تجمع بنات مصر منتظرات الحمل بإذن الله الجزء " 8 "

الحمد لله انى اول من رد على الجزء دا

دينا ربنا يعوضك خير عاجلا

ربنا يرزقنى ويرزقكم عاجلا الذرية الصالحة قولو آآآآآميييييييييين

السلام عليكم ياحبايبى
ان شاء الله الجزء ده يكون وشه احلى من اللى
فات مع ان بدايته معايا مش مظبطة بس الحمد لله
وربنا يجزيكم كل خير يارب على دعوتكم
ادعو لى قلبى يهدى يابنات

جريين
منورة التجمع
:)


دينا
بجد ربنامعااكى ويصبرك ياااارب :(

ربنا يبرد قلبك ويهديلك حالك

ويعوضك بحمل سليم تام ان شاء الله عاجلا

الله يخليكي يا محبة

اخبارك اية

مش بتكونى موجودة كتير

والتجمع اغلب الوقت بيكون نايم

نفسى نكون مع بعض نشجع بعض ديما

لاننا اكتر ناس بتحس ببعض

جرين
انا الحمد لله تمااام

بصى احنا غالبا بنتجمع وقت الضهر
من الضهر للعصر كده

ابقى جربى ادخلى ف الوقت ده هتلاقينا ان شاء الله

ان شاء اله يا قمرة

اية اخر اخبار دوامة العلاج والدكترة معاكى

ماشية على اية دلوقتى خطتك اية يعنى

السلام عليكم
مباااااااااارك عليكم الجزء الجديد يابنات
ربي يرزقكم الذريه الصالحه المعافاه ويثبت حملكم

مساء الخير يا بنات اخباركم
مبروك الجزء الجديد عليكم وربنا يجعل وشه خير علينا كلنا
دينا حبيبتى قدر الله وما شاء فعل يا قمر.. انا طبعا معنديش كلام اصبرك بيه بس رددى دايما انا لله وانا اليه راجعون اللهم اجرنى فى مصيبتى واخلفى لى خير منها .. بس دينا الدكتور مقليش ايه السبب..؟؟ يعنى مطلبش تحليل ولا اى حاجه
ان شاء الله يا حبيتى ربنا هيرزقك بالحمل الثابت المعافى من كل سوء.. ومتزعليش نفسك وفكرى دايما ان ربنا اذا احب عبد ابتلاه ..وده ابتلاء وربنا عارف انك قادره على احتماله لان ربنا سبحانه وتعالى لا يكلف الله نفسا الا وسعها.. يعنى انتى اكيد هتقدرى تتحملى ..وربنا هياجرك ويجزيكى خير ان شاء الله ويعوضك ويخلف عليكى بالخلف الصالح يا حبيبتى عن قريب.. ومش معنى كلامى انك مش تعيطى ولا تدايقى طبيعى يحصلك كده بالعكس الى مش طبيعى انك تكتمى فى نفسك لا طلعى اللى جواكى علشان ترتاحى بس الاهم انك من جواكى تبقى راضيه.. معليش انا طولت عليكى بس بجد لانى عارفه الاحساس وان الواحد بيبقى غصب عنه وصعبان عليه ان حاجه فى نفسه بتضيع منه بس فى الاول والاخر ده رزق من ربنا سبحانه وتعالى ولسه رزقنا مش دلوقتى ... ربنا يفرح قلبك يا دندونه ويقدر لك الخير حيثما كان

الف مبروك على التجمع الجديد وان شاء الله يكون فاتحة خير علينا جميعا

دينا حبيبتى ما تزعليش قدر الله وماشاء فعل وربنا يعوضك خير

وبمناسبة بقى ان محبه هى اللى فتحت الجزء ده انا هارد على الموضوع اللى نزلته عن النقاب عشان كان فى سوء فهم بينى وبينها

محبه........ممكن اكون فهمتك خطا.......بس معلش اعذرينى
ويمكن اكون اخدت الموضوع بحساسيه بس هانعمل ايه بقى ده عيب النت احنا بنتكلم مع بعض من غير ما نشوف بعض واكيد الواحد ما بيبقاش شايف ولا عارف تعبير اللى قدامه

وانا خلاص مش زعلانه والله وربنا ما يجيب زعل ابدا احنا كلنا اخوات مسلمات واكيد بنحب الخير لبعض

بس يمكن لما انا رديت عليكى افتكرت واحده كانت زميله اى فى المدينه الجامعيه جامعة عين شمس وكانت تقريبا منتقبه وبدات تقنعنا باخمار ثم النقاب ولما ما لقيتش فايده بعدت خاااااااالص حتى لما كانت تعدى على اوضتنا لان اوضتها كانت جنب اوضتنا ما كانتش تقول حتى السلام عليكم

خلاص حصل خير بقى .............ننسى بقى

انا عن نفسى خلاص انتى بقى مش عارفه خلاث ولا لثه

صافى يالبن بقى:)

جرين
معلش والله كنت قمت بحضر العشا جوزى زمانه جاى
هو عشا وغدا ف نفس الوقت :)


ان يا ستى روحت لدكتورة مؤخرا من الشهر اللى فات
وقالتلى عندك التهابات وادتنى حقن للالتهابات

والمفروض همشى ع العلاج لمدة 3 شهوور
وبعد كده ربنا يسهل مش عارفة هنعمل ايه

يااارب ارزقنى الحمل ياارب الشهر الجاى




سيما
ازيك عاملة ايه
اللهم آمييييييين وانتى معانا ياااارب


ياسمين
اززيك :)

تمام يا محبه اخبارك انتى يا قمر

يااااااااارب يرزقك يا محبة ويرزقنى ويرزق كل البنات عاجلاااااااا

فجر
يا جميلة انا مش زعلانة ولا حااجة

حليييب يا اشطة :D


بس انتى كررتى المشاركة كتير ليه كده هههههههههههههههه

خلاص مش زعلانة يا ستى :)

لحظةحب;12782078:
مساء الخير يا بنات اخباركم
مبروك الجزء الجديد عليكم وربنا يجعل وشه خير علينا كلنا
دينا حبيبتى قدر الله وما شاء فعل يا قمر.. انا طبعا معنديش كلام اصبرك بيه بس رددى دايما انا لله وانا اليه راجعون اللهم اجرنى فى مصيبتى واخلفى لى خير منها .. بس دينا الدكتور مقليش ايه السبب..؟؟ يعنى مطلبش تحليل ولا اى حاجه
لا لسه مطلبش لان الحمل لسه مانزلش
مدينى مهلة اسبوع وبعده اعمل العملية
ان شاء الله يا حبيتى ربنا هيرزقك بالحمل الثابت المعافى من كل سوء.. ومتزعليش نفسك وفكرى دايما ان ربنا اذا احب عبد ابتلاه ..وده ابتلاء وربنا عارف انك قادره على احتماله لان ربنا سبحانه وتعالى لا يكلف الله نفسا الا وسعها.. يعنى انتى اكيد هتقدرى تتحملى ..وربنا هياجرك ويجزيكى خير ان شاء الله ويعوضك ويخلف عليكى بالخلف الصالح يا حبيبتى عن قريب.. ومش معنى كلامى انك مش تعيطى ولا تدايقى طبيعى يحصلك كده بالعكس الى مش طبيعى انك تكتمى فى نفسك لا طلعى اللى جواكى علشان ترتاحى بس الاهم انك من جواكى تبقى راضيه.. معليش انا طولت عليكى بس بجد لانى عارفه الاحساس وان الواحد بيبقى غصب عنه وصعبان عليه ان حاجه فى نفسه بتضيع منه بس فى الاول والاخر ده رزق من ربنا سبحانه وتعالى ولسه رزقنا مش دلوقتى ... ربنا يفرح قلبك يا دندونه ويقدر لك الخير حيثما كان

الحمد لله على كل حال وزى مانتى بتقولى ده ابتلاء او اختبار من ربنا

بس انتى عارفة ساعات الشيطان اعوذ بالله يقعد يخلى حاجات وحشة تيجى فى دماغى واقعد انكد على نفسى

انا دلوقتى حالتى غريبة جدااااا
بحالات ساعات ابقى عادية جد ااااااااو ساعات اعيط جامد اوى
عارفة زى مابيقولو سارقانى السكينة
الحمد لله
ربنا يصبرنى ويصبر امنية ويعدى الموضوع على خير ويرزقنا الحمل السليم والذرية الصالحة

دينا يا حبيبتى انا اكتر واحده دلوقتى بجد حاسه بيكى وانتى فاهمه كدا لان حالتك زى حالتى تقريبا مع اختلاف انى انا كانت نسبه الهرمون بتعلى وبرضه مفيش نبض
بصى عامة ربنا لسه مأردش يرزقنا دلوقتى وان شاء الله فرجه قريب علينا كلنا
بس عايزه اقولك حاجه بالنسبه للعمليه انا كنت قلقانه منها فى الاول بس لما عملتها لقيت انها مريحه جدااا عن ان تاخدى برشام ينزل البيبى
انتى عارفه انى من اسماعيليه انا عندى اتكلفت 850 جنيه بالمستشفى بكل حاجه
وكانت بنج كلى وبتكونى صايمه قبلها انا صمت زى صيام رمضان من الساعه 6 الصبح والعمليه اتعملت تقريبا عقبال ما الدكتور جه على 11 ونص او 12 كدا
والعمليه مش بتاخد وقت خالص الى معايا قالولى انها بالظبط ربع ساعه وكنت طلعت والدكتور قالى هينزل منك حاجات خفيفه كداا وبعد كدا الدم هيزيد هيكون دا دم الدوره
وادانى مضاد حيوى ومسكن وقت اللزوم وغسول مهبلى سيتيال
بس الحمد لله لحد دلوقتى محتجتش المسكن
هما بعد العمليه بيدو مسكن ولما بتفوقى ممكن يدوكى واحد تانى وبتروحى فى نفس اليوم انا يومها روحت ع بعد العصر كدا كنت فى البيت

ولازم يتعمل تحليل للسقط دا ابقى فكرى الدكتور لو عملتى العمليه او معملتيهاش لازم يتعمل تحليل للسقط عشان يتعر ف السبب



بس عايزه اقولك حاجه
روحى لدكتور تانى وتالت وروحى لمركز اشعه نضيف اتاكدى من عدم وجود النبض لان ممكن يكون الحمل حصل متاخر الله اعلم بس تبقى عامله اللى عليكى كله ولو قدر ربنا ان زى الدكتور بتاعك ما قال يبقى شوفى هيعملك ايه
وربنا عوضك يارب واذكرى ربنا كتير وقولى اللهم اجرنى فى مصيبتى واخلفلى خيرا منها
ربنا يصبرك ويصبرنى ويرزقنا يارب



انا عملت تحليل السقط والدكتور قال ان الحمل حويصلى وانا طيبعا مش فاهمه يعنى ايه ولا نظامه ايه دا بس قال ان لازم هرمون الحمل يقل وهيعمل متابعه لتحليل الهرمون ف الدم وف البول لحد مايوصل زيرووو
لما اروح للدكتور يوم السبت هابقى افهم بقى
دعواتكم ياحلوين

ومبروك الجزء الجديد يارب يبقى فيه اخيار حلوه يارب

السلام عليكم
ازيكم يا بنات
مبروك علينا التجمع الجديد
و يارب يارب يااارب كلنا نحمل فيه بحمل معافى و سليم و ثابت يااارب

دينا حبيبتى
قدر الله وما شاء فعل
بجد انا حاسه بيكى اوى والله وقلبى واجعنى عليكى اوى
بس يا دينا لازم يبقى عندك ثقه فى الله ان ربنا هيعوضك خير باذن الله تعال

وان شاء الله خير
طب يادينا كان بيكون سبب الاجهاض قبل كده ليه
وهو انتى لازم تحملى بالمنشطات ولا عادى
و ليه مش تجربى مثلا تلقيح صناعى

انا اسفه على كل الاسئله دى
حشريه انا اوووووى

امبارح رغايه و النهارده حشريه
ربنا يكون فى عونكم انكم مستحملينى

براديس
ايه اخبار الجلاش
هاتى حته ههههههه

حبيبتى
انا اشتريت منها اكياس الضغط
بصراحه هى حلوة اوووى بس فى كام كيس عندى رجعوا اتنفخوا تانى مش عارفه بقى مش قفلاها كويس ولا انا حاطه فيها حاجات كتير
وجبت منها شباصه و شامبو وكريم بالكراتين
واختى جابت حاجات كتير منها برضو بصراحه
وبالنسبه لاسعار هى معقوله بالنسبه لمصر علشان الجمارك وكده
لكن طبعا لو قارنتى الاسعار بالحاجات نفسها بس تاجرة فى السعوديه ارخص طبعا بس مين يجيب لنا من السعودية بقى وهكون التكلفه متقاربه خالص