحرموونهم من وشووو؟؟؟اصلا وش الاستفاده من عرض مقاطع مثل هذي غير الافساد؟؟المراهق والشاب والمتزوج كللهم بأيش راح يستفيدون لو شافو هالمقاطع...مافيه غير انحراف وتحلل مجتمع...
ميساء:والله الحرام بين والحلال بين...ليه الواحد ماينزل عيونه اذا جاء مقطع وصخ؟؟؟؟
خالد:حب الاستطلااع يمنعه...غريزته تمنعه...
ميساء:عاد حنا وش دخلنا بقلعتهم..لا عندنا بزران ولا شيء..
خالد:ايه مو كل القنوات نفس تفكيرك..مايهمهم شيء الا انفسهم...
ميساء:نعـــــــــم؟؟؟؟كنك تسبني
خالد:لا ابدن ماسبيت احد...وقف وراح لها ومد يده...قوومي قومي نجلس برى على البحر
ميساء:لا مالي خلق..فيني النوم...تصبح على خير...
خالد:قبل شوي مافيك نوم؟؟؟؟
ميساء:النوم يجي فجأه...ووقفت..اذا قمت لصلاة الفجر او قبلها قومني لاتنسى...وتعدته وتركته مقهور..


**************************


قوليلي علشان اساعدك..انتي تحتاجين طبيب نفسي
شموخ:يووووه قلتلك كذا بس..مافيه شيء
نوال:اجل ليش مشيتي مع هالاشكال؟؟؟
شموخ:مووضه تغييير تقلييد..جذب انتباه..
نوال:لهالدرجه انتي تافهه..وتفكيرك وكأنك وحده مو متعلمه
شموخ:خلاص قلتلك بقطع علاقتي معها ارتحتي
نوال:اسمعيني زين شموخ...انتي لازم تكونين صريحه معاي..لابعد حد..ولاتستحين..اللي زيك اقصد اللي صادقو بنات زي كذا من باب التقليد وجذب الانتباه..فهم تدريجيا يصيرون غصب عليهم مثليين..بمعنى لوطيين..بمعنى شاذيين...لانه هالاشكال الغرض من انها تصادق اشكالك انها تحس برجولتها المزعومه...والبنت اللي تصير كذا..مارح تقدر تعيش سويه اذا تزوجت...وبتنقرف من زوجها وبتشوفه شيء شاذ ..لان فطرتها انقلبت..وبتعيش بعذاب معه..وغير كذا فيه بنات والعياذ بالله واللي اتمنى ماكونين زيهم..يصادقونهم علشان يمتعون انفسهم بدون ماتفقد شرفها...يعني مثل مايقولون درب السلامه..تشبع غريزتها بدون خسائر فادحه بعكس لو كلمت شاب..والمسكينه ماتدري انه تفقده ببعض الاحوال...وبعضهم جهل بنفس الطريقه تسمع انه اي علاقه مع شاب حررام...وتحسب علاقتها بالشاذه حلال..ولاتدري انها تهز عرش الرحمن..تعرفين ليه الله عذب قوم لوط...مو بس علشان شركهم..لا لانهم خالفو الفطره وابتدعو الرجل يأتي الرجل والمرأه تأتي المرأه..ولهم وزر كل من يفعل هالفعله ليوم الدين...
شموخ انا اقول هالكلام لانه مصيرك بتتزوجين..وابغاك تعيشين عيشه طبيعيه...فاهمتني..
حطت ايدها على شفايفها المرتجفه وهي تضغط عليهم وتنزل دموعها اربع اربع...
حضنتها نوال وهي تمسح على شعرها
نوال:خلاص فهمت..تجاوزتي الخطوط الحمراء؟؟؟
ايه قالتها وهي تشهق
نوال:خلااص لاتخافين..بس اهم شيء تقطعين علاقتك بهالزفت...متى تعطلين؟؟؟؟
شموخ:من زمااان خلصت اختباراتي قبل ليلى...
نوال:وكنتي تروحين تقابلينها هناك...الله يهديك الله يهديك....

***********************



حضن صديقه مفتخر فيه
محمد:الله يقبل توبتك الله يقبل توبتك
رابح:اامييين...وانت ماتبت
محمد:الحمد الله..
رابح:وش سويت علشان تقول الحمد الله تبت...يامحمد حنا لازم نكفر عن جريمتنا بحق الله...
حنا اشركنا بالله..
محمد:اي والله صادق..بس شسوي؟؟؟
رابح:اول شيء بنروح للعمره..ولازم يامحمد نترك هالدنيا باللي فيها..لازم نزهد..اللي سويناه شيء مايغتفر...
محمد:لاتقول هالكلام...ربي رحمته وسعت كل شيء ومحدن داخل الجنه الا برحمة الله...وخير الخطائين التوابون..
رابح:شفت قلتها..خطاائون..مو المشركووون..
محمد:رابح لاتحرف بالايه..ياخي دام كذا اجل لا تتوب واستمر على معاصيك...ربي ارحم
رابح:انت ماتدري ولا عندك سالفه..تسمع كلام عبدة الدينار وتصدقهم...خذ العلم مني..انا قابلت الشيخ وقالي ان الله مايغفر ذنبي الا بعمل صالح مساوي له..تدري انت عن جهنم..تدري ان نار الدنيا مغسوله سبع مرررات من نار جهنم...تدرري اننا نحشر مع الكافرين..تدري منهو اخف عذاب من الكافرين بجهنم..عم الرسوول ابو طالب..وتدري وشهو عذابه...
((يوضع تحت اخمص قدميه جمرتاان من نار جهنم يغلي منهما دماغه كما يغلي المااء في القمقم))
فتح فمه محمد وهو يحس بالقشعريره تسري بكل انحاء جسمه وان شعر راسه وقف...
محمد:يعني شلووووون بنخلّد بالنااااار.....



*******************

الساعه الثانيه بعد منتصف الليل....


لبستها عبايتها بسرعه وهي تقول
يباااه بسررعه بسرررعه
شال امه بين يدينه وركض فيها وهي وراه...
ركبها السياره
ابوسليمان:جبتي كرتها
عبير:ايه معاي كل اوراقها...قالت هالجمله وهي تسكر الباب...

**********************

مد يده ومرر اصابعه على شعرها ببرود بعكس البراكين اللي يحسها بداخله..
حسّت عليه وفتحت عيونها وهمست..
ليلى:مانمت...
ابتسم بحب وهمس
زياد:واللي يشوفك يقدر ينام...
ابتسمت بكسل لان النوم مسوي فعايله معها
ليلى:أجل..ابقى..سهران..وطالعنـ ي...ونامت والابتسامه على وجهها
غمّض عيونه بألم وهو يردد بداخله
مستحيييل اجرحك ياليلى...
مستحييييييل اجرحك...
مستحييييل اتزوج عليك...
وعد مني ياليلى..


*********************

مركيه ايدها على طاولة الاستقبال وتطالع بفيصل فتى احلامها اللي يتناقش مع موظف الاستقبال ويضحك...
فيصل:قول مشااء الله لاتنضلني..ترى تفطن علي اهل الارض وانت ماتدري
الموظف:مشاء الله تبارك الله..يووه مامداني خلاص راحت عليك..قالها وهو يشوف الرجال اللي يهرول بمره كبيره بالعربيه
هز راسه وهو يقول
فيصل:عينك مجاريه عصر السرعه..الله يكفينا شرك..
الموظف طارت عيونه على فيصل وطلع شكله يضحك..
قالت بدلع وشفايفها تصيغ سمفونيه ضحك ماجن..
نسرين:فييصل شوف وجهه كيف صااار..
مابتسم والتفت علىورى وهو يسمع صوت موغريب عليه
فيصل:عمـــــــي!!!!
ابوسليمان:زين لقيناك يافيصل الظاهر انه مرتفع عليها السكر ماهي بلحيل
صرخ بنسرين وهو يسحب الكرسي من عمه ويركض بجدته
فيصل:بسرررعه غرفة الكشف....
لحقته نسرين بسرعه ..
كانت تشوفه من بعيد وهي تحس قلبها يطلع من مكانه...وكانت تهرول مع ابوها..وكأنه تبي تلحق على ملامحه اللي اشتاقت لها..
وقفت على بعد متر وهي مصدومه ..نسرين!!! وكاشفه!!! وتضحك بدلع مع فيصل!!! وكأنهم عشرة عمر!!!
حست بحرارة تسري بجسمها وتحرق قلبها مع كل نبضه ينبضها...وهو يسحب الكرسي من ابوها..حتى ماكلّف نفسه يرفع عينه ويشوفني..تجااهلني تجاااهلني...زااد غيضها اكثر وهي تشوف نسرين تلحقه...ليش تلحقه..ليييش؟؟؟
انا زوووجته مو هي اناااااااااااااااااااااااااا...
ماحست بنفسها الا جالسه على كرسي الانتظار...وبجنبها ابوها اللي سحبها بدون شعور منها...
كانت تضرب رجلها بالارض ..لانها تحس بسكاكين تقطعها..والتفتت على ابوها
عبير:يباه خل ندخل
ابو سليمان:ماله داعي..
عبير:لا له داعي..اجل نخلي فيصل ونسرين لحالهم؟؟؟؟
ابوسليمان:من نسرين؟؟؟
عبير:الممرضه
ابوسليمان:ايه ..انتظري لا تستعجلين
سرحت بكلمة ابوها وبدت تقلّب هالكلمه براسها
انتظري
انتظري
انتظري
تنفست بعمق وهي ترخي ظهرها على الكرسي وتسند راسها على الجدار
وهمست
انتظري ياعبير....

انتهى الجزء بحمد الله...
اتمنى تكونون استمتعتو بالقراءه وتنورون صفحاتي بتعليقاتكم وانتقاداتكم المفيده...


((سبحانك اللهم وبحمدك اشهد ان لا اله الا انت استغفرك واتوب اليك))
((سبحــــــــان الله وبحمده...سبحـــان الله العظيم))
ب
ببح
عروس مشرقة
09-07-2011 | 02:34 PM
الجزء السابع والعشرون

((دوّامـــات...))




انْـتظـر ياعمــر تكفــى..هد خُطوات السنيــن
أعطـنا فرصه أخيـــره ..نكتشف سِــرْ الوصـــول

المســــتشفى...

بعد مرور 6 ساعات....

طالَع بالدٌكتور خير الله بنظرات شكر وامتنان ...
شال الكمّام عن فمه وضم الدكتور على طول وهو يردد
فيصل:مشكوووور مشكووووووور الله يعطيك العافيه..
دفّه بشويش عنه وشال الكمام
الدكتور خير الله:مالك يابني رافعني فووأ وكأني محرر فلسطين..دي عمليه سهله وعاديه..ماتخافش..
فيصل:وكل هذا وماتبيني اشكرك..طلّعتك من بيتك بآخر الليل ومسوي عمليه مستعجله وتقول ماسويت شيء
الدكتور خير الله:داه وااااجب مش علشانك يافيصل..دنا دكتوووور...يلا بأأ...سبني اكمّل شغل داه النهار طلع..والمواعيد اد كده اهوه...عن ازنك
فيصل:الله يجزاك خير الله يجزاك خير...

كانت واقفه بجنب ابوها اوّل ماطلع الدكتور من قسم العمليات
ابوسليمان:بشّر بشّر..
الدكتور خير الله:لا ماتخافش كله تمام..وهيّا دلوأتي حتطلع وتطمنو عليها...عن ازنكو...
ضمّت ابوها..
عبير:الحمد الله على سلامتها..
ابوسليمان:الله يسلمك ...وانتبه لفيصل واللي معاه بالسرير..وراح لهم بسرعه..
ضم عمّه وحب راسه..
فيصل:الحمد الله على سلامتها..
ابوسليمان:الله يسلمك ياولدي..وطالع باللي ماتدري عن اي شيئ حولها..الله ستر..
أشّر للمرضات يجرون السرير..
فيصل:الحين بنوديها للجناح...ماعليها خلاف ان شاء الله..وربت على كتف عمه..عمي تعبان؟؟؟
ابو سليمان:لا مافيني شيء..خلنا نروح لها..عبير يلا
مشى وهو ماسك يد فيصل...وهي وراهم..
كانت تطالعه وماودها ترمش..تبي تروي عيونها من شوفه..ياهي مشتاقتله..
وصلو للجناح ووقف فيصل..
فيصل:انا عندي شغل مضطر اروح وبمر عليكم اذا خلصت..
ابو سليمان:الله يعينك ياولدي...
راح وهي تراقبه بعيونها..مربيله ذقن خفيف..وكأنه ناحف..
لمحته بنهاية السيب كيف وقف مع ممرضه وبيدها ملف...حست بنار بصدرها..
اكيد الحين تسبّلّه بعيونها..و...التفتت على ابوها
ابو سليمان:عبير فيك شيء؟؟؟
عبير:ها؟؟..لا يباه مافيني شيء
ابوسليمان:اجل ليه واقفه؟؟؟دَخَلْت ومالحقتيني
افْتَشْلَت ..ابوها دخل للجناح وطلع لمّا تأخرت..ضاع وقتها وهي تتفرج على فيصل..
عبير:كِنْت اتْكلًم مع وَحْده مِن المُمَرٍضَات..خلاص خَلْ ندخل..



*****************************

الليــل كله مانامه..والحين الساعه ثمان الصبح..ولاهو قادر ينام..خايف ينام ويموت وهو مرتكب هالكبيره..
وش يسوي..وشهو العمل اللي بيسويه ويكفّر هالجريمه اللي ارتكبها...
يتصّدق؟؟...يبني مسجد؟؟..يحجّج..؟؟..يطبع كتب مفيده؟؟؟..يسوي ماء سبيل..؟؟؟
يبني مدرسه..؟؟؟ يبني مستشفى..؟؟؟...يساعد بالابحاث الطبيه..؟؟؟..يتكفل بدراسة شاب..؟؟؟
كل شيء قلته لرابح وقال مايكفي...
آآآآآه...اخترقت صدره وطلعت ..
محمد:يارب يارب يارب ارحمني...والله كنت جااهل جاااهل..يارب عفوك...
تررررررررن...نقز اول ماسمع الصوت ..
بسم الله بسم الله..ومسك المنبه وخبطه بالجدار....ناقص انا تخرّع..
رمى لحافه على الارض وراح يغيّر ملابسه عشان يروح للشغل...


نزّل كوب المويه بعد مااخذ علاجه..ومد يده ياخذ قطعة خبز علشان يفطر..
ابو فيصل:والله هالبيت مايسوى من غير عيال سلمى...
ام فيصل:ان شاء الله يمتلي بعيال فيصل وخالد ومحمد...وبيغنونك عن سلمى وعيالها...
ابوفيصل:جهزتي بيت خالد...
ام فيصل:الحمد الله كل شيء خلص..ان شاء الله يعجبهم تأثيثي..
ابو فيصل:بيعجبهم..انتي ذوقك مايعلى عليه...اقول
ام فيصل:سم
ابوفيصل:سم الله عدوينك..شصار على موضوع فيصل..ماكلمتيه؟؟؟
ام فيصل:كلّمته..اوّل يقول ابي اادبها وبعدين يرجعها..والحين غيّر كلامه..ويقول انه مايبيها ولا يبي العرس بعد..
ابوفيصل:ليه؟؟؟
ام فيصل:مادري عنه...والله هالبنت كاسره خاطري..والله مااعدّها الا مثل بناتي..مسكينه لاعبه عليها بنت ابليس ومصدقتها..
ابوفيصل:من هي بنت ابليس؟؟؟
ام فيصل:الله يسلمك مو عبير نست جوالها وعطانياه خالد بالمزرعه...ازعجني بالطريق من كثر المسجات..فتحتها ..وشفت المصايب..
وعطيت الجوال لفيصل اوّل مارجعنا للبيت..وقرى الرسايل وعصّب..وطلب مني اني مااعلّم احد بسالفة هالرسايل..
طلعت وحده تشتغل ممرضه بالمستشفى ومخاويتن عبير ..وتكذب على عبير وتقول ان فيصل يسوّي ويفعل..من هالسوالف البطاليه..وعبير تصدّق...قعد الجوال عند فيصل اسبوع..وقلتله عن موضوع عبير وقاللي انه بيرجعها بس مو الحين...وبعدها عطاني الجوال وقاللي ارجعه لعبير واقول ان عامل المزرعه هو اللي جابه...وبعدها مادري شصار عليه ووشو اللي غيّر رايه...
ابو فيصل:لا حول ولا قوة الا بالله...الله يكفينا شر شياطين الانس...
السلاااااام عليكم...قالها وهو يعدّل سكبة شماغه...وتوجّه لابوه وحب راسه..وراح لامه وحب راسها..
سحب الكرسي وجلس جنب امه..
ام فيصل:صباااح النور والسروور..
رد بابتسامه..واخذ ابريق الشاي وصب لنفسه..
ابوفيصل:ام فيصل..دوري على مره نبي نزوّج محمد..
ام فيصل:من الحين بدوّرله..
ماكان معهم..كان يطالع بالدوّامه اللي اتشكلت بكوب الشاي..تشابه حالته اللي يعيشها..
ولا انتبه الا لما هزته امّه..
محمد:هلا
ام فيصل:مضيّع شيء بالكوب..افطر بسرعه ابوك ينتظرك بالصاله..
محمد:طيب ان شاء الله...اخذ رشفتين من الشاهي وقام بسرعه
ام فيصل:الحين هذا فطورك
محمد:يماه مالي نفس...مع السلامه...

ركب السيّاره جنب ابوه بالمقاعد الخلفيه..
وتحركت السياره ..زي ماهي متعوده كل يوم..وراحت لبيت ابوسليمان...
وقبل لايدخلون وقفهم البواب..
فتح محمد شباكه..
محمد:وش فيه؟؟؟
البوّاب:طال عمرك عمي ابو سليمان مع عمتي راحو للمستشفى...
التفت على ابوه ورجع التفت بسرعه على البواب
محمد:ماتدري بأي مستشفى؟؟؟
البواب:لا والله...
سكر شباكه وهو يسمع ابوه اللي يقوله يتصل على سليمان يشوف السالفه...
جاه صوته بعد ثالث رنه
سليمان:هلا محمد
محمد:سليمان انت وينك؟؟؟
سليمان:قريب من الشركه..وش بغيت
محمد:طيّب وش سالفة المستشفى؟؟؟منهو اللي وديتوه؟؟؟
سليمان:محمد انت نايم؟؟؟ صحصح معاااي محمــــــد
ابعد الجوال عن اذنه ورجعه
محمد:وصمخ فجرت اذني..انا صاحي وابوي بجنبي..حنا مرينا بيتكم والبواب يقول انهم راحو للمستشفى..الظاهر ماتدري شالسالفه
سليمان:مستشفى!!!!!!! مع السلامه...
طالع بأبوه
محمد:مايدري وسكّر بوجهي..خل ندق على عبير احسن
ابو فيصل:بسرعه وش تنتظر
دق على رقمها وطلع انتظار..
محمد:يباه شكل سليمان يكلمها...تبيني ادق على عمي
ابوفيصل:لا لا..انتظر عبير....

بالمستشفى
ابعدت الجوال عن اذنها تشوف من معها على الخط..ورجعته لاذنها وهي تقول
عبير:سليمان تبي تتطمن تعال للمستشفى بسرعه محمد معي على الخط...
سليمان:خلاص يلا مع السلامه
وردت على محمد..
عبير:هلا محمد
محمد:عبير انتم وين.؟؟؟ومن اللي بالمستشفى؟؟؟
عبير:مافيه شيء ..جدتي انخفض الضغط عندها شوي واضطرينا نوديها للمستشفى..
محمد:يعني هي الحين بخير
عبير:الحمد الله..
محمد:انتم بأي مستشفى؟؟؟؟
عبير:العسكري..
محمد:خلاص الحين نجيكم...مع السلامه

التفت على ابوه ومسك ايده يطمنه
محمد:ماعليها خلاف..منخفض الضغط شوووي...
قال للسواق وهو يشد على ايد محمد
ابو فيصل:بسرعه على المستشفى...


********************

افهم اغار عليك..صوتها يتردد بأذنه..وشتبي؟؟وش تفكرين فيه يانوال؟؟؟
مدّت ايدها له علشان تساعده..
ليلى:زياااد..وين رحت؟؟؟
نفض افكاره وابتسم لها
زياد:عندك..مارحت..ومسك ايدها ووقف..
ليلى:زياد فيك شيء؟؟؟شكلك مو طبيعي
زياد:ها..لا مافيني شيء..يلا تراني جوعان وودي نفطر جميع..
حطت جلالها فوق راسها وهو مسك كتوفها ومشًاها قَبْلَه...
طلعو من الجناح وكانت طالعه من غرفتها...
هرْوَلَت لهم بسرعه وهي تقول
صبااااااااح الخيررررر
ابْتَسْمَت ليلى لها..
ليلى:هلا نوال صباح النور..شكلك مِسْتَانْسَه ..يووه نسيت ان الغالي فيه(تقصد ابوها)
ابتسمت على جنب وقالت وهي تناظر بزياد..
نوال:الغالي كل يوم اصبح بوجهه..زياد شفيك تطالعني كِذَا لايكون لِبْسي مو عاجبك..
شتبين توصليله..ضيّق عيونه وهو يحط ايده على كتف ليلى ويقرّبهْا له..
زياد:ماعمري انتبهت لشكلك..ولافكرت..امْشي ليلى
مشت معاه كان بجنبها ويدينه محاوطه اكتافها..رفعت راسها لثواني له..
احساسها بمكانه..نوال تبيه..هي ماتعامله كأخو..هذا سر عداوتها لي...


*****************

العصــــــر...



جالسين حوالين السّرير...
ابو سليمان ومحمد بجنب بعض على الجانب الايمن من السرير...
وابو فيصل وسليمان جالسين على الجانب الايسر..وعبير على السرير وام فيصل بكرسي منفرد..
الجده:طلعووني طلعووني..والله مااجلس
ابوفيصل:يماه الله يطولي بعمرتْس تبين تطلعين ان شاء الله بس بعد يومين لين ترتاحين
الجده:مامن راحه وانا بهذا..انتم تبون تغثّوني
ابوسليمان:الله يصلحتتْس تراتتْس الصّبح مسوْيِتِنْ عمليّه وان طلعتي تبين تِشْتَمّين ومانتي مرتاحه..بهَذَا احسنْلِتْس..
الجده:والله والله ....قاطعها وهو يدخل بدون استئذان..
فيصل:بدووون احْلِفَااااااان خلاص اللي تبينُه يصير...
نزّلت نقابها بسرعه وهي تحس وجْهها احترق تحس كل الانظار عليها...
الجده:ايه كفو كفو والله قول وفعل..يلا يلا نمشي..
اتجه لجدته وهو يسلّم على الجميع..ووقف بجنب السرير..كان يبي يجلس بس مايبي يضايق عبير اللي بالجهه الثانيه..
فيصل:انا توني مسوي اوراق خروجتْس..بس عيّا المدير يقول ماهْنَا طلعه لين يقوم بواجِب الضيافه..يَبيتْس تجلسين ثلاث ايام...
وحب راسها
الجده:انزح وراااك مابيلك حُبّه
فيصل:افا زعلتي..
سليمان:جدتي خلاص انسي وهالثلاث ايام تبي تروح بسرعه..اهم شيء صحّتتْس..
الجده:انت اسكت ..
سليمان:الاخلاق خربانه..
التفتت لجهة عبير ورفعت عيونها لها..
الجده:وانتي شبلاتتس متغطيه ماني خابرتتس تغطين عن محمد
قال بانفعال بعد ماكان هادي
محمد:لا بتتغطى غصب عنها انا مو نااااقص ذنوووووب..وطلع وهو منفعل..
الكل استغرب ردة فعله..
ابوفيصل:شفيه؟؟؟
سليمان:مادري..اليوم شكله مو طبيعي ابدا...بس ساكت موعادته
فيصل:يمكن متضايق من شيء...وحط الحره بهالموضوع..
طالعته بطرف عينها..وهي تردد بداخلها..
مايبي ينطق اسمي..لهالدرجه كارهني..
انتبهت على اللي يصوتلها..
عبير:هلا
ام فيصل:بترافقين الليله..و
قاطعتها
عبير:ايه انا اللي برافق..وانتي ارتاحي خالتي...
ام فيصل:الله يجزاتتس خير..اجل برسل اغراضتتس مع العشاء مشتهيه شيء..
عبير:اللي تطبخونه..
الجده:سويلي مرقوق
فيصل:ممنوع انتي مسويلتس عمليه ولازم تاكلين اكل المستشفى..حلفت وماترديني
الجده:اطلع اطلع انت غاااثّن
فيصل:خلاص بطلع..يماه ماله داعي احد يرافق..انا جالس هنا
سليمان:اي والله دام فيصل هنا ارجعي ياعبير
عبير:لا لا بجلس..مااقدر اخليها...بس يباه انت روح مع سليمان لا تنام لحالك بالبيت علشان خاطري
ابتسم لبنته وقال بحنان بان من صوته..
ابوسليمان: خلاص ان شاء الله

*************************


الليــــل...
الساعه التاسعه...
جالسين بالحديقه اللي ورى البيت..ويشوون..
شموخ ونوال على الطاوله..
وليلى ونوف وتماضر على بساط احمر لحالهم
والعيال مع عمهم وابوهم وامهم على بساط ثاني لحالهم...

ابتسمت ليلى من ورى نقابها لايمان بنت تماضر اللي تحاول فيها تكشف..
ليلى:عييب فيه رجال هنا
ايمان:ماافي احد..اكشفي بلييز
ليلى:ايمان حبيبيي روحي العبي مع عيال خالك..يلا ترى بيزعلون
تماضر:ايماااان خلاص يكفي ..اااوووت..
سمعت كلام امها وراحت..
نوف:اقول ليلى..امك واختك ماشفتهم مازاروك هنا
ليلى:الا والله يزوروني بس ان شاء الله بخليكم تجتمعون يوم..
عدّلت حجابها اللي تحرر غصب عنها..وكمّلت كلامها
نوف:طيب شرايك تزوريني بكره..حتى اهلي بيتعرفون عليك..
ليلى:بكره..مادري والله بشوف زياد واردلك..بس شوفي مسيار عصر.. مابي تتكلفين بعشاء ترى حنا خوات
نوف:لا والله ماني عازمتك على عصريه وانتي اوّل مرّه تزوريني..
ليلى:حلفت عليك ماتسوين عشى..يابنت الحلال انا مااحب الرسميات..تدرين وشلون شكلي بجيك زياره مفاجئه..

على الطاوله..
نوال:خير هذي شتبي؟؟؟..ولا متحجبه!! من متى؟؟؟
شموخ:تتلزق بليلى..اكبر مصلحجيه بالعالم..
نوال:علميها ان ماعند ليلى اخوان شاغرين..
شموخ:لا عندها واحد بالثانوي...انا بعلمها انهم مايناسبون هالاشكال..تتحلّم
نوال:وليه ان شاء الله ؟؟ لايكون بس اهل ليلى عندهم زيادة ايد ولا رجل؟؟؟
شموخ:بلا مصخره وانتي فاهمه قصدي..ليلى واهلها فووق الريح..انا كل مايطري علي جهازها(بقشتها..دبشها))
يغمى علي..انتي بس شوفي بيتهم وانطمي

على البساط الثاني((الشباب))
همس بصوت واطي لاخوه اللي جالس بجنبه
عبدالمجيد:متأكّد ..الناس كلها تحكي عنّه
زياد:يعني سليطين عايش مامات...
عبدالمجيد:ان شاء الله مايطلع منها هالمرره..خلّي يفك هالناس من شره..
زياد:اي والله..خسيس ..بس الحمدالله اني افتكّيت من شره..
عبدالمجيد:ربّك يحبك..اقول كلّمت ابوي
زياد:ايه كلمته..لو يدري فراس ذبحني
عبدالمجيد:احسن من جلسته بلا مره..ياخذ نوال ويفكك من شرها
زياد:ان شاء الله بس يوافق..بس لو نفتك من تماضر..تزن فوق راسه تبيه يرجع مرته...
عبدالمجيد:ماعندهم سالفة..انت متزوج شيبون فيك
زياد:كذا يحبون ينكدون على الواحد..
ابو شيخه:اقول ابو فراس شصار على الموضوع...
ابوفراس:هذا زياد قدامك اسأله...
ابوشيخه:زياد متى تبي تملّك..تراني مستعجل ولاني مطوّل هنا
رفع عينه على طول وهو يتمنى تكون لاهيه وماسمعت..وتحققت امنيته لانه ماشافها جالسه معهم..
زياد:عمّي لو سمحت تبينا نتناقش نتناقش لحالنا مو هناا
ابو شيخه:بس انا مااتناقش..انا اسأل ..متى..تبي..الملكه؟؟؟
التفت على الطاوله (اللي نوال وشموخ كانو جالسين فيها) ولا لقى فيها احد..كمّل كلامه
زياد:انا متزوج ومرتاح مع زوجتي...ولا لي نيّه اتزوج عليها..وبنتك الله ييسر لها النصيب الزين..
ابوفراس:زياد وين اتفاقنا؟؟؟
زياد:يباه الله يطوّلي بعمرك..تراني مو بزر..وحياتي وانا حر فيها..ياخي زوجوها لفراس
ابو شيخه:بس هي زوجتك..وماضنتي فراس ياخذ مرة اخوه..انا ماارضاها له
زياد:والله هذي مشكلتكم..وزواج ماني متزوج..واللي تبونه سووه..
ابو فراس:يعني تتحدااااني
زياد:انا ماتحديـــت..انا انحدّيـــت على هالاسلووب..انا مادري شتبون البنت ماتبيني ولا انا ابيها حنا اخواااااااااان وبس وغير كذا انا ماعندي استعداد...
ابوشيخه:اوكي اوكي..خلك على رايك..


نوف:والله عمّك ماعنده سالفه..وشجاب ليلى بنت الحسب والنسب لنويلوه
تماضر:نوف تراها بنت عمممي
نوف:والله والكوبه
تماضر:نوووووووف
نوف:افف خلااص خلااص
تماضر:هالسالفه مابي اسمعها تنقال لليلى فاهمه
نوف:ليه هي ماتدري
تماضر:لأ..والحمدالله انها راحت مع شموخ ونوال لداخل..ربي ستر..
نوف:ايه مصيرها تدري...

*********************

سكّرت السبيكر(مكبّر الصوت) بعد ماانهت حديثها مع هيفاء..
وقالت بصوت يرجف..
شموخ:مصيييبه مصييييبه
نوال:الله يلعنها بنت## اااخ بس لو هي عندي وريتها شغلها
شموخ:ياااويلي شسوووي شسووووي؟؟؟
ضربتها على كتفها مقهوره
نوال:كله منك يالحمااره..كله من تحت راااسك..تستاااهلين اللي يجييك...
شموخ:انا شيدريني انتي الثانيه..وانسابت دموعها..
حضنتها نوال
نوال:خلاص لاتبكين بندبرها..خللااااااص يكفي بكا...شموخ يكفي قطعتي قلبي...
ليلى:خلاص قوليلها انك موافقه..
رفعت راسها
شموخ:موافقه!!!
نوال:ليلى انتي صاااحيه؟؟؟؟ انهبلتي
ليلى:فيه حل ثاني...خلاص بنروحلها ..هالاشكال ماتخاف الله بكره ترسل مقاطع شموخ بلوتوث..وبننفضح
نوال:واذا راحتلها على بالك بتسكت..اكيد لأ..بتقعد طول عمرها تذل شموخ
ليلى:طيب عندك حل..
نوال:نعطيها فلوووس...
ليلى:شبعااانه فلوس وبعدين هي ماطلبت فلووس...
نوال:حنا نعرض عليها..
ليلى:طيب وش تفرق...كلهم ابتزاز..
نوال:احسن من تروحين انتي وشموخ لها..هذي حتى ماتبيكم تجون لبيتها عازمتكم لشقه اكيد مدبرتلكم مصيييبه
ليلى:مايبغالها ذكاء..بس ارجع اسألك عندك حل
نوال:ليلى لا تجنينيني..انتي مااالك ذنب ياختي تروح شموخ بس انتي لأ...شموخ هي اللي بلت عمرها..وبعدين شلون تخونين زياااااد؟؟؟؟
ليلى:مارح اخونه..وهالشيء بيضل سر بيننا...شموخ ارجعي اتصلي عليها وقوليلها انك بتنفذين الاتفاق...وانتبهي لاتحس اني دريت
شموخ:طيب..مسحت دموعها واعادت الاتصال...
شموخ:الوو
بصوت خشن
هيفاء:اااه من هالصوت..
شموخ:حمد خلاص انا موافقه...
هيفاء:ايه اعقلي ..وخليك مثل قبل..
شموخ:انا ماعقلت انتي اجبرتيني
هيفاء:انا عظمي مر ياحلوه..ومو انا اللي انترك..انا اذا ملّيت منك تركتك..
شموخ:لانك ماتخافين الله
هيفاء:ايووه مااخاف الله..المهم بكره تجين والحلوه معك..واذا ماجبتيها معك..
قاطعتها
شموخ:ماله داعي تكملين..خلاص بحاول اجيبها..بس لو ماقدرت..
هيفاء:لا بتقدرين..قوليلها بروح السوق وابيك معي..او بتزورين صديقتك..اي شيء المهم تجيبينها معك
شموخ:وليه هالاصرااااار شتبين فيها
هيفاء:عااجبتني ...يلا انا مشغول..وسكرت بوجهها..
نوال:بنت### بنت#### ال@@@
ليلى:نواال خلاص روقي
نوال:ليلى اسكتي تراني مقهوره وبحط الحره فيك...
ليلى:طيب شموخ انتي متأكده انك مااخذتي صورتي..
شموخ:والله العظيـــم اخذت اللي رجعتهم لك ..ماعندي شيء
ليلى:بس انا متأكده فيه صوره ناقصه..اخاف احد ماخذها
بدت تحك ذقنها وهي تفكر باللي طرى على بالها....وقالت وهي تطالع بالارض..
نوال:بصراحه ليلى..شكل شموخ سحبت الصوره من غير ماتدري وطاحت منها بالارض..لان ايمان جابتها لي البارح..وكنت معصبه من موضوع شموخ وقلقانه ..فحرقتها من القهر..يعني كل مااتذكر وش ممكن كان بيصير بسبب هالصوره اتنرفز..اسفه تصرفت من غير ماقولك..
فرحت من قلبها وتطمنت..
ليلى:عااااااادي وتفداك..الحمد الله انك لقيتيها..والله اني قلقت بسبتها..اشوا..

***********

الســــاعه 12 مساءاً

المستشفى
وعند باب الجناح من داخل..
سكتت ثواني وهي تحاول ترتب افكارها..وقالت بصوت هادي علشان جدتها ماتقوم
عبير: تضحكين معاه وتقولين عادي؟؟؟
نسرين:هو اللي يتلزّق فيني..عبير انا ماقلتلك قبل عن سوالفه
عبير:مشاء الله وانتي تعطينه وجه..لاتحاولين تبررين..
نسرين:عبير شفيك..الحين الغلط علي
عبير:لا علي انا اللي صدقتك..
نسرين:وش تقصدين؟؟؟
عبير:اقصد كنت غبيه وماشيه وراك..وانتي تخططين لبعيد..مقيوله خاويني واخاويك واخذ رجلك واخليك..
نسرين:الحين هذا اخر شيء طلع معك..
عبير:ايه..ورجاااااء مابي اشوف خشتك هنا..والحين بررى..
نسرين:طيب ياعبير..بتشوفين..وطلعت وهي معصبه
سكرت الباب وراها
عبير:مالت عليييك....


**************

فتح عيونه ومالقاها بجنبه..دارت عيونه بأرجاء الغرفه..ولا لمحها...قام من السرير..
وطلع للبلكونه...كانت مسترخيه على الكرسي الخوص الطويل وحاضنه خداديه بيضاء..
تقدم منها ولا حسّت..
زياد:ليلى
انتبهت له وبسرعه عدّلت جلستها ورتّبت شعرها وجمعته على جنب
ليلى:زياد ليش قمت؟؟
جلس بجنبها ووجهها له..
زياد:انتي ليش مانمتي
ليلى:ماجاني نوم..التفكير يذبحني.
حط يده ورى ظهرها وهي ارخت راسها على صدره..
زياد:بأيش تفكرين؟؟
ليلى:بهالحياه...كل مالها تتعقد..صايره الدنيا تخوّف..ماتأمن احد..
زياد:تخافين وانتي معاي؟؟؟
رفعت راسها له..عيونها متعلقه بعيونه..قالت بصوت مبحوح
ليلى:انا خايفه اكون من غيرك..زياد انا اموت اذا تركتني
حط اصبعينه على شفايفها يمنعها تكمّل كلامها
زياد:اشش ..حبيبتي حنا مايفرقنا الا المووت..
دفنت راسها بصدره وضمته
ليلى:جعل يومي قبل يوومك..
تنهد وهو يمرر اصابعه على شعرها
زياد:ليلى انتي سامعه شيء؟؟ احد ضايقك؟؟؟
ليلى:لا..بس خايفه تتركني..مادري ليش..
ابعدها عنّه وحط راسها بين يدينه وهو مركز على عيونها
زياد:ليلى وعد ماتركك الا اذا الله اخذ عمري..انا مستحيل اتركك شيلي هالاحساس منك
نزلت دموعها غصب..ماتحمّل دموعها ودفن راسها بصدره..
زياد:يابعد هالدنيا ليش هالدموع..
كتمت بقلبها..وش تقولّه؟؟ ناصر قبلك وعدني مايتركني..وتركني؟؟...ناصر ياما قال مايفرقنا الا الموت ..وتفرقنا؟؟..ناصر اللي يفهمني من نظرة عيوني خذلني بكل بساطه..؟؟..وش تقول؟؟ تقول ان قلبها انكسر مره..وماله حمل ينكسر مره ثانيه؟؟؟
باس راسها وابتسم...
زياد:الحين بخلي مزاجك يروق..وبدى يغني وهي بحضنه..
ريض يالطارش يالمعنا.......
........................



************************




استقبلت القبله وفرشت سجادتها..كبّرت وصلّت التهجد..
واول ماسجدت..طلّعت كل شيء بقلبها..كانت تبكي وتدعي..
عبير:يااارب ياااااارب يااااااااارب اللهم لاتكلني الى نفسي طرفة عين..يارحمن يارحيم لاتفجعني بأخوي نااصر..
ياارب يااارب انزل الرحمه بقلب ابو محمد وام محمد..ياحي ياقيوم ياسميع ياعليم يامجيب الدعاء..
اللهم ارحم حاله فرحمتك وسعت كل شيء اللهم اغفرله ذنبه اللهم ارجعه لنا سالما يارب العالمين يااارب لاتحرمنياه..
يااارب تخليه لي يااارب يااارب تحنن قلب ابو محمد عليه يااارب يااارب يااارب...
ياحي ياقيوم ياسميع ياعليم اللهم اهدني واصلحني..واللهم اني اسألك الخير كله عاجله واجله ظاهره وباطنه ماعلمت منه ومالم اعلم واعوذ بك من الشر كله عاجله واجله ظاهره وباطنه ماعلمت منه ومالم اعلم....اللهم صل وسلم على نبينا محمد وعلى اله وصحبه اجمعين..
رفعت راسها من السجود وكمّلت صلاتها...

دخل بشويش ..وانصدم لمّا شافها..توقعها نايمه..مشى بخفه مايبي يقطع عليها خشوعها..
ومسك ايد جدته المليانه عروق خضراء وصار يطالع بالجهاز ويطالع بساعته يتطمن على نبضها...
نزّل ايدها وطلع مثل مادخل بدون ماتحس عبير...

دخل مكتبه وفصخ البالطو وعلقه..وتمدد على السرير..وتكتف ونام..

طق الباب ومحد جاوبه..فتح الباب ولقى المكتب مظلم الا من اناره خااافته..وطالع بالسرير ولقاه فيه..
مؤيد:يووه نام ولا امداني اسأله عن جدته؟؟؟ والتفت للي وراه..امش امش نام
جلال:يعني راحت سهرته معنا..
سكر الباب..
مؤيد:يابن الحلال اي سهره..من امس ماطلع من المستشفى..الحين تلقاه مرهق..
وكملو طريقهم وهم يسولفون...

**************************
الصبــــاح..

دخل على جدته بعد ماطق الباب ومعه مؤيد..
مؤيد بالبالطو..وفيصل مفسر اكمام قميصه الابيض وجزء طالع وجزء داخل بنطلونه الاسود..
سلمو مع بعض بصوت عالي....
مؤيد:طهور ان شاء الله لا باس لا باس
الجده:مشاء الله مشاء الله..هذا مؤيد..لا اله الا الله غديت(صرت) رجال
فيصل:جدتي هذا شاايب ترى مابيني وبينه شيء
مؤيد:اسم الله علي توني العام متخرج امداني صرت كبرك...انتي شلونك
الجده:انا بخير مار(مير..لكن) بلاي هالمستشفى انتم طلعوني وانا اصير بخير
مؤيد:ان شاء الله بتطلعين بس عقب مايتطمنون عليك...عبير شخبارك
كانت تخْتلس النظر وتتأمل فيصل بدون مايحس..
قالت بصوت واطي ماتبي احد يسمع الرجفه اللي تحس فيها
عبير:انا الحمد الله..وينك صاير ماتنشاف؟؟
مؤيد:والله هالشغل..يلا تامرون على شيء
الجده:سلّم على امك وعلى ابوك..الا شخبار ابو عهود..؟؟؟
مؤيد:امس طلعت التحاليل ويبون يتأكدون اليوم..وان شاء الله خير
الجده:الله يخليه لمريته ولبنيته انا اشهد انه اجودي...الله يشفيه
مؤيد:امين..يلا مع السلامه..وطلع معه فيصل..
شالت نقابها عن وجهها.. ورجع فيصل...حمر وجهها وبسرعه تغطت..
فيصل:انا برجع للبيت ابي ارتاح وراجع ان شاء الله قبل العصر..تامرين على شيء جدتي
الجده:اللي ابيه انت عارفه..
فيصل:لا اقصد غير الطلعه
الجده:مابي شيء...
طالع بعبير
فيصل: تبين شيء اجيبه معي.
همست
عبير:سلامتك..
فيصل:افطرتي؟؟؟؟
عبير:لا...الحين انزل لاي كوفي واشتري
فيصل:شتبين فطور انا بجيبه
استانست..تعرف هالنغمه هذي..للحين يغار علي..قالت باصرار علشان تستفزّه..
عبير:مايحتاج..
طالعها من فوق لتحت
فيصل:بكلمك برى شوي..ممكن
الجده:ايه يمه روحي مع رجلتتس تاخذون راحتكم برى يمكن يبي يقولتتس شيء..
طلع فيصل ولحقته على طول..
تلفّت حوالينه ولا لقى احد..كلن لاهي بشغله..
كان الباب وراها..شابكه يدينها ببعض تحاول تمنع الرجفه..قربها منه يهز فيها اشياء واشياء...
شيبي يقوللي؟؟؟..شرايك نرجع لبعض؟؟؟..عبير انا ابيك؟؟؟...عبير مااقدر على فراقك...
اوقف تفكيرها صوته الثقيل
فيصل:انا مابي اضايقك ولا ابي هالشيء اصلا..بس ابيك تعامليني مثل ماكنتي تعامليني قبل..ولد عمك..انسي اني شخص مكرووه بالنسبه لك..انسي اني شخص غثيث..انسي اني غلطة عمرك..واعتبري اللي بينا ماصار..وعامليني مثل خالد ومحمد...ماله داعي تسببين بينا مشاكل وحساسيات..واذا على جدتي وكلامها..فدخليه من هنا..وأشر على اذنه اليمين..وطلعيه من هنا..واشر على اذنه اليسار...
عبير حنا عيال عم واخوان..اتمنى تفهمين وجهة نظري...وش تبين اجيبلك فطور..؟؟
تمسّكت بالكولون ونزّلت عيونها للارض ماتبيه يشوف دموعها..اخواان وعيال عم..يعني مالك نيه ترجعني..عاجبتك نسرين..
عبير:مابي فطوور..
انقهر منها..لهالدرجه كارهتني..
فيصل:طيب على راحتك..بقول لنسرين تجيبلك فطور..على مااظن انك تحبينها واكيد بتقبلين بأي شيء تجيبه...ودار بظهره وتركها
دخلت الجناح وسكرت الباب بقوه وسندت ظهرها عليه وهي تبكي..
الجده:عبييير عبييييير..يمااه عبييير شصااير عبير
كتمت شهقاتها بس ماقدرت تمنع دموعها..
عبير:م..ف..ي..ن..ي شيئ..ودخلت بسرعه لدورة المياه..


وقف عند الممرضه الفلبينيه وطلب منها تاخذ فطور لعبير...
فيصل صبااح الخيير..
التفت عليها وطالعها باحتقاار..ورجع يكلّم الممرضه
فيصل:اوكيه
الممرضه:اوكيه...وراحت..
نسرين:فيصل شفيك جدتك فيها شيء؟؟؟
فيصل:جدتي بخير..وتركها..
نسرين:هذا شفيه معصّب ويطالعني بهالنظرات...؟؟؟


***********************
ب
ببح
عروس مشرقة
09-07-2011 | 02:36 PM
الظهــــــــر...

الشـــــركه..
لا لا اجّلها مو وقته ابداااا...قالها وهو يطقطق على اللا بتوب
محمد:بس انا مواعد خويي..وقلتله بنروح مع بعض للعمره..وبعدين انا ماخذت اجازه من يوم اشتغلت..ابي ارتاح
سليمان:حميداان قوووم عن وجهي تراك اشغلتني...روحه بهالوقت مافيه اجلها للاسبوع الجاي..انت ادرى واحد بالشغل..
شلون تسافر بهالوقت؟؟
محمد:الشغل ملهاة عن الدين..هذا وصخ دنيا..والواجب مقدّم..
سليمان:ايه وصخ دنيا بس سفره مافيه وبعدين توك برمضان معتمر...محمد ولا كلمه زياده اطلع خلني اركز...
محمد:طيب...وطلع وهو معزّم انه يسافر..

نغمة مسج اخترقت اذنه مد يده وسحب الجوال وفتح المسج..
((اشتقتـــلك...حبيبي الغدى تبيه الساعه كم..
أحبــــك))
ضغط على الزر الاخضر..وثواني جاه صوتها العذب..
سلمى:هلا حبيبي..
سليمان:اااه ياليت الناس مثل صوتك..على الاقل اخوك حميدان اللي صوته نخر اذني..
سلمى:ههههه..
سليمان:يابعد هالدنيا..تروقين الواحد غصب عنه
سلمى:وانت يابعد طوايفي تخليني اطييررر فووووق لما اسمع صوتك..تخليني بعالم مافيه غيرك..
سليمان:اقول حبيبتي..ترى الغدى مااقدر اجيه..عندي شغل وااجد..
سلمى:الله يعطيك العافيه ويقويك..خلاص ولا يهمّك..بس سليمان عشان خاطري تغدّى..مو تنسى..
سليمان:ان شاء الله...
سلمى:.......
سليمان:........
سلمى:.......
سليمان:سلمى
سلمى:سم..
سليمان:سم الله عدوينك..شفيك ساكته..
سلمى:انتظرك تتكلم..انا خلصت كلام..
سليمان:ليه ماقلتي
سلمى:انت اللي متصل يعني المفروض انت اللي تسكر مو انا
سليمان:هههه نسيت..طيب مع السللامـــه..
سلمى:الله يسلمك...
**********************


رن جوالها بنغمة موتورولا المعروفه..طالعت بالرقم واستغربت..
ردت بعد الحاح المتصل..
نوال:الووو
ام شيخه:نواال ليش ماقلتي ان ابوك جاء؟؟؟
نوال ليش ماقلتي ان ابوك جاء؟؟؟...أم لها فتره طوووويله ماسألت عن بنتها هي حيه ولا ميته..واول ماتتصل حتى ماتقول
السلام عليكم..
كيفك..
او
شخبارك
او
شلونك
اي سؤال تقليدي نكرره مع اي شخص سواء كان يهمنا او مايهمنا بس لمجرد الذوق..حتى لو ماحسينا فيه او مانقصد هالسؤال..
دمّعت عيونها غصب عنها..وكرهت نفسها لضعفها..ليه البكاء؟؟؟ كل هذا لانك توقعتي انها تسأل عنك يانواال؟؟؟ تنفست بعمق وهي تمسح دمعتها بخشونه
نوال:وانتي داقه علشان كذا؟؟؟؟
ام شيخه:ايه وينه فيه الحقيير
نوال:دقي عليه واسأليه..انا شعلي فيه..ماهو ولدي علشان تسأليني عنّه...
ام شيخه:بلا سخافه وقوليلي وينه...
نوال:منهو؟؟
ام شيخه:ابووك
نوال:غلطانه بالنمره..انا ماعندي لااب ولا ام..ورجااااااااء مااااابي اسمـــــــع صوتك...وسكرت الجوال.
طلعت بسرعه برى غرفتها ماتبي تقعد لحالها وتفكّر...

راحت لغرفة شموخ..فتحتها بدون استئذان زي ماهي متعوده..ولقتها نايمه..

طلعت وراحت للصاله وشغلت التلفزيون..البيت مافيه احد..تماضر وبنتها طالعين يتغدون عند اهل زوجها..
وخالتي نايمه وليلى وزياد بغرفتهم..

فرفرت بالقنوات..شدّتها قناة اول مرّه تنتبه لها..طوّلت عليه وهي تقرى اسم القناة..
شهرزاد..برنامج تذيعه بنت حلوه ومعاه شخص يقــال عنّه شيخ..
وبدت تستمع لاستفسارات الناس...
:الو لو سمحت فضيلة الشيخ انا ابي اتوظف..
الشيخ:اول شيء عطني اسمك واسم امك..
:انا يحي ابن فريده..
صار يقرى بورقه ويحسب..ودقايق
الشيخ:انت عندك شوية مشاكل تعترض طريقك من اهل الارض(الجن)..انا رح ابعتلك حجاب..وكمان بديّاك تقرى سورة ياسين اول ايتين ثلاثين مره في كوب ماء وبعدين تشربه..وقبل المغرب بديّاك تاخذ ملعقة ملح خشن وتحرقه على النار وتدخن البيت فيه قبل المغرب..
:طيب ياشيخ والحجاب كيف بيوصلني؟؟
الشيخ:بالبريد..انا ببعته الك...
متصل ثاني
:الو ياشيخ انا حبيت اسألك عن حياتي..انا ورزوجتي داائماعلى خلاف..مانتفق ابدا..
المذيعه:لو سمحت ممكن بس تعطينا اسمك واسم الوالده وتاريخ ميلادك
:انا اسمي درويش ابن ميسون وتاريخ ميلادي..13 ايار 77
بعد ماسوّى حساباته
الشيخ:مافي شيء بينكن..شغله بسيطه...بدياك تقرى سورة الفاتحه خمسين مره وتقرى سورة الكرسي خمسين مره في كوب مي وقبل المغرب بشوي بتكب هالميات على العتب اي عتب موجود بالبيت..كمان بتجيب معلقة ملح خشن وبتحرقه قبل المغرب وبتدخن البيت فيها وانت بتدخّن بتقرى سورة الاخلاص...فهمت علي يابني
:ادّيش ياشيخ
الشيخ:لمدة شهر ..ولاتنسى يوميا..اذا نسيت يوم واحد بيتلخبط شغلك..بدّك تعيد عن جديد...ورح ارسلك حجاب..
انتهى الاتصال وبدت المذيعه تسأل
المذيعه:هلق ياشيخ فيه كتير اشخاص بيعتأدو انّك عم تمارس السحر وبيتهموك بهالشيء..
قال الشيخ اللي لابس بدله افرنجي وتوسطت جبهته بقعه بنيه من كثر السجود وبيده مسبحه..
الشيخ:أستغفر الله العظيم يايابه..آني اتعامل بالسحر..اش داقالولكم..آني مااتعامل الا بالقرآن..القرآن شيء عجيب..
استغفر الله استغفر الله...
المذيعه:يعني انتا بتكزب الاتهام الباطل..وبنحب انطمنكو مشاهدينا انه الشيخ ابدا مايتعامل بالسحر ولابشكل من هالاشكال..الشيخ عنده كرامه من الله..ومعنا اتصال تاني..الووو
:اااه ياااشيخ..الحقني الحقني انا داخله على الله ثم عليك
الشيخ:وصلتي يايابه شو مشكلتك؟؟؟
:اخووي اخووي حرمني من الورث ظلمني ظلمني ياشيخ..صارلي خمس سنين اراكض وراه ولا هو راضي يعطينياه..
الشيخ:قوليلي اسمه واسم امه ووعد عليا لا اخليه هو اللي يراكض وراك ويترجاااك تسامحيينه...
:اسمه قيس ابن جليله
الشيخ:خلاص صار عندي وبتشوفينه كيف رح اخليه مثل الكلــب..
:تسلم ياااشيخ ياعااااادل...بس كيف ادفعلك
الشيخ:لا مارح اخذ شيء منك انتي مظلومه وانا ماارضى بالظلم ..هذي من صوب الله واجري على الله...
من شكوى لشكوى
ومن وعود لوعود
ومن تهديد لتهديد
ومن بث السم بالعسل لبث سم بالعسل..
مركزه معاهم ومندمجه..كل شيء بالقرآن..
انتهى البرنامج..سكّرت التلفزيون بعد ماسجّلت الرقم..وراحت لغرفتها...


*************************

العصــــــر..
الساعه الرابعه والنصف...
فندق الهيلتون..جده
تحسس سكسوكته اللي توّه مضبطها..وابتسم لنفسه بالمرايه وبانت غمّازاته..
كان كل شوي يغير وضعيته لانه بيشوف وجهه من كل الجهات...
قال وهو يطالع شكله بالمرايه
خالد:طالع وسيم صح؟؟
سوّت نفسها ماسمعته..وكمّلت قراية الجريده..
التفت لها وانقهر..راح لها وسحب الجريده..
خالد:ماتسمعين انتي؟؟؟
جاوبت ببرود
ميساء:وش فيك
رص على سنونه وده يصفقها
خالد:انتي تستهبلين ولا تستهبلين
مطت بوزها وكأنها تفكّر..
خالد:شفيك؟؟؟
ميساء:قاعده افكر..
خالد:بأيش؟؟؟
ميساء:انا استهبل الاولى ولا الثانيه..تصدق احترت..
ابتسم على جنب
خالد:ها ها ها..تضحكين والله..اقول ها شرايك
ميساء:بأيش؟؟
خالد:بشكلي
ميساء:وش فيه
خالد:اقصد حلوه علي ولا اشيلها
ميساء:التيشرت اللي عليك؟؟؟..لا حلو
خالد:ميساء شفيك اقصد السكسوكه
عقّدت حواجبها
ميساء:اااه..متاك مسويها ..عقب صلاة العصر؟؟؟؟
قال وهو متضايق
خالد:سويتها اليوم الصبح..معقوله مانتبهتي ماحسيتي بشكلي تغير طول هالوقت
ميساء:لا مانتبهت..عموما حلوه..عطني الجريده ابي اقرى مقال
عفّط الجريده بيدينه ورماها بالارض
خالد:انا طااااااااااااااالع...
اوّل ماسمعت صبخة الباب
ميساء:هههههههههه احسسسن تستااااهل جرّب اللي اجربه..توّك ماشفت شيء..اجل تطلعني من الشاليه وتحشرني بالفندق..هين ياخويلد..
قامت من مكانها ..مسكت الجريده بيدينها وتنهدت..مابي اعيش كذا معاه..مابي اقعد على هالحال طول عمري..ابي اكون طبيعيه..
ابي اكوون انــا..اخ منك ياخالد...

*****************


لبست تنوره جنز طويله فاتحه..وولبست تيشرت ابيض ايف سان لوران وعليه علامتها بالذهبي..سوّت شعرها جديله وحطتها على جنب..
حطّت قلوس وردي فاتح وبلاشر وردي..اخذت عبايتها بيدها وشنطتها الجلديه السوداء من كارتيير على كتفها..طلعت من غرفة الملابس
ابتسم اول ماشافها..
زياد:خلصتي
ليلى:ايه..تبي شيء حبيبي
زياد:ماينفع اروح معاكم
راحت له بخطوات سريعه وجلست على ايد الكرسي اللي جالس فيه
ليلى:وش يوديك معي للسوق...كلنا بنات تطلع شتسوي
زياد:اتفرج على الحلوين
رفعت راسها فوق وقالت بثقه
ليلى:لو تلف الكوووون كله زيي مارح تلاااقي خذها مني ياولد ابو فراس..
ضحك وهو يصفقلها بيدينه
زياد:هههههه ..احلى يالوااااثق..
وقفت وصارت قباله وقرّبت وجهها له لين اختلطت الانفاس وقالت بهمس..
ليلى:هذي مو ثقه..هذا وااقع..وأبعدت وجهها عنّه..حبيبي مع السلامه..ودارت بظهرها
زياد:لحظه..
التفتت عليه وهي ساكته..
زياد:تعالي ..اقربي..
قرّبت منه وجلست على اطراف اصابعها ويدينها على ركبه..وقالت بهمس وعلى وجهها ابتسامه
ليلى:آمر
ميّل بظهره لقدام وصار قريب مره منها..اخذ طرف جديلتها من تحت يلعب فيه..
زياد:انتي شناويه عليه...؟؟
ليلى:مو ناويه على شيء..وسحبت جديلتها..
طالع بعيونها اللي تتهرب منه..
زياد:حاس ان فيك شيء..موطبيعيه
ليلى:يتهيألك..مافيني شيء..
زياد:تعالي اجلسي هنا...وأشّر لها على رجوله
جلست على رجوله وهي خايفه يكشفها..وصارت تردد بداخلها الله يستر ياارب سترك
رص على ذقنها باصبعينه
زياد:حبيتي طالعيني
طالعت فيه وانصدمت بالجديه اللي فيهم..
ليلى:زياد..شفيك
زياد:حبيبتي ابيك تسمعين كلامي وتفهمينه زين...انا اثق فيك..مثل ماانتي تثقين فيني..
لايهمك اي احد بالدنيا..ولاتسمعين من احد غيري..اذا قالو زياد بيسوي وزياد بيفعل لاتصدقينهم..
أسأليني انا ..وانا مارح اكذب عليك..فهمتي..
عقّدت حواجبها وشالت اصابعه من ذقنها وشدت عليهم
ليلى:شصاير؟؟؟
زياد:مو صاير شيء...بس انا خايف يخربون علاقتنا بكذبه انتي تصدقينها...ليلى اقسى شيء ممكن احس فيه اذا ماوثقتي فيني...
مسكت راسه بيدينها وباسته..
ليلى:زياد انا واثقه فيك..لاتخاف..انا ابيع الدنيا واشتريك..
رن جوالها ..وقفت ..هذي اكيد شموخ تأخرت عليهم..مع السلامه...وطلعت..

كانو واقفين بعباياتهم ينتظرونها تحت عند الباب..
نزلت مع الدرج بسرعه وراحت لهم..نزّلت شنطتها على طاولة الاستقبال ولبست عبايتها
ليلى:سوري على التأخير
شموخ:لا عادي..ليلى
ليلى:شمووخ خلاص سكري على الموضوع مو صاير الا كل خير
نوال:ايه وااضح..
ليلى:نوال ماتبين تروحين معنا انتي مو مغصوبه
نوال:ياسلااااام واخليكم تروحون لحالكم..مستحيل
رفعت غطى عيونها ومسكت شنطتها بيدها..
ليلى:خالتي وينها
شموخ:راحت للصالون..ليش
ليلى:استأذنتو منها
نوال:ههههههه ياحليلك عااادي حنا فري مو مثلكم معقدين
ليلى:وش نفعكم هالفري..وبعدين هي مسألة ذووق..والواجب شموخ تستأذن..وطلّعت جوالها ودقت على خالتها..

كانت تقص شعرها دقراديه قصير..رن جوالها اللي بيدها وردت
ام فراس:الو
ليلى:هلا خالتي اسفه ازعجتك
ام فراس:لا عادي..وش بغيتي
ليلى:خالتي تراني بطلع واستأذنت من زياد وانتي طلعتي ومالحقت عليك..وان شاء الله قبل صلاة العشاء وانا موجوده..
ام فراس:وين بتروحين
ليلى:خالتي بروح السوق..ومعي شموخ ونوال..بغيتي شيء خالتي نجيبه معنا
ام فراس:لا لا تسلمين ياقلبي..اطلعو واستانسو..
ليلى:مع السلامه
ام فراس:الله يسلمك...سكرت الجوال..وطالعت شكلها بالمرايه...اللي اختارتهم لعيالها ويقربونلها طلّعو عينها...وليلى انفرضت عليها فرض ومن اكبر المعارضين لها طلعت وحده من بناتها..ياما هزأتها وياما فشلتها ومع هذا كانت تبتسم وتقول خالتي تمون..حتّى مافكرت تطلع برى البيت وتستقر مع زياد لحالهم..

في السياره..
ركبو كلهم الثلاثه ورى وشموخ بالنص..
نوال:انا مادري شلون طاوعتكم...سوماهير(السواق)ارجع ارجع
ليلى:سوماهير لا ترجع...نوال شفيك تراك وترتينا
نوال:اجل تبوني اشوفكم ترمون رجولكم بالناار واسكت..
ليلى:مو رامينها بالنار..شموخ شفيك..
كانت تبكي بصمت
شموخ:انا ..السبب
حضنتها ليلى ونوال مع بعض..
نوال:شموخ والله لاوريها شغل الله..وتركتها وفتحت شنطتها..شووفي
انصدمو لما شافو اللي طلّعته نوال
ليلى:نواااال!!!!
شموخ:ايش هذا
نوال:اجل تبونا نروح بدون اسلحه..لازم يكون معنا سكين..حتى جبت لكل وحده منكم سكّين..بنهددها فيه..واذا اضطرينا نذبحها ذبحناها..
هذي اعتدت علينا...مر ببالها طيف زياد وسلطان..وصارت تسمع بأذونها صدى صراخها واستنجادها..وفجأه حست بشيء سائل على ايدها..وانتبهت لصراخ ليلى وشموخ
شموخ:نوال ايدك فكي السكيين نواااااال
كانت شاده على السكين بيدها ولا انتبهت..تركت السكين وطاح بحضنها..
مدّتلها ليلى كلينكس
ليلى:سوماهير روح صيدليه..ايدك لازملها شاش ومعقم
قالت وهي تضغط على ايدها بالمنديل
نوال:مايحتاج..ماهو عميق جرح بسيط ..ترى تأخرنا على المجنونه
ليلى:لا ان شاء الله نوصل بالوقت المناسب....


********************

مركّي وجهه على ايده اليسار وثاني رجل والرجل الثانيه ممددها..
لابس بجامه سبور رماديه بخطين ابيض وتيشرت رمادي ساده..
لحاله بالقبو وجالس بالركن الشعبي ويطالع بالمسبح...
الاضاءه خاافته مافيه الا انوار المسبح الداخليه والقبو كله مظلم..الا من اشعة الشمس المتسلله من الشبابيك العلويه والباب الزجاجي الخارجي..
سمع صوت له وقع خاص على قلبه..ورد
فيصل:لبييه..
ام فيصل:ليه جالس بالظلما...ومشت بخطوات قريبه من بعض..لين وصلتله..
فيصل:مو ظلما..الشمس للحين ماغابت..
جلست بجنبه
ام فيصل:انا بروح ازور..قوم البس ودني ..ولا تعبان.
فيصل:ايه تعبان..ماودي ازور اليوم..
ام فيصل:ماخذ اجازه
فيصل:ايه بس اليوم...
تحمحمت قبل لاتقول
ام فيصل:يماه ابوك كلمني بموضوعك..ويقول شناوي عليه..
فيصل:اي موضوع
ام فيصل:عبير
فيصل:بكره بروح للشيخ وارسل ورقتها..
شهقت
ام فيصل:ترسل ورقتها!!! يعني مالك نيّه ترجّعها؟؟؟
فيصل:لا..
ام فيصل:ليه؟؟؟
وش يقول..ماتبيه ولا تدانيه..وتكرهه..ضاق صدره وقال
فيصل:كذا..مابيها ولا هي تبيني..الزواج مو غصب..
ام فيصل:بس ياولدي هي تبيك وبعدين علشان عمك وياولدي تراها اعتذرت وانت تدري زين ان بنت ابليس هي اللي لاعبه عليها لاتلومها من حبها لك تغار عليك..
فيصل:يماه بنت ابليس مالها شغل..ورجااااااء يمااه لحد يجيبلي طاري هالموضوع نهااائيا انا ابي انسى..
ام فيصل:بس ابوك مو ناسي ويقول اذا مايبي عبير يتزوج غيرها بس ماتقعد كذا عزابي
فيصل:انا من الاساس مادري وشو اللي عمى على قلبي وخلاني اعرس..ماافي مره بالعالم تستاهل اني ارتبط فيها..يماه عرس ماني معرس لو تنطبق السماء على الارض انا مو مجنون اكرر التجربه..خلاص جربناه مره وعفناه..
ام فيصل:انت معصب وماينفع افتح معك هالموضوع
سحب ايدها وحبها..وقال برجاء
فيصل:يماه ماني معصب..انا مو متزوج ولاتفكرين ابد تفتحين الموضوع معي
ام فيصل:يايمه علشان ماتوفقت مع عبير تعيف الزواج كله..يايمه البنات مو واحد..
ابتسم على جنب وهو يتذكر ميساء وعبير..شلون يايمه مو واحد..كلهم زي بعض..مايستاهلون اللي يفكر فيهم..
كل وحده احقر من الثانيه..وحده تقول انها تحبني ومن اول فرصه علشان تفتك من غثاي زعزعت الثقه بيني وبين اخوي..والثانيه بعد قالت انها تحبني وتتزوج اخوي ..هذا الحب من وجهة نظرهم..تبيني يماه اتزوج وحده ثالثه علشان توريني بعد الحب من وجهة نظرها..
فيصل:يماه البنات وااحد
ام فيصل:طيب يايمه ماتبي تشوف عيالك
ماتمنّاك ابوه
ماتمنّاك ابوه
ماتمنّاك ابوه
تردد عليه صوت عبير..عقّد حواجبه
فيصل:يماه انا مابي لا مره ولا عياااال تبون عيال هذا خالد عندكم ومحمد انا ماااااابي
ام فيصل:تبي تحرمنا ذريتك
فيصل:انا عقييييم...
صمت اطبق على المكان مثل الظلام اللي بدى يتسلل ويكتسح انحاء القبو
مايدري شلون قالها ولا شلون نطقها..بس شيبي يسوي..لازم ينهي هالموضوع مايبي احد يفتحله سيرة الموضوع..
زواج مستحيل يتزوج..
بلعت ريقها بصعوبه ودمعتها تحررت من عينها
ام فيصل:شتقووول؟؟؟؟
فيصل:قلت..انا عقيم..عقيييم يمه..
ام فيصل:شدرراك؟؟؟
ندم لما شاف دموع امه...بس لازم يقوّي قلبه
فيصل:سويت تحاليل..
ام فيصل:وعبير تدري؟؟؟
فيصل:لا ماتدري..يماه هالموضوع ابيك توصلينه لابوي بس..اي احد ثاني مابيه يدري..
ضمته امه
ام فيصل:ومافي علاااج
فيصل:لا ماافيه..هذا اللي كاتبه الله..يماه ترى اللي فيني مكفيني لاتبكين
ام فيصل:وهذا اللي مخليك ماتبي تتزوج
فيصل:مابي اظلم احد معي..ولا ابي احد يتمنن علي..يماه رجاااء مابيك تفتحين الموضوع خلاص
ام فيصل:ان شاء الله..الله يعوضك الله يعوضك...

************************



جمس أحمر آخر موديل ..شعار على الباب الامامي للسائق..
سيارة جيب ربع بيج..يعلوه صندوق زجاجي احمر ويخرج منه فلاشات صفراء..
سيّاره فورد فكتوريا ابيض يتوسطه خط ازرق...
عماره جديده بحي راقي ويسكنونه ناس راقيين..يندس فيهم حثاله..
وقفت السياره اللكزس البيضاء عند عماره مقابله للعماره المقصوده..
واللي بالسياره مذهولين وخصوصا من ضحكات ليلى اللي تمسكها غصب عنها علشان السايق فيه..
ليلى:سوماهير انزل انزل خلني اضحك على راحتي...
نزل السايق..وشموخ حاطه يدينها على وجهها وترجف..
شموخ:ياااااويييييليي رحت فييييها رحت فيييها انفضحت انفضحت
نوال:الله يقلعهم شجااايب الهيئه اليوم..
ليلى:انا جبتهم..هههه هههههههه ااااخ بس لو اشوف وجه هالقرده هيفووه ابيها بس توريني مرجلتها..
والتفتت على نوال وشموخ اللي باين انهم فاتحين افاميهم من غطاويهم الشفافه
ليلى:شفيكم؟؟؟
نوال:انتي اللي بلّغتي؟؟؟؟؟
هزت راسها بأيه
شموخ:حقييييييييييييييييييييره حقيييييييييره
مسكتها مع كتوفها تهدّيها
ليلى:اسمعيني زييين...فضيحه مارح تنفضحين..اصلا انا بلّغت علشان احميك...هذا هو شغل الهيئه..وصدقيني هيفاء مارح تقدر تسوي شيء
نوال:شلون مارح تنفضح الحين بيجون الهيئه ويمسكون شموخ
ليلى:لا مارح يمسكونها لانها مو بالشقه..اسمعوني زين..الهيئه عندها مكتب للمساعده..تدقين عليهم وتطرحين مشكلتك ويساعدونك باللي يقدرون عليه..انا دقيت عليهم ولو تبين تدقين عليهم من الشارع عادي..ومن غير ماتعطينهم اسمك اساسا هم مايطلبونه لانهم يبون الستر لك بعد..دقّيت عليهم وقلتلهم ان فيه وحده تبتزنا وطلبت منا نجيها بشقه ووافقنا..قالولي زين انك وافقتي وطلبو مني العنوان..وقالو حنا بالوقت المناسب بنهجم على الشقه طبعا بعد مايتحرون ويتأكدون فعلا ان فيه وحده حاجزه الشقه واكيد انهم مراقبينهم من الصبح ...
والحين مسكو هيفاء وبياخذون كل الاشرطه اللي عندها وبيحرقونها وصار اسمها عندهم اذا حاولت تنشر صوره منا ولا منا بيمسكونها على طول
نوال:وش بيفيد اذا انتشرت الصوره ومسكوها
ليلى:هذا في حااااال...لانهم بيفتشونها وبيخلونها غصب عنها تعترف..يماما الهيئه حريصه على حماية الاعرااض...والحين شرايكم بهالمناسبه نروح نحتفل بمطعم وعلى حسابي..نوال افتحي الشباك ونادي سوماهير
وثواني وحست انها موقادره تتنفس من الاجسام اللي انرمت عليها
نوال:والله انك ختييررررره اوي اوي
شموخ:ليلى امووووووووووووووووووووت فيييك..
حسّت انها صارت قريبه مره منهم..والحواجز اللي بينهم انهدمت..وانهم يعتبرونها مثل اختها..
ليلى:خلااااااااص ذبحتوووووني ..رن جوالها...وخروووووو خلووووووني ارد..
ابعدو عنها ونوال فتحت الشباك واشرت لسوماهير يركب..وليلى فتحت شنطتها ترد..
ليلى:هلا تماضر
تماضر:يالخاااااااااااااااااااااينااااااات وينكم ..ماحلتلكم الطلعه الا يوم رحت
ليلى:ههههههه والله محد قالك تتأخرين..شلون اهل زوجك
تماضر:زينين..انتم وينكم بلحقكم
ليلى:حنا بنروح ..والتفتت على البنات تسألهم وين
نوال:قوليلها بنروح لفبيانو
ليلى:بنروح لفبيانو
تماضر:يعني مو رايحين للسوق
ليلى:لأ غيرنا رايينا..تلحقينا
تماضر:خلاص الحين جايتكم..مع السلامه...
ليلى:الله يسلمك..سكرت الجوال ورن على طول وردت
ليلى:هلا بنوور عيني ودنيتي كلها
ام فيصل:هلا ياقلبي شخبارك
ليلى:بخير دامني اسمع صوتك..
ام فيصل:شكلك طالعه
ليلى:ايه ..ليه بغيتي شيء يماه
ام فيصل:جدتك مرقدينها بالمستشفى والحمد الله هي مافيها الا العافيه
ليلى:متى
ام فيصل:امس رقدوها
ليلى:وليه ماقلتولي
ام فيصل:امس مو وقت زيارات..حتى سلمى مازارتها..
ليلى:هي بالعسكري
ام فيصل:ايه..
ليلى:خلاص الحين بزورها
ام فيصل:على راحتك..مع السلامه
سكرت من امها والتفتت على البنات
ليلى:اسفه بس جدتي مرقدينها من امس ولازم ازورها نزلوني وروحو للمطعم
شموخ:ماتشوف شر..لا خلاص نروح مع بعض
قالت بفرحه
ليلى:بتزورونها معاي
شموخ:ايه علشان نطلع مع بعض ونتعشى سوى شرايك نوال
نوال:اوكيه ماعندي مانع...وكمّلت بقلبها..بشوف شلون يستقبلونك..

***************************



بعد صلاة المغرب...
طلع من المسجد وبجنبه سليمان وطلال..
طلال:انا بروحله بكره..
سليمان:والله فيك الخير ياطلال كل نهاية اسبوع وانت تزور ناصر..
فيصل:طلال اعز من الاخو..
طلال:ايه كثرو كثرو من المديح اريد ان اشبع
سليمان:ويحك ايها الفتى بدل ان تقول لنا ماعليكم زود
طلال:انا لست شلاخا ياسليمان
هههههههه ههههههههههه
هههههههههههههههه
ضحكو جميع..
فيصل:يمكن انا بعد اروح..والله مشتاقله..ان عطوني اجازه رحت
طلال:انا بروح الفجر..ماني منتظر احد
فيصل:ومن قال انتظرني ..انا بس اعطيكم معلومه..
وصلو لبيت سليمان
سليمان:اقلطو حياكم
طلال:والله اسمحلي امي عنده شغيلات وبوديها..مع السلامه..
راح طلال والتفت فيصل على سليمان
فيصل:وانا بروح لزياد..
سليمان:مانت رايح لجدتي
فيصل:لا مابي ازور الليله بكره ان شاء الله..احم..اقول
سليمان:دام فيها قول ادخل داخل وخلنا نسولف معك والعيال مشتاقينلك بعد..
مسك ايده
فيصل:مابي ادخل انا مو مطوّل..بس حبيت اقولك انه بكره..ان شاء الله..بروح للمحكمه وارسل ورقة عبير..
كان وده يعطيه بقس يهشم اسنونه..بس تماسك..
سليمان:خلاص ارسلها..فيه شيء ثاني بعد؟؟
عرف ان سليمان معصب..
فيصل:سلّم...وراح...
دخل البيت وهو مو طايق اي احد..
جلس على الكنب ورمى الشماغ بجنبه وبدى يفتّح ازارير ثوبه العلويه..
ارخى نفسه وهو يستغفر..
نزلت من الدرج وهي لابسه عبايتها وتمشي بشويش علشان سديم ماتحس عليها..
ماتبيها تزور معها..يكفيهم ناصر اللي راح مع جدته بالغصب...
انتبهت عليه
سلمى:متى جيت؟؟؟
ماعبّرها ورد..
راحتله وهي خايفه عليه..جلست بجنبه..
سلمى:سليمان صاير شيء؟؟؟حالتك مو طبيعيه..
التفت عليها وقال بعصبيه
سليمان:انتي مو قلتي ان فيصل بيرجع عبير؟؟؟؟؟
بلعت ريقها وقالت بهدوء
سلمى:ايه هو قال لامي كذا..ليه؟؟؟
سليمان:لانه طويل العمر قايلي قبل شوي بكره بيرسل ورقة عبير...
سلمى:معقوله!! اكيد صاير شيء؟؟؟
سليمان:انا مو خايف الا على عبير..توها صغيره مو حمل طلاق..
سلمى:وليش ماكلمته؟؟؟
سليمان:سلمى تبيني اذل اختي عنده مايهبى..اذا بايع حنا بعد بايعين..
سلمى:خلاص هذا انت قلتها ليش التعصيب..
سليمان:اقولك اختي اختي وتقولين ليش التعصيب..
سلمى:واختك ماتبيه..خلاص السالفه مو غصب..
سليمان:وانتي تحسبينها سهله..انا اكثر واحد يعرف عبير..تكابر وتسوي نفسها مايهمها..وهي تحترق من دااخل..
سلمى:تبيني اكلّم فيصل
سليمان:لو بغيت اكلمه انا اكلمه..امشي امشي تأخرنا على جدتي..
سلمى:يلا..ومدت ايدها واخذت الشماغ ..

*****************

اخذت القطّاعه وقطّعت التورته.وبدت توزع على الصحون..
التفتت على مؤيد وبيدها القطاعه..
عهود:مؤيد دق على المطبخ خليهم يرسلون صحون زياده..
مؤيد:ليه الصحون اللي عندك ماتكفي؟؟؟
عهود:لأ..هذي صغيره مارح تكفي لباقي الحلويات..بسرررعه دق
مؤيد:طيب طيب لاتاكليني..
الليله مجتمعين ومحتفلين..شهور من المعاناة..شهور من المقاومه..
شهور من المحاوله..والامل يزيد ويزيد..ورحمة الله تغشى..
ابو عهود..مريض بأورام سرطانيه بالراس..
كان يائس من هالحياه..
بس لا يأس مع الحياة
ولا حياة مع اليأس...
وتفائلو بالخير تجدوه...
زوجه صالحه...وقفت مع زوجها..
انتشلته من اليأس وخلته يتجرّع الامل قطره قطره..
تمسكت بكتاب الله..وأقنعته ان الشفاء بعد الله سبحانه وتعالى موجود فيه...
العين اللي الرسول عليه الصلاة والسلام يقول عنها انها تدخل البعير القدر والرجل القبر..
عالجوها بآيــات من القرآن....عانو وتعذبو..وصبرو ونالو..

عطتها الشغاله الصحون وهمستلها بشكرا..كمّلت توزيع الحلويات على الصحون..
وبدت تاخذ صحن صحن وتوزعه على الموجودين..
جلست جنب سالم وصحنين بيدها..مدتله واحد وهي تقول
عهود:بالعافيه حبيبي...
سالم:الله يعافيك...
غمس الشوكه بقطعة التشيز كيك وقال قبل لا تدخل فمّه..
مؤيد:والله ودي اروح معكم..بس بكره فيه عمليه لعاليه..
ابو عهود:الله يقومها بالسلامه..وش عمليته..؟؟ انت كل مااسألك قلت عمليه
مؤيد:ياعمي هالمجرم مو مخلي فيها عظمه صالحه..الله ياخذه..
ام مؤيد:الله يعين قلب امها..والله ان قلبها محروق عليها..حسبي الله عليه..
سالم:هي وشلون ترضى تخلي بنتها..
التفتت عليه
ام مؤيد:يايمه استغفر ربك..لكل واحد ظروفه..وبعدين هي حاولت تاخذها بس القانون معاه..والمحكمه حكمت له على طول خصوصا بعد ماتزوجت..
سالم:المفروض تربي بنتها ولا تتزوج..
ام مؤيد:يايمه من قبل لا تتزوج وهو مأذيها..حتى لما كانت بحضانتها وهي صغيره كان ياخذها بالاسابيع ومايرجعها الا بطلعة الروح..كان يعذب البنت علشان يقهر شيماء..وسمعت بعد ان اخوها هو اللي اقنعها بالزواج..
عهود:وعلى فرض انها تزوجت باختيارها..خير ياطير هي مو من حقها يعني تتزوج وتستانس ويجيها عيال ثانين..يعنـي الزواج مو جريمه حتى الزوجه تتعاقب بأمومتها...
مؤيد:انا مع عهود..الحين بسألك سؤال..اذا الزوج تزوج..يصير من حقه ياخذ العيال؟؟؟
سالم:ايه من حقه...
مؤيد:والله عجب..ووين المساواة بين الرجل والمرأة..يعني الزوجه اذا تزوجت تقوم القيامه والزوج حلال عليه
سالم:هذا الشرع والقانون
مؤيد:هههههه والله ضحكتني..الشرع يقول ان الحضـــانه من حق الام..هذا الاصل..والعلماء اجتهدو وقالو ان الولد الى سن السابعه يبقى مع امه بعدين يخير بين الام او الابن..والبنت حسب رأي ابن القيم وبعض العلماء الكبار قالو انها تبقى مع امها حتى لو كانت متزوجه طبعا بعد رضا زوجها...واذا الاب رافض عاد يرفع دعوى والقاضي المفروض يشوف مصلحة البنت وين وبعدين يحكم..
سالم:معقوله!!!
عهود:وشلون وحنا اللي نعرفه غير..البنت مع ابوها على طول والولد يخير..
مؤيد:ايه هذي قاعده عامه يتبعها القضاة هنا...طيب اذا مايبون ياخذون برأي هالعلماء ولهم الحق لانه اجتهاد..ليش يحكمون بكل القضايا بنفس الحكم..ليش مايشوفون وين مصلحة الاولاد وبعدين يحكمون؟؟؟انا ما أقــول ان الحضانه دايما تصير مع الام كلكم شفتو الرضيعه اللي انشرو صورتها بالجرايد كانت تتعرض للتعذيب من امـــها وزوجها...وكلكم شفتو اريج وغصون اللي تعرضو للضرب الى الموت من ابوهم وزوجته...
سالم:صادق المفروض اذا حصل الطلاق يشوفون وين مصلحة الاولاد ويكشفون على الام وعلى الاب ..يعني اللي سوو التعذيب بعيالهم ناس مو طبيعين..اكيد مرضى نفسيين...
مؤيد:والمفروض بعد تتفعل جمعيات حماية الاسره ..يعني اتوقع حنا وصلنا لمرحلة المفروض تتطور فيها هالجمعيات...مو معقوله علشان دائما وابدا تكون الجرايد هي الوسيله الوحيده حتى يوصل صوتنا للمسؤلين..طيب فيه ناس مايبون الفضايح فيه ناس ماهي قادره توصل للجرايد ..يعني لازم تصير قضية رأي عام علشان الناس تتحرك...ليش هالجمعيات ماتكون متواصله مع المحاكم وتتابع حالات الطلاق ويتساعدون مع بعض ويشوفون مصلحة الاولاد فين..
سالم:مايهمهم..لو عيالهم كان تحركو
مؤيد:بالعكس من مصلحة المجتمع..يعني شبنستفيد لما ننتج شباب معقدين و منحرفين وهشين وحاااااقد على المجتمع..الاسره هي لبنة المجتمع واذا صلحت صلح المجتمع وشبابنا هم عدتنا....ااخ بس..
عهود:تدري الحين البنات قامو يخافون..وصارو يفكرون الف مره قبل لايتزوجون..الوحده ماتدري شيطلعلها صاحي ولا مجنون..
سالم:والله تقدر تعرف اطباعه بالملكه
عهود:انا بنت خالتي وعمامها ماعندهم شيء اسمه ملكه او حتى نظره شرعيه...
مؤيد:وبعدين ياسالم انت على بالك بالملكه بيطلّع او بتطلّع فضايحها بالعكس كل واحد يحرص انه يصير ملاك بنظر الثاني...
سالم:اجل احسن شيء ماحد يتزوج
مؤيد:وليش ماحد يتزوج..ليش قبل الزواج مايخضعون لفحص..مافيها شيء..طبعا اتكلم عن امراض نفسيه خطيره..و اللي تقدر تتعايش معاه ماتخضعه للكشف..
عهود:ياخوي هذا الشيء يسوونه بعد ملاايين السنين ..حنا الايــــــدز توهم توهم يخلونه بكشف الزواج وهو اخطر الامرااض..حتى الوباء الكبدي..
سالم:ماحطووه بالكشف الا بعد ماعانو من النفقات لانه انتشر...
مؤيد:وحالات العنف انتشرت بشكل فظيـــع..وبعد الحكومه بتتخسر نفقات..
عهود:ياشيخ طير وشو نفقاته..حتى لو فيه نفقات مو زي نفقات هالامراض...يعني انطر يا****
مؤيد:لا والله وبنقعد على هالحال؟؟؟؟
عهود:يووه عاد ابعدو عن مؤيد يدافع عن حرمه المصون....
الكل ضحك
هههههه ههههههههه هههههههههههههههههه
نزّل الصحن بجنبه
مؤيد:واذا مااخذتها بكون نذل بنظركم!!!
ابو عهود:شتقصد
مؤيد:عمي انا مو مثالي ..صحيح تعاطفت معاها والحين رافع قضيه على ابو صالح..ومهتم بحالتها كثير..بس ماافكر اخذها
سكتت ام مؤيد..
عهود:ليــش؟؟؟
مؤيد:عهود انا بتزوج علشان ارتاح..ابي وحده تراعيني..مابي انا اراعيها..
سالم:انا اتفق معك..
عهود:بس شكلك مارح يطلع حلو خصوصا انهم دارين انك خاطبها..شتبي تقول لحسام ولخالتك ام حسام
مؤيد:ان شاء الله بيتفهمون وجهة نظري..انتم خلوكم مكاني شتبون تسوون؟؟؟
عهود:مارح اتخلى عنها
سالم:ايه كلاام..بس لما تكونين بموقفه بتغيرين رايك..مؤيد ماعليك منها..
قالت وهي رافعه حاجبها عليه
عهود:سووويلم وشو ماعليك منها؟؟؟؟
ابو عهود:لا مايقصد..ماتبين تغيرين رايك وتروحون معنا لمكه..
تغيرت ملامحها وقالت بحب
عهود:انا ابيكم تروحون لحالكم تاخذون راحتكم وتعيدون ايام العسل..

*****************************
المستشفــــــى

اخذت قطعة شوكولا من باتشي ودخلتها بفمها وغطت وجهها..
قالت وهي تذوّب القطعه بفمها
ليلى:يلا يلا تأخرت على زياد ..قومو
قالت نوال اللي خاب ظنها باستقبال الجده وعبير لليلى
نوال:يلا مشينا..
الجده:سلمي على أمتتس وابوتتس..كانت تحسب نوال اخت زياد..
لثواني عاشت هالاحساس..أم واب..وينتظروني..هزت راسها تبعد هالافكار وقالت بسرعه..
نوال:الله يسلمك..
ام فيصل:عاد لاتقاطعونا كل ماسيرت ليلى تعالو معها..سامعه ياشموخ
شموخ اللي اندمجت مع عبير..
شموخ:ان شاء الله ياخاله..
سلمو على بعض..وطلعو..
ام فيصل:ياحليلهم يعرفون السنع..مشاء الله على شموخ..مملوحه
طالعت بخالتها وهي تفكر
عبير:لا يكون بس عاجبتها وبتخطبها لفيصل؟؟؟..لا لا ماتسويها..
الجده:عبيير ..عبير وووجعتن توجع العدو
عبير:هااا
الجده:هواتن تهوي بالظالم
عبير:استغفر الله العظيم وشبلاتس معصبه
الجده:بعذري جالستن عندي بس هاللون..كل شوي وانتي سارحتن بمكان(تفكرين)
التفتت على خالتها
عبير:خالتي وشتبي تراه(ا) مو ساكته لا زم تتشمت
ام فيصل:ههههه لا بس تقول ارجعي معي للبيت
عبير:لا وين واتركتتس لحالتس والله ماطرت..
الجده:ارجعي لرجلتتس ياملا ###
طارت عيون عبير
عبير:عز الله ماني لاحقتن ارجعله وانتي تدعّين علي..اعوذ بالله من لسانتتس..مايعرفلتس الا خويلد..
الجده:الا وينُه المغضوب عليه
عبير:لا حول ولا قوة الا بالله ..شكلتس داشّتِنْ الفيضه
الجده:وش قلتي؟؟؟؟؟؟؟؟؟؟؟؟
ابتسمت ابتسامه مسرحيه
عبير:ماقلت شيء خطأمطبعي واعتذر..انتي ماكنتي تسألين خالتي عن خويلد
الجده:ام فيصل وينُه ولدتس
ام فيصل:والله ماقلناله يمه..هي كلها يومين وبيرجع..وانتي مابتتس الا العافيه
الجده:انا حاستن اني بودّع..انا من دخلت هالمستشفى وانا ماني بالحيل..قولوله يجي ابي اسلّم عليه
هزّت راسها بملل للسمفونيه المتكرره اللي تعزفها جدتها اثارة للشفقه..
عبير:محدن ميتن قبل يومه..مار تعوذي من ابليس ترى اللي يتميرض يمرض صدز(صدق)
الجده:ام فيصل هالسكنيه ماتناااااام بهذا اقلعيه (ا)معتتس
عبير:خلاص بنقلع بس باتسر العصر
الجده:انتي تعانديني
وقفت وراحتلها وهي تقرص خدودها
عبير:افااا من يقدر على زعل الصبووحه
ام فيصل:ههههههههههههه هههههههههههه
منهي الصبوحه لا يكون جدتي...؟؟؟والتفتت وراها وهي تنادي سليمان..
ام فيصل:حيّاالله من جانا..
سلمى:الله يحييتس..وحبت راس جدتها ..ومدّت ايدها لعبير تسلّم..
عبير:ازايك يابطه
ابتسمت وهي تحس ان عبير متغيره
سلمى:بخير يالقرده..
دخل سليمان واول ماطاحت عينه على عبير عقّد حواجبه..
سليمان:مساء الخير...
الكل ..مساء النور..
جلس بكرسي منفرد جنب جدته..وسكت.
سلمى:يمه وين ناصر
ام فيصل:راح مع جدّه..
سلمى:عسى بس ماازعجكم
عبير:الا بهذلنا..لو مقدمه نص ساعه كان لحقتي على ليلى
سلمى:ليلى جتكم؟؟؟
ام فيصل:ايه جت هي ونوال وشموخ
سلمى:ياحليلهم..وام فراس ماجت؟؟
ام فيصل:لا يقولون انهم كانو يتمشون لحالهم وانا دقيت عليهم وهم برى وعلى طول جو..
عبير:سليمان شفيك؟؟؟
رفع عينه عن جدته اللي راحت بنوبة نوم مفاجئه وطالعها
سليمان:مافيني شيء..ماعندكم قهوه..
ام فيصل:الا والله عبير قهوي ابو ناصر
عبير:ان شاء الله..


*********************
ب
ببح
عروس مشرقة
09-07-2011 | 02:38 PM
في جناح ليلى وزياد
المكتب..
دخلت الشغاله ومعاها صينيه فيها كوبين عصير برتقال..
نزلتهم على الطاوله الدائريه المتوسطه كنبين جلديين متقابلين..
الشغاله:يبقى شيء تاني مستر زياد
زياد:لا شكرا...سكري الباب وراك..فيصل
انتبه لزياد..ونزل عيونه
فيصل:قلتلك يازياد مافيني شيء..
زياد:فيصل تخبّي عنّي..انا اكثر واحد فاهمك..صارلك نص ساعه وانت تلف وتدور
فيصل:شكلي ازعجتك..مع
قاطعه
زياد:فصيله تكلمي..
ضحك من كل قلبه..وكأنه سنين ماضحك..
فيصل:هههههه ههههههه
زياد:انت ماعندك حل وسط.. ياتضحك يامكتئب..
تنفس بعمق يفضي شحنة الضحك...زم شفايفه وبعدها قال
فيصل:كذّبت على امي..كِذْبه ماتِنْغَفِر..
زياد:كذبت!!..وش قلت؟؟
فيصل:قلت اني عقيم..وكمّل وهو يكتّف يدينه..ماكان عندي حل..انا عارف ابوي بيزعل اذا مارجّعت زوجتي..وانا مستحيل ارجعها وهي كارهتني..زياد انت اكثر واحد ممكن تحس فيني لانك مجرب اللي انا جربته..
زياد:غلطان يافيصل..انا ماجربت اللي جربته..انا زواجي من بنت عمي كان واضح من البدايه..تعتبرني اخوها وهي اختي..هي مغصوبه وانا مغصوب..بس انت يافيصل رحت بنفسك وخطبتها باختيارك...
فيصل:انا ماقصدت هالنقطه..انا اقصد انك عشت مع وحده كارهتك...
زياد:وليه ماتبيك؟؟انت ولا مرّه شكيتلي مع علاقتك معها..
كوّر ايده وبدى ينفخ فيها هوى من فمّه ..وقال
فيصل:يمكن لاني مابي اطلّع هالشعور لبرى وكاتمه بصدري..صعب علي اقول حتى لنفسي انها كارهتني...
رفع حاجب
زياد:فيصل علشانها ماتبيك..ولا انت مو راضي تسامحها بعد اللي سوته..
فيصل:الاثنين..
زياد:بس انت قلت من قبل انك بترجعها..يعني اللي سوته ماله علاقه..
فيصل:يمكن..لاني..وقال بانفعال ..تقوللي انا..مو تقول لاخوي والله العالم لمين قايله بعد..طاب خاطري منها..وعفتها
زياد: فيصل شبلاك تخربط..وش قالت لاخوك ؟؟؟ماني فاهم
تنهد..وقال بصعوبه والكلمات يالله تطلع منّه..
فيصل:..قالت..لمحمد..انها ماتبيني..و..مادري شقالت بالضبط..بس لو انت بمكاني شتسوي؟؟؟مو شيء يقهر تشتكي لاخوك منك..مو شيء يقهر انها تقول انها فرحانه بفراقي لاخوووك
زياد:فيصل تلقاها من القهر قالت كذا وماتبي تبين على نفسها...
فيصل:بس موووو لاخوووي..طااااااااب خاطري منها عفتهــا..والله لو هي قدامي لاتفل بوجهها..وضرب فخذه بيده..
ابتسم بود وقال بهدوء
زياد:عبير..هي من الاساس بالقلب ولا انت تبيها من الله
مد ايده واخذ كوب العصير وشرب رشفه..واتبعها برشفتين..ضغط على الكوب بيده
فيصل:كانت تعنيلي..يعني كانت شيء مهم بالنسبه لي..والحين ولا شيء..وقرّب الكوب من فمه ..وشرب.
طالع بصديقه بألم..مسكين..ماله حظ..تعثّر مع ميساء..وتعثّر مع عبير..
زياد:فيصل الحياه ماتوقف هنا..واللي صارلك مو معناته انك سيء..
نزل الكوب ووقف
فيصل:مو سيء!!!..يلا انا بطلع تأخرت..تامر على شيء
زياد:اقول انثبر من زمان عنك وعن سواليفك..اجلس اجلس
فيصل:والله ودّي..بس دايخ ووراي بكره قومه من الصبح للمحكمه وتعرف الاجراءات
زياد:الله يعينك..ترى بكره عندي موعد..ويمكن بعده ابدى الدوام..
فيصل:ايه داوم يكفي دلع..خذلي طريق
وقف وتقدّمه وفتح الباب
زياد:ماقدامك احد امش امش الاهل طالعين..


نزلو من السياره وهم يضحكون على تماضر اللي جت وراهم بالسياره
وقفت السياره ونزلت تماضر وهي معصبه
تماضر:قليييلاااااااات ادب..ليش تكذبون علي
ليلى:تماااضر والله مانقصد
شموخ:تيييمووو خلاص يكفي تعصيب ترانا مستانسين..ولاتخافين الليله بسوّي احلى باارتي
نوال:اوفكووورس..عقب اللي صار لازم نحتفل....
تماضر:ليه وش صاااااار؟؟؟؟؟؟
حركت السياره للمواقف ونوال تشدو بصوتها وتصفق وطرحتها على كتافها
وشموخ مكوره طرحتها بايدها وترقص على صوت نوال
هلي لاتحرموني منه
هلي لاتبعدوني عنه
هلي لاتحرموني منه
هلي لا تبعدوني عنه
مثل ماهو قطعه مني
تراني قطعه منه..
كانت شموخ ترقص بدلع وهي تمشي للباب ووراها البنات يصفقون ويضحكون
انفتح الباب وطلع فيصل وهو يضحك مع زياد ونزّل عيونه على طول اول ماشاف البنات قدامه..
سكتت نوال وتحجبت... وشموخ طارت عيونها وخصوصا ان فيصل وزياد قبالها بالضبط...تجاوزتهم و على طول دخلت داخل من الفشله ...
افتشل منهم وخصوصا ان فيصل اول مره يشوفهم قال مازح وكأنه شيء عادي..
زياد:لا راجعين طقاقات مشاء الله...
شالت نقابها عن وجهها وبسرعه راحت لفيصل وضمته..
رفع عيونه وانصدم بنوال وتماضر الكاشفين ونزل عيونه..
ليلى:شخبارك يالقاطع
همس وهو يبعدها
فيصل:الحين انا لو اغيب يوم قلتي قاطع...وقرص خدها
دخلت تماضر ونوال وسلمو بصوت واطي يوم مرو من عنده..
ليلى:لا يكون بتروح
سحبها من ايدها وخلاها جنبه
زياد:خليه ينقلع من صباح الله وهو عندي..
فيصل:زياده اعقلي
زياد:هههههههههه يعني تقلد مع هالوجه..
اذّن المؤذّن لصلاة العشاء..
زياد:خلاص نصلي بالمسجد جميع
ليلى:وتعال يافيصل تعشى معنا
فيصل:والله ودي بس مااقدر...
ليلى:وش عندك
زياد:عنده شغل بكره..وضغط على ايدها علشان ماتضغط على فيصل..
ليلى:خلاص براحتك...

********************

الساعه العاشره والنصف...

جالس على الكورنيش وبجنبه واحد من اصدقاه..
طلّع جواله من جيبه يبي يستقبل بلوتوث
خالد:يالله ارسلّي...
سوّى بحث وقال على مايطلع نك خالد..
ابو بسام:والله انك مو صاحي.. المدام بِتُشْنَقَك..اليوم كلٌه وانت مَعَايَا...
خالد:والله انا رِجًالِنْ حُرْ..شوف شوف ..وضغط استقبال
((كان فيه رجال وزوجته يتمشٌون على الكورنيش وماسكين يدين بعض))
ابو بسام:اشْبَك؟؟؟ايش اشوف
خالد:شوف الرْخمَه اللي هناك..يعني لازم يعلّم النًاس انه توّه متزوج...
ابو بسام:وايش فيها..حاجَه عاديه وطبيعيه..يالمتخلف
خالد:ايه ماعليك شرهه ...يعني عادي عندك امشي وانا ماسك ايد حرمتي..ليه صخله وخايف تضيع مني؟؟؟
ابو بسام:ياشيخ عليك الفاظ زي وجهك...بدوي بدوي
خالد:احسن منك يالحضري...وش قلتلي اسم راعية الصوره..
ابو بسام: اسمها توبا..وبالمسلسل لميس..
خالد:توبا و لميس...متى تجي هي؟؟؟
ابو بسام:تيجي الساعه $$ على $$..لهادي الدرجه عجبتك؟؟؟
خالد:لا والله..بس لي بها حاجه...((عاجبك مهند ياميسوه..))
ابو بسام:تصدّق قريت بالجريده ان 500 بنت بالرياض اتسمّو باسمها و200 بنت غيّرو اساميهم لها..وكمان يحي سمو فيه 500 طفل..
الناس مادري اش فيها طارو بالاتراك...
خالد:ومهند محد سمى فيه؟؟؟
ابو بسام:لا والله ماقريت عنٌه حاجَه
خالد:اصلا من زينه هو ووجهه كأنه طالع من مقبره..
رن جوال ابو بسام ورد
ابو بسام:ايوه حبيبتي...امكن..ليش؟؟....خلاص ان شاء الله...الله يحفظك..وسكّر
هز راسه وقال وهو مميّل فمه لتحت ويستهزئ
خالد:اووخص يابوبسام ..اثرك منت بسهل طايحلي بالمغازل والحركتات..
ابوبسام:ايوه حرمتي ومالي غيرها ..وبعدين ياشيخ اي حركتات والله اني مقصر بحقها..
قال وهو فاتح عيونه على الاخر..
خالد:انت قبل شوي تكلم حرمتك؟؟؟؟مو بنت ثانيه؟؟؟
ابوبسام:اش بنت ثانيه استحي على وجهك..
خالد:تكلّم مرتك قدامي..انا قايل من قبل ماعليك شرهه..ولا من زين الوجه يقولها حبيبتي قدامي
ابوبسام:وانا ماكذبت هيّا حبيبتي وبعدين حرام اقولها حبيبتي.. وللزباله اللي اغازلها اقولها حبيتي؟؟؟؟مين اولى؟؟
خالد:انت ياغبي ياتستهبل..ياخي عيييييييب عيييييييب ماهي مرجله تبي تطيح من عيون اخوياك انت..احمد ربك اني انا اللي معاك مو واحد ثاني ولا كان سالفتك بالسعوديه كلها...
ابو بسام:انا لله وانا اليه راجعون يابدوي يامتخلف قوم قوم خلينا نروح لفرايدز
خالد:طيب ياحضري يافاهم...بس برجع للفندق اغير لبسي..
ابوبسام:فُنْدُق!!!انت مو بالنورس موفنبيك؟؟؟؟؟
خالد:لااا طلعت ..انا مااحب جو الشاليهات وبعدين الفندق اريح..

**************

بعد ماصلًت العشاء..
طلعت من غرفتها بتنزل للصاله تحت..الكل مجتمع ومحتفلين..ولايدرون سبب هالاحتفال..
التفتت وراها وهي تسمعه يناديها..
ليلى:هلا عمي..
تقدم منها وقال بلهجه حنونه
ابو شيخه:لو تعتبريني عمك ليش تتغطين عني؟؟؟
ليلى:اقصد بمقاام عمي...
ابوشيخه:ههه امزح امزح..وين زياد ؟؟
هي من اول ملاحظته مايصلي والحين تأكدت
ليلى:راح يصلي..واكيد رجع من زمان خالصين صلاة..
ابوشيخه:زين..ابي اكلمك بموضوع..تعالي معي..
مشت وراه ...راحو للصاله العلويه..وجلس على الكنب وهو يأشرلها تجلس..
جلست قريب منه..
ابوشيخه:الموضوع حساس شوي..ادري ان مالك دخل..بس هذا النصيب..وانا لمصلحتك اتكلم..
ليلى:شصاير؟؟؟
ابوشيخه:الموضوع يتعلق بزياد..
ليلى:وش فيه زياد؟؟؟؟
ابوشيخه:انتي يمكن ماتدرين سبب جيتي هنا...انا جيت على اساس املّك لبنتي..
وزياد طالب مني ااجل الموضوع ليومين زياده..وانا وراي اشغال ..وهو مايدري شلون يفاتحك بالموضوع..مادري ليش معقد هالامور وهي سهله...
ليلى:مافهمت عليك ووش دخل زياد؟؟؟
ابوشيخه:اجل حتى مالمّحلك..حسبي الله عليك من ولد..وهو يقول انه ملمحلك..صدق انه ماهوب رجال
ليلى:عمي تراك اقلقتني وش فيه
ابوشيخه:زياد يبي يرجّع بنتي نوال..وهي وافقت..هو بصراحه ماكان يبي يظلمك..هو ناوي يرجعها من قبل بس هي الله يهداها تدلعت عليه ورفضت..راح من القهر تزوجك..ونوال اعتذرت منه وسامحها ووعدتهم اول ماافضى اجي علشان يملكون حتى عرس ماهو مسوين..مستعجلين هههه الله يسعدهم يارب..المهم.. زياد فاتحني بالموضوع وقال انه محتاج وقت يكلمك ويفهمك الموضوع..وانا ماعندي وقت..
حقير
واطي
سافل
رددتها بنفسها وهي تحاول تخنق عبرتها...ليش يازياد...وركضت لغرفتها
ابوشيخه:هههههه ..ياحليلها النمر المقنع حساسه..ههههههههههههههه


رمت نفسها على السرير وهي تشاهق...هذي اخرتها يازيااااد هذي اخرتها...تكذب علي وتغشني..
حسّت ان الباب انفتح..بسرعه غطت نفسها ووجهها بالحاف..
زياد:حبيبتي..ليلى...دخل الغرفه وشافها على السرير
تقدم منها وهو مبتسم..جلس على طرف السرير ..كان بيشيل الحاف عن وجهها بس هي شاده عليه
زياد:ههههه يعني قاايمه..يلا حبيب
قاطعته
ليلى:زيااااااد لو سمحـــت اتركني لحااااالي ..وشهقت ورجعت تبكي
انهبل هذي شفيها...شال الحاف بقوه ..
زياد:ليلى شفيييك؟؟؟احد صايرله شيئ
ليلى:وخرررر عنــي اتركني ماااابيك..
رفعها غصب عنها وخلاها تعدل جلستها
زياد:شصاير
ليلى:موو صااااااير شيء تطمن بس روووووووووح عني ابي اجلس لحاااااااالي
زياد:تبكين وتقولين مو صاير شيء؟؟؟
ليلى:اففف انت شتبي يااخي فااااارق فااارق فاارق وضمت وجهها بيدينها
ضمها لصدره وهو يسمّي عليها ويقرى المعوذات..
دقايق حسها هدت..قال بهمس وهو يمسح على شعرها
زياد:قوليلي شاللي ضايقك..
اهتزت اوصالها وهي تسمع نبرته..ابعدت راسها ورفعت عيونها له..وركزت فيهم..
مد يدّه ومسح دموعها وهو يقول
زياد:روحي من زعلها؟؟؟
ندمت..حست بحراره تسري بجوفها..حست انها تافهه وانها ولا شيء..
غبيه..شلون خلاني اشك فيه؟؟ شلون خلاني اصرخ عليه..؟؟
زياااد مستحيل يسويها..من نظرة عيونه اعرف...
ضمَته وهي تردد
ليلى:حمااااره..حمااااااااااااره
عقد حواجبه
زياد:منهي؟؟
ابعدت نفسها عنه وهي تمسح دموعها
ليلى:انا
زياد:انتيّ!!!!
زحفت بيدينها ورجلينها على السرير ..ونزلت منّه
ليلى:زياد خلاص انسى اللي صار انا اسفه..
وقف والتفت عليها..
زياد:انسى؟؟؟ ليلى شصايرلك انتي مو طبيعيه
ليلى:ايوه قلتها مو طبيعيه..بروح اغسل وجهي وبننزل للبنات مسوين حفله..ولا تدري..ماحنا نازلين..انا بسويلك هنا حفله وعشاء خااااص..شرااايك؟؟؟
خاف عليها هذي مو طبيعيه..تقدم منها ومسك ايدها وهو يشد عليهم
زياد:ليلى انتي بخير؟؟ حاسه بشيء؟؟ احد من اهلك صايرله شيء؟؟؟
حررت ايدها وحاوطت رقبته بيدينها..
ليلى:حاسه اني امووووووت فيـــــك..ورفعت نفسها باطراف اصابعها وحبت راسه...حبيبي سامحني صرخت عليك قبل شوي وانت مالك ذنب..مسامحني
صقع راسه براسها
زياد:مسامحك ياكلي..بس اهم شيء تكونين بخير
تركته وراحت لغرفة الملابس وهي تقول
ليلى:عصّبتني وحده من صديقاتي وحطيت الحره فيك...حبيبي لاتطلع بنتعشى مع بعض وبنسهر الليله...



*****************



الصبــــاح..
نزّل الكوب بقوّه على الطّاوله..وقال وهو معصّب..
هذا شنااوي عليه..يتْحدّاني هوْ؟؟؟
قامَت مِن مَكانها وراحتْله ..وقفت وراه وحطت يدينها على كتوفه وبدت تعملّه مساج يهديه..
ام فيصل:يابو فيصل لا تعصّب مو مستاهله
ابو فيصل:ماهي مستاهله !!..امس قاللّي بيسافر وقلتله مافيه.. اقوم الصبح القاه مسافر..وتقولين مو مستاهله
ام فيصل:يابو فيصل مافيها شيء ان سافر
ابوفيصل:ادري مافيها شيء بس لما اقول لأ يعني لأ..انا بعدني ماخرّفت ولا كبرت علشان مايرجعون لي..
دخل عليهم كان بيسلّم بس لما شاف حالة ابوه راح له وهو يقول
فيصل:عسى ماشر وش فيك يبه..
تركت زوجها وجلست بمكانها
ام فيصل:ماتعرف ابوك لازم يكبّر المواضيع ويتعب نفسه
سحب الكرسي جنب ابوه وجلس
فيصل:وش فيه الغالي
طالع بولده بقلّة حيله..وزفر
ابو فيصل:دق على اخوك وقوله يرجع ولا ترى
قاطعه
فيصل:يبه الله يطولي بعمرك خله على راحته هو ماهو صغير وبعدين هو قاللي انه تعبان ومحتاج يفكر..
علشان خاطري يبه خله يستانسله يومين
ابوفيصل:وشهو اللي شاغله؟؟؟
فيصل:مادري بالضبط...انت شفت حالته يبه بهاليومين..اكيد عنده شيء ومايبي يقوله..
هدت نفسه بعد ماقتنع بكلام فيصل..
ابوفيصل:خلاص بكيفه..بس بوريه شغله لانه ماحسب لكلمتي حساب..وانت شصار على موضوعك؟؟
التفت على امه اللي اشرتله انها قايله لابوه..ورجع طالع بأبوه
فيصل:اي موضوع يباه..
ابو فيصل:ياولدي ابيك تسافر وتتعالج..الطب تطور..وانت لاتسمع كلام مستشفياتنا..
فيصل:يباه ادري الطب تطور بس مالي علاج..
ابوفيصل:مافيه شيء ماله علاج
ابتسم لابوه
فيصل:يبه عادي تراني مو شفقان على العيال..لاتخاف علي..
ابوفيصل:وانا ...سكت ..كان بيقول انا منوة عيني شوفتهم..بس خاف يجرح ولده..
فيصل:وش تبي تقول يبه
ابوفيصل:طيب تبي تقعد طول عمرك بلا مره
فيصل:ايه الحريم ماوراهن الا الغثا..وبعدين انا مستحيل اظلم احد معاي..
قالت بتغير الموضوع اللي معور قلبها
ام فيصل:تراني جهّزت غرفة خالتي...
فيصل:زين ماسويتي..هي كلها يومين بالكثير وتطلع
ابوفيصل:مافي خطوره عليها..
فيصل:يبه عادي..هي مو اول وحده نركبلها حجار بالقلب..وبتعيش طبيعي..
ابوفيصل:والله ماكان فيها الا العافيه..
تحسس ذقنه المهمل
فيصل:اكيد تفكر بناصر وانخفض الضغط عندها..زين انهم انتبهولها قبل لايوقف نبض القلب..وهي الله يهداها مهمله علاجها..
ابوفيصل:ماتعرف طبع جدتك..
فيصل:اعرفه بس يبيلها احد يتابعها..


******************
جده
المطار....

حط رجله على ارض جده واستنشق الهواء
محمد:ااااه يازين الرطوووبه
رابح:حسبي الله عليهم لو حنا مسافرين بسياره اصرف..من الساعه ثنتين بالليل وحنا قاعدين بالمطار تكسّرت ظهورنا
محمد:وحنا شيدرينا ..انت ماتعرف حركات الخطوط..قبل دقايق من الرحله يلغونها..ويلطعونك بالمطار لين تحصل رحله..
رابح:خلينا ناخذ تاكسي ونروح لمكه الحين..
محمد:على كذا بنعتمر بعد العصر وقبل المغرب..بالظهر ماهنا عمره شمس وحر
رابح:وجهك على جهنم..
محمد:رابح ترى اللي فيني مكفيني...
رابح:انت للحين مو مقتنع بعظيم ذنبك..وناسي ان الله شديد العقاب
محمد:ورؤوف رحيم...
رابح:ايه تساهل تساهل وليا دخلت القبر بتعرف ان الله حق
محمد:ياخوي محد داخل الجنه من دون رحمة الله..الرسول الرسول بيدخلها برحمة الله..
رابح:وانت تقارن نفسك بالرسول..مشكلتك مو عارف حجم ذنبك والكبيره اللي ارتكبتها..
محمد:والحين اذا اعتمرت بهالحر ..اكون كفّرت ذنبي
رابح:ولا حتى ربعه..بس لازم تتعب وتشقى علشان الله يغفرلنا..بعد مانعتمر بنروح لابو عمر...
محمد:منهو ابو عمر؟؟؟
رابح:هذا الشيخ اللي بعرفك عليه..وهو اللي بيقودنا للجنه....
اشّر على تكسي ..وركبو معاه متجهين لمكه..

******************

مررت ايدها على وجهه بنعومه وقالت بهمس
ساالم..حبيبي قوووم ..قلبي
انقلب على بطنه وهو يحاول يبعد وجهه عنها علشان ماتشوف ابتسامته..
مدت ايدها لشعره القصير وبدت تمسده..
عهود:حبيبي قووم..سللوووم..يلاا حبيبي
قال بقسوه
سالم:خييييييييير شتبيييييين...الواحد مايعرف ينام يعني
قامت من السرير وشالت الحاف
عهود:ساالم قووووم ..وقربت منّه ومدت ايدها على وجهه ومررتها على خده...حبيبي يكفي نووم بتت...انبترت كلماتها وهي تشوفه يسحب ايدها ويبوسها...
ندم مليون مره وبدى يلعن نفسه بداخله..شلون ماقدر يتحكم بمشاعره ..شلون خرب كل شيء بلحظة غباء منه..
قال بيصحح غلطته
سالم:اكيد طرتي من الفرح..انا تعمدت اسوي هالحركه علشان تستانسينلك يومين قبل لا اطلقك..
من نظرة عيونه..تعرف شيبي وش يقصد..صار اقرب من روحها لها..
ابتسمت وهي تشوفه يقوم..وقالت قبل لايدخل غرفة الملابس
عهود:الله يونسك..دام مابقى الا يومين ياليت تكثّر من هالحركات..
انقهر منها ودخل دورة المياه وسكر الباب بقوه..
راحت للتسريحه تعدل شكلها..بخت من عطرها استيلا وزادت من القلوس الوردي..
وجلست على الكرسي اللي بجنب دورة المياه وبيدها فوطه صغيره لانه دايما يطلع وشعره رطب..


*********************

قامت على صوت صراخ وازعاج..تقلبت وتقلبت بس الصراخ كل ماله يزيد...
فتحت عيونها بشويش ولمحته يطلع بسرعه..فزت من نومها وهي تسمع الصراخ..
همست ..لايكون درو بسالفة شموخ...الله يستر...نقزت بسرعه من السرير وعند الباب تذكرت لبسها..رجعت بسرعه وسحبت جلابية بيت ولبستها فوق لبسها وسحبة جلال وطلعة بسرعه..

حرمة اربعينيه..تطق الباب بجنون..لابسه عبايه مطرزه وطرحتها على اكتافها..
شعرها خفيف لونه احمر وبوي..طويله وممشوقه..بيضاء..
هذا اول انطباع اخذته ليلى عنها..ورددت بداخلها..من هذي؟؟
كان موجود..ام فراس..زياد..تماضر..شموخ..وابو فراس وفراس بهالوقت يكونون بالشركه...لا لحظه باقي شخص ثقيل دم دايما يتواجد الصباح لانه لاشغله ولا عمله..وهو صاحب الغرفهاللي تدقها الحرمه...
غريبه حتى نوال مو موجوده..شكلها نايمه...
شافت زياد يحاول يمسك ايد الحرمه ويبعدها عن الباب وهو يردد
زياد:ياام شيخه تعوذي من ابليس ..هالامور ماتنحل بهالشكل..
ام شيخه:اتركنـــي يازييااااااد اتركنـــي..
تكلمت ام فراس اللي شكلها مو قابله هالمره ولاهي مستسيغتها..
ام فراس:زياد اتركها حنا ماالنا دخل فيها...ويلا كل واحد لغرفته
ام شيخه:اطلللع ياجبااااااااااااااااااان اطلللللع لو كنت رجااااااااااااااااااال
سحبها زياد بقوه عن الباب اللي شوي وينكسر وحاول يبعدها عن المكان..
زياد:بالتفاهم كل شيء ينحل يام شيخه...
ام شيخه:مابيننناااااااااااا تفااااااهم ..قولوله مااااااااااااااااااااابيه ماااااااااااااااااااااااابيه خلووووه يطلقني..اكرهههههههههههههههههههههه
مابيييييييييييييييييييييييييه طلقووووووووووووني منه
وكل هالازعااج علشان اطلقك؟؟؟
التفتو على مصدر الصوت قبل لاتهجم ام شيخه عليه
قدرت تجرح خده باظفرها المصبوغ بالوردي...وهالشيء خلاه يمسك يدينها بالقوه وهو شاد عليهم
ام شيخه:اتركنني ..طلقننننني طلقنـــــي ياحقيييييييييييييييير
ابو شيخه:احلمي بالطلااااااق...هالفكره شيليها من راااسك..ودفها بالارض..
زياد:عمي
قاطعه
ابوشيخه:رجاااااااااااء لحد يتدخل...وانتي(يقصد ام شيخه) ارجعي من وين ماجيتي...
كانت تبكي بهستيريه..مغبونه..ومقهوره..وبدت تصرخ
ام شيخه:طللللقنـــــــــــي..طلقنــــي ياح### طلقنــــي يا%%%%
انقهر من عمه وهب بوجهه
زياد:ياااخي وحـــــده ماتبيـــــــك طلقــــــــــها..
صمت اطبق على المكان..اول مره زياد يعصب بهالشكل وعلى مين ..على عمه..
حتى ام شيخه سكتت وكتمت اهاتها..
رفع حاجب وابتسم على جنب..مشى لين وصل لكرسي خدمه..جلس وحط رجل على رجل وبدى يسكر ازارير بلوزة بجامته العلويه..
وقال بهدوء يوتر الاعصاب
ابوشيخه:الاخ يكلمني...
صر على سنونه
زياد:هي مااهي عبده عندك..خلاص ماتبييك غصب هو
ابوشيخه:لا عبده وعبده..وتبي الطلاق تروح للمحاكم..منّـي مـارح تحلم فيه..وبتظل كذا طـــول عمرها..
ام شيخه:برفع عليك قضية خلع
ابوشيخه:هههههههههه ارفعي وهذا وجهي ان قدرتي تخلعيني...
قامت من مكانها وراحتله بسرعه والشرر يتطاير من عيونها...مسكته مع ياقته وبدت تهزه
ام شيخه:انت شتبي فيني شتبــــــــي...ياخي اكرهك ماادانيــــك...يعلك المووووووووت حسبي الله عليك يالظاااالم
حسبي الله عليــك يالظالم...
مسك يدينها وهو يضحك
ابو شيخه:والله حتى انا مابيك..بس كذا عناد مارح اطلقك..بخليك معلقه..وبتبقين كذا لين تموتين..
سحبها من عمه ونزلها مع الدرج وسط اعتراضاتها..بس لازم يبعدها..وقال يهديها
زياد:ياام شيخه انتي اكثر وحده تعرفينه وتعرفين اسلووبه...انتي مارح تستفيدين شيء..
مسحت دموعها بيدينها وهي تستمع لكلام زياد..واول ماوصلت للباب قالت
ام شيخه:زياد..الله يخليك حااااول..انا بمووووت اذا بقيت على هالحاله..خلي ابوك يكلمه
زياد:بحاول لا تخافين....
سلّم عليها وودعها...


من اول ماسمعت صراخ امها..اخذت السماعات وحطتها باذونها ودارت بالاستريو..
ياسنيــن عمري كفايه حزن ياسنيني..
خلاص راح الذي يستاهل احزاني
لمي جروح ويكفي دمع ياعيني
رديلي زهرة حياتي وباقي الواني
وش ذكرك بالهوى اللي كان ناسيني
والحزن اللي هو بدى يوم
وش ذكرك بالليالي ليه تبكيني
والجرح الاول وصوت الناي والحانك..
ياسنين عمري كفايه حزن ياسنيني..
ياسنين كفي عن الذكرى وخليني ماعدت انا اقوى على حزنك واشجانك...

دخلت شموخ عليها وهي تمسح دمعه تحررت من عينها..
شموخ:نواال..نوااااااااال...نوااااااااال....راحت لها وسحبت السماعات
نوال:اوووووووووه شتبييييييييييين؟؟؟
شموخ:انتي جالسه هنا وماشفتي امك وابوك
نوال:كم مررررررررررره قلتلك مااااااااااااالي ام ولا ابووووو...
شموخ:عمي ليه مايطلقها ويفكها
نوال:كذا حقيييير..شتبيني اسويله....عطيني السماعات وفااااااااااااااارقي
عطتها السماعات وطلعت....
***********************




وقفت قبال عمها وهي معصبه..
والتفتت على امها
تماضر:يمه لو سمحتي ..خلي المشاكل اللي بينكم على جنب...المسألة انسانيه..
ام فراس:وانتي شلك بعمك ومرته..بروح اكمل نومي احسن..وراحت
تماضر:عمي طلقها حرام اللي تسويه فيها...انت شتبي فيها منت بحاجتها..كل السنه وانت مسافر..ومهملها..
ابوشيخه:محد له شيء عندي والطلاق تحلم فيه..بتبقى طول عمرها معلقه
تماضر:مو على كيفك..مو منحقك تربطها فيك بورقه زواج ماتقدم ولا تأخر..انت حتى مسؤليات وواجباتك تجاهها ماتقوم فيها..تبيها تقضي طول عمرها عايشه تحت اسمك..
ابوشيخه:والله انا حر
تماضر:وهي مو عبده...وتنهدت..عمي قدرها شوي..قدّر انها استحملت اسفارك وبعدك عنها..انفصلو بهدوء ماله داعي قضايا ومحاكم..لاتنسى انها ام عيالك..علشان العشره ياعمي..
قام من مكانه
ابوشيخه:لو تموووت..لو تجيبلي القمر بأيد والشمس بأيد..مارح تحلم بالطلاق..وتبي تخلع تدورلها على احد يخلعها..
ودخل غرفته..
ليلى:ماكنت ادري انه في مشاكل بينه وبين زوجته...حرام اللي يسويه
جلست تماضر بمكان عمها وهي تشوف زياد يمشي ناحيتهم ووقف جنب ليلى
تماضر:راحت ام شيخه
زياد:ايه..الله يعينها
التفتت على زياد
ليلى:لازم تسوون شيء..حرام والله قطعت قلبي..
حط يده على كتفها..
زياد:خفتي..
ليلى:ايه خصوصا لما شفتك تركض..الله ستر راح بالي لشيء ثاني..
طلعت شموخ من غرفة نوال
تماضر:وش تسوي نوال؟؟؟؟
شموخ:تسمع موسيقى..ورفعت كتوفها...ايزي
عقد حواجبه
زياد:انتبهيلها..وحاولي تنسينها الوضع..مهما كان بتتأثر.
شموخ:لاتخاف عليها..وتثاوبت..يلا سي يو بروح اكمل احلامي..
تماضر:والله فيك حيل تحلمين عقب اللي صار..وانا بعد بروح اكمل نومي والظاهر بتطلعلي كوابيس
ليلى وزياد:ههههههههه...
مسك ايدها اول مادخلو خواته لغرفهم..
زياد:شرايك نفطر برى..
ابتسمت بعذوبه
ليلى:مواافقه...


*********************


زفرت اول ماطلعت الممرضه..راحت للسرير وتمددت عليه..
ارخت راسها على الوساده..وحطت ايدها اليمين تحت خدها اليمين..
النوم مجافيها..للحين مواصله..ماقدرت تنام ..استرخت ثواني وغمضت عيونها وبدت تستغفر عل وعسى تقدر تنام...
فزت من استرخائها اول ماسمعت التلفون..وبسرعه رفعته قبل لاتقوم جدتها..وردت بصوت واطي
الوو..
سليمان:هلا عبوره صباح الخير
عبير:صباح النور..
سليمان:جدتي صاحيه
عبير:لا مجنونه
سليمان:ها ها ها تضحكين صراحه..لا من جد قايمه
عبير:لا نايمه..شبغيت
سليمان:نتطمن فقط..طيب تامرين على شيء
عبير:لا سلامتك
سليمان:ماتبين ملابس اكل اي اي شيء ارسله لك مع الشغاله
عبير:لا مايحتاج
سليمان:زين..طيب فيصل مركم اليوم
عبير:لا مادري شفيه لا مرنا امس ولا اليوم..
سليمان:ايه امس كان تعبان..ويمكن للحين ماداوم..يلا مع السلامه
عبير:الله يسلمك...سكرت السماعه..تعبان..فيصل تعبان..

***************



طالع بساعته..وبالطابور اللي وراه..كلهم بيطلقون..
وطالع باللي قدامه...هانت..15 واحد..مابقى شيء ويجي دوري..
مرّت ساعه...وجاء دوره...
دخل على مكتب الشيخ..وبيدّه صك الزواج..سلّم اول مادخل..
ابتسمله الشيخ ورد عليه السلام واشرله يجلس
وبعد ماجلس
الشيخ:ها وش عندك ياولدي
فيصل:طال عمرك..ابي اثبت الطلاق ..وأشّر بعيونه على الشهود..
ابتسم الشيخ وهو ياخذ الورقه من فيصل..ورد بتعجب
الشيخ:افا يافيصل..مامداك تتزوج تروح تطلق..
فيصل:نصيب ياشيخ
الشيخ:وليه تطلقتو؟؟؟
فيصل:مشاكل صارت بينّا..الاجراءات تطول ياشيخ
الشيخ:طيب متى طلقتها؟؟؟
فيصل:صارلنا شهر..
الشيخ:طلقتها ووانت غضبان..
فيصل:بصراحه..ايه
الشيخ:مايعتبر طلاق ياولدي..ارجع لزوجتك
فيصل:بس انا..مابيها خلاص..يعني الحين بطلقها
الشيخ:ياولدي..الطلاق ماهوب سهل لا لك ولا لها..وبعدين توك ماصارلكم سنه متزوجين..
فيصل:الله يطولي بعمرك انا اتخذت قراري وخلاص
الشيخ:وهي؟؟؟
فيصل:وهي!! مافهمت
الشيخ:الطلاق لازم يكون بموافقتها بعد..سألتها انت اذا هي راضيه..ياولدي استخير وفكر زين..ولاتكرهو شيئا وهو خيرا لكم..تذكر حسناتها يمكن تشفع شوي..ومافيه انسان خالي من العيوب..ياولدي طبيعي يصير مشاكل بينكم وترى كل هالناس مرو باللي مريتو فيه..وانا واحد منهم..وصلت المشاكل بيني وبين ام العيال للطلاق بس بالتروي وبالمسايره وبالتسامح كل شيء ينحل..وهذا انا معها عايش 25 سنه..
ياولدي عطها فرصه وانت اعطي لنفسك فرصه..شوف خذ سنه لقدام..واذا ماتغير وضعكم..تعال عندي وانا مستعد اطلقك منها..بس بشرط تجيبها معاك واسألها..
فيصل:بس انا
الشيخ:روح لزوجتك وقولها وشهو اللي يضايقك..واسمعها وتفاهمو بهدوء..واذا ماتقدر روح لواحد من اهلها يقدر يتفاهم معها..واذا مافيه جبها عندي وانا اتفاهم معكم..ياولدي الحياة قصيره استانسو فيها ماهي مستاهله تقضونها بزعل وبمشاكل..والكلمه الطيبه مثل الشجره الطيبه..
اتفقنا يافيصل
فيصل:يعني الحين هي مو مطلقه
الشيخ:لا هي زوجتك..والطلاق بحالة الغضب مانعتبر فيه...ارجعلها ياولدي وتفاهمو ..وبكره تكبرون وتعقلون..وبتضحكون على مشاكلكم..


**********************


فتحت عيونها بشويش وهي ماودها تفتحهم..ابتسمت وهي تشد الحاف عليها..
كان ماسك ايدها ويقولها احبك..حمر وجهها وتنهدت..
رفعت راسها من المخده..خلاص شبعت نوم..اااااااااه طلعت منها وهي تلبس الشبشب وتروح للحمام..
مرّت ثلث ساعه..طلعت وهي شاده الروب عليها...جلست على التسريحه..نفضت شعرها ونشفته بالفوطه..
اخذت الجل بيدها ووزعته على شعرها وهي تغني..
الدنيا حلوه واحلى سنين...بنعيشها واحنا ياناس عاشقين...
انتهت من شعرها وراحت لدولابها..طلعتلها تنوره تحت الركبه بشوي لونها وردي ومورده بدرجات الوردي..ولبست عليه
بلوزه ورديه كت..رجعت للتسريحه وفتحت درج المكياج..وطلعت ادواتها...
مرّت ساعه
طالعت بشكلها..
شموخ:لازم اطلع حلوه بعيون ليلى..حتى ام فيصل لازم تحبني...وااااااي يذبح يذبح..اااااااااه بس من نظرة عيونه لما طاحت علي..
يجنن يجنن..اكيد انهبل علي..انا حاسه نظرته كانت ..كانت..وغمضت عيونها وهي تتخيل شكله..يااااربي..
بس ليش طلق عبير؟؟؟..اكيد هو اللي مابغاها..اكيد..اووف من تماضر دايما اخبارها ناقصه..بس الحمدالله انه مطلق ولا كان بمووت..اااخ منك يازياد صديقك كل هالزين وماعرضتني عليه..هههههههه والله هبّل فيني ..


***********************



كنت لاهي بلذة الدنيا
ولاهي بالحياه..
وارتكبت ذنوب واهملت العباده والصلاه
كنت ساهي عن صلاتي ماعرفت انها النجاة
ليتني طعتك وخفت الاخره قبل الصيااااح
كنت لاهي كنت لاهي كنت لاهي....

حول الكعبه..بالشوط الرابع...الشمـــس ساطعه وحااارقه.وانعكاسها على الرخام الابيض يصدع بالراس ويؤذي العين...
..ومافيه احد يعتمر الا اثنين او ثلاثه غيرهم...
رفع نظارته الشمسيه و
مسح دمعه حارقه وهو يشوف صديقه منهار..ربت على كتفه
محمد:رابح خلنا نكمل عمرتنا...
رابح:محمــد انا وين كاااان عقلي؟؟؟شلوووون كنت افكررر..شلوووون؟؟؟
محمد:الشيطان الله يلعنه..
رابح:وليتني لحالي..لا سحبتك معااي..بدل ماانت تسحبني انجرفت معااااي
محمد:رابح انا بكمل عمرتي...وسبقه وهو يحس بنار بصدره...طالع بالكعبه ورفع يدينه...
يااارب البيت ياااارب البيت ارحمنـــــي....يااااارب الهمنـــي..يااااارب نجنـــي من عذاب الناااار...

**********************

الســاعه 11 الضحى
جده..الهيلتون...


لميـــس لا لا..تعاالي..احبك..لميـــس..
وغمّض عيونه اول ماحسها قامت..وكمّل
خالد:لميــس ياقلبي اصيرلك يحي...لميــس..ااااه يازينك ويازين عيونك...
وانقلب للجهه الثانيه..
ثواني واستوعبت...يحلم!!!
هزته بشويش..
ميساء:خااالد خاااااالد
خالد:لحظه لميس لاتروحين..
رجعت عيونها تسكّر وعقلها يقفل..وارخت راسها على الوساده مطنشه خالد...
حس بالهدوء وانقلب لجهتها وهو فاتح عيونه شوي..شافها فاتحه فمها وبسابع نومه..
خالد:اففف رجعت نامت...نامي واحلمي ياحلووه وان ماطلعت لك قرون...

****************

((سبحــانك اللهم وبحمدك..أشهد ان لا اله الا انت..أستغفرك اللهم واتوب اليك))
((سبحان الله وبحمده..سبحان الله العظيم))
X