أهلا وسهلا بالسوريات الحلوات بتجمعنا لشهر ذو القعدة

الله يسلمك يا دمشقية و يخلي لي اياك يارب والله كلامك مزبوط أنا بداوم دوامين واحد بالشغل وواحد بالبيت بس شو بدنا نعمل الحياة كلها التزامات و متطلبات و بيني و بينك بهالغربة الشغل الي أكبر تسلاية يعني كتير بفكر أحيانا اني خلص تعبت و لازم استقيل بقعد يوم أو يومين بالبيت بحس انه روحي طلعت بقوم برجع عالشغل ومن فم ساكت كمان لأن لوحدة و بوضعي أكبر تسلاية الها الشغل بس كمان ما منقصر على حالنا بشي يعني مشاوير و طلعات و أصحاب و أسواق يعني الحمدلله كمان عايشين حياتنا

تسلميلي كاتس والله بخير الحمد لله انا انا على حالي مابتغير
والله زمااان ياكاتس .... وان شالله هنا وعوافي يااارب على الاكل
انا محتااارة زوجي مسافر صارلو اسبوع بقى مبردة قلبي لهلأ مافكرت شواعمل هههههه

حرام عليكي يا بيرل تدعي علي

حتى تعالي شوفيني هلأ عم اطبخ

جوزي حكالي نفس الشي انو ما كان مصدق اني اعرف اطبخ و فكر انو رح يقضيها سلق بيض

حق معك بيرل الغربة صعبة وكمان جلسة البيت على اصعب ربي يقويكي
ويعينك المهم انك تكوني بتروحي وبتطلعتي يعني حتى تحسي شوي بالراحة ..... بتعرفي انا وزوجي عم نفكر بروحة هيك اما على ماليزيا او شي بلد تاني حلو بس ماعم تظبط بسبب امو وولادي كمان

فكري هيك انتي والله غير شكل واعملي رااااااحة انتي وزوجك صدقيني هيك روحات حلووووة الك وبتخليكي فريش وكووووول ههههه لخمس سنين قدام

اي بدها طولة بال القصة يا دمشقية كل الأولاد بيعذبوا بالبداية و بعدين بيمشوا ان شاءالله بقى لا تخافي وماشاءالله عنه بالعربي ممتاز لكن ياستي اللغة الأم ههههههههههه لازم سيبوايه يتفصح
معك حق من غير شر بس يكون الرجال برا البيت بتقضي الوحدة بأي أكلة و السلام
صحة وهنا كاتس انا بعمل هالأكلة بس على يخنة و بحط معها بطاطا بتطلع كتير طيبة و الرز بالبازيلا بس على لحمة مفرومة بقلبه و على وجهه بحط جاج و قلوبات يعني بعمله متل المنسف
انا اليوم باقي عندي كواج عملته من كم يوم

ههههه شو قصتهم هالرجال دائما مستهترين بقدراتنا وبنزلوا من عزيمتنا
بس شطووورة كاتس ماشالله عليكي اثبتيلوا العكس
اديش عمر بنتك البركة ؟؟

الله يخليلك يا دمشقية صدقي مناهج هالصغار صايرة عم تعقد

الطفل غصب عنو بدو يطلع اكبر من سنو

طلعت المنسف و لا اسهل منها يعني اذا مو جاي على بالي اطبخ بعمل منسف

بس زوجي ما بحبها كتير بحب يغلبني هههههههههههههههههههه

انا عم ادعي عليك بالخير كاتس لا تفهميني غلط وكلنا من قبلك وقعنا هيك وقعة دعوا علينا الله لا يقيمنا و طبينا بس ماشاءالله عننا كلنا متل الطبق الصيني ما جينا غير واقفين هههههههههههه مداح حاله ههههههه

والله يا دمشقية عم نفكر فيها و ان شاءالله منطبقها عالصيفية الجاية اذا الله اراد يا منطلع شي اسبوع على شي بلد و بعدها مننزل على سوريا منكمل اجازاتنا أو مننزل على سوريا و من هناك منروح لشي محل بس خليها على التيسير لأن الواحد ما بيعرف حاله من هلأ لساعة شو ربنا كاتب له

شايفة بيرل طلع بالعربي تمااااااام هههه يالله الحمد لله وان شالله بطول بالي وهوكمان الله يعينو والله شي مو سهل بس ربك بعين
وعوافي وصحة على الكواج طيبة مع فلفل اخضر وبصل اخضر الله .. عوااافي

معك حق يا بيرل هيدي الاكلات متل عندنا

بس انا ما كنت عارفة شو بدي اطبخ فطلعت اللحمة من اول

و لما اجت فكرت الطبخة خليتها على اللحمة يلي طلعتها الضرورات تبيح المحظورات مو هيك

بنوتي عمرها عشر اشهر بعدني في اول الطريق

ههههه اي كاتس الرجال غلباوية وبغلبوا كمان الله يخليهم النا يااارب
والمنسف فعلا سهل بس مابسترجي اطبخوا لان زوجي بحبو من مرت صاحبو بخاف اطبخوا ويقللي لاء هداك اطيب ساعتها بكب الاكلة كلها وبعلئ بزوجي خخخخخخخ بقى مريحة راسي

*********

بيرل الله يكتبلكم الخير ويخليكم لبعض ياااارب دوووم
كيف الجو عندك بيرل بلش يبرد وانتو كاتس عاد عمان باردة لانو جبال صح ؟

بتعرفو انو الواحد اذا بدو يطلع هيك طلعات يروح على تركيا او ماليزيا

بما انكن من سوريا بس انا لما فكر اطلع بحط سوريا في بالي اول شي

خصوصا بانياس كتير عم اشتاقلها و اشتاق لقعداتها بس زوجي ما عم يفضى

و اهلي غدروني وطلعو لحالهن في اجازة الصيفية و رجعو عم يفرجوني صورهن

حكيت لزوجي اذا ما بفضي حالو رح روح لحالي هههههههههههههههه

معك حق دمشقية في اكلات انا كمان ما بسترجي اطبخها لأنو رح يقارنها بأكلات الماما

صحيح ما رح ازعل منو بس ليش اغلب حالي اذا أنا بحب اكل الماما اكتر من اكلي

تصدقي انو قعدنا فترة شتينا و تقلنا باللبس و هاليومين يلي مرقو رجعت صيف مزبوط

وكل العالم عنا مرضت و اليوم رجع الجو برد فجأة

الله يخيلك ياها يارب كاتس ويحميها حلو هالسن

والله سوريا حلوة وبتجنن بس كمان الواحد بحب يغير ماليزيا حلوة ورخيصة كمان بالنسبة لبلد غريب وبعيد
انا هالسنة انبسطت بسوريا كتير شوفو تقريري نزلتو هون بالمنتدى واحلى شي تروحي لحالك من غير زوجك
فلللللة هههههه
وبالنسبة للاكل خلاص خللي كل واحد وبشو معروف افضل هههههه وخلينا نحنا باكلاتنا الطيبة الموديرن خخخخ والكلاسيكية الهم موووو

عمركن اسمعتو في مربى الموز

هلأ عم دور على اكلات بلموز طلعلي المربى

فكركن جرب اعملها لأنو عندي موز كتير مو عارفة شو اعمل فيه

الله على البرد والله انا بحب البرد كتييييييير وبحب البس واتكنكن حلوووة اتكنكن مووو ههههه

هدا تقريري بسوريا شوفوه
http://www.forums.3roos.com/t488956.html

صحيح بيرل بعرف انك عم تدعي محبة بس حبيت اتدلع شوي

و حتى لو مو محبة ما بزعل منك كل شي منك مقبول لانو الي بنحبن

ما بنزعل منن فكيف لو كنتو انتي ما النا حكي ابدا

و اكيد رح يجي يوم ادعي هالدعوة لوحدة من يلي رح يوقعو متلي هههههههههههه

يسعدلي يلي متكنكن هههههههههه جبتها صح

رح شوفو و اعطيكي رأيي مع انو ما الي حكي بسوريا و جمالها ابدا

لا والله عمري ماسمعت بس هالزمن كل شي بصير
جربي كاتس ليش لاء الموز حلو طعمو واكيد بالمربى غير شكل