خيانه زوجيه خايفه من نتائجها

اولا يابنات المنتدى .. اتمنى انكم تحاولون بكل ماعندكم تحلون مشكلتى معاى تكفوووون لااحد يبخل على ولا بكلمه (u)(u)(u) ترا قلبى مكسووووور ..
شوفو يابنات انا بقولكم كل شئ من البدايه للنهايه واتمنى انكم ماتملون منى بس والله وربى يشهد بقول كل شئ ...
ماطول عليكم السالفه انى تزوجت من واحد قريبى حيل وهو اكبر منى بتقريبا 11 سنه المهم كنت اموووووت فيه فتره الخطوبه واحبه كثير وهو الصراحه عاقل ويحبنى وعطوف مررررره بس كنت الاحظ انه هو فى شئ بحياته مو طبيعى المهم اتزوجته ومن ثانى يوم بزواجى كان يتصل على رقم والرقم ذا دائما يتصل علينا المهم سالته قالى خوى ابو فلان وهذا خوى مره صدقته لانه يكلمه قدامى المهم كنت احيان اول زواجنا انام قبله وحنا مسافرين القيه يرفع سامعه التلفون ويكلم خويه من الفندق ويفكرنى نايمه وكان يكلمه على اساس رجال بس الكلام والله ماهو سوالف رجال طنشت المهم زاد الحال صار يتصل بالصباح باليل المهم قلت والله لاعرف هذا رجال والا حرمه المهم يوم خويه اتصلت عاده خويه يدق دقه ويفصل
وهو يرجع يدق عليه اتخيلو هذى والله مو سوالف رجال المهم دق خويه وفصل وهو كان الله يكرمكم بالحمام انا رجعت واتصلت على نفس الرقم بيت طبعا من جواله الا ردت على حرمه هلا ياحبيبى اتخيلو الصدمه وربى بغيت امووووووووت انا كنت حامل بالشهر الربع لانى حملت على طول المهم اتنومت بسبها بالمستشفى وبعدين قلتله على الى صار انكر وقالى انتى تتوهمين المهم ترك هذا الشئ فترره طويله سنتين وبعد السنتين الاقى فاتوره جواله عاليه وكذب على وماجاب الفاتوره البيت وهذاك اليوم كنا بتمشيه وفتحت شنطه السياره الا القى تفاصيل الفاتوره وكلها مكالمات لها المهم ماقلتله اى شئ طنشته لانى فى نفس الاسبوع لقيت محادثه ماسنجر بينه وبينها وقالى ماهو انا خوى وانكر انه هو وقال خوى كان عندى واستخدم الجهاز انا رجعت اتصلت على جوالها من كبينه تلفون وهى عرفت انى انا الى داقه عليها لانى دقيت على جولها وبيتها بنفس الوقت ولانى من منطقه غير الى هى ساكنه فيها فعرفت انها انا لانها تدرى انه متزوج اتخيلو حتى يوم زواجنا احتمال عشرين مكالمه لها لقيتها بتفاصيل الفاتوره الى قبل زواجنا بالصدف المهم هو تركها فتره تقريبا 3 شهور والحين لقيت بفاتوره مكالمات لها انا متاكده انه ماقطعها بس مصار يكلمها من جواله عشان انا لا اعرف والله انى احبه مووووووت وهو طيب مرررره معاى وعندى طفل منه وكل شئ فى حياتنا تمام الا هذا الشئ وصار الفتره الى يكلمها فيها والله مايدورنى بالفراش وانا احس انه رجعلها على طول مع انه يحلف انه يموت فينى واصلا هو اتزوجنى عن حب لاننا عيال عم ماكنت بيننا علاقه صح ولا مكالمات بس احبه وهو يحبنى ويميل لى يعنى مانى عارفه وش اساوى والله يبنات ان اجمل اللحظات الى اكون معاه فيها اتذكر هذا الموضوع احس انى قلبى يتقطع كل شئ بحياتى وكل ذكرى الاقى فيها هذى الحرمه وهى متزوجه من قبل يتزوجنى وهو يعرفها يعنى ماقوا تقصير منى راح دور على غيرى الا تزوجنى وهو على علاقه فيها هددته بالطلاق اخر مره اذا رجعلها وشوفوه لقيت منه مكالمات لها مو عارفه وش اساوى هو مجارى اخوه بعد راعى هذى الشغلات وربى ابغا حل لاتقلون اصبرى ترا اربع سنين زواج وصبر وهو مجاريتنى فيها بحياتى ابغا احد يعطينى حل يعنى هو مو حرام الى يساويه لو ان انا الى ساويته كان طلقنى من ثانى يوم عارفين والله دائما اتكلم معاه بهذا الموضوع وصارت اصلا انا اقولها ام فلان وهو يقول ابو فلان وصارت عادى احيان بالمزح جيبها له وهو عادى يقول انتى مهبوله اتخيلوا منكر لاخر لحظه ..:confused::confused::confused: اسفه طولت عليكم كثير واشغلت روسكم بس اماااااااانه يبنات ابى حل لانى على وشك انى انهار من كثر مافكر وربى معاد قادره اقرب منه اضحك واسولف معاه واطلع وادخل لكن قلبى خلاص انجرح والله وهو ساعات يرجع لربه ويصلى وساعات كثير يفوت صلاته يعنى مثل اغلب الشباب يصلى فرض وعشره يطنش تعبت والله فيه مرررررره .. امانه عليكم يابنات تردون على واى وحده مرت بمثل هذى المشكله تقولى الحل (u)(u)(u)