تجمع وتجهيزات ورغى حوامل مصر العساسيل لشهر رمضان الكريم

crazy ananas;10175951:
منوره يا ام سلمى ربنا يباركلك فيها يارب ويقومك بالسلامه ويعينك يارب
ايوه كدا عوزين كل واحده ترجعلنا بالنصايح الجامده ديه
اوعى تغيبى عننا :) كل سنه وانتى طيبه


حرام عليكى يا بنتى استرتش مره واحده
انا عارفه ان الجيبات لزم الواحده تلبس تحتها شورت ممكن تجيبى حاجات قطن وتنزلى الاستك بتعها تحت بطنك عشان متضايقيش منه وبلاش لبس ضايقه خالص طول الحمل
وربنا يكملك على خير يارب


ازيك يا ام حمودى كل سنه وانتى طيبه حمودى بخير يارب
اناناسه خلاص قربت تستوى عالاخر وبقت فى التامن ادعلنا تيجى بالسلامه

بنات على فكره انا صومت اول يومين وروحت للدكتوره يوم الاتنين ولاقتها كتبه ورقه بره ممنوع صوم جميع الحوامل فى رمضان وبرضو لما دخلت سئلتنى صيمه وله لا طبعا ارتبكت وقولتلها صيمه حستها اضيقت لانها قالتلى قبل كدا مرتين المهم قولتلها اخر كلام ايه قالتى متصوميش لان ده بياثر عالجنين ومن ساعتها روحت كنت هموت مالعطش وفطرت وقولت خلاص الموضوع مش مستاهل مقوحه واذا كان الواحد بيتعب وهو فاطر اول لو صايم بئا
وبجد يا بنات بلاش مقوحه لان هيجى على صحتك وصحه البيبى
واحنا عوزين ربنا يكملنا على خير

وحشانى كلكم يا عيال بجد والله
ندى الببرونه اللى جبتها اسمها جلوبال و140 مل والحلمه بتعتها صغيره ب 15
وعلى فكره با ندى انا جبت كوفيرته تانيه كدا بئا عندى 2 للبيت وواحده للخروج
وجبت سلوبيت وجلابيه بيكه اللى عجبنى فيها ان مقاسها صغير مش كبير زى اللى بنشوفهم
وجبت مشمع وشرابين
ومبروك عليكى المناديل والحفاضات اللى جبتيهم بس انتى جبتى نوع ايه
ويله شدى حيلك وخلصى حاجات جوجو ومتكتريش قوى
وعلى فكره انا بدئت اشوف شتوى فالتوحيد والنور لكن مش فى كل المحلات

ياترى رشا عمله ايه ربنا يطمنا عليها
هدى وسيمو ومشمش وبيبو وبسبس وصوت وكلكم يارب تكونوا بخير ومحدش يزعل لو مقولتش اسمه عشان مخى لسع عالاخر

ميرفى ربنا معاكى ويعينك جوزك صعب بس حاول تحسسيه انك مش ماثر فيكى اللى بيعمله لان اللى انتى فيه كفايه قوى انتى ممكن تكتبيله كل اللى انتى عوزاه فى ورقه وحطيها فى حته يشوفها ويقراها وخالى بالك من نفسك انتى والبيبى اهم
ربنا معاكى ويكملك على خير يارب

aream2008;10176121:
و انتي طيبة يا قمر

طيب كيفك مع رمضان

يعني تعبانة بعد الشر عنك

aream2008;10176214:
امين يا رب

الحمد لله انتي معدوورة

حاولي تصلي و تدعي ربنا يفتحها عليك و ييسر لك حملك

عروووس جديد;10176426:
كريزى انا ولدت ياقمر قيصرى فى مستشفى الميرغنى

ب4الاف و200جنيه ياقمر

قصة كبيرة;10178372:
هههههههه
المرأة العاملة تعبانة دايما يا عينى
ازيك يا دودى عاملة ايه؟ ايه اخبارك النهاردة؟

قصة كبيرة;10178440:
بنات صحيح هو لفلى بيبع لبس حوامل؟ واسعاره كويسة ولا غالية؟