أطباق رمضانية من مطبخي

Ms Dior;10236258:
انا كبابي الصراحه تاليف ..

لاني احط اشيا غير عن الي امي تحطه.. انتي جربي وقوليلي رايج..

اخذي شوي بقدونس وشبت وقصصيهم صغار .. وتقدرين تبدلينهم بالبقل

ونص بصله كبيره .. قصصيها صغاااااار.. وفرمي ثومه وحده مع قطعه صغيره من الزنجبيل ..

انا احب الطعم السبايسي ..

لذلك استخدم فلفله وحده حاره .. اقصصها صغار صغار .. وانتي لين تقصصينخها حاسبي ترا اصابعج تصير سبايسي ههه يعني لا تفركين عينج ترا صادتني ومت من الحرقه..

واخذي قطعه من الفلفل البارد وقصصيها صغار .. واخذي طماطه متوسطه الحجم ونفس الشي قصصيها صغااااااااااااااااااااااار كلش .. واي شي انتي حابه تضيفينه بعد ضيفيه هاي كل الي احطه .. خلي كل الخضره الي قصصتيها على جنب ..


اخذي كيس طحين الكباب سكبي منه ربع الكميه الي في الكيس .. في وعاء وحطي شويه بيكينق باودر قد قفشه الشاي الصغيره.. ضيفي ماء دافي كثر كوب الشاي .. لاحظي يكون دافي لا يكون حار ولا بارد داااااااااافي عشان يضبط عندج.. خلطي .. وخلطي .. بعدها كسري بيضه وبعد خلطي .. بعدها ضيفي الخضره .. وخلطيهم .. وفي صحن صغير حطي بهارات انا بعطيج الكميه الي احطها بالضبط .. تعرفين مكيال الحليب مال الرضع انا استخدم قياسه حق البهارات ..

ضيفي نص مكيال من الملح والبزار والكركم والسنوت ووالجلجلان المطحون ...


ضيفي هالبهارات حق الخليط ..


واخذي لج قفشه الطعام عشان تصبين بها الكباب ..

حطي على نار متوسطه مقلاة غزيره وحطي فيها كميه وافره من الزيت ..

وابتدي صبي الكباب لييييييين حسيتي الدهن استوا حار مو تصبين الكباب مباشره اوكي .. :tongue:

ولين تصبين الكباب بلعدال


هاي طريقه الكباب .. ان شاء الله تضبطينها وتقولين لي رايج فيها..