مقهوره تزوج علي.

يسلمو بنات والله يعطيكم العافية كلامك كثير ريحني وشجعني ارجع رغم خاطري مكسور حتى ماودي بقربه بس علشان ولدي ولعشره بفكر بالرجعه.
بنات نفسيتي زفت ما أتوقع نفسي يوم عرسه أحس كأنه يوم مماتي باقي أربع أشهر اه ياقلبي الله يصبرني مجروحه من كل قلبي

ربي يعينج ويصبرج

رجعي وارضي ان يكون لج بيت بروحج
اهم شي ان زوجج يكون عادل بينكم

ادري الموقف صعب ما تقدرين تستحملينه ولا اصلا في وحدة تقدر تستحمله
بس صبري وطلبي الصبر من رب العالمين ترى لج اجـــــــــــــــــر كبييييييير

واذا خايفة من المقارنة خلج دايما واثقة من نفسج وخلي شخصيتج حلوة وذوق من داخل وبرى
صدقيني انه بيرد لج وبيقولج انه ندمان بس استعملي ذكائج للحفاظ عليه
وغيري اسلوبج اذا في شي مو حلو فيج غيريه للاحسن اقري اكثر عن المواضيع اللي تشبه موضوعج

شوفي شنو المفروض تسوين وشنو المفروض تتصرفين وشلون تصبرين نفسج
وربي يوفقج انشالله ويبعد عنج الهم ويمسح على قلبج بالراحة وطمنينا عليج اختي

قصتج نفس قصتي بالضبط بس الفرق انه طلقني ورجعني بس انا بعدني عند اهلي وهو خطب وبيتزوج بعد 4 شهور واللي خطبله اخته خطبتله ربيعتها في الدوام وانا عندي ولد واحد الله يحفظه لي انا ريلي طلقني عشان اخوي تضارب مع حرمته تصير اخت ريلي وقام الحبيب وخطب عشان يادبني والحين قاعد يبهدلني في المحكمه عشان ما اطالب بحقوقي وع فكره شهر 7 بكمل 4 سنوات من القهر معاه ومع اهله الله ينصرج حبيبتي انا حاسه فيج والله بس هالاشكال ما تستاهل نقهر اعمرنا عشانهم صدقيني

يسلمووو على الردود
الله يصبرني أدري مايستاهل اقهر نفسي عليه بس بعد عندي أمل انه راح يكون لي انا وبس وهي مثل مادخلت حياتنا بسهوله بتطلع باذن الله بسهوله .
بنات انا عندي امل لأن حياتي كلها مشاكل وتوتر من تزوجنا وتطلقت اخته حتى ماكملت سنة طلبت الطلاق وقعدت على قلبي هي وامها يخربون حياتي يمكن بالبعد اقدر اتقرب من زوجي اكثر والله يزيد المحبة بينا يارب ويبعد عنا الحساد.
والله يوفقكم يارب .

الله يعينك ويصبرك صلي استخارة احسن

الله يعينك ويصبرك

ربنا يصبرك يا قلبي ويفرج عليك

الله يكون بعونك ويصبرك انا اقول ارجعيلة مادام يحبك .. ماتدرين يمكن زواجه الثاني من تحت تاثير امه واخواته وانه تزوج من غير قناعه بس ارضاه لامه ولاخته عشان ينتقمون لانه لو مقتنع ماقال لك احبك وردي ويترجاك .. ان شالله يسير امورك ويبعد الشر عنك ..

انا مع نصيحة اختي دقات قلبي في نصيحتها تقولين شاريك ...اوكي طلبي منه سكن لك و لإبنك واتمنى انه يكون قريب من بيت اهلك ... عشان المشاوير ... وإذا علاقتك مع اهله تعبانه حيل وانتي خلاص كارهتهم ...قولي له ولدي يروح بيت اهلك مره في الاسبوع بشرط يكون معاك ...عشان محد يغلط عليه ..او يعايرونه ...او اي شيء ... ونفس الشيء لا ترضين اي حد يقول كلمة غلط عن زوجك في وجود ابنك ..ولا تغلطين انتي عليه ...مهما يكون هاي ابو ابنك...وإذا غلطتي انتي على ابوه راح يحملك انتي السبب في زواج ابوه من وحده ثانية ..او طلاقك منه .. وصدقيني اول ما راح يكبر راح تلقينه يبتعد عنك ... فحبه حبه ...

والغلطة غلطة مشتركة بينكم ...حبيبتي اذا كنتي مشتاقة لاهلك فعلى الاقل انتي تشوفينهم في الاسبوع مره غيرك مايشوف اهله غير في السنه مره هاي إذا قدر يشوفهم ... انتي تزوجتي خلاص وطلعتي من بيت اهلك ...المفروض يعني تركزين في بيتك ...يعني امك كانت كل اسبوع تبات في بيت جدتك ...ما اعتقد ...

اما عن طلاق بنت عمتك من اخوك فالزواج قسمة ونصيب وإذا زوجك ما حط لهم حل من البداية ووقفهم عند حدهم هاي بروحها غلطة كبيره ... هم شكلهم عاوزين يقهرونكم ..بكل بساطة وحده بوحده فيعني اذا تطلقتي اهم انتصروا ..وما اعتقد انك راح تتركين حياتك وحياة ولدك لعبة بين ايديهم ... فحاولي قدر ما تقدرين انك تلمين بيتك وماتخربينه بيدك... تزوج تزوج القضية مش قضية زواجة بوحده ثانية ...القضية انتي تتوقعين لو تطلقتي منه راح يترك ولدك لك ..لاء ..راح ياخذه ... عناد ..نحاسة ...يمكن اهله ينغصون عليك في ولدك ..ويقولون له هاي ولدك كيف تتركه يروح ويربى بعيد عن عيونك ..ومن هاي الافلام كثير ...

وانتي وحده ذكية ..تقدرين تكسبين زوجك مره ..لانك انتي تعرفين شنو الي يحب والي يكره...عشتي معاه ..اما هي فما تعرف عنه اي شيء غير الي خواته واهله يقولون لها عنه ... فلعبيها عدل ... واي حد يقول لك تطلقي منه ..وخاين العشرة ..ومادري شنوا ...تأكدي هم يقلون الكلام بدون اي فكر ... وتذكري كل واحد منهم بيرد بيته في اخر اليوم ...وانتي بتمين بروحك ...

يسلمو بنات على النصيحة والدعوه الحلوه .
بنات تخيلوا يبغاني ارجع بغرفتي لين يحصل لي شقه بصراحه رفضت لأني مجروحه منهم ومقدر أشوفهم حتا أغراضي لو حصل شقه بخلي عمتي تلمهم لي لأني ما أريد أشوفهم بس بشقتي مابمنعهم يدخلون حياهم بس ادخل بيتهم لا بصراحه رفضت وهو حسيته زعل بس ماتفرق معاي.
بنات قهرني يبغي يسافر مع العروس بس انا اعتبره ظلم لأنه ماسفرني ولا حتا فكر بيوم نرقد بفندق فقلت راي ما عجبه كل شي يقول لي لها حق فيه ومحد أحسن من حد فكيف راح يسفرها بنات انا بسافر مع أهلي مضايقه ومن زمان يدري والحين يبغي يربط كل شي فيني فيها ظلم.
بنات كان حابسني رغم عندي لسن فالحين طلبته اسوق رفض رغم السواقه مهمه لانه ماراح يتواجد دايم معانا بس يقول لا ماعندك محرم قعدي بالبيت برجع لحبستي بين الطوف وزوجته تشتغل وتروح بتكسي يقول مافي حد أحسن من حد تعبت معاه الحين أقوله تعال كلم أبوي علشان ترجعني ويكون كلام رجال يقول ليش بخطب بيموتني.
بنات مدري معاي حق ولا لا وبذات انه يجي يكلم أبوي لأن أهلي زعلانين منه حتا ما بينهم سلام ودعواتكم يا الغالين .


























0
0


0

والله حبيبتي هو قال بيحطك في بيت بروحك ...خلاص ...اما انج تتنرفزين من كل كلمة يقولها ...انتي عطيتيه خبر شنو المفروض يسوية وخلاص الكورة الحين في ملعبة ..يبيج بيحطج في بيت بروحج ..بيجي وبياخذج من بيت ابوج...خلاص هاي الواقع ..واذا قال كلمة ..مثل باجي اخطب ضحكي ..وقولي له تتوقع ابوي بيرضى يزوجني اياك ..وعطيها حياة وردية ... اما عن السواقة فهاي خليها بعدين اما عن شهر العسل والسفر خليها على اثر رجعي...كل ما قال لج شيء .. قولي العدل احبك تكون عادل ... ولا كلمة زايده ولا انت مش عادل ...وايش دراج يمكن ترجع من شهر العسل لين بيت اهلها ...ياما ناس تهاوشوا وتطلقوا في شهر العسل ...على الاقل تكونين كسبتي بيت بعيد عن اهلة ..

الله يعينج
لوبتردين لاتردين عند امه وزوجته
خليه يسويلج بيت الحالج وبعيد عن اهله
ومنعيهم من الزياره صدقيني بترتحين من المشاكل

حبيبتي الله يعينك ويصبر قلبك حاسه فيك والله قلبي اتقطع لانه امر ليس هين لكن تدكري اننا في دار مؤقته الا وهي الدنيا ودارنا بادن الله هي الفردوس الاعلى حبيبتي اتركي عاطفتكي على جنب واجعلي هدفك هو تربية ولدك كي يطلع رجلا صالحا اهتمي بولدك كتيرا فا والله نفسية الطفل البعيد عن ابويه اكتر الما مما انت فيه لدلك اتخدي قرارا بالبقاء شرط ان يجعل لك سكنا كي تتفادي المشاكل واجعلي هدفك في هده الدنيا ارضاء الله حتى تهون عليك كل المصائب وجعلي هدفك التاني تربية ابنك واطيعي زوجك لاتقولي يستاهل ولا مايستاهل فانت تريدين ارضاء الله فقط نحن راحلون عن هده الدنيا متوانا قليل كام سنعيش بالله عليك لدلك علينا ان نصغر الامور مهما كبرت وعشي حياتك كانها اخر لحضه في حياتك لاتدمني التفكير والله ولي التدبير
ساتاجرين اختي احتسبي الاجر وقولي يالله لاجل فقط ساصبر فاعوضني خيرا

والله ماعرف شاقول لج :( بس الله يصبرج و يفرج همج ان شاءالله

اختي الفاضله
ربي يعينج على مصيبتج
شوفي كل الي بينقال هني كلام يمكن يعجبج ويمكن لا
انتي في النهايه حكمي قلبج وعقلج معا
واذا تبين نصيحتي خذي رضوتج (البيت ) وارجعلي لابو عيالج
واعتبريها مب موجوده اصلا
وعيشي حياتج مع زوجج
ولما يشوف السعاده معاج بيخلي غيرج
لا تتركين المعركه وتسلمين لها ولا تقدمينه على طبق من ذهب
هي الود ودها الحين انج ماترضين عشان تفوز فيه
ارضي وحريها
وحاولي ترجعينه لج

وموفقه

لا تردين بيت اهله
شوفي هو المحتاج مو انتي !

تقولين عشرة 5 سنوات ! عشرة حب وما اعرف ايش واخر شي يتزوج عليج !
والله خوش عشرة صج انه يقولون الحب ما يكن الا للزوجة الاولى
بس بعد الجرح اللي ياج منه كبير واايد
لا تنتازلين عن اي حق انتي تطلبينه

مثل ما يسوي للزوجة الثانية يسوي معاج انتي
ولا اهي احسن منج !

انتي تقولين ما سفرج ولا خلاج تسوقين ولا لا ... اشياء وايد منها حبسة البيت
وذيج الثانية مسوي لها كل شي عكسج ! ليش انتي طايحه حظ واهي عالي شانها !

فديتج الزواج بالاربع حلال ان كان يعدل بين الاربع
وانتي تقولين متزوج عليج لازم يعدل بينكم انتوا الثنتين ولا بيكون ظالم اذا قصر بحقج
وزاد من حقها

انا اقول ان قالج شي ارفضي
الا اذا عززج وكرمج ببيت بروحكم وغير جذي يخليج تسوقين ترى الرخصه مهمه لا حصل شي
ساعتها مو موجود هو بالبيت
كلميه افرضي عليه شروطج ما يبيج واعترض بكيفه
ربج ما ينسى عبده