لمة الليبيات لشهر شوال

Diamond Ring;13106841:
حبيباتي و صاحباتي و وخياتي

استحشتكم كلكم بدون استتثناء

مشكورة كل واحدة اتفكرتني و سالت عليا هني و لا على الخاص تعرفو مشنوووووووووقة


بلاهي عليكم ادعولي ربي يسهل اموري و يمشي العرس على خير


عروسة ليك وحشة كبيييييييييييييييرة و قولي لحيو هانت خلي نحصل على عزو بس


و وعد يرجع الخط الاحمر يعبي المنتدى انشاء الله


سلامي للجميع

ان شااااااااااااء الله يارب تطليع احلي عروسه وعزو احلي عريس ويطلع عرس خيالي وربي يتتملك علي خير ويهنيك ويسعدك

خلاص عندك شهر ونص خدي راحتك فيهم مع عزو شوفي كيف اني طيبه وسموحه ههههههههه

ربي يهنيك ديموا نحن بنتظارك بعد العرس

قهوه الصباح;13105087:
بنات ليكن وحشه بكل

خل نفضفض شوي وبنحكيلكن اليوم شن صار .......جتني صاحبتي (هي مش صاحبتي بكل لكن راجلها صاحب راجلي) وبما اني كنت في ليبيا في عرس هي قاتلي صوري ووريني الصور لما جتني اليوم وريتها صور الفرح والله يابنات مفروض كان حاجه ماعجباتك يكون عندك شوي دوق واسلوب وماتفولي هكي صح ؟هي اول ماشافت صوري مع اني طلعت حلوه بشهاده الجميع درت تشريحه في المزين ومكياج وكلو تمام ..المهم قاتلي خيرك مش مدايرا تسريحه ؟قتلها امال هده شنو؟قاتلي لا لا كانك مش دايره :confused:مفروض مش هكي وانت جبهتك كبيره ... صدمتني ,,, بعدين صورتي بالفضه يوم الرمي ,,نحنا عرب سبها نلبسوا الفضه والحق تهبل تهبل ..قاتلي هدا شنوووو؟وقعدت تضحك ...قاتلي من جدك ؟؟قتلها احنا هدا تلبسه العروس يوم الدخله قاتلي اخخيييه كان احنا تجي لراجلك هكي يلزك:thumbs_down:تخيلوااا الاسلوب
قتلها بالعكس احنا رجالتنا يحبوه اكتر من الفيلو وحتا كان قالولي روحي بالفيلوا ماناباش نبي الفضه قاتلي انت غريييييييييبه
ولما شافت صور العروس قاتلي التصوير تعبان احنا تجيك المصوره وتصورلك كروووت ويهبلو ومش عارفه شنو واحنا صالات وفخامه وناضت تقارن
وفيلويا كان منفوخ اكتر وكان ارخص وكان احلي ووووو
الحق بكل اسلوبها
واول ماشافتني قاتلي شن دايره في شعرك ؟ قتلها ميش قاتلي حي عليك يمنع الوضوء وحرام يعني قاتلي بلا اسلوب حسستني اني دايرا جريمه
وقاتلي ليش ماقصيتي شعرك طوييل بكل لين يقيد قتلها راجلي يحبه وقالي ماتقصيه قاتلي اف عليك عقليات
الحق يابنات مش قصدي نغتابها او نتكلم عليها غير طارتلي وحبيت نفضفضلكن ونبي انبهكن انه حتا كان حاجه ماعجبتكن ضروري تجاملن النااس لان الناي ادواق والكلمه الطيبه صدقه وانت معقوله مالقيتي في الصور شي عجبك؟ بصراحه لا تعليق

صباح الخير بنات هدا لبس الفضه الي قتلكم عليه والحق احنا في سبها (مش كلنا بعض القبايل بس الي يلبسوا فيه ) نفضلوه اكتر من البدله الكبيره او الصغيره يعني لما تلبسيه في رمي عندنا احلي من لما تجي مصدره وانا لبسته في فرح بنت سلفي وطلع عليا حلو طبعا احلي من العارضه هده بالدات مع كحل وسوااك مانحكيلكم


وهده صوره قريبه شوي






احنا رجاله ونسواين نحبوه ونفضلوه انا راجلي قالي هدا احلي من الفيلوا الي لبستيه عل الاقل ترات مش تقليد اعمي للغرب
ولما حكيتلها قعدت تضحك قاتلي اخييييه صدمتني قاتلي كان نلبسه لراجلي يلزني ويضحك عليا :( انتم شن رايكم؟؟

ملاحضه << العروس ماتلبساش كامل هكي الا يوم السبوع لكن يوم الدخله تلبسا خفيف يعني مافيش الحاجات الي علي الراس هده

الله غالب مانقدرش نوريكم صوري كان هدا تشبحوه كيف:cool:

السلام عليكم ورحمه الله وبركاته

ايمي والله مسكينة ماتعدليش عليها كل واحد وتفكيرة

ممكن هيا مش عاجبها مشكلتها مافيش حد زارها قاللها البسيه

فماتشليش في خاطرك وماتعدليش عليها بلعكس لكل واحد يفتخر بلبس متاعه خليها هيا

ديموند: ربي يهنيك ويسعدك يااااااااااارب وتكوني احلي عروسة وتتهني يارب ويطلع كل

شيء احلي من الي خاطرك فيه وان شاء الله نشوفوك قريب بعد عرسك

في امان الله

ديمو ربي يتمملك علي خير ياااااااااااارب
ايمي بالله عليك فوتيها وطنشيها وخليك مفتخره بتراتكم ماتحسسيهاش انك تغايظتي من كلامها هي هكي تبدا تتقلد عليك فاهمه

قدوره معليش انفعلت واجد غير كلامها جاني عالوتر الحساس
تعرفي لما تبدي حاجه تحبها وليها مكانه في قلبك ويجي حد مش فاهم ويقعد يسهوك :'(
يلا ربي يهدي وخلاص:-#

قهيوه تعرفي اللبسه مش عاديه قوليلي زعمه في منها في طرابلس خاطري اناجره ونلبسه تهببببببببببببببببببببببببببببببببببببل مع ليشي المرا الي احكيتي عليه جاهله مع احترامي للجميع ماتفهمش والله مش عاديه تعرفي خياليه عجبتني نين خلاص

مشكورات كل البنات الي ردوا عليا والله نحبكم ونحب نفضفضلكم الله غالب الواحد في غربه ماليه حد وصعب تلقي صاحبه تفهمك

قهوه الصباح;13108171:
قدوره معليش انفعلت واجد غير كلامها جاني عالوتر الحساس
تعرفي لما تبدي حاجه تحبها وليها مكانه في قلبك ويجي حد مش فاهم ويقعد يسهوك :'(
يلا ربي يهدي وخلاص:-#

حتي اني كان هكي يصيرلي لكن توا معاش انعدل علي حد لانهم هما حسد مش اكتر

احكي ياايمي ولا يهمك

ربي يصبرك في غربتك

هديرالحب;13108178:
قهيوه تعرفي اللبسه مش عاديه قوليلي زعمه في منها في طرابلس خاطري اناجره ونلبسه تهببببببببببببببببببببببببببببببببببببل مع ليشي المرا الي احكيتي عليه جاهله مع احترامي للجميع ماتفهمش والله مش عاديه تعرفي خياليه عجبتني نين خلاص

انت مزوقه بكل وعندك دوق تعرفي لقيت ليها صور واجدات لكن مالقيتش الوقت كيف انزلهم
في طرابلس مااضن فيه محل ياجر وفي سبها فيه النساوين الي عندهم الفحره هده مرررررات تلقي من تابا تاجرلك لانه يخافوا عليها ماهو هيا خربشها واجد وتبي محافضه والله كاني في ليبيا راني سلفتك متاعي

تعرفي نغنوا في الاعراس نقولوا
(لباس الفجره يامحلاه .... مقهور الي باع جناه) خخخخ

والله لو تعدلي ع كلام الناس تتعبي وتمرضي

وتركبك حالة نفسية فالواحد يدير روحه حول ومايشوفش وخلاص

ArOoTa;13108187:

قهيوة هادي صاحبتك معندهاش اسلوب قابلت منهم هلبة الناس هادي
صح تضايقي لكن لكن عودي روحك اسمعي ولوحي ماتعدليش عليها
وهي هكي اطفش في الناس من عليها هي الخسرانة
معاش تحسبيها وتوريها صور ولا حاجة لانها بترجع تنتقد بنفس الطريقة

صح كلامك دينا راجلي يقولي هكي يقولي حاجتك ماتوريها لانه مافيه حد بيفرحلك من قلبه كدب كانش امك والا اختك والباقي :-#

والله مره وحده وريتها كاميرا دجتل فرحانه بيها شاريتها لاهلي هديه قاتلي هده زلبحوك راهو غاليه خساره فيها وكلام من هدا ومن يومها قت معاش نوري حاجتي ليهم
الا انتم طبعا نوريكم عادي;)

لي عوده لانه طنجرتي علي النار

ArOoTa;13108187:

قهيوة هادي صاحبتك معندهاش اسلوب قابلت منهم هلبة الناس هادي

صح تضايقي لكن لكن عودي روحك اسمعي ولوحي ماتعدليش عليها
وهي هكي اطفش في الناس من عليها هي الخسرانة

معاش تحسبيها وتوريها صور ولا حاجة لانها بترجع تنتقد بنفس الطريقة

كلام ارووتا مزبوط اجبدي عليها السيفون معاش تحسبيه في شي خلي معاها علاقه سطحيه جدا متخاهاش تتدخل فيك ولو مره جت علقت علي حاجه خاصه بيك وقفيها عند حدها زي متلا (الامورهادي ما نحبش حد يتدخل فيه حتي لو كان ماما او اختي )او اي كلمه تعطيهلهل في الصميم والمفروض لما علقت علي الصور قاله( اني مخديتش رايك اني انوريلك فيهم من باب المجامله فقط)

قوية اجبدي عليها السيفون يعطيهالك ياهدير هههههههه
كيف حالك ياهدورة لينا زمان ماتلاقينا في اللمة

قهوه الصباح;13108198:
انت مزوقه بكل وعندك دوق تعرفي لقيت ليها صور واجدات لكن مالقيتش الوقت كيف انزلهم
في طرابلس مااضن فيه محل ياجر وفي سبها فيه النساوين الي عندهم الفحره هده مرررررات تلقي من تابا تاجرلك لانه يخافوا عليها ماهو هيا خربشها واجد وتبي محافضه والله كاني في ليبيا راني سلفتك متاعي

تعرفي نغنوا في الاعراس نقولوا
(لباس الفجره يامحلاه .... مقهور الي باع جناه) خخخخ

صحيتي باهي قوليلي امتي بتجي ليبيا وهي تلبسه العروسه والاحتي المرا خلي ناجرها منك متاع واحده مصدقت :biggrin:ههههههههههههههه

شن غداك ياايمي احسبيني معاك هههههه:lol:
جوعتيني وانا صايمه :confused:

ArOoTa;13108221:
قوية اجبدي عليها السيفون يعطيهالك ياهدير هههههههه
كيف حالك ياهدورة لينا زمان ماتلاقينا في اللمة

ههههههههههههه تضحكتيني يا ارووتا واله ليك وحشه كملتو عيادي والامازال