المتزوجات فقط...بليز ساعدوني والله بدعيلكم

Um.Abdullah;10281637:
شوفي حبيبتي
انا متزوجة صار لي 3 سنين ولله الحمد
وزوجي من النوع اللي ما يحب ولا شعره في الجسم مثل ما قلتي
وكنت اشيل بالحلاوة قبل لا ازوج بس بيني وبينج الحلاوة تزيل الشهوة من البنت وهذا عن دراسة،، فانصج تستخدمين الموس،، لاني من غيرت وصرت استخدم مكينة براون للمنطقة الحساسة ما اشوف تغير،، الفرق انج بتضطرين مرتين او مرة في الاسبوع تشيلينه
وبالنسبة للحف عادي اخلي الشعر مو شرط ما يطلع ابد!!! وقت ما تحفين البسي قصير ومشلخ،،، ووقت ما بدا يطلع الشعر البسي ساتر بس عدلي شعرج وحطي ميك اب وما بيلاحظ ولا بيهتم في شعر والا لا
خلصنا من الشعر نجي حق النكد،،، حبيبتي اول الزواج حب وحياة جديدة ورومانسية، بعدها الحمل والنسا والتعب وبعدها الولادة وتربية الياهل ورضاعة ووووو،، صدقيني من اشوف عيون بنتي انسى النسا والطلق والتعبببببببب اللي تعبته اول شهور من ولادتها، والله نسيت تعب كل شي وكنت انتظر متى احمل بالثاني من شوقي لليهال،،، يعني عادي اذا ما عندج ياهل ما تنامين وحالتج حالة بس والله شعور حلووووووو
وطبعا بعد ما يصير عندج ياهل الزوج يحبج اكثر لانج مو بس زوجته، صرتي ام عياله
واذا بالنسبة للخلافات الزوجية فهي شي طبيعي وتغيير في الروتين، اذا تهاوشتوا الصبح في اليل متصالحين،، وهذا يعتمد عليج طبعا لان الزوجة لازم تحاول انها ما ترد على زوجها او تغيضه

ترى الحياة الزوجية حلوة بس الشي هذا يرجع للزوجة نفسها،، هي اللي تقلبها نكد، او تسويها جنة

الله يوفقج ويتمم لج على خير حبيبتي، وخلي هالافكار الغبية عنج وخلينا نفرح :)

وجوه الخير;10281678:
ليش للمتزوجات فقط وحنا لعزابية ما لنا رب؟؟؟؟؟؟؟؟؟؟؟؟؟

Noor1979;10282062:
يااختي مخاوفك طبيعيه ,,

وهالشي عادي يصير .. اختي .. نصحيه علميه .. ودينيه .. ( نتف الابط .. وحلق العانه ) على سنه الرسول عليه الصلاه والسلام .. واغلب الريايل ما يدرون عن هالشي .. ( الا الي عينه قويه.. ويعرف كل شي ) بس الاغلبيه ترى ما يدرون الحرمه بشنو تنظف جسمها ... وأولهم زوجي ...

بالنسبه للشعر .. يا اختي ..عندك حل ..الي هو الليزر .. يخفف الشعر ويخلي الشعره اذا تطلع ناعمه جدا ..ومع الوقت ما يطلع شعر .. ومده الشعر تصير اطول بالنسبه يعني للرجل واليد ...

وبعدين يا اختي انتي بنفسج بتعرفين زوجك .. شنو يحب وشنو ما يحب في ازواج .. ما تفرق عندهم اذا زوجته مشعره او لا .. لا .. او فيها ولا مافيها .. يعني في رياييل ترى تراعي ويدرون ان هالعمليه متعبه ومؤلمه للحرمه ..

بس يا اختي احذري النمص واستبدليه بالتشقير.. حتى لو زوجك عايرك لا تخضعي له في هالموضوع بالذات.. لما ورد في تحريمه وطرد من رحمه الله .. ونزول اللعنه.

شغله ثانيه هاتي بيت ما فيه مشاكل ... بس الحرمه الذكيه الي تقدر تخلي كل شي في صالحها .. والي تحاول تصبر وتتعود .. واول سنه زواج .. من اصعب السنوات .. ما بتقدرين تتعودين على كل اطباعه واهله واصحابه وعمله ومواعيده .. وحتى انتي .. ما تعرفين امور كثيره حتى لو كنتي تظنين انك تعرفينه من ايام الخطوبه بالزواج كل شي بتحسينه شي جديد ..

بالنسبه لي كان الشعور يقتلني لمن افكر شلون ريال غريب بيرقد عدالي بالسرير !! (( مع انه زوجي ))

بس مب مقتنعه كنت وقتها .. ومب مقتنعه كيف بغير ملابسي وغيره وغيره ..

4 سنوات ولله الحمد والمنه ... والي كنت اشوفه صعب صار شي روتيني ما قمت حتى افكر فيه ويوم اتذكره اضحك على نفسك ..

وانا متأكده ان هالشي بصير معاج .. ولا تنسين الشعور الحلو .. وهو امتلاكج .. لمملكتج بروحك حتى لو كانت غرفه نوم.. بس ... مكان لج انتي لا اهله ولا اهلج.. شي خاص فيكم .. مع الوقت بتحسين ان حتى سريرك الي كنتي تنامين فيه من يوم وانتي صغيره صار غريب عليج وان ما ترتاحين الا بسريرج ..يا سبحان الله .. ولا تنسين ان الله يؤلف القلوب ويجعل بينهم موده ورحمه .. ولا تنسي الدعاء والصلاه في اول ليله حتى يبارك لك زواجك ان شا ءالله

ومبروك مقدما

ام جنى

{ نور ال ع رب };10282128:
أستمعي للرقية الشرعية يمكن يكون حد حاسدك ع شي :(

الله يحفظك يارب
وخلي عنك الأفكار
لكل شي حل
الناس كلهم بيتزوجون
سواء المشعرين وغيره
ماراح تجلسين وأنتي مراة لوحدك
يعني ماتشتهين تشوفين عيالك؟
ماتشهين يكون لك بيت خاص فيك؟

فكري عدل يالغالية لاتخلي الأفكار اللي مثل ماقلتي غبية تأثر وتخرب ع حياتك

أسأل وريث الأرض أنه ييسر أمرك ويسهل دربك أنتي وزوجك
ويسخركم لبعض ويبعد عنكم الحساد

:)

Fati fm;10282147:
ام جنى كلامك زي العسل ويطمن ومو بس صاحبة الموضوع استفادت
أنا وكل المقبلات على الزواج استفدنا
الله يجزاكي الخير ويبعد عنك الهم والضيق ويسعدك يارب
ويوفق الجميع