مقهوره تزوج علي.

ربي يصبرج ويفرج عليج

السلام عليكم ..

يا اختي ما عندي كلام اكثر ازيده على كلام اخواتي وخصوصا المشرفات..

ولكن عندي نقطه احب اوجهها للجميع ... خروج المرأه من منزلها هو انتصار لاهل زوجها وترك مساحه لاهل الزوج بإنهم يلعبون.. بعقل الزوج.. وتحرضيه ... دون حواجز..

في نظري خروجك من المنزل هو المسبب الرئيسي لما حصل ... ولكن الي اقدر اقوله لك يا اختي انك لم تخسري زوجك ... ولو زوجك ما كان راغب بالزواج الثاني ( من الاساس ) ما فكر يتزوج مهما كانت الضغوطات ....

ما علينا .. الي عليكي الحين ان ترجعين البيت .. وليس انهزام لك وانتصار لهم .. بالعكس انتي بترجعين انقاذا لحياتك الزوجيه ,, ولم الشتات ... واحرصي كل الحرص يا اختي ... ان لا تجادلي ولا تذكري زوجته الثانيه ... ولا تحطين راسج براسها .. ولا تقارنين.. حتى لو حصلت بينكم مشاكل ...

ولو شعرتي بالنقص او بعدم العدل .... حاول لفت نظر زوجك .. بطريقه ما تحسسه انك غيرانه من زوجته الثانيه .....

الله يسهل عليج ان شا ءالله ويفك همك وكربك..

ام جنى

اختي الزواج الثاني مو نهاية الحياة وواصلي حياتك عشان عيالش

بنات الناس ماترحم مايتعبون من كلام الحين اللي عرفته انه مفهمين أهل العروس انه من سنة زعلانة وطالبه الطلاق والله انقهرت بنات وخبرته قال انا رجال وحلال على اتزج مو لازم أطلع عنك كلام سألوني عنك قتلهم انك عند أهلك محد همه وجودك الناس شارين رجال واللي يقهر محسسني ان أهله مايخصهم بشي معمي على عيونة بس انا الغلطانة دايم.
والحين مايبغي يجي يكلم أبوي يقوله انة شاريني وأبوي مصر انة لازم يجي عنده علشان أطلع من بيت أهلي معززه وغير كذا لا تجين تشتكين منه اذا بتروحين معاه بدون كلام رجال لأنة راح يهينك وبيحس انك ضعيفه وماوراج حد تعبت والله زوجي قاسي ومعاند وأبوي بصراحه معاه حق.
بنات الحين أبغي ملابسي بس ما أبغي ادخل بيتهم أحس انهم أهانوني عند الكل يتكلمون عني الا زوجي قدامه انا الحبيبه ومحتاره أروح ولا لا رغم زوجي رافض حد يدخل غرفته يقول أنتي تعالي شلي اغراضك غير كذا لا ورافص يلم اغراضي لي ويقول اذا مادخلتي بيت أهلي مابدخل بيت أهلك شو أسوي بنات.
وبعد يقول تفي بوجهي اذا بيتك ماكان معفن وكله صراصير لأنك مو راعية بيت والله قهر ليش انا بنظره كذا.
بنات أنا تعبانة والله كريم ماينسى عباده ادعولي الله يفرج همي.

حاولي تغيضيه بس بطريقه ذكيه .. يعني حسسيه بتأنيب الضمير على سواه ..



رجعي معاه .. وحاولي تملكيه .. وغيضي أهله وزوجته .. وخاصه أنك أنتي أم ولده البكر ما هي ..


حاولي أبدا ما تنكدي عليه .. دوم حسسيه أن هالبيت مكان لراحته .. وأبدا لا تذكريه بزوجته أو أنك تغاري منها أو شيء .. خليه ينساها تماما وهو معاه .. لا تذكريها لا بزين ولا بشين ..


والله ييسره لك يارب..وخليك كووووووووووووووول

بنات محتاجة نصايحكم شو أسوي محتارة رضيت بالضرة بس المشاكل ما تخلص وان شاء الله بثبت له أني موا نفس الكلام اللي ينقال وبخلي يحس انه كان ظالمني بس الحين أهلي رافضين أروح بدون ما يجي عندهم وبين انه شاريني تعبت من غرور زوجي احس عقله صغير .
بنات ماحرمتهم حتا من ولدي يروح عندهم ويقعد بساعات لأنه طفل بس لما يروح أحس بخنقه بذات انه يسحبني يبغيني اروح معاه بس الله كريم وما أقول غير حسبي الله ونعم الوكيل عليهم.
بنات أبغي نصايحكم والله يوفقكم يارب.

الحريم هم ساس تدمير لبيوت ..
شوفي ذا تحبينة ارجعي لبيتك وربي ولدك وحاولي تعيشين طبيعية ..
ترى مو انتي اول وحدة يتزوج عليها زوجها ولا آخر ..
اشغلي نفسك بشي يفيدك وانسيهم .. تلاقين زوجتة الثانية امنيتها طلاقك ..
لاتفرحينها فيك ..

بنت عجمان;12376978:
بنات محتاجة نصايحكم شو أسوي محتارة رضيت بالضرة بس المشاكل ما تخلص وان شاء الله بثبت له أني موا نفس الكلام اللي ينقال وبخلي يحس انه كان ظالمني بس الحين أهلي رافضين أروح بدون ما يجي عندهم وبين انه شاريني تعبت من غرور زوجي احس عقله صغير .
بنات ماحرمتهم حتا من ولدي يروح عندهم ويقعد بساعات لأنه طفل بس لما يروح أحس بخنقه بذات انه يسحبني يبغيني اروح معاه بس الله كريم وما أقول غير حسبي الله ونعم الوكيل عليهم.
بنات أبغي نصايحكم والله يوفقكم يارب.

تبين نصيحتي انا مع اهلك ..
يجي وياخذك وتحسين انة فعلا يبيك وشاريك ..
اللة يصفي النفوس ياقلبي ويريح بالك

يارب تفرج همي ياحبيب والله زوجي عقله صغير الله يهديه ولا يسامح من خرب حياتي .
حسبي الله ونعم الوكيل عليهم ادعولي بنات ان يغير رايه ويحنن قلبه ربي ويجي عند أهلي والله اتمنى اكبر بنظر أهلي ويحسون ان زوجي يحبني.

دعواتي لك يالغاليه ولا تيأسين من زوجك حاااااولي تغيريه اول شي بالدعاااااااااااااااء ولا تنسي اليوم الجمعه الحي بالدعاء تضرعي بخشوع لله


لا تيأسين من رحمة ربك

يارب تيسر لي وتفرح قلبي ياحبيب.
دعواتكم يا الغاليات.

الله ايفرج همج ويهدي زوجج وترجع الميه المجاريها دام انه ايحبج وشاريج يمكن اهله غصبوه على الزواج من وحده ثانيه عشان بس يكسرون قلبك مثل ما اخوج كسر قلب بنتهم والله ايعينك

اختي الله يكون بعووونج ويصبرج بس هذي مو نهايه والله ,,,
بس يعني لازم يجي لاهلج وقولي له هذي رغبه الاهل اذا انت فعلا شاريني ,,
برسل لج رساله على الخاص لو قريتها عطيني خبر ,,
تحياتي لج ...

بنات نفسيتي زفت كل يوم عن يوم اذبل زيادة مشكلتي أحبه وما أتخيل موقفي يوم زواجة والله يصبرني ولا اعتراض في ماكتب الله .

ربي يرده لكي ردا جميلا ياارب
وتحسبي وعليكي بالاستغفااااار انا اعرف وحده تزوج زوجها عليها وشوفي من شهرين رجعها بمهر وشبكه وعرس شكبره وهي حاامل الحين ماشاء الله^_^

وينك من الاستخاره مهما حكينا ما الك غير الله استخيري وبيبين معك انشاءالله:023:8o|

مافهمت المشكله
الحين انتي تروحي بيت اهلك وتقعدي هناك مده طويله اكيد بيحس بالتقصير وبيتزوج عليكي
انا فهمت المشكله بهالطريقه :hysterical: