18 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو القعده

CuTie KaTkOoTa;13374953:
موووواه تسلمي يا ميرا، لأ دي من منتدي بس بثق فيه اوي ومجربة منه حاجات كتيرة، انا اصلا كنت اول مرة اسمع عنهم منك :lol::lol:


الرز بالبن الشيف اللي عمل عقيقة جوجو كان قايلنا علي المقادير المظبوطة زي بتاع بره بس احنا اللي نفذناه يعني بمقاديره وكان تحفففففففففففففففففففففففففففففففففة، هحاول ادورلك علي الطريقة، لأن فعلا فيه مليون طريقة بجد وكل واحدة مختلفة خالص عن التانية، وكمان هو نظامه ورأيه ان الرز يتطبخ في اللبن عالطول مش يتسلق الاول نص نص وبعدين يكمل في اللبن لأ كله مرة واحدة من الاول في اللبن

ياريت يا ايمى تبعتيلى اسم الموقع على الخاص
وماتنسيش طريقة الرز بلبن :)

Bird amore;13375978:
مكرونة بصوص البلونيز



فطاير بعجينة البف باسترى

ما شاء الله حلووووين الف هنا وشفا:)

ناني فيبس;13372317:
الف سلامة عليكي يا صفا

الله يسلمك ياناني :sick:

رووفة;13374469:
تاتنتاتااااااااااااااا:cool:
عملت فرينش توست بالكراااااااااميل والتفاح
بتاع العضوة ديسلي اش تقريبا
بس جالي تانيب ضمير رهيب ومارضيتش اكتر منه
حسيت اني هتخن 2 كيلو كمان ههههههههه
لا وعاملاه بتوست الردة المتاح باة
صورته اهه





محدش يقوولي ايه الديل ده:lol:
بس طعمه حلووو اوي

تسلم ايدك يا روفة بس عندي سؤال مهم :!!: ايه الديل ده :lol:
لا لا مقصدش بس بجد يعني ايه الديل ده :p

حطيلنا الرابط ياروفة عشان نعرف الطريقة

miramiro;13374756:


الف سلامه عليكى يا صفا
البرد فعلا فظيع انا عندى برد مبهدلنى :sick::sick::sick:

صفا انتى بتعملى تشيز كيك البارد فى الكاسات ازاى :!!::!!:

الله يسلمك ياميرا :sick: والف سلامة عليكي انتي كمان
عادي بدل الصنية حطيه فكاسات وبنفس طريقة التشيز كيك بتاعتك بس اللي عالبارد اللي هو الطبقة التانية فيه بتبقى جبنة كيري وقشطة ولبن متلج ودريم

وكمان أسألي سوسي عن طريقتها في التشيز كيك بالنسكافيه

*pippo*;13377163:

صفا الف سلامة عليكى يا جميل

الله يسلمك يا بيبو :sick:

دي من منتدي بس بثق فيه اوي ومجربة منه حاجات كتيرة، انا اصلا كنت اول مرة اسمع عنهم منك :lol::lol:

وانا كماااااان يا ايمي بلييييز عاوزة اسم الموقع عالخاص

فطاير بعجينة البف باسترى

تسلم ايدك ماشاء الله اكلك شكله يفتح النفس يا بيرد قوليلي الحشوة بتاعة الفطاير ايه؟

صباح اخير علي الحلوين يابنات ياريت تنوروا موضوعي

صور لشنطي تفضلوا عطوني رايكم
http://forums.3roos.com/showthread.p...0#post13377960

ماشاء الله يا بنات اطباقكم جميلة قووووووووي
معلش متصفحة سريعا كده وصفحات كتيرة فمش عندي وقت اخد اقتباس

ناني معلش يا حبيبتي سؤال عن الكشك
اسلق الرز بره يعني ازاي؟؟ ولو عندي رز بايت ممكن عادي اخد منه المعلقتين احطهم
ولو معنديش اصلا رز ايه العمل؟؟
معلش اصل عمري ما جربت الكشك ده اسمع عنه بس مدوقتهوش
اللي باعمله على طول كشك الجمبري بيكون فيه طماطم اللي في موضوعي بس ده معنديش خلفية عنه لكن نفسي اجربه اسمع دايما انه حلو

Boody we zady;13372383:
و الله يا بنات عشت مع ماما الله يرحمها و كانت مبدعه بمعني الكلمة في المطبخ بشهاده الكل حتي أهل جوزي لحد دلوقتي بيفتكروا أكلها و لا كان عندها فرن بمروحة و لا بطيخ ههههههههههههههه هو الفرن العادي و كان الأكل لوز لوز لوز علي رأي عمرو أديب هههههههههههه

و فرني الحمد لله بيطلع الحاجة متحمرة من كل النواحي و انتوا شوفتوا في الموقع

بقالي كام يوم بفكر أعمل حاجة حلوة اختراع بس لسه الصورة مش اكتملت ههههههههههههه

تسلم ايدك يا ناني و انتي يا ايمي ما شاء الله علي الأكل

الله يسلمك يا حبيبتي

بصي الفكرة في الفرن اللى بالمروحه مع المعجنات اكتر بصراحة بيظبتها ظبطة فظيعه لكن مع الطبيخ العادي مش فارق اي لكن معجنات بيفرق جدا وخصوصا كمان الكيك وكدة اللى من المستحسن مانفتحش الفرن عليها بينفع في الحاجات دي لانه مش بيخليكي تحتاجي تفتحي عشان تشغلي الشوايه عشان يحمر من فوق لا بيحمر كله يعني انا عمري ما بفتح الفرن من ساعه ما بدخل الحاجه لحد ما بتخرج خالص فهو الفارق بتاعه بس الكيك والمعجنات بصفه عامة

أم يـاسـيـن العسل;13373175:
ماما بتعمله زيك بالرز بس من غير زبادى

بتعمله باللبن والنشا :thumbs_up: :thumbs_up:

انا كمان ساعات بعمله بالنشا واللبن بس مكنش عندي لبن وكنت شفت مرة على فتافيت عمله بالزبادي قلت اجرب بصراحة طلع طعمه احلى الزبادي مدي نكهة حلوة اوي اوي بس هو زبادي اكتيفيا لانه كريمي اوي يشبه القشطة ومش مزز معرفش اي نوع زبادي تاني ممكن يطلعه طعمه ايه

أم يـاسـيـن العسل;13373656:
بنات هو السردين المعلب طعمه حلو؟؟؟

انا جيبت منه ههههههههه

انا بحب السردين اللى في علبه مبططه مش اللى في علبه مدورة طويله لو جبتي اللى في علبة مبططه دة تحفة فظيع

CuTie KaTkOoTa;13374244:
ناني هي مجلة فتافيت بتجيبها بكام وشوفتيها في مصر طيب عند اي حد هي مفروض انها بتتباع هنا بس معدتش عليا خالص ولا مرة لغاية دلوقتي وعايزة اعرف حدودها كام هنا

انا بجبها من عندي ب 25 بس هي في مصر ب 35 وهي موجودة عند كل منافذ بيع الاهرام وكمان في كارفور

رووفة;13374469:
تاتنتاتااااااااااااااا:cool:
عملت فرينش توست بالكراااااااااميل والتفاح
بتاع العضوة ديسلي اش تقريبا
بس جالي تانيب ضمير رهيب ومارضيتش اكتر منه
حسيت اني هتخن 2 كيلو كمان ههههههههه
لا وعاملاه بتوست الردة المتاح باة
صورته اهه





محدش يقوولي ايه الديل ده:lol:
بس طعمه حلووو اوي

وااااااااااو شكله لذيذ تسلم ايدك

miramiro;13374756:
ما شاء الله
الكشك شكلها روووووعه اللهم بارك
وتسلم ايدك انا بحب الكشك اوووووى
و جدتتى بتعمله بالزبادى برضو و الدقيق بس بتحط معه خميرة ومش بتحط ارز
بس بيبقى طعمه خطيرررررررررررررررر
انا هجرب طريقتك ان شاء الله بس ممكن مش احط فيه ارز؟


ايمى
انا جبت مجله فتافيت من شهرين كده من هنا فى المنصوره وكانت ب 35 جنيه
بصراحه مش عارفه هتبقى فين فى القاهره مش عارفه بس لو روحت كارفور هبصلك بصه كده هى هناك ولا لا
بس عموما اسالى عليها عند اى حد بتاع جرايد بس يكون عنده مجلات كده يكون يعنى متوسع مش مجرد جرايد بس فهمانى
اكيد هتلاقيها عنده
ولو شفتها فى اى حته هقولك يا جميل
لو انتى هنا فى المنصوره كنت هقولك على 3 امااااااكن:D


:lol::lol::lol::lol::lol:
بالف هنا و شفا يا رووفه
بس ايه الحاجات الجامده دى ما شاء الله
و قوليلى عملتيها ازاى
هى فعلا شكلها طعمها جميل

اه طبعا ممكن ماتحطيش رز بس انا بحبه بالرز اكتر مش بحبه سادة جربيه يمكن يعجبك اكتر بالرز

sosiii-cat;13360522:


عادي يا ايمي ممكن ماري والجبنة بصراحة انا لما عملت المرة الي فاتت جبنة بريما كانت تحححفة وطعم الجاهزة بالظبط

سوسي ممكن اعرف بتجيبي الكريم تشيز بتاعت بريما اللى بالفراولة منين علشان انا دايخة عليها مش لاقياها خالص و فى منها انواع تانى غير بالفراولة و يا ريت كمان تقوليلي بكام معلش اسئلتي كتير بس ما صدقت لقيت حد جربها و عارفها لأني كل ما اقول لحد يقولي مفيش حاجة كدة دول اكيد بيعملوها

يا جماعه انا حطيت 3 معالق دقيق على 3 زيهم زبده علشان اعمل بشاميل وحطيت جبنه شيدر وطلع اسوأ بشاميل عملته بجد تقيل اوى وصعب مش عارفه من الجبنه ولا الزبده وينفع احط زيت ولو حطيت سمن نباتى هيبقى تقيل كده بردو

نانى انتى كنتى منزله التورته ممكن يا قمر تقوليلى طريقه الكيكه العاديه بالمقادير بلاش جرامات بالكوبايه على صينيه تيفال وسط

at2ota;13376538:
تسلمي ياناني ربنا يكرمك يارب بس افهم من كلامك ان مش هحط ماية خالص و تفتكري يتعمل معاها اية غير البطاطس المحمرة

ممكن سلطه طحينه وسلطة خضرا

بيرق أمل;13378181:
ماشاء الله يا بنات اطباقكم جميلة قووووووووي
معلش متصفحة سريعا كده وصفحات كتيرة فمش عندي وقت اخد اقتباس

ناني معلش يا حبيبتي سؤال عن الكشك
اسلق الرز بره يعني ازاي؟؟ ولو عندي رز بايت ممكن عادي اخد منه المعلقتين احطهم
ولو معنديش اصلا رز ايه العمل؟؟
معلش اصل عمري ما جربت الكشك ده اسمع عنه بس مدوقتهوش
اللي باعمله على طول كشك الجمبري بيكون فيه طماطم اللي في موضوعي بس ده معنديش خلفية عنه لكن نفسي اجربه اسمع دايما انه حلو

اه لو عندك رز بايت اوك طبعا انا لما عملته كان عندي معلقتين رز بايت خليتهم مخصوص عشانه هههههههههههه ولو مفيش اه اسلقي شويه رز برا لوحدهم

او الرز زي بتاع الفته دة اي نوع

miobello;13379320:
يا جماعه انا حطيت 3 معالق دقيق على 3 زيهم زبده علشان اعمل بشاميل وحطيت جبنه شيدر وطلع اسوأ بشاميل عملته بجد تقيل اوى وصعب مش عارفه من الجبنه ولا الزبده وينفع احط زيت ولو حطيت سمن نباتى هيبقى تقيل كده بردو

نانى انتى كنتى منزله التورته ممكن يا قمر تقوليلى طريقه الكيكه العاديه بالمقادير بلاش جرامات بالكوبايه على صينيه تيفال وسط

طيب حطيتي قد ايه لبن ؟؟؟؟؟؟؟ظ ماهو بيتخفف باللبن لحد ماتوصلي للكثافه اللى انتي بتحبيها

انا بصراحة بحبه خفيف وشايفة ان 3 معالق دقيق كبار كتير اوي


بصي هقولك طريقة كيكه عاديه حلوة اوي



4 بيضات
وكوب سكر
كوب لبن
فانيليا
نص كوب زيت
3 مكعبات جبنه كيري او اي جبنه نستو طعمها خفيف زي طعمه مثلا
3 كوب دقيق
معلقة كبيرة او كيس بيكنج بودر

طبعا هتضربي البيض والسكر والفانيليا وبعدين اللبن والزيت عليهم وبعدين الجبنه وبعدين الدقيق وقلبي بالايد براحه من تحت لفوق والبيكنج بودر

دخليها الفرن على 170 لمدة ساعه الا ربع ل ساعه

ولما تخرج طاسه فيها معلقة زبدة ونص علبه لبن مكثف سيحيهم مع بعض ورشيها على وش الكيك وغطيها شويه نص ساعه


دي احلى كيكه انا كلتها في حياتي


والله فكرتيني بيها عايزة اعملها انا بعملها من وانا في اولى ثانوي الكيكة دي هههههههههههههه

Bird amore;13375978:
مكرونة بصوص البلونيز



فطاير بعجينة البف باسترى

تسلم ايدك يا قمر

mooney608;13379315:
سوسي ممكن اعرف بتجيبي الكريم تشيز بتاعت بريما اللى بالفراولة منين علشان انا دايخة عليها مش لاقياها خالص و فى منها انواع تانى غير بالفراولة و يا ريت كمان تقوليلي بكام معلش اسئلتي كتير بس ما صدقت لقيت حد جربها و عارفها لأني كل ما اقول لحد يقولي مفيش حاجة كدة دول اكيد بيعملوها

موني فيه بالفراولة والتوت والكراميل والمانجو تقريبا ومش فاكرة ايه تاني انا جيبتها من سبينس ب 12 جنيه ورحت بعدها اجيبها تاني مالقيتهاش بسأل واحد من اللي واقفين قاللي لا والله مافيش حاجة كدة اصلا بتيجي ههههههههه هما مش عارفين حاجة اصلا انتي كل ماتروحي بصي عليها بصة كدة في مرة هاتلاقيها ان شاء الله ولو لقيتها في مكان تاني هاقوللك

miobello;13379320:
يا جماعه انا حطيت 3 معالق دقيق على 3 زيهم زبده علشان اعمل بشاميل وحطيت جبنه شيدر وطلع اسوأ بشاميل عملته بجد تقيل اوى وصعب مش عارفه من الجبنه ولا الزبده وينفع احط زيت ولو حطيت سمن نباتى هيبقى تقيل كده بردو

نانى انتى كنتى منزله التورته ممكن يا قمر تقوليلى طريقه الكيكه العاديه بالمقادير بلاش جرامات بالكوبايه على صينيه تيفال وسط

ليه يا قمر انتي حطيتي لبن قد ايه انا بعمل كدة 3 زبدة و3 دقيق بس علي لتر لبن ومش بحط شيدر خالص بحط كيري لو موجود ولو مش موجود مش بحط حاجة وكمان مكعب مرقة دجاج

انا حطيت حوالى كيلو لبن
امال ايه بقى تقيل جدا بجد يمكن من الشيدر مش عارفه

طيب لو حطيت سمن عاديه هتبقى اخف او احط شويه سمنه وشويه زيت ولا الطعم يتغير

لالا زيت لا مش هايبقي حلو وبعدين الزبدة اخف واطعم من السمنة يمكن بقي من الشيدر مش عارفة انا مجربتهاش علي البشاميل بصراحة قبل كدة

بيرق أمل;13378181:

معلش اصل عمري ما جربت الكشك ده اسمع عنه بس مدوقتهوش

:-o:-o:-#
انا مش هتكلم انتي عارفة انا عاوزة اقول اييه :)

ناني فيبس;13379420:

بصي هقولك طريقة كيكه عاديه حلوة اوي

4 بيضات
وكوب سكر
كوب لبن
فانيليا
نص كوب زيت
3 مكعبات جبنه كيري او اي جبنه نستو طعمها خفيف زي طعمه مثلا
3 كوب دقيق
معلقة كبيرة او كيس بيكنج بودر

طبعا هتضربي البيض والسكر والفانيليا وبعدين اللبن والزيت عليهم وبعدين الجبنه وبعدين الدقيق وقلبي بالايد براحه من تحت لفوق والبيكنج بودر

دخليها الفرن على 170 لمدة ساعه الا ربع ل ساعه

ولما تخرج طاسه فيها معلقة زبدة ونص علبه لبن مكثف سيحيهم مع بعض ورشيها على وش الكيك وغطيها شويه نص ساعه


دي احلى كيكه انا كلتها في حياتي


والله فكرتيني بيها عايزة اعملها انا بعملها من وانا في اولى ثانوي الكيكة دي هههههههههههههه

واااااااو هجربها ان شاء الله

نقطه اوضحها بس عشان بسبس لفتت نظرى ليه انا اقصد تقيل كطعم مش كسماكه يعنى

أهااااااااااااااااا فهمت طبعا حيكون تقيل من ناحيه الطعم عشان الشيدر تقيله عامه مفيش حل غير انك متحطيش كتير في المكرونة عشان متحسيش انها تقيله مش عارفه ليه أنا مش بحبذ الجبن في البشامل هو أصلا تقيل و الجبنة بتقله زياده

امبارح جربت تطبيق نورما للمكسيكان تشيكن اللى فى الاصل لشهيدة و كانت بجد تحفة تحفة جوزي قاللي احنا كدة هننافس المطاعم و ما شاء الله كلها كلها كان شوية شوية هياكل الطبق و النشا المدوب فى مية دة عمل صوص جامد جدا

عاوزة بسرعة اعرف القلقاس بيتعمل ازاي
السلق ده بعمله ازاي كده من الاول

بالنسبة للبشاميل بصراحة احلى طريقة جربتها و كانت حلوة اوى و خفيفة طعما و موضوعا كانت الطريقة دى

1-تغلى لتر لبن حليب يعنى تقريبا 4 اكواب

بس الإضافة اللي انا عملتها انى حطيت عليها ملعقتين كبار جبنة شيدر سايلة اللى هي فى الكوبايات و كانت حلوة اوى و محطتش زبدة خالص و مخلتش اللبن يغلى اوي قبل ما حط عليه الخليط علشان الدقيق يستوي شوية مع البن و كمان كانو 3 ملاعق بس دقيق حسيت 5 كتير اوي
[/COLOR][/SIZE]

mooney608;13380149:
بالنسبة للبشاميل بصراحة احلى طريقة جربتها و كانت حلوة اوى و خفيفة طعما و موضوعا كانت الطريقة دى

1-تغلى لتر لبن حليب يعنى تقريبا 4 اكواب

2- و نحط عليه معلقتين زبدةو ملح و فلفل حسب الرغبة
3- اثناء ما هو على النار تضربى فى الخلاط 5 ملاعق كبيرة دقيق مع نص كوب ماء او لبن
4- و اول ما اللبن اللى على النار يغلى نوطى النار و نصب عليه اللى فى الخلاط بالراحة مع التقليب
و فى اقل من 3 دقايق هيكون جاهز معاكى
[SIZE=5][COLOR=DarkSlateGray]اسهل و اسرع صلصة بشاميل ان شاء الله


و للأمانة هي منقولة مش من اختراعي

بس الإضافة اللي انا عملتها انى حطيت عليها ملعقتين كبار جبنة شيدر سايلة اللى هي فى الكوبايات و كانت حلوة اوى و محطتش زبدة خالص و مخلتش اللبن يغلى اوي قبل ما حط عليه الخليط علشان الدقيق يستوي شوية مع البن و كمان كانو 3 ملاعق بس دقيق حسيت 5 كتير اوي
[/COLOR][/SIZE]

بصي يا قمر ماما الله يرحمها مكنتش بتحب تحمير الدقيق عشان االأيدام الكتير فكانت بتحط الدقيق علي اللبن و تضربها سوا و تحطهم علي النار و تحط عليهم حته زبده قد البندقه كده و ملح و فلفل و كان روعه بصراحة

انا برضه جربت طرق كتير للباشميل احلى حاجه انك تسوي الدقيق الاول مع السمنه او الزيت وانا بستعمل زيت دره وبتطلع حلوة اوي على فكره وخفيفه بس هجرب اعملها بشوية زبده مع الزيت لاني مش بحب السمنه بتتعبلي معدتي ..وبحط على كل كوباية لبن ملعقتين دقيق وبحط 3 كوبايات لبن على الكيس بتاع ريجينا ده وساعات احط 4 لبن وبحط الزيت قد الدقيق