تجمع وتجهيزات ورغى حوامل مصر العساسيل لشهر رمضان الكريم

صباح النور يا ميرفى .. ايه الاخبار ناو .. تمام

انا تمام يا دودى الحمد لله بقيت احسن ربنا يخليكى يارب

بنات امانة عليكم ادعولى وخصوصا اللى صايمين يدعولى وهما بيفطروا واللى بتصلى تدعيلى وهى ساجدة وفى العشاء والتراويح .. امانة عليكم ماتسيبونيش لوحدى النهاردة وماتنسونيش من الدعاء

انا رايحة للدكتور النهاردة الساعة 10 ونص مساءا عشان اعرف نوع البيبى .. خايفة اوى حاسة انى داخلة امتحان وخايفة اسقط فيه وشكلى يبقى وحش قدام نفسى وقدام حماتى واهلى وجيرانى .. يارب خليك جمبى وماتكسرش بخاطرى

صباح الخير يا دودى انا الحمدلله امبارح كنت تعبانه وجالى وجع غريب حماتى قالتى دى بتبقى تفاسيح ربنا يستر عارفه اانا لغايه دلوقتى بروح الشغل بس بامشي باردى رنا يستر والوجع ما يجيش فى الشغل وعلى فكره جوزى معايا فى الشغل وفى نفس المكتب كمان تخيلى وبردوا منفض بس هاقول ايه غير الحمدلله

انا امبارح كنت مرهقه جدا روحت فضلت واقفه لغاية المغرب فى المطبخ وبعد المغرب جوزى أتخانق معايا
قال ايه عشان فى مواعين فى الحوض هو ماله نفسى اعرف ما انا اللى بتعك وبعدين انا واقفه من قبل الفطار وبعد الفطار كنت عايزة اصلى المهم هو نزل للصلاه دخلت غسلت المواعين وروقت شوية حاجات وعملت مهلبية قمر الدين كان نفسى فيها
وبعدين حسيت انى ضهرى خلاص بيصوت روحت نمت وهو جه من الصلاة نام ومش صحينا غير بعد الفجر ومش أتسحرنا

ميرفى50;10167707:
صباح الخير يا دودى انا الحمدلله امبارح كنت تعبانه وجالى وجع غريب حماتى قالتى دى بتبقى تفاسيح ربنا يستر عارفه اانا لغايه دلوقتى بروح الشغل بس بامشي باردى رنا يستر والوجع ما يجيش فى الشغل وعلى فكره جوزى معايا فى الشغل وفى نفس المكتب كمان تخيلى وبردوا منفض بس هاقول ايه غير الحمدلله

حاولتى تتكلمى معاه؟

صباح الخير يا رشا يا رب يا رشا تدخلى بالليل وتقولنا انك حامل فى بنوته والنهارده ان شاء الله هدعيلك على الفطار ربنا يديلك البنت اللى انت نفسك فيها

رشا ربنا معاكى ان شاء الله
يا رب أرزق رشا ببنت يا رب

ازيك يا رشا .. ربنا يديكى اللى نفسك فيه ويجعلك فيه خير دايما ويفرحك بيه يااااااارب .. اجمدى كده دانتى خبرة هههههههههه

ازيك يا ميرفى عاملة ايه .. ربنا يهديلك الاحوال ان شاء الله... حاولى تريحى فى البيت لو تقدرى. انا اكتر حاجة بتخوفنى انى اولد فى الشغل هههههههههههه ربنا يستر عليكى وعلينا جميعا ان شاء الله

انا فطرت النهارده بس عندى غثيان بسيط ربنا يستر

يارب ياميرفى يارب .. ماتحرمش منك ابدا

وربنا ييسر امرك يارب ويفك كربك ويفرج همك ويهديلك زوجك يارب .. والله مافيش حد مرتاح انا عارفة ان البيت بيبقى زفت لما بيكون فيه مشاكل ربنا يهون عليكى بس بجد قوليله زى دودى ماقالت قوليله للدرجادى انت زعلان منى عموما ياسيدى كلها يومين وحولد وياعالم حتشوفنى تانى ولا لأ (( طبعا الف بعد الشر عليكى ده بس كلام عشان يحنن قلبه شوية ههههههههه احنا بقينا ولا ريا وسكينة هههههههههههههه )) وان شاء الله ربنا يهديه بس انتى ادلعى عليه شوية .. بس شكلك عملتى مصيبة كبيرة عشان كدة زعلان منك جامد

واياكى يا دودى ان شاء الله وتكون بنت زى القمر يارب

يارب يا ايمى بس ولا خبرة ولا حاجة انا يادوب مدوباهم اتنين والتالت فى السكة ههههههههههههه دى كلها حاجات بسيطة ههههههه

ميرفى خدى أجازة بقى على رأى قصه لتولدى فى الشغل
انا قريت قصة واحدة نزل عليها ماية الولادة فى الشغل اكيد موقف بايخ ههههه

والله يا دودى لا لانى عارفه انه هيصدنى وانا اللى هتعب فى الاخر امبارح قاعد يلعب على بلاى ستيشن وشايفنى تعبانه ولا فى دماغه بصى هو على مش بيعترف انه غلطان ابداء وانى انا لازم اخلى باله منه لان كده ممكن افقده ده كلامه وانا بصالحه وانه اتسرع فى الجواز ولكى ما تتخيلى من حرقه دمى وقتها ده بخلاف انى ممكن اكلمه ولا يرد عليا اصلا ولو رد يقولى باعدين انا مش فاضى خلاص انا فوضت امرى اللى الله واللى ربنا عايزة انا هرضى بيه بس خلاص انا فكرت انى سواء اتكلمنا او لا بعد الولاده انا رايحه عند ماما علشان انا محتاجه اغير جو

ميرفى50;10167744:
والله يا دودى لا لانى عارفه انه هيصدنى وانا اللى هتعب فى الاخر امبارح قاعد يلعب على بلاى ستيشن وشايفنى تعبانه ولا فى دماغه بصى هو على مش بيعترف انه غلطان ابداء وانى انا لازم اخلى باله منه لان كده ممكن افقده ده كلامه وانا بصالحه وانه اتسرع فى الجواز ولكى ما تتخيلى من حرقه دمى وقتها ده بخلاف انى ممكن اكلمه ولا يرد عليا اصلا ولو رد يقولى باعدين انا مش فاضى خلاص انا فوضت امرى اللى الله واللى ربنا عايزة انا هرضى بيه بس خلاص انا فكرت انى سواء اتكلمنا او لا بعد الولاده انا رايحه عند ماما علشان انا محتاجه اغير جو

والله يا بنتى كل الرجالة كده وكلمة أتسرعت فى الجواز دى كلمة جوزى وكل الرجالة
انا جوزى هو اللى غلطان فيا امبارح وكبر الموضوع على حاجه هايفه وجاى يقولى انت بتضايقينى ليه بيحاول يجر عشان انا اللى أعتذرله بصراحه طنشت ونمت هههههههههه

والله يا دودى انا نفسي اقعد بس المشكله ان انا اللى ماسكه شوؤن العمال ومافيش غير يعرف يعمل اللى انا بعمله فانا لو قعد مين هيطلع شيك المرتبات للعمال تعرفى والله انا بفكر بعد الولاه بيومين انزل الشغل بعد الفطار ساعتين لغايه ما العمال تقبض بس يا رب ينفع يا بنتى المسؤليه دى حاجه صعبه جدا

بصى يا ميرفى بجد ده قرار سليم والله مامتك اولى بيكى وحتبقى احن عليكى من حماتك مهما تكون حماتك ست طيبة او بتحبك بس برده مش زى مامتك .. وبعدين فعلا اول يومين ولادة وخصوصا لو قيصرى حتبقى مش قادرة تقومى من على السرير وانا مامتى ربنا يخليهالى هى اللى كانت بتسندنى وتدخلنى الحمام وتقعدنى على التويلت لانى مش بعرف اقعد من الجرح وطبعا ده صعب انتى تقبليه من حماتك .. وبعدين مامتك حتزعل لو ولدتى عند حماتك ولا ايه ؟ اعتقد حتزعل

خليها فى وقتها بس حضرى شنطة محترمة قبل الولادة بفترة وسبيها عند مامتك يكون فيها غيارات ليكى وللنونو عشان تبقى عاملة حسابك وتطلعى من المستشفى على ماما على طول

ربنا يقومك بالسلامة يارب وماتقلقيش من الولادة والله .. باذن الله تكون ساعة سهلة عليكى وتقومى انتى والنونو بالف سلامة دى زى شكة الدبوس ههههههههههه اسال مجرب

ميرفى50;10167753:
والله يا دودى انا نفسي اقعد بس المشكله ان انا اللى ماسكه شوؤن العمال ومافيش غير يعرف يعمل اللى انا بعمله فانا لو قعد مين هيطلع شيك المرتبات للعمال تعرفى والله انا بفكر بعد الولاه بيومين انزل الشغل بعد الفطار ساعتين لغايه ما العمال تقبض بس يا رب ينفع يا بنتى المسؤليه دى حاجه صعبه جدا

تنزلى بعد الولادة أزاى انتى هيبقى فيكى نفس يا بنتى سيبك طظ فى كل حاجه المهم انت والبيبى

والله يا روشا ابدا ده هو اللى غلطان فيا بيهزر مع السكرتيره وقولته كذا مره انا بزعل بردوا رجع يهزر تانى اضيقت منه جدا لانه بيتصرف من غير ما يفكر الحاجه دى هتزعلنى ولا لا وبعدين ادخل فى شغلى فانا رفضت فكرته ليه وليه وزعقالى اقدام السواق وصاحبه اتصل بيه قاله تعالى عندى فى البيت نلعب بلاى ستشين صاحبه فضل قاعد من 8.30 لغايه الساعه 1 بالليل تخيلى بقى انا محبوسه فى الاوضه وهو قاعد بده بياكل وبيضحك وبيلعب وعادى خالص وصدقينى انا اتكلمت معاه كتير فى كل الحاجات دى بس المره دى خلاص فاض بيا لانه المفروض انى الاقيه جانبى اليومين دول يا بنتى ده مش هاين عليه يجى يسالنى انت مالك زعلانه ليه انا بس الى اروح واتحايل ويطلع عينى عارفه الحاجه ممكن تكون تافه جدا تلاقيه بيكبرها ازاى ما تعرفيش بس بجد المره دى انا زعلانه جدا لانى زى ما قولتلك انا فى وقت لازم يكون جنبى لانه فعلا يا عالم هيشوفنى تانى ولا لا

يابنتى غلط سيبك من موضوع التعب ومش حيبقى فيكى نفس بس بجد غلط لازم بعد ماتربعنى او على الاقل بعد 20 يوم من الولادة لان ممكن يحصل مضاعفات مش كويسة .. وبعدين فهمى جوزك على الشغل او حتى يجيبلك ايام القبض الشغل فى البيت وتظبطى ورقك وتظبطى الموضوع واى رئيس قسم او المسئول يقبض اليوم ده وخلاص .. هى موقفتش عليكى يعنى