لمة الليبيات لشهر شوال

كيتي كيوت
تفضلي

مرحبتين كان تجوني
في عرس بنتي ونور عيوني
وتفرحو بيها وتهنوني
ماتكمل فرحتنا إلا بيكم
وغدوا زي ماهنيتوني نهنيكم


بلبل الأفراح غنى فوق أغصان السرور
وبشير الأنس نادى شاركونا بالحضور
عقبال من جاءنا بالفرح نلقاه ونعيش فرحة والبيت معمور
ومن كانت ظروفه عنا تحداه نقول له مسموح وللأسباب معذور

في ليلة من أحلى ليالينا
ليلة فيها الفرح طل علينا
ندعو اصحابنا وامالينا
تحضرو حفلتنا وتفرحو بينا

الليله ليلة زفتنا وياهلا بكل أحبتنا
حضوركم بيننا يسعدنا ويزيد من فرحتنا
ونشكر كل من يشاركنا ويلبي الليلة دعوتنا

جاء يوم كنا ننتظره منذ حين
يوم يزف ويلتقي فيه العروسين
الفرحة تغمرنا وبحضوركم تصبح فرحتين
لذا ندعو أهلنا وأصحابنا المقربين
والعاقبة عندكم في المسرات اللهم أمين

لاتسمى الفرحة فرحة إذا لم تشاركوني إياها
ولا تكتمل زينة العروس إذا لم يأتي من يراها
أدعوكم لحضور ليلة طول العمر لن أنساها
ووجودكم بها هو الذي أفرحني وحلاُها

في ليله من ليالي البدر تزداد امانينا ويحلو اللقاء في صحبة اهالينا
ألا أيها الاحباب جودو وزوروا في ليله من ليالي (اسم الشهر) تشع تهانينا
نزف شموع موكب عروستنا على الشاب (اسم العريس) عريس ليلتنا
في (تاريخ اليوم ) من (الشهر ) تقام حفلتنا بقاعة ( اسم القاعة) تتلألأ فرحتنا
ويا من بكل الحب شارك مسرتنا فبوجودكم تطيب بهجة مودتنا
ولكم من (اسم ام العروس) والدة عروستنا شرف الضيافه ويا هلا بمن لبى دعوتنا

ولحفظ الحقوق هذا المصدر
http://go.3roos.com/6qar3dnyz7k

صباح الخيراااااااااااااااااااااات

حبيبة أيمن;13107717:

مساء الخير بنااات

lمساء النور حبوبة ايمن

حبيبة أيمن;13107735:

هدير كيف حالك اليوم وشنو صار فيك وفي سوابيتك وشنو درتي وشنو ناوية اديري

انا اليوم تقدري اتقولي خديت فوط لبتاتي ... وخديت ملايات ومخادد طقم ايقولوا المصرين توا انزليكم الصور ان شاء الله بش تقوليلي رايك
وزدت شريت ملابس داخلية ... وتوا كيف بننزل نتغدي !! وبنكمل اللفان هههه

حتي اني الحاجات الي قولتيهم خديتهم من مصر لان مصر الحاجات هادي عندها خمتها كويسه وتعيش وحتي ملابسهم الداخليه روعه

حبيبة أيمن;13107772:

قداش مزال علي عرسك يا غالية ؟؟ واتية نفسيا وبديتي تشربي في الزنجبيل زي ما قالت عروسة ؟؟؟!!! وتعرفي ميشكروا في ملح الحليب في مصر ؟!!

عرسي توا لكن مش شهر 9 يعني حيكون مع 10 او 11 نين نحجز الصاله الان توا راجل حماة حماتي توفي هدا باش لكن اغلبية الامور تمام مازالي سارية الشناطي وشويه احديه توا بنشري حاجات من هايل شوب وعلاش نشري الزنجبيل والملح الحليب متاع الجسم المقشر

صباح الورد يام وسيفه اني حالي الحمد الله تمام وانتي شن حالك وشن حال فتروشك الغالي

ام وسيفه;13107864:

نبي نسالك حبيبة مر عليك في القاهره المشط بتاع الباف

اللي ينفخ الشعر عرفتيه؟؟؟

هادي صورته

ام وسيفه اشريه من هايل شوب حتي اني بنشري واحد لكن نستني في مدام هايله لين تروح من السفر بالسلامه وبنبعتلها علي الخاص تعرفي يوصلك لحد الحوش وفي حاجات في الموقع تهبببببببببببببببببببل:adore:

ام وسيفه;13107869:

هدورة شن قصته هايل شوب هدا؟؟؟ عندك اللينك بتاعه ؟

هايل شوب سوق الكتروني ليبي الحاجات توصلك للحوش تلقي اللنك متاعه في صفحه رقم26 كتبتهولي عروسةليبيا

مساء الخيراات عليكم عويلة
حبيبة ايمن شككللك هياااجة في مصر ربي يفرحك ويونسك مع اماليك
متتبعين الحدث معاك اول باول يا صحفية انتي;)
ام وسيفة تبارك الرحمان علي يدياتك
هدورة شن اخبارك يا غالية

dr-eman;13107924:
مساء الخيراات عليكم عويلة
حبيبة ايمن شككللك هياااجة في مصر ربي يفرحك ويونسك مع اماليك
متتبعين الحدث معاك اول باول يا صحفية انتي;)
ام وسيفة تبارك الرحمان علي يدياتك
هدورة شن اخبارك يا غالية

ليك وحشه يا ام ميار اني الحمد الله اخباري تمام

ام وسيفه بديتي في الافكار التانيه في البطا قات