تجمع وتجهيزات ورغى حوامل مصر العساسيل لشهر رمضان الكريم

حد هنا؟؟؟؟

أمةالله;10215763:

قولوا لي رأيكم في صورة عبدالله الجديدة؟؟ أصل اللي في الصورة الرمزية كان عندوا 5 شهور :)

ماشاء الله الله اكبر زى القمر راجل وسيد الرجاله كمان :) ربنا يخلهولك ويباركلك فيه يارب
وعقبال ماتشوفيه عريس يارب

yomizo;10215898:
ده موضوع انى انا ومى عمالين ناكل في تلج
يعنى باختصار انا كل شويه بفتح الفريزر واعمل تلج واول مايتجمد باروح حطاه في حجري واعد اقرقش فيه وبشراهه

فلما سالت دكاتره قالوا ان ده يدل على نقص حديد في الجسم والحمد لله

الف سلامه عليكى يا يميم وياريت تقولى الموضوع ده للدكتور اللى بتبعى معاه عشان لو فى حاجه ممكن تعلى بيها الحديد قبل الولاده

أمةالله;10215929:

الولد قليل الأدب بقالي شهور بحاول أصوره بس الصور كلها تطلع مهزوزة أو ميطلعش شبه نفسه :ss::ss:

طالع لي المجرم صوري دايما وحشة ومش شبهي

معلش بس صوريه علطول عشان بتبئا ذكرى حلوه لما يكبر وكمان صوريه فيديو بجد لما تشوفيها لما يكبر هتفرحى بيهم قوى

أمةالله;10215975:
هو أنا ينفع آخد حديد من دماغي؟؟ ولا لازم أشوف دكتور؟؟

بلاش لان الحديد بيعمل امساك والدكتور ممكن يكتبلك حاجه مش بتعمل امساك
انا باخد حديد شراب والحمد لله مش بيعمل امساك

loveway;10215977:
هي يابنات اكل المانجو كتير غلط في الحمل ولا اية؟

مش محتاج سؤال خالص
لانها مليانه املاح وكترها غلط عليكى اكتر من البيبى نفسه تقريبا

عروس البحر;10216048:
سلام عليكم يابنات

إزيكوا كلكوا عاملين ايه

أفيدوني افادكم الله

الدكتور قاللي استمر في المثبت والفوليك لاخر الرابع حد عنده خافية قاللي ليه كدة؟؟

انا استغربت جدااااااااااااا
اصل انا اتصلت بيه لاني كنت تعبانة جدا وحسيت بنغز جامد تحت كدة فاتخضيت قاللي عادي المهم سألته بالمرة لولا اني سألته مكنش قاللي ابطل بقى المثبت على اساس اني خلاص اخر التالت قاللي لا!!!

ازيك يا عروس يارب تكونى بخير
هو انتى بتكشفى علطول بالتليفون ليه
والف سلامه وربنا يكملك على خير وبلاش كل حاجه تحسى بيها تقلقى منها علطول انتى لسه فالرابع وفى حاجات كتير هتحسى بيها عشان كل شهر وله اعراضه
وان شاء الله مفيش حاجه وحشه

ازيكم يا قمرات كنت عاوزة اسألكم على حاجه انا اول ماروحت للدكتورة كتبتلى مثبت مع الفوليك اسيد بس انا بصراحه ومحدش يسألنى ليه عملت كده بطلت اخد المثبت من نفسى يعنى خلصت نص الشريط تقريبا وبطلت اخده مش عارفه انا عملت ليه كده بس يمكن عشان انا اصلا مش بعرف انتظم على اخد الدوا طول عمرى بس الفوليك باخده بس للاسف فى مواعيد مش منتظمه بسبب انى مش باكل وجبات كامله باكل من وقت للتانى كده فاكهه او خضار او اى حاجه حد يقدر يفيدنى؟

عروس البحر;10216542:
ربنا يخليكي ويكرمك يارب ياتوتا ويكملك انتي كمان على خير اميييييييييييين

انا ولا اعرف عيب الدكتور دى انه غايظني وفارسني وماما عايزني اغيره لانه بيتعصب اوي من اقل سؤال او اي شكوى مش فاهمة دكتور ايه دى المفروض يكون صبور وكدة ويفهم اللي ادامه بالراحة واصلا اول ما اي حد يدخله عينه في اللاب توب بتاعه وتتكلمي وهو في اللاب توب فاتح عالياهو المهم غايظني وجوزي انا مسكتاه بالعافية متغاظ منه بردو

غيريه يا شيخه اهم حاجه فالموضوع كله ان يكون معاكى دكتور يطمنك وانتى بترتاحى معاه وواثقه فيه عشان المشوار طويل ومش ناقصه قلق من الدكتور اهم حاجه تكونى مرتاحه نفسيا

ازيك يا اناناسة يا جميلة يارب تكونى بخير

عروس البحر;10216542:
ربنا يخليكي ويكرمك يارب ياتوتا ويكملك انتي كمان على خير اميييييييييييين

انا ولا اعرف عيب الدكتور دى انه غايظني وفارسني وماما عايزني اغيره لانه بيتعصب اوي من اقل سؤال او اي شكوى مش فاهمة دكتور ايه دى المفروض يكون صبور وكدة ويفهم اللي ادامه بالراحة واصلا اول ما اي حد يدخله عينه في اللاب توب بتاعه وتتكلمي وهو في اللاب توب فاتح عالياهو المهم غايظني وجوزي انا مسكتاه بالعافية متغاظ منه بردو

لية يعنى هو انتى رايحاله ببلاش .. يعنى حتى لو شاطر مهنيا الواحدة فى اول حمل بتبقى محتاجة الدكتور اللى بيسمع قبل شطارته فى المهنة لآننا اول مرة و كل حاجة بنحس بيها بنبقى عايزين نعرف سببها اية ونطمن و اسئلتنا فى الاول كتيرة فلازم لازم تكونى بترتاحى مع دكتورك قبل اى حاجة و يكون هو اصلا مديلك المساحة الكافية و الوقت الكافى اللى تستفسرى فيه عن كل حاجة مش قاعد عل ياهوو بيتشات :D حاولى تغيريه بجد عشان التوتر اللى انتى فيه دة هيأثر على البيبي و دة غلط ربنا يطمنا عليكى يارب و يتمملك على خير

*عروس حبيبى*;10216601:
ازيكم يا قمرات كنت عاوزة اسألكم على حاجه انا اول ماروحت للدكتورة كتبتلى مثبت مع الفوليك اسيد بس انا بصراحه ومحدش يسألنى ليه عملت كده بطلت اخد المثبت من نفسى يعنى خلصت نص الشريط تقريبا وبطلت اخده مش عارفه انا عملت ليه كده بس يمكن عشان انا اصلا مش بعرف انتظم على اخد الدوا طول عمرى بس الفوليك باخده بس للاسف فى مواعيد مش منتظمه بسبب انى مش باكل وجبات كامله باكل من وقت للتانى كده فاكهه او خضار او اى حاجه حد يقدر يفيدنى؟

لا يا عروس انتى غلطانه جداااااااااااااااا حرام عليكى انتى معاكى امانه لزم تحفظى عليها
كدا غلط يا عروس وحاولى تخدى الحاجات ديه كل يوم مش مهم فى معاد معين المهم تخديها واحد الصبح وواحد بليل انتى طول الحمل هتخدى حاجات فيتامينات وحديد وكدا هتعملى ايه سعتها معلش حاولى تنتظمى واعتبريه من روتينك اليومي وحطيهم فى مكان يكون قصادك علطول عشان تفتكريه

*عروس حبيبى*;10216601:
ازيكم يا قمرات كنت عاوزة اسألكم على حاجه انا اول ماروحت للدكتورة كتبتلى مثبت مع الفوليك اسيد بس انا بصراحه ومحدش يسألنى ليه عملت كده بطلت اخد المثبت من نفسى يعنى خلصت نص الشريط تقريبا وبطلت اخده مش عارفه انا عملت ليه كده بس يمكن عشان انا اصلا مش بعرف انتظم على اخد الدوا طول عمرى بس الفوليك باخده بس للاسف فى مواعيد مش منتظمه بسبب انى مش باكل وجبات كامله باكل من وقت للتانى كده فاكهه او خضار او اى حاجه حد يقدر يفيدنى؟

لازم تعرفى انتى محتاجاه فعلا ولا لا يعنى لو لا قدر الله كان نزل عليكى دم او لون بنى او بيجيلك مغص فهما بيخافوا يكون انذار للاجهاض فبيدولك مثبت و فى الحالة دى يبقى ضرورى جدا و غلط تبطليه من نفسك لكن فى ناس بتكتبه كدة بدون شك فى حاجة للامان يعنى و فى الحالة دى مش هيكون خطر ان شاء الله بس لازم تقولى للدكتورة انك وقفتيه و تشوفى هتقلك اية

استنوا محدش يمشي انا هقوم اخد شاور سريع كدة حاسة بهبوط وضغطي كالعااااادة واطي

وحاجة كابسة على عيني هجيلكوا محدش يحول المحطة

ازيك يا ميرو فرحتلك قوى عشان النونو

اخبار الجواز ايه وعمله ايه فالحمل

هى الدكتورة كتبته من غير ماتسألنى اصلا فيه دم ولا اى حاجه كتبته كده للأمان يعنى وانا اللهم لك الحمد مش بشوف دم ولا حاجات بنى الحمدلله فعشان كده محسيتوش له لزمه بس عموما انا هغير الدكتورة دى وهبقى انتظم مع حد تانى باذن الله

crazy ananas;10214634:



ازيك انتى يا نيفو اخبار التاسع ايه صحيح انتى هتجيبى ايه ان شاء الله واختارتى اسم وله لسه وهتولدى فين ان شاء الله

هلا هلا انانسه ياقمر
انا الحمد لله يا قلبى
والتاسع دة الله يعينى عليه والله كله زهق وطقه وملل شهر ب8 الشهور اللى فاتوا
غير الاوجاع اللى بتيجى على مدار اليوم ياله كله باجرة ان شاء الله
وان شاء الله النونو بنوته (})
وباذن الله هنسميها جويريه واللى هيكون صعب عليه الاسم هخنليه يدلعها جورى

بالنسبه للولادة انا بتابع مع دكتور ممتااااااااااااز جدا وبيقدم برامج فى التلفزيون وماسك قسم فى مستشفى عين شمس التخصصى
ولحد دلوقتى يمكن اولد فى مستشفى القاهرة التخصصى

loveway;10215977:
هي يابنات اكل المانجو كتير غلط في الحمل ولا اية؟

فيها املاح كتير وهتزود عليكى الضغط وورم الرجل
ممكن تاكلى فى الاسبوع حبيتين

*عروس حبيبى*;10216601:
ازيكم يا قمرات كنت عاوزة اسألكم على حاجه انا اول ماروحت للدكتورة كتبتلى مثبت مع الفوليك اسيد بس انا بصراحه ومحدش يسألنى ليه عملت كده بطلت اخد المثبت من نفسى يعنى خلصت نص الشريط تقريبا وبطلت اخده مش عارفه انا عملت ليه كده بس يمكن عشان انا اصلا مش بعرف انتظم على اخد الدوا طول عمرى بس الفوليك باخده بس للاسف فى مواعيد مش منتظمه بسبب انى مش باكل وجبات كامله باكل من وقت للتانى كده فاكهه او خضار او اى حاجه حد يقدر يفيدنى؟

مدام الدكتورة كتبتلك على مثبت يبقى هى شايفه الوضع وهى اكتر منك درايه
وبلاش توقفى الادويه من دماغك
واذا مكنش علشانك يبقى علشان الروح اللى امانه عندك وانتى شيلاها فى رحمك(f)

أمةالله;10215763:
أنا بلبس واحدة :)

أسهل نوعا ما من الإسدال في الحركة مع عبدالله والعك بتاعه

بس محتاجة لسة أفصل عبابات تانية لأني كنت بلبس عباية مشغولة لأني بلبس إسدال فوقها بس من ساعة ما عملت البتاعة دي فصلت لها عبايتين واسعين ومن غير شغل بس مش ملاحقة عليهم غسيل ومكوة

عبدالله ما شاء الله بيخلي العباية عايزة تتغسل بعد كل لبسة :confused::confused:

قولوا لي رأيكم في صورة عبدالله الجديدة؟؟ أصل اللي في الصورة الرمزية كان عندوا 5 شهور :)

بسم الله ماشاء الله زى القمر اللهم بارك عليه كنت هقلك لو طلعت ان شاء الله حامل فى بنت هحجزهولها بس عارفة ان ماميهات كتير هنا هيضربونى و عينهم عليه و الحجز بالاولوية بس لو هو مرديش بحد فيهم ابقى خليه يعدى ياخد نظرة من عندنا :tongue::tongue::D:D

*عروس حبيبى*;10216677:
هى الدكتورة كتبته من غير ماتسألنى اصلا فيه دم ولا اى حاجه كتبته كده للأمان يعنى وانا اللهم لك الحمد مش بشوف دم ولا حاجات بنى الحمدلله فعشان كده محسيتوش له لزمه بس عموما انا هغير الدكتورة دى وهبقى انتظم مع حد تانى باذن الله

يمكن شافت حاجة فى السونار؟؟؟؟؟

لالا كتبته من قبل ماتشوف السونار اصل انا روحتلها بعد ميعاد البيريود بيومين بس (كنت مستعجله:D)وبعدها باسبوع رحت شفته سونار وكان تمام الحمدلله

ازيكوووووووووووووووووو؟؟؟؟
نونة.... لازم تروحى لدكتور مرتحاله نفسيا
والله انا غيرت دكاترة كتييير عشان موضوع الراحة دة ... ربنا يستر بقى
نيفوووووووو... انا كمااان احتمال كبير ان شاء الله اسمى جويرية..
بس المشكلة اللى حوالينا مش متقبلين الاسم اوى....
بس بجد كل ما افكر اتراجع عن الاسم الاقى حد يشجعنى عليه....
الله المستعااان

*عروس حبيبى*;10216719:
لالا كتبته من قبل ماتشوف السونار اصل انا روحتلها بعد ميعاد البيريود بيومين بس (كنت مستعجله:D)وبعدها باسبوع رحت شفته سونار وكان تمام الحمدلله

ههههههههههه ربنا يتمملك على خير يارب بس لو هى شاطرة فى كل حاجة و بترتاحى معاها خلاص متغييرهاش اما بقى لو مش بتسمعك وتسألك و تاخد وتدى معاكى يبقى حاولى تشوفى حد تانى عشان بجد فى الاول الواحد بيبقى محتاس و قلقان من كل حاجة و مفيش مصدر موثوق يسمع منه غير دكتورته اللى ادرى بحالته فلما تكون مش مريحة هتتعبك نفسيا و نفسيتك اهم حاجة دلوقتى..فكرى هى اية عيوبها و مريحاكى ولالا و اعملى استخارة و ربنا يقدملك اللى فيه الخير

عروس البحر;10216664:
استنوا محدش يمشي انا هقوم اخد شاور سريع كدة حاسة بهبوط وضغطي كالعااااادة واطي

وحاجة كابسة على عيني هجيلكوا محدش يحول المحطة

بعد الشر عنك يا قلبو
قبل ماتاخدى الدش اشربى عصير علشان الهبوط اللى عندك دة

*عروس حبيبى*;10216719:
لالا كتبته من قبل ماتشوف السونار اصل انا روحتلها بعد ميعاد البيريود بيومين بس (كنت مستعجله:D)وبعدها باسبوع رحت شفته سونار وكان تمام الحمدلله

المثبت يا قلبى اذا مانفع ما بيضر
يعنى مافيش اى قلق من انك تاخديه

lifedrop;10216739:
ازيكوووووووووووووووووو؟؟؟؟
نونة.... لازم تروحى لدكتور مرتحاله نفسيا
والله انا غيرت دكاترة كتييير عشان موضوع الراحة دة ... ربنا يستر بقى
نيفوووووووو... انا كمااان احتمال كبير ان شاء الله اسمى جويرية..
بس المشكلة اللى حوالينا مش متقبلين الاسم اوى....
بس بجد كل ما افكر اتراجع عن الاسم الاقى حد يشجعنى عليه....
الله المستعااان

بصى يا دودو انا مختارة الاسم دة من اول مااتخطبنا تقريبا من 3 سنين
وزوجى كان موافق عليه
كل الناس بلا استثناء معترضين اهلى واهله
فانا بقولهم اللى مش عاجبه يقولها جورى
ودى بنتى وانا اللى حملت فيها 9 شهور حد فيكم تعب معايا فيها:wink:
وبعدين دة اسم زوجه الرسول عليه افضل الصلاه والسلام
يعنى مافيش احسن من كدة
كنت فكرت فى اسم جنى واستقريت عليه ورجعت تانى مش قادرة اغير اسم جويريه(})
يارب يارب تيجى بالسلامه

neeevooo;10216681:
هلا هلا انانسه ياقمر
انا الحمد لله يا قلبى
والتاسع دة الله يعينى عليه والله كله زهق وطقه وملل شهر ب8 الشهور اللى فاتوا
غير الاوجاع اللى بتيجى على مدار اليوم ياله كله باجرة ان شاء الله
وان شاء الله النونو بنوته (})
وباذن الله هنسميها جويريه واللى هيكون صعب عليه الاسم هخنليه يدلعها جورى

بالنسبه للولادة انا بتابع مع دكتور ممتااااااااااااز جدا وبيقدم برامج فى التلفزيون وماسك قسم فى مستشفى عين شمس التخصصى
ولحد دلوقتى يمكن اولد فى مستشفى القاهرة التخصصى

ربنا يعينك ويكملك على خير خلاص هانت يا نيفو كلها ايام وجوجو تكون فى حضنك ان شاء الله بالسلامه وربنا يطمنا عليكم يارب

وبنا يطمنك انا وراكى علطول طب ممكن تقولى بتحسى بى ايه فالتاسع اهو الواحد يحضر نفسه
:D