خيانه زوجيه خايفه من نتائجها

الله يعينج

اختي الغاليه :
والله ما ادري كيف ابدى بس احنا في حياتنا نغفل اشياء كثيره احيانا يكون امرها كبير .
شوفي عزيزتي اذا هو كما قلتي يخونك ولا والادهى والامر من كذا هو مو جالس يخونك جالس يخون الله عز وجل في هذا الفعل وغير هو انه انسان ماهو مواظب على الصلاة ما ادري ما فيه احد من الاخواة ولا الاخوه انتبه لهذا لان الصلاة اذا تركها المصلي ثلاثة اوقات متعمد كفر وبعض العلماء شدد في هذا وقال من الفرض الواحد فما بالك وهو احيان يصلي واحيان لا كذا حياتك تكون معاه حرام والله حرام واصلا ينفسخ العقد اللي بينك وبينه لانه تارك للصلاة وتارك الصلاة كافر والكافر لا يتزوج المسلمة انتبهي يا اختي الله الكل من الزوجات ما ينتبهو الى هاذي المسأله مع عظم امرها واعرف والله العظيم ان كلامي مره قوي بس الله يعينك على الابتلاء وانا اختك ترى الرجال اذا هذا امره وش تبغين فيه والله الغناة عنه احسن واطلعي منه واقدمي اصلح لحالك وحال ابنك واستخيري وانتي جارت الحرم وش تبغين احسن من كذا والله الله بالدعاء وفكري بكلامي مع قسوته(آسفه)

السلام عليكم ورحمة الله وبركاتة


الاخت ام مسلم ......

طبعا الاخوات والله ما قصروا في كل حلولهم .....خاصة الدعاء
انت دائما ابدا بالدعاء ودوري مع الدعاء وانتهي بالدعاء .....


ليش ما تجربين اسلوب الوعظ ((((وعظهم وقل لهم في انفسهم قولا بليغا )

انه ما يجوز محادثة الحريم ...و ان الدنيا دواره الا يسويه بنات الناس لازم يشوفه في اهله ...وانت دايم حقري من شان هذه المره ةانها من قلة ادبها ما صانت بيتها ....وخااااائنه لزوجها ....خليه يتخيل لوان احد من اخواته سوت كذا ايش يكون ردة فعله ...ما راح يرضى ...
لان من اسباب دخول المراة الجنة صيانة بيت زوجها ....

وفكره انك تتصلين عليها او احد من صاحباتك هدديها انك تقولين لزوجها
وتفضحينها ... ترى الاشكال هذي خوافين كوني انت قوية :up:

بصرحة لابد انك تكوني صاااااااااااارمة جدا حتى هو فضيحه عليه لو الناس تدري عنه بهذا السن ومتزوج وعنده طفل وبعد يسوى مثل المراهقين

فشيييييييييييييله عليه ....................



محبتك على الدوام ....تكفين نبي نعرف ويش صار معك ؟؟؟؟؟؟؟؟؟؟؟


:shy:

اختى

قبل اى شىء..هل تعتقدى انه متزوجها؟؟؟؟؟ لابد من معرفة ذلك
و لابد من ان تخبرى احد مما تثقى فيهم بما يحدث ليكون على دراية فى حالة انك قررتى تاخذى اى موقف

ثم

يجب عليكى ان تفعلى كل ما فى جعبتك لكى يوقف مكالماته لها...غيرى من شكلك من شعرك من اسلوب كلامك....ابذلى مجهود و اذا لم يأت كل ذلك بنتيجة..اتبعى الاسلوب الاخر..الجنون...جننيه.....اجعليه يغير عليكى....يشعر انك جميلة و مرغوبة و انه اذا فقدك سيندم ...اشعريه انه اذا كان فعلا بيخون لن تزعلى على فراقه لانه لا يستحق......

حاولى ان تديرى الامور الى مصلحتك انت.......اشغليه....

لا ادرى و لكنى لومكانك كنت اجننه...كنت اهمس و انا اكلم صديقتى بالهاتف و لو سألنى ارد عليه مثل ما يرد هو عليا...سأشعره بالقلق و لكن بحدود لكى لا اخسره...والله معك

اسمحيلي أختي أم مسلم أرد على الأخت الأزبيث
فعلا ترك الصلاة شي كبير وكبير جدا .. لكن لايصح أن نكفر الناس .. وقال العلماء ترك الصلاة كإنكار لها هو الكفر أما تركها كتكاسل عنها يعتبر معصية وكبيرة ولكن ليس كفرا .. وهنا يتوجب النصح والارشاد لهذا الشخص عل الله سبحانه أن يهديه للطريق الصحيح..

عزيزتي أم مسلم .. اتصلي بهذي المرأة .. وهدديها بفضحها .. خليج قوية عشان تحافظي على بيتج وريلج .. وكلمي ريلج ووعظيه وذكريه بابنه وقولي له هل إنت تريد إبنك يسوي اللي أنت تسويه؟؟ كيف لو كبر الولد وشاف أبوه يخون أمه؟؟ :mad: وقتها بيقل احترام الابن لأبوه ولأمه وبالتالي بيقل احترامه للجميع..
عزيزتي خذي موقف من ريلج .. قولي له طول ما إنت على علاقة بهذي المرأة بيكون قلبي مكسور منك ولا بقدر أكون لك الزوجة المحبة الحنون اللي تلبي لك كل مطالبك عن حب ورضا .. أنا ما بقصر بحقك مثل ما إنت تقصر بحقي وتخوني .. لكن بتكون حقوقك كواجب زوجة جامدة بلا مشاعر .. مجرد آلة تلبي مطالب زوجها بدون مشاعر ..
حاولي فعلا تبيني له إن قلبج مكسور منه وإن الحزن باين عليج حتى في أسعد لحظاتكم .. ابكي قدامه بقلب دامي مجروح مكلوم حابس الضيم وساكت عنه لكن فضحته الدموع.. :confused: وإذا سألج قولي له كل ما أكون معاك في أسعد لحظاتنا تدخل هاي الحرمة وتجرح قلبي السعيد بقربك .. وتقلب سعادتي ألم وتعاسة .. وإذا كان فعلا يحبج بيحاول ما يجرحج ويبعد عن هاي الحرمة شوي شوي .. حتى لو طالت الفترة .. وإنتي عليج بالصبر والاحتساب عن رب العالمين لين ما يخلص منها نهائيا .. وحاولي بقدر الامكان إنج تغيرين في روتين حياتكم عشان يلتفت لج أكثر وذكريه دايما بلحظاتكم السعيدة اللي تجرحج فيها هاي الانسانة اللي بلا مشاعر وتحاول تكمل النقص اللي عنده بدمار بيت ثاني ..

أتمنى أكون أفدتج وربي يوفقج ويرجع لج ريلج .. ويحل مشاكل جميع المسلمين ..

:eek2: :mad2: اختي العزيزة اولا ابتدي بالدعاء مثل ما قالولك الاخوات بس اختي اتصلي على هالمراه وكلميها وقوليلها اذا ما تركتي زوجي تري والله افضحك الصراحه هذي وحده قويه عين وماتستحي ولاتقولين ماتقدرين تبين تبعد عنك سوي اللي قلتلك عليه اتصلي عليها وقوليلها تري بعلم اهلك واعرفك زين و بفضحك عند اخوانك تري الفواتير عند ي وبس هذا الا ول .
وبعدين لازم توقفين ريلك الصراحه انا اسفه بس مايستحي قدامك ويدري انك تعرفين ولا يكلمها هو مش مفتكر فيكي تدرين ليش لانه يدري انك بتصيحين وبتسكتين قوليله لا اذا ماتركتها تري بفضحك جدام اهلك وبخليك ماتسوي فكر عدل يانا يا هالمراه اللي ماتسوا ظفري وقوليله شوف انا اعرف كل شي وتري مب خايفه منك اذاانت ماهانت العشره عندك اربع سنين وصرت ابوا ولحتي الحين المراهقه فيك اساليه ليش هي مو قادر يتركها وش عندها وانتي ماعندك ولا تخافين منه قوليله تري اللي يبيعني ابيعه لا تسكتين عنه الصراحه انا وحده انقهر لما وحده تشوف رجلها يخونها وتقعد تصيح وتسكت انا لو منك اتصلها واسبها سب واقولها ان ماتركتي زوجي لافضحك وزوجك لو منك اكسر تلفونه وان صارخ على اصارخ عليه عشر وما اسكت عنه و اقوله شوف انت خذتني من بيت ابوي مش من الشارع واذا كنت موقادر على افراقها ليش عجل جيت وخطبتني وتري بفضحك ولا بخاف منك و لامن غيرك شوفي اختي هذا رايي وتري الرجال ماينفع معاه اللين والصياح لازم توقفين وقفه وتكلمينه ولا تري بقولج بتركها ومن وراكي يكلمها والله يعينك ويعين كل وحده تعاني من هالمشكله :smile::smile:

السلام عليكم ام مسلم الله يكون بعونك بس يا عزيزتي الصراحة راحة اجلسوا يوم مع بعض وانتوا رايقين طبعا وباسلوبك افتحي الموضوع بطريقة غير مباشرة =شوية لف ودوران واستخدمي الفاظ منمقه يعني اذا هو يحبك ليش يلعب على الحبلين كلميه مرة ومرتين وثلاثة وترى كثر الزن يجيب نتيجه واثلي عليه حبه وحسسيه انك منضايقه من هالشي وذكريه بحساب الله .وفهميه انه هل هو يرضى انك تسوي الي يسويه والله عيب وحرام تتعكر حياتكم بسبب زي كذه ولا تنسي عزيزتي اشتري اشرطة جاسم المطوع اسمها فن الحوار العائلي واسمعوه سوا او خليه بسيارته وصدقيني باذن الله راح يحس بغلطه وبيتغير انشاء الله.لا يغرك اسم الشريط لانه مضمونه روووعه.

عروس الدوحه .. شوفى والله انى وقفت وقفه صارمه وصارخت وقلت نفس الى انتى قلتيه وربى .. ولكن ماتركها صار من وراى وش اساوى اما بالنسبه لحلك انتى انى اكلمها شوفى حبيبتى ترا ان تركته هى راح لغيرها السالفه مو فيها السالفه فيه هو هذا الى لازم كل وحده عندها نفس مشكلتى تفهم الشئ ذا .. بعدين ثلاث مرا نفتح الموضوع بينى وبينه وبهواش وماتركها مو عارفه والله الحل وشو بعد اخر مره هدتته انى انفصل عنه لو رجع وشوفيه رجع الحين بس خفيف وانا حاسه ..


شعلوله ترا سالفه وانا اختك الف والدوران هذى اذا كنا ببدايه الحل لكن حنا وصلنا للاخر وماجاب نتيجه ..

ادعيولى الله يلهمنى الصواب ..

مااقدر اقول اكثر من الي قالوه الأخوات جزاهن الله خير ماقصروا لكن انتي اذا قدرتي تجيبي اسم صاحبة الجوال منه تقدري تعرفين اهلها وتخلي احد من اهلك يكلم اخوانها او ابوها هم اكثر ناس بيوقفونها عند حدها اذا ماقدروا يكلمون زوجها والله يعينك ويصبرك

اختي ام مسلم سأدلك على قول ان قلتيه وذكرتي بعده الدعاء استجيب لك والله باذن الله وهو موجود في صحيح البخاري

اذا استيقظتي من النوم من الليل قولي
( اللهم اني أسألك بأني اشهد انك انت الله لا اله الا انت وحدك لا شريك لك لك الملك ولك الحمد وانت على كل شيء قدير ، الحمدلله ، وسبحان الله، ولا اله الا الله، والله أكبر ولا حول ولاقوة الا بالله العلي العظيم ثم قولي ربي اغفر لي وارحمني ثم ( الدعاء الذي تشائين) وان صليتي قُبلت صلاتك باذن الله
احرصي عليه دائما فوالله ليس بعد الله مأوى ولا ملجأ ولا منتهى

انا رائى من راي البنات والاخ الي قبلي لازم لازم توصلين لهذي الحرمه وتوقفينها عند حدهاولا مو معقول كل ها الصبر انتي يا تفقدين زوجك يا تتجرائين وشوفي منتي خسرانه اهم شي ترتاحين انك سويتي الي عليك ولا شيلي ملابسك وعلى بيت اهلك وخليه يشبع فيها سورررررررررري بس والله من القهر انا لو منك والله ليله وحده ما قعد عنه اسمحيلي كلهم بجحين والله:(

الله يصبرك اختي ام مسلم
ادعي ان الله يفك ضيقتك ويهدي رجلك:)

من جد الله يعينك ويفرج عليك...بصراحه انا ماني متزوجه وماعندي خبره بس الله ينور عقله ويهديه ويرجع لك نادم لاني شايفتك تحبينه وانشالله مايروح صبرك بالفاضي لان ربي مع الصابرين:)

:rolleyes::rolleyes::rolleyes:

معقول أختي اربع سنين وساكته كل هذيك المدة

أختي العزيزة الله يكون في عونك بصراحة صعب على الوحدة تتحمل مثل هذي المور من زوجها اللي تحبة وهذي نصيحة من عندي لوجه الله ولك الإختيار فيها.

1-أسمعي أول شي حاولي تجمعي الدليل وهو الفواتير وفيها ارقام هذيك الحرمة .

2- لا تخلي زوجك يحس بأي شي.

3- علمي اخوك او أبوك أو اي رجال في العائلة تثقي فيه زين وياريت لو كان عندك اخ بيكون أفضل.

4- خبري هذاك الشخص اللي بيساعدك وعطيه الدليل عشان يكون جاهز في حال انكرت هذيك الحرمة .

5 حاولو تتصلو فيها او حت تعرفو عنوانها من رقم التيلفون.

6 روحي لها لين بيتها وكلميها إن كانت بنت محترمة وبتبتعد عن زوجك ترا كان بها وإن قلت ادبها معاك عاد ترا ما ينفع معاها غير أنك تفضحيها قدام اهلها وتراويهم الدليل ترا أرقام تيلفوناتها ضرورية لا تهملي الفاتورة لأنه الإنكار بمثل هذي المور كثير سهل .

7 لا تهتمي لو عرف زوجك يعني لو هي وراحت وعلمته أنك رحتي لها.

8 لو زوجك يحبك ويحب بيته ترا بيعدل حاله ولو كان يحب هذيك الحرمة أكثر عنك ترا ما عليك غير بالصبر والدعاء وعاد لك الإختيار بالبقاء معه أو غير ذلك من حل تشوفيه مناسب في تلك الفترة .

وعسى أكون قد افدتك لكن نصيحة لا تسكتي أكثر عن هذا الموضوع لازم يكون لك كلمة.

السلام علكيم ورحمه الله

اختي ام مسلم

الصراحه ما شفت احسن من الحلول الي اقترحوها عليكي الاخوات
وما قول الا اعانك الله على ما ابتلاك وهو امتحان من رب العالمين

اختي اذا ما نفعت كل الحلول , , , خبري اهلك واقعدي في بيت اهلك على أنك زعلانه واشرطي عليه انك ما راح ترجعي الا لمه يحلف لك انه ماراح يرجع للعادات هذي وانه يلتزم بالصلاه وامور دينه ,,,


والله المستعان وفرج الله همك اختي :o

السلام عليكم ورحمة الله وبركاتة
كيفك اختي انشاء الله احسن شوفي حبيبتي صراحة ان مشكلتك مرة عويصة ولازم لها حل والبنات ما قصروا وعليك بدعاء في اليل والنهار وشوفي انا اقول ان زوجك ما سوي الحركات هذي الا بعد ما شاف حبك الشديد لة قال اكيد مهما سويت ما راح تتركني ولا تقدر تستغني عنى علشان كذا تطاول في هذا الموضوع بس اذا تاكدتي من علاقة بهذي الحرمة باقية وانة ما يقدر يستغني وخصوصا اذا كانت علاقة محرمة والعياذ با لله اتركية وروحي بيت اهلك عاشانة ما يستاهلك وتري طفل واحد اهون من اثنين وثلاثة ووووووووووووووووووووووو

الله يكون في عونك ويهديه الي الطريق السليم أأأأأأأأأأأأأأأمين

بس تعالي علي نفسك شوية وخلي قلبك جامد وحازمة معاة

اخيرا الله يفك ازمتك ولاتنسي تعلمينا ويش يصير في أمان الله

:shy:اختي ام مسلم الله يعينك على هالمشكله هذه لكن الصبر زين وعليك بالتقرب لله في طلب حل المشكله وهدي نفسيتك بالقران والله يرده لك وحدك ويسعدك ودمتي سالمه.

الله يصبرررج حبيبتي ويعينج على هذا البلاء اخلصي في الدعاء الى الله والحي في دعائك والله المستعان

اختي ( ام مسلم ) احييك على كتابة معاناتك .. بس اكثر مازعلني هو ردود بعض خواتي .. لان الامور بهذه الحالة لاتاتي اختي بالقوة والعفاس والصراخ واللعب من وراء الزوج بتفتيش وتنبيش اوراقه وغيرها من التصرفات اللائراديه والتي لاتجدي ابدا .. اختي لاتفكرين ابدا بأن الرجال زي بعض كما في النساء وهل يتساون في ذلك ( لا ) وماتزعلين من كلامي العيب فيكي انتي والله فيكي انتي والا ماوجه القصور عندك حتى يلجأ زوجك الى الخيانه .. قولي انتي ذا الكلام بخاطرك .. اكيد فيه نقص او عيب او هجران لفراش الزوجيه من جانبك .. ونحن نعرف كرجال قبل ان نكون مخصصين طبيا بأن الزوجه في بداية زواجها لاتميل الى ( مجارات زوجها وطلبها للفراش ) نتيجه لوجود التهابات مهبليه وغيرها من التغييرات الجسميه بعد زواجها .. بالاضافة الى عدم ميلها لاي جانب جنسي .. وامور شخصيه جدا جدا .. المهم اختي اسلم حل لمشكلتك التنبه الى نفسك اولا وضمن محددات لن اتطرق اليها الآن .. وثانيا اطردي التفكير من خلال شكك او التمسك ضد زوجك ( على الطالعه والداخله ) وهذا خطا طبعا .. اتبعي عدد من الطرق والتي يطول شرحها ولا يتسع المجال لذكرها .. المهم حاولي اختي ان يكون لديك الصبر والحكمة في مثل هذه الامور .. تحياتي

عزيزتي مشكلتج نفس مشكلتي بالضبط



اقريها و اقري الردود يمكن تستفيدين
http://www.3roos.com/forums/showthread.php?s=&threadid=23583&highlight=%C7%E1%ED%DF%E5

بس الفرق ان ريلي دايماً يتسكع برع يعني يكلمها على راحته بس مب جدامي

المهم أنا ألحين ولدت ولكن هو ما انصلح بالعكس انتحس أكثر
ما أقول غير الله يصبرج:o