΅ مجلڛ بناااااټ , ڜهږ ڜواڶ 1430 - 2009 م ΅

الفرس;10481932:
الله يكون في عيونش خيوتي عذبة المشاعر
ويوفقش يارب ويرزقش الخير نع اللي كاتبة لش ربش
الواحد يختار ويخطط وينطر ويضيع سنين وسنين من عمره وفي الآخر اللي الله كاتبه هو اللي يصير
سبحانه

ونعم بالله :)

عذبه
لا تضايقين روحش ولا تتعبين نفسيتش
صح التفكير بالعقل في هالامور اهو الصح
بس القلب بعد له دور، تخيلي تاخذين واحد مقتنعه فيه بس قلبش مايبيه
غير اذا اخذتين واحد قلبش وعقلش يبونه ..

كمام الأمل;10481957:
سروبه فديتج منوره بدون المخفي هههههه

:D

اهااا يعني جذي السالفه
صح صعب في وضعنا وفي زمنا شاب بعمره يكون مكون نفسه وقادر انه يتزوج او حتى يخطب بس ليش ما تقترحون عليه انه اي احد من اهله يسلفه ع الاقل قيمة المهر او يساعدونه ابوه او اخوانه الكبار وتملجون وباقي الامور من شقة وتاثيث وزواج اجلوها لين ما تتخرجون وتكونون نفسكم..
وصح كلام والدتج فكري بعقلج ووزني الامور صح وع اساس هالموضوع قرري وفي النهاية ثقي انه اللي فيه الصلاح لج وله راح يصير إن شاء الله بس انا حاسه فيج واصلا مبين من كلامج انه عاطفتج مسيطره ع كلامج وإن شاء الله تتحسن الاوضاع وتاخذيين اللي تحبينه ونفرح فييج قريبا يارب

ع ذبة المشاعر;10481984:


امبلى يدري - وقد ما يقدر يحاول يستعجل في الموضوع

بس المشكله انه هو قدي عمره 21 يعني بعده صغير

وغير ده وراه جامعه ودراسه وشغل فمظغووط حده ,, بس الله يفرجها

صادته ظروف صعبه خلته يتأخر غصباً عنه بس ان شااااء الله تتيسر اموره ويجي

,,

وللحين ما دخلت مقابله للحين ما جوا




علامش عين العقل

واني عارفه هالشي ومقتنعه فيه

وهو يدري انه متقدمين لي - ومو اني اللي قلت اليه - امي اتصلت وقالت الييه عشان يستعجل على عمره

واني مو مقرره ارفض الشخص او اوافق عليه موقفي صعب ومو عارفه اتصرف - امي تقول لي فكري بعقلش مو بقلبش وخلي العواطف على صووب , وامي اللي قالت ليهم حياكم تفضلوا البيت

وابد ما زعلت من كلامش :) بس لاني انحطيت في موقف صعب غصبا عني

والله كريم

هذيان;10481896:
الله يساعدش خيو :(
انزين ماقلتين له ان فيه اوادم يتقدمون لش؟ وانش بتدشين مقابلة؟
يمكن بهالطريقة بيعجل في الموضوع شوووي
دخلتين مقابلة او للحين؟


نطري تروحين سنة ثالثة واذا تقدم لش الشخص المناسب وافقي
سنتين خطوبة عاادي :D ومن تتخرجين تزوجي(6)(a)

يصير خيو خيو
محد يدري متى نصيبه
ابي اعيش حياتي شوي اخذ راحتي بعدين بفكر خاصة هالايام كلش ضايق خلقي ومضايقة ساعات اقول ياريت انخطب الحين وساعات لا
انتون بس ادعو لي الله يحقق الي في بالي واكمل دراستي على خير وانجان على فارس الاحلام كل يوم اتخيل شكله غير:o

عذبه مشاعر :

حطي ببالش ما بيصير الا الي الله كاتبنه

وكل واحد ما ياخد الا نصيبه من الدنيا

والله يفرجها ان شاء الله وتتيسر امورش :)

سلالالالالالالالالالالام
شخباركم
شمسوين
تتوني يمكملة الواجب

يتصفح الموضوع حالياً: 8 (8 عضو و 0 ضيف) ‏أم علييي, ‏سراب الأمنيات, ‏ع ذبة المشاعر, ‏بحرينيه وافتخر, ‏W a r d

بنات انا واجد اترددت في اني انشر مشكلتي

بس واني اقرا مشاكلكم قلت بنزلها عسى آراءكم تنفعني وتساعدني اخطو خطوة فيها

انا تزوجت زواج تقليدي .. يعني خطبة من سنتين

بس بدت مشكلتي من سنة تقريبا من جبت ولدي

اول شي في الاربعين كل يوم يعصب علي يازعم متضايق من قعدتي في بيت ابوي ويبيني ارجع الشقة

أنا مسوية عملية قيصرية ومو ولادة طبيعية وصادتني مضاعفات عقب الولادة وفيني الديسك وممنوعة اركب درج

يعني احتاج لرعاية خاصة خصوصا واني ماقدر اشيل البيبي

جي موعد ختان ولدي وسوى مشكلة كبيرة مع امي على سالفة الدكتور والمستشفى

وسوى روحه زعلان ومتضايق وما قام يجيني البيت ولا يسأل عني ولا عن ولده

رجعت الشقة قبل لا اخلص فترة الاربعين وياليته كان قد كلمته

لا يدري فينا ولا شايل مسئوليتنا

بدا زوجي يتغير ويتحسس من كل شي اسويه لولدي .. كأنه هالولد مو ولده

كله قاعدة وياه .. مع اني اغلب الوقت اقضيه وياه

تهتمين فيه اكثر مني .. مع اني مو مقصرة وياه في ولا شي

بالعكس

كنت انظف البيت واغسل ثيابه واطبخ والاعبه ولا احسسه ان في شخص ثاني اخذني منه مثل ما هو يفكر وحاس ويتكلم دايما

بدا يجيب سيرة امي وانها متدخلة في اشياء واجد في حياتنا ويغلط ويتمادى في كلامه الغلط عنها وانا ساكته

ويوم فاض فيني قلت له انا مابي منك شي إلا انك تحترمني وتحترم اهلي

غلطت انا في هالشي ....!! وإلا مو من حقي ...!!

ما قام يسمع لي ويحتقرني ويتمادى في غلطه لين ما وصلنا للمرحلة اللي انا فيها الحين

قاعدة في بيت ابوي من اسبوعين من بعد ما طردني وقال حياتي اريح بدونكم

طبعا من بعد رحلة عذاب وياه ومع اهله اللي يتدخلون في كل صغيرة وكبيرة

ماقدر اشرح كل اللي صار في سنة لأنه بلاوي ما يعلم بها إلا ربي

بس هذي باختصار

في عيد ميلاد ولدي الاول كل ام تبي تفرح بهاليوم وانا صار هاليوم مأساة

زوجي واهله وقفو قدام امي واخواني وما خلو شي ما قالو عليهم وصرخو عليهم لين ما خلوهم يطلعون من المكان بعد ما قعدو مدة صامتين في مكانهم ولا كلو ولا استانسو

ويوم قلت له هذا احترامك لأهلي وإلا هذي تصرفاتكم وياهم

رد يقول يستاهلون من البداية وانا ما حبيتهم ومتضايق منهم

سكت على كل تقصير من ناحيته

وسامحته واجد من عقب 5 مرات يكردني فيها من البيت

استحملت وصبرت ودايما اقول باجر بيصير احسن وباجر بتتيسر الامور وباجر برتاح

ولا في فايده

كل يوم انذل وانداس واتعب ازيد من اليوم اللي قبله وعلى ناس ما تسوى

لا يصرف علي ولا يصرف على ولده

دايما يهددني ويقول فنشي وانا بصرف عليكم قعدي ربي ولدج

كله يقول انا شمحصل من معاشج والا شنو مستفيد

قررنا نسافر قالي دفعي سعر تذكرتج

لا يقعد معانا ولا يدري فينا

كله سهر وطلعات مع ربعه

وانا كله ساكته

وفي الاخير اطلع مو مربية ولا استاهله والكل يهيني ويعاونه ويساعده انه يتمادى من اهله

ما قلت لأهلي من اول الموضوع قلت هذا زوجي ولازم احل المشاكل بينا بدون ماحد يتدخل ولا يدري

بس طفح الكيل وصرت ما استحمل اي شي زود

والحين اتفقنا على الطلاق

من اربعة ايام رحت له البيت عشان نتفاهم واعرف شنو مصيرنا

وبعد هالمرة انا اللي رحت له وتنازلت عن كرامتي وكرامة اهلي ورحت اصالحه

كل اللي قاله انا مرتاح جذي وما بتغير

بس من يومين طرش لي مسج يقول انه يحبني وبيظل يحبني

زين شسويت عشان حبك لي

وإلا شنو ناوي تسوي عشان تريحني

ولا شي

صار لنا اسبوعين في بيت ابوي ولا يسأل ولا يطرش فلوس ولا حتى يجي يشوف ولده

ساعدوني ... هل انا غلطانة في شي ...!! أو أستاهل اللي يصيدني ...!!

هذيان;10482028:
عذبه
لا تضايقين روحش ولا تتعبين نفسيتش
صح التفكير بالعقل في هالامور اهو الصح
بس القلب بعد له دور، تخيلي تاخذين واحد مقتنعه فيه بس قلبش مايبيه
غير اذا اخذتين واحد قلبش وعقلش يبونه ..

صح كلامش

كمام الأمل;10482037:
اهااا يعني جذي السالفه
صح صعب في وضعنا وفي زمنا شاب بعمره يكون مكون نفسه وقادر انه يتزوج او حتى يخطب بس ليش ما تقترحون عليه انه اي احد من اهله يسلفه ع الاقل قيمة المهر او يساعدونه ابوه او اخوانه الكبار وتملجون وباقي الامور من شقة وتاثيث وزواج اجلوها لين ما تتخرجون وتكونون نفسكم..
وصح كلام والدتج فكري بعقلج ووزني الامور صح وع اساس هالموضوع قرري وفي النهاية ثقي انه اللي فيه الصلاح لج وله راح يصير إن شاء الله بس انا حاسه فيج واصلا مبين من كلامج انه عاطفتج مسيطره ع كلامج وإن شاء الله تتحسن الاوضاع وتاخذيين اللي تحبينه ونفرح فييج قريبا يارب

اييه صعب الواحد يكون روحه بهالعمر ,, واني وياه متفقين انه نسوي ملجه بس وعقب ما نتخرج اثنينا نسوي عرس - ارودي الشقه بارزه والتاثيث على الله مو مشكله

واني مخليه كل شي على رب العالمين والله بييسرها ,,

واكو صارت 9 وللحين ما جوا

اكو جوا الاوادم

بقوم اقعد وياهم وبعدين بجي لكم

برب

الفرس
المشاكل في بداية الخطوبة والزواج الواحد يتستر عليها احسن
بس اذا الله عطاكم ولد والزوج للحين على حركاته لازم تدخلين وياكم طرف ثالث ثقة وفاهم
مثلا امش امه ابوش ابوه ..
او اتصلي له الحين وكلميه ،، قولي له اذا انت تحبني وتحب ولدك ليش تسوي لنا هالشي؟

عذبه
موفقة
خبرينا تالي شصار

ع ذبة المشاعر;10482105:

صح كلامش





اييه صعب الواحد يكون روحه بهالعمر ,, واني وياه متفقين انه نسوي ملجه بس وعقب ما نتخرج اثنينا نسوي عرس - ارودي الشقه بارزه والتاثيث على الله مو مشكله

واني مخليه كل شي على رب العالمين والله بييسرها ,,

واكو صارت 9 وللحين ما جوا

عذبة بالتوفيق يارب
******************
الفرس والله قصتج تعور القلب وللأسف قصتج لسيناريو يتكرر في وايد بيوت وانا كنت بقولج الحل انه تدخليين طرف ثالث بس عقب ما كملت القصه وشفت شلون ما يحترم اهلج وشفت تصرفات اهله معاج يعني هالحل بعد ماراح ينفع معاه..
مسألة الغيره من ولده تره اغلب الرياييل جذي الريال مهما كبر في العمر يظل ياهل ويحب تحسسينه باهتمامج بكل لحظه بس بعد انتي ما قصرتي معاه..
بس كان المفروض تحسسينه بحجم غلطة وما تعديين له سالفة الطرده من البيت بالساهل لانه شوفي يوم سكتي وتساهلتي معاه اللحين صار لعبه كل شوي وع اتفه الاسباب اطردج لبيت ابوج فكري في ولدج لما يكبر ويشوف تصرفات ابوه مع امه شلون..
انا برايي اهو ما طرش لج المسج ووضح لج انه يحبج إلا في امل حاولي تحطيينه بين خياريين يا ينسى الايام اللي فاتت ويوعدج يغير كل تصرفاته ومعاملته معاج ومع ولده ع امل تحافون ع حياتكم مع بعض وما تشتتون هالياهل اللي اهو في النهاية ولده وقطعه منه يا تنفصلون يعني ههدديه بس باسلوب غير مباشر وشغلج لو شنو يصير لا تتركينه لانه اهو الشي الوحيد اللي بأمن حياتج انتي وولدج واهم شي لا تنسيين تدعيين له بالهداية وتستغفريين وعسى رب العالميين يصلح الامور ما بينكم عشان هالياهل ع الاقل بالتوفيق حبيبتي واحنا اهني خواتج اي وقت حابه تفضفضيين ابدا لا تترديين

الفرس ..

مادري شنو اقول لش

بس مالي الا الدعاء

الله يوفقش ويسر امورش ويفرج همش

سلام عليكم بنات
حبيت اسلم واقول ليكم واحشيني واجد
بس الدراسة ماترحم ..

عذووبة ..
بالتوفيق يارب

سي يووو

سلام
شخباركم

مناامية;10482391:
سلام
شخباركم

هلا منامية وحشتينا


احنا بخير و انتي؟

بنت عاشور;10482420:
هلا منامية وحشتينا


احنا بخير و انتي؟

الحمدلله اسال عنكم:D