المتزوجات فقط...بليز ساعدوني والله بدعيلكم

om_salma;10282484:

ههههههههه

ياعينى ياقلبى حاسة بيكى

والله الواحد بيقرأ حاجات فى المنتديات

تخلى اللى لسه ما تزوجت تترعب من المجهول

اللى مليان طلبات شبه مستحيلة

ماشاء الله ام جنى وام عبدالله قالوا كلام جميل

أوى

وعن تجربة يابنتى أنا زيك مشعرة وكمان بيضاء

فإتفرجى عليا الشعر يبقى لسه بينبت وتلاقى

رجلى زى الفرو المنقط ابيض واسود وحاولت كتير

ألاقى حل ما لقيت غير الحل اللى الت عليه ام

عبدالله أيام النظافة الاولى ألبس القصير والعارى

وأيام التنقيط ألبس بنصف كم وطويل بس يعنى

يكون فيه حركات يعنى ضيق ظهر عارى كده

علشان ما يأخذ باله من الموضوع

ونفس الكلام اللى قالوه عن المنطقة الحساسة

وممكن فى حل بقيت اعمله ومريح أنظف منطقة

البيكينى بالسويت والمنطقة السفلية الحساسة

بالموس

فتلاقى الموضوع مش محتاج كل يومين تنظفى لأن

المنطقة الظاهرة بتأخذ وقت فى الظهور والمنطقة

السفلية سهل تشيليها وإنتى فى الحمام أكرمك

الله

والكلام عن المشاكل أم عبد الله وام جنى كفوا فيه

وربنا يتمم لك على خير وكما قال رسولنا عليه

الصلاة والسلام تفاءلوا

بالخير تجدوه

أختكم فى الله أم سلمى

مفتون;10282682:
ههههههههههههه

والله ضحكتيني.. اسميج انج مكبره الموضوع..

هاذيل اللي يكتبون هالكلام فالمنتديات اسمحيلي يعني بس يكونون اغلب الوقت يألفون عشان يطلعون عمارهم بيرفكت .. ومناك هم عاديين جدا تمر عليهم ايام حلوة وايام مب حلوة والحياة ماشيه :)

اهم شي انج تجتهدين في هالموضوع.. خلي ريلج دااااايما يشوفج باحلى شكل واحسن ريحة واحسن لبس.. ومثل ما قالتلج ام عبدالله يوم بتحفين جسمج البسي المدلع والمشخلع ويوم بيبدا يطلع الشعر حاولي تلبسين البجامات.. بس مب اي بجامات.. اشتري اشيا حلوة وكيوت.. وصدقيني ريلج ما بيستوعب الفكرة ولا يدري انج مسويه نظام.. بيحس انه نوع من التغيير ..

وبعدين يا حبيبتي.. الزواج رحمة وحب وسكينة.. فكري في هالاشيا قبل اي شي.. واقري مواضيع عن هالامور عشان تكسبين ريلج وتكسبين قلبه.. وصدقيني عقب ما بتعرسين ان شالله بتين تقرين هالموضوع وتضحكين .. :) الله يوفقج ان شالله...

PriNcesS OMan;10282746:
انا مش متزوجه بس مخطوبة يعني مقبله ع زواج ا نشاء الله ....
اولاً اذا ع مسئلة الشعر انا اعرف بنت زوجها يموووووووووووووووت ف ايدها ورجولها لما يبدء يطلعلها الشعر!!!
ترا الناس اذووواق صدقيني يعني يمكن زوجك يحبك لما فيكي شعر ...
وانتي شو ايش يبغى ...
انا عندي عقدة الابط مترهل يعني لما البس كت يبين مثل السمار وكثيييييييير لما افتح ابطي ابيض بس الترهل لما يتجمع الجسم يبين اسمر وكنت افكر ما اتزوج ومتعقده من هالشي ...
بس شسوي؟ ماتزوج عشان ابطي...
محد كامل الكمال لله ...
وربك اكيد معطيكي شي يتخبل عليه زوجك...
وتذكري دايماً البنت الذكية دوم تبرز النقط الجميله فيها ب جسدها..
وعيبها تحاول تخبيه ما تظهره وتخلي العين عليه ...
وانتي وشطارتك ... الحين الكوافيرات يجون البيوت تشيل لك حلاوة لبيتك بين فترة وفترة ..
والرجال يعرف انه الشعر يبيغيله فترة لين ينشال ...
شيلي الوسواس عنك وربي يوفقك ويانا جميعاَ

وجوه الخير;10282857:

فديتج غلاي :o كنت امزح معاج ويااارب يسمع منج هالدعوة ولاتنسني في صلاتج تدعين لي ولخواتي بالزوج الصالح امانة لاتنسينا

بالنسبة الى موضوع ترى شي جدا عادي يعني اقبال على شي جديد ومختلف تماما عن اللي مريتي به والخوف من المجهول طبيعي واللي مو طبيعي غلاي انج ما تخافين بقول لج غلاي على شي الزواج مؤسسة قائم على احترام الطرفين لبعض اولا والثقة مابينهم ثانيا وشنو يخلي هالشي موجود ما بين كل الازواج؟؟؟ المشاكل :D اللي البعض يسميها فلفل الزواج هي مو مشاكل كثر شرارة ناعمة بينهم عيل اشلون تعرفين قدره واشلون يعرف قدرج ؟؟ اشلون عيل تحمدين ربج على هالانسان لو ما مريتور بشوية مشاكل اللي طلع معادنكم الطيبة؟؟

العياااااااال يارب يعطيج عيال وتعرفين يعني شنو معنى كلمةماما انا صح ماتزوجت بس كنت ادرس في الكلية عن الحمل والولادة والتربية للطفل صج عرفت شنو يعني ماما على التعب والبهدلة الا انهم زينة الحياة ومجردة نظرة من عيون بنتج او ولدج تنسيج هموم الدنيا ومافيها بقول لج على موقف مريت فيه وانا طالبة مرة كان درسنا عن الولادة وكل مايخص الولادة وكان يوم عملي وصرت مع زميلة لي اننا حضرنا ودلاة وكانت السيدة الي تولد تهذروتعصب وتقل " يلا تعبت اطلع وهي جذي:mad:" عاد في خاطري كنت اقول صج ماعندها احساس وانا اشوف معاناتها قلبي عورني عليها وعلى هذرتها يوم طلع لودها سيدة ابتسمت وقالت " حبيبي حمود" نسيت كل تعبها وهذرتها عليه اتمنى ربي يعطيج الذرية الصالحة وتعرفين جمال هالاحساس

بالنسبة الى الشعر غلاي شوفي البنات عطوج حلول وايد وحركات تمويه عجيبة وعندج الليزر شوفي هو حلو ومثل ماقالو ا البنات انه يخليه ناعم انا حاسة فيج وفاهمة عليج انج تبين تهتمين الى المنطقة الحساسة شوفي غلاي اللي اعرفه الشرع يقول واذ غلطانة صحوا لي مايجوز احد يكشف العور الا الزوج او في سبب طبي بحاجة لكشف العورة مثل الولادة والفحص النسائي غير جذي مايجوووووز وفوق ذي انتي متخوفة ليش تسوين شي يخوفج؟؟ وعندج حلول وايد بتقولين مابي شيرة تعوريني زين عندج موس بتقولين يخشن بس بقول لج نقطة في نسوان ماتشيل الا بموس تدرين ليش؟؟؟ الموس صح يخشن شوي الشعر بس له ميزة اللي هي انها تخلي المنطقة المحلوقة تبين اصغر سنا وبدون ترهل هاي شي قريته من زمان حبيت افيدج به يعني ربج ما امر بشي الا فيه صلاح لنا

واخير اقراي المعوذات 3 مرات باليوم وصلي على النبي هاي وسواس ابليس وتعب وارهاق خليج ريلالالالاكس ولا حلى من جذي بعد
السموحة طولت عليج

تحياتي

Mrs. Hide;10283114:

أصلحي ما بينك و بين ربك ..

يُصلِح لكِ ما بينك و بين زوجك ..

رموووو;10283200:
صادقيييييييييييييين الاخوات

كل الأنوثه;10283429:
الله يوفقك مع زوجك ويؤلف بين قلوبكم وييسر لك ماعندي خلفيه بعدني عزابيه هههه

**جودي**;10283454:
شوفي ياقمر

اول شي الف مبرووك مقدما وعقبال مانشوف عيالك يارب

ثاني شي شوفي بالنسبة للشعر زي ماقالو البنات بالليزر

هم ماراح يسوون لك الليزر الا لما يجربون على جزء صغير من جسمك

اذا ماتضرر سوو لك واذا تحسستي بطلو يسوونها

بالنسب لطريقتي في حف الجسم اشيل عادي بالحلاوة والا الشمع

وبعدين اذا بدا يطلع صغار اشيله بالبراون ومايصير يعور بالعكس بسرعة يطلع الشعر

وترى اغلب الرجال ماينتبهون لأشياء الحريم

ايه بعد لا تحاتين الاشياء مثل الحمل والولادة

خلي كل شي بوقته اللي يخاف يتعب ترى

والله يتمم لك على خير

وبس :)

اسيره الغربه;10283546:
عزيزتي استغربت من تفكيرك وتفكير المجتمع الاماراتي وخاصه الرجل الماراتي

بطلى الوساويس ودائما خلي حياتك امل وفرح مش هذه المشكله التافهه تخليك تبطلي وتكرهي زواج

الزواج نصف الدين وهي حياه مشتركه بين اثنين اما الاطفال فهم زينه الحياه الدنيا احلمي بكلمه ماما وضحكه

طفل من احشائك وصدقيني مافي احلى من الاولاد وصدقيني البنات الي دائما تسمعي كل الجوانب السلبيه

منهن تلاقيهن عايشات احلى عيشه

الله يوفقك والف الف مبروك مقدما

سمراءالسودان;10284403:
والله انا 8 سنوات ولين دحين اخاف من النتف ههههههههههههه الله يعينكم

مجنونة ريلي;10284657:
انه صار لي ثلاث سنوات متزوجة وتعودت اني انظف المناطق الحساسة بالحلاوة والحمدلله مافيني برود ولا شي بالعكس حياتي تمام

وعن النكد والمشاكل الحمدلله تقدرين تسيطرين عليها وان شاءالله التفاهم بيكون بينكم

rose2006;10284733:
اختي الغاليه ان شاء الله مافي الى كل خير وانتي قلتيها انها وساااويس شيطاااان
عيشي حياتك طبيعي يعني عيشي الي كل متزوجه عايشته نظفي نفسك بشكل دوري ومع كثرة الشيل بيخف ومن الطبيعي الوحده بعد الزواج تتغير شغلات وايد بجسمها الهرمونات وانا بعد الزواج خف عندي الشعر جدااااا

وان اشاء الله ربي يتمم الك على الف خير يارب ويرزقك الذريه الصالحه .

سنفونية حب;10284835:
ما شا ءالله البنات ما قصروا معاج و طمنوج وطمنونا زود معاج
و انا متزوجه من 3 شهور تقريبا و اقول لج تركي عنج هالوساوس و الافكار الشيطانيه .. هو مجرد شعور و خوف من فكرة الزواج و العيش مع انسان غيرب بس هذا بيكون زوجج وحلالج .. صحيح اول سنه مثل ما قالوا اصعب سنة بس لان تاخذين وقت لين تتعودين عليه بس مردها الامور تسير بشكل صحيح وكلنا المتزوجات لازم عندنا مشاكل ما في بيت خالي منها هي ملح الحياة مثل ما يقولون بس الحمدلله الازواج المتفاهمين واللي يحبون بعض يتجاوزون هالامور التافهه
و عن سوالف الحريم هذي بعد شي طبيعي وفينا كلنا و مستحيل في بنت ما تتزوج عشان هالموضوع !! .. انتي اكيد ما بتظلين طول الوقت بشعر في جسمج و لازم هو بعد يتعود عليج ويحبج مثل ما انتي و ترى وقت اللي يبيج ما راح ينتبه حق هالاشياء .. انتي كل اللي عليج ان دايما تكونين مهتمه بنفسج و جسمج عشان يزيد حبه وقربه منج

عسى الله يوفقج ويتم زواجج على خير يارب ويسعدج مع زوجج وتشوفين عيال عيالج بعد :)

Um.Abdullah;10281637:
شوفي حبيبتي
انا متزوجة صار لي 3 سنين ولله الحمد
وزوجي من النوع اللي ما يحب ولا شعره في الجسم مثل ما قلتي
وكنت اشيل بالحلاوة قبل لا ازوج بس بيني وبينج الحلاوة تزيل الشهوة من البنت وهذا عن دراسة،، فانصج تستخدمين الموس،، لاني من غيرت وصرت استخدم مكينة براون للمنطقة الحساسة ما اشوف تغير،، الفرق انج بتضطرين مرتين او مرة في الاسبوع تشيلينه
وبالنسبة للحف عادي اخلي الشعر مو شرط ما يطلع ابد!!! وقت ما تحفين البسي قصير ومشلخ،،، ووقت ما بدا يطلع الشعر البسي ساتر بس عدلي شعرج وحطي ميك اب وما بيلاحظ ولا بيهتم في شعر والا لا
خلصنا من الشعر نجي حق النكد،،، حبيبتي اول الزواج حب وحياة جديدة ورومانسية، بعدها الحمل والنسا والتعب وبعدها الولادة وتربية الياهل ورضاعة ووووو،، صدقيني من اشوف عيون بنتي انسى النسا والطلق والتعبببببببب اللي تعبته اول شهور من ولادتها، والله نسيت تعب كل شي وكنت انتظر متى احمل بالثاني من شوقي لليهال،،، يعني عادي اذا ما عندج ياهل ما تنامين وحالتج حالة بس والله شعور حلووووووو
وطبعا بعد ما يصير عندج ياهل الزوج يحبج اكثر لانج مو بس زوجته، صرتي ام عياله
واذا بالنسبة للخلافات الزوجية فهي شي طبيعي وتغيير في الروتين، اذا تهاوشتوا الصبح في اليل متصالحين،، وهذا يعتمد عليج طبعا لان الزوجة لازم تحاول انها ما ترد على زوجها او تغيضه

ترى الحياة الزوجية حلوة بس الشي هذا يرجع للزوجة نفسها،، هي اللي تقلبها نكد، او تسويها جنة

الله يوفقج ويتمم لج على خير حبيبتي، وخلي هالافكار الغبية عنج وخلينا نفرح :)