تجمع بنات مصر منتظرات الحمل بإذن الله الجزء " 8 "

على طريق العرس;12896876:
ازيكم يا بنات نفرايه نفرايه
كل سنه وانتم طيبين وان شاء الله ربنا يفرح قلوبكم كلكم فى الشهر الحلو ده

دينا حمدلله على السلامه يا جميل
بالنسبه لتحليل ال Rh ده عادى اعمليه من غير ما دكتور يطلبه ولا حاجه اعملى تحليل فصيله وشوفى هيطلع ايه
وانا اعرف انه لو سالب بيشوفو فصيلة الاب كمان لو طلعت سالب خير وبركه ويبقى مفيش مشاكل لو طلع موجب بيستنوا بقى يشوفو الجنين لما يتولد ويعملو له التحليل هو كمان لو كان سالب يبقى خير وبركه ومفيش مشاكل :) لو كان موجب يبقى الام بتاخد حقنه فى خلال 72 ساعه من الولاده
الحمل الاولانى او الجنين الاول مش بيتأُثر بالموضوع ده خالص اللى ممكن يتأثر بقى الجنين التانى لان الام لو مأخدتش الحقنه جسمها بيكون اجسام مضاده بتهاجم الجنين التانى

فهمتينى ولا توهتك معايا ؟؟؟؟؟؟؟؟؟؟؟ :)

على فكره انا عملت التحليل وطلعت فصيلتى A- والدكتور طلب منى اعملها فى مكان تانى عشان نتأكد من الفصيله وجوزى كمان هيعمل التحليل عشان نشوف هيطلع ايه

ازيك يا سمسمة عاملة ايه ياحبيبتى

بصراحة انا توهت بس اللى فهمته ان الrh ده مالوش دعوة بالاجهاضات صح كده ولا انا بخرف

محبة_الرسول;12897356:
السلااااااااااام عليكم

كل سنة وانتوووووو طييييبييييييييييييين

رمضاااان جااااااااااااااانااااااا وفرحناااااااا به بعد غيااااااااابه

اهلااااااااااااا رمضاااااااااااااان

:D






دينا وامنية
ربنا يعوضكو ياااااااااارب بحمل ثااابت ويشفيكو ياارب ويعافيكووو

اللهم امين يامحبتى
كل سنة وانتى طيبة ياقمرة


حالو ياحالو رمضان كريم ياحالو
فك الكيس وادينى بقشيش لا نروح مانجيش ياحالو:biggrin:

رورو حمد لله على سلامة عمر ياقمر وكل سنة وانتى طيبة


نيمو ازيك كل سنة وانتى طيبة انا بدخل اهو مش مختفية ولا حاجة ياعسل

هههههههههههههههههههههه
نيمو... عسل والله... كل سنة و انت طيبة ..
واحشاني اوي يا نيمو...
معلش بقى يا رب جوزك يرجع و يلحقك على معاد الولادة..انت المفروض تولدي امتى ان شاءالله؟؟؟
انا يا ستي كنت بعمل تحليل حمل منزلي.. و النتيجة سلبية..
و البنات نصحوني استنى و بعدين اعمل تحليل رقمي و حعمل كدا ان شاءالله لان دا رأي زوجي برده...:)

فى حد اهنى ولا لاع

ازيكوا يابنات
انا رحت لدكتور وقالي عندي كيس وظيفي ادناني برشام ستيرونات
ولما تيجي هاخد برشام منع الحمل ياسمين
انا خايفة اوي من برشام اللي هينزل الدورة وتاني بتاع منع الحمل ياريت اللي يجربه يقولي
وخايفة اوي اخد برشام بتاع الدورة ومتنزلش يعني هو اكيد بينزلها ولا ايه

nemonamanemo;12909379:
كل سنه و انتوا طيبين يا عيال

وحشتوني خالص عاااااااااااااااااااااااااا جوزي لعب الدنيئه و سافر من برا برا علي شغل تاني مش هيرجع الا علي ميعاد الولاده والله اعلم بقي اذا كان هيلحق ولا لأ


وحشتوني كتير انا جيت انهارده افطر عند حماتي قلت لازم ادخل اسلم علي اخواتي حبايبي

كل سنه و انتو طيبين

ازيك يا نيمو وحشانى خالص يا بنتى اخبارك ايه واخبار البيبى ايه مقلتليش طلع ولد ولا بنت انتى عارفه بقالى فتره غايبه عنكم

شوفتى يا ستى سميت عمر اقنعت جوزى يغير الاسم هههههههه مشيت راى برضه الستات يا بنتى تكسب هههه

دينا حمدى;12909669:
رورو حمد لله على سلامة عمر ياقمر وكل سنة وانتى طيبة


نيمو ازيك كل سنة وانتى طيبة انا بدخل اهو مش مختفية ولا حاجة ياعسل

الله يتسلمك يا دينا وربنا يجعلها ايام مباركه علينا كلنا ويتم نعمه علينا يارب ونفرح بيكوا كلكم امين يارب العالمين

مانيا
ربنا معاكى ياحبيبتى ان شاء الله
و ربنا يرزقنا جميعا يااارب

و خلاص انتى ادى لنفسك اجازة شويه من الدكاترة وخسى شويه و ربنا يكرمك ان شاء الله
ما شاء الله فى بنات خسوا و حملوا عالطول
عقبالك ان شاء الله

ريـري;12910217:
ازيكوا يابنات
انا رحت لدكتور وقالي عندي كيس وظيفي ادناني برشام ستيرونات
ولما تيجي هاخد برشام منع الحمل ياسمين
انا خايفة اوي من برشام اللي هينزل الدورة وتاني بتاع منع الحمل ياريت اللي يجربه يقولي
وخايفة اوي اخد برشام بتاع الدورة ومتنزلش يعني هو اكيد بينزلها ولا ايه

الف سلامة عليكى يا ريرى
شافاكى الله و عافاكى يارب
ان شاء الله خير متقلقيش
بس انتى هتاخدى حبوب منع حمل ليه
وعموما حبوب منع حمل ياسمينا حلوة اوى اخر دكتورة كنت عندها فالت لاختى عليها و مش بتلخبط فى الهرمونات خالص الحمد لله متقلقيش

nemonamanemo;12909430:
انا لمحت اوني كده بتسلم الحمدج لله انها بخير و اعتقد ان هبه (نيولايف) سافرت لجوزها عشان كده مختفيه


نيسو بقي رجعت من القاهره ولا لسه ؟؟ طمنوني عليها انا ان شاء الله هدخل الصبح ارغي معاكوا شويه


مانيا كانت بتعمل تحليل اخبار التحليل ايه ؟؟

ياسمينا عملت العمليه ولا لسه ؟؟

عليا اخبار العلاج بتاع الالتهابات ايه يارب يكزن تمام و جاب نتيجه ؟؟

فرح اخبار معدتها ايه دلوقتي يارب تكون احسن؟؟

دينا اخبارها ايه بتدخل ولا مختفيه ؟؟


عاوزه ادخل بكره ان شاء الله الاقي اجابات اجابات

هههههههههههههههههههه انا عارفه امكوا هتضربوني (غتاته مركزه) بس معلش رمضان كريم ههههههههههههههه

ازيك يا نمانيمووو
كل سنه وانتى طيبه
كنت لسه بقول من يومين انك خلعتى من المطبخ و الطبخ و الحيرة دى ههههه
انتى هتولدى امتى ان شاء الله
ربنا معاكى ونسالك الدعاء ساعه الولاده ان شاء الله

اليكى يا ستى اخر الانباء
نيسو لسه مش بتدخل مش عارفين رجعت من مارينا على القاهرة و لا لسه


و مانيا و دينا ردوا عليكى بنفسهم

و ياسمينه لسه مش عملت العمليه مستنيه لما البيريود تيجى و تخلص

و محبه لسه بتتعالج من الالتهابات ادعيلها بالشفاء ان شاء الله

كان معكم ميراميرو قناه عروس

مش عارفه هلحقك الصبح لما تدخلى و لا لسه
عموما خلى بالك من نفسك وابقى طمنينا عليكى دايما

manyaa;12909706:
هههههههههههههههههههههه
نيمو... عسل والله... كل سنة و انت طيبة ..
واحشاني اوي يا نيمو...
معلش بقى يا رب جوزك يرجع و يلحقك على معاد الولادة..انت المفروض تولدي امتى ان شاءالله؟؟؟
انا يا ستي كنت بعمل تحليل حمل منزلي.. و النتيجة سلبية..
و البنات نصحوني استنى و بعدين اعمل تحليل رقمي و حعمل كدا ان شاءالله لان دا رأي زوجي برده...:)

يعني الدكتور متوقع علي اول تسعه بس انا اخر التاسع بتاعي يوم 20/9

ربنا معاكي يا مانيا خير ان شاء الله

بس فعلا انتي حاولي تقليلي وزنك شويه و ان شاء الله خير و علي فكره شويه صغيرين بيفرقوا

دينا حمدى;12909669:
رورو حمد لله على سلامة عمر ياقمر وكل سنة وانتى طيبة


نيمو ازيك كل سنة وانتى طيبة انا بدخل اهو مش مختفية ولا حاجة ياعسل

يارب دايما منوره كده يا دودو

ريـري;12910217:
ازيكوا يابنات
انا رحت لدكتور وقالي عندي كيس وظيفي ادناني برشام ستيرونات
ولما تيجي هاخد برشام منع الحمل ياسمين
انا خايفة اوي من برشام اللي هينزل الدورة وتاني بتاع منع الحمل ياريت اللي يجربه يقولي
وخايفة اوي اخد برشام بتاع الدورة ومتنزلش يعني هو اكيد بينزلها ولا ايه

1000 سلامه عليكي يا ريري انا الدكتور كاتب البرشام ده لحماتي عشان بينزل عليها دم كده مش دوره ولا حاجه فقالها تاخده طول رمضان و بعد رمضان تبطله الدوره هتنزل

roro8484;12911150:
ازيك يا نيمو وحشانى خالص يا بنتى اخبارك ايه واخبار البيبى ايه مقلتليش طلع ولد ولا بنت انتى عارفه بقالى فتره غايبه عنكم

شوفتى يا ستى سميت عمر اقنعت جوزى يغير الاسم هههههههه مشيت راى برضه الستات يا بنتى تكسب هههه

طبعا انتي هتقوليلي هههههههههههههه بس عمر اسم جميل ربنا يبارك فيه

انا حامل في بنوته الحمد لله

miramiro;12911484:
ازيك يا نمانيمووو
كل سنه وانتى طيبه
كنت لسه بقول من يومين انك خلعتى من المطبخ و الطبخ و الحيرة دى ههههه
انتى هتولدى امتى ان شاء الله
ربنا معاكى ونسالك الدعاء ساعه الولاده ان شاء الله

اليكى يا ستى اخر الانباء
نيسو لسه مش بتدخل مش عارفين رجعت من مارينا على القاهرة و لا لسه


و مانيا و دينا ردوا عليكى بنفسهم

و ياسمينه لسه مش عملت العمليه مستنيه لما البيريود تيجى و تخلص

و محبه لسه بتتعالج من الالتهابات ادعيلها بالشفاء ان شاء الله

كان معكم ميراميرو قناه عروس

مش عارفه هلحقك الصبح لما تدخلى و لا لسه
عموما خلى بالك من نفسك وابقى طمنينا عليكى دايما

خلعت مين يا اختي الواحده مننا الهم وراها وراها بعمل بردوا عند ماما هههههههههههههه بس هناك فرق لو يوم مليش مزاج ببلطج و محدش يقدر يقولي حاجه اما لو كان جوزي هنا و مفطرتهوش كان هيفطر بيا ههههههههههههههههههه

اصل مامتي يا حرام بتيجي من الشغل علي 6 و ساعات بعد كده فبتصعب عليا ابقي قاعده في البيت و هي تيجي لسه تعمل

بس ايه يا عم الموجز الجامد ده ... ما شاء الله قناه عروس كلها مواهب هههههههههههههههههه

رلابنا يطمنا علي عليا و ياسمين ان شاء الله

سمسمه ايه ده ال rh بتاعك طلع سالب طيب هتعيدي التحليل امتي ؟؟

دينا ده الكلام اللي كانت بتشرحهولك سمسمه

مبروك أنت حامل.. مع فرحتك بخبر الحمل يطلب منك إجراء مجموعة من التحاليل للتأكد من سلامة حملك وللتعرف على أى احتياطات يجب أن تراعى لكى تمر فترة حملك بسلام وتسعدى بمولودك الجديد. أحد هذه التحاليل هو تحليل الـRh.

يصنف دم الإنسان حسب وجود أو عدم وجود علامات معينة على سطح كرات الدم الحمراء، والـRh هو أحد هذه العلامات. إذا كان عامل الـRh موجوداً فسيكون تحليل الـRh إيجابياً أما إذا لم يكن موجوداً فسيكون تحليلك سلبياً. أغلب الناس لديهم عامل الـRh. عامل الـRh مرتبط بفصيلة دمك. على سبيل المثال إذا كانت فصيلة دمك " O-"، هذا يعنى أن فصيلة دمك " O" وليس لديك عامل الـRh، وإذا كانت فصيلة دمك "A+"، فهذا يعنى أن فصيلة دمك "A" ولديك عامل الـRh.

المشكلة الأساسية تحدث عادةً عندما يكون تحليل الـRh للحامل سلبياً. فى هذه الحالة يلزم عمل تحليل للزوج. إذا كان تحليل الزوج أيضاً سلبياً، عندئذ لا توجد مشكلة. لكن إذا كان تحليل الـ Rhالخاص بالزوج إيجابياً، فغالباً ما سيكون الطفل مثل أبيه، ومن هنا تأتى المشكلة، أى عندما تحمل الأم التى لا يحمل دمها عامل الـRh فى طفل يحمل دمه عامل الـRh، ويشار إلى هذه الحالة بعدم توافق الـRh.

بما أن الجهاز المناعى للإنسان يعمل عادةً على حماية الجسم من أى مواد ضارة، لذا فعندما يدخل جسم الإنسان أى جسم غريب يقوم جسم الإنسان بإنتاج أجساماً مضادة لهذا الجسم الغريب. إذا كان دمك لا يحمل عامل الـRh، وتعرضت لدم يحمل عامل الـRh، قد ينتج جسمك أجساماً مضادة للقضاء على الدم الذى يحمل عامل الـRh عند التعرض له فى المرة اللاحقة. خلال الحمل الأول، تكون الأم وجنينها فى أمان، لكن أثناء الولادة أو الإجهاض، تتعرض الأم لدم يحمل عامل الـRh وغالباً ما سينتج جسمها أجساماً مضادة له. فى الحمل التالى، قد تمر هذه الأجسام المضادة عبر المشيمة وتدمر كرات الدم الحمراء للجنين مما يؤدى إلى إصابته بأنيميا أو مشاكل فى القلب مما يتطلب عناية خاصة أثناء الحمل، وقد يؤدى إلى وفاة المولود.

رغم أن الحمل الأول غالباً ما يكون آمناً إلا أنه من الأفضل والأكثر أماناً أن تقوم السيدة بعمل اختبار يظهر مستوى الأجسام المضادة فى دمها لأنها قد تكون قد حملت وأجهضت دون أن تدرى، أو ربما قد نقل إليها دم يحمل عامل الـRh دون أن تعلم."

للتغلب على مشكلة عدم توافق الـRh، تأخذ الحامل الذى كان تحليلها سلبياً حقنة معينة فى الأسبوع ال28 تقريباً من الحمل وحقنة أخرى بعد الولادة مباشرةً. بهذه الحقن، يمكن للأم التى لا تحمل عامل الـRh أن تلد طفلاً لديه عامل الـRh دون أى مشاكل.
منقول

ميسا لا مش ممكن

وحشاااااااااااااني جدا اخبارك ايه و البيبي عامل ايه بقي عنده قد ايه دلوقتي و سميتيه ايه

نيموو صباح الخير يا قمر

كل سنة و انتي طيبة

و انتي طيبه يا بوسي

اخبارك ايه عامله ايه مع الصيام

صباح الخير عليكوا يا حلوين

صباح الخير يا مانيا عامله ايه

كل سنه و انتي طيبه

nemonamanemo;12912674:
و انتي طيبه يا بوسي

اخبارك ايه عامله ايه مع الصيام

الحمد لله يا نيموو ماشي الحال هو المشكلة كلها في العطش بس الحمد لله

manyaa;12912676:
صباح الخير عليكوا يا حلوين

صباح النور يا قمر عاملة ايه؟؟

ريـري;12910217:
ازيكوا يابنات
انا رحت لدكتور وقالي عندي كيس وظيفي ادناني برشام ستيرونات
ولما تيجي هاخد برشام منع الحمل ياسمين
انا خايفة اوي من برشام اللي هينزل الدورة وتاني بتاع منع الحمل ياريت اللي يجربه يقولي
وخايفة اوي اخد برشام بتاع الدورة ومتنزلش يعني هو اكيد بينزلها ولا ايه

شافاكي الله و عافاكي...
مش عارفة انا مش مرتاحة لحبوب منع الحمل دي اللي بتتاخد بعد الجواز...أنا اول جوازي دكتورة اديتني منع حمل لمدة 6 شهور..بعد كدا كل ما احكي لدكتور عليها يقولي ما تروحلهاش تاني...
بس انا مش فاهمة ايه هو الكيس الوظيفي ده ...دا غير التكيسات اللي عارفينها يعني؟؟؟
انا رأيي تروحي لدكتور تاني تتأكدي ...

miramiro;12911351:
مانيا
ربنا معاكى ياحبيبتى ان شاء الله
و ربنا يرزقنا جميعا يااارب

و خلاص انتى ادى لنفسك اجازة شويه من الدكاترة وخسى شويه و ربنا يكرمك ان شاء الله
ما شاء الله فى بنات خسوا و حملوا عالطول
عقبالك ان شاء الله

يا رب يا ميرا ..حعمل كدا ان شاءالله و ربنا يسهل..