روايه سعوديه طويله..!

انكســــاري

[/FONT][/COLOR]

الجزء الثاني



(اعتراف..)








ليلى:
كتمت صيحتها يوم سمعت صوته ..وبعدين حست انه نام رجعت تبكي..
حست باختناق ماهي قادره تتنفس..مسكت التلفون ودقت على رقم اقرب انسانه لها ..وبعد مده..
ميساء وصوتها فيه نوم)نعم؟؟
ليلى وصوتها رايح فيها من كثر الصياح)ميسااااء انا ليلى
ميساء:اي ليلى؟؟ليييييييييلى شفيك؟؟ وتشيل راسها من المخده
ليلى:بمووووت ياميساء بموت ذلني ذللللني مسح بكرامتي الارض..لا لا انا اللي مسحت بكرامتي القاع بس شسوي شسوي لو انتي بمكاني شتسوين..ترضين تتطلقين من اول يووم...تخيلي قطني باخر هالليل عند اهلي..شقوووولهم.. ميساء خلاص انا انا بمووت ماقدر اتنفس ميس...
ميساء:ليلى ليلى ردي علي لييييييييلى الوووو الوووووووو
وتسكر الخط وترجع تدق لكن الرقم مشغول حاولت مرتين ثلاث بس مافي امل ..وتدق على عبير..مره مرتين ثلاث..
عبير:الوووووووو(كانت قاعده تصلي ركعتين قبل لايأذن الفجر)
ميساء:عبير انا ميساء ..
عبير: وهي تفك جلالها ادري ..شفيييه؟؟ فيه احد يدق بهالوقت يالخبله..
ميساء:الله يخليك الحقي على ليلى دقت علي وبعدين مادري شصارلها؟؟بسرعه روحي شوفي شفيها..
عبير: ليلى؟؟؟متى دقت ؟؟ هم مسافرين لا يكون صار لهم شيء ياااااربي وبدت تدمع عيونها..
ميساء:هي داقه علي من بيت بسرررررررررعه روووووحي شوفي جناااااااحها بسرررررررررعه
عبير:سكرت بوجهها واتجهت لجناح ليلى فتحت الباب ودخلت.. توجهت لغرفة النوم ومالقت الا ناصر وبعدين راحت لغرفة الجلوس شافت النور والع حاولت تفتح الباب بس مافي فايده تأكدت ان ليلى موجوده داخل وماهي بخير صارت تطق عليها بقوه الين ناصر قام
ناصر:قام على صوت الطق.. واتجه لمصدره ..انجنييييييتي انتي شتسووووووووووين؟؟
عبير:ناصر الحق علي ليلى داخل وماترد اكيد صار فيها شيء..يارب استر..
ناصر:ليييييلى!!!!!! متى جت؟؟
عبير: ولا انتبهت لاستغرابه.. نااااااصر افتح او اكسر الباب خل نلحق على البنت..
ناصر:وخري..ويحاول يكسر الباب بس ماقدر..مافي غير حل واحد.. وطلع من بلكونة غرفته ونقز على البلكونه الثانيه ومن حسن الحظ انها مفتوحه دخل وانفجع من المنظر ..بسرعه راح لها وشاف وجهها الازرق وشفايفها ترجف وعندها سماعة التلفون..سمع طق اخته هو اللي خلاه يترك التفكير وبسرعه فتح الباب
ناصر:ساعديني البسها العبايه..
عبير:يمممممممه شفيها لييييييييلى ردي علي وصارت تصفق بوجهها
ناصر:عبيييييييير وش اقول انا.... بسررعه..
----------




كان يفطر مع زوجته بعد ماراحو عياله..نزل كوب الحليب ...
ام فيصل:شفيك يابو فيصل؟؟
ابو فيصل:مادقيتي على ليلى؟؟مادري قلبي مو متطمن..
ام فيصل:لا مادقيت وبعدين لا توسوس ..تعوذ من الشيطان..ماقلتلي شرايك نخلى زوارة ليلى الاسبوع الجاي وملكة فيصل الاسبوع اللي بعده..
ابوفيصل:بكيفكم انا ماعندي مانع....بروح للشغل تامرين على شيء..
ام فيصل:سلامتك.
ابو فيصل:الله يسلمك...اذا دقت ليلى طمنيني..
ام فيصل:انشاء الله..

--------


المستشفى

وبعد ساعات من الانتظار..
الدكتور:تعرضت لظغط نفسي حاد...
عبير:اييييش؟؟يعني اقصد هي بخير الحين؟؟
الدكتور:حاليا الحمد لله بس مظطرين نخليها تجلس عندنا كم يوم..
وين زوجها؟؟
ناصر:خير دكتور؟؟
الدكتور:ابغاك بالمكتب شوي...وراح معاه...عبير دخلت عند ليلى اللي نايمه فأخذت التلفون ودقت على ميساء..
ميساء:الوووو
عبير:هلا ميساء
ميساء:بشري؟؟
عبير:لا الحين هي بخير..تعرضت لصدمه نفسيه..ميساء ماتدرين ايش قالتلك..
ميساء:لا ماقلتلي شيء..
عبير:ميساء وشلون دريتي اجل؟؟
ميساء:بس دقت علي وقالت الحقيني بس..(ميساء بنت خالة ليلى وصديقتها الصدوق ومستحيل تفشي الاحاديث اللي بينهم فكيف بالاسرار..وخطيبة فيصل من يوم هم صغار)
عبير:طيب لحد يدري ترى حتى امها وعمي مادرو..مع السلامه
ميساء:الله يسلمك..


فيصل طق الباب على صديقه الدكتور زياد..
الدكتور زياد:تفضل..
الدكتور فيصل:ويفتح الباب من دون لا ينتبه لناصر..اذا خلصت من الحاله ابغاك ضروري..استنا..انتبه...ناااااااصر..خير احد صاير له شيء؟؟
الدكتور زياد:انا قلت فيه تشابه بالاسماء..تطمن مافي شيء؟؟
فيصل:ناصر سلامات شفيك؟؟
ناصر:منزل راسه..
زياد:بصراحه هو مافيه شيء بس احد اهله..
فيصل:ميييييييين؟؟عممممي؟؟
ناصر:لا ليلى..وقام بيطلع..
فيصل:زياد شفيها؟؟
زياد:اجلس علشان اشرحلك حالتها..

دخل عليها كان باين على وجهها التعب وعيونها منتفخه..
حس بضيقه..
عبير:شيبغى فيك الدكتور؟؟
ناصر:ولا شيء..فتحت عيونها؟؟
عبير:لا..
ناصر:عبير شدراك انها تعبانه؟؟
عبير:انا قالتلي ميساء بنت خالتها..
ناصر:طيب انا راجع للبيت(كان يبي يتأكد من كانت تكلم)..انفتح الباب فجأه..
فيصل:ويمسك ناصر مع رقبته ويلصقه بالجدار...هذا انا اقوووووولك يانويصر ان طلع لك يد بالمووووضوع ورب البيت لاوريك شغل الله فااااااااااهم..
ناصر:اتررررركني...انت موفاهم شيء..ولا انا مضطر اقوولك وخر عني..
فيصل:انت ماااااااتهمني ..بس ان دريت انك مسوي لليلى شيء صدقني بتندم بتدفع الثمن غالي..والحييييين بررررررررى ويطلعه برى
ناصر:طلع بدون اي كلمه...
فيصل:وش سوى لها؟؟
عبير:مممادددري(كانت ترجف...فيصل يموت بشيء اسمه ليلى ومايرضى عليها حتى لوكانت غلطانه)
فيصل:هين اوريه هالتعبان..علمتو اهلي؟؟
عبير:لا..
فيصل:طيب انتبهي لها انا شوي وراجع..
-----------


في منزل خالته..دخل عليها وحالته حاله..

ام مؤيد:يممممه ولييييييدي شفييييييك؟؟وتمسكه تجلسه..
ناصر:تعببببببببان ياخالتي تعبان..
ام مؤيد:شاللي يعورك يمه.؟؟
ناصر:ويأشر على قلبه..هذا اللي متعبني هذا..خالتي هي الحين بالمستشفى...انا خلاص تعبت..
ام مؤيد:بالمستشفى؟؟خير
ناصر:ضغط نفسي...تهاوشت معاهاامس ونزلتها ببيت اهلها فجأة قمت الصبح لقيتها عندي ومغمى عليها...وماادري من اللي جابها..خالتي الشك بيذبحني..
ام مؤيد:يمكن اخوها جابها؟؟
ناصر:لا اهلها مايدرون..فيصل مايرضى ترجع لي اذا هي قالتله عني حتى عمي والمشكله انهم مايصدقون عليها...انا قررت اطلقها اليوم وارتاح ..
ام مؤيد: طلاااق ؟؟؟...
ناصر:ايه طلاق..واليوم بطلقها وافتك..
ام مؤيد:شبكت يدينها ببعض...بصراحه..يعني..
مادري شقولك ياولدي...بصراحه والله اني مفتشله منك..
ناصر:خير ياخالتي شفيه؟؟شصاير؟
ام مؤيد:بصراحه البنت اللي قالت لعهود ان ليلى تكلم طلعت متهاوشه مع ليلى بالجامعه ومن حقدها عليها اخترعت هالسالفه..شفت بنات هالوقت الظلم عندهم اسهل من شرب الماء..
ناصر:ايييش؟؟وشو يعني؟؟؟مافهمت؟؟؟
ام مؤيد:يعني البنت مظلومه..
ناصر: مظلوومه !!!وقف ..خالتي انتي شتقوولين؟؟؟تدرين انا شسوييت؟؟وبهالبساطه تقولون مظلوومه؟؟ انا انا ظلمتها ..انا دخلتها المستشفى.. وتغيرت نبرة صوته..
...وعهووووود ماتدري انها متهاوشه معها لييييييش ماتأكدت هي يوم تقولي كانت متأكده....وصار ينادي عهووووووود عهووود..وكان حده معصب
عهود سمعت صوته لبست غطاها وراحت له
عهود:نعم؟؟
ناصر:وعلى طول اتجه لها ومسك ايدها بقوه وعيونه حمر وصار يضغط على ايدها..انتي شلوووون تقولين متأكده والحييييييين لاااا؟؟فاهميني؟؟تكلمممممممي..كان صوته مبحوح من كثر ماهو يصارخ
ام مؤيد:وتحاول تفك بنتها...ناصر الله يهداااااااك اتركها..
عهود:عاد هذا اللي صار وش اسويلك؟؟
ام مؤيد:نااصر فكها..
ناصر:انا بتركها الحين بس ورب الكعبه ان دريت ان احدداري بالسالفه ياويلك مني ياعهود..
ام مؤيد:وييييين؟؟ وين رايح وانت حالتك حاله..
ناصر:لصقر ومااااااهر........وطلع وهو مايشوف الارض
ام مؤيد:يااااااارب سامحني الله يستر مايصير فيه شيء..
عهود:وتدلك ايدها..هين يانويصر مارح اخليها لك..
----------------

بالمستشفى..
كان خايف على بنته..
ابو فيصل:وشفيها بنتي يادكتور؟؟
زياد:تطمن ياعمي مابه الا العافيه..
فيصل:يبه مافيها شيء انت ادخل وتطمن...وشوي جت خالته وميساء دخلت ميساء من دون ماتسلم وانقهر فيصل ..
ميساء:خالتي طمنيني؟؟
ام فيصل:الحمدالله وين امك؟؟
ميساء:برى تسلم على عمي.. الحين تدخل..
ام ميساء:السلام عليكم وتسلم على اختها وعبير وسلمى..وليلى لازالت نايمه...
قعدو لين انتهى وقت الزياره وقدر فيصل يقنع امه ترجع وخصوصا انه هو اللي بيرافق..ميساء كانت اخر وحده تطلع..حبت ليلى علىراسها عدلت غطاها واول مابغت تطلع دخل فيصل..
فيصل:السلام عليكم..
ميساء:وعليكم السلام وراحت تفتح الباب..
فيصل:يعني تدرين اني مسلم مو يهودي؟
ميساء:طيرت عيونها..
فيصل:وليه ماسلمتي يوم جيتي؟؟
ميساء:طلعت وسفهته.......وهو مات من القهرررر
فيصل:بتذبحني هالبنت احيان اشك ان عندها السان...بس تهبببببل...وجلس جنب اخته وقعد يقرى قران.




دخل المستشفى وكل مايقرب من الغرفه يضيق صدره..قرر يدخل
فتح الباب ..مالقى احد عندها قرب منها وحب راسها ..
فتحت عيونها...
ناصر: كان منزل عيونه بالارض ماتشوفين شر حبيبتي..
ليلى:سكرت عيونها..
ناصر:ليلى انا اسف..صدقيني كان غصب عني..انتي ماتدرين بالعذاب اللي كنت عايش فيه...ليلى قولي انك مسامحتني...انا غلطان والغلط راكبني..ليلى قولي شيء..
ليلى:مافي احد هنا...ماله داعي التمثيل..
ناصر:ليلى انا ماامثل..انا ابيك تسامحيني..صدقيني ماكان قص..قطعت كلامه
ليلى:ليش سويت فيني كذا...وصارت تبكي...
ناصر ماتحمل دموعها وصار يبكي معها...
ناصر:مادري وش اقولك بس صدقيني انا احبك واوعدك اني مستحيل اغلط عليك مره ثانيه...ادري اني جرحتك..بس جرحي انا اكبر..
ليلى صدقيني كنت بحاله مايعلم فيها الا الله..
ليلى:وانا شذنبي؟؟خلاص طلقني ..
ناصر:ايش؟؟ليلى انا احبك ومستحيل اطلقك..
ليلى:مو انت اللي تبي الطلاق؟؟
ناصر:قلتلك انا كانت عندي ظروف....ليلى انا شاريك صدقيني..
ليلى:انت مغصوب علي واكيد عمي الحين بعد غاصبك...
ناصر:شايفتني مو رجال علشان يغصبوني..ليلى انسي الايام اللي فاتت وخلينا نعيش حياتنا..وهذا انا احلفلك اني مو مغصوب على شيء...انا كانت عندي ظروف اقوى مني ومنك...
ليلى:اي ظروف هذي اللي تخليك تذلني؟؟ انا مستحيل ارجعلك..ورجاء اطلع برى قبل لا يجي فيصل..
ناصر:ليلى تأكدي اني احبك وشاريك..انتي حلم عمري اللي تحقق بس حسبي الله على من كان السبب..ليلى ارجوك سامحيني..
ليلى:صدت للجهه الثانيه وسكرت عيونها.....
ناصر:عندي امل انك تسامحيني...لان قلبك كبير...بخليك على راحتك بس ياليت ماتستعجلين بأي قرار تتخذينه..وطلع..

----------------


احتد النقاش بينهم وهو يحاول يكون هادي..
زياد:وش تستفيدين اذا تطلقتي..ومدد رجلينه على الكنب
نوال:افتك من وجهك..هذي اكبر استفاده..
زياد:استفاده غير مقنعه..طيب انا شاريك..
نوال:وانا بايعه..
زياد:طيب وش بتسوين عقب الطلاق؟؟
نوال:تخصرت ..لحووول مالك دخل انت طلق ومالك شغل فيني
زياد:افا اطلق وانا مااعرف مصيرك..لا مايصير..
عدل جلسته وحط رجل على رجل..
شوفي يابنت عمي..الزواج كان غصب..بالنسبه لي ماكان لي اعتراض عليك..كنت معترض على الزواج كله..ومارح اغصبك على شيء
اذا تبين الطلاق بطلق..واذا تبين تستمرين معي ماعندي مانع..انتي فكري ولا تستعجلين..ترى الطلاق للبنت صعب..
نوال:ياخي اكررهك مااحبك واتمنى فراقك اليوم قبل بكره..
طلقني وفكني..
زياد:على بالك اذا طلقتك بيتزوجك..
نوال:كانت مصدومه...تتكلم عن مين؟؟
زياد:عن حسين..ولد خالتك ولا ماتعرفينه..
نوال:دامك تدري ليش ماتطلق؟؟
زياد:خايف تندمين..صدقيني حسين مارح يتزوجك وش يحده ياخذ وحده مطلقه وهو بعده ماتزوج..وعلى فرض انه موافق اهله مو موافقين..
نوال:حتى لو ماخذته انا اكرررهك طلقني..
زياد:شوفي انا ماقصرت معك بشيء وطول الفتره ماجرحتك بكلمه..ولا قلت مابيك او اني مغصوب عليك..لاني مابي احد يلومني ويقول انت ماحاولت..تقدرين تاخذين اغراضك وانتي طالق..وورقتك بتوصلك..
نوال:الله من زمان اتمنى هالكلمه...وراحت تجمع اغراضها..
وقبل لا تطلع..لا تنسى تحضر زواجي اول مانتهي العده..سي يو..
زياد:افففف فكه مابغينا.







بعد اسبوعين
طلعت من المستشفى وصحتها رجعت لها والى الان ساكته موراضيه تتكلم ..وناصر يحاول معها وماقال لها بعد شالسبب لانه لو قال لها مستحيل ترجع له..
كانت منسدحه على السرير ودق التلفون رفعته..
خالد:الوووووو
ليلى:هلا خالد..
خالد:هلا بحياتي ..كيف صحتك؟؟
ليلى:الحمدالله بخير..
خالد:شفيك؟؟
ليلى:مافيني شيء....متى تجي؟؟
خالد:يمكن بعد اسبوعين..ليلى مو راضيه تتكلمين؟؟
ليلى:عن ايش؟
خالد:ليش دخلتي المستشفى؟؟
ليلى:سكر على الموضوع.....
خالد:ليلى بقولك شيء...سامحي ناصر...ترى اخاف يصير فيه شيء وانتي اللي بتتحملين المسؤليه..
ليلى:لا تخاف مو صاير له شيء..
خالد:لا بيصير..ناصر يحبك ويموت فيك..من يوم حنا صغار وانتي حلم حياته..يوم كنت اسأله وش طموحك..كان يقولي اني اخذ اختك..ليلى انتي ماتدرين ناصر وش سوى علشان ياخذك..اذا غلط عليك اكيد فيه شيء اقوى منه.....ليلى انا اكثر واحد قريب لناصر واعرف انتي شتعنيله..ليلى فكري زين..واذا انتي مو مصدقتني اسألي فيصل وهو يقولك..او اسالي محمد او حتى سليمان..انتي ماتتذكرين وشلون كلنا فرحنا يوم وافقتي عليه..لاننا كلنا نعرف مين ليلى لناصر..فكري ولا تستعجلين وخلي قلبك كبير وسامحيه..اتفقنا..
ليلى:مارح اسامحه...
خالد:ليش؟؟طيب قوليلي وش اللي صار..
ليلى:هو ليش مايقولك؟؟
خالد:قال صار سوء تفاهم...وهو ندمان ..انتي فكري قبل لا تتخذين اي شيء تندمين عليه..
ليلى:مو ندمانه..
خالد:يعني تبين الطلاق؟؟؟..ليلى ترى الطلاق صعب ..وبعدين لا تنسين انك انتي الوحيده بالعايله اللي بتكونين مطلقه..
ليلى:والله مافي غير هالحل..
خالد:لا فيه..وبصراحه انا مارح اسمحلك تتطلقين انتي ماتدرين بمصلحتك..
ليلى:يعني انت اللي تدري؟؟
خالد:طيب انتي فكري بكلامي وبعدين رديلي لا تستعجلين..
ليلى:طيب..
خالد:خذي راحتك مع السلامه
ليلى:الله يسلمك....سكرت وصارت تفكر بكلام خالد موبس هو حتى فيصل ومحمد يقولون نفس الكلام...ياربي شالسر ليش عاملني بهالطريقه؟؟ورن تلفون غرفتها..اكيدهو دايما يتصل بهالوقت
ليلى:الو
ناصر:كيفك؟؟
ليلى:بخير..
ناصر:وهو طاير من الفرحه انه ردت عليه..انشاء الله دووم
ليلى:ناصر..تبي شيء؟؟
ناصر:ابيك انتي..ليلى ماسامحتيني؟؟
ليلى:اسامحك بس اذا قلتلي السبب؟؟
ناصر:مااقدر...ليلى اترجاك سامحيني..


ماعمري زعلت منك ولا عمري قسيت
بس حياتي أجبرتني أقسى على اللي حبيت
غصب علي زعلت وغصب علي رضيت
قلبي ماإحتمل الجفامع اللي معه صفيت
لاتفكر أنه مع جفاي معك بحبي لك إنتهيت
لا وربي زاد شوقي وحبي وما أكتفيت
أحس نفسي بدونك كأني عن روحي تخليت
يتعب بدونك قلبي وبالجروح أنا إكتسيت
ماقدرت أسمع صوتك وأنت بعيد بالبيت
بقلبي وروحي وبكل ماأملك إحتويت
محتااج لك حييل بس أنت بقلبك ما حسيت
بعترف لك أنا جرحت وهجرت وتغليت
أسألك بعد ما قريت هذا بالله مابكيت
وحن قلبك لرفيق الدرب وعنه عفيت.....((منقوول))


ليلى: مع السلامه وسكرت...
ناصر..ما يأس دامها ردت علي يعني فيه امل...
-------------


كانو يتقهوون باحد المقاهي
سليمان:طيب انا موافق..بس هي بترضى اخذها مسيار؟
ابو فواز:هي طالبه مسيار ظروفها ماتسمحلها الا كذا
سليمان:اي ظرووف؟؟
ابو فواز:يابن الحلال وحده عمرها 39 سنه وعانس ولا احد طق بابها وتبي تجلس عند ابوها وامها ترعاهم..بعدين انت بتكسب فيها اجر..
سليمان:طيب ماعندها اخوان؟؟
ابو فواز:عندها واحد عايش ببريطانيا ولا يسأل عنهم..ها شقلت؟؟
سليمان:توكلنا على الله..

-------------------


الصباح..

على الفطور
ابو سليمان:مشاء الله قايم بدري اليوم عساك بتداوم؟؟
ناصر:وهو يبتسم..ايه انشاء الله..
عبير:كانت نازله من الدرج..صباح الخير يبه وتحب راسه..بعدين قامت تفرك عيونها وتكح..كح كح
ابو سليمان:بسم الله عليك شفيك؟؟
عبير:وهي تطالع ناصر..غبااااار يبه..الا يبه الشمس من وين طالعه اليوم؟؟
ناصر:انتي كل ماتكبرين يطول لسانك معك يام لسان.
عبير:هذا اللي يقول صمت دهرا ونطق كفرا..وتجلس تفطر..
ابو سليمان:انا سابقك على الشركه..وطلع
عبير:شرقت بالحليب..كح كح ..وخذت نفس..بتدااااوم ؟؟
ناصر:عندك مانع؟؟
عبير:لا انا الحين باطلع اشوف الشمس من وين طالعه..
ناصر:اجلسي ابيتس بموضوع..
عبير:شفيه؟؟
ناصر:مافي شيء..انتي بتزورين ليلى اليوم؟؟
عبير:لا.
ناصر:ابيتس تزورينه وتعطينه هالجوال ومده لاخته..
عبير:اكششخخ واخر موديل بعد..بس ترى مااضمن لك لان نفسي اماره بالسوء ويمكن اخذه..
ناصر:عبيرررر..ترى ان رجعتي لسخافاتك ومزحك الثقيل باوريتس.
عبير:طيب طيب افف وشتبيني اقولها؟؟
ناصر:ولا شيء بس مابي احد يشوف الجوال فاهمه..ويبتسم لاخته..تبين جهاز.
عبير:ايه.
ناصر:من عيوني ..انا رايح تامرين على شيء؟؟
عبير:سلااااااامتك...
------------


دخل عليها بالغرفه.. وسولف معها شوي وقبل لا يطلع..
ابو فيصل:الغاليه تبين شيء؟؟
ليلى:سلامتك يبه ماتقصر..
ابو فيصل:طيب اليوم انا طالبتس طلبه..نبي نطلع للمزرعه..
ليلى:يبه اذا تحسب ان خلقي ضايق وقاطعها
ابو فيصل:ادري بس انا من زمان ماطلعت معتس..
ليلى:وتحب راس ابوها تاامر امر..
ابو فيصل:خلاص العصر انشاء الله نطلع..
-------


المستشفى..
كانو جالسين بالكافتريا..
د.فيصل:ياخي زههقتتتنيييي.
د.زياد:وقفها عند حدها..تدري اشتك عليها..
د.فيصل:لا حرام اذا هي مو خايفه على سمعتها انا اخاف..
د.زياد:تدري كلم وحده من صديقاتها..ترى بتخرب عليك حياتك..
د.فيصل:ماتقدر تسوي شيء..الا انت شسويت مع المدام؟؟
د.زياد:خلاص طلقتها..
د.فيصل:لا حول ولا قوة الا بالله..الواحد ياخوي مايدري وين الخيره..
زياد:كلنا مغصوبين على الزواج..وابشرك بعد ماتخلص عدتها بتتزوج على طول..
فيصل:شدراك؟؟
د.زياد: هي قالتلي..ولد خالتها...الله يهنيها..ويفكني من شرها..
------------


كانت تاخذ الدرجه درجتين..
ام مؤيد:شوي شوي لا تطيحين وتنكسرين..
عهود:مررره متأخره..وتمر على ابوها وتحب راسه..
ابو عهود:طيب اشربي حليب على الاقل بتروحين من غير فطور..
عهود:شسوي مافي وقت..مع السلامه..
ابو عهود:انا بوصلك..
عهود:يبه لا تتعب نفسك
ابو عهود:تعبك راحه..خوذي المفتاح واسبقيني بروح اجيب شوية اوراق واجي بسرعه..
عهود:انشاء الله لا تتأخر...
وصلت للجامعه وفات على المحاضره عشر دقايق..
جلست جنب القاعه وارسلت مسج لصديقتها..
شوي جاها مسج..
ماانصحك تدخلين..هزئت قبلك ثلاث..
دخلت الجوال بشنطتها..
عهود:اففف ..استعجلت على الفاضي...
ساره:صباح الخييير..
عهود:صباح النور..هلا ساره كيفك
ساره:بخير وانتي
عهود:الحمدالله..ماعندك محاضره؟؟
ساره:لا والله معتذره ولا قالت لنا..وانتي؟؟
عهود:لا انا فاتت علي...مؤيد شلونه؟؟
ساره:هو زين بس من زمان ماشفته...تدرين صاير وقته مشغول..
يجي البيت علشان ينام..
عهود:الله يعينه...
ساره:طيب انا بروح مع صديقاتي ينتظروني..فرصه سعيده
وبعد ماراحت..
عهود:وشو الشغل اللي يبعد الولد عن امه؟؟على الاقل بالتلفون يسأل عنها ويتطمن...




بعد مارتبت غرفتها وبخرتها شافت عندها وقت..ليش ماادق عليها الحين؟؟مسكت السماعه
ودقت على غرفة ليلى..
ليلى:الوو..
عبير: فديت الالو وراعيتها..شخبارك؟؟
ليلى:بخير انتي وينتس؟؟ بالجامعه..
عبير:لا مارحت اليوم مالي خلق..طيب بسير عليكم العصر..
ليلى:لا خليها بكره باطلع اليوم مع ابوي..
عبير:كللللللوووووش..واخيراا
ليلى:فقعتي طبلتي..
عبير:لا اكيد فيه شيء..الناس اليوم غير ناس الله يدوم المحبه
ليلى:وش تخربطين انتي؟؟
عبير:طيب وين بتروحين؟؟
ليلى:للمزرعه..
عبير:خلاص مع السلامه واول ماسكرت دقت على ناصر..
ناصر:الو
عبير:هلا نصور..
ناصر:هلا عبور..شتبين؟؟
عبير:لا بس باقولك اني مارح اروح لليلى اليوم..
ناصر:وهو معصب..لييييش؟؟
عبير:لانها بتطلع المزرعه اليوم..
ناصر:مع مين؟؟
عبير:مع عمي بس ..
ناصر:سكر السماعه وصار تفكيره يوديه ويجيبه.

الجزء الثالث


(مغامرة!!!!)


أول ماعثر حظي على دربك...خذلتيني...





الجامعة..الساعة العاشره والنصف
مبنى 12 تحت الدرج..

ميساء:اوووف وش هالطفش..ورفعت ياقة بلوزتها البربري حتى لا مست وجهها...
غدير:وهي تكمل كتابة محاضرتها(بحث)..وليش طفشانه ؟؟
ميساء:كذا مزاج..تركت البلوزه..الا اقول ماعندك اخبار عن تهاني؟؟
غدير:حبيبتي تهاني نستنا كلنا ..اصلا في وحده تتزوج وماتنسى صديقاتها مستحيل..وترفع القلم وتأشر عليها وكأنها تهددها..بس هي انتي لا تتزوجين قبلي علشان مااطفش..
ميساء:مو شرط..هذي ليلى تزوجت ومانستنا..
غدير:صار لها شهر مادقت علي وتقولين مانستنا..
ميساء:غدير لا تلومينها تراها تعبانه المسكينه..
غدير:خير شفيها؟؟انا اقول الزواج مافيه الا المشاكل..
ميساء:تعبت شوي والحين هي الحمدالله..شرايك نسويلها زياره؟؟
غدير:لللا انسي اهلي مسوينلي حضر على زيارة الصديقات المتزوجات..وتكمل كتابه....
ميساء:اجل مافي غير اعزمها عندي وتجين بس بعد ماتطيب..
غدير:وهو كذالك..طالعت ساعتها الذهبيه..وسكرت الدفتر.. والحين قومي مابقى شيء على المحاضره..ضبطو تنوراتهم وطلعو للقاعه..






---------------------------







لابسه بجامتها الورديه المنقطه بأبيض..منسدحه على سريرهاالملكي وتحاول انها تنام

ليلى:اووف ليش مو راضي يجيني النوم؟؟قامت من سريرها وجلست على الاريكه الورديه (كل شيء بغرفة ليلى ذهبي ووردي)..وصارت تتذكر كلام ابوها لها بالمزرعه...
ابو فيصل:والحين يابنتي حنا لحالناومابي اضغط عليك اذا ودك تتكلمين قوليلي..
ليلى:ساكته..
ابو فيصل:براحتك بس يابنتي ودي اقولك شيء وماودي تزعلين مني تدرين انتس غاليه ..يابنتي المسامح كريم والانسان معرض للخطاء..انتي ماتبين تتكلمين عن المشكله ولا هو راضي يتكلم..بس يابنتي طبيعي باول الحياة تصير مشاكل بين الاثنين..احيانا تستمر المشاكل معهم اربع سنين..وهذا طبيعي لان كل انسان له طبع وله شخصيه وله ظروف وطبيعي ناخذ وقت علشان نفهم بعض..بس المفروض علينا اننا نناقش هالمشكله ونحلها بس بهدوء وصبر واذا ماقدرنا نستشير اللي اكبر مننا ويكون يحبنا ومافيها شيء..اما اننا نسكت ونكبت رح نضر انفسنا ومابنحل المشكله...يابنتي الانسان يحاول مره ومرتين وعشر..لا تنسين انكم قررايب(وشدد عليها)..
..اذا هو غلط عليك اعذريه يمكن كان معصب او صايرتله مشكله او ضرف الواحد يقدر ويصبر..يابنتي انا مااقول هالكلام علشان مابيتس تجلسين عندي وانتي عارفه ان بيتك مفتوح لتس باي وقت ولا انا عجزان عنتس بس يابنتي انتي وازني الامور..ابدي صفحه جديده اسمعيه..يابنتي ناصر جاني اليوم وهو يبي يفتح صفحه جديده...وترى الناس بدت تتكلم وبعدين انتي ماتدرين يمكن اللي صار لكم خيره..وبعدين حاولي تصبرين عليه هو اكبر منك بسبع سنين يعني تفكيره شوي مختلف...انا مابيك ترجعينله الا وانتي مقتنعه واذا حاولتي ولا قدرتي مافيه غير الانفصال بس الواحد لازم يسوي اللي عليه ولا يستسلم من اول هزه...الطلاق يابنتي صعب...

ليلى:وهي تجمع شعرهاالطويل وتحطه على جنب وتتمغط على الاريكه...اه يايبه ليتك داري كم صبرت..احسن شيء اروح اصلي الضحى وادعي ربي بالخيره..

رجعت للبيت واثر الدموع فيها..
شافتها وعرفت انها كانت تبكي..
ام مؤيد:عهود خير شفيك؟؟
عهود:شفته يمه شفته..بس راح وخلاني..وتضم امها..
ام مؤيد:شفتي مين؟؟تكلمي
عهود:مؤيد يمه..
ام مؤيد:ميييييييين مؤيد؟؟وليش ماجبتيه معاك ليييييش؟؟
عهود:يمه حتى ماسلم علي على طول هرب حاولت الحقه بس ماقدرت يمه ..
ام مؤيد:صارت تبكي..
عهود: رفعت راسها لامها..يمه لا تبكين انشاء الله نشوفه قريب..يمه امسحي دموعك الحين ابوي بيشوفك ويسويلنا سالفه..
ام مؤيد:وتحاول تمسح دموعها حسبي على من كان السبب..
تضايقت عهود وطلعت لغرفتها..ماترضى احد يتحسب على ابوها حتى لوكان اقرب الناس لها..







----------------------














رجع للبيت مهموم ومكتئب دخل غرفته وانسدح على السرير
سمع طق على الباب...ادخل
ساره:فتحت الباب اصلا داخله داخله غصبن عليييك ..خير شفيك؟؟وجهك مو طبيعي
مؤيد:لا طبيعي..تعالي انتي اللي عندك سالفه ؟؟تعالي اجلسي..
ساره:يابعد قلبي ماحد فاهمني الا انت بس قبل قولي انت شفيك؟؟
مؤيد:طيب سكري الباب قبل مابي احد يسمعني...بعد ماسكرت الباب جلست على السرير..
مؤيد:شفت عهود اختي..بس حسافه ماشفت امي..
ساره:احمد ربك احسن من لا شيء ..طيب كلمتها
مؤيد:لا..بصراحه شفت سالم ولد عمها وشكله بيطلع من السوق.. وخفت يشوفنا..
ساره:يالله معليش على الاقل شفتها تطمنت عليها..
مؤيد:ليتني ماشفتها..انتي ماشفتي شكلها وهي تناديني..
ساره:انت غبي كان سلمت على الطاير..وبعدين الله اكبر سالم بيطلع من السوق بنفس الوقت اللي بتسلم فيه(صارت تحوس فمها يمين ويسار علامه للتكذيب) ..وبعدين فيه اكثر من باركنج وش دراك انه بيجي بنفس المكان اللي انتم فيه؟؟؟
مؤيد:ياشييين الغبي اذا حب يسوي نفسه ذكي..اقوولك يالخبله انا شفته بالسوق وسلم علي..وتقهوينا مع بعض..نزلت انا للباركنج وهو كان وراي بينزل وفجأه وانا بطلع مع البوابه شفت سيارة امي ووو...
ساره:ووو..وشو اخلص..
مؤيد:ومالك دخل..وهو اكيد كان بيطلع باي لحضه فهمتي..
ساره:طيب فهمت..مؤيد لا تضيق خلقك الله بيفرجها وبعدين نسييت اقولك تراها تسلم عليك..
مؤيد:وين شفتيها؟؟
ساره:ببيتنا..يعني وين؟؟اكيد بالجامعه وقلتلهااني ماشوفك لانك مشغوول مررره بالدراسه..امحق دراسه والله..الحين فشلتني عندها بتقول اي دراسه وهي شايفتك بالسوق...
مؤيد:ساره تصدقين..
ساره:منك انت بالذات ماصدق اكبرشلاخ بالشرق الاوسط..
مؤيد:احمد ربي دايما انك اختي..
ساره:وانا دايما اسال امي ليش ترضعينه معي انقردت بسبتك..(اخته من الرضاع وبنت عمته)
مؤيد:طيب قولي شعندك؟؟
ساره:لا مابي اقول شيء خلك ترتاح اعرفك اذا شفت احد من اهلك ماتركز معي..اجيكم بكرى ..صح انا جيتك اليوم بكره انت تعال ابوي يسأل عنك
مؤيد:خلاص صار سلمي عليهم
ساره:هذي طرده بطريقه مهذبه بس مقبوله ..سلام.

رجعت للبيت بعد ماوصلت بنت خالتها..انا مره تاخرت..دخلت البيت لقتهم نايمين راحت لغرفتها رمت عبايتها وجلست على الاريكه(تموت على الاريكه لانها هديه من فيصل)..صارت تتذكر كلامه..
ليلى:ياربي كلامه مقنع حتى سلمى...يووه نسيت اتهجد..غيرت ملابسهاولبست قميص قطني طويل لونه وردي.. توضت وصلت ودعت ربها..(اللهم اني اسالك الخير كله عاجله واجله ظاهره وباطنه ماعلمت منه ومالم اعلم واعوذبك من الشركله عاجله واجله ماعلمت منه ومالم اعلم..)وبعد ماخلصت دعاء راحت للبرنده..اه اليوم الجو يهبل...وصار وجهها يحمر كل ماتذكرت كلامه...معقوله ياناصر تحبني كل هالحب..اكيد كان عنده ظرف..مو يقولون اللي من القلب يدخل القلب على طول..وانا كلامه دخل قلبي...بعطيه فرصه وانا اكون سويت اللي علي..وبنفس الوقت ابوي بينبسط ..الله يخليك لي ياسلمى انا ويني عنها من زمان..كأنها كانت تدري بجيته..اقنعتني قبل لا يجي وبعد ماجاء اقتنعت منه ميه بالميه..(ماكانت تدري ان السالفه مدبره

------------------


على الغداء..
ابوفيصل:وهو ياكل من الكبسه..وين محمد وليلى؟؟
ام فيصل:عجزت عنهم نايمين..
ابو فيصل:اليوم العشاء عندنا..دق علي ابو سليمان ويقول انهم بيجون كلهم..
ام فيصل:الله يحييهم..وناصر بيجي..
ابو فيصل:اكيد..
ام فيصل:شكلك مستانس على جيته..
ابو فيصل:يام فيصل لاتشيلين على الولد..المسامح كريم ..تدرين انا كنت بسويها مفاجئه ..بس امرنا لله بقولك..اليوم ليلى بترجع لناصر
ام فيصل:صدددق..الله يبشرك بالخير..على كذا بعزم الجيران واختي
ابو فيصل:لا هم يبونها خاصه جدا..
ام فيصل:يعني بس اختي..
ابوفيصل:لا حتى ام فهد..حنا نبيها خاصه خاصه..
ام فيصل:خااصه..طيب على هواكم
ابو فيصل:تسلم يدتس على الطبخه الحلوه..وقام من السفره..
ام فيصل:صحه وعافيه..وتنادي الشغالات علشان يشيلون السفره.. راحت تغسل يدينها ..كانت بتطلع لبنتها.. بس رن تلفون البيت..
ام فيصل:الو
خالد:ممكن اتعرف على هالحلوه
ام فيصل:والله هالحلوه ماتبي تتعرف عليكم..
خالد:افا صوتنا ماعجبك..
ام فيصل:لا حبيبي انت كلك مو عاجبني..
خالد:يؤيؤيؤ..لهالدرجه..شمسوين؟؟
ام فيصل:وتسأل بعد ..وتحط ايدها على خصرها..انت ماتترك حركاتك..ليش ماجيت ؟؟ تتمنن بجيتك..
خالد:شوي شوي علي..ولا تزعلين الخميس الجاي اجيكم..انتي شخبارتس؟؟
ام فيصل: الخميس الجاي حنا ماناخذ الا الكلام .ولا تسأل عني..لاني لو اهمك كان تجي تشوفني..
خالد:والله والله والله يمه اني مااقدرت اجي الخميس اللي فات مررره كااارفيني..مو انتي اللي تبيني ضابط..خلاص تحملي نتيجة اختيارك..
ام فيصل:انت الكلام معك ضايع..تغديت؟؟
خالد:من زماااااان..اقول يمه مو طالعين اليوم؟؟
ام فيصل:لا عمك وعياله اليوم بيجونا عندنا عشى..طيب حاول تجي بكره..
خالد:يوم مهي ساويه بس بحاول.. ماقلتيلي وش صار على ليلى؟
ام فيصل:لا ابشرك اليوم بيرجعها..الله يوفقهم يارب..
خالد:الله يبشرك بالخير..طيب مع السلامه يمه..ادق عليكم بالليل..سكر السماعه وابتسامة شاقه حلقه لدرجة بانت الغمازات...هذي بركات نقلي..

-------------------------------

كان يعدل نسفته..
بيروح للشركه عنده شغل مهم
سليمان:ماوصيتس لا تخلين شيء بخاطرتس كل اللي تبينه اطلبيه ترى الفرصه ماتتكرر حبيبتي
سلمى:لا والله مارح اطلب شيء..يكفي انهم بيرجعون لبعض..
سليمان:تدرين انا بطلب منه انه يمسك الشغل بدالي ويحجزلنا على حسابه..
سلمى:بكيفك..عطرته ..على كذا بروح مع السواق
سليمان:شوفي اذا قدرت اخلص هالشغل بدري دقيت عليك ورحنا مع بعض..
سلمى:لا تشغل نفسك فيني..
سليمان:اجل اشغله بمين؟؟؟
سلمى:لحووول سليييييييمان لاتغثني ترى حتى المزح بهالامور يزعج..
سليمان:ليش راح فكرك لبعيد انا كنت اقصد الشغل..
سلمى:لاتسوي روحك برئ..تراك خبز يدي..
سليمان:حب ايدها...مع السلامه
سلمى:الله يسلمك...بعد ماطلع انشغلت بعيالها.

----------------------
كانو مجتمعين على العشاء
مؤيد:يبه اليوم ودي انام عند عمتي من زمان عنهم..
ابو مؤيد:براحتك..دام كذا ليه يام حسام ماتخلين بنتك تجي اليوم وتنامم عندنا؟؟
ام حسام:بحاول اخليها تزورنا على الاقل..
حسام:متأملين مره انها تنام عندكم..ابوها مايخليها..
مؤيد:بس انا مارح اكون بالبيت؟؟
حسام:ياخوي هو متخلف مايفهم بالعربي حمااار..
ابو مؤيد:حسام احترم نفسك لا تغلط على ابو اختك..
حسام:طيب يبه..مؤيد قام من السفره وطلع لغرفته..
بعدين دخلت عليه خالته(مرت ابوه)
ام حسام:ممكن اتكلم معك
مؤيد:اكيد
ام حسام:انت ليش دايما تتعمد تضايقني؟؟
مؤيد:اناااااا!!!!كيف؟؟
ام حسام:لما تحسس نفسك بالذنب وتتوقع انك انت السبب من حرماني لبنتي وانك مضيق علينا..حبيبي مؤيد وللمره المليون اقولك حتى لو كنت مو موجود ابدا بحياتي هو بيحرمني منها هذا واحد نذل وخسيس حرمني منها وهي صغيره وانا ماتزوجت.. الحين تبيه يوم تزوجت مابيحرمني منها..
مؤيد:انا اسف..ويحب راسها
ام حسام:هالمره سماح بس ياويلك يامؤيد اذارجعت تسوي هالحركات ترى من جد بازعل..
مؤيد:انا محظوظ فيك ..انا صدق انحرمت من امي بس الله عوضني فيك الله يخليك لي..
ام حسام:ويخليك لي يااارب ويحنن قلب ابو عهود ويخليك تشوف امك..
مؤيد:اميييييين..

-----------------------

لابسه فستان ليلكي ضيق فيه قصات من تحت الخصر ولبست عليه طقم ذهب اصفر فخم.. وسيحت شعرها الطويل..حطت مكياج خفيف..لان ملامحها اصلا حاده..(ليلى جمالها شرقي..عيون وساع بعدسات بنيه ورموش طويله كثيفه..بشره بيضاء مورده انف صغير وحاد وشفايف صغيره ممتلئه جسمها رااائع اقصر الطويلات وشعرها اسوود لامع طويل)
ليلى:والله احس شكلي غلط..لو اني لابسه طقم احسن..
سلمى:ليلووه تراتس رفعتي ضغطي..
عبير:زين وجهك وانتي لابسه طقم..كانت تجرب ارواج ليلى وتطالعها مع المرايه ..هييييي ترى انتي عروس..مايكفي مكياجك؟؟
ليلى:بس هذا عشى عادي..
سلمى:ومافي احد بيجي..وبعدين مو عادي لك..يعني انتي بتقابلينه بطقم عادي يالمتخلفه..
ليلى:اوووووووف الواحد مايقدر يتناقش معكم تنفذون اللي براسكم وبس..
سمعت طق على الباب..ادخلللللل
خالد:تكرفت على طول داخل هللللللووووووو ..وعلى طول سلم على اخته
ليلى:هللللللللا وغلا..الحمدالله على السلامه شهالمفاجئه؟؟
سلمى:صارله ساعه ويمكن اكثر..وتوك تدرين ..شكلك مانزلتي
ليلى:لا مرابطه بغرفتي
عبير:هيييييي نحن هنا..كانت الابتسامه شاقه حلقها..
خالد:هلا سلمى..
عبير:هين ياخويلد..
خالد:ياناس اسمع صوت بس مااشوف احد؟؟شكل غرفتتس مسكونه
عبير:اوريك وضربت الارض برجلها.. وتطلع من الغرفه وقبل لا تنزل الدرج شالها..اقووووووووووووول نزلني نزلني
خالد:صار يدور فيها..للحين زعلانه
عبير: ومارح ارضى..نزززززززلني
خالد:اكيد مارح ترضين؟؟
عبير:لو تحب السماء ..
خالد توجه للدرج ..مايحتاج احب السما...تبين ترضين ولا بحذفك شوفي بعد الى ثلاث..واااااااااحد ثنيييييييييييييييييييين ثلاااااااا
عبير:خلااااااااص خلاص رضيت..
خالد:ناس ماتجي الا بالعين الحمرا..
عبير:طيب نزلني..واول مانزلها على طول هربت منه ..زعلاااااانه ومارح ارضى عليك..
خالد:خليني امسكك وتشوفين الشغل..(اخوها من الرضاع راضع مع ناصر)

--------------------

ناصر:فيصل انا بطلع الحين مو متعشي نتعشى بالفندق
فيصل:من قاضبك؟؟
ناصر:فيييييييصل
فيصل:ههه طيب الحين اقولها تجهز..
وراح فيصل داخل ومانتبه ان عبير موجوده..كانت تتهاوش مع خالد بالصاله واول ماشافه خالد خلى عبير تصير وراه لان ماعليها غطى
فيصل:ليلى عندها احد؟؟
عبير:لا ماعندها احد بس سلمى
فيصل:بسم الله (توه ينتبه لها)انتي صوت بلا صوره..
خالد:وش تبي بليلى؟؟
فيصل:اختي وانا حر..ممنوع؟؟ وطلع
خالد:عبير بسألك سؤال مهم
عبير:وهي لازالت وراه..تفضل ياخي..
خالد:ماتدرين وين يبيعون الاخلاق؟؟

---------

طق الباب قبل مايدخل..
سلمى:ادخل
فيصل:السلام عليكم
البنات:وعليكم السلام..
فيصل:ليلى البسي عباتتس الحين بتمشين..
ليلى:الحيين تونا..
فيصل:شسوي بناصر..ويلتفت لسلمى..سلومه ممكن تتركينا شوي..
سلمى:يعني اسرار..طيب ..وطلعت.
ليلى:نزلت راسها..
فيصل:جلس جنب اخته ورفع راسها..ليلى ابيتس توعديني..
ليلى:على ايش؟؟
فيصل:توعديني انتس تكونين معي صريحه وماتخبين اي شيء عني انتي تدرين اني احبك واخاف على مصلحتك اذا ضايقك ناصر باي شيء تقوليلي..انا مارح اسالك عن سبب خلافكم لانه صار وانتهى ورجعتو لبعض والله يوفقكم..بس اوعديني انتس ماتخبين اي شيء عني.
ليلى:وتحب راس اخوها..اوعدك..الله يخليك لي يارب ولا يحرمني منك..
فيصل:ولا منتس...انتظرك تحت..
ليلى راحت تلبس عباتها وهي تدعي بقلبها لاخوها
كان ينتظرها بسيارته
BMW السوداء..طبعا بحوش الحريم..نزل يوم شافها وابتسم من كل قلبه..اخيرا رجعتله..
فيصل:ناصر مايحتاج اوصيك...كانت نغمة صوته تحذير
ناصر:لا توصي حريص...فتح الباب لها وركبت..وراحو للفندق.

-----------------

تتقلب وتتقلب..مدت يدينهاللطاوله وهي مغطيه وجهها باللحاف
افففففففف اففففففففف شهالازعاج يااااااربي اخذت جوالها وردت..
عبير:الووووووو(ردت من غير ماتعرف مين المتصل)
عهود:نايمه؟؟
عبير:شرايك يعني؟؟في احد يدق بهالوقت؟؟
عهود:طيب اسمي دقيت واسمك صحيتي..المهم ليش ماقلتولنا ان ناصر رجع ليلى؟؟
عبير:صارلهم يومين وتوكم تدرون؟؟على بالي ناصر قالكم..
عهود:وهم وينهم؟؟
عبير:سافرو بس ماادري وين؟؟عهود خلاص مافيني حيل على الكلام مع السلامه وسكرت السماعه على طول
عهود:وهي ترمي جوالها..الله لا يوفقك يانويصر انت وليلوه الله لا يهنيكم..هين هين.

--------------------------

الصباح..

المستشفى..
بالممر كانو يتكلمون عن حاله..
فيصل:الله يعينهم ويصبرهم..
زياد:امييين يارب ..الى الان اتذكر شكل زوجته يوم درت..
فيصل:الله يعينها..توها صغيره بس الحمدالله ان الجنين بخير..شيء اهون من شيء..الله يكفينا شر الحوادث..
زياد:اقول ..شرايك اليوم نطلع للسوق..
فيصل:سبحان مغير الاحوال قبل شوي تتكلم عن الموت والحين السوق؟؟
زياد:هذا حال الدنيا..المهم بتروح معي؟؟
فيصل:شعندك؟؟
زياد:ابي اشتريلي هديه لبنت اختي واعدها من زمان..
فيصل:خلاص انشاء الله بعد مانطلع من الدوام...وتقطع حديثهم الممرضه نسرين..
نسرين:فيصل في حاله بانتظارك..
فيصل:اسمي الدكتووور فيصل..
نسرين:اسفه..
فيصل:اعتذارك مو مقبول..ومشى وهو معصب..وطلعت وراه
زياد:الله يعينك على مابتلاك..ويسمع صوت يناديه
زياد:هلا والله من زمان عنك
مؤيد:طالب امتياز شسوي كارفيني كرف..زين قدرت اشوفك..فيصل وينه؟؟
زياد:توه طلع عنده شغل..انت بشرني عنك؟؟
مؤيد:الحمدالله كل شيء تمام..سلم على فيصل ..عن اذنك
زياد:خلنا نشوفك..
مؤيد:انشاء الله..

---------------
الجامعه
شارع خمسه..على الكراسي الخشب
ميساء:والله ماعندي مانع..
غدير:انا عندي ظروف مااقدر
لما:خلاص نروح انا وميساء..بينا اتصال ميوس
وبعد ماراحت لما
غدير:انتي صاحيه تطلعين مع هالاشكال..
ميساء:ليه شفيها؟؟
غدير:انتي فاهمه قصدي وعارفه هي ليش تطلع للسوق..لا تستهبلين ..
ميساء:عارفه واستهبل شعندك؟؟حرام الواحد يغير جو وبعدين انا مالي دخل فيها..انا رايحه اتسوووق..وانتي تدرين اني مو راعية حركات..
غدير:القرين بالقرين يهتدي..وانتي فاهمه قصدي
ميساء:الحمدالله وااااثقه من نفسي وعناد لك باروح معها..
غدير:انتي ماتعاندين الا نفسك..
ميساء:اففف بصراحه ودي اشوف وش تسوي؟؟يقولون كل يوم عندهم اكثر من مغامره...
غدير:مغامرات؟؟؟؟..عصبت ..قوومي روحي جيبيلي شيء يبل ريقي نشفتيه حسبي الله عليك.. وشافت عبير..هذيك مو عبير..ياملحها هالبنت
ميساء:الا هي شكلها بتطلع..
غدير:سبحان الله ماتشبه ليلى..
ميساء: ايه عبير تشبه امها..وتلتفت لها ..انتي شفيك متضايقه...اكيد نويروه سوت شيء
غدير:هي خلت شيء ماسوته..كل يوم تخترع لنا مشكله...تصدقين كانت اغلى وحده على قلبي بعد فاتن اختها الله يرحمها...تغيرت مره بعد وفاتهم.. تقولين حاقده كارهه بس ليش ماادري..
ميساء:يمكن انتم ماتعملونها زين..يعني محسسينها انها غريبه..
غدير:اقول ميساء فااارقي عن وجهي ..هذا وانتي تعرفينا زين تقولين هالكلام شخليتي للغريب؟؟
ميساء:بفارق..بس وشتبين من الكافتريا؟؟
غدير:اي شيء بارد يبرد على قلبي..وعدلي شعرك طاير..
ميساء:عدلت شعرها وراحت للكافتيريا..
----------------------

بعد من رجعت من الجامعه واخذت شور..
بغرفة عبير..
عبير:ومتى هالكلام؟؟وتنسدح على سريرها..
ساره:اليوم بعد ماطلعتي من الجامعه..
عبير:غريبه..طيب انا بكلمها واشوف شفيها..
ساره:اسفه اني دقيت عليك بهالوقت ..
عبير:افا سويره حنا مابنا هالرسميات..سلمي على اهلك
ساره:يوصل انشاء الله..مع السلامه..
عبير:وهي تضغط على رقم عهود.ياربي شفيها حتى اليوم كلامها معي رسمي اكيد صاير شيء..انتظرت ترد بس عهود ماردت..ونامت عبير وهي تفكر بعهود.
------------


بعد صلاة العشاء
السوق..
ميساء:لما خلينا ندخل هالمحل هذا..
لما:اوكيه ..دخلو ودخل وراهم شخص..
ميساء:لما شرايك بالبلوزه رووعه صح؟؟
الشخص:انتي اللي روعه..
ميساء:طلعت عيونها قدام..عصبت..خييير شفيه؟؟
لما:شوي شوي ميوس..
ميساء:انتي شتقولين صدق انك قليلة ادب ماتربيتي الشرهه مو عليك علي انا..وترمي البلوزه بوجهها وتطلع..
الشخص:شفيها ؟؟
لما:وحده معقده..شتبي فيها؟؟وقامت تتدلع عنده..
الشخص:انتي مافي احسن منك بس لازم اوريها قبل كل شيء..وراح يلحقها..
لما:صدق انه اعمى..
دخلت محل اطفال من القهر اللي فيها تفرجت شوي بعدين طلعت وراحت لجهة المطاعم تبي تشرب عصير بارد يبرد حرتها طلبت العصير ودقت على السواق
بعد ماشربته انزلت للدور الارضي علشان تطلع وهي بالدرج المتحرك لقاها..
الشخص:مييووووس ميوس
شده هالاسم وقرر انه يلتفت لجهته عنده احساس انه يعرفه وانصدم...نفس شكلها بالعبايه معقوله تكون هي؟؟مستحيل بعدين منهو اللي وراها؟؟
كانت منزله عيونها من الفشيله واول ماوصلت للدور الارضي ارفعت عيونها وليتها مارفعتها..معقووول وبهالوقت بالذات ..يارب مايعرفني ..بس ليه يطالعني كذا..حسبي الله عليك يالما
الشخص:ميووس ليه ماتردين خلينا نتفاهم؟؟
ميساء:كانت بتنهار وخصوصا ان فيصل واقف بباب المحل ولا دخل كأنه شاك فيها او يعرف من هي؟؟..
الشخص:حني علي وردي..وصار يمشي جنبها..
ميساء:اضطرت توقف لانه زودها..انت قلييل ادب اذا ما رحت عن وجهي ترى والله لانادي السكيورتي ويعلمونك شغلك..
الشخص:طيب طيب لا تنافخين بس صدقيني بتندمين..
ميساء:مابقى الا انت تهدد فارق عن وجهي ..وطلعت على طول للبوابه
الشخص على طول دق على لما...
لما:نعم؟؟
الشخص:راسها تجيبينه لي فاهمه ولاترى مايصير طيب وسكر السماعه بوجهها
لما:اففففف انا وين وهو وين..الله يستر منه..
تبعها لين تأكد من السياره وقبل لا تتحرك السياره فتح الباب..
فيصل:شغلك عندي ان ماربيتك..
ميساء: حطت ايدها على فمها..فيييييييصل..
فيصل:ايه فيصل...كومار روح للبيت على طول مافي روح اي مكان مفهوم..وانتي تشوفين شيبي يصيرلك وسكر الباب بقوه..
ميساء:دقت على غدير وصارت تبكي..غدير الحقيني..
غدير:شفيك؟؟
ميساء:شاااااافني شافني..
غدير:مييييييين؟؟ميساء ردي مين ؟؟ميسووووه ويييييييينك؟؟؟بس لا حياة لمن تنادي لانه ميساء سكرت وصارت تبكي مو قادره تتكلم..
كان يدوره بالمحلات القريبه بس مالقاه..طلع الجوال من جيبه
ودق عليه..
فيصل:الو..كان باين عليه انه معصب
زياد:ويقلد صوته,,الو...انت وينك؟؟
فيصل:طلعت..
زياد:طلعت روح العدو..وين طلعت؟؟
فيصل:برجع للبيت..
زياد:لا ياشيخ..انت تمزح؟؟
فيصل:اوووه زياد ترى من جد معصب ومالي خلق..
زياد:وخير ياطير انا من جد عبدالله ومالي راتب شهري وقدره
فيصل:اففففف ياشينك ياصرت مروق وتستخف دمك..
زياد:طيب صدق الحين انت وين؟؟قصدي وقف عند اقرب كوفي..
فيصل:زيااد ترى انا معصب ومقهور ..
زياد:طيب وش منه توك وش زينك..
فيصل:لحوووول كذا تغير مزاجي فجأة..
زياد:خلاص خلاص..روح البيت ونتفاهم بكره..
فيصل:لا بكره ولا بعده قلتلك مافيني شيء..مع السلامه..

يلا عاد الحين ابي اسمع رايكم بكل صراحه لوول

و انشالله يتبع

ناطرة الباقي

تسلمين يعمري و الله يجبر بخاطرج و لعيونج بنزل 6 اجزاء اليوم

بس والله ما احلل اللي بيس تدش و ما ترد ولو بكلمه!!!

الجزء الرابع






رجعت للبيت وهي منهاره...عمرها ماتخيلت انها تنحط بهالموقف ومع مين مع فيصل..ياربي شهالمصيبه..احس نفسي مخنوقه..ااه ياليلى ليتك فيه كان شكيتلك همي..والحين غدير بتتشمت فيني..ياربي شسواة؟؟
وراح الليل وهي تدعي الله انه يستر عليها ويهونها...طق باب غرفتها..
ميساء:مييييين؟؟
ام فهد:يمه قومي صلي الفجر..
ميساء:انشاء الله يمه...وسمعت باب غرفة امها يتسكر...ياربي الساعة 4 ونص وللحين ماجاني النوم..ياربي وش ممكن يسوي فيصل؟؟
----------------

ردني لك موتتي في غيابك موتتين
يامحول ضيقتي من وجود اليا عدم
لا تخليني مابين الثلاثه والثنين
البكا والسخط فيك،....وشعوري بالندم




رجع من المسجد بعد ماصلى الفجر.. ودخل غرفته على طول حاول ينام بس مو قادر التفكير يوديه ويجيبه..
فيصل:ااه ياميساء طلعتي داهيه..طلع للبرنده يبي ياخذ هوى..جلس على الكرسي وحط رجل على رجل...وصار يتذكر صوت الرجال..ميوووس...ويدلعها بعد..انا ابدا ماتوقعت تكونين من هالنوعيه..ميساء اللي الكل يشهد باخلاقها تطلع كذا...الظاهر كلنا انغشينا فيها..الظاهر حياتها بره نستها الحرام ..يمكن عندها مثل هالعلاقات عادي....لازم اربيها..اذا ماوقفتها عند حدها يمكن تسوي بلاوي اكبر من كذا...طحتي من عيني ..وانكسر شيء كبير بينا واللي ينكسر صعب يتصلح صعب...يااااااربي فيني حرررره ولازم اطلعها فيها...افففففف شالسواة؟؟؟ ضرب بالطاوله بايده ولا حس بألم..الالم اللي بقلبه اكبر..يووووه راح الوقت وانا افكر بوحده ماتستاهل..آخذ شور بارد احسن..





-------------------







الصباح..
ساره:تشوف شكلها بالمرايه...الحين انت داق بهالوقت علشانها..وتمسك ريشة البلاشر الوردي وتحط منه على خدودها..
مؤيد:سوير تكلمي زي الناس..
ساره:طيب لا تنافخ...ابكلمها اليوم طبعا مو هي ابي اكلم عبير..
مؤيد:وش دخل عبير بالسالفه؟؟
ساره:نسيت انها بنت خالتك..واقرب وحده لعهود..
مؤيد:طيب مافي مانع
ساره:اخاف فيه دواس؟؟
مؤيد:هههه ماتضحك..دقي علي اول مايجيك خبر فاهمه..مع السلامه
ساره:الله يسلمك..اخذت عبايتها وطلعت للجامعه..









في الجامعه..
عند البوابه
كانت بتروح لصديقاتها في الكافتريا..بس لفتت انتباها..راحت لها..
عبير:شفييك شكلك مواصله؟؟
ميساء:هاه..ايه ..
عبير:تعبانه؟؟اجيبلك شيء..
ميساء:لا لا مافيني شيء..عن اذنك غدير جت..وراحت لصديقتها..
عبير:غريبه اكيد صاير شيء البنت شكلها مو طبيعي..ويقطع تفكيرها صوت ساره..
ساره:صباااااااح الخيييير













ايطاليا..

دخلت محل هدايا واشترت ميداليه وخلته يكتب عليها
ilove you


دخلتها بشنطتها علشان ماينتبه وجلست على الكراسي تنتظره..
ناصر:عسى ماتأخرت عليك..
ليلى:لا ماتأخرت...قصيت تذاكر..
ناصر:ايه تبين شيء قبل لا ندخل السينما..
ليلى:لا مايحتاج..
ناصر:لا بناخذ بوب كورن وبيبسي ..ومسك ايدها ودخلو للسينما..

-------

مستحيل مستحييييل..انتي متأكده؟؟؟
شيخه:متأكددده...
نوال:شالت الحاف من عليها..قامت من سريرها (لابسه بجامتها وشعرها منتفش..توها قايمه من النوم)وانتي مقومتني من النوم علشان هالخبر؟؟؟
شيخه:جلست على الكرسي اللي بجنب السرير...ليه هالخبر مايستاهل انك تقومين علشانه؟؟
نوال:انتي كذااابه..رجعت شعرها على ورى..تمزحين صح..
شيخه:اقوولك الملكه الشهر الجاي..تقولين امزح..اشتري جاهز لانه مايمديك تفصلين..
نوال:يملك على غيري؟؟؟ماصدق ماصدق...وشلون وانا؟؟
شيخه:انتي؟؟؟ انتي اغبى مخلوق شفته..ضيعتي حياتك على الفاضي..ارجعي لزياد احسن..هذا اذا وافق..
نوال:برررىىىى برررى
شيخه:عن اذنك...وطلعت
نوال:مستحيل يتم هالزواج مستحييل..حسين لي انا وبس...وانهارت على الارض تبكي
-------


بعد ماخلصو الفيلم رجعو للفندق..
ادخلت الجناح واتفاجات معقوله هذا جناحنا..
ليلى: تبي ترجع للباب علشان تطلع وكان هو واقف عنده..ههههه ناصر شكلنا غلطانين دخلنا جناح غلط..
ناصر:لا غلط ولا شيء..ومشاها للداخل..شرايك بالمفاجأة..كانت الغرفه كلها مغطيه بالورد والشموع وبالطاوله كان فيه تورته ومكتوب عليها
iloveyou loly


ليلى:يجنننننننننن رووووووووعهالتفتت له.. متى سويت هالشيء ؟؟
ناصر:سر ..بروح اخذ شور.. لا تنامين..بنسهر اليوم سهره معتبره
ودخل ياخذ شور..
ليلى: جلست بالكنب اللي بالصاله..وشلون اعطيه الميداليه؟؟؟خليني افكر بطريقه....

[/FONT]

الله يعطيك العافيه
مشكووووووره
كملي بانتظارك

الطياره..
على الدرجه الاولى...كانت جالسه جنب الشباك وهو بجنبها..
جت المضيفه تقدم لهم عصاير بعد الوجبه..

ناصر:قلبي تفضلي ..
ليلى:شدراك اني ابي عصير تفاح؟؟
ناصر:كل شيء يخصك ادري فيه..مستانسه..
ليلى:مرررررره ..مشتاقه لهم ماادري متى نوصل..
ناصر:باقي تقريبا خمس ساعات...انا باروح اتمشى شوي
ليلى:ليش؟؟
ناصر:علشان رجليني ماتتنفخ..اذا رجعت تتمشين اوكيه
ليلى:لا مايحتاج اسوي تمارين يكفي..وصارت تكمل قرايتها لكتاب صلاح الراشد عن البرمجه..
وبعد خمس دقايق رجع ناصر..
ناصر:تصدقين شفت احد اخوياي هنا..يقول ان شركتنا داخله صفقه ضخمه..تدرين اتمنى اننا نربحها.. انشاء الله من بكره بداوم حمستني الصفقه..
ليلى:سكرت الكتاب بقوه..وصارت تطالع بايدها اللي تفركهم ببعض...حمستك ولا مليت مني؟؟
ناصر:انبسط من حركتها ...فيه احد يمل منك الود ودي اني ماافارقك ثانيه..بس الشغل ضروري وبصراحه اخاف تملين مني وتقولين وش هالغثيث؟؟
ليلى:التفتت عليه..لا تخاف اذا مليت بقولك..
ناصر:شد نقابها لتحت..غالي والطلب رخيص..
---------------

الشركه..
سليمان:خله يتفضل..
السكرتير:حاضر طال عمرك..
ابو فواز:السلام عليكم
سليمان:هلا هلا تو مانور المكتب..حياك تفضل..
ابو فواز:منور باصحابه..انا مو مطول بس بغيت اخذ حاجتي لاني مستعجل..
سليمان:تستاهل تستاهل..ويفتح الدرج ويطلع دفتر الشيكات ..تفضل
ابو فواز:الله يكثر خيرك..اي شيء تبيه حنا بالخدمه..مع السلامه.
سليمان:الله يسلمك الله يسلمك ..ويمسك جواله ويدق وهو مبتسم.
-------------

ابو فيصل:انا اقول نزيد من الانتاج..على العموم سولي دراسه وبعدها نقرر..
الموظف:طال عمرك لو نقدم الاجتماع احسن..
ابو فيصل:بكره الساعه تسعه نعقد الاجتماع..
الموظف:عن اذنك..
ابو فيصل:لحظه ..بس حبيت اقولك انك ربح للشركه عقليتك نظيفه وحنا محظوظين فيك..اتوقع لك مستقبل زاهر
الموظف:مبتسم..مشكور على الاطراء ..وطلع
السكرتير:تامر شيء طال عمرك..
ابو فيصل:بلغ الموظفين بالاجتماع..واطلبلي ابو سليمان..
السكرتير:طلب ابو سليمان بس مالقاه وجواله مقفل..فطلب سليمان..
كان يكلم بالجوال ورايق وفجأه دق تلفون المكتب..سكر جواله ورد..
سليمان:هلا
ابو فيصل:هلا بك ..عسى منت مشغول .
سليمان:ابد طال عمرك امر..
ابو فيصل:لا بس ابوك وينه شفيه ماداوم؟؟
سليمان:لا داوم بس راح ياخذ جوله ميدانيه ويبي يمر على شركة--- علشان يتفق معهم يدخلون معنا بالصفقه.
ابو فيصل:زين ..طيب انا برجع للبيت اريح شوي تدري ناصر وليلى يجون اليوم
سليمان:خذ راحتك ياعمي..
ابو فيصل:الله يعينك ..مع السلامه
سليمان بعد ماسكر......ارجع اكلم احسن لي.
---------------------------


في البيت كانو كلهم نايمين بعد ماتغدو....والهدوء يعم المكان فجأه..طلع ذيب اسودوعيونه تلمع ويلحقها صارت تركض تركض بس وين تروح حاولت تفتح السياره بس مقفله شافت ليلى من بعيد وهي تضحك راحت لهاوبعدين شافت الذيب ياكل ليلى وهي ساكته ماتصرخ صارت هي تصرخ ليييييييييلى ليللللللللللللى بعدين اختفى الذيب وليلى تنزف راحت تنادي فيصل ويوم رجعت لليلى لقتها تضحك ومافيها اي شيء بعدين طلع الذيب مره ثانيه وصار يلحقها قدر يجرحها جرح بسيط وبعدين اختفى..يمممممممممممممممممممممممممه
سلمى:بسم الله بسم الله اعوذ بالله من الشيطان الرجيم بسم الله بسم الله..وش هالحلم اللهم اجعله خير...قامت من فراشها وراحت تشوف اولادها لقتهم نايمين رجعت لغرفتها وصارت تفكر بالحلم...سمعت صوت الاذان..غريبه سليمان ماجاء؟؟بعد مااصلي ادق عليه واشوف وينه..
وبعد الصلاة دق باب البيت وفتحت الشغاله..
خالد:دخل على طول..وين مدام العجوز..
سلمى:نازله مع الدرج..عجوز بعينك..حيالله من جانا.وسلمت عليه.تفضل تفضل..واجلسو بالصاله..واول ماجلست.. ايه كذا حسسني انك نقلت للرياض..
خالد:ولا يهمك كل يوم اجيك واغثك وين بزارينك؟؟
سلمى:ايه اكشف عن نواياك جاي للبزارين ؟؟
خالد:عصفورين بحجر..حط رجل على رجل...سلموه شفيك ماضيفتيني ماني خابرك زطيه؟؟
سلمى:ياحليلك خبرك عتييق..من يوم مانقلت لجده وانا اكبر زطيه..اللي يسير علي يجيب قهوته وعشاه معه..
خالد:وصل التلميح..حتى انا صرت ماجيب اي شيء معي اذا سيرت على احد..طالع بخيل على اختي ..
سلمى:يمممممه منك لسانك حشى مو لسان اقول كلمه ترد بعشر الله يعين اللي بتاخذك..
خالد:تبطيييييين..مرتي للحين ماجابتها امها..
سلمى:اصلا انت من تقبل فيك يالمغرور..اروح اجيبلك عصير وفطاير افضل من نقاش عقيم معك...

وهي بالمطبخ سمعت صوت ضحك وازعاج...راحت للصاله..
سلمى:زين قومتهم..
خالد:افا عليك حاضرين متى ماتبين تقومينهم دقي علي,,الله وش هالعصير التحفه..ويشرب ..يمي يمي
سلمى:اعجبك..خلاص زورني كل يوم واشربك احسن العصاير..
سديم:ماما ابي لاوه
سلمى:تعالي وتحطها بحضنها وتوكلها..
خالد:يكفي يكفي شوفي البنت وش صارت كنها بالونه انا صرت اخاف اجلس عندها اخاف تنفجر باي وقت واروح فيها..
سلمى:بنتي ومالك دخل ..كولي حبيبتي..
خالد:ايه وكليها وبعدين اذا كبرت ابلشي بالرجيم...نصور شفيك معصب؟؟
ناصر:ليش ماجبت هديه؟؟
خالد:الحين اجيبلك احسن هديه روح البس خلني اتمشى معاك وبالمره تشتري هديه.
ناصر راح يلبس على طول..
سديم:وانا بلوح معاك
خالد:بس سيارتي ماتتحمل واخاف تنفجرين يحسبونه عمل ارهابي واروح فيها
سلمى:خاااااااالد لا تقول كذا لها ترى تفهم وبعدين تزعل حرام عليك
خالد:طيب طيب روحي لبسيها الشكوى لله..
سلمى:احمد ربك ان سديم بنت سليمان تركب معك..وخذت بنتها تلبسها..
خالد:القرد بعين امه غزال..ويدق جواله..
خالد:هلا طال عمرك
ابو فيصل:وينك فيه؟؟
خالد:عند سلمى..بغيت شيء؟؟
ابو فيصل:مو رايح تجيب اختك؟؟
خالد:ههه ياحليلك يبه..باقيلهم ساعتين شفيك مستعجل؟؟
ابو فيصل:طيب لا تنسى..وسكر بوجهه..
وبعد خمس دقايق..
سلمى:من كنت تكلم؟؟ سمعت صوت الجوال..
خالد:ابوي يالمحقق كونان..خلصو لبس
سلمى:تفضل وطول بالك عليهم وانتبه لهم مفهوم..
خالد:المفروض هم ينتبهون لي مو انا..ومسك ايديهم سلمي على سلوم..
سلمى:الله يسلم
---------------

بخرت البيت كله وزينت جناحهم وخلته كله ورود ووصت الطباخ يسوي عشاء محترم
كانت تدور بالمبخره في الصاله..دخل عليها ابوها..
ابو سليمان:شعند حلوتنا اليوم ؟؟
عبير:ابد ابخر للمعاريس..
ابو سليمان:مسك ايدها تعالي قوليلي كل شيء صار من امس لليوم..
عبير:نزلت المبخره على الطاوله وجلست جنب ابوها..ابد مافي شيء..بعد ماخلصت اختباري امس قلت لعهود تجي عندي علشان اشتري بعض الاغراض للمعاريس قالت ماتقدر ورحت لحالي شريت كل شيء ومارجعت الا وانا دايخه حطيت راسي ونمت وقمت اليوم متأخر ورتبت كل شيء..
ابو سليمان:تدرين علشاني ماشفتك امس مارتحت بنومي..
عبير:الحين عطلت وبتمل مني....الا يبه وين نسافر السنه هذي؟؟
ابو سليمان:المكان اللي تبينه بس انا وياك...شرايك
عبير:وناااااااسه واخيرابروح معاك لوحدنا..خلاص بنروح مكان للاسترخاء والاستجمام..بس حدد متى؟؟
ابو سليمان:بعد مااخلص الشغل..خالد مادق عليك
عبير:لا
ابو سليمان:من زمان عنه دقي عليه خليه يسير علينا..
عبير:انشاء الله..
ابو سليمان:كملي شغلك انا بريح شوي..

طلعت من المطبخ وهي تاكل سندويشه وشعرها حايس وشكلها سرحانه..
فهد:ميسااااااااااااااااااااء
ميساء:بسم الله فجرت طبلة اذني..
فهد:سرحانه فيني طبعا..
ميساء:ايه مره وتروح تشغل التلفزيون وتجلس على الارض
فهد:راح جلس جنبها..هذا الحاله اللي تمرين فيها تسمى حالة مابعد التخرج..هز راسه ..هي صعبه بس لا تخافين لها علاج..
ميساء:التفتت له..ممكن تسكت علشان اسمع..
فهد:هههههههههههههههه
ميساء:الظاهر ماقلت شيء يضحك؟؟؟
فهد:وشلون تسمعين وانتي مقصرته..
ميساء:انتبهت وطولته..
فهد:اخذ الريموت وسكر التلفزين...ميساء اذا خلصتي اكل تعالي بالقبو ابي اتكلم معك..ونزل للقبو
ميساء ماقدرت تكمل سندويشتها..
ميساء:ياويلي لا يكون فيصل قاله شيء؟؟الله يستر..انزل ولا اروح لغرفتي..لا احسن شيء انزل واقوله عن كل شيء اكيد هو فاهم غلط بعد..تشجعت ونزلت..
كان منزل راسه ومغطس رجلينه بالمسبح ..طلعت صوت علشان ينتبه..رفع راسه..
فهد:ابتسم..تبين تجلسين جنبي ولا نجلس على الكراسي؟؟
ميساء:على الكراسي احسن...
طلع رجلينه من المويه وجلس على الكرسي..
فهد:تكلمي..
ميساء:عن ايش؟؟
فهد:ميساء انتي عندك شيء وانا متأكد...انتي من متى تخبين عني؟؟مو كل اسراري عندك واسرارك عندي؟؟قوليلي شفيك؟؟
ميساء:ترددت بس لما شافت نظراته تشجعت...فهدبصراحه..شقول ياربي..
فهد:اذا ما ودك مو لازم..
ميساء:لا انا محتاجه اقولك..وصارت تفرك يدينها..بصراحه مره رحت السوق مع وحده من البنات وكان فيه واحد يلاحقنا وحنا مانتبهنا ونادتني باسمي وسمعه وصار يزعجني هزئته..رجعت خصله طاحت على وجهها ورى اذنها...وطلعت من السوق وهو كان يلاحقني وبنفس الوقت كان فيه فيصل ولد خالتي وهذاك لما شافني ماعطيته وجه ناداني باسمي وسمعه فيصل وعرفني..وفيصل يحسبني اكلمه او لي علاقه معاه..وانت عارفني زين..
فهد:وهذا اللي مضايقك...شوفي المواقف هذي تصير..بس غريبه فيصل ماسوالك شيء مع انه حمقي ويتصرف قبل لا يفكر؟؟بس ولا يهمك انا بقوله عن اللي صار
ميساء:صددق..طيب متى؟؟
فهد:بكره العصر بمره في المستشفى..
ميساء:قامت حبت راسه..مشكووووووووووور يااحلى اخو بهالدنيا..
فهد:وعفوا يااحلى قرده
ميساء:طارت لغرفتها ومانتبهت لكلمته..

-------------------
جالسين بعد ماتعشو بجلسه بالحديقه وضحك ووناسه..
ابو فيصل وام فيصل نامو..وسليمان وسلمى والعيال رجعو لبيتهم..
عبير:الحين الساعه 12 لازم نرجع تأخرنا على ابوي..
خالد:لا نامي عندنا الليله ..خلي القرد اللي بجنبك يروح للبيت..
ناصر:عدال يالغوريلا..انت شفيك اليوم؟؟كان يكلم فيصل
محمد:هذا هو صارله حول الشهر ...شكله عاشق ولهان والحبيبه مو معطيته وجه..
ليلى:وانت شدراك بحال العاشقين؟؟؟
خالد:هههه تقول شدراك...حبيبتي هذا مدرسه الا جامعه تدرين وشلون هذا فوزيه الدريع بكبرها..
فيصل:تصبحون على خير...
ناصر:تو الناس بدري..
فيصل:من عمرك ..بس انا جيت من الدوام ولا نمت..الجايات اكثر..وتركهم.
عبير:وهي تفك غطاها..ترى صدق تأخرنا على ابوي
محمد:هي هي انتي شايفتني بزر قدامك يوم تكشفين؟؟
عبير:لا شايفتك سيد البزارين..حمودي شوف لو يصير عمرك ميه مارح اتغطى عنك مفهوم..
خالد:لا عبير احترمي نفسك ...ترى محمد توه رضيع..وين طيرتيه وخليتيه بزر..
محمد:مالت عليكم ويقوم وهو منقهر...
ناصر:دام كلهم قامو خلونا نروح للبيت
ليلى:ناصر..ممكن ابيك شوي..
ناصر:قام معهاوراحو يتمشون بالحديقه..
خالد:وهو يطالعهم..اخس ياوضحى..
عبير:اسمع يالعانس ابوي يقول زورنا انت من زمان ماجيتنا..
خالد:بكره اجيكم..الا انتي نجحتي؟؟
عبير:افففف ياشين الاحراج..بعدين تو النتايج..


يوم صارو بعيدين..
ناصر:وش بغيتي؟؟ويجلس على الثيل
ليلى:جلست جنبه..شقلت؟؟
ناصر:عن ايش؟؟
ليلى:نااااااااصر مو وقت استهبال..انا اتكلم جد
ناصر:خلاص مارح استهبل..ممنوووووووووع
ليلى:وشو اللي ممنوع؟؟
ناصر:الحين من اللي يستهبل؟؟؟؟
ليلى:طيب ليش؟؟؟
ناصر:سؤال وجيه ..لاني بكل بساطه ماتخيل ثانيه بدونك فكيف بيوم..
ليلى:لا صدق؟؟ليش؟؟
ناصر:مسك ايدها..ورب البيت هذا السبب..اذا انتي ماتبين تروحين معي بكيفك بس ترى مااقدر انام لين اشوفك..وعاد انتي وضميرك..وراح لخالد وعبير..
اما ليلى فقعدت فتره مو مستوعبه كلامه ..معقوله.

----------------

اضطر يسافر بدون مايقول لاهله ..جاه اتصال متأخر من اهل زوجته ويبونه يجي..على طول مسك خط الرياض الشرقيه..ولا وقف الا بالمستشفى..نزل بسرعه وسأل الاستقبال عنها قالوله بالدور الرابع..
شافه واتجهله بسرعه..
فهد:بشر طمني؟؟
جاسر اخو ريم زوجة فهد)للحين تولد صارلها يوم كامل..
فهد:وهو معصب..وليش ماقلتولي؟؟
جاسر:هي وصتني مااقولك..تقول اذا ولدت هي تدق عليك وتبشرك...بعدين انا ماحسبتها بتتأخر لهالوقت..شوف الدكتور طلع..
فهد:بسرعه راح للدكتور..دكتور طمني عليها..
الدكتور:انت زوجها؟؟
فهد:ايه ..فيه شيء دكتور؟؟
الدكتور:بصراحه...حنا نبغاك توقع على العمليه..
جاسر وفهد:عمليه ؟؟؟؟؟؟وش عمليته..(كانو خايفين)
الدكتور:ولادتها تعسرت..ولا تنسى انها حامل بتوأم..الاول طبيعي وصحته زينه بس الثاني حالته خطره ويشكل خطوره على امه..روح مع الممرضه علشان توقع على الاوراق..
فهد:انا موافق سو اي شيء يادكتور بس اهم شيء ريم الله يخليك..
الدكتور:توكل على الله..ودخل غرفة العمليات وفهد راح يوقع..

----------------

الصباح



الساعه 6 الصبح جاه اتصال منها كانت تبكي..خاف عليها وراح لها..اول ماوصل خذاه للطوارئ..والحمدلله قدرو يسعفونه ..
سليمان:بشر يادكتور..
الدكتور:تطمن الوالد بخير..بس وقع على اوراق خروجه..
رجعو للبيت..كانت واقفه بالحوش تنتظرهم ويوم ادخلو على طول ضمت ابوها..
سليمان:شوي شوي عليه..
نها:وهي تبكي..يبه انت بخير..
ابو نها:يابنتي انا بخير تطمني..حياك ياولدي ..
دخلو داخل البيت وجلس بمجلس الرجال..وابو نها خذته نها لغرفته علشان يرتاح..ورجعت للمجلس...جلست قباله..
نها:مشكور ياسليمان..اسفه اذا ازعجتك..بس شسوي امي تعبانه ومااقدر اخلي ابوي يروح لحاله مع السواق ماتطمن..
سليمان:نها شهالكلام..وبعدين تعالي اجلسي جنبي ..كذا تحسسيني اني غريب لا تنسين اني زوجك..ويقطع كلامه اتصال..شاف الرقم وارتبك..
نها:فهمت عليه..بروح اجيبلك فطور..عن اذنك..
سليمان:دخل الجوال بجيبه بعد ماحطه على السايلنت ..لا انا بطلع..تأخرت على الشركه..اي شيء تحتاجينه دقي علي..
نها:لا والله..وش تبي الناس تقول عني؟؟؟تخلي قلبها يروح بدون فطور؟؟؟
سليمان:ودي بس تأخرت...
نها:انا بروح اجيب الفطور وانت بكيفك اذا تبي تزعلني روح..وراحت من غير ماتنتظر جوابه...
سليمان:جلس ...الشغل يولي...
دخلت المطبخ وقالت للشغاله تجهز الفطور بسرعه ودخلت غرفتها فكت الشباصه وخلت شعرها الاشقر يطيح على اكتافها ..اخذت القلوس وحطت على شفايفها ومسكت الكحل وخططت عيونها واخر شيء حطت البلاشر ..عدلت جلابيتها وبخت من عطرها الصيفي المنعش وكل هذا سوته بظرف دقيقتين..دخلت المطبخ واخذت الصينيه وودتها لسليمان..
نها:والابتسامه شاقه حلقها...خفت على زعلي؟؟؟وتحط الصينيه على الطاوله وتجلس جنبه..
سليمان:وهو مبسوط..اذا ماخفت على زعلك اجل على مين اخاف..
نها:فديييت اللي خايف على زعلي...مسكت التوست..الحين بسويلك سندوتش ماذقته بحياتك..
سليمان:كان يطالعها وهي تسوي السندوتش...عيونها متوسطه مو كبار ولا صغار لونهم رمادي..بس فيهم سحر غريب..وجهها بيضاوي ..بيضاء خشمها صغير..جسمها اقرب للسمنه ومو طويله مره..شعرها متوسط اقرب للقصر...فجأه جات صورة سلمى بباله...استغفر الله العظيم استغفر الله العظيم..
نها:تفضل حبيبي...
سليمان:تسلم ايدك..
نها:استغربت..كأنه ضايق خلقه...فيك شيء؟؟
سليمان:لا مافيني..
نها:سكتت ماتبي تضايقه...
بعد ماخلص الفطور..
نها:صحه..
سليمان:على قلبك..يالله تامرين على شيء
نها:سلامتك..وايه نسيت...لا تنساني
سليمان:فيه احد ينسى هالقمر..اذا صار شيء دقي علي..مع السلامه
نها:الله يحفظك ويخليك لي...






اول ماركب السياره..طلع الجوال وشاف سبع مكالمات لم يرد عليها ...اتصل عليها..
كانت جالسه على الكرسي اللي بجنب السرير وتهز رجلها بارتباك..رن جوالها وردت بسرعه..
سلمى: وبصوتها النوم ..سليمان وينك؟؟
سليمان:السلام عليكم..
سلمى:اشوووا انت بخير..
سليمان:هههه ايه تطمني بخير..بس طلعت بدري لان عندي شغل بخلصه بدري..
سلمى:ليش ماقومتني؟؟طلعت بدون فطور واشغلتني عليك..
سليمان:حقك علي...زعلانه(مايدري ليش حس بتأنيب الضمير)
سلمى:انا مو زعلانه انا خفت عليك..طيب لا تنسى تفطر ترى اهم شيء الفطور..علشان تركز بشغلك..
سليمان:انشاااء الله..حبيبتي تامرين على شيء..
سلمى:سلامتك يابعد قلبي..سكرت منه نزلت الجوال على الطاوله وراحت تكمل نومها..
------------------

قامو كلهم الساعه 8 ونص الصبح علشان يفطرون مع بعض..
ليلى:كانت لابسه جلابيه عودي وفيها نقش ناعم ذهبي..فكت شعرها الطويل وتبخرت حطت كحله بس..وطلعت للغرفه كان جالس على الكرسي يقرى ورده اليومي..
ليلى:جلست بجنبه بدون ماتتكلم..
ناصر:خلص الورد..ونزل القرآن على الطاوله..حبيبتي ننزل..
ليلى:ايه تأخرنا عليهم..
نزلو لهم وافطرو مع بعض وابو سليمان راح للشركه ..وناصر ماخذ اجازه..
جلسو بالمجلس العائلي..وقعدو يسولفون..
عبير:ليلى ترى الاسبوع الجاي بسوي لك عزيمه
ليلى:ليش؟؟
عبير:توك جايه من شهر العسل وماتبنا نسويلك عزيمه؟؟وش تبين الناس تقول عني ماتعرف بالاصوول؟؟
ناصر:هي انتي لا تنافخين..
عبير:ومتى نافخت؟؟ولا ماتبينا نتكلم مع المدام؟؟(كانت تقولها وهي تهز راسها)
ناصر:يكون احسن بعد.
ليلى:هههه خلاص شفيكم تهاوشتو علي..خلاص انسه عبير موافقه على العزيمه..
عبير:وهي تعطي نظرات لناصر..اصلا مو بكيفك غصبا عليك..
ناصر:عصب:عبييييييير احترمي نفسك..
عبير:امزح والله امزح حتى اسأل زوجتك..
ليلى:يوم شافت ناصر عصب..ناصر شفيك كانت تمزح..
ناصر:مزحها ثقيل..وطلع لغرفته
ليلى:عاجبك شوفيه زعل
عبير:يالخبله احسن علشان تروحين تراضينه..
ليلى:والله مالخبل الا انتي..وطلعت لغرفتها..
عبير: اطلع اكمل نومي ابرك..
-------------------

بالشرقيه..
فهد:يعني ايش؟؟
الدكتور:هي تعبت ..لا تنسى انها ولدت طبيعي وقيصري بنفس الوقت..وطبيعي مرح تتحمل..احنا نخليها اسبوع بالعنايه المركزه وانشاء تقوم بالسلامه..
فهد:بلع ريقه بصعوبه..يعني هي بحاله خطره..
الدكتور:ياخوي انشاءالله تقوملك بالسلامه..عن اذنك.
فهد:لحظه دكتور..ابي اشوفها..
الدكتور:اشفق عليه..خلاص مافي مانع..
لبس الكمام..ودخل عليها ..كان وجهها اصفر وسواد تحت عيونها كان باين عليها التعب..ماقدر يمنع دموعه يوم شاف حالتها..توقع كل شيء الا ان تكون بهالشكل..حاول يمسك ايدها بس ماقدر..تذكر خوفها من الولاده يوم كانت حامل تذكر وصيتها..وزادت دموعه..
ريم وهي تمسح على بطنها..
فهد:كان يلبس شماغه..حبيبتي مشينا..ماردت عليه شافها مع المرايه اللي عاكسه وجهها وشاف دموعها..راح لها وجلس جنبها..شفيك فيه شيء يعورك؟؟
ريم:وزادت دموعها..خايفه.
فهد:من ايش؟؟
ريم:من الولاده..مابي اولد..
فهد:مسك ايدها..حبيبتي لا تخافين ..انتي لاتفكرين بهالموضوع انسيه..وصار يمسح دموعها..
ريم:ركزت نظرها على عيونه..اذا مت انتبه لعيالي..وصيتي العيال وتزوج وحده رحومه واذا ...
فهد:اششش ولا كلمه زياده ان سمعتك تقولين هالكلام بزعل..محد بيربي العيال غيرك سامعه..ويالله البسي عباتك خلينا نروح للعشاء تأخرنا..


مسح دموعه..وحب جبهتها وهمس باذنها..الله يخليك لي يارب صدقيني بتعيشين وتربين العيال..وطلع..وحالته النفسيه صفر...
جاسر اخو ريم)وشلونها؟؟
فهد:الله كريم..وماقدر يكمل خنقته العبره..
جاسر:انتظرني ابي ادخل عليها ونرجع مع بعض للبيت..انصدم لماشافها وماقدر يجلس ثانيه عندها..طلع وجلس على الكرسي وصار يبكي..كيف مايبكي وهي مثل بنته هو اللي رباها بعد ماتوفى ابوهم..تلطم بشماغه حتى يكتم اي صوت ممكن يطلع منه..
فهد:ماقدر بعد يكلمه او يواسيه هو محتاج بعد من يواسيه..جلس جنبه والصمت هو سيد الموقف..قطع الصمت صوت الجوال شاف الرقم وقطعه..الان بهالوقت بالذات مايبي يتكلم..
جاسر:تماسك اكثر..خلنا نمشي جلستنا مالها اي فايده..
فهد:مشكور يابو رائد تعبناك معنا انت روح البيت وارتاح شكلك تعبان..انا ماقدر اعتب خطوه وحدده برى المستشفى الا اذاكانت معي..
جاسر:ماقدر يقنعه ورجع للبيت هو فعلا محتاج الراحه..بتسألون عن امها او خواتها..امها كبيره بالسن ومريضه وجاسر هو الكبير ومتزوج وعنده عيال الله مارزقه ببنات وعياله وزوجته مسافرين يصيفون..وخوات مالها
فهد :راح لمصلى المسجد وصار يدعي ويصلي..وبعد مارتاحت نفسيته دق على امه..
ام فهد:فهد يمه وينك؟؟
فهد:بالشرقيه..
ام فهد:ريم ولدت؟؟
فهد:ايه..بس
ام فهد:بس ايش صارلهم شيء؟؟
فهد:ريم بالعنايه المركزه ادعيلها يمه..
ام فهد:اييييييش..بالعنايه وليش؟؟؟
فهد:يمه ريم كانت حامل بتوأم واحد طبيعي والثاني قيصري..
ام فهد:تناست ريم من الفرحه..والله..اللللف مبروك ياجعلهم مواليد السعاده هم عيال..؟؟
فهد:يممه الحين اقولك ريم بين الحياة والموت تقولين وش هم؟؟يكون بعلمك اصلا ماشفتهم ولا ابي اشوفهم الا اذا قامت بالسلامه..
ام فهد:وش هالكلام يافهد تعوذ من ابليس وعيالك مالهم ذنب يمه..قولي هم بنات ولا عيال؟؟
فهد:يمه انا خلقي ضايق دقي على المستشفى واسأليهم..مع السلامه..
ام فهد:اخوك مو صاحي..
ميساء:انتي بعد يمه الله يهديك تشوفينه خايف على ريم وبعد مالومه الله يقومها بالسلامه يارب..
ام فهد:اكيد بتدافعين عن اخوك...روحي جيبيلي التلفون خليني ادق على المستشفى اسألهم..
ميساء:انشاء الله يمه..

-----------------------

احتد النقاش وارتفعت الاصوات ...انتي طالق..
ام جاسم:ايش؟؟كانت مصدومه معقوله..
غدير:ماقدرت تتكلم الصدمه اكبر منها..اكبر من انها تستوعبها..
ابو جاسم:انتي طالق..
ام جاسم:تطلقني علشان وحده ماتسوى..
ابو جاسم:روحي شيلي قشك مالك قعده بهالبيت..واللي ماتسوى تسواك وتسوى طوايفك..
ام جاسم راحت على طول تجمع اغراضها ولحقتها غدير..
كانت تشيل وتحط بهالشنطه..
غدير:تحاول تمنع امها..يمه يممممه الله يخليك تعوذي من ابليس صدقيني مايقصد..
ام جاسم:انا دقيقه وحده مارح اجلس عنده..اجل انا يطلقني علشان بنت اخوه..
غدير:يمممممه اسمعيني بس..يمه لا تتركيني يمه وين بتروحين طيب؟؟بتروحين لخالي؟
ام جاسم:بيت ابوي الله يرحمه مفتوح لي..
غدير:وانا من يجلس معي؟؟مايكفي جاسم طلع برى البيت لمين بتتركيني انا وغاده؟؟
ام جاسم:روحي جهزي شنطتك وتعالي معي..واختك اتركيها مع ابوها خلي بنت عمها تنفعها..
غدير:طيب..راحت خذت كل الاغراض اللي تحتاجها وقفلت غرفتها ونزلت مع امها..ومن حسن حظها ان ابوها من العصبيه طلع..
غاده:على وين العزم؟؟اتوقع ان ابوي طلق امي ماطلقك انتي..تقولها وهي مبتسمه
ثواني وصار وجهها احمر من الكف القوي
ام جاسم:انا ماني متخيله اني حملتك 9 شهور ببطني انتي منين مخلوقه؟؟في بنت بهالدنيا تدافع مع بنت عمها وتظلم امها؟؟ليييش انا قصرت معك بشيء؟؟قولي انطقي..ياحسافة التربيه عليك بس..بس الله يمهل ولا يهمل..ومصيرك بترجعيلي ..امشي ياغدير..
نوره:واخيرا طلعتي..اففف فكه الحين البيت بينظف من هالنجاسات..
غدير:النجسه انتي يالحقووود ياام قلب اسود..بس قهر شلون يعني ماتحضرين زواج حبيبي جاسم؟؟خساره وطلعت هي وامها وتركوهم منقهرين..
بالسياره..
غدير:يمه لازم نقول لجاسم اخاف يروح للبيت او يدق على البيت..
ام جاسم: لا تخافين اول مانوصل للبيت ادق عليه..ووصلو لبيت جدهم الكبير...
ام جاسم اول مادخلت..صارت تبكي..الله يرحمك يايبه نفعتنا وانت حي ونفعتنا ميت..
غدير:الله يرحمه..دخلو الخدم الاغراض والبيت اصلا نظيف صحيح انه محد ساكنه بس الخدم موجدين فيه..اللي كانو موجودين بحياته

-----------
لابسه بجامتها ومنسدحه على السرير..الافكار توديها وتجيبها..وحالها متردي ماصارت تطلع لاحد حتى لبنت عمها..ولا ترد على احد..كل هذا صار بعد ماسمعت بالخبر..انسدحت على الجهه الثانيه ..لفت نظرها الجوال..ولمعت فكره ببالها..
ترددت بس لازم تتأكد..ضغطت على الرقم..طالعت بشاشة الجوال...جاري الاتصال...
نوال:الو
حسين:هلا...
نوال:كيفك؟؟
حسين:من معي؟؟
نوال:ماعرفت صوتي؟؟
حسين:لا والله ..
نوال:انا نوال..
حسين:نوااال!!!
نوال:هو سؤال واحد...انت صدق تبي تملك؟؟؟
حسين:انشاء الله...
نوال:ومبسووط؟؟؟
حسين:ايه..
نوال:واناااا؟؟؟
حسين:انتي تزوجتي وشفتي حياتك..
نوال:بس تطلقت علشانك..
حسين:لا تقولين علشاني..انتي تطلقتي لان زياد مايبيك..
نوال:من قال ؟؟زياد يموت فيني..خفضت نبرة صوتها..انا تطلقت علشانك..
حسين:نوال رجااء مابيك تتصلين علي مرره ثانيه..
نوال:اسفه..وسكرت السماعه بوجهه..رمت الجوال بقهر...هييين ياحسيييييين تشوووووف...
العين بالعين..والبادي اظلم..

-------------------

الجزء السادس


غدير:
قمت من النوم متأخر...اكيد امي راحت للدوام..شسوي الحين؟؟نزلت افطرت..قريت الجرايد..ياربي ملل...ومالي خلق نت..احسن شيء اطلع اتمشى بالسوق اصلا في اغراض ناقصتني..مسكت التلفون ودقيت على امي..
ام جاسم:صباح الخير يالكسلانه..
غدير:صباح النور..
ام جاسم:قولي شتبين بسرعه لاني مشغوله..
غدير:بروح للسوق بشتري لي اغراض..
ام جاسم :طيب بس انتبهي لنفسك..
غدير:لاتوصين حريص..مع السلامه..وبسرعه رحت غيرت ملابسي ..ولبست عبايتي.. اخذت شغاله ورحت للسوق..
وبعد مافرفرت واشتريت اغراض لازمتني..
مريت المطعم علشان أتغدى..
شفت سيارتهم..معقوله الزفتات يكونون هنا..اففف ..
غدير:قلت للسواق..روح مطعم ثاني ينعاف المطعم اللي هم فيه..
وقبل لايحرك شفتهم طالعين مع واحد بعدين سلمو على بعض
وركبو سيارتهم وهو راح لحاله..
نوره:شرايك فيه؟؟
غاده:ماادري انتي شرايك؟؟
نوره:وانا شدخلني انتي اللي بتتزوجينه..
غاده:مبدئيا زين..وتفك غطاها(ولا كأن السايق رجال)..يعني حسيته صادق..
بس كأنه تضايق يوم رفضت اطلع معه
نوره:وانتي الحين مو طالعه معه؟؟ شهالتناقض؟؟(كانت تقولها بنبره ساخره)
غاده:فيه فرق بين اطلع معه بمكان فيه عالم ومكان مافيه احد..
نورههزت راسها)ايه يعني انتي تبين العالم علشان تنفضحين..يابنت اطلعو بمكان مافيه احد علشام تنسترون..افهمي
غاده:رايك كذا؟؟
نوره:ايه..
غاده:خلاص موافقه
نوره:ابتسمت ابتسامة نصر..(خطوه تجر خطوه..وانتقام يجر انتقام..وبتشوفون ياعيال عمي)

-------------

المستشفى
مؤيد:يعني؟؟
فيصل:قلتلك امي عزمتها وقالت ارد خبر..وليومك هذا مادقت علينا..انا اقول نقولها مؤيد يبي يشوفك
مؤيد:لا لا اخاف يزل لسانها عند هالظالم وتروح فيها..خلاص متى ماجتكم اشوفها..مالي الا الصبر..اسف عطلتك عن شغلك..
فيصل:شوووي
مؤيد:طيب خلنا نشوفك..مع السلامه..
فيصل:الله يعينك..ويكمل شغله...
بعد عشر دقايق..
يسمع طق الباب
فيصل:تفضل
نسرين(الممرضه):اسفه على الازعاج..وتمدله الملف
فيصل:شكرا تقدرين تتفضلين الحين..
نسرين:بس انا ماعندي شغل
فيصل:نعم؟؟(مستغرب من وقاحتها)
نسرين:بجلس وماازعجك..
فيصل:طيب اتفضلي(واشر على الكرسي)
نسرين:ابتسمت..وجلست
فيصل:وش تشربين؟؟
نسرين:اي اي شيء(ماكانت مصدقه)
فيصل:عصير احسن..وبعد ثواني جاء العصير ونسرين شربته كله
لان اللي طالبه فيصل ولاول مره بحياته
فيصل:ابي اتكلم معك بموضوع خاص شوي ..ولمصلحتك
نسرين:انا كلي لك..
فيصل:اول انا كنت اشك... الحين انا متأكد ميه بالميه..نسرين انتي حالتك بدت تطور
انتي فعلا مريضه نفسيه..انا بحولك للدكتور عبدالله لانه هو متخصص ويفهم اكثر مني...
صدقيني هذا الشيء لمصلحتك..
نسرين:قامت من الكرسي وضربت الطاوله بايدها..انت حقير وواطي والمريض هو انت..
فيصلرجع الكرسي على ورى وحط رجل على رجل)عادي قولي اللي تبينه مقدر حالتك..
نسرين:وتعض على اسنانها من القهر..هين هين يافيصل الزفت ان ماوريتك
فيصل:هييي انتي تراك طولتيها كلمه زايده بوريك شغل الله..
يلا برى
نسرين:بدفعك الثمن غالي..وتصفق الباب
فيصل:افففففف فكه...ههههه اما شكلها تحفه..تستاهل الغثيثه ماينفع معها الا هالاسلوب..

-----------

في منزل ام جاسم..

رجعت من الدوام..لقتها بالصاله سرحانه..وقفت قدامها..
ام جاسم:الحلو بمين سرحان؟؟
غدير:يمه متى جيتي
ام جاسم:صارلي خمس دقايق..تغديتي؟؟
غدير:لا ماكن لي نفس..
ام جاسم:ليش؟؟
غدير:ماادري..
ام جاسم:قوليلهم يسولي عصير بروح ابدل ملابسي وراجعتلك..

غدير:

طلبت منهم يسوون عصير..وقعدت افكر ماادري اقول لامي باللي شفته ولا لاء؟؟
سمعت صوت..بعدين كل ماله يرتفع..
غدير:شسالفه؟؟طلعت لمصدر الصوت ولقيت رجال يتهاوش مع المزارع..
فرحت من قلب..واتجهت له.. وهي من وراه..
غدير:حيالله خالي..
التفت لها..وهو مستغرب..
غدير:عرفت انه مستغرب..صارلنا ايام هنا تعال معي علشان افهمك الموضوع..
دخل معها داخل البيت..
غدير:تفضل..خالي شفيك ساكت؟؟
الخال:حاس ان عندك مصيبه..صاير شيء؟؟
غدير:طيب اجلس علشان اقدر اقولك..
الخال:جلس...شفيه؟؟
غدير:شيء بسييييط جدا..انت تدري بالمشاكل اللي كانت بين امي وبنت عمي...
الخال:ادري..بس شعلاقة هالمشاكل بوجودكم هنا؟؟؟
غدير:والدي العزيز طلق امي الغاليه علشان بنت اخوه..وبس.
الخال:ايييش؟؟من متى وليش ماقلتولي؟؟انتم عاديني غريب؟؟
غدير:مو القصد بس انشغلنا من جد..خالي لا تزعل مو منزين الخبر علشان نبشرك فيه..خاااااالي لاتزعل..
دخل عليهم من غير ماينتبه لغدير..
ركان:يب....وطلع برى المجلس على طول..
الخال:مانتبه لولده المشكله ماخذه كل عقله..
غدير:بروح اجيب لك القهوه والبس طرحتي..وطلعت مع الباب الخلفي قلت للخدم يسوون قهوه وطلعت فوق لبست طرحتي ومريت على امي..
ام جاسم:متى جاء؟؟
غدير:قبل شوي..
ام جاسم:معه احد؟؟
غدير:معه ركان..
ام جاسم:
حسيت بقلبي يرجف..اخذت الشباصه وجمعت شعري.. ونزلت مع غدير..

حبت راس اخوها..
ابو ركان(الخال):طالعها بنظرة عتب..كل هذا يصيرلك ولا تقولين..
ام جاسم:اللي صار صار..وانا اسفه و..
الخال:قطع كلامها..لاتعتذرين...وقام
ام جاسم:على وين؟؟
الخال:يهمك..وطلع..
ام جاسم:جلست على الكنب..يعني انا ناقصه..
غدير:يمه بعد حنا غلطنا..وخالي مصيره بيرضى تعرفينه طيب..بس هو شرهان
ام جاسم:ادري اني غلطانه..بس كنت مقهوره من اللي سواه ابوك ولهيت ونسيت اقول لخالك..
غدير:نسيتي ولا تناسيتي؟؟
ام جاسم:مااادري ماااااادري...
غدير:يمه انتي بترجعين لابوي؟؟؟
ام جاسم:غدير لو تنطبق السماء على الارض مو راااجعتله..وطلعت لغرفتها متنرفزه...
غدير:وبقلبها..يعني اليوم مافي امل اقولها عن اللي شفته..
-----------------------------

كانت طالعه معاه للعشى..
ياربي هذا وقته..راسي يعورني ودايخه مااقدر ارفع راسي زياده..بعدت الصحون
اللي قدامها ونزلت راسها..
ناصر:خاف عليها..ليلى فيكي شيء؟؟
ليلى:دااايخه
ناصر:شالها وراحو للمستشفى غصبا عليها..
ناصركانو ينتظرون التحاليل)..لو انك طايعتني ورايحين للمستشفى من زمان ماصار اللي صار..
ليلى:ناصر..
ناصر:عيونه
ليلى:ابي انام..
ناصر:الحين نرجع البيت بس ننتظر النتيجه..
ليلى:خلها بكره انا تعبانه..ابي انام..وجت الدكتوره
ناصر:طمنينا
الدكتوره:اتطمن اتطمن..المدام حامل..
ليلى:صحصحت..اي اي ايش؟؟
ناصر:متأكده اني حامل(من الفرحه صار يلخبط بالكلام)
الدكتور:هههه مالكم مش مسدأين..المدام حامل..بس فيه حاقه لازم تنتبهولها..
المدام في الشهر الاول ولازمها الراحه النفسيه..ولازم تنتبه على اكلها..علشان تحافظ على الجنين..انا حكتبلها مقويات...




طلعو من المستشفى ومرو الصيدليه ورجعو للبيت والصمت كان سيد الموقف..طلعو لغرفتهم غيرو ملابسهم ..ارتاحت على السرير..وهو جلس على الكنب وكلهم ساكتين..وبعد مده..
ناصر:انا بصير ابو..
ليلى:وتمسح على بطنها..وانا ام وتبتسم..
ناصر:جلس جنبها على السرير..وحط اذنه على بطنها..
ليلى:تسمع شيء؟؟
ناصر:لاء..يرفع راسه ويمسك ايدها..مبرووك علينا حبيبتي..
ليلى:الله يبارك فيك..مبسوط..
ناصر:الا طاير من الفرح..تدرين ليش؟؟
ليلى:ليش؟؟
ناصر:لانه منك...لانه في غير الحب بيجمعنا..
ليلى:قول امين
ناصر:اميييييييييين
ليلى:الله يبارك لنا بذريتنا ..حبيبي لحد يدري اني حامل..
ناصر:ليش؟؟
ليلى:امي تقول الوحده ماتعلم بحملها الا
اذا كانت بالشهر الثالث علشان يثبت الحمل..
ناصر:وانتي انتبهي بعد على اكلك ولا تعبين نفسك..الخدم مالهم حاجه
ليلى:انشاء الله..
------------------

بالصاله..
بعد السلام
عبير:كلفتي على عمرك..
عهود:لا كلافه ولا شيء..وين العروس؟؟
عبير:العروس مسكينه حابسها ناصر علشان ماتشتغل معنا..
جلست عهود:ناصر هنا؟؟
عبير:لا بالشركه..بس مقفل عليها وحالف بعد ومعطي شغالتها
المفتاح علشان توديلها الاكل بس..مدلعها وحنا كارفنا..
دخلت عليهم سلمى مبتسمه
سلمى:عاش من شافك يالقاطعه..وينك مختفيه؟؟
عهود:وهي تسلم عليها..والله دايما انتم في بالي..انتي شخبارك؟؟
سلمى:بخير لما شفتك..خالتي وينهي؟؟
عهود:ابوي ماجاء من الدوام جلست تنتظره..
عبير:انتي وياها خلاص يكفي هذره ورانا شغل..
عهود:غرفتك مفتوحه؟؟
عهود:ايه روحي حطي اغراضك وتعالي..
طلعت لغرفة عبير ومرت من عند جناح ناصر..
عهود:جعلك ماتتهنى ياناصر..ودخلت غرفة عبير

--------

بعد مالعبو واستانسو..
شال كل واحد بيد وهم يصارخون ويضحكون..
دخل على البنات بالمطبخ
سلمى:خالد انتبه لا يطيحون
خالد:يبي يرفع ضغط سلمى..يرفعهم فوق وينزلهم..كأنهم اثقال
سلمى:خالد الله يعافيك..نزلهم
عبير:اخس اخس اثرك قوي منت بسهل..اشوف ورني استعراض ثاني
سلمى:عبييييييير ترى بيصدقك الحين..وتلتفت لخالد..بليز نزلهم
خالد:بشرط..
سلمى:امر تدلل..
خالد:تحطيلي الحين صينيتين حلا
عبير:لا والله هذ الناقص..اقول ورنا مقفاك..
سلمى:اعطيك اللي تبي..نزلهم
خالد:حطيهم الحين قدام عيوني..وتشيلينهم تودينهم غرفتي علشان اضمن محد ياخذهم..
عبير:طرار وتشرط اقول روح بس..
سلمى:عبير بلا نذاله
عبير:يابنت الناس هذا شخص انتهازي وبعدين مو مسوي لعيالك شيء..
خالد:طيب خلا ص مو مسوي شيء بس اذا طاحو مع الدرج لا تلومون الا انفسكم وطلع من المطبخ وصقع بعهود
عهود:حطت طرحتها على وجهها..
خالد:اااسف مانتبهت..ونزل العيال
سلمى:ليتك جايه من زمان ياعهود..فكيتيني من الانتهازي وتاخذ عيالها..
خالد:هذي عهود بنت خالتي..كيفك وكيف خالتي
عهود:الحمدالله كلنا بخير..
خالد:خالتي فيه؟؟ابي اسلم عليها
عهود:بعد شوي بتجي..
خالد:ويلتفت لسلمى...انتي مصيرك بترجعيلي وطلع لغرفته يريح
عبير:دائما هالولد خسران...عهود شفيك نزلي غطاك خالد راح..
عهود:طيب وتنزل غطاها ويشتغلون...
---------------------------