لمة الليبيات لشهر رجب 1431 - 2010 م

عروسة الاميرات;12533751:
بنات والله اقتنعت ان الدنيا اخرتها موت بكل

اليوم صارت جريمة انقتل فيها شاب فى عمر الزها ومن عائلات بنغازى المعروفة

قتله واحد مصرى حقير حسبى الله ونعم الوكيل

تنكدت بكل يا بينات

حياتي ليبيا;12534832:
يا سمحات سبها بنوصي علي بخور شن احسن الانواع عندكم؟؟

العروسة السمحة;12534870:
السلام عليكم
كيف حااالكم يا سمحات

واني نسال نفس سؤالل حياتي(منورة يا حياتي فكرتني في البخور)
نبي بخور وخمرة المسك وكريمة بالمسك نبي الاسعار
وين المكان الكويس

العروسة السمحة;12534950:
نبي من سبها محلاه بخورهم
ولا الكريمة بيضاء حلوة ريحتها وعندهم خمرة بالمسك خاطري فيها

حياتي ليبيا;12535018:
زيك حتي اني نهبل فيهم زززتعجبني الخمرة لكن قالو تحرش الشعر مجربتيها؟؟

عروس فزان;12535087:
مساء الخيرات يا سمحات كيف احوالكم انشالله في صحة و عافية
الحلوات اللي يسالن عن البخور رغم اني من سبها لكن الحق ما نعرف كل الانواع لكن انخبركم ع اللي نعرفه عندكم المعسل و الظفر و قبقب و المفشفش والله انواع واجد و الخمرة عندكن مشالله و ضروري اديرا ليك وحدة انتي اتكوني عارفتها احسن من تشريه جاهز الحق بعض الناس ربي يصلحهم ايغشوا فيه بذات الظفر مرات ما ايتنظف مزبوط و بعدين ريحته اتوالي يا لطيف اتقولي حاطا شعر حشاكم في النار مش بخور و انشالله عن قريب انزيد نسال امي اكثر يعني الحكاية انك اتوصي واكثر شي عن العايدات والله ايديرن فيه بخور مش عادي و حتي امهات البلاد مشالله بدن ايخلطن في البخور و ينطبق الكلام هذا حتي ع الخمرة

حياتي ليبيا;12535119:
تسلمي لكن مفهمتش شن تقصدي العايدات

العايدات معناها اللي جايات من تشاد والنيجر
يعني فيه ليبين واخذين منهن ولما جابوهن لليبيا
طلعو مهنتهن

عروس فزان;12535138:
والله يالعروسة السمحة كلام صح اني خمرة المسك اعيوني امي جايبتها قريب انكملها و ريحتها حلوة حلوة لكن خمرة الشعر هذه ما انحبها بكل انحس فيها حاجة و الله مانعرف شنو انقول اتخرب في الشعر و اتخلي في ريحتا ماتعرف شنو المهم حاجة ادره في الكبد اجنوني و سكوني يوم انشمها اني امي اتوتي في جو البخور اتقول امحددين الفرح واني ماني عارفة

رموسة الحلوه;12535171:
بنات الخمرة هيا نفسها الجدره؟؟

عروس فزان;12535229:
طبعا يا حياتي لجسم لانها زي الكريمة مش سايلة انشالله بكرة انصورها ليكم و اتشوفوها كان زايد فيها حاجة و ع العموم هي مسك وحاطين معا عطور زيتية في الصيف اتولي كيف السايلة لكن مش بكل تقعد شادة روحها

رموسة الحلوه;12535404:
غير ماتضحكيش عليا ياعروس فزان لانى ماعرفتش نفرق بين الخمره والجدره لانه اصلى من الجنوب وساكنه فى طرابلسF:

عروس فزان;12535463:
اهلا بيك تعرفي ماضحكت لاني حتي اني مانعرف في جو الجدرة لاني الحق ما انحبها و حتي الغالي فرحني يوم قالي ردي بالك اديريرها لا نعرفك و لا تعرفيني يعني عمتي ما فيها ما وتتها

نانسي علي;12536893:

هبوش

واجعتك الارجنتين
كأس العالم هالسنة كله مفاجأت
ام حمد
ههههههههههههههه
زعما اتجوزز من ورانا
كيف حالك يا حبوبة وربي يخليلك وليدك
حبوبة خالودي
وينك اليوم
لكل الحاضرات والغائبات اللي تعرفت عليهم واللي ماتعرفت عليهم
أحبكم في الله
ان شاء الله بكرة نتلاقو كان حيانا الله طيبين
في حفظ الرحمن