مهر العروس

تسلمي فهدونة على الرد صدقتي حتى ابوي زي ما قلت لك رفض يحط مهر وقال هو وذوقه وانا تعمدت اقوله 5000 الاف اشوفه بيبقى عليهم ولا بيزيدهم ابغا اعرف هم عائلة عندهم زوق ولا لا والى الان ماسو لي داك الشي اللي ينقال عليه بصبر واشوف كم بيحطو لي مهر ودمتم جميعا بخير والله الموضوع شكله لامس هموم الجميع :01:

يااااااااااااااريييييييييييييييييت مهورنا نفسكم هههههههههههههههههه...

(الزهور الحالمة وسوبر شوقر و بحرينية قمر )واللة فعلاً يسعدني أنكم أتشاركونا بأفكاركم و آنة آقول ضروري أيكون المهر معتدل يعني وسط بحيث ما يرهق الرجال و لا يرهق البنت لأن مثل ما تعرفون الدنيا صارت غالية في الخليج (البحرين نفس أسعار قطر )في كثير من الأشياء .....و المقصود أن المهر في الأساس اي في الدين أنة تكريم للمرأة و هدية و دليل رغبة الرجل في الأرتباط بهذة الفتاة خاصة و لذلك يجب على الرجل عدم الأستهانة بهذا الأمر و فعل ما يستطيع و قدر أمكانياتة واللة المستعان ...

انا كنت عايشة بالامارات اربع سنوات ورجعت للسعودية بلادي لكن لاحظت بالامارات عندكم اقل حد للمهر 100 الف بس
بصراحة ما الومهم تدرون فساتين الزفاف عندهم بكم باربعين الف و فوق لكن عندنا بالسعودية فساتين الزفاف عندنا باربع الاف وخمسة وعشر الاف وفيه اللي مرة بعشرين الف ماتوصل خمسين ولا وش رايكم يعني لومهر الاماراتية خمسين ماتجيب لها الا فستان زفافها كل واحد يقيس بحسب دولته هذا من رايي

البحرين الف دينار كم يعني بالريال السعودي علشان نفهم هوشوي ولا كثير

10000 ريًآلْ يعنيْ~

بسْ الحين يعطوؤؤن 60000 و 70000 بالبحرينْ ~

بسْ المتوسسطٍ 30000

احنا المهر عندنا من 20 الف الي 40 الف

ياليت احنا مثلكم يلي تقولون 100 الف قليل

(أقلهن مهراً أكثرهن بركة)

ليش حبيبتي توني انا متزوجة قبل 6 اشهر مهري 40الف ريال
وكفاااااااااني وزااااااااااد باقي عندي ستة الاف
ومااقول اني شريت من اي محل كل اغراضي ماركة والحمدالله وفستاني تفصييل وطالع جنان
وزهقت الحين لان ملابسي واجد وابي شي جديد
حبيبتي واختي البركة في المال اذا رضيتي فيه واهم شي اخلااااااااق الزوج وكفى
تقبلي مروري

موضوع شاائك ويختلف باختلاف البيئة والمجتمع .. اولا احنا لازم نرجع لفكرة المهر .. المهر اساساً هدية يقدمها الزوج للزوجه ومثل مانعرف وقعها بالنفس فالهديه تُعطى من أجل التقارب والتآلف والرسول صلى الله عليه وآله قال : تهادوا تحابوا فمن هذا المنطلق وعلى اعتبار ان المهر هدية ,, مانقدر نحدد مبلغ معين وانما الي يحدد هذا المبلغ اهو الزوج لان اهو الي يعطي الهديه ,, يعني على سبيل المثال اذا شخص قدم لشخص ثاني هديه عباره عن كتاب هل من المعقول ان الشخص الثاني يرفض الهديه ويقول لا والله انا ابي ساعه!!!

مثل ماقلت من البدايه موضوع المهر يتوقف على عوامل عديده حتى الزمن له دور في صياغة هذا الموضوع فمثلا في العصور السالفه كان مهر فاطمة الزهراء (ع) عباره عن القرآن الكريم ومافيه أحلى وأعظم من هالهديه

في زمنّا هذا زمن المظاهر والبهرجة البنت ماتقبل بمستوى اقل من مستوى اختها او صديقتها فتلاقبين المبالغه في كلشي حتى لو كان المستوى المادي لزوجها مايسمح ,, فبما انش من البدايه عارفه ان مستواه بسيط لازم تتكيفين على هذا المستوى والا ليش وافقتين عليه؟؟ مو علشان الستر وغيرها من الاهداف

يعني فيه اهداف ثانيه اسمى من هالشكليات .. اوكي اذا كان الزوج حالته الماديه ممتازه اهو مابيقصر بس اذا كان حاله بسيط فماباليد حيله

وبالنسبه للاخوات الي قالو عن بنات قطر والامارات مهرهم مرتفع فهذا يعتمد على المنطقه الي عايشين فيها يعني مره كنت اطالع برنامج بقناة قطر كانو المواطنين مساكين يتشكون من ارتفاع اسعار صالات الاعراس على ما اعتقد اسعارهم تفوق 20000 ريال وماعندهم خيارات ثانيه لان اساسا عدد الصالات عندهم محدود .. يعني فيه ناس ممكن يتنازلون عن الحفلات وفيه ناس لا

اما اهني عندنا بالبحرين فالكل عارف الوضع المادي للشباب وانشوف مهور البنات تتفاوت من 1400 د وفوق فهذا يعتمد على الحالة المادية للشاب

وبالنهاية الكل يدور عن الدين والأخلاق قبل كل شي لان الفلوس زايله اما الاخلاق اهي الي راح تبقى
هذا كان رايي ...

ألف تحية

أشكر كل من مر على الموضوع و شاركنا في الرد :083:تحياتي للجميع:072:

وين ردودكم يا بنات:039:

مثل ما قالت (( فهدونه )) ال 100 الف ماتكفي نحن جي عندنا بلأمارات يعني اغلب الناس والعوائل يكونو مهرهم 150 الف وفوق ووايد اجوف من اهلي الي مهرها 200 الف واذا مايكفيها تطلب من ريلها عشان يزيدها وتدرين كمن وحده من اهلي متزوحه وكانو مهورهم 500 الف هذا عاد ريلها يكون تاجر عشان جي بس انا افظل طلعن الوحده يكون مهرها 150 وفوق تقدر تشتري كل الي فخاطرها ولأن حياة يديده مع ريلها فلازم كل شي حلو وغالي .

^
^
سؤال .. الـ100 الف هذي تجهزون فيها بيت المستقبل او حجز قاعة الزواج ؟ يعني هذي من اختصاص الرجل او المرة ؟
او تجهيز شخصي ؟


لو كان تجهيز شخصي .. بصراحه تكفي و زياده : )

احنا 40 الف .. و بيني و بينكم ماكفاني .. خصوصا مع ارتفاع اسعار الذهب ..

في عوائل عندنا مهرهم 40 الف + البنت تحجز القاعه و هي تتكفل بمصاريف الزواج + اثاث البيت + ديون فوق الراس :(
>>> تحسون هي اللي تتزوج الرجل ههههـ هو يجي ع الماشي و ياخذها


تشكرات حبيبتي ع الموضوع ..

TiFa-2020;11244065:
^
^
سؤال .. الـ100 الف هذي تجهزون فيها بيت المستقبل او حجز قاعة الزواج ؟ يعني هذي من اختصاص الرجل او المرة ؟
او تجهيز شخصي ؟


لو كان تجهيز شخصي .. بصراحه تكفي و زياده : )

احنا 40 الف .. و بيني و بينكم ماكفاني .. خصوصا مع ارتفاع اسعار الذهب ..

في عوائل عندنا مهرهم 40 الف + البنت تحجز القاعه و هي تتكفل بمصاريف الزواج + اثاث البيت + ديون فوق الراس :(
>>> تحسون هي اللي تتزوج الرجل ههههـ هو يجي ع الماشي و ياخذها


تشكرات حبيبتي ع الموضوع ..

أشكرج والله على الرد :087:

امممم
انه اهم شي عندي اتزوج الي احبه واموت فيه !! مم
المهر اكيد مهم بس انه مابي اكلف ع زوجي يعني
ابي اطلع وياه شهر عسل ونستانس
بدل الخساير الي مهما سوينه بيظلون الناس يتحجون ويعجبهم وما يعجبهم ههههه
انه بطلب 1500 كمهر شخصي و الصالة و الكيك و التصوير و الدي جي والشبكة والحنه كلهم عليه هع

Super Groo9a;11250214:
امممم
انه اهم شي عندي اتزوج الي احبه واموت فيه !! مم
المهر اكيد مهم بس انه مابي اكلف ع زوجي يعني
ابي اطلع وياه شهر عسل ونستانس
بدل الخساير الي مهما سوينه بيظلون الناس يتحجون ويعجبهم وما يعجبهم ههههه
انه بطلب 1500 كمهر شخصي و الصالة و الكيك و التصوير و الدي جي والشبكة والحنه كلهم عليه هع

أول شي أشكرج على الرد ثاني شي ما طلبتي شي يالشيخة ههههههههههه بس هالشياء صج راعيتية الله أيخليج لا يسمعج ترى أيهون ههههههههه:ok:

اذا الحفلة من إلى على أهل المعرس

وبيجيبون لك طقمين على الأقل غير الساعات والعطور ..

وغير الهدايا كلها ذهب بتجيك ..

اتوقع 50 او 60 كفاااااااااااية على الملابس والميك اب والعطور !!