تجمع وتجهيزات ورغى حوامل مصر العساسيل لشهر رمضان الكريم

ههههههههههه قومت سمعت كلامك وشربت كام بوق عصير مانجو لقيتوا خبطلي خبطه ونام تاني يظهر عايز ينام انهارده

مرسيي ياقمر علي المعلومة

ربنا يكملنا كلنا علي خير وتكون ساعه الولاده ساعه سهله باذن الله

loveway;10286901:
ياهلا ياهلا

منورين كلكوا ياموزز

حاسة انى خايفة اوى خايفة اضر البيبى و انا مش واخدة بالى بأكل او حركة او كده و خصوصا لما عرفت ان الكبدة مضرة و انا اكلتها 3 مرات الشهر ده قبل معرف انى حامل مرعوبة قلت لماما اعدت تهدينى و بتقولى عادى قلت لزوجى قالى متخافيش بس انا خايفة و مش عايزة فى نفس الوقت اقلق اللى حواليا
معلش رغيت بس مش عارفة اكلم مين

هي صحيح المانجو غلط علي الحامل؟؟؟؟

loveway;10287018:
ههههههههههه قومت سمعت كلامك وشربت كام بوق عصير مانجو لقيتوا خبطلي خبطه ونام تاني يظهر عايز ينام انهارده

مرسيي ياقمر علي المعلومة

ربنا يكملنا كلنا علي خير وتكون ساعه الولاده ساعه سهله باذن الله

كويس انك اطمنتى يا قمرة ربنا يتملك على خير

ههههههههه ماشي ياروشي ياموزه انتي في الكام


متخفيش يابريت خليها علي الله منا كلت كبده بردو وان شاء الله خير

الحمد لله كويسة
بقت عدوانية وشرانية وعصبية وكل حاجة نفسيتها يعينى مدمرة

المانجو فبها املاح كتييييييييير متكتريش منها بس



سارة انتى عارفة انك فعلا بتضرى البيبى بس بقلقك دة؟ سيبيها على الله و ادعى و بطلى قلق او تفكير فى اى حاجة عشان بجد متأثريش عليه

loveway;10287031:
ههههههههه ماشي ياروشي ياموزه انتي في الكام


متخفيش يابريت خليها علي الله منا كلت كبده بردو وان شاء الله خير

اصلى سمعت انها خطر فى الاسابيع الاولى علشان كده قلقلت

لاف واى انتى اسمك اية او اناديكى بأية ؟

bright bride;10287020:
حاسة انى خايفة اوى خايفة اضر البيبى و انا مش واخدة بالى بأكل او حركة او كده و خصوصا لما عرفت ان الكبدة مضرة و انا اكلتها 3 مرات الشهر ده قبل معرف انى حامل مرعوبة قلت لماما اعدت تهدينى و بتقولى عادى قلت لزوجى قالى متخافيش بس انا خايفة و مش عايزة فى نفس الوقت اقلق اللى حواليا
معلش رغيت بس مش عارفة اكلم مين

ما تقلقيش يا قمر انتى لسة فى الاول وان شاء الله مافيش اى خطر عيشى حياتك عادى وكلى بس لا تشيلى اى حاجة تقيلة ولا تجهدى نفسك اهم حاجة فى اول 3 شهور وان شاء الله خير انا عملت كل حاجة غلط فى الحمل فى الاول كنت عروسة بقا ومبسوطة بنفسى بجرى وبنط وبلعب وبسافر لكن الحمد لله ربنا ستر وبعد كدة اتهدية من اعراض الحمل ههههههههههههه وكنت لو شوفت الشارع نعمة :D سبيها لله وربنا هيسترها ان شاء الله وتولدى بالسلامة يا قمر

sweet_toota;10287038:
المانجو فبها املاح كتييييييييير متكتريش منها بس



سارة انتى عارفة انك فعلا بتضرى البيبى بس بقلقك دة؟ سيبيها على الله و ادعى و بطلى قلق او تفكير فى اى حاجة عشان بجد متأثريش عليه

انا اصلى من النوع القلوق بالنسبة لو حد مسئول منى بحس لو حد حصله حاجة يبقى انا السبب و هتحمل وزره :confused:

مانتى كدة بتضريه فعلا يبقى ازاى خايفة تتحملى وزره

سوري كنت بقرا كام حاجه من اللى فات على غير العاده
انا الدكتور قالى ياريت ماتقوميش من مكانك اساسا وكفايه عليكي حركتك جوا البيت ومافيش سفر نهاائي :)
عشان ممكن يحصلك ولاده مبكره ومش ناقصين هرتله وفرهده في السكه
وقالى احنا كده بالمنظر بتاعك ده شكلها هنولدك اول اكتوبر يعنى 1 اكتوبر الموافق الخميس اللى بعد الجاىو
والى في حاله وجع رجلى اخد اتنين بنادول
وفي حاله التقلصات تحت البطن دى اخد اتنين بسكوبان بلس
انا حقيقي صعبت على كل المستشفى النهارده لانى مكنتش عارفه اتحرك خالص كنت بعقد واجى اقوم اقف شويه واجى اتحرك مقدرش واعيط وعيني ترغرغ بقى وحالتى كانت كرب
كنت بتحرك برجلى الشمال واليمين بسحبها ورايا
وافتكرت رشا لما قالت انى هحتاج شراب بعد العمليه اتزحلق بيه
قلت يامين يديلي الشراب ده دلوقتى
وخصوصا ان جوزى من تر ما بيلف على مكان للعربيه دخلت للدكتور وخلصت وانا لوحدى واعدت استنيته وفي الاخر مركنش وجه خدنى ن ادام باب المستشفى :(

وال ايه بقى استجدعت وجيت على نفسي واخدتلى 2 بنادول وقلتله تعالى نلف دلوقتى قبل زحمه بعد الفطار والنهارده الخميس نروح نجيب لملك هدوم للعيد ههههههههههه
معرفتش طبعا امشي ولا ابص على حاجه
وبعدين لاقيت جيت اشتري بقى ماقدرتش اكمل فرجه ولا قياس وهبل من ده كله مشينا وقلت مش مهم تبقى تلبس اى حاجه من قبل كده عندها وخلاص :(

kato;10287050:
ما تقلقيش يا قمر انتى لسة فى الاول وان شاء الله مافيش اى خطر عيشى حياتك عادى وكلى بس لا تشيلى اى حاجة تقيلة ولا تجهدى نفسك اهم حاجة فى اول 3 شهور وان شاء الله خير انا عملت كل حاجة غلط فى الحمل فى الاول كنت عروسة بقا ومبسوطة بنفسى بجرى وبنط وبلعب وبسافر لكن الحمد لله ربنا ستر وبعد كدة اتهدية من اعراض الحمل ههههههههههههه وكنت لو شوفت الشارع نعمة :D سبيها لله وربنا هيسترها ان شاء الله وتولدى بالسلامة يا قمر

انتى عارفة انا كنت بحاول اخس الشهر اللى فات ده و كنت بمشى كتير و بلعب تمارين كتير و كنت بحاول طول مانا قاعدة اشفط بطنى لجوة جامد علشان كده مكنتش متوقعة ان فيه حمل بس سبحان الله حصل الشهر ده :)

والله يا كاتو انا فى الحمل ده طبعا جه على غفلة وكنا مش عاملين حسابنا وكنت تعبانة وبرجع كنت حامل فى الشهر التانى ومش عارفة وكل ما ارجع جوزى يهزر ويضحك ويقولى لحسن تكونى حامل اقوله بس ياولا هههههههههههه حامل ايه طب اهو عشان اثبتلك انى مش حامل واطلع على السرير وانط من فوقه على الارض بتاع 5 او 6 مرات والهزار ده اتكرر ياما اوى وعادى هههههههههههه ربنا ستر ولطف وانا حامل دلوقتى فى الشهر الخامس والبيبى ماشاء الله لاقوة الا بالله زى الفل وتمام الحمد لله

om_tota;10287033:
الحمد لله كويسة
بقت عدوانية وشرانية وعصبية وكل حاجة نفسيتها يعينى مدمرة

تلاقيها حاسة ان ماما هتجيب ان شاء الله نونو جديد وهتهتم بية وتسيبها وغيرانة عشان كدة نفسيتها مدمرة هما الاطفال كدة حساسين جدا المهم انتى طولى بالك وهى بعد كدة هتتأقلم بس هيكون صعب فى الاول

ربنا يخليكي يابريد