لمة الليبيات لشهر رجب 1431 - 2010 م

عروس فزان;12535087:
مساء الخيرات يا سمحات كيف احوالكم انشالله في صحة و عافية
الحلوات اللي يسالن عن البخور رغم اني من سبها لكن الحق ما نعرف كل الانواع لكن انخبركم ع اللي نعرفه عندكم المعسل و الظفر و قبقب و المفشفش والله انواع واجد و الخمرة عندكن مشالله و ضروري اديرا ليك وحدة انتي اتكوني عارفتها احسن من تشريه جاهز الحق بعض الناس ربي يصلحهم ايغشوا فيه بذات الظفر مرات ما ايتنظف مزبوط و بعدين ريحته اتوالي يا لطيف اتقولي حاطا شعر حشاكم في النار مش بخور و انشالله عن قريب انزيد نسال امي اكثر يعني الحكاية انك اتوصي واكثر شي عن العايدات والله ايديرن فيه بخور مش عادي و حتي امهات البلاد مشالله بدن ايخلطن في البخور و ينطبق الكلام هذا حتي ع الخمرة

عروسة الاميرات;12535092:
سامحونى يا بنات على الخبر المفجع والله

القاتل مصرى والمقتول لعت عبده اسماعيل وهى عائلة معروفة فى بنغازى

يا بنات ادعوا لاخوه الاخر فى العناية المركزوة

المصرى الحقير سلم نفسه للشرطة وهو صاحبه

عروس فزان;12535138:
والله يالعروسة السمحة كلام صح اني خمرة المسك اعيوني امي جايبتها قريب انكملها و ريحتها حلوة حلوة لكن خمرة الشعر هذه ما انحبها بكل انحس فيها حاجة و الله مانعرف شنو انقول اتخرب في الشعر و اتخلي في ريحتا ماتعرف شنو المهم حاجة ادره في الكبد اجنوني و سكوني يوم انشمها اني امي اتوتي في جو البخور اتقول امحددين الفرح واني ماني عارفة

رموسة الحلوه;12535171:
بنات الخمرة هيا نفسها الجدره؟؟

حياتي ليبيا;12535192:
خمرة المسك هادي لشنو للجسم؟

عروس فزان;12535229:
طبعا يا حياتي لجسم لانها زي الكريمة مش سايلة انشالله بكرة انصورها ليكم و اتشوفوها كان زايد فيها حاجة و ع العموم هي مسك وحاطين معا عطور زيتية في الصيف اتولي كيف السايلة لكن مش بكل تقعد شادة روحها

عروس فزان;12535263:
العروسة السمحة كيف متصل الان و اسمك مش معنا

عروس فزان;12535289:
انشالله ربي ايكملك ع خير المهم اتكوني واثقة من اللي بيديروا ليك احسن ما تنغشي فيه و اتحطي دم قلبك ع الفاضي لان الحوايج ابروحهن ايهلكن الميزانية تعرفي كيلو الظفر الاصلي 300 و المقلد 150 دينار