مهر العروس

حبيبتي (قمر ) واللة ردج صج فظيع ماشاللة عليج فصفصتي المهر من الزين .... صج الموضوع مسوي دوووية في الخليج ...يا عمري جني حرقت قلبكم سامحوني واللة قصدي أنتناقش في أمور أتخص البنات ونقرأ الآراء و نستفيد يارب أيبارك لج و يهنيج و سامحوني قبل لا تطقوني:096:

الصراااحه انا مع اللي قالته قمر كله

وانا وحده تزوجت ومهري كان 80 الف بس صج انا من زمااان معرسه بعد الحين بنااات عمي اللي للحين ماعرسوا جذي مهورهم الا اذا القاعه علينا

والحمدلله المهر يكفي

وانتي تقوليييين يافهدووونه انهم اذا يبون سياااره يتسلفون ويطلعونها اذا ع السيارره ترى الله يخلي الاقسااااط ماتقول شي لكن اي بنك بيزوجه بالاقساااط

الصرااااحه موضوووع تشكرررين علييييه تسلمييين حبوووبه ع الطرح ومثل ماقلتي اختلااااف الراي لايفسد للود قضييه :)

بالنسبه لي المهر مو مهم اهم شي ابو الشباب الله يخليه ومثل ماقالوا البنات احنا ظروف بلدنا الماديه الكل يعرفها ومثل ماقالوا متوسط المهور 1500 ادا زاد واد 3000 دينار هدا الطبقة المتوسطه
وادا النت ما راعت الرجال من اول حياتهم ما بتقدر تتحمل تعيش معاه على الحلوه والمره بعدين شالفايده حفله بثمن وقدره واخسر مخاسييير على ذهب ومجوهرات وثياب وانا ما بلبسهم ولا احتمال كبير اني امتن بعد العرس والثياب بيتوزعون يا خساره
انا الي اقوله كل شي بالاعتدال حلووو يعني المهر حتى لو كان 500 دينار وبغيتينه يكفيج بيكفيي ولا تنسي بعد العرس رجلج مابخليج وكل شي تبينه بياخده لج


تقبلوا تحيااتي

هلا واللة بأم الغاليين الثلاث ومشكورة على مشاركتج الحلوة صدقيني لو الريايل يقرون مواضيعنا جان أستانسوا كلكم معاهم و في صفهم عزة اللة لمهور بتقل و السبب أنتوا هههههههههه:039:

اممممممممممم بصراحة موضوعكم مرة حلو وما كتبت ردي الا بعد ما قريت كل الردود
اكلمكم عن نفسي قبل ما املك بيوم سالت ابوي وقلت له بابا كم مهري قال ما ابغا مهر :047: قلت له ليش قال ليش انا ما ابيعك عشان اطلب مهر واذا سالوني اقلهم خمس مئة ريال 500 ريال سعودي وقلت له بابا كيف اجهز نفسي قال انا بجهزك قلت له طيب تديني له ببلاش كنت مرة معصبة قال انا ما راح اطلب ولا ريال اذا العريش حدد بكيفة انتي عندي اغلا من اني احدد لك سعر انتي موسيارة ولابضاعة قلت لابوي طيب خليها خمسة الاف ههههههه رفض المهم قال لي يجي اليوم اللي بتقولي فيه صدقت يا ابوي الرجال مو بالمهر اللي بيدفعو بالمعاملة اللي بيعاملك فيها
ولما سالني زوجي بعد الزواج كم تبغي يكون مهرك قلت له 5000 خمسة الاف ريال :060:
راح تقولون كيف تجهزي نفسك خمسة الف ماتجيب حتى شبكة
اتفقنا يجهزني هو من الى يعني اروح اشتري كل اغراضي وهو يدفع يعني كل ما شريت شي هو يدفع من اكبر شي لاصغر شي واخترت قاعة على قدنا وكل شي بالمعقول يعني وبكل ذكاء لوجيتو وحسبتوها بيطلع مهري خمسين الف ريال بس لانها مفرقة ما يحس فيها وبكدا مايكون اتسلف ولا شي هاذا اذا كان الزواج بعد سنة وزي ماقالو البنات حتى لو مهرك قليل صدقوني ربي بيسهلها وبيطلع العرس زي ماتتمني واكتر الله يطرح البركة في مهورنا جميعا يابنات ودمتم بخير:087:

حبيبتي(الزهور الحالمة ) أسعدتني مشاركتك لموضوعي في البداية باقولج شي آنة متزوجة من زمان على أيام الرخص و الحمدللة عندي عيال و يوم فكرت في الموضوع و طرحتة للنقاش كان لأسباب منها :1 : أن المنتدى خاص بالعروس و لازم نطرح مواضيع حلوة و مثيرة و نافعة للجميع .2:مناقشاتنا الهادفة تثري العقول و يستفيد منها المقبل على الزواج 3:نصحح بعض المعتقدات و العادات ........أما التعليق على رأيك اللة أيعينك علي هههههههه آنة ما أيد ألأشتراط على الزوج بقيمة المهر و في نفس الوقت ما أخليها سايبة و عن تجارب ناس من قبل قالوا أن في عوايل تخلي المهر و شيمة الرجال لكن تفاجأوا بأن الرجال يملك المال و لكن ما يهون علية يدفع و في الأخير تطيح براس الأهل ؟؟؟ ومن هذي القصص كثير ... آتمنى من اللي مرت بتجربة مثيرة او غريبة تشاركنا لتعم الفائدة و نحقق هدف أنشاء المنتديات . لكم حبي و تقديري لآرائكم:016:

ياما ناس مهورهم فوق 100 الف ريال سعودي ولا توفقوا ويما ناس على 50 الف سعودي ومشوا الدنيا كفاح <<مو متزوجه ماجربت الشعور الحقيقي خخ
من وجهة نظري
مهور امهاتنا 50 الف يعني بزمنهم الحين تغير الوضع 50 لاااااااا يمكن تسوي شي

الله يكتب لكل بنت ماتزوجت ^_^ الزوج الصالح يارب الي يصونها وتكون بينهم موده ورحمه بالدنيا والاخره

(بنت الجزيرة)يارب يكتب لك الزوج الصالح اللي أيعزج و يصونج (هذا ماجربتي ) اللة أيعينا ليجربتي خخخخخخخخخ:085:

احنا تقريبا في منطقتنا المهر عادة من 25 الف الى 30 الف

واحس انه يكفي ان شاء الله اذا كانت البنت مقسمتنه عدل

وبالعكس كلما زادت المهور كلما هونوا الشباب عن الزواج

وعندنا في السعودية حالياً اغلب الشباب رواتبهم مرة نازلة.. 2000 و1500

فلو زادت المهور.. مااحد بيتزوج..

'[ قمر :
;10981325']

اول شي حبيت اشكرج على هالموضوع اللي مسوي دوووويه فالخليييج الصراحه ..

اول شي .. لكل بلاد فالخليج إمكانيه غير فالمهور والدفع وووالخ ..
يعني فالدوحه معرووف ان اغلى شي يدفعونه هني .. يعني مهورنا غاليه ..
بتقولين 100 الف ... اوكي ماتسوي شي .. الا اذا انتي كنتي عاقله بتسوي لج اشيا وايد ..
بقولج عن نفسي انا .. مهري نفس ماالكل متعوده فالدوحه 100 الف ..
هاي جهزت فيه الذهب والألماسات يعني اشيا استفيد منها لبعد سنه ..
تقريبا فوق ال 60 الف.. وعقب خذت الباقي لفستان العرس 15 الف وعقب بقى لي منه شوي خذت فيه الكوشه والتغطيه والاضاءه .. بزياده من عند ابوي فديته .. ماقصر .. وكل ابو طبعا بيزيد بنته .. والحمدلله انا ابوي زادني واايد ومدلعني .. يعني على حسب طبقة البنت .. على حسب هي شلون عايشه .. يعني بتعطين وحده 100 الف وهي متعوده ع الماركات كل شي لبسها شناطها تلفوناتها ذهبها .. الخ .. طبعا ماراح يكفيها .. بس هي خذت الولد وهي عارفه مستواه المعيشي يعني تدري اذا هو غني واذا هو عادي والا فقير.. يعني مب عجبتج سالفة انج بتعرسين وعقب تقولين ماعطوني مهري هالكثر ابي وووو الخ .. انتي فالبدااايه خذتي الريال اخلاقه وطبعه وهله .. وسمعته .. ماخذتيه ببطاقة البنك اللي عنده !!!!!
يعني احسبيها معاي .. " انا اتكلم عن قطر "
مهر =100 الف
شبكه = 35 الف
حفلة الخطوبه " طبعا عليه " قولي تكاليفها اذا فالبيت شوي اذا ففندق غير قولي 50 الف
هدايا ما هدايا = 10 الاف
العرس ..
القاعه = متوسط 70 الف
الطاولات = 40 الف < اذا عاديه بعد مب خشب والا قزاز
عرس الرياايل .!. الخيمه ب40 الف تقريبا
الذباايح 20 الف
السفررررر
ولا فوق ال 80 الف
اذا سفره عاديه بعد
والمكان اللي بتقعدين فيه .. كان ملحق بيعدله وبيكلف عليه وكان بيبني ووو الخ
يعني لو تجمعينهم مليووون !!!!
مب حرام عليج تاخذينه بديونه ؟
ولا القهر لو قالت عقب شهرين .. انا مارتحت له بتطلق !!!!!!!
مساكين الشباب ترا .. خصوصا ان البنات صارت عندهم موضه يتزوجون ويتطلقون ؟؟
وعقب انتي بتحسفين كل ماتبين تاخذين شي بيقولج مديون تبين تسافرين بيقول مكان عادي
انتي استانسي على تفكيرج بالمستقبل
ماقولج الريال ماعنده ديون بتاخذينه لازم عنده ديوون .. بس لا تكونين من بدايتها جذي..
فخلج معتدله .. يعني ادعي ربي يوفقج وارضي بمهرج مهما كان .. وهلج مب مقصرين معاج ..
وحاولي تعودين نفسج انج تكونين على قد امكانياته
مب تحرمين نفسج بس طالعي سيدا مب فوق ولا تحت !
ولا تبخلين على نفسج بشي ايام عرسج ترا والله التجهيزات فله ووناسه خصوصا تاخذين اللي فخاطررج كله ,, بس بعد كوني عاقله وفكري انها حق شهر شهرين .. يعني بتفهميني مب رايحه السوق!! انتي فشهر العسل مب مخليه شي الا ماخذته ..
يعني يمكن تحملين ! تنتفخين! ماتدرين والملابس وين زباله !
ربي مايرضى عليج بعدين والله يعينج على البلاوي اللي بتييج ,,,
خلج عاقله وفكري بنفسج وبريلج .. هاي اذا تحبينه ... :$
مثل ما احنا مأقلمين نفسنا على مهورنا
بعد السعوديه والبحرين والكويت مهورهم قليله وكل واحد مأقلم نفسه لانه مايشوف فوق عشان تنكسر رقبته.. راضي بكل شي كاتبه له ربه .. =)

الحمدلله على كل حاال ,, والله يوفق الكل ان شاء الله ,,
سوري ع الاطاااله ..

درر والله درر :ok:

أنا بالنسبة لي ماطلبت مهر وخليناهم على الشيمه على قولتكم،، والحمدلله
صج ان المهر طااار ومابقى منه ولافلس مع اني للحين ماتزوجت :085: لكن صرفته في أشيا مفيده وبتدوم عندي طول العمر،، يعني مثلا خذت لي سياره يديده ، ولو بنفكر سياره ولا طقم ألماس؟؟!!! مافي وجه مقارنه بالنسبه لي

وفي رايي الشخصي ان وايد وايد أشيا مب ضروريه ولا لها سالفه ولا شي غير انها "مظاهر" فقط وحب ظهور وسطحيه في التفكير

بالنسبه للقروض والسلف وغيرها أنا ضدها بتاتاً،، يعني الواحد وش بيلحق عليه؟؟ قرض حق زواج، قرض سياره، قرض حق بيت :047:
ومافي واحد "شاب" بيقدر على هالمصاريف بروحه وكل شي عنده كااش، وعني أنا مابرضى بواحد ابوه يصرف عليه ويزوجه ويبني له ويقعده في البيت وهو ماصرف ولا نتفه

والحمدلله قانعه باللي عندي وأهم شي عندي اني أقدر اتجهز واسوي حفله وأسافر بدون ديون لأن الديون لاحقين عليها في أشيا أهم

وكل التجهيزات والخساير والمصاريف ترى مب مهمه وايد وتقدرون تشترونها بعدين وحلاته الشي تعبانين فيه شوي خخخخ قيمته عندج تصير أكثر

والله يعينكم على هالمجتمع اللي كلما الناس يتطورون هو يتخلف :096:

وترى لا تاخذين كلامي على انه لج شخصيا او جذي
بس يعني ابداء رأي :040:

هلا و مرحبا (أنا الشوق)ياللة أتعينج عاد الحين باستلمج من الزين في بداية ردج قلتي أنج شريتي سيارة جديدة يعني السيارة لو قلنا على قد القد بتكون لا تقل عن دينار6000 في غيرج أيشوف أن هذا أسراف ما في داعي للسيارة دام عندج غيرها وبعد يعتقدون أنها من ضمن المظاهر (اللي وايد أيتكلمون عنها).... النقطة الثانية قلتي أهم شي أني آقدر آتجهز و آسوي حفلة و آسافر بعد في غيرج أيشوف أن ما في داعي للحفلات لأنها مظاهر و أسمحيلي سطحية في التفكير و كذلك السفر و في النهاية قلتي كل التجهيزات والخساير مب مهمة !!!!!!!!!و اللة أيعينكم على هالمجتمع تقصدين اللي كلنا عايشين فية بس سبحان اللة الناس تختلف في الأولويات و الضروريات يعني المهم عندج كثير من الناس أتشوفة مب مهم و العكس صحيح ....و مستحيل آفكر أنج تقصديني لأني قلت من قبل أن الموضوع طرحتة علشان كلنا نستفيد و ما فينا أحد أحسن من أحد بس وجهات النظر تختلف من شخص لآخر:025:وايد فرحت بمشاركتج.

فهدونه;11009381:
هلا و مرحبا (أنا الشوق)ياللة أتعينج عاد الحين باستلمج من الزين في بداية ردج قلتي أنج شريتي سيارة جديدة يعني السيارة لو قلنا على قد القد بتكون لا تقل عن دينار6000 في غيرج أيشوف أن هذا أسراف ما في داعي للسيارة دام عندج غيرها وبعد يعتقدون أنها من ضمن المظاهر (اللي وايد أيتكلمون عنها).... النقطة الثانية قلتي أهم شي أني آقدر آتجهز و آسوي حفلة و آسافر بعد في غيرج أيشوف أن ما في داعي للحفلات لأنها مظاهر و أسمحيلي سطحية في التفكير و كذلك السفر و في النهاية قلتي كل التجهيزات والخساير مب مهمة !!!!!!!!!و اللة أيعينكم على هالمجتمع تقصدين اللي كلنا عايشين فية بس سبحان اللة الناس تختلف في الأولويات و الضروريات يعني المهم عندج كثير من الناس أتشوفة مب مهم و العكس صحيح ....و مستحيل آفكر أنج تقصديني لأني قلت من قبل أن الموضوع طرحتة علشان كلنا نستفيد و ما فينا أحد أحسن من أحد بس وجهات النظر تختلف من شخص لآخر:025:وايد فرحت بمشاركتج.

خخخ لا عادي استلمي على راحتج
السياره خذتها مضطره أصلا لأن فكرت بعد الزواج لازم بحتاجها حق الدوام ومايصير آخذ سياره البيت :040: مصختها عاد :037: بتورثها اختي خخخخخ
ويوم خذتها كنت أقدر آخذ أحسن منها وأغلى بس فكرت بالعقل أهم شي سياره زينه وفيها كل شي أبيه وخل يتم لي شي من راتبي أتهنى به
لأني دفعت ترى المقدم بس من المهر،، بس مستانسه اني سويت هالشي ولا جان بتروح الفلوس على ثياب ومكياج وأشيا بستعملها فتره وبعدين بتنقط

والحفله والسفر قصدي ان يكون شي قد الميزانيه ما اضطر اني اروح اتسلف عشانه
يعني الواحد يقدر يسوي الاشيا الاساسيه أو الضروريه وفي كماليات واكسسوارات مالها داعي
وأقدر أجوف مثلا ميزانيتي وين توديني وأروح
ماقوم أحط على روحي قروض عشان أسافر والناس يقولون والله فلانه سافرت،، وتعالي بعدين كل وحده تشوف الثانيه فلانه اشترت و سافرت وأنا أبي مثلها وبس سلسله لا تنتهي :096:

وبعد أجوف ميزانيتي وش أقدر أجهز به من ذهب وعطورات وثياب وغيره وأكيف نفسي على الميزانيه،، مب شرط شرط اجباري اني اشتري لي كذا ساعه ماركه وكذا شنطه بالآلاف ولازم ألماااس وبدلات ماركات
اذا كلش في خاطري آخذ لي شي شيين بس مب كل شي،، والمشكله ان الاغلبيه مابياخذون ماركه عشان كواليتي، ياخذونها عشان رزه بس وعشان الاسم وعشان الناس يجوفونها
والمجتمع ايه قصدي اللي عايشين فيها احنا والمجتمع الخليجي خصوصا وايد عندهم أشيا مالها داعي

ترى أنا الحين على ويه زواج ومنبطه جبدي من الاشيا اللي لازم نسويها مالها داعي فيعني سوري طلعت حرتي هني :041: بس الحمدلله ان شالله بنتزوج وماراح تكون علينا ديون

ومثل ماقلتي الناس تختلف في الأولويات، وكل واحد بيحط أولوياته على حسب البيئه اللي حواليه وعلى تجاربه في الحياه وعلى ثقافته وعلى أشيا وايد

والدليل الردود هني تبين الاختلاف في التفكير والشخصيات
وشي حلو تعرفين راي الطرف الآخر :094:

وأنا ترى مب ضد ان يكون المهر وايد وجذي، بس ضد فكره ان الواحد يشربك روحه بسلفيات وقروض وبلاوي عشان حفله وثياب واكسسوارات وسفر
اذا عنده،، مافي مشكله يسوي اللي يبيه بفلوسه دامه قادر
بس اللي ماعنده وش حاده وهو وراه مسؤوليات وأشيا أكبر مثل البيت والعيال بعدين
يعني قهر اني مثلا بعدين أبي ادخل ولدي مدرسه زينه، وادري ان البعض بيجوفه مب مهم، بس ماقدر عشان للحين قاعد أدفع قرض زواجي :057:

وييي ياربي وايد هذرت وطلعت عن الموضوع
بس الخلاصه ان اللي عنده خل يسوي اللي يبيه بس اللي ماعنده لا يحمل نفسه اكثر من طاقتها

حياتي واللة (أنا الشوق)وآنة معاج في اللي قلتية و يازينج ويازين هذرتج:03:

امممم
انا بقول رايي ويمكن ما يعجبكم .... واتمنى ما تفهمون غلط .. وهو في النهاية وجهة نظري ( الخاصة ) ..
محد أنكر ان البنت تشتري الرجال والأخلاق أهم من كل شي والستر أهم شي ................. الخ .
لكن المهر بعد مطلوب ومهم انه يكون يكفي لتجهيز البنت بشكل ( محترم ومعقول ) .. يعني في مجتمع مثل مجتمعنا القطري ،، 100,000 مهر مب مبالغ فيه ،، يعني هذا المتوسط ،، وطبعا في اللي يعطون اكثر وفي اللي يعطون اقل ...
بالنسبة لي : طبعا أبي رجال يستر علي ويكون على أخلاق ودين ،، ولكن من الضروري أن يكون مهري مو أقل من غيري ،، ويكفيني أجهز نفسي بطريقة أحس فيها أني ( عروس ) .. مو أجهز وأحس أني مضغوطة ومو قادرة أوفر لي اللي أبيه ...

وووووبس ^_^ .. الله يرزق كل البنات بالزوج الصالح .. آمين

فعلا جبتيها على الجرح
حنا بعد نشتري الرجال ولا نقول نبي مهر كذا
بس بعد الوحده عندها متطلبات زي مثلا اختي جاب لها شبكه ومهرها40 الف ويوم الزواج عطاها طقم ألماس
بس الزواج علينا تكفلنا بكل شي حتى الذبايح وطبايعنا ان الذبايح على المعرس بس ماقلنا له شي وش راح تكفي 40 امي وابوي زادوها واختي قلنا اهم شي ليلة العمر والباقي لحقه عليه بعدين
الملابس اغلبها حقتها وهي بنت تجهيزها أشياء بسيطه مره والباقي ليوم الزواج اللي كل بنت تحلم فيه

وبنفس الوقت بعد هو عليه متطلبات تجهيز البيت وشهر العسل بعد حرام نجهد الشباب ومايدري هو يتوفق ولا لا وتصير عليه ديون

انا اللي يقهرني يوم يتزوج وهو يقول ماعندي فلوس واذا قالت له زوجته ابي قال ماعندي بس اذا صار وده يتزوج على زوجته تطلع الفلوس ويتدين عادي
اللي معذور معه حق بس اللي كذا يبي يجرب على فقر وش تسوي الوحده بعمرها

(حلاتي بأنوثتي)و(مرفوعة الراس):03:أشكركم عين العقل

الله يرحم زمان اول كيف اتزوجوا امهاتنا

يالله كيف ننسى ونتشرط الحين ومعظم البنات بعدهم يالسات يتريون

(جذور الألماس)يا هلا والله بالغالية آنة معاج التوفيق أولاً و أخيراً بيد رب العالمين بس أنرد و أنقول أن المهر القليل متعب للعروس لأن المتطلبات وايد.........والله أيوفق الجميع:ok: