أحلى الصديقات السوريات بأحلى تجمع لشهر ربيع الثاني اهلا وسهلا***

هههههه نسيت بنوتك تالا الكبر عبر يابنتي شو نعمل خخخخخ
ومنشان السمكات قولتك يحبوهم مو مشكلة الله يجعلها اكبر المصايب علئ زوجي مرة الا يجيب ببغاء على البيت وانا جربتو قبل بفترة وجارتي خلت
عندي ببغاء بيحكي خلتو شهر اي فقع مرارتي ماعدا سببلي رعبات لما قال بس لانو بيحكي مابتعرفي ايمتى وكمان ماله قفص يعني الاخ
حر طليق ببيتي ’’’ فقلتلو لااااء لهون وبس السمكات وامر الله اما ببغاء لا حبيبي ... هههه
ومنشان الدوا الطبيعي معك حق مو كل الوصفات كويسة وامنة وبتبقى القصة قصة تجارب وخبرات
اما عن حورية السمك يييي شو خيالك واااسع ههههه الحورية من فوق وامر الله بس الديل من وين جيبو خخخخخخ
شو سيرة الحب ؟

مين المتخفية الثالثة تعترف احسنلها

لا انا بحب هيك طيور خصوصي الببغا بس ما بتحمل مسؤولية اي انا بتالا و يادوب مدبرة راسي

سيرة الحب اليوم طحال مشوية مع فتوش و شوربة تفضلي بعدنا ما تغدينا

ان شالله عوافي يارب كاتس الطحال ابدا مابحبو بقى بالعافية على قلبكم يارب
انا عملت بفتيك لحم مع خضار وجنبها بطاطا مقلية ,, الاكل بحير كتيير
ومابعرف شو صارلو النت علق معي سوري كاتي ,, ومنشان الببغا انا بحبهم بس من بعيد لبعيد اما يكونوا ببيتي لاااا دخيلك

جمعة مباركة يااارب على الجميييع ويارب تكونو بخير وعوافي
اليوم غدانا ان شالله سمك وجمبري ... الله يعافيكم هههه
المهم حبيت قلكم اتفضلوا سموا بسم الله... لا تقولوا الدمشقية جوعتنا ايوا
الصورة منقولة من النت

الجمبري



وهي وجبة لكل بنوتة فيكم

مسالخيرات والليرات كيفكم ياجماعة
مونو من غير شر الله ييسرلك بتكوني صرتي بسوريا الله يهنيك ويبسطك بالاجازة أجت بأحلى شهرين بالسنة الجو بيكون بيجنن فيها

انا باقي 3 ايام وبتجي بنت حماي والله بصراحة خايفة من هالزيارة على قد ماكنت مبسوطة قلبي أمط مدري ليش وخصوصي لما شفتها عم تحكي مع زوجي عالنت وشو قالتلو قول لمرتك أنا نكاشة ها وخليها تمسح الغبرة وتنضف منيح أحسن ما أحكي عليها لاء ولما رجع حاكاها اليوم تلفون رجعت قالتو شو مرتك نضفت ؟؟
بقى شو رأيكم لو كان مزح مو علاك اسمو هاد مابدي أحكي شي عليهم بس سبحان الله البنت غالبا بدها تكون متل أمها يلي ربتها ويلي ربيانة على سير وقصص العالم بدها تطلع هي هيك وفهمكم كفاية لاء وأنا هالدرويشة كنت بدي خليها تضل عندي
بقى الله يسترها معي أنا بحياتي ما اتخانقت أنا وحدا وشو ما شفت منو وبعرف انو اذا ساوت شي أنا بشوف وبسكت ما بحاكيها شي بس جوزي يلي بدها تنطبش براسو لأني بدي اتفشش فيه

وعن أخباري التانية بعد ما أجهضت الكل بيعرف أني كنت عاملة مانع وأنا تركت المانع من أربع شهور ولهلق ما صار حمل كان عندي أمل هاد الشهر يصير وللأسف اليوم أجتني الدورة بموعدها تمام ومابعرف شو بتنصحوني شوف دكتورة ولا ماحللي 4 شهور لسا بكير والله زعلت كتير من مبارح من لما حسيت باعراضها اكتئبت كتير

ادعولي ياجماعة خايفة تطول معي الشغلة
وهلق منجي للدمشقية صحتين وهنا على السمك والجمبري هلق أنا اتعلمت كيف ساوي سمك وصرت بعرف أكتر من طريقة والحمد لله بس الجمبري دايما منجيبو جاهز مقلي بروستد بشوفو بالسوق تازة بشتهي اشتري وجربو بس مابعرف كيف بيشيلو القشرة وكيف بيعملوه بقى تقبشي قلبي اذا عندك شي كم وصفة مقلي على مشوي بالفرن على مطبوخ لا تبخلي علي والله والشهادة لله استفدت منك بمدري كم أكلة وبوثق بطعمة تمك وبوصفاتك معليش لو عذبتك معي الك ثوابي خلينا نطعميها للخانم سمك وجمبري

مرحبا صبايا كيفكون

ما شاء الله كلكون عم تاكلون اكلات بحرية صحتين للكل ونحنا يوم الجمعة اجت ماما وشوينا سمك الترويت وكان كتير طيب واليوم سيرة الحب عنا بازيلا برز
مون ترجعينا بالسلامة حبيبتي وانا ناطرة اتصالك
كاتس كلامك مزبوط ماما كانت عم تعملي تيست من شان ادرب ع البيت لحالي بس صح انا وحيدة ومدللة ولكن ست بيت شاطرة يعني بعجبك بالطبخ والنفخ والترتيب ولكن مشكلتي وقتي ديق لانو عندي دوامين بالشغل وهاد يلي مخليني بعيد عنكن شوي

شامية صحة وهنا وحبيبتي ع الجمبري ومن شان الحمل انا رأي طولي بالك شوي والله يسرلك وتصيري ماما عن قريب يعني في كتير ناس هيك بصير معون بس انت ما تفكري بالقصة كتير لانو بتصير شغلة نفسية معك
انا عندي رفيقة صرلها 5 سنين متجوزة وما فيها شي لا هي ولا جوزها بس ما حملت قالولها الدكاترة انو شي نفسي من كتر ما بتحب الاطفال
واذا هيك بنت حماكي نكاشة بقى كوني حريصة قدامها كتير

بيرل كل عام وانتي بخير بمناسبة عيد الفصح وفصح مجيد ان شاء الله

صبايا الطقس عنا بجنن خضار وربيع وزهور وين ما كان وبكرا ناوين نروح نفطر بالقلعة ونشرب قهوة الصبح ع الساعة 6 يعني قبل ما يبلش دوامي لانو بكرا دوامي ببلش الساعة 9 الى الساعة 2 فقط لانو في عيد الفصح ينعاد ع الكل بالخير

شامية اهلين ومية وردة ياقمراية
ومنشان بنت حماكي تؤبشيني لا تحطيها ببالك ابدا يمكن هي عم تحكي هالحكي قدام امها او لغاية بنفسها
المهم ماعليكي منها ومن علاكها انتي قومي بواجبك وبس ونصيحة مني خليكي معها وسط يعني على قولة المثل لا تكن لينا فتعصر ولا صلبا فتكسر
,,, وهيك عرفتيها من قبل لا تجيكي وانتي بتقليلي خليها ونلاقيلها شغل
ييي دخيلك والله يقضيلك هالزيارة على خير والله معها مع السلامة ,,, وكل واحد بيحكي باصلو وفهمو بقى حبيبة قلبي لا تحطيها ببالك وياجبل مايهزك ريح ايوااا
...........منشان الحمل شامية القصة عامل نفسي يعني انتي حاولي تنسيها تماما هالشهر ووكلي امرك لله وان شالله بصير حمل باذن الله
استنيلك كمان شهر واذا حابة تروحي عند الدكتورة روحي ليش لاء على الاغلب بتعطيكي دوا منشط للمبايض
انا بقيت 8 شهور ماحملت بعدين رحت الدكتورة وعطتني هالدوا بس ماعلى طول حملت بقيت شهرين بعدين حملت وربك كتب
بقى انتي شوفي حالك واستنيلك هالشهر وربي يكرمك ان شالله,,,,,

ومنشان السمك تؤبشي قلبي هذا من ذوووقك ياعسل انتي
هلا الجمبري شوفي اذا بتحبي عندك بالسوبرماركت كياس جمبري مقشر جاهز ونضيف بكون متلج انا هذا اللي بجيبو عندك صغير وجامبو
جيبي اللي بتفضليه ,,, اما اللي بكون بقشرو والله مرة او مرتين اللي جبنا بدك تسلقيه اول مع كم قطعة ليمون وبعدين بتقشريه بكون سهل لانك سلقتيه منيح وبكون فيه خط اسود من الضهر بتشيليه وبتشيلي الذنب كمان وبعد هيك بكون جاهز اما للقلي او الطبخ

منشان هيك بفضل المبرد او المتلج لانو جاهز للطبخ ومابدو شغل كتير المهم .
اذا بدك جمبري مقلي مابدو شي متل السمك تبلي طحين وملح وبهارات وشوية كمون ,,, وعلى جنب بيضة مخفوقة بالفلفل الاسود والملح .. وصحن تالت
بقسماط (( اختياري )) وبس ياعسل غمسي الجمري اول طحين بعدين بيض بعدين بقسماط وعلى القللي النتيجة رووووعة
او اذا مافي بقسماط اول شي تغمسي الجمري بالبيض بعدين الطحين وعلى القلي ,,,
هلأ جنب الجمبري المقلي منعمل حومر اذا سمعتي عنه هو ,, تمر هندي تقيل تقيل مع شوية كمون وعصير ليمونة وبتخلطيهم وبتاكلي السمك والجمبري
مع الحومر روووعة

طريقتي التانية للجمبري بعملوا حبيبة قلبي متل الصيني
شوفي بقطع فلفل اخضر واحمر واصفر وبصل اخضر وملفوف وجزر بقطعهم سلايسات وبتركهم على جنب
هلا منجي للجمبري بحطو بالمقلاية وبشغل النار هادية وبخليه يطلع كل المي الزفرة تبعتو وبصفيه تمام وبحطو على جنب ,,,,
بعدين بقلي سلايسات البصل مع شوية زيت وبحط صويا صوص فوقهم وبحرك وبعدين بضيف الجمبري وبحركهم شوي وعلى نار هادية حتى مايلزقوا
وكتري صويا صوص وبهارات وشوية ملح وبس تحسي ان الجمبري دبل واستوى بضيفي كل الخضراوات اللي قطعتيها وبترحكيهم شوي حتى ينسجموا
وبضيفي كواز ذرة بتجيكي صغيرة ومعلبة بالسوبرماركت بضيفيها عليهم او حبوب ذرة مو مشكلة تحريكة على السريع وبس بالعاافية

*********
الجمبري المشوي تبليه بالبهارات وشكيهم اذا بتحبي على سياخ وحطيهم بالفرن وكل شوي حركي الاسياخ
وبس بيطلع ولا افخم جمبري مشوي باحلى وافخم مطعم

******** وبالعافية على قلبك انتي وزوجك ويالله بنت حماكي والمعاملة مع الله هههههه

اهلين سموورة والحمد لله على سلامة امك الله يخليلكم ياها يارب
وصحة وعوافي على السمك شايفة قلوبنا عند بعض ,,, والله يعينك على الشغل والضغوطات وحاولي تريحي قبل عرسك حتى تكون بشرتك كمان مرتاحة
والنفسية مرتاحة ,,,
ونيالكم على الجو والله نحنا الجو عنا بقرف الدنيا شوووب كتير صايرة والله مبارح جلسنا بحديقة صرنا نشر من كل مكان ماعدا الكتمة ماعدنا نقدر نتنفس
الله يعينا على الصيف

لولية اهلا وسهلا لك انا ليش عندي صحبة اغلى منكم والله مافي
وخلص من عيوني انتو تعالو وطلو وانا بغذيكم ههههه ,, وخيرها بغيرها منشان السفرة والله يعينك كانك لسى مطولة بالرياض ؟
وبنوتاتك شو عاملين من غيرك من غير شر ؟؟

كاتس وحشتيني ياقمر يارب تكوني بخير
بيرل قلبنا عندك وانتي بالقلب وفصح مجيد و مبارك عليكي ياقمر
سورية راح الدلع وصار دوام زوجك بكير خخخخخ يالله لازم تصحصحي معنا على طوووول
بنوتة طللي علينا وحاكينا ويارب يتمم فرحتك على خير

مونو الله يسهل امورك ويسعدك وين ماكنتي

يسعد مساكم جميع اليوم كان حافل عندي رحت من الصبح عالمعهد ورجعت ساويت اغراضي وبعدين اتصلت وحدة فيني ما بعرف اذا أنا حكيتلكم على حفلة عيد الأم يلي صارت عنا بالجميعة تبع الجالية السورية ورحت عليها

واتعرفت على كم وحدة كتير ظراف المهم اليوم اتصلت فيني وعزمتني قال عاملة جمعة هي وأخواتها بس مافي حدا غريب غيري المهم رحت العصر لعندها على المكتب هي بتشتغل بتنظيم الأعراس لأنو وانبسطت كتير كتير الحمد لله يلي الله جمعني بناس طيبين متلكم

ياسمنة تقبشي قلبي الله يهنيكم بالجو الحلو والطبيعة الحلوة ونحنا عا هون الجو كتير رايق وحلو الحمد لله يلي ريحني من الشوب والمكيفات ياجماعة مو تاري القلق يلي كان يصيبني سببو الشوب وصوت المكيفات والمراوح هلق عم نام بعمق لأنو كتير هدوء استغلي هالجو أنت وخطيبك واطعلي وروحو مشواير ومشان الحمل رح دور على دكتورة ورح حاول متل ما قالت الدمشقية ماحط ببالي أحسن ما بدي اتعب اعصابي

لولية لا تزعلي ولا على بالك مين مافي بحياتو منغص عليه شوبدنا نعمل الحمد لله هيك نصيبي زوجي منيح معي والحمد لله مافي أحسن منو بس كل شي حواليه والله مو كل هالقد وفي مشاكل كتير بس كرمال معاملتو وقلبو الطيب بدي اصبر لأنو مافي حدا كامل ورح طنش ان شالله والله يقدرني

كاتس وينك ما بينتي اليوم انشالله يكون خير يارب

دمشقية خلص بعد ما سمعت كلامكم انشاءالله رح حاول طنش ومضي هالزيارة على خير شوبدي أعمل ومشان الحمل الله يقدم يلي فيه الخير يارب ورح حاول شوف دكتورة بركة متل ماقلت بدي منشطات
ويسلمو ايديك على الوصفات عجبوني كلن وباذن الله عالتجريب رح امشي بالدور فيهم بس هي الحومر اول مرة بسمع فيها منجرب ليش لاء تسلميلي يارب الله لايحرمني منك

صباح الخير ياحلويين
واخيرا خلصت قراءة مافاتني هههههههههه والحمدلله انكم كلكم بخير وان شاء الله دوم يارب
سلامي وقبلاتي الكم وحدة وحدة :087:

صباح الخير ياحلويين
قبل كل شي اتفضلوا على الفطور



وفطور شامي لعيونكم



واحلى فنجان شاي لعيونكم قصدي يستاهل تمكم هههه ,,, شاي منعنع

اي شامية حبيبة قلبي يعني بلش معهدك يالله برافو عليكي والله انك شطورة اسم الله والله يقويكي
وحلوة هي فكرة الجالية السورية والله كتيير ظريفة الشغلة بلكي بعدين بتاخديلك منصب فيها ليش لاء والله شي حلو
واللمة والناس الطيبة مكسب بهالوقت فرحتلك وربك مابيقطع حدا ... ومنشان الجو طبعا شامية جو صنعا قريب من جو الشام لا رطوبة ولا كتمة نفس
يامخلوقة والله اذا ماشغلنا المكيف مامنعرف نام ولا حتى نتنفس الله المستعان
ومنشان الحمل ربي يكرمك ويعطيكي بس الشغلة بدها صبر وبدها تطنشي وتنسي الموضوع شوي والله يرزقك ويرزق اختي يااارب
اما عن الوصفات اكيد ان شالله بيعجبوكي والحومر كمان بتصيري ماتستغني عنو لانو لذييذ وخصوصي اذا فيه كمون رووعة
ونحنا بالخدمة ياعسل ويخليكي ربي وماننحرم منك ومن تواجدك ياحلووة

يسعد صباحك يارب سورية وين اجيتي بسرعة ورحتي بسرعة كنو رااايحة تنامي ههههه
الله يقويكي ويحمل معك وقبلاتي الك ياعسل انتي

كاتس وينك من غير شر اشتقتلك انا

صباح الخير
كيفكون يا حلوين
دمشقية يسلمو ع الوصفات الحلوة
بتعرفي نحنا من النادر لحتى نعمل جنبري ومنقلي قلي وبس