تجمع وتجهيزات ورغى حوامل مصر العساسيل لشهر رمضان الكريم

فراشة الإيمان;10220037:
ان شاء الله ولد واستقرينا على زياد بإذن الله(a)

ما شاء الله انا نفسي اسمه بس جوزي مش راضي وله بنتي تقولي زياد لا يوتف بس اصل هي بتنطق يوسف كده
يارب يتمم لنا جميعا علي خير

لا يا ايمان لازم تروحي تكشفي متخفيش ايه البنات الفرافير دي هههههههه
دي سهل اوي بس متشديش نفسك
وبعد كده انتي حتي لو رحتي علي الولاده لازم هيكشف ويشوف الرحم فاتح كم سم
يعني كده كده هتكشفي

meshmesh_romio;10220096:
ايمى لازم تروحى ياقمر عشان تطمنى عالبيبى كمان

:o:o:o

ميرفى50;10219975:
ازيك يا اسماء انا اسفه لو الاسم مش صح انا الحمدلله واتصالحنا امبارح بعد معاناه يالله الحمدلله انت بقى اللى اخبارك ايه والحامل عامل معاكى ايه

الحمد لله ربنا يهديهولك يارب

فراشة الإيمان;10219980:
انا بدعى للكل من دلوقتى وطبعا مش هانسى كل حامل ساعه الولاده ربنا ييسرها عليا وعليكوا وعلى كل حامل يارب

انا كمان يا ايمى ادعييييييييييلى اولد طبيعى فى اول اسبوع فى التاسع :D

فراشة الإيمان;10219986:
انا عندى صداع فظيع من امبارح ومش عارفه اخد حاجه اهئ اهئ اهئ

سلامتك يا قمرة ده تلاقيه من الحالة النفسية

هقولك حاجة حلوة قوى خدى قرص بنادول العادى دى آمن للحوامل والله حتى فى ال 3 شهور الاولى

و انا لما بيكون عندى صداع بعمل حاجة لطيفة بجيب ايشارب و ابله مية ساقعة قووووى و اربط دماغى بيه قوى الصداع بيرووووووووح:D

garfeild;10220002:

انا اسماء صح مش غلط شطورة
والحمد لله انكو اتصالحتوا ويارب يبعد عنكم اي شر يارب
انا الحمد لله كويسه ومبقتش اقدر اصوم وبقيت فاطره:D

انا سابقاكى فى الحمل باسبوع و فاطرة من اول رمضان عشان مش بقدر خالص و بهبط جدا

:D

meshmesh_romio;10220018:
كلامك صح 100% واضيف عليه كمان نونا يعنى تيته ونونو يعنى جدو هههههههههههه ملهمش علاقه خالص بالعربى



اهلا فراشه عايزاكى تدخلى على طول لحد الولاده عشان ببقى قلقانه كل يوم اقول فقست والا مافقستش هههههههههه



الحمد لله والف مبروك عالصلح وبهذه المناسبه احب اهديكم اغنية الصلح خير قوم نتصالح ده الصلح خير ههههههههههههه

متقلقيش يا مارى

لو فراشة اختفت فى اى وقت هطمنكم عليها باذن الله :)

فراشة الإيمان;10220024:
الرد ده للدكتوره بنت النيل لقيته وانا بدور على حاجه تسرع الولاده وقلت اجيبه ليكم

يمكن ينفعكوا

السلام عليكم

من جديد اعيد وفي الإعادة الإفادة ان شاء الله ان زيت الخروع خطير و لا ينصح به هو و كل محرضات الولادة الاخرى , و لا يجب ان تتناولها الحامل الا تحت اشراف طبي متخصص و بعد ان يحدث التوسع الفعلي لعنق الرحم

ولقد وجدت بنفسي ان استعمالات زيت الخروع لاكثر من سيدة حامل شكل لها خطرا كبيرا وموتا محتما فى حالات اخرى لولا ستر الله خاصة اذا ما استخدم بطريقة غير صحيحة , فى وقت غير مناسب بكميات وجرعات عشوائية غير محدده او بدون استشارة الطبيب المتابع للحمل ...

فطبيا يحذر تناول الخروع CASTOR OIL او محرضات الرحم ( اى كانت ما هى ) قبل تهيئة عنق الرحم وتمطيطه وظهور علامات الولادة الاولى كتوسع عنق الرحم وخروج الافرازات المخاطية (السدادة المخاطية ) ويجب ان يكون تحت اشراف الطبيبة وبملاحظة تخطيط التقلصات او مراقبة نبضات القلب للجنين ...

لماذا ؟؟؟

لان التحريض الزائد للرحم قبل تهيئة عنق الرحم يؤدي الى تحريض الطلق وزيادة التقلصات ما ينتج عنه:

انفصال الاتصال مابين المشيمة والرحمutero-placental insufficiency وقلة وصول الاوكسجينhypoxia الى الجنين والتاثير عليه وتعسر الى الولادة احيانا مما قد يؤدي بك الى القيصرية لعدم تقدم وضع الولادة والخوف على الجنين ...

كما ان التحريض بواسطة زيت الخروع والمحرضات قبل تهيئة الرحم يؤدي احيانا الى انفجار ماء الراس قبل الولادة واحيانا الى التهابات نتيجة ان الولادة قد تطول واحيانا الى تدلى الحبل السري للجنين او التفافه حول رقبته ..

لذلك لايجب اخذ المحرضات قبل تهيئة عنق الرحم للولادة وتحت اشراف الطبيبة و لو لاحظتن ستجدن ان اغلبية السيدات اللاتي جربنه يشتكين من اثاره الجانبية كالطلق الحامي والاسهال والتعب والاعياء و الغثيان والاغماء ويطلق عليها طبيا enema فى بعض الحالات والنزف عند الولادة وكل ذلك يحدث نتيجة الاثار الجانبية لتناول الخروع و نتيجة للتعب وعدم توافق الطلق مع انفتاح عنق الرحم ...

لذلك يجب عليك استشارة الطبيبة قبل اخذه ولا يجب عليك اخذه الا بعد تهيئة الرحم وانفتاحه وبدء حدوث الانقباضات الرحمية ...

بالنسبة لكِ انصحك :
باكل العسل النحل ملعقتين كبيرتين يوميا
تناول 9 تمرات او 9 حبات من الرطب يوميا
الجماع والقذف داخل الرحم وتظلى نائمة على ظهرك لمدة ساعة

فكل ما سبق ينشط الياف الرحم العضلية ويساعد على تحريض عنق الرحم دون ان يعرض الحامل لاى مشكلة ..

ربنا يكرمك يارب

نفس اللى الدكتور بتاعى قالهولى بالضبببببببببببببببببط

و قاللى اكل عسل و تمر

meshmesh_romio;10220036:
دودو ايه اخبارك رجلك ياروحى يارب تكون احسن
والبت هويدا فين النهارده

انا الحمد لله احسن النهاردة يا مشمش

بس الوجع حالل على جسمى وجسمى كله بيوجعنى من الوقعة الحمد لله

garfeild;10220059:
[QUOTE=أجمل ايام العمر;10220019]



هتوحشينا قوى يا سيمو

طيب ماما معندهاش نت ...؟؟؟ مش كنتى بتدخلى التجهيزات ...؟؟




كنت بدخل ياهدى بس جبت معايا الكمبيوتر بتاعي هنا :D لاني اصغر واحده في اخواتي وكلهم متجوزين قولت هسيب الكمبيوتر لمين وطمعت فيه وجبته هههههههههههههههههه
واهو في الكارتونه بتاعته من وقتها وبستخدم كمبيوتر جوزي :D
بفكر اخده معايا تاني ههههههههههههههههههههههههه

طبعا لازم تاخديه معاكى من غير تفكيييييييييييييير

قصة كبيرة;10220069:
تسلمى يا قمر

بنات انا ماشية اشوفكم لاحقًا على خير ان شاء الله

سلام

مع السلامة يا بيبو

خللى بالك من نفسك و من البيبى

ميرفى50;10220076:
والله يا فراشه الدكتورة قالتى لسه البنت ما نزلتيش الحوض وادتنى ميعاد علشان اروح لها يوم الاربعاء ااما بقى للوجع بيجى بس بسيط اوى

ربنا معاكى يا ميرفى و يهون عليكى يارب

meshmesh_romio;10220088:
هى رشا مظهرتش برضو

رشا ظهرت و قالت لندى انها حالتها النفسية تعبانة و ندعلها ربنا يفك كربها و يحمى وادها و يحفظ حملها و قالت كمان يومين هتدخل تتكلم عشان هى مش قادرة دلوقتى :)

ربنا يطمننا عليها يارب

فراشة الإيمان;10220089:
انا الوجع بقاله كام يوم مختفى مش عارفه بقى ده الهدوء اللى بيسبق العاصفه ولا ايه:ss:

ومعادى مع الدكتور يوم السبت بس مش هاروح لانه قالى انه هايشكف نسا وده مستحييييل فعمل عبيطه ومش هاروح الا لما يجيلى وجع لانى لو روحت فى اى وقت هايكشف نسا:confused:

كشف النسا ده سهل والله كشفت كتير و على فكرة ممكن لو رحتى و كشفتى نسا الدكتور بيعمل توسيع بسيط و الولادة تسرع

والله ما تخافى و رخى عضلاتك مش هتحسى باى حاجة

البرج اليسر;10220098:
ما شاء الله انا نفسي اسمه بس جوزي مش راضي وله بنتي تقولي زياد لا يوتف بس اصل هي بتنطق يوسف كده
يارب يتمم لنا جميعا علي خير

حلو قوى اسم يوسف (y)

البرج اليسر;10220098:
ما شاء الله انا نفسي اسمه بس جوزي مش راضي وله بنتي تقولي زياد لا يوتف بس اصل هي بتنطق يوسف كده
يارب يتمم لنا جميعا علي خير

ما شاء الله ندي برده بتقول السين ث مش عارفه ليه
هي يارا عندها اد ايه

انا كمان نفسى لما اجيب ولد اسميه يوسف

دودو انا كمان جسمى كله واجعنى وخاصة رجلى عاااااااا والدكتور مش راضى يكتبلى على حاجه عشان انا كنت باخد دوا عشان كانت رجلى وارمه وهو بيقولى مينفعش اتبلك حاجه تانى وانتى لسه مخلصه الدواء

سلامتك يا مشمش

بس انا جسمى واجعنى من الوقعة

انا هقوم علشان اجهز الفطار واروق في البيت شويه يعني اعمل حركات كده قبل ما امشي:D علشان جوزي يحس بالفرق علشان يعرف قيمتي (6) وانا مش موجوده
اشوفكم على خير ان شاء الله يابنات
ادعولي ربنا يستر ومتعبش من السفر لان ماما في الزقازيق والمطبات مقولوكوش عليها تحفه تحفه تحفة ربنا يستر
يلا بأه سلاااااااااااااااااااااااااااااااااااام (f)(f)(f)(f)

سلامتك يا هدي فعلا الوقعه بتحسي جسمك مكسر
بس كم يوم ويرجع زي الاول الله يكون في عونك
وربنا يشفيكي يارب

سلام يا سيمو هتوةحشيني
وتروحي وترجعي بلسلامه

الف سلامه عليكى ياهدى ومعلش هى الوقعه لازم تسيب اثر الحمد لله على كده


سيمو تسافرى وترجعى بالف سلامه واكيدجوزو هيحس بفرق طبعااااااااااااااااااااااااااا

toty858;10217536:
ادعولى يا بنات محتاجة الدعاء اوى

ربنا يفك كربك يا توتى ويريح بالك يارب
وطمنينا عليكى

قصة كبيرة;10219206:
صحيح معلش سألت قبل كده بس نسيت

هو لفلى فيه بنطلونات حمل وبكام؟؟ كل ماعدى عليه الاقيه قافل .. مواعيده ايه فى رمضان؟؟
والمشمع بتاع وقت تغيير البامبرز للبيبى بتجيبوه منين؟

المشمع فى اى محل بيبيع حاجات اطفال وفالتوحيد والنور

UMM MOAZ;10219425:
السلام عليكم ............ازايكم يا قمرات يا حلوين..............محدش يعني قالي رائية في اسم( براء )بصوا هو معناه(جمع بريء : وهو الطاهر من الإثم والعيب والتهمة ، السَّليم من الخطر أو المرض ، أول أو آخر ليلة من الشهر العربي ، .البراء بن عازب : قائد صحابي من أصحاب الفتوح)

ماشاء الله معنى الاسم حلو قوى
ممكن تقترحى عليا اسماء بنات بس تكون نطقها سهل وليها معنى حلو

garfeild;10219943:
ازيكم ياحلوين
انا النهارده اخر مشاركة ليا معاكو :( والله هتوحشوني
ان شاء الله هسافر بكره لماما ومش هرجع غير بعد العيد
اشوفكم ان شاء الله بعد العيد على خير
ادعولي وانا كمان هدعيلكم
(f)(f):15::15:

هتوحشينا ياسيمو خالى بالك من نفسك ومتتاخريش بعد العيد ولو عرفتى تدخلى من الموبيل طمنينا عليكى
تروحى وتيجى بالسلامه

hoba555;10220123:
ما شاء الله ندي برده بتقول السين ث مش عارفه ليه
هي يارا عندها اد ايه

هندها سنتين و3 شهور

هدى اخبارك ايه النهارده وحاولى تريحى اليومين دول
وكويس انك اطمنتى على لولى

هوبا ازيك وكل سنه ونودى بخير يارب وعقبال ماتشوفيها عروسه زى القمر

صحيح يا هوبا انتى ولدتى فين وبكام

وحد يعرف حاجه عن مستشفى سان بيتر

بنات انا عوزه حد يقولى الجبنه المثلثات فيها حاجه للحامل

رشا برده دخلت النهاردة ومتكلمتش مش عارفة ليه

البرج اليسر;10220197:
هندها سنتين و3 شهور

ربنا يخليهالك يا مني وتفرحي بيها وباخوها ان شاء الله

crazy ananas;10220205:
هوبا ازيك وكل سنه ونودى بخير يارب وعقبال ماتشوفيها عروسه زى القمر

صحيح يا هوبا انتى ولدتى فين وبكام

وحد يعرف حاجه عن مستشفى سان بيتر

وانتي طيبه يا نوسه انا ولدت هنا عند ماما مش في كايرو
وولدت بلاش:D

ربنا يخليكي يا هوبا