تجمع أمهات الوطن العربي .. شهر شوال 1430 - 2009 م

ههههههههههههههههه تعودت على النظام

هم انا تعودت رغم ان الود ودي ينقل ويكون هنا او على الاقل اسبوع واسبوع

بس ننتظر الفرج من الله

اميرهالله يفرجها عليج وانشاءالله تشوفينه كل يوم :)

صحوبه منوره
اشلونج واشلون ولدج؟

ان شاء الله ربي يسمع منج امين

ويجي الفرج قريب

مفتون شخبار البرنسيسه انقلبت ولاااااااااااا؟

ابي انام بس خايفه

انام وتجلس بنتي

ياربي متى يتعدل نومها ونومي

لان حتى لما نامت النوم راح عني قبل تنام كنت راح اانام ونا جالسه من

التعب بس نامت سبحان الله راح النوم والحين فيني النوم والاذان قرب اخاف انام وماجلس لصلاة الفجر

شو رايكم انام ولا لأ

أميرة..

لا تكبرين الموضوع عادي يوم بتنج بتقوم انتي قومي ويوم بترقد انتي ارقدي.. وثقي انه ان شالله الوضع بيكون احسن يوم عن يوم بتستوي فترات رقادها اطول وخصوصا فالليل وفالظلام..


انا من عقب رمضان اخترب نظام بنتي وماعرف كيف اعدله بس مضطرة اني اقوم وقت ما هي تقوم وارقد وقت ما هي ترقد.. وخلاص تقدرين تقولين تعودت الحمدلله..

مشاعر..

في محاولات بس بسيطة جدا .. وخصوصا اذا شايله البامبرز هههههه

بنات..

كيف تقضون اليوم مع يهالكم؟ شو يسوون يوم يكونون واعين؟

انا بما انه بنتي توها مكمله 4 شهور .. فأغلب الوقت بين الفراش .. عندي فراش حلو من تك تك على شكل سمكه .. الوانه برتقالي ووردي.. اخليها طايحة عالارض عالفراش هذا لأنه فيه اسفنج.. على اساس تتحرك على راحتها ولو انجلبت يكون مكان آمن.. وعقب ما احطها عالفراش احط لها لعبة يعني نفس هالفكرة




وعندي الكرسي اللي تحبه وايد عشان فيه ببغاء هههههه تحب تمسكها وتاكلها

يعني طول اليوم بين الفراش والكرسي.. وانتوا؟

هلا مفتون

انا عندي مفرش اسفنجي شكل دب

وفوق العاب موصوله فيه اكوكها واخليها تلف وفيها مسيقى

بنتي تطالع فيهم بس لسه ماتعرف تمسكهم

واغلب الوقت بنتي نايمه او على حجري

اكلمها علشان تتكلم بس كلا تصيح او نايمه

او ابطحها على هذا المفرش واخلي المسيقى تشتغل وتسكت :)

ان شاء الله مفتون راح اعمل زي ماقلتي

وانا م معها واجلس معها

صباح الخير امهات كيفكم واخبار الصغار

مفتون حلو دائما الطفل يتعلق في شي يجذبه اكثر

من الالعب انا ابني يحب التلفون من يسمع يرن يدور عليه
وعنده كوره يحبه يلعب فيه

اما على يومي معه ابني لان يحبي غهو يحول يكتشف كل شي
وانا وراه واناشيد له لمن يجالس والسولف ولمن
يحن ويرنه اقراء له قران
وعنده المشيه يحب يجالس فيه لانه يحس انه يمشي ههههههه ما يضل مكان ما يروح لها

وتعالي اتي وراها او اني اخليه في ساحة البيت يغير جو فديته

هذا اكثر شي في يومي مع ابني

صباحو يا عسولات
انا طبعاً مشغولة ازهب في روحي للسفر

بس موضوع مفتون جدبني...انا اقضي وقتي مع بنتي طبعا لما تكون عندي ما أفارقها ابداً وتلاقيني ألعب معاها واكلمها وساعات احكي لها طبعا هي ما تفهم بس تصدقو تظل ساكته وفالته عيونها فيا ...ولما اسكت تصيح ههههههههههههه...عندها لعبة البينك باندر متعلقة فيها وسماته كوكي تلعب معاه وعندها واحد في بيتنا وواحد في بيتي ...عشان تلقاه امتى ما تبي...طبعاً عندها كرسي من ((ماما لوف) فيه ألعاب تحب ترفع نفسها عشان تشد اللعب الي فيه
وانا فرحانه هاليومين صارت تفهم لما تلاقيني أحظر في الحليب واخض في الرضاعه تظل تحرك رجليها وتضحك دليل انه عرفاته آكل
ولما اجي آآكلها تشوف الملعقة قربت منها تفتح فمها...فرحت لأني حسيت بنتي ذكية ...وعندها حاسة تذوق ممتازة واكتشفت تحب اي شي حلو ...ما تحب الخظار وتحب الفواكه

مساء الخير امهات شخباركم؟! ماعدا اجمل ان شاء الله بتصير ام قريب هانت
ما بقى شي

عاد انا يوم اولد فتحوا لي تجمع يديد عشان احس اني صرت ام ههههههههههههه
كل يوم رازة ويهي اهني
وانتوا تسولفون

بس انا مستغربه من شي
مفتون الحين انتي شبه .. عودتني بنتج عليج
بعدين لما تكبر شوي 6 او 7 شهور بتنظفين وبتطبخين وبنتج متعلقه فيج من الحين
ف كيف بعدين!!

انا استغرب من ام زوجي تقول احسن بعدين يتعلق فيج
وتشوفين البيت وسخ
قلت لها اشدعوه هذا اول مولود يعني لو ادلعه برايي
وقت ما ينام اقوم وانظف .. وانا الريدي حاطه في بالي كم شهر من بعد ولادتي
بدور لي على شغل وبيي شغاله ما بتم كذا
وكله عند امي بحطه والشغاله وياه

طبعا ام زجي مو عارفه بموضوع الشغاله لأنه عارفه انها بتتحلطم كثير وانا مو ناقصه
نفسيتي تخترب ..

انا اللي اشوفه زوجة اخو ريلي .. ترضع ولدها تشوفه ينام شوي
الا حطته بعيد عنها ويرد شوي ويصيح اقولها ليه تسوين كذا طيب
خليه بحظنج شوي يرتاح هو اصلا لما يحس امه عنده
تقول لا ما ابي يتعود بعدين يأذيني
قلت لها طيب مش كل يوم تسوين هالحركه .. يعني مرات ومرات
عشانه هو مو عشان شي ثاني

الا ام زوجي تفز تقول لا احسن عشان ما يتعود
بكرة عليها طبخ وغسيل وهو دايما بيصيح
بتعابل البيت ولا بتعابل البيبي
قهرتني عيل ليش يايبه يهال اذا بتمين طول عمرج معابله البيت
مدري حسيتهم اثنينهم فيهم برود مو طبيعي
هذو هلي كل ما اييبون يهال يحطونهم بحظنهم وما شاء الله بيتهم من انظف ما يكون
يعني اشدعوة

عاد قلت الله يعيينني انا يوم بتنزل الشقه .. كل ساعه بتيلس تحن فوق راسي ان شاء الله
وانا الريدي امفكرة نفاسي يكون عند امي وقايله حق زوجي
بتم هناك قال عادي بس انا كل يوم لازق وياكم ههههههه والحمدلله امي راضيه ومستانسه
حتى كل ساعه تتصل تقول لي اكلي فواكه وسلطه ..
رضا الام غير والله توي حسيت فيه

اهلين امهات بسالكم

بنتي الحين لها شهر ونص

وسرها انتفخ من امس

يعني هذا طبيعي ولا شنو ؟؟

هلا امهات كيفكم واخبار الصغار

شيراد حلو العب مع اطفالنا وناسه ايه لان خلاص تبداء تعرف كل شي وتفهم عليج
الله يحفظها لج يارب

جود حبيبتي انتي مكانج معا ممهم صار

اما على الوقت عادي انا ابني متعلق فيني كثير

واخالص شغلي وهو صاحي واذا جالس يبكي اخاليه لبعدين عادي لحقين على الشغل البيت
اهم شي ابني فديته

اشوفكم بعدين ابني نام بروح اخلاص شغلي وارجع لكم

افا كيف تسوون تجمع وما تزقروني :(:(
زعلت ترى :(

وانا بين فتره وفتره احدر قسم النساء والولاده وما احصلكم
اثاريكم هنييه ^^

أميرة ..

شكلها لعبتها حلوة بس هي اول فترة ما بتقدر تمسك يعني يوم بتكمل الرابع بتبدا تتحكم بايديها عدل.. الحين شهرين وثلاثة بتكون تحرك ايديها لا ارادي واذا طاحت اللعبه في ايدها تمسكها.. بس مب انها تحرك ايدها باتجاه اللعبه.. بتمسكها بالغلط وبتستااااااانس ههههههه الحين ماشالله اشوف بنتي قامت تطالع شي وتركز فيه وتحرك ايدها باتجاهه .. :)

أما على نفخة السر انا ساعات كانت بنتي يوم وايد تصيح وتعصب ينتفخ سرها.. ههههه

--

جود..

بالعكس انا ابدل لها بامبرز و ارضعها واخليها .. تلعب وتطالع التلفزيون وانا اكمل شغلي واسير اتسبح عادي.. واذا حنت شوي عادي ما اسوي لها سالفة.. ووقت اكلها اعطيها الاكل قبل لا تصيح.. عشان ما تتعود تلاقي اللي تباه بالصياح..

واذا كانت مافيها نوم ما اخليها في حضني.. عشان ما تتعلم تلزق.. لانه في يهال ماشالله يستوون 3 و 4 سنين ولزززززززقه حتى مدرسة ما يسيرون ..

بالعكس احلى الياهل يكون لج معاه اوقات لعب ودلع .. واوقات خلاص يتعلم يسلي نفسه ..


--

شيراد..

احسن فكرة انج حاطتلها العابها بيت اهلج وبيتج .. عشان ما تنقلين اغراضها ساير ياي.. حطيلنا صورة لعبة ماما لوف احس ابا اشوفها.. وصح كلامج تصرفات هيونه تدل عالذكاء ماشالله عليها ..

وتعالي متى سفرج؟ بتوله علييييييييج :(


--

فراشة ..

فدييييييييييت صوصو احس ماشالله بيمشي بسرعه.. هو كم ضرس فيه حاليا؟

اماراتيه كيوت;10482624:
افا كيف تسوون تجمع وما تزقروني :(:(
زعلت ترى :(

وانا بين فتره وفتره احدر قسم النساء والولاده وما احصلكم
اثاريكم هنييه ^^

:rolleyes:

انتي وييييييييييييييييييييين؟؟

اصلا ما اشوف لج مشاركات موووووووووووووووووووووووووووول ولا كنت بطرشلج والله تونا فاتحين التجمع من فترة بسيطة.. لج وحشه والله (f)

مفتون;10482697:
:rolleyes:

انتي وييييييييييييييييييييين؟؟

اصلا ما اشوف لج مشاركات موووووووووووووووووووووووووووول ولا كنت بطرشلج والله تونا فاتحين التجمع من فترة بسيطة.. لج وحشه والله (f)

ياعمررررري والله وربي انتووووو اكثثثثر ^__^
انا موووجووده ما احدر دووووم ^^
طمنيني عليييج عساج بخير والكل
شحالكم ان شالله بخييير
وشخبار بيبياتكم ^__*:tongue:

الحمدلله نحن بخير..

سميتي بنتج فاطمة صح؟؟ كم عمرها الحين