أحلى الصديقات السوريات بأحلى تجمع لشهر ربيع الثاني اهلا وسهلا***

مساكم ورد وفل وجوري وكاادي
وينكم ياحلوات يارب تكونوا بخير
سموورة حياتي شو احسدك والله لا عيوني زرق ولا سناني فرق خخخخ المهم حيووتي اتي
لازم تهتمي بادق التفاصيل يعني من ترتيب الاغاني ,,, لدخلتك على الصالة ,,, يعني هيك شغلات والله انا مو فالحة كتير
مثلا شوفي
ممكن تطبيقي سي دي بالاغاني اللي انتي بتحبيها يعني عندك اغنية بتفضليها لدخلة العروس ,, اغنية تانية لدخلة العريس ,,, واغاني لرقصتك
لحالك ومع امك ومع صاحباتك واغنية حلوة سلو لرقصتك مع عريسك
وهدول الاغاني اما بتطبقيها انتي على سي دي وبتعطيها لادارة الصالة وتتفقي معهم على الاغاني او بكونوا عندهم الاغاني وبتتأكدي من هالشي
وتتفقي معهم على هالاغاني

الشي التاني غير الاغاني كيف حابة تكون دخلتك على الصالة بحركة معينة ولا عادي يعني متل اللي منشوفه
لقربلك الفكرة انا وقت عرس اختي الامورة من سنتين تقريبا لبست ابني محمود بدلة سودة وكرافة ويعني بتعرفي عرس خالتو المهم
كان يقبرني حالق وعامل قصة فرزاتشي خخخخ فقلت يابنت مابدها واجتني هالفكرة اللي هي لما دخلت اختي على الصالة قبل لا يشوفوها الناس طلعت
لعندها وجبت محمود وظبطتوا وخليتو يمسك بإيد خالتو ويرفع ايدو لفوق متل الليدي يعني وبس دخلناها على اغنية نسيتها والله وابني كان ماس ايدها
ومرفوعة لفوق ودخلها لما الاسكي وهالحركة على رغم بساطتها الناس طارو فيها ولما شفناها على الفيديو كانت غير شكل

هذا قصدي بتحبي يفوتو قبلك مثلا بنوتات ووحدة فيهم حاملة قران او حاملين ورود وانتي بينهم ,,, الخ يعني الحركات كتيرة

الي رجعة لروح صللي المغرب قبل لا يفوتني

يسعد صباحكم جمييييييييييييع شو وينكم الله يعينكم كل مين ملتهي بحاله
دمشقية حبيبتي وما انحرم منك انتي يارب بعدين انا بقدر ما اسمع الكلام خخخخخخخ شو شايفتلك رح نستفرط بالشات لحالنا انا وياكي هههههههههههه
كيفك سمورة ياعروستنا انتي يا ستي انا بعرسي كتبت الاغاني يلي بدي ياها وحطيت لدخلتي على الصالة اسماء الله الحسنى لعماد رامي كانت بتجنن وبتحسسك بالرهبة وانتي داخلة وحطيت الاغاني يلي بدي ارقص عليها ورقصة السلو وكانت الصالة الها مدخل من برا درج طويل بيدخل على الصالة للطابق التاني وطلعت على هالدرج وطليت على الناس من فوق خخخخخخخخخخخ وبعدين نزلت كانت كتير حركة حلوة ولما نزلت للصالة مشيوا قدامي 3 بنات وحدة على يميني ووحدة على شمالي هدول ماسكين شمعات طويلة ووحدة مشيت قدامي ماسكة مصحف
وانتي لاتقصري بشي اعملي كل يلي نفسك فيه لأنه هي ليلة العمر ومارح تنعاد والله يوفقك يارب ويتمملك على خير

كاتس حبيبتي والله قلبنا عندك ربي يكون بعونك
لولية وحشتينا والله
شامية اشتقنالك طمنينا عنك
بيرل كيفك ياعسل وميلاد مجيد عليكم
بنوتة طمنينا شو صار معك
مون الله يبسطك يارب والله الك وحشة
وان شاء الله كلكم بتكونوا بخير وصحة وعافية وراحة بال

صباح الخير للامرات
كيفك دمشقية وشو اخبارك اليوم بما انو عيد ميلاد لرجالك هههههههههههههه عقبال كل سنة يا رب ويطولك بعمرو
معناتا اليوم عندك ليلة غير شكل احتفلو وانبسطو ولا تفوتي شي بالهنا ان شاء الله
مشكورة على نصايحك كل ما سمعت شي شغلة خبريني ياها

سورية يسعدلي صباحك يارب والله يقويك ويقومك بالسلامة دخلت متل ما حكيتي حلوة والدرج احلى شغلة فيها بس ان الصالة يلي حاجزينا ما فيها درج اذا عندك شي فكرة خبريني اوكي

سيرة الحب عنا اليوم فطر + شيخ المحشي
اتفضلو

يسعدلي مساكم وصباحكم ياحلوين اشتقتلكن كتير كتير
والله للأسف ماعم اقدر أدخل بنوب لأنو ضيفتي ماشاءالله من السبعة المسا لل12 بالليل عالنت والله مبارح بدي ترجم كم كلمة على غوغل ما قدرت للساعة 12 لما زوجي نادالها تلعب معو برسيس لاء ولما أجيت فتحت قعدت جنبي بدها تعرف شو عم ساوي ماعم استرجي افتحو عالمنتدى بنوب بقى هلق استغليت الفرصة فاتت تعمل قيلولة قلت لشوف اخباركم هي مدمنة شي اسمو نت
عن أخباري مارح اشرح غير أني مبسوطة بالمعهد كتير كتير والحمد لله وعم استفيد ونظام المعهد فظيع رائع بيحس الواحد حالو عم يدرس بجامعة مو معهد يعني الشغلة بدها دراسة كتير كل يوم ساعتين على الأقل وظايف وقصص واملاءات يالله الحمد لله

دمشقية اتشجعتي وطلعتي لحالك برافو عليك على فكرة كل ما الوحدة كبرت شوي وصار عندها ولاد بتحسي عيون العالم عليها أخف شوي من لما بتكون صبية صغيرة بقى الله يفرج


ومشان سؤالك كاتس وتعليق دمشقية عن كرت الطيارة كاتس الفكرة كانت من أخوه لزوجي من فترة طويلة شي 5 شهور وعلى أساس هو يعطيها لأنو زوجي كان الو معو مبلغ بسيط يعني تقريبا قد حق التذكرة وسألت هي زوجي ووافق قام أهلها رفضو يبعتوها لعندي

المهم هي ضلت تنق عليهم حتى وافقو ولما وافقو كان في خلاف بينهم وبين اخو زوجي لأنو تزوج حكيتلكن أنا يعني مارضي يعطيها حق التذكرة وصارت تسمع زوجي واحرجتو أنو بدي أجي وأهلي وأخيرا وافقو وهو مارضي يخجلها

لك آآآآخ والله معتر المغترب الله يعوض علينا وعليكم يارب شوبدك تساوي هالجية كسرتنا 3 شهور والله يعني زوجي أخد سلفة من راتب شهر لقدام ورح يرد ياخد أكيد لأنو الشهر لسا بأولو لاء وأهلو ماقدرو انو دفع لأختو مبارح طالبوه بالخرجية بقى خليها لله مابدنا نشكي ونبكي لما بشوف الوضع هيك بقول بحياتنا ما بيصير عنا بيت أو منفكر نرجع عالشام لأنو حنصفى بالشارع

ياسمينة الله ييسرلك وان شالله بتطلعي أحلى عروس يارب انت ضللي اسألي واستفيدي من المنتدى بحركات حلوة بالحفلة أنا مبسوطة فيكي انك ماعم تغيبي عنا كتير


صحتين على شيخ المحشي

سورية يالله قربت وحيصير عندك بيبي بس بعد الولد بدك تعملي كل احتياطاتك مو بعيد الشر تردي تشمتي دمشقية فيكي بتسدي بفلينة خلص الله يخليلك ياهن يارب ويحفظهن

الدمشقية;11735773:
لك انتي حبيبة قلبي واختي ولو نقي قد مابدك ياعسل:087:
هلأ منشان تالا لاااا طولي بالك عادي ياكتس الموضوع صدقيني الطفل بيمرض وبطيب وبيوقع وبيرجع بوقف وووووغيرو كتير لكن كيف بيكبروا بالساهل لا والله بس ربك ان شالله حاميهم وهنن تحت رعايته ,,, ولا تلومي حالك بالعكس انتي ماقصرتي ماشالله متل ماعم تحكي عملتي اللي عليكي وزيادة
وفقر الدم وارد كتييير بقى لا تبكي بالعكس هلأ متل ماقلتلك حاولي تعوضيها بالاشياء اللي غنية بالحديد واللي بتقوي الدم وصدقيني الدبس اللي هو العسل الاسود هذا لفقر الدم مو عسل النحل جربيه ... وهلا حاولي تجيبلها حليب يكون مدعم بالحديد لان في حليب بس عبارة عن كالسيوم وفيتامينات تانية انتي هلأ دوري على حليب اهم شي غني بالحديد

وغير هيك هي اخت زوجك ولا سلفتك هدول ناس عينهم فاضية اسمحيلي يعني ولا تحطيهم ببالك انتي اهم شي حصني بنتك وقت المغرب هذا افضل وقت واكليها وشربيها وتوكلي على الله ,,,, وهلأ ان شالله بس تتعود على الفطام بترجعلك متل اول بالاكل ان شالله واحسن يارب




هههههه والله حقك علي شوبدي اعمل التهيت مبارح كنت صايمة لانو علي 7 ايام دين من رمضان ههه ومبارح صمت اول يوم
وماشالله عليكي ماقصرتي يسلمو على الاكل الحلو عن جد شي طيب انا كتييير بحبها هالبطاطا روووعة جابلي زوجي والله جبنة بودرة
بحب اضيفها لهي البطاطا بالاضافة للشيدر بقى ذكرتيني فيها ان شالله بعملوا ياها قريب

حياتي دمشقية بخصوص تالا خلص اخدت الصدمة و مشي الحال و قرأت عن فوائد الدبس و فعلا شكرا كتير على هيك نصيحة و بلشت اعطيها على طول ما بعرف من غيرك شو كان عملت تسلميلي يا رب غير الكيوي انا كنت اطعميها من اول مع الموز يعني صدقي متل ما قلت من قبل ما مخلية شغلة تعتب علي باكلها بس الحمدلله على كل شي حتى الحليب بروح على الصيدلية و ببقى ساعة اقرأ شو الفوائد و بنقي احسن واحد حتى صرت معروفة عند الصيدلانية و تالا صارت تفوت كأنها فايتة على بيتها :037:

و بخصوص اهل زوجي خليها في القلب تجرح بس يلي بهون انو جوزي منيح كتير فكرمالو كل شي بهون و الله يبعد الحسد عن الكل يا رب

صوما مقبولا حبيبتي دمشقية بس هلا اجيتي تصوميهن بس صار النهار طويل انا صمتهن في التوقيت الشتوي لحتى يكون النهار قصير :01:
و لا تخافي وراكي ستات بيوت بقدرو يساعدوكي ولو ما بنخلي كل الشغل عليكي و حلوة فكرة بودرة الجبنة رح اسأل عنها و جيبها انا بحب الجبنة في كل شي بس تكون نوعية منيحة وزاكية:ok:
والف صحة على البطاطا مقدما

الدمشقية;11735869:
ايوا لركب اول مقلاية انا ههههههه
ياحبيبات قلبي اخبارنا كالتالي ان شالله باذن الله على 15 ابريل جايين اول دفعة من اهل الشام ضيوف يعني بس هالمرة ضيوف غاااالية على قلبي
جاية اختي وزوجها وزوجها بيكون ابن اخت زوجي وان شالله ناويين يجلسوا عنا فترة منيحة اقلها شهر تقريبا وهدول عيوني يعني لو
بيجلسوا الشهر والدهر مامندايق منهم,,, وعلى شهر ستة تقريبا باذن المولى جايين اهلي يارب تتيسر جيتهم هنن جايين منشان يشوفونا وكمان
على ولادة سورية ان شالله بالهنا ,,, بقى دعواتكم

وتاني مقلاية انو زوجي حبيب قلبي وعمري بكرا 7 نيسان عيد ميلاده وانا مفللللللللللللللللللللللللسسسسسسسسسسسة ههههه معلنة افلاسي
وهي اول مرة مارح اقدر اجيبلو شي بقى قلت لحالي بعدين ان شالله بعوضللوا ياها
لاني كنت حاسبة هالحساب بس شفت شنتة نسواني بالسوق وكم غرض فسال لعابي خخخخخ واشتريتهم بقى ان شالله بس اقبض انا
بقوم بواجبو يقبر قلبي خخخخخخ بقصد بس يقبضني يعني هههه

اول شي شو هالشوكلاتة هيدي خلتيني روح جيب الشوكلاتة يلي باعداها عني لما شفت الصور شهيتيني كتير وانا مقاومتي ضعيفة:049:

وما شاء الله بيتك عامر دايما يا رب و يوصلو بالسلامة وان شاء الله بتتسهل جية اهلك و تفرحي فيهم

الي رجعة للباقي بعد الغدا

سورية وبفتخر;11736013:
صباح النور والسرور للجميع
كاتس حبيبتي هي صحصحت مشانك ها هههههههههههه اخ والله عم يصيبني قلق كتير بالليل ماعم نام بسرعة عشان هيك ماعم اصحى الصبح حتى ماعم حس على زوجي ايمتى عم يطلع من البيت خليها عالله وانتي الله يقويك كلها فترة وبتعدي ان شاء الله وبالنسبة للجمبري مستحيل حبه نهي نهي نهي هي بالهندي كمان ههههههههههههههه

ايه هيك صحصي شوي كل هيدا نوم بس بصراحة ما بلومك وانا وحامل ما كنت اصحى حتى كان جوزي بداوم و يرجع وانا ناااااااااااااايمة :094:
والله يهونها عليكي يا رب و يكون معك اما بخصوص الجمبري و الاكل البحري صرت من جديد اتشجع اكلو خصوصي الكلاماري لازم الواحد يجرب شغلات ليش يضل على نفس الاكل وانا مع دمشقية :03:

شامية للعظم;11747588:
يسعدلي مساكم وصباحكم ياحلوين اشتقتلكن كتير كتير
والله للأسف ماعم اقدر أدخل بنوب لأنو ضيفتي ماشاءالله من السبعة المسا لل12 بالليل عالنت والله مبارح بدي ترجم كم كلمة على غوغل ما قدرت للساعة 12 لما زوجي نادالها تلعب معو برسيس لاء ولما أجيت فتحت قعدت جنبي بدها تعرف شو عم ساوي ماعم استرجي افتحو عالمنتدى بنوب بقى هلق استغليت الفرصة فاتت تعمل قيلولة قلت لشوف اخباركم هي مدمنة شي اسمو نت
عن أخباري مارح اشرح غير أني مبسوطة بالمعهد كتير كتير والحمد لله وعم استفيد ونظام المعهد فظيع رائع بيحس الواحد حالو عم يدرس بجامعة مو معهد يعني الشغلة بدها دراسة كتير كل يوم ساعتين على الأقل وظايف وقصص واملاءات يالله الحمد لله

دمشقية اتشجعتي وطلعتي لحالك برافو عليك على فكرة كل ما الوحدة كبرت شوي وصار عندها ولاد بتحسي عيون العالم عليها أخف شوي من لما بتكون صبية صغيرة بقى الله يفرج


ومشان سؤالك كاتس وتعليق دمشقية عن كرت الطيارة كاتس الفكرة كانت من أخوه لزوجي من فترة طويلة شي 5 شهور وعلى أساس هو يعطيها لأنو زوجي كان الو معو مبلغ بسيط يعني تقريبا قد حق التذكرة وسألت هي زوجي ووافق قام أهلها رفضو يبعتوها لعندي

المهم هي ضلت تنق عليهم حتى وافقو ولما وافقو كان في خلاف بينهم وبين اخو زوجي لأنو تزوج حكيتلكن أنا يعني مارضي يعطيها حق التذكرة وصارت تسمع زوجي واحرجتو أنو بدي أجي وأهلي وأخيرا وافقو وهو مارضي يخجلها

لك آآآآخ والله معتر المغترب الله يعوض علينا وعليكم يارب شوبدك تساوي هالجية كسرتنا 3 شهور والله يعني زوجي أخد سلفة من راتب شهر لقدام ورح يرد ياخد أكيد لأنو الشهر لسا بأولو لاء وأهلو ماقدرو انو دفع لأختو مبارح طالبوه بالخرجية بقى خليها لله مابدنا نشكي ونبكي لما بشوف الوضع هيك بقول بحياتنا ما بيصير عنا بيت أو منفكر نرجع عالشام لأنو حنصفى بالشارع

اهلين شامية والله الله يعينك ما كان ناقصك غير انها تيجي تشاركك النت و اكتر شي بتضايق منو انو حد يجي يقعد جنبي حتى لو ما في شي خبي بس هي العادة ما بحبها و لا انا بحب اقعد جنب حدا ومنيح يلي جوزك فهم الموضوع و شغلها بشي شغلة

والله يهنيكي على هالمعهد هيدا لانك صبرتي و نلتي يلا بدنا تشدي حيلك مزبوط وما بدنا تضييع وقت غير معنا :094:

و بخصوص كرت الطيارة و لا الخرجية لاهل جوزك صدقي ما في حدا مرتاح من هالناحية بس كل ناس الهم طرقهم الخاصة و يلي ما بخجل لا تعتبي عليه والله يفرجها على الكل صدقي مو قادرة انصحك لانو كلنا في الهوا سوا :01:

والله يبعتلكن و يعطيكين اكتر مما بتتأملو ان شاء الله

دمشقية بخصوص عيد ميلاد جوزك طلعتي مصلحجية درجة اولى ههههههههههههه معقول ما قدرتي الا تجيبي الشنتة و تنازلتي عن هدية جوزك لو محلو ما بعطيكي فلوس

بعرفك رح تعوضيها بالحفلة و اللذي منو ما بنخاف عليكي ههههههههههه
الله يهنيكن يا رب

ياسمينة هو مو شرط يكون العرس مو تقليدي لحت تعملي شغلات حلوة يعني المبدأ انك تعملي شغلات بسيطة
متل اغاني بتحبيها او اغنية الها موقف حلو الك و لخطيبك او دخلتك على الصالة انا دخلت بخط طويل حاملين سيوف و بنات حاملين شمع و الصالة كان درجها طويل و دخلت على اغنية ماجدة طلي بالابيض و نقيت البدلة الها ديل طويل خصوصي لطلعة الدرج و فعلا كانت كتير حلوة صحيح مو متل يلي عم نسمعهن و نشوفهن بس شغلات بسيطة بتعمل جو تغيير بس اتذكر شغلات برجع احكيلك والله يتممها على خير

هلا يا عرايس شخباركم

تفضلو موضوعي وان شاء الله ينال اعجابكم

http://forums.3roos.com/showthread.php?t=525726

مساء الفل والياسمين ..............كيفيكم ياحلوين من غير شر وبسلامة الموجودين مونو ألها وحشه الله يوفقها

دمشقيه شو هاد شوهاد شايفه الشنتايه اهم من زوجك ههههههه

شاميه الله يعنكم وتتيسر اموركم مابضيق الا الله بيفرجها

كاتس دخيل قلبها هل تالا الله يخليلكياها

سوريه يسلملي لعطول عميغلط الله وفيقلك ولادك ويطلعوا مرضيين

بيرل ولوليه وحشتونا وإن شالله بتكونوا بخير

آخر أخباري الحمدلله بس أنتو ضلكم دعولي الله يوفقكم .............بتعرفوا بعد الخطبه انتفخ قلبي كل حدا بيتصل فيني يابيعطيني نصائح يا أما بيحشر حالوا والله هلكت

ياسمينه الحلوه مع اني ماشفتك بس حاسستك حلوه بقى شو ماعملتي بعرسك لح يطلع إن شالله حلو الله يحميك ويسرلك امورك

الله يسعدهم دوووووووووووووووووم يارب ايه شو هاللمة الحلوة الله لايحرمنا منها
سمورة ان شاء الله الف صحة وهنا على شيخ المحشي والفطر
بنوتة الله يخليك يارب ونفرح فيك ونشوف اولادك وساعتها ورجيني كيف مارح تغلطي متلي هههههههههههههههه
شامية روحي الله يحمل معكم يارب ويرزقكم ويرزقنا ويرزق الجميع وبالنسبة لبنت حماكي يالله استحملي شو بدك تعملي والحمدلله انك مبسوطة بالمعهد يالله الله لايضيعلك تعب يارب